*Haven* ch~8 by~Natasha Hrahsel

[Natasha Hrahsel]

*HAVEN* ch~8






Daphne ka thlah hnu ah inlam panin ka haw zui a , hriatloh karin ka lo kiai leh suk suk thin !Hmeichhe danglam tak ani ! Kawlhrawng takin lang mahse a chhunglam erawh nausen rilru thianghlim tak , tihnat awlsam tak ani bawk .
A chhungril thatna ka hmuhchian em vang te pawh ani mahna amah a ka beh ngheh tak em em ni .
Mipa dangin amah a ka hmuh ang anlo hmu ve tura ka ngaihtuah rual chuan ka phun chhuak hluk.Jam a ka din rual chuan ka seat nghenchhan ngheng dawtin ka thaw chhuak zui siai siai a .Ka rilru a Daphne bawk a rawn rual chuan ka thaw leh hap , ka ngaihtuahna thlengin aluah hneh tawh takzet .







In ka thlen rualin Max alo bauh leh that that a ,kawngkhar ka hawn rualin nidang anglo takin minlo zuan ve tharh ! Daphne awm talo chu alung alo leng ve deuh tepawh ani mahna .
Inthlak hmasa lo chuan ka room ah chho in khumah ka thu thla dawt a , ka tih ngai miahloh whatsapp ah lutin "ka thleng chiah " tih chu Daphne ka thawn ve ngawt .

Ka out hma in a rawn reply ve nghal zat a , min chhân na erawh "a ho e a" tih zawng ani ! Nui chhuak hawkin ka ph ka dah ta zawk .Ka kawng ala thui dawn mang e .







Inbual tum a ka thawmhnaw ka form ka phelh chiah tih chuan doorbell a rawn ri a , inha tawh lemlo in tawnzau ka inbel tho bawk a tiin inhnuailam ka pan thla thuai .

"Pu Liansang i awm maw ?" Huh! Minister ka in ah maw !?
"Enge i duh ?" Ka ti chhum hmuk , ani ang kan inah meuh an rawn lang anih chuan thil tha lam ani dawnlo tih ka chiang .






"Ka lo lut ang chu " ka tawlhsawn ve mai , a hruihhruai pakhat a rawn lut tel ve nghal zat bawk .Pawnlam ka thlek zuai a , tumah ka hmu lemlo .







"Station lama rawn kal a rem chiah silo a , i awmlai chuhin i inah ka rawn kal ta tawp anih hi .Apawi em lo ang chu maw " sofa a thutthlak pah chuan a ti a , kalo ner nak thung .

"Ka rawn kal chhan i hriat ka ring tho a " ka hrechiang khawp .Hmânni lawkah IB chimah hnathawktu pakhat a thi a , a chhungte'n he ka hma a thu mek lakah hian case an rawn file bawk .Midang chuan vanduai thil thlengpalh ve mai ah an ngai maithei , mahse mitthi chhungten IB sakna hmanrua vel enfiah turin rawtna an siam tel tlat .A hmanraw that tawkloh vang ah an puh ani ber .

"Engtin tin emaw min puih dan i hriat chuan kaisân lam emaw sum lam pawh nise i buai angai miah lo ang , kan inpui tawn tiin kan sawi thei ang chu " ka nui ro hawk ,min hrechiang lo a ni .







"Vawin thleng a ka thutna ngai a kala thut chhan hi i hria em ?" Ka ti chhuak sup.

"I thuthleng cheimawi lam hna thawk thei i hmuhfuh lai tak ani " ka ner nawr .






"Amawi sa viau in ka hria , duh ilang chuan paihthla tur khawp che in ka dinhmun a sâng tawh ngei ang .I rawn luhna a diklo anih hmel " thle bak hian ka ti nghut a , a kut hum ruh ngat ngat chu ka khikpui suk bawk .Ve mai mai a , ani ang hi mi engzah nge ka hmachhawn tawh a hrelo ani .

