TWISTED LOVE (CHAPTER-7)

[Hriatpuiii Hauzel]

Inchhunga kan lut chu "Inva rei ve" anlo ti leh hman tawh,dawhtheilo hlawm lutuk mai."Kha kan lei tawh chhum ve tawh mai ru" tihleh dawhkana dahthlak ka rual a.



Ethan-a nen chuan balcony ah kan lo ṭhu mai mai a."Bialnu eng zah nge ineih tawh" ka tih chun "Pahnih chiah" arawn tive mai bawk a."Ivan nei tlem em em" ka tih chuan "Lerh deuh turah min ngai ani maw" nui suk chung hian ati a.



"Aih chutiang lam anilo.I hmelṭha sia,duhtu i ngah dawn ema" ka ti leh a "Duhtu ngah mah ila nangmah ka duh ber tho che lawm" alo tih ve leh chuan ka lai lutuk chu ka sa hat hat mai.



Chutia ka lo awm lai chuan kan hnunglam aṭang hian ka u chuan "Kha kha kha...ka nau kha tamato ah i chan tir lo chauh anih kha" arawn tih chuan "Zothankim...i ninawm lut teh" kalo ti hluk a.



"Tomato a an phei hi chuan ka duh leh zual" tih pahin min rawn kuah vel a ka u chuan "Tenawm" ti sep in inchhungah a lut zui nal nal a.



Ethan-a chuan "College ka zawh hunah vairamah ka awm dawn asin" arawn tih chuan ka deng dawt ni ber hian ka hria.Nimin aṭang chiah khan la inngaizawng mah ila,kan inthlahlel ve a.Keiphei chu a hmel hmulo hian ka awm thei ngut ange maw.



"Tinge" ka ti chho ha a "Aw...nakina ka chawm na tur che in lehkha te ṭha deuhin ka zuk zir dawn alawm" atih chuan "Naaa zir lo mai la,keiman ka chawm mai ang che" ka tih chuan nui hawk in ka chalah arawn fawp zeuh a.



"Ka ngai nghal che" ka ti chhuak sep a,mahse a hre pha tho ang."Kei deuh in"arawn tive leh a.Chutia kan lo ṭhut lai tak chuan kan hnung lam aṭang hian tu emaw hian "Hauh" arawn tithut a ka phu nasa kher mai.Ka han hawiphei chiah chu Ramthanpuii lek alo nia "I mawl ami,ka thin a fly away ṭep alawm" ka lo ti a,ka bula ṭhu pa chu alo nui nghawr dat




"I hmelchhia....induh ve chuan rawn ei ru,ka ei zawh vek hma hian" ati a.Ethan-a bulah chuan "Kal ang henu hi a vir si kan chang hmanlo ang" ka ti a inchhungah chuan kan inzui lut a.



Thil kan ei pah chuan fiamthu kan thawh a kan nui leh dar dar ṭhin.Bialpa te awmve mahse ṭhiante bulah kan awmtel chuan kan zia hi a thup tak tak theih loh reng reng.A nui ring ber berah ka ṭan leh tawh hi.



Chawhnu chu kan inkhawm tawh lo a.Ethan-a chuan "Leng ila" arawn ti a."Ka nu hian a phal angem ka hrelo a"tihin ka va chhang let a."Lo insiam la ka dil chuan aphal ve mai ang"arawn tih tak avang chuan ka lo insiam ve mai a.



Straight jeans sky blue rawng hi ka ha a.Cardigan pan a suihna awm hi ka ha bawk a,ahnuaiah crop top deuh reuh avar ka ha bawk.Keima tawkah chuan nalh ka inti em em thung.



Doorbell ri chu ka hre thei a,hmanhmawh deuh chuan ka insiam a.Inhnuaiah ka chhuk chuan Ethan-a chuan min lo nuih suh suk a.Hmui phun a "Ka nu idil tawh ami" ka tih chuan alo bu zeuh.



