*Haven* ch~7 by~Natasha Hrahsel

[Natasha Hrahsel]

*HAVEN* ch~7 by~Natasha Hrahsel






"Daf i inpeih tawh em ?"





"Inpeih tep " room atang ka ti lâng lâng a , ka bag ah paper pawimawh leh lehkhabu vel chu khunglut zung zung in ka chhuak zui nghal "ka hman " ti sap in kan inzui chhuak zui a , helam hi kawng hi kala chian loh vang leh bus stand takngial pawh kala hriat loh vangin first period nei velo mah ila Lawmi ruala ka kal angai tho .

"Step hi thui lo deuh se " thaw hluam hluam in Lawmi'n a ti sap a ,ka lo nui mai chu "ani lawm , powder te han inhnawih ve mah ila kawmgpui kan thlenchhoh hi chuan thlanin min chiahkawi nuaih zel a " ka nui zui hak hak .Makeup pawh amamawh lo mawle , avun analh in a ngo bawk sia han inhnawih belh vak amamawh lo .








"Class bânah Patea kan be dawn nia aw , ilo awm chu ka van lawm tak .Ka taksa pawn a ngeih ang " hrethiamlo zet in "engvâng chuan " kalo ti tawi tak
"Zîng lam hi chaw ka ei mumal ngailo a , ka pum hian atuar phah ka hlau deuh thin .Zîng lama thil ei hi a harsa ve bawk em a , mahse eipui tur i awm a azia deuh tawh " ka bu ve nghauh nghauh .







Bus alo thleng a , thutna chanloh hlau emaw tih mai tur a rangin Lawmi a lut zui a ,a thawl ropui mai sia ! Ahnungber ah kan thu dun nghal thuai .
Akil lamah thu in tukverh atang chuan ka hawikual a , panlam in anglo tak tak inkal pel suau suau te .Nitin eichawp zawng a thu dawrkai te chu kan tlânpel zut zut a , rei vakloh ah kan ding leh thin thung .
Ramkhat a khawsa theuh theuh dinhmun inang lo tak tak ti hian intibuai mang lo in kan chêng za leh mai bawk a ! Ngaihtuah chet chet phei chuan kan boruak hîp luh dân thleng te hian amak vel vek .






"Nge i ngaihtuah vung vung ? Chhuk ang " Lawmi'n a rawn tih hlak chuan college kan thleng tih ka hre chawpchilh nghal .
Kan luh hma in kan thlîr deuh vang vang phawt a , zirna zawm ka chak thin em em kha atakah tunah athleng a ,mahse ka hlauthawng tel lo theilo .Kum thum chhung chu helai hmunah hian ka tâl ve fat fat dawn a , chhungte support tu ka neih loh piah lamah keimah a engkim ka indap chawp vek angai dawn tih ka ngaihtuah châng phei hi chuan ka college zawm ve ngawt hi ka tân athat ber rin loh châng ka ngah .

Engpawh nise ka ti ve ta ro ro , ka theihtawp ka chhuah phawt anga , ka tlin ngang loh leh hna pangai engemaw ka zawng ve tawh mai aniang chu .Ka pi pawisa min pek hi hman heu tumna ka neilo a , ka kawlsa hian tûnthla han intum fel ila class bân ah ka theih ang tawk tawk zân lam pawh nise thawh tur ka dap angai ngei ang .







Assignment kan submit a , vawin class chu a holam angreng viau .Ka hnufual deuh bik vang erawhin professor te kâ atanga chhuak tawh phawt chu ka bengkhawn em em vek zel thung .

"Sir Vâna hi chu a ka ten deuh reuh thin ,kuhva ei sen suah chung hian class a rawn la a , tawng chungin a veikual a vei kual a ahma pawn ka lehkha ah a kuhva ei a rawn per tawh! Khata tang khan ka ten tawp thei tawhlo " kan nui zui bawk bawk chu thil ri tawk thawm ah kan hawi chhuak nghal hra !
Taxi leh Bus hi anlo insu alo ni !






"Horn ka rawn pek rik tuarh tuar che kha mawle " Taxi driver chu a rawn pâwr ngang mai !