"I la inchhir lo ang tih i chiang maw Liansang ? I huntha i bawhpelh hlauh ange " min cho zet hian a ti zui a , "tisual lah lo ve , a chhe ber ah ka hna kalo chân anih pawhin rim takin ka thawk anga ka eikhawp ka thawkchhuak leh mai ang .Nang erawh i tlakna tur a sâng viau thung mai ! I nat pui viau in ka ring " a ding nghal vut chu ngaipawimawh lo zetin ka thu tha sauh sauh thung .


"Ila inchhir khawp ang " ka mitko ka sân khum duh lek chauh .






"Min biakduh na i neih chuan station i rawn pan tawh dawn nia , ka la rawn ko vat dawn tho che a " thle bak hian ka ti zui a , thinrim hmel zeta thaw ri hrawk hrawk a kawngkapui lam an pan chu ka enliam tawp.
A diklo zawk chu zawnbuai vak ngailo in a rawn inpuang mai alawm .Ka kawng a rawn tih awlsam phah sawt tih a hre der mai silo .Bang kil a ka cctv dah chu enin ka khi suk a , evidence tha tak chu ka nei ta phawt a , IB sakna hmanrua result bak angai tawhlo ang .A thuthleng a kalsan hnai bawk a, mawngkham hlui in lo thu rih teh se .








Intleuh thuakin khumah ka mu zui a , ph khawihin Daphne chu "Muttui " tih ka thawn a .Min rawn chhân mai loh vang chuan ka nghak rih deuh vang vang .
Ka nghah fê hnu ah pawh ala rawn reply loh vang chuan ka thuchhuak hlawl a , henu hian ka rilru chawhbuai hi chu a thiam mawle ! A nb hmet chhuak in ka call nghal zat .

"Hello" mut chhuak aw zeta a rawn chhân rual chuan thaw chhuak huai in ka inthlahdul ve chiah .
"Nangmah vanga ka muthilh theihloh laiin mangram ah ilo chêng leh veng veng tawh bik a " ka ti zawi sup .







A reh vang vang a , ala dah silo "Daphne " ka ti sup zu chhâng miah lo amawle ! Ph a off chuang silo , "God! Min mutthluk san reuh emawni " ti nghutin ka ph chu ka melh deuh vung vung .Lo video call zawk ila tha tur ,a muhil hmelthatak ka hmu zankhua thei mai tur .
Hre dawnlo mahse "muttui " ti sup tho in keimah zawkin call ka ti tawp a , lu thing nghutin ka mu zâl zui ve nghal zat .
Min nin chin aneih mai hlau in a a rualpui ten an tih thin dan a ka hriat chu ka ti ve zel , ka peihloh ber message a inbiak thlengin mawle ! Hetiang tak hian hmeichhe pakhat vangin ka tâlbuai ang tih ka inring ngai bik hauhlo .Engpawh nise dawhthei takin kan beichho ve aniang chu .








Daphne Pov.




Lu na deuh bur in ka tho chhuak a , nizân kan haw hnu ah ka lu ka su leh hnuhnawh kher bawk nen ka mutpui zui bawk sia ka lu anat phah vek .
Room atanga ka chhuah chuan Lawmi alo la tho lo a ,chawbel ka chhuang zui zat .
Frigde hawngin chawhmeh siamtur awlsam deuh chu ka dap a , ka siam nghal zung zung .Thuk pakhat ah thingpui ka chhuang pah bawk .
Ahma chuan thingpui hi ka in ngai meuhlo , U Lsa inah phei kha chuan thingpui kan lum ngailo hrim hrim .Lawmi hian a sen thlum in ahrât reuh a , ka in ve zeuh zeuh tan mahse ka zawngchhang dawn tlat a hriatna ka nei .







"Morning" hâm bai bai in a rawn ti chhuak , filter a tui chu dawhin a in nghal khawlh khawlh bawk . "Nizân ka duh ai ph ka en rei lawm le , ka mit a thil hlur mai " ka thingpui chhuan lo so ve chiah chu "kalo ti ang " a ti zui a , ka ta tur min siam kep ve nghal thlap bawk .
"Patea'n min bia a , an dawra an chhawr lai a bâng dawn a midang la lo in kan pahnih in class bân ah kan thawk thei dawn anih chu .Ani'n chhûn lamah alo nghak thung anga .Hlawh erawh atam hranlo ang , mahse thawhloh tawp aiah chuan atha tho ang tiraw ?"