Ka nu chu nuih vur vur chung hian "Nuuu" ka va ti a "Iva nalh ve" minlo ti ve mial a."Ethan-a nen huan in inngaizawng ani maw,amak teh thut ve." Atih chuan ka nui liam mai mai a."Kal ila" ka tih chuan a rawn tho ve vat a "Rawn haw har suh u aw" ka nu chuan a rawn ti leh a.



Class 12 chiah la ni mah ila ka kum atam tawh a ka rualpui te chuan college an kal vek tawh avangin ka chhungte pawh hian bialpa ka neih in an sawi sel ngai hranlo.Mahse bialpa chu pahnih chiah ka la nei thung,Ethan-a nen kan inang chiah.



A bike a ka lawn dawn chuan "Khawnge kan kal dawn" ka ti a."Chuang rawh,hmun nuam deuhah" ati."I rilru ti pm miah suh ang che" ka tih chuan "Chuang mai mai teh" alo ti vat a.



Kan tlan zel a Ailawng ah kan thleng hlawl a.A tlangah chuan kan lawn a,ṭhutna lo awmah chuan kan han ṭhu leh te te a."Vairama i awm chuan ka ngai ngawt ang che" ka ti chhuak sep a.Mi an tam lo bawka min kuah pah chuan"Ka lo haw leh vat dawn alawm,ka lo haw hunah kan innei daih anga" atih chuan ka lo bu zeuh a.



"Vairama lehkha i zir laiin keipawh in thawmhnaw dawr te ka lo nei ve tawh anga" ka tih chuan "Dawr neih ichak ami" ati a."Chak tak ka ni.A chhung hi changkang ve deuh in ka siam anga,thawmhnaw mawi deuh deuh ka zuar bawk anga" ka ti leh a.Chutia ka ṭawng lai tak chuan min rawn fawp thut a,ka khawng auh in ka hria chhan let pawh ka tum chuanglo.



"Mak iva tih hmel ve.Phung hmu te pawh i an kha" atih chuan ka zak thar vel a.Min rawn fawh lai khan ka lo meng kawk sia ka zak leh zual.





“Ka zak alawm" ka tih chuan ka hnar ah chuan piai zeuhin “cute lutuk" tiin a nui sap a






Tumah Kan bulvel ah an awmloh avangin a Dar ah chuan ka bei ve than...“Nang enge nih i tum ve?" Ka tih chuan “Hotel din ka duh a" a tih chuan “Ava ṭha ve" tihin ka han nuih sen sen a








“Keimah kherlo hi nupui nei dawn ta la min sawm tho angem" ka tih chuan “Monu ber tur I awmloh ten" atih chuan ka lawm a tling leh hle tawh





“Keipawh kum tawpah board exam kan ṭan dawn avangin hostel ah ka awm angai dawn a,ka ngai nghal che" ka tih chuan





“Hostel ah lo Zuk lerh Miah suh ang che" a tih chuan kalo bu nghut a...“Chuan" a tih a sawi hreh leh deuh aniang “Ngatinge" ka tih chuan “Ms-a hi hnaih vak suh" a tih chuan kalo bu nghut... Hnaih vak pawh ka tum tawhlo hrim hrim a




In ah chuan min thlah leh thlap a pawnah chuan tumah awmloh laiin ka chal ah chuan a fawp zeuh a.Kan hnung aṭang hian ka u hian horn a rawn pe vak ka phu zuk chu ka hawi let nghal





A kut ṭang pahnih hian a mit kawk in keimahni lam a rawn kawk leh a...“Min Dil vak nilo lang chuan ka nau i ngaihzawn hi ka phal miahlo ang,tiangkha ka mit hmuhah ti tawh reng reng su" a rawn tih chuan kanlo nuih vak





A hmuhlai ngei chuan runluih nan Ethan-a chuan ka hmui chu a rawn fawp leh a bye bye in ka luhsan ta a





Zanah chuan Pink Pineapple group ah chuan kan inbia a Ruathlui chuan “Calender kava en a ka birthday ni ṭep tawh" a rawn tih chuan




