TWISTED LOVE (CHAPTER-8)

[Hriatpuiii Hauzel]

Previously:
"Aaaa....sir a ṭhatchhuah hi kan ringlo alawm kan chhungkua in" atih leh chuan sir chuan beidawn hmel deuhin a en a "Aw,ngawi tawh rawh le" tih leh Tluangi dung lai chu nem ṭhut arual a.


Nilenga class kan lak hnu chuan kan ban alo hun der tawh.Kan ṭhianho chuan kan inzui ṭham ṭham hlawm a.Tluangi nau nghal zetin a bag a alo dah chu kan sawi zui a kan nuih leh dar dar ṭhin.



Inah chuan ka lut a inchungah ka chho nghal.Ka inbual leh te te a inhnuaiah ka chhuk leh chauh.Thil ei pah chuan ka phone chu ka en a Ethan-a message pawh alo awm va va tawh.



"I bang tawh em" arawn tih chu chhang vatin ka ban tawhthu ka hrilh a."Class ikal em" ka va tih veleh chuan rang zet hian min rawn chhang a."Kal e,mahse class kal chung pawn ka ngai che" arawn ti vel a.Ka phone en chung chuan ka lo nui leh vur vur ṭhin ani ngei ang ka nu chuan "Mi a ang mai,tinge nangmah a inuih vur vur a.Khawmaw eng nge i en ava nuihzathlak awm ve" tih paha ka phone rawn en a tum chuan ka phone chu ka lo hmet thim hmak.



"Eng mah anilo,ka ṭhiante hian fiamthu an rawn thawh zel a" ka tih chuan chik zeta min en chhung hian "I ṭhian lo deuh ani lo maw" a tih chuan "Ka hrelo" tih leh inchunga tlan chhoh ka rual a.



Naktuk hi sawrkar chawlh anih avangin kan ṭhianho chuan bazar ve ngei kan tum a.Ka chhungte pawh ka dil lawk sa diam a,ka pa pawhin pawisa min pe bawk.



Kan bazar tur chu Ethan-a ka hrilh a,"Ava nuam dawn ve" arawn ti mai a."Inhmu ang,kan inkawtah ka lo ding ang" atih chuan "Aw" ka lo tive mai a.Ka chhungten an hriat hlau zetin chhuanlam ka siam a "Ka pen tui azo a,ka lei dawn ania" ka tih chuan ka nu chuan "Chhang rawn lei nghal teh aw naktuk chhuna hmeh tur" arawn tih chuan ka bu zeuh a,ka chhuak nghal.



Dawr kal dawn hian Ethan-a te in kal pel ngei ngei angai a.Chu lam chu panin ka kal a Ethan-a pawh an inkawtah alo ding reng tawh."Min ngai ami zan zanah te min koh chhuah" ka tih chuan alo nui suk a(Lalnuisuka hi a).



"Ka bialnu ka ngaitlat mai a" atih chuan "Tunge i bialnu chu" ka tih chuan "Ka ṭhianpa nau ania a hmelṭha sin.I hmu duh em" atih veleh chuan hmu duh e ka ti vat a.Kan thlalak dun na ngei mai kha min hmuh a "Ka hmelṭha fe zawk anih kha" ka tih leh chuan "Nia ka duh daih zawk che" tih leh ka bianga rawn fawp zeuh a.




A banah chuan lo bengin "Miin min hmu anga sin" ka tih chuan ngaihsam hmel zet hian "A pawi vak ami" alo ti leh then tawh hepa hi chu a.



"Dawrah minlo kalpui teh" ka tih chuan inkai rialin kan kal dun a.Dawrah kan luh chuan Lalnumaruati chuan kan pahnih chuan minlo melh tawn zak zak a."Nangni pahnih hi in in imaita ani maw" atih chuan lei ka lo chhuah khum zeuh a.




"I chhe zeuh zeuh e a" alo ti daih.Chhang chu ka lei a ka chhuanlam ber pen pawh chu ka lei bawk a.Kan lei hnu chuan kan inzui chhuak leh nghal a.



"Naktukah eng nge itih dawn" alo tih chuan ka melh chho ha a "Nitak,ka hre leh si" atih chuan ka nui dun hawk hawk a.Kan inthleng min thlah hnu chuan keipawh chu inchungah ka chho nghal a.



Ka ṭhiante chu ka call a Ramthanpuii chuan "Eng nge???Pu PC Biaksiama sermon ngaihthlak lai lai a" arawn ti tuar a."I ngaithla mai mai loang nangkhan" Ruathlui chuan alo ti vat a."Aw...inbengchheng.Naktuka in dress code eng nge" ka tih chuan amal te te hian an hak tur chu min rawn hmuh a.




Kan inbiaklai tak chuan Ethan-a hian min rawn call a,ka ṭhiante hnenah pawh engmah sawilo chuan ka dah hmak a Ethan-a call chu ka chhang vat,ka ṭhiante chuan min ngei ngawt ang.



"Hello" ka tih chuan "I mu tawh em" arawn ti sup a."La mulo e" tiin ka chhang a."Zanin hi min ngai riau mai,i kawchhungah khan eng nge lut a" ka tih chuan "Nangmah ngaihna rau a rawn lut in ka hria" arawn ti vel a."I inla zei thei sia aww" ka rih chuan "Ania lawm.Nangmah hian min ngailo tlat,i u ka enthlak tir dawn che" arawn tih leh chuan nui hakin "Em em che hian" ka ti a.




