*Haven* ch~9 by~Natasha Hrahsel

[Natasha Hrahsel]

*HAVEN* ch~9



Daphne pov.




Darthlalang a keimah lo lang chu ka awihlo hial zawk ! Ka biang a tai tek a , ka thur bam bawk ! Duhlo zetin ka hmai chu ka tuai ang puat puat a , awmzia awm lem hlei lo a .
Hmanhmawh zetin a rawn luh leh thut hlau in ka thawmhnaw ka thlak zung zung a , kekawr thawl hnek hnawk leh tshirt lian hnelhhnawlh tak chu a remchang bawk nen ka inbel ta tawp .Ka sam hnawk nuaih chu hui mam thuak thuak in hnawk nuaih hian ka zial tawm zui a ,darthlalang a ka in en leh pawh chuan ka biang tai chu alo la reh lo cheu mai!



Room kawngkhar atanga dâk chhuak dek dek hian ka va bih a , balcony ah a min hnungchhawn zawng a dingin ph alo hmang mek .A lian mai pawh anilo , ahrawltham tih tawp tur chi mizo mipa ah chuan aliantha ber pawl ani ngei ang tih tur hial ani .Ahnunglam atang phei chuan alandan a hrawl lehzual a han cho chi zia zâng anilo .






Kalo en reng lai chuan a rawn hawilet thut a ,kiai sukin "lo kal teh " a ti sup .Ka dinna ngaiah kala ding reng thung .
"Kalo kal zawk nge ?"



"Aih kalo kal " ti vakin ka pan thla nghal .



"Good khati mai tur kha lawm " ti supin min pawt hnai in ahma ah chuan min din tir a , "enteh " ti sup a akawhna lam ka en chuan eng sava nge ka hrelo ? In pakhat ah hian an bawr deuh luih ! An thlawksawn a ,ahnu reilo te ah an rawn let leh tho zel .







"Thlîrtur awmlo viau mahse hmuhnawm awmlo tawp chu anih loh hi " a tih chuan ka pawmpui khawp .An hmuhnawm sap sap reuh lutuk ringawt , an thlazâp ringawt te chu anawm hmel in ka tan chuan hmuhnawm a tling .



"Mihringte hi thlawk ve thei ta ila .." ka dul zawna a kut a rawn suih rual chuan ka tawp chawt .
"Sawi zawm rawh " engahmah ngailo tak chuan a ti deuh sup a , ka sawi tur min theihnghilh tir daih nia mawle !






"Ngati nge min duh a ?" Ka ti ta zawk , ka ngaihtuah ngial pawhin keive mai min duh chhan tur awm ang kala ngaihtuah chhuak zo lo .Ka hmel leh pian ah han chhuan vak tur ka neiin ka hrelo a , chhungkaw tha tak atanga chhuak ka nihloh piah lam ah mi tam tak chuan tân iaiawm tak tur ka ni .
Ani ang pianphung ah pawh tha filawr leh hnatha tak nei hian kei ve mai min duh hi ka la hrethiam theilo .




"Ka duh vâng che niang " nui nghawr dawt hian a ti sup .




"Ka fiamthu lo , ka englai hi nge i duh ? "





"I englai pawh hi ka duh vek , i taksa , i awka i engkim nangmah a bet tawh phawt chu ka duh vek " a rawn ti ril ruih a , "ka beihvai zia leh chhuantur ka neihloh zia hrereng chung pawhin maw ?" Ka tih zawi tak chuan alam hawi in min kuai her a ,ka khabe ah dawmin amah en thei turin min kuai dak deuh a "Daphne i beihvai lo , ka kianga i awm chhung chu thildang i mamawh lo .I duh apiang sawila ka tihsak vek ang che .Tlintawk lo a i in ngaihna zawng zawng pawh ka la theihnghilh tur thuai ang che " nghet churh a tiin ring ngei se min tih hmel takin min en ngur a , a thu nghet cherh churh leh rintlak tak chu awihlo ilang mi â ber ka ni ngei ang .