"Signal ka pek let hun che lo nghak ve mai ta che , kawng a zîm a midang i sut te pawh ahlauhawm alawm ,ka bus ila su râng zui a hei passenger ka phur hnem si " Bus driver chuan a ti let ve thung a
"Hmanhmawh thlak loh se rawn lehpel che ka tum lo ang , motor lian in khalh chuan mi ken nachang te hriat ve tur , mawl chher chhur lutuk " Taxi driver chu atawng hlawk hlawih hlawih tan viau !
Bus driver pawn ngawih chuh bik ta chuanglo chuan an inhnial zawm a , kut hial an inthlak ta mai ! Mipui anlo pungkhawm a , kan hma a minhliah a an rawn din chuan Lawmi nen chiang deuh zawka kan en theih nan thuthleng ah kan ding kâmg nghal vah ! Mi chetsual karah hmuhnawm ti deuh a kanlo thlir chu in en in kan innuih leh rih a , ahunlo viau .






An inhnek tan ta mai chu midang in an lo thelh bet vat a ,"Police ko ru " tih te , "Taxi driver kha athiamlo hmasa " tih te a ni nuaih nuaih mai .Kawng an hnawhphui hneh em vangin traffic an ti jam vek a , horn thenkhat in an rawn ti ri leh tuarh tuarh thin bawk .

"Ka thiamloh ani hleinem , ka bus hi cm khat pawhin ka tawlhsawn tir dawnlo reng reng " Bus driver chuan a ti chhar chhar a , anaupang zawk mah nise taxi driver tawngkam kha ahlawk ve hlawih hlawih bawk em ani

Atu zawk nge thiamlo kan hre ve hmanlo chungin Taxi driver khân pangai takin be hmasa ta se tiang hi a thlen a rinawm loh .Chin hre ve lo mah ila kan hmuh chin atang âwn lam kan nei nghal der mai .






"Lawm kan kal tawh mai dawn mi ?" La thlëk ha ha chung chuan ka ti a "lawks ala hmuhnawm alawm , bakah traffic a jam vek hi " hmuhnawm ala ti ngang mai ! Kan hawkdak dûn mang e .







Police an rawn kal a , traffic lam pawh an rawn lang ve nghal zat ."Daff saw U Liansanga " Lawmi'n a tih rualin ka hmu ve nghal zat .A langsar bih larh a , sunglass vuahin a form nen chuan chhelo tak ani ! Ehe! Chhelo ka ti em ni ? Mahse tupawn an ti ve vek tho ang ka ring , kan piah a nula te pawn ph phawrhin an tin nghal sap sap hlawm mai .

"Station ah hruai phei mai ru " U Lsa chuan a ti that a , "Bus conductor khan bus akhalhthiam chuan dahsawn se , Ruata Taxi saw nangin va khalhsawn la " rem a ruat nghal zung zung chu hmuhnawm ti zetin kanlo thlir , ka tang lutuk kalo dingdihlip ak ak tih pawh ka inhre hleinem mawle !






"Kal darh ila , traffic ajam a sawlai ah sawn ambulance a tâng bawk a,kawng kan tih awl thuai angai " ti in mipui chu a hnawtdar zui a , hawikual vut vut a kan lam a rawn hawi chiah chuan thlebak hian atarmit tithla zeuhin min rawn en a akiai zui suk !
Bus chu an khalh sawn a , taxi pawn kawng zau lai deuh ah an dahsawn zui nghal bawk .Traffic police in kawng a thunun zui nghal a , U Lsa kan lam pan a lo kal mek chu ka lo melh ngawt ngawt laiin Lawmi'n minlo sik nawk nawk thung!






"Thuthleng a din kân ngai meuh tur khawp chu ahmuhnawm hle aniang maw ?" Nui suk hian a ti kher !
Lawmi nen inmelh ralh in kan chhuk nghal thuai , "mî in min hliah vek a kan hmu phâk lo a " ka ti tha ve mai a , âtthlak tih hmel zetin a nui ralh ralh .