"Tha e , cheng za chauh pawn min chhawr se atha lutuk .Ih Lawm buhfai vel hi .." ka tih chuan "i mak , inthlahrung dû suh .Patea te khian ration an ei lo a , a tlawmin kan la char char thei alawm .Lak leh hunah kan inkawn dawn nia , enteh pawisa save nan tiffin te hi pai ta mai thin ila " a tih chuan kalo pawmpui khawp .
Chhûn thil ei man ah ringawt pawh sum a liam duak duak zel a ,atheih ang ang a inkhawl ka duh .

Cooker a rawn phit rual chuan ka phu deuh zuk a , "phu zuk zuk reng mai " ti na na in Lawmi a tho zui ,phut zuk hi sim theih nise atha ngawt ang .Ka thin lah a phu nasa thei em em a , thin thalo neih te hi nia ka hlauh ni .






Inrinni nih vangin bazar lamah chhuah kan tum a , Lawmi sawi dân ah tlai lam atang dawr ah kan thawk tan nghal dawn anih hmel .
Ka ph enin whatapp ah ka lut a "morning " tih te lo awm chu enin ka thaw hap .Hepa hian a ti tak tak nge min fiam kual mai mai pawh ka hre hrang theilo .
"Enge " ka ph ka hmetthim zui zat .

"I ph ibih ve ngur ngur a tunge i biak a ?" nui heu hian a ti sap a , "tumah nilo " ka tih chuan " i phakar e , engmah ka hrilh tawh bik lo ang che "tum hmân hian a ti zui .
"Anih..U Liansanga mawle " ka ti ta tawp , a tihtauh chuan hrehawm ka ti zawk dawn .






"Hmm in thup kual vel a , a bêm che mi ?" Phûr zet hian a ti zui .

"Ka hrelo "



"Enga ?" A ti zui vak chu ka chhing sak , ava au ring tak .






"Min duh thu a sawi a , min bêm pawh ka hrelo .A fiamthu mai mai te anih ka ring zawk " ka tih nang nang chuan a thaw chhuak hak a " iva chhah ve chiang tak " a ti zui hlak .

"U Liansanga mizia ngaihtuahin fiamthu thawh chi niin i hria mi ? Daphne tinge thil iva manthiam lo tak " ti hlakin beidawn hmel fe in min en .
"Min en la ani ang duh turin engmah ka nihloh hi" ka ti zawi sep .Chhungkhat laina hnai belh tlâk ka neilo a , fahrah nen ka dinhmun hi a danglam lo .Keimah ah hian mit han la tak tur leh duh lai tur a awmlo hrim hrim , chuvanga min fiam kual mai mai anih ring ka ni bawk .








"Daphne " a ti zawi sep a , " duhloh tur chhan che enge awm ? I hmeltha in i chhelo a mipa tan chuan chu ringawt pawh chu duh chhan tlak ani .I rilru atha in i fel bawk a , mipa chu ni ila ka ngaizawng ve tho ang che mahni indahhniam hi sim rawh .I chungchang min hrilhlo ni phei la chuan U Lsa chungchang vang pawh hian i chapo ka ti hial maithei che .Mahse ka hrechiang tawh che a , i insit anih kha. Insit na tur engmah a awmlo , i nu leh pahrawn sualna i thiamloh anilo a an tanpuina tello a tûn dinhmun i thleng thei ringawt pawh hi i fakawm hliah hliah tawh zawk asin .Chapo nisilo in mahni hi kan indahsân angai ve bawk thin ania " a ti dap dap a , ka hahdam pui ve huai tho mai.


"I fel ngawt mai " ka ti deuh hliai .