Ka tleirawl chhuah atang daih tawh khan keimaha ka inrintawkna ka hlauh tawh a , ka chhehvel ah midang an awm tawh chuan engti kawng emaw zawng tak a ka chanchin sawi tur anga ngaih tlat na ka nei thin.Ka mi hnaih ten min ngaitheilo in ka kianga awm nuam an tilo angah te ka ngai thin a , a then phei chuan min haw hial tur ang ten ka ngaihtuah thin.Chutiang tak a mahni inringtawk lo leh rilru hrisello tak pu chunga thanglian tan chuan mi laka rinna nghah leh aharsa tawh em em a ,mipui zînga tal aharsa a ,a thaw ipik thlak ngawih ngawih thin .

Chutiang dinhmun a ding chho chuan ka nun ah U Liansanga hi ka senglut thei meuh angem ? Reilo te tal pawh hlim ka phu ve tho ang chu , a kianga ka awmin ka thla amuanga min ti hahdam a , kumkhua daih tur nilo mah se reilo te tal chu ka hlimna tur kawng lam ka zawh ve pauh aniang chu .






"Daphne "




"A...aw " minlo melh ngur

"I bula ka awm ve reng laiin enge i ngaihtuah vung vung ?" A tih chuan "engvak mah " ka ti tawi tak a , ka chhândan vang chuan a thensak thung .
"Thingpui i in duh em ?" Ka sawitur hrelo chuan ka ti ta ngawt .
"Apawi hleinem " a ti hlauh a , min kuahbeh na yanga talpit in inchhung lam ah ka lut zui nghal .Thingpui bel chhuangin stove bulah ka ding tlawn zar a , ka lam pan a a rawn pen hnaih rual chuan ka thin aphu dup dup nia mawle ! Ka hlauh vang erawh ani hauhlo thung .
Chair la chhuakin dawhkan bulah a dah a , a thu thla zui nghal .





"Inrinna ah in chawl ve lo ami ?" Ka sawitur hrelo chuan ka ti ve ngawt .Min melh reng a awmdan ka thiamlo .
"Yeap , kan induty chhawk thin .Vawin erawh pawimawh khawih tur a awm vangin ka kal zuai chauh " a ti ve mai bawk a , "tinge police i nih a ?" Ka ti leh zel , ka zawhna chu atan chuan aholam in chhân pawh apeihawm kherlo maithei ani .
Chuti chung chuan min chhâng ve zel tho .

Thingpui aso a , a thlum a siam sak in ka pe zui nghal .
Room lam a ka ph dah a rawn rik chuan melh zawk in ka kal nghal a , khumah ka kalsan ang ang in alo let bal mai .






Caller ID ka hmuh rualin "aw pi " ka ti zui var ,tunhnai ka ngai zual lutuk hi a , be chak thin viau mah ila ka biak ngun pauh leh hmuh ka chak zual dawn sia ka biakloh phah leh nge nge thin .
"Daphne " ka pi aw ani miahlo .

"Aw.."




"I nutei , ipi aizawl kan rawn panpui a Civil hospital ah kan awm mek " a rawn tih chuan ka phu deuh zawkin ka hria ! "Tinge " ka ti tawi tak .

"A thawhah leh khuh nasa , hei test hrang hrang an neih tir a result kan la hrelo i rawn kal ve duh takin ka ti .I nu biaktlang theihna ka lo nei miahlo a " a ti dap dap a " kalo kal ang " ti zui thuai in an awmna lai vel min hrilh chian hnu ah ph a dah zui nghal.
Kum upa lam nitawh mahse hhetuang teh thut hi chu ka beisei ngam lo .Zankhat mitchhin tawk thei rual chu an ni tawh meuh mai , mahse mihring kan ni miau a kan hmangaih te chu natna na tak tuar mahse kaltir phal kan awm bik miah lo ang.Chutiang bawk chuan ka pi , he khawvel a min hmangaih tu ka neihchhun hian ka damchhung chu min dampui ve tlat dawn a rinna lian tak ka la nei reng .






Ka thawmhnaw chu ka thlak sawk sawk a ,kawrfual bawk chu ha leh in choka lamah ka chhuak a, U Lsa alo ding ve nghal hlut .
"Enge ni Daphne ?" A lo ti dam thlup .
"Ih hospital ah ka kal nghal angai a khawngaihin min hruai thei ngem ?" Ka ngen ta tawp .Taxi chân chhung nen ka hmanhmawh si ani lo han pun mai tur ka hre miau lo .