"In bâng tawh em ni ?" Pangai zawk a atih chuan ka lu ka bu nghauh a , "ka treat ang cheu lo kal rawh u " a ti zui chu "angailo " ka ti nghal thuai .Min melh zui khui bawk .
"Laldaf ka ril atam reng sia "pakhatin alo ti nang nang chu ngei zetin ka melh zui a ,"enge ?" Ala rawn ti nang nang zui .U Lsa hi ka theih ang anga hlat hrih ka duh viau asin mawle , ka awmdan hi ka inhrethiambiklo !
"Khawiah nge kan ei ang ?" Lawmi'n a ti var a ,pakhat lahin "in duhna ber ah animai" alo ti sam et bawk !







"Min hmu chu i lawm vak nange ?"




"Chulam anilo " kan hma ah Lawmi akal lauh lauh a , ka rual kherin zu han kal a !




"Khawilam nge ?" Ava sual thiam mai mai tak ! "U Ls min fiam kual mai mai suh aw " ding meuhin ka ti deuh thawr , amitko a san uk a "fiamthu " a ti zui ve sup
"Aw nanghian keihi min chhaihkual mai mai suh , mipa ka ngaihsak hmanlo a , infiamkual leh lek phei chu ka hmanlo leh zual ."

"I buai hle mai " ka pet tawk dawn mawni ! Tinge ava han nghal thar em em ve ?





"Ka fiamkual lo che Daphne ka chhaihkual lo bawk che .Mipa i ngaihsak angailo , ka ngaihsak che anga atawk , ka tih tak tak zia i hre chho zel mai ang." Ka kal nghal hlawk hlawk
"Tikhan awm tawp la hma kalo la zel ang " hawiletin "i mawl ami ?" Ka ti sehchilh nawk nawk .Kan bul vel ami ten min ngaihven lo hlauh .
"Engesawi awmzia kha ?" lawmi'n a ti sap a , ka nuih liam tawp.Vawin hi enge maw a hriat pek ni ?






Lawmi duhna tak restaurant ah kan lut a , anlo thawl angreng viau kan kal hun hi alai ve angreng bawk em ani.
Lawmi nen kan thu dun a , kan ep ah U Lsa a thu thung .Ph hi akhawih mual mual a ,ahnu rei vaklo ah a beng ah chuktuah in "Ruata , ka motor kha a rem lai ah lo park ta che " a ti deuh nghut a , engmah sawizawm lo in a dah nghal mai bawk .Ahnuaia thawh chu ava han châkawm loh ber mai dawn tak .

"In duh duh chah rawh u " keimahni min en in a ti sup a ,Menu kan bih nghal zat .
Lawmi'n Chicken noodles soup a chah a , keiin fried momo ka chah thung .Strawberry milkshake chu to ka ti viau a ,keimah phei chuan ka chah duhlo hial , mahse Lawmi'n a ziak thla hmak hmak a min chah kep bawk .
"U Liansang enge i ei ve ang ?" Lawmi'n a tih chuan "kalo in ei 0uar tawh a ,Cold coffee kha ni mai " alo ti deuh sup .Engmah a eive mang dawn silo a , anuamlo ru reuh phian mai







"Ka thlah ang che u "






"Â chu em em chu angai kherlo , min treat tawh kha kan puar lutuk atawk viau " Lawmi chuan a ti ve ta hlauh.Kalo ngawi rân thung a, hnuailam bih in ka pheikhawk chhip in lei ka chhir neuh neuh.

"Khatla lamah ka rawn phei dawn tho alawm lo kal ru " kan hnial leh hma hauh chuan akal zui nghal ! Athu ava han suh ve chiang tak e aw !
Hnial hneh heklo kan zui leh hna hna tho







Motor zawn kan thlenin a hnungah Lawmi a thulut nghal tharh a, "daf ahma ah khan chuang rawh " te chu ala rawn ti ham ham nia ! Melh rum vakin ka thu lut ve hna hna, U Lsa lo kiai suk suk chu ka hmulo der hmiah .
Kan tlânchhuak a ,tawite kan tlân a kan ding leh dat thin .
Ka kut a rawn chelh rual chuan phu zuk in laksawn ka tum a , Lawmi'n a hria ang tih ka hlau si min chelh nghet bawk si rum zeta ka melhna chu hrelo der lui in hmalam bih ngûr in akiai zui suk suk .