Nui var chung hian " kan bula awmte an sual loh miau chuan sual thu awmlo " a ti ve sap a , ka nui ve ta hak hak .
Tukthuan kan eikham a , kan eina te tifel in kan insiam zui nghal mawlh mawlh . Ka room atang chuan "Lawmi inchei angai lo ti raw ?" Ka ti deuh lâng lâng a , "rawn chhuk teh " alo ti ve lâmg lâng thung .
A room lamah ka zuk kal leh rih "enge a ?" Ti lût in khuma a thawmhnaw lo chap hnawk nuaih chu ka melh zui a , "enteh khângho kha ?" A tih chu ka en ve tawp a , a sawi tum pawh ka manthiam chuanglo .






"Tinge ?" Ka tih chuan "ka thang emawni , ka tân atawi chhîng vek tawh a " a ti mauh mai ! A lei laiin a te sa anih ka ring mah zawk .Tun ang kum tawh a han than thut thu awmlo .

"Avâr fual kha han ha chhin teh a , ka tân a chhîng deuh a, amawi sia " a tih chuan ka inthawlh ve mai a , ka khup a thleng pha châng châng ,atân phei chuan tawi tur chu ani .







"Awi i inhmeh lutuk aw , ha ang che "






"Kawrfual ka ngaina lo , angailo zawm dan ngaihtuah la i mawipui zawk ang " ka ti nghal mawlh mawlh .

"Athing tawh awm emai , tikhân ha mai mai rawh .Ka la ha chhuak miahlo , thawmhnaw hi ka lei a hâk loh ten ka dah leh mai mai thin ka sim theilo .I hâk tawk tur kan hai dawn nia nakin ah lawks a " ti sap in a pheikhawk bawk chu a enkual zui a

"Hei bun tel teh " a tih chuan ka lo hnial leh dawn a min melh rum em vang chuan ngawi rengin a sandal rawn lakchhuah chu ka inthawlh ve mai bawk .






"Kan ke size chu inang anih hi i inhmeh tawp .Darthlalang hma ah sawn va thu la ,eng engngemaw saw va inhnawih thuak thuak la ka lo insiam ve nghal ang .Vawin chu kan vak kual mai mai dawn nia " a tih chuan thuawih deuhin darthlalang hma ah chuan ka va thu a ,suncreen leh lipgloss bak inhnawih tur vak ka hre lo .
Kan inthlek ve ngial a , hetianga ka inchei lohna rei tawh zia ka ngaihtuah chuan ka khi ver ver .Kawrfual chu biakin ah chauh emaw hak tur te kha ka ti thin a , kalo â thei ve ngawt mai .Thawmhnaw nalh tak tak ka neih ve ngailoh vangin inkhawmpui tih te kha ka kal lo mai zel a , christmas te hi ka tan chuan tahna ani ringawt zel .Ka nu in inkhawm ngaihsak miau heklo , inkhawm thawmhnaw lei chu sum khawhralna mai ah angai miau a , ka lo thang ve zel a ka thawmhnaw ka tawt in ka chhîng chho ve zel bawk nen .Biakin lamah lah ka neihchhun ang ang ka inbel ani tih hrelo in ka inthuam dan sawisel tawk an lo awm bawk a , ka himna hmun ber tur a ka ngaih Biakin ah meuh pawh diriamna leh hmuhsitna ,enhranna ka tawh miau vangin ka hlat ta tial tial .Min dem tawk an awm mai thei a mahse keichuan tuarchhel ka inti in ka tawn ang tawng ve lo tân chuan awlsam taka minlo sawisel pawh a awl viau ta ve ang.