"Tehreng mai " ti supin min kai chhuak zui a , ka kut khûr nasa lutuk vanga kawngkhar ka kalh theilo te chuan ka tah a ti chhuak hlar mai .
"Khawi keimah " ti dutin tala chu min laksak a , awlsam te in akalh zui .





Step ah chuan kan pen chho mawp mawp a ,kawngpui kan thlenchhoh rualin a motor ka hmu chawpchilh nghal .Kawng cross in kan lut zui a ,a rawn luh ve rual chuan muangchang lo a ti nung nghal zatin "khawi hospital nge ?" A ti zawi sup .
"Civil "

Ka kut ka sik neuh neuh reng chu a kut lum veng vengin a rawn hûm hnan a , "hahdam rawh " a ti zawi sup bawk .
Gear a thlak zeuh tihloh chu ka kut a hum ngar ngar a , ka kianga a awmve vang nge ka chiai lutuk kha a zia viau in ka hria .






"Nute " damdawi kawta ka nutei lo ding ka hmuh rual chuan ka ti var .Ka hmuh hnuhnunber kha chuan tun ang hian ala thau hauhlo , kan inhmulo rei ta vang vang hle mai .
"Aw Daphne , ipi chu ward pangai ah an sawn chho chiah a , hei a damdawi tur ka lei dawn chiah "
"Enge an ? A tha em ? Abiak theih em ?" Ka ti nghal mawlh mawlh .

"A zia hrih , amuhil mek a i pa Sanglura'n a awmpui a.A khuh nasa lutuk kha kan buaina ber ania , a thaw hah zui a mahse a zia tawh e " ka thaw huai thei mai .Hlauhawm ani ang tih kalo hlau hman lutuk a .






"Ani hi .."U Lsa enin a ti sap





"Liansangpuia ka ni e "ka tawngchhuah hma chuan alo ti thum dut .
"Anih chu ..enge ? In in kawp nge ?" Min melh tawn zak zak chuan a ti sap a , ka bula dingpa chu a ngawi leh tlat reuh si .Ka sawichhuah kher a phût emawni ?
Ka bu ta nghauh a , ka nutei pawhin nui sâng hian " anih chu , chho phawt ila " zawhna min zawh belh lo chuan a ti ta hlauh .

"I nu ka be tlang theilo a, i hrilh em ?" Kawng kan kal pah a ka nutei'n a tih chuan chhân dan tur ka hrelo kher mai .
"Hrilh lo " ka ti ro halh ringawt .Kan kiangah U Liansanga a kal ve reng bawk nen min zawt thui lo se ka ti kher mai .





"Ala ngai reng em ?" Ka nutei chuan a ti zawi sap a , ka bu nghut a hmuh rual chuan athaw hak .
"Liansang Daphne hi ka be lawk duh a " hrethiam takin U Lsa a kan hlat vak lo ah a kal zui a, nuamlo ati ang tih ka hlau ru viau .
"Akianga sawi nuamlo itih ka hlau a , inu chuan zû ala in ve zel ami ?" Min melh kak chung chuan a ti halh .

"Umm"


"Ava khawlh ve aw , Daphne kan kianga ipi chauh ka hruai kha min dem viau lo ang chu tiraw ? Min dem mahla a awm tho , inu nen chiah kan ni a ihria anga inu awmdan zawng zawng pawh .Keilah pasal neiin khatih lai khan kanla indang bawk silo ,inthlahrung takin ka nu enkawl ka duh thu ka sawi a ka pasal a chhungten min pawmpui hrâm a .A chhan pawh inu hian ipi hi duat takin a enkawl loh ka hlauh vang ani . A tleirawl chhuah hlim atang atal hrang a , ipi leh pute hi angai tawklo ni te hian ka hre thin .Chuvanga ipi pawh inu kuta dah ngamlo ka ni chiah reng a , mahse nang erawh a fa diktak a hrin chhuah ngei ini a hmangaih taka a enkawl che ka rin vangin hreh takin khatiang khan ro ka rel ta mai a" a thaw chhuak deuh hap
"Inu chu aw .." a ti zui vawng vawng bawk .