Min thlahduh miau heklo , thaw chhuak hapin ka dawh ve ta hle hle .A gear thlak tur akut la sawn zeuh chu remchang ah la in ka kut chu ka dah hla zui zat a , ka awmdan a hriat rualin a nui suk .
"U Liansang inah kan haw tlang dawnlo aw ka pate dawr ah kan kawi dawn a , a dawr kawtah kanlo chhuk ang dinna tur kalo hrilh ang che " Hnunglam atang Lawmi'n a rawn ti a

"Enge in tih dawn ?" Ti a a chhan chuan " i hriat ve zêl angai lo " kalo ti deuh hmak .

"Class banah pocket money tuak nan inhlawhna tur kan dap dawn " Lawmi'n a rawn ti chu tullo ka van ti tak , U Lsa'n min rawn melh ta vut a ,engmah sawilo in hmalam chu amelh zui leh nghal thuai tho.A hmel erawh a thutak hmel ren rûn tawh viau .







"Aw tah khan aw " Lawmi'n a tuh rualin a rem lai ah a ding zui a , Lawmi chhuk nghal vatin ka chhuk ve tur chiah chu minlo man bet nghal run "enge " ti hlak a ka melh chu " pawisa i mamawh em ni ?" Tak rûn hian a ti nghut .

"Pawisa mamawh lo kan awm dawn ami ?"



"Ka fiamthu lo Daphne , i mamawh chuan ka pe ang che " ka va han ngei tak !






"Ka thawk anga ka hlawhchhuak ve mai ang , mij khawngaih vang erawhin ka lawm mahse khawngaih ka ngai lo " ka ti let ve sak , hetianga an awm thin hi alawm ka huat thin .Khawngaihthla la viau pawh ni ila tilang lo thin se ka duh , ka vanduai zia min hriatchhuah tir ve ziah .


"Chulam anilo "thaw chhuak huai hian a ti sup a


"Engpawh nise ka chhuk duh min thlah teh " ka ti leh hlak , a ka a âng zuai hman a ph rawn ri chu phun hluk in a chhang a chu chu remchang ah la in motor atang hmanhmawh zetin ka chhuk ve nghal thuai .
"I lo chhuk ve dawnlo emaw ka tia lawm "Lawmi'n keh hui hian alo ti , tuna ka mood off zia hi chu hria se a fiamthu hauhlo ang mawle .






"Daphne "Glass down in a rawn ti thum dut , kei in kalo melh ling hlar thung .

"Zân ah ka rawn kal ang " ti bul hmukin motor a ti nung zui a , ka chhâng eih lo .Lawmi'n min melh deuh zak zak mahse sawifiah pawh ka tum hran chuanglo ,inngaizawng pawh kan ni lo a han sawifiah viau tur pawh a awmlo ve bawk a.







"Pate...."





"Lawmhnap enge ni ?" Mipakhat hian alo ti var






"Nang ka be peihlo che , khawnge patea ?" lawmi'n a ti zui hlak a

"Tanhril an ka nu nen an kal " ti a alo chhân chuan "nakin ah kanlo kal leh zawk mai ang " a ti ram hmarh .
"Aw enge i duh a ka nau " nui heu hian a ti .

"U Simon dawr ah hian inhlawhna tur in nei em? Part time ang deuhin class bân vela thawh tur " pangai tak chuan a ti zui a , Simona atih pa chuan "i tan kher chuan neilo " a ti deuh hluk a a tûm zui hmuk ! A Patea fa ani ngei ang .






"Khavang khan lawm Patea hmuh kher ka duh , ithulo ropui si zawh che in awmzia anei tak tak lo " Lawmi'n a ti zui ve hmuk a

"Ngati nge inhlawhna te i duh tak a "pangai tak chuan U Simona chuan a ti zui .
"Pocket money tur , chhungte dîl reng a inthlahrunawm lawm hei ka thiannu nen hian kan duh a " min rawn melh nghal zat a , "hnathawk chu lakbelh kan ngai ngei a , mahse hunbi nei ang chuan ava buaithlak awm ve "tak rûn hian a ti sup ."chhuah ka ngai hrim hrim a vawin tlai chu inlo kal ta sa sa dawr hi minlo nghah sak ru , kan nula alo kal bawk silo chhuah ka ngai bawk si " a ti zui leh a , Lawmi chuan ahnial ta lo .