Tihtur nei em em a kal kan ni lo bawk a , kan tei kual vel mai mai .Engmah lei lo in MC ah te kan kal a , bazar lamah chawhmeh lei turin kan chhukthla zui .Ka inchei dân chu mawi viau mahse minti confi lo zual em em a , ka inpawtrem deuh reng mai ni .
Pakhawi chu kan ei chak viau a , a to kan ti deuh si.Kg ah 200 an tia Lawmi'n engtin tin emaw 150 in a dil lui thei hrâm .
Bazar atanga kan chhuah chuan "Daff nangmahin ilo va haw hreh em ?" A ti deuh thut a "hreh lo e tinge ?" Ka ti zui sep







"Pa Remtea te in ah kawi lawk ka duh mawle , ka lo theihnghilh tep a vawin hi puipui thih atang athlathum na chiah ania ka va tlawh mai mai duh deuh " atih chuan "anih chu kalpui i duh em ?" Ka ti nghal thuai .
"Duh hran lo e , nuamlo iti palh ang bakah two wheeler taxi in kal a awlsam a ,itan sum ahek mai mai .I duh chuan lo va inthlak la tlai lamah dawr nghah kan ngaih dawn kha .Ka rawn thlen dawn ah ka rawn call che nga dawr ah ilo chho dawn nia .Lo va awm hahdam mai mai hrih rawh " a ti a
"Anihchuan min rawn ph mai dawn nia aw " ka ti tha ve mai bawk .Hmelhriat loh in a va kal ve ngawt pawh chu kalpui duh viau mah ila atha ber ang .An fanu nen kan inkawm ve mang bawk silo a .






Bus in inlamah ka haw a ,ka lu ana deuh bawk nen darkar hnih khat tal pawh kalo muthilh theih chuan ka zia phah viau in ka ring .Lawmi hian a thiannu angaih zia ka hria a ,tun ah pawh a room ah athiannu boral ta nen a an lan na thlalak ala târ reng .Kan pumrua bak kan inanna vak ka hre velo thung .






"U Ls " Step a alo thu reng chu ahnunglam chauh hmu mah ila amah ani tih ka hai lo , enge a tih ni ?
"Tinge tah khan i thut ?"





"Kalo nghak che " a tih sup chuan "engvangin ?" Ka ti sap a ,hnuailam bih a kiai suk in a rawn hawi chho a " ka ngaih vang che in " a tih sup chuan ka lai leh vek tawh .
"I nalh hle mai " min thlek vang vang in a ti leh sup.
"Kan..kan bazar a " ka chawhmeh khai tihlan pah chuan ka ti tawi tak ringawt .






"Chuan lo lên i rem ti em ?"




"I va ho tak " ti niah niah in ka chhukthla zui .Chahbi chu remlo teuh hian ka phawrh a , ka thil khai chu ka inrin hma in a rawn la daih "i indaihlo anih kha kalp khai ang " ka hnunglam a tang a rawn ti thum dut bawk .
Ngatinge mawni chahbi te chu ka rawlh lut fu hleithei derlo !
"Ava mak " thlek vung vung in ka ti deuh hluai.Ka hnung lama hnui ro hawk thawm ka hriat chuan rum zetin ka hawi let a , ahmui alo chîp leh deuh hmak .





Ka thun tha leh ngat , ka tifuh ve ta e .Thiam inti fe chuan kawngkhar ka hawng zui a , min rawn zui lut ve nghal mai bawk .
"Dawhkan ah khan dah mai rawh " ti liam puatin inthlak tuma ka room ka lût tur chu ka hnunglam atang min rawn kuah bet hmiah ! A thilkhai a dahthla thawm takngial pawh ka hre silo ! Ava han che rang awm em em ve !

"Awmsawn rawh " ka ti zawi sep






"Ka ngai che " a ti zawi dut a , ka nghawng ah ahmai a phûm nghal zat chu chet pawh ka che ngamlo .
"Ih pangai deuhin awmla , tihian awmkher lo la " ka ti bah deuh nak .A chetdan hian min thawng lutuk a ka sawitur ka haihchham vek .
"Vawikhat tal min ngaihtuah ve tawh em ? Nilo second khat chhung lek pawh i ngaihtuahna ka luah ve tawh em ?" Ti ril ruih in a tawng zawng a thaw lum ham ham chu ka feel thei .A rin aia nasa hian ka ngaihtuahna ah a awm tih ahre der mai silo a .