Ka nu hi chhungkua atang atâl hrang hma a , lehkha a zir sanglo piah lamah thingtlang kilkhawr a tawm reng apeihlo nge khawpui lamah amah in a tal thla ve tawp tih ka hria .Ka pi leh pute kei ngei pawh min rawn tlawh ngailo , ka nutei sawi ka pi leh pu ahmangaih tak tak lo ang tih pawh hi ka rin dan chiah ani .Kei a fa hrin ngei pawh ti khawp a min ngaihthah theih chuan ka pi phei chu angaihtuah lo tawp ang .







"Engpawh nise hrilh tho rawh aw , anu ani ve tho a hriat aphu ve lawm .I thianpa sawn hrehawm a ti ang chho phawt ang " a ti zui a , ka nu hrilh chu ka tum chuanglo .Ka pu boral pawhin a hmel vawikhat pawh a rawn inlan lo a ,tunah pawh ka pi chanchin hrilh pawh ni ila eng a rawn tih ka ring chuanglo .

Vanneih thlak deuhin U Lsa zârah gate kan paltlang thei hlauh a , security lo duty khan ahria nge azah viau .





Ward lam kan pan lai chuan ka kut a rawn hum leh chat tawh , kan inlenhleih zia ka hriatchian belh bawk .Hnunglam atang phei chuan pafa inkai kan ang zawk hial maithei ani .






Ward chhung kan lut a , akil ber khumah ka pi chu alo mu bal mai .Hreh zetin ka hnaih a , hetiang dinhmun ah hian hmuh ka duhlo .Anui hmel hmuh a anui ri hriat ka duh zawk .Oxygen mask vuahin alo muhil bam a , a cher takzet bawk !
"U Sanglur hei ka û fa Daphne kha , abula mi hi abialpa nih hi "Nutei chuan an pa min inhmelhriat tir nghal zat .
"Ilo va lian tawh ve a , khawmaw in chibai ila " ti var in min chibai a , U Lsa a chibai zui ve nghal zat bawk .






"Nanghi ngawi teh , Officer Liansangpuia ini em ? T.V ah ka hmu tlat che in ka hria " Pa sanglura chuan a rawn ti deuh hluai .
"Aw ni e " pakhat in alo ti dut bawk .

"Nu i heihi Officer chhuanawm deuh ka sawi thin kha anih hi " tiin nui heu hian ka nutei chu a hrilh zui a , ka nutei pawh ari ve nghal chûk .
Kei erawh ka pi kiangah thu thla ve in an inbiakna chu ka ngaithla pah a , U lsa chuan tha takin an zawhna te chu a chhang ve zel .






Nurse in chhuak then tur a min rawn tih chuan chhuak zinga tan ka tum hauhlo .Ka pi kianga la awm hrih chu ka duh .
"Nute ka pi hi kalo awmpui ang chu " ka ti ta tawp .

"I hman ami ? Awmpui ila i putea hi a û te in lam ah zu chhuk se ka lo tia " a ti sap a , "ka buailo ka awmpui hman alawm " ka ti let ve vat thung .
"Anih chuan kan zuk inthlak fel lawk anga , buaipui ngai em em a awm hran tawhlo bawk a zân lamah riak turin kalo chho ve thung dawn nia "
"Zân ah pawh ka riak thei ang " ka ti sep .Kum tam kan inhmu tawhlo a , hawsan leh mai ka phal lo .






"Aa...engpawh nise kan zuk haw thla phawt anga kanla rel tha leh dawn nia " tiin Pu Sanga û te inlam pan tumin an insiam zui a , U Lsa erawh haw ve nghal mai ala tum lo nge ala thu nghet viau.
"I duh chuan haw tawh la " ka ti zawi sep.

"Ka la awm ang " a ti deuh charh a , coridor thleng ka nutei te chu ka zui chhuak a , Pa Sanglura'n tul thut a hman ah ti a sanghnih min dah a tum chu hnial viau mah ila min pe lui tho .Ka lo rin ang em em chuan anlo sual lo tawp mai! Ka nutei'n ka pi angaihsak zia ka hmuh phei chuan ka pi enkawl tura ala kha ka lawm letling hial zawk .