"Eng nge...min ngai hleinem" a tih chuan "I hre ngawt ngawt ami.Ka kawchhungah hian rawn lut teh." Ka tih chuan arawn nui hak.Rei deuh kan inbia a a tawpah phei chuan ka titau a ka dah hmak.



Ka ṭhiante message pawh chu ka chhang peihlo a.Phone chu lukham hnuaiah thawlh in ka mu hmak.Ethan Lalruatsanga lah hi min rawn thlem pawh atum lo mawni.




Khumah chuan ka let ka let a ka mu theilo a ni ber a ka phone chu ka en leh ṭhin min rawn thlem pawh a tumlo tak tak anih hi..Ruah a sur dawn vang aniang thli a thaw nasa em em a vawt deuh raih mai





Puan sin ṭha a ka muhil dawn tih chuan ka room kawngkhar chu an rawn kik a peihlo zet chuan kava hawng a ka rinloh lutuk tak mai in Ethan-a ni....Ka u pawh a hnungah a rawn ding ve a






“Enge i rawn tih dawn" ka tih chuan “Ka bialnu titau ka thlem dawn" a rawn ti ve nghal ka u awm ve avang chuan ka zak hle a hmel kava en chu alo ner nasa lutuk a





Ka u chu ṭawngin “Kha in inhmu tawh a tawk tawh a tlai tawh lutuk...Nangpawh Rinpui va mu rawh" tih pahin Ethan-a chu a pawt chhuak a





Ethan-a chuan kut zairzir hian bye bye chu a rawn tia thlem pawh min thlemlo ka u hian a ti dap vek




A tawp a tawpah chuan ka muhil ta a...Zingah chuan tho in ka nu chu rawng ka bawlpui a ka nu chuan





“Rinpui class 12 i ni ve tawh a,kum tawpah board exam in neih avangin kan chhuah zalen ve che a mahse zirlai i ngaihsak tho angai ania...Ngaihzawng neih pawn awm chin hriat tur...Thla leh aṭang chuan kan khuahkhirh ve deuh tawh ang che" tiin min zilh mial mial a





Chaw eikham ah chuan thleng te ka sil leh phawt a...Inchungah chuan insiam turin ka chho a






Ruah a sur a khua a vawh avangin ka in ha lum hle bawk a inhnuaiah chuan chhukin ka ṭhiante chu ka nghak a




Ruathlui chuan minlo call a “Kawnah kan awm tawh lo phei mai rawh sorrs shortcut ah ka kal daih a" a rawn ti nghal a






Nihliap chu lain kawn lam chu ka pan a Ethan-a te in ka kalpel chuan khua a vawh vang aniang alo awm miahlo a,ka hmu chak hrim hrim chu ka han call a




Phak tawk hian “Hello" a rawn tia “Lo dak thla rawh" ka tih chuan rum nghut in a rawn dak a...Ala tholo aniang a sam chu a pawr pap a han bye bye in amah pawh chuan minlo bye bye ve a




Ka thinrim tih pawh ka theihngilh daih kan inhmuh hnu chuan kawn lam chu kan pan nghal a






Ka phei pah chuan ka ngaihtuahna te chu ka kawm a Ethan-a nen hian reiloh hmel viau mahse thla 5 dawn kan inngaizawng leh tawh...Thla leh hi Ruathlui birthday ania nitin hian a birthday hnaih thu hi a sawi ve ziah...Kumtir aṭang hian a birthday hnaih thu hi a sawi ṭhin a





Kava thlen chuan minlo ko vat a taxi chu ka in bazarpui lam chu kan kal a...Kan ril ṭam avang chuan restaurant ah chuan kan chawl a kan ei nghek mai




Kan ei zawh chuan thil lei tur chuan kan bazar ve ta a,dawr hrang hrang ah chuan lut kualin khaw vawt karah chuan ice-cream te kan ei thul






Thil ka lei ṭeuh a keipawh bag ka khai duah mai ka kut ah hian ...Tlaiah a tawp a tawpah chuan ka haw ve thei ta a...In ka thleng chuan ka u te ṭhianho chu anlo ṭhu ṭhap ka lai lek lek..Ka u chuanin




“Heti khawpah khawvawt karah ice-cream te i ei alaw?? I damlo ange" a rawn tih chuan ka kut a ka thil khai chu ka zuk en a bag tam tawk leh ice-cream ka hawn te an ni





Ka u chu ka nuih tlawn ringawt “Pem i tum ami i va han lei hnem em em" a tih chuan “Mamawh ka ngah alawm e hei ka hawn ve che" tihleh lapawchini panda lem inziak te hi ka pe a






“A tui lutuk i lei i lemlo chauh ang" tih pahin inchungah chuan ka chho a





Ethan-a chu zuk bia in “Ka haw chiah rawn tih leh kher angai em" ka tih chuan “Ngai ang" a rawn ti leh vel a message chu chhiar in ka chhang tawh lemlo





Ka inbual fai hnu chuan vawiin a ka perfume lei te chu ka inkap a..Tunṭum hi chu ka inkap uluk ve tawh hle




Inhnuaiah chuan rawngbawl tur chuan ka chhuk a ka u te ṭhianho pawh chuan lehkha anlo zir nasa hle




Ka nu leh pate chu ka rawn haw tirh aṭang khan ka hmu miahlo ka u te an awmna ka zawh chuan “Nutei te inah an naute birthday an lawm dawn ka ṭhiante hi chhum kep rawh aw" a rawn ti nghal