"Mawh Daphne nanghian mipa angin vawikhat tal min ngaihtuah ve tawh em ?" A ti nawn leh sup a , ahmuiin ka nghawng a sik rual chuan ka tal deuh nak .Min thlah phah chuang hauhlo .
"U Ls tihian awmlo la , ih pangai takin inbia ang " aw khûr dar dar in ka ti sap a , tianga kan awm reng chuan engmah ka ngaihtuah theilo .
"Atha e " ti nghut a min thlah rualin rang tawkin room ah ka tlân lût a kawngkahr ka ngheng bet nghal rawk rawk .
"Takzet chuan Bawihi" ti hluk a a nui nghal hawk hawk ri chu ka bengah a châm hneh ngang mai !





"Haw rawh " ka ti deuh vak ringawt .







Liansangpuia POV .





"Haw rawh " a rawn ti ve vak reuh a ! Saw room a a tawm vang sawn ka lak atang ahim phah a ring emawni ve reuh ni ?
"Daphne lo chhuak teh " damthlup a tiin a chetdan dangdai lawmawm zet si vang chuan ka la kiai suk suk .

Ka ngaih em vangin ka hna kalsan in ka pan a , ani lah alo chhuak daih si .Chuti chung chuan nisa hnuai ah hmulo a haw leh ka duhloh vangin kalo nghal tang tang a , tunah min bihruksan leh a !
A rualpui kawm a kawm chi anilo tih tukin atang khan ka hrethiam tawh .Amah ngei pawh a rualpui te anga anun loh laiin kei in a rualpui kawm a kawm a a thinlung hneh ka lo tum a , ka chetdan thlak angai tih ka hria chutiang chiah chuan ka che ngei bawk ang .Ataksa chauh nilo a rilru thlenga ala thianghlim zia ka hria a , ka chhaih vel dan ah mipa lamah tawnhriat ala nei miahlo tih ka hrethiam bawk.Min duh in min ngaihtuah ve pawh nise ani te reuh hian a hrethiam dawnlo tih ka chian tawh em vangin keimana ka kaihhruai angai .






"Daphne rawn chhuak rawh , kawngkhar hi ka tihchhiat chu i duh em lo ang chu tiraw ?"






"I ti tak tak lo ang " reuh hian a ! Kawngkhar plywood chhete a pindan mai mai hi ka tihchhiat theihloh a ring anih chuan a tisual hle ang .
Kawngkhar chu ka chhuih ri bur a , " i mawl ami ?" Ti hlar in a rawn hawng chawpchilh nghal .
"Iti chhe tak tak mai nga sin "





"Chuchu lawm ka tum " mito san ak in ka ti sup .





"I â tak tak anih hi "





"Yeap ..nangmah vangin , nang tereuh vang hian ka â tak tak tawh " ka ngaihtuahna aluah hneh luat vanga ka mu mumal lo tih te hi hria se ,tiang hian min tawngkhum kher angem ?
"Ih..chhuak rawh , haw rawh ka inthlak dawn " ti nawk nawk in ka awmah min nam ve tang tang .

"I mak e U Ls tinge tihian i awm leh tlat thin le ?"beidawng zetin a ti hap a , minla nem ve tang tang tho .






"Chhuak ve mai la , Police pawh nila tiang hian i awm ngawt thei hleinem"
A kut chu ka kut khat a mankawp lawp in akawngah ka kut pakhat rawlhlut in ka kuatbet nghal hlûn .
"Bawihi keimah ah i rilru pe ve rawh , ka tih tak tak zia i hmuthiam mai ang " ka ti zawi ruih .A mitmeng lian kelh kawlh tak chuan min melh kiau a , a hmui fawh chakawm tak chu keiin kalo thlir zui ngur ngur thung .
Fawh tuma ka kunhniam chu a lo thlesawn zeuh , "i chetsawn leh chuan a aia thalo ka tihpui dawn che nia " ka ti deuh nghut , a chesawn ngam tawh eihlo .
A hmui ka hmui in a sik rualin a kut ka vawnbeh ka thlah a , nuam ti zet a pawt hnai lehzual in ka fawp nghal dek sek , fawh anuam takzet .A dawh mawl tawp a , nuamlo ka tih phah ser lo thung .
Chawikang nawlhin khumah ka thu thla a , ka thlah phal hauhlo .Ka malchungah thut tir in a tukhum ah ka dawm a , a hmui a rawn chetve chiah chu remchangah la in ka fawp nghal ngawr ngawr .