"A gym duh vang bak anilo ang " ka beng bulah a rawn ti sa sa , an inbiak dan chu mak kalo to viau .A tir ah uangthuang deuhin an inbia a , tak deuhin an chhunzawm leh a !
"Lawmi dar riat emaw vel ah inlo khâr mai dawn nia , chahbi inah rawn dah ula haw hunah ka pa kalo sawipui hrim hrim ang " tiin a insiam sawk sawk a achhuak zui ang daih a !








"Mak iva tih hmel ve ? Dawr hi ka nghah pui thin a inrinni ah te phei chuan ka pui fo .Dawrpui ah sawn Electronics dawr an nei bawk a ,chu chu U Mami'n a enkawl deuh a ,gelam hi Patea leh an nu in an buaipui thung .U Simona kha chuan M.A ala kalzawm mek "Min hrilhfiah nghal mawlh mawlh , eichawp dawr tih dawn chuan a lian deuh a .Frozen foods atanga snack man tlawm tak tak a in hûng far .Han tih viau tur a awm bawk silo min thawhtir pawh ka ringlo rum rum mai .

"Kinah zahriah tur kan chah dawn nia , an pawisa hian ka lei mai zel a U Simona pawhin sawi ngai a tilo aniang " ti sapin counter ah a thu a , ph a phawrh nghal zat .
A bulah thu thla ve in ka lehkhabu chu chhiar mai mai tumin ka phawrh ve zui a "ining ve em em lo mi ?" A rawn tih chuan nuih sakin "ka hnufual bik a , ka inzir nasat angai alawm " ka ti tha ve mai thung .






"Mami arsa 240 man chi kha ka va duh ve " nu pakhat hian a rawn ti a , "eng ang nge ?" Lawmi'n alo ti nghal vat .
"A ti hlang nise pack khat " a tih chuan "Daf lo laksak lawk mai , freezer kil ber ah sawn bonelss tih inziah kha " a tih chuan ka tho nghal vat .






Rin ai takin dawr chu a lûn reuh phian a , an rawn indawt nghal zut mai ! An zuar chikim ve bawk a , frozen food , chi thlengin an zuar vek .
Buhfai Kg in an zuar tel cheu bawk a , kg hnih lai chu kan hralh ve tawh .
Lawmi chuan alo ti thang khawp aniang ache reng reng chu a dawrkai misa nghal thlap .Pawisa han kir leh aman chhut te chu hneh tak ani .





"Hello"




"Rawn chhuak teh " a dah nghal daih !




"Enge a ?" Lawmi'n a tih chuan "U Liansanga , lo chhuak teh a tia " ka ti sep ,ph en manglo in ka chhang thawr a , a ri khat ve bawk nen company lam an nih ka ring deuh kha nia .

"Va chhuak la ,ilo let hunah eitur kan chah dawn nia " a ti sep , ka lu kalo thing thung .
"Va chhuak rawh ,pawimawh sawi tur anei aniang " a tih luih tlat vangin hreh zetin ka ding a pawimawh ani khan a sawi lul lo ang .





Pawn ka chhuah chuan amotor ngheng hian alo ding , 'rawn luh ve mai awm ' ti nang nang in ka pan hnai a , "lut rawh le "a lo ti sup .
"Engvangin ?"
"Daphne min hnial lo teh " ner nang hian a ti deuh nghut , "tihian sawi ve mai la " kala ti talh tho .A fâla awmpui ngat phei chu ka duh tawhlo , achhan ka hre biklo mahse min duh thu min hrikh atang kham alak ah hian ka ngampa ngam tawhlo .
Kawngkahr chu hawngin min nem lut rawk rawk a , kalo inring lo bawk nen ka meng phawk hra






"Ka thusawi zawm mai kha a harsa viau em ?" Ti deuh nghutin a rawn khâr ri dawp .
Motor helkual in ka chhuah leh hman ahlau nge a rawn lut ve nghal zat a , motor a tihnun rual chuan "khawiah mah ka kal duhlo , tah hian sawi mai rawh " ka ti nghal chûk .
Ka thusawi chu hrelo ang hmakin a khalh chhuak zui tho !
"Liansangpui "





"Enge ni ?" Ka beng thle lawlh dawn emawni ?
Kawngkawi rem lai ah chuan a ding leh dut tho si !
"Hmun reh lai deuh a inbiak ka duh a "ka lam rawn hawi chuan a ti sup .Hmalam melh ngar in "sawi rawh "ka ti hap .