“I lawm dawn em" kanlo ti a amah chuan “Yess dawn chiang" a rawn ti nghal reilote kan inbiak hnu chuan lehkha chu ka zir ve a





Vawiin ka ni hman dan a nawm vang aniang lehkha chu ka zir tui hle Dar 12:30 velah chuan ka zir zo chiah a,ka subject ngainat ber English anih avangin zir pawh nuam ka ti hle





Phone ka charge kava en chuan Ethan-a message 6 alo awm a ka hawng hmasa ber a, “I mu tawh em" tih ang reng hi alo nia “Lehkha ka zir a ka mu dawn chiah" ka tih chuan “Tui deuhin mu rawh aw" chu a rawn tia “Umm muttui" tih chuan chhangin ka phone chu ka hmet thim nghal a




Zingah ka harh chu nizan ka menrei vang nge mut ka khamlo hle insiam nghalin inhnuaiah chuan ka chhuk a...Ka nu chuan “Vawiin chu kan buai deuh dawn a nangmah in chaw lo ei mai rawh" a tih avangin keimah in ka ei a





Ka ṭhiante pawh chu an rawn lang ve thuai phur lutuk tak mai in kan inkai a kan chhuak ho leh ṭham ṭham a





Kan kal pah chuan Muankimi chuan “Lalrinpuii hi bialpa i neih aṭang hian i inla puitling fahran" a rawn tih chuan “Engee ka neihna pawh ala reiloh em hi" ka tih chuan




“I ni hrim hrim bialpa i neih apiang in i inla puitling ziah" an rawn ti nghal a min kah min kah hnuah chuan kan nui ho leh ṭhin a school chu kan thleng veleh mai a





Kum tawpah board exam kan ṭan dawn avangin huau huau ho hi kumtir ah tihzawh vek kan duh a keipawh ka leng nasa hle




Class ah kanva luh chuan kan ṭhian mipa te pawh anlo awm a Zothana chuan “Lalrinpui i bialpa neih ngatinge min hrilh ve duhlo a" a rawn tih nghal thawr a





“Hrilh na hun pawh in awmloh hi" ka tih chuan Ms-a chu a ding hluai a,achhuak ringawt “Ngatinge" kan tih chuan mipa ho chuan “Rinpuii bialpa neih chungchang kan sawi aṭang khan ti sawn a awm char char" an tih chuan mak ka ti hranlo min duhna hi a thup thiamlo ve em alawm




Bell a rik hnu chuan class chu kan ṭan leh dawn a sir in a ṭan hma chuan “Kelchawl ho kha ding ru" a ti nghal hreh tak mai chuan Kan ding a




“Tluangi ka hma ah hian rawn ṭhu rawh" tiin hmun hran hran ah chuan min ṭhut darh tir a...





Class lak lai chuan Tluangi chu rawn hawiin a rawn khi ṭhu a sir chuan a lu ah lo khawng pawp kanlo nuih vak vak a




A hnuah chuan Tluangi chuan uluk tawkin a bag a zen lai chuan sir chuan a bag chu a laksak a dawhkanah a bun chhin chu kanlo nuih vak vak





Tluangi chuan Tv remote,JCB motor lem leh varak lem hi a rawn keng a sir in beidawn hmel tak hian “Enga tan nge i tih" a tih chuan





“Lalrokima lo dah anih kha awi sir minti beidawng" a ti veleh chhawng chu kanlo nui vak vak sir pawh chu tihngaihna a hrelo aniang a nui ve tawp.



"Aih sir hepa hi chu maw a rawn piantirh aṭang khan amah tawp hi a beidawn thlak,anu te pawh an beidawng nghal alawm" alo ti nghal vat a.Sir chuan alu ah khawng fawk in "Mahni nau te tikhan an sawi vak vak ngailo" alo ti ve bawk a,Tluangi chuan ala chhiat khum zeuh zui