Ka hnuailam rawn tho tuah tuah chu ka hailo kher mai , ka inla hrang hlawk a ka insum lo anih chuan vawin hian min hlauhphah hialna tur khawp ka thlentir mai ang .
Phelhphang hian mi rawn melh a , a thil tih hrechhuak thut ni awm tak a mengzau kawk in ka awmah ka hmai a phûm nghal vat .
"Zak teh su Duati " nui suk a tiin a tukhum ah ka chûl hauh hauh .
"Haw rawh " teivet a ,ka malchungah ka thu tih a inhre lo nge ? Amah chawp hian ka haw pui daih dawn zawk emawni .






"Min hnar biklo tih ka hria , Daphne hlat tur che in min beisei tawh suh ang che " ka ti deuh nghut .Tum pawh nise a thei chuanglo ang , khawvel tawp ah pawh tlânbo tum mahse ka zawnghmu zel tho dawn tih ka chiang .

"Min en teh le "ka tih sup chuan "aih" a rawn ti hlar !
"Ti teh Duati lo hawi chhuak rawh "






"Ka zak alawm mawle , iva ninawm tak " A zak anih chu ! "A zahthlak loh " ka ti deuh nghut .Engemaw azah viau ni ? Kan inkiss ringawt a , a aia thui kalpui ila God ! Ka ngaihtuahna khawlo zet chu a !

"Haw phawt la , anihloh pawn lo va chhuak la " talh talh hian .






"Ka malchungah i thu tih i inhria em ?" Ka ti deuh sup .A ngawi rauh rauh a , "ih ..khumah hian min dah mai rawh " ka nui chhuak hawk ! Ava han duhawm chiang tak .
Tho thut in khumah ka bawhthlu a , tunah chuan min enlo thei talo .

"Eng...engmah ti tawh lo ang" chuzawng ka thu nirawh se . A hmeltha zet chu chik zetin ka thlir kual a , han sawisel tur lai reng ka hrelo .Engkim chu a nih dan tur taka duan vek ani , khawih danglam ngai lai tur a awm eihlo bawk .
Ka em reng chu alai nge a sen tan tan a , "ka bialnu chu ini tawh dawn em ?" Ka ti sup .

"I ninawm " ati zawi sep nang in " sawi rawh " ka ti lui tlat .
"I ka tanga chhuak ngei hriat ka duh , aih tih chhanna ka duh miahlo bawk "






"I phakar emai a "





"No bawihi , ka phakar hauhlo .Chuan sawi rawh le ?"





"Engchu ?" A hrelo der nge ? " Ka bialnu ini dawn em ?"

"Min tilui ngawt theilo " ve talh talh hian .Nawrluih phawt zel hi tinge angaih thin le ? Nui suk in amal khuhtu awmlo kan talna vanga lang hiang chu ka chûl chho a ,phawk zeta rawn meng in "hei...Liansangpui tawp rawh " a rawn ti chûl .
"Sawi rawh le " ka chûl chho zel

"Aw...tawp rawh..tawp rawh .Kalo ni mai ang " Enga ?
"I bialnu ka ni tawp rawh " ka kut ka lak sawn rual chuan thaw huai in "iva sual tak " a ti deuh nak .






"Theihnghilh tawh suh ang che " a hnar a piai zeuh pah chuan ka ti sup .Ka tho zui tharh a ,alandan duhawm zet chu rem se thlalak sak a en reng mai ka duh .
"Inthlak rawh le , pawnlam ah kalo awm ang reilo la " ti supin ka chhuahsan zui a , lawmloh in ka khi ver ver reng dawn anih hmel .