"U Ls tihian awm lo teh , i sawiduh chu sawi vat rawh " angawih reng vang chuan ka ti nang nang .






"Sawi tur i neih loh chuan ka kal dawn.."

"Daphne " leh lawi si a ! "Tawng ta che " ka ning deuh tawh , sawitur a neih thu a sawi a tawng tura ka tih veleh angawi leh hmak reuh si !





Liansangpuia POV.




A dawhtheilo lutuk chu kan awmdan in zir se ka nuihpui ngei in ka ring .He hmeichhia hi ka duh in ka atchilh a, mahse han tihvak dan ka hre tlatlo hi ka buaina ani .Ka kumrualpui treat a treat rual ani der silo ,naupang anga han treat dawnin ka ngaizawng tlat bawk si, vawin tlai atang abulah tawngkam hman fimkhur angaihzia ka hre bawk a .A thanlen chhoh dan in a zirlo bawk nen ka thusawi lak kawih a ngaihdan diklo put a awlsam viau dawn tih ka hre bawk .Chuvang taka tûn ah pawh sawitur hrelo a haihchham ka ni .Ka duh tih hrilh thawr in awmzia aneilo a , ka thlakhlelh ruj em vanga vawin tlai pawh hmu tura kal leh ka ni .

Sawitur pawimawh ka neilo tih hre ngat se zawng min kalsan vang vang duh tawh ang , anihloh vek pawhin ka hmuh ah a rawn chhuak duh hauhlo hial zawk ang mawle .






"Ka..." Ka ti hman tawk ka ph rawn ri chu hunlo ti zetin ka phun hluk .Screen a ka biak peihloh ber hming a rawn lan rual chuan ka hmet thim hmak a ," ka hmuhnan che chhan a awm kher angai em ?" Ka ti chhuak sup chu hrethiamlo zetin min rawn melh nghal kiau .


"Enge i sawi awmzia ?" A ti sep






"Daphne , hmuh che ka chak a theih phei se chuan ka kalna apianga hruai tel ve zel che ka duh .Pawimawh a awm chauh a min hmu duh dawn anih chuan case siam sak che in nitin station ah i rawn in report ngai in ka siam duh hial maithei che " ka fiamthu hauhlo , ani telin ka thlakhlelhna a zual a .Hmulo a nihkhat hmanral pawh harsa ka ti tawh hial !


"Ka duh che ka tih khan ka fiamthu hauhlo ania " ka ti leh sup .Ka thutak zia hi hria se ka duh , min duh ve nghal turin ka beisei lo amah hnaih tura thutlukna ka siam rual erawhin thlauhthlak leh mai mai tumna ka nei hauhlo thung .






"I ka kua a i râk ve mai mai anih kha " ka pen kawrh dawn mawni ?Tunhnai a tawngkam chhuak in amah pangai diktak a rawn pho chhuak leh tan tih ka hmu thiam a , ngaih atih that viau rualin a ze pawlawh leh pawisak neilo zet erawh ka thunun zo kher angem ka hrelo .

"U Ls ka sawi tawh kha Bialpa ka ngaihtuah hmanlo , ngaihzawng neih ka duhlo bawk .Keimah pawh hian ka buai tawk "





"Kei in lo awm tawp la engkim ka tih tur thu ka hrimh ve thung che " ka ti let ve sak .






"Ininawm , ka thluak iti vûng " ti nur nang hian "min awmtir mai mai teh " a ti leh hlak a ,a chetdan leh tawngkam lawmawm zet chu nuihpui sukin "ka theilo anih hi " ka ti zawi sup .
"Pawimawh a awm loh chuan let ang , Lawmi'n minlo zawng tawh ang " tlawm zawk ah tangin a ti chhuak ta thlawt.
Ka chetzel dan tur hria se chuan atlânchhe vawn vawn duh hial ang mawle .