U Lsa bulah ka luh hnu chuan ka thu thla ve zui a , ka pi kut lo lang chu chûl in alo tar ta lutuk chu ring tho mah ila hmuh hrehawm ka ti .Tunhma ang chiah in a kut cher riak erawh ala lum ham ham reng thung a .
"Tunhma chuan ka pi leh pute bulah ka awm thin a ,chhia leh tha ka hriat theih ata ka awm ti ila a sual lo ang .Kan in kawt ah hian sunhlu kûng lianlo deuh hi a awm thin a , ka pi hian min lawh sakin chini nen denpawlh in school ah te min pai tir thin " ka mittui lo luang chu hru zeuhin "khanghun lai tluk a ka hlim kha ka hrelo " ka tih zawm sep .





Ka dârah chûl heuh heuh in "pi leh pu fel tak inei anih chu " a ti sup .





"An fel zia chu i awih phalo zawk ang , kan harsa viau chung khan ka pu khan mautuai akhawrh chang te hian keini aia harsa lehchhawng khawrh a chhuak ve theilo te hi a khawrh kep ziah zel ." Ka pi leh pute tluk a mahni tu hmangaih zo leh khawtlang tan a inpe zo kha an vang ve ngawt ang .
Khatih hunlai khan a harsa pawl chu kan ni ve tehmeuh mai , mahse kan inchhung ah khan mi an rawn chuanglut hnem viau thin .Ka pi buhban chhum tem tum ringawt khan thenawm khawveng te kha an rawn chuang lut a , pitar leh putar leh hmeichhe naupang chauh kan awm si khan tlangval leh nula thleng khan an rawn chuang lut nawlh nawlh zel tho .

Ka pu boral zân phei kha chuan kan kawt thleng khan nu leh pa ho mai nilo thalai thleng khan an khat vek .Khanghun ah khan let leh theih nise , engkim kalsan huamin ka let leh duh ngei ang .






"I ning tawh em ? I duh chuan haw tawh la " ka ti chhuak sep a , thutna dûp pawh a awm silo a a thu ve reng a hrehawm a tih mai ka hlau .

"I bulah ka awm a ka nin i ring em ?" Nui suk a a tih chuan ka lai leh ringawt tawh ! Hahthlak hian a
Nurse pakhat rawn kalin ka pi zun chu darkar khat dan a teh reng angaih thu a rawn sawi a , ateh dan min rawn hrilh nghal thlap bawk .





"Nurse hi zir ve daih ta la , an form hi i inhmeh viau ang " alo ngaihtuah teh daih chu a ! "Ka tuina lam anilo " ka ti hlak .Hriau a invih te hi ka râp , chem lam erawh ka hlau leh miah lo thung a .
"Buai zetin i kal ve terh terh anga " ava sual tak





Kalo ner nang chu " i inhmeh ngawt tak ang " a ti zui leh kher .Mi chhaih laih hi chu nuam a ti mawle .





"Police lamah lut ila ka inhmeh daih zawk ang " ka tih rual chuan a nui huk !
"Enge ?" Ka tih vak chuan "eng nilo e " a ti zawi sup a , a nui suk suk reng tho !





"Ka pi hi alo harh ve leh minlo ko dawn nia aw " nichin a nurse bawk kha lo kal leh in a rawn ti a "awle " ti sepin kalo nuih ve sen sen , keimah min en miahlo tih ka hriat rual chuan ka tûm zui hmuk thung .Ka pi a rawn ngaihven em em chhan ka hrethiam chawpchilh nghal bawk .





U Lsa chu ka melh ngur a ,'enge' ti ni awm takin a mitko a san keuh .
"Nurse rawn kal reng chhan i hria em ?" Ka ti fân ruih , alu a thing mai thung .



"A melhdan che te kha i hmulo mi ?" Ka tih hlak chuan hnuailam bih hian a then sak a , rawn hawi chhuak leh in "kalo en char char che a ka hrelo anih chu " ati ve zaih , ava phakar tak !






"Tûn darkar reilo te chhunga min hnaih tan zia i inhria em ?" Tak deuh chuan a ti a "enge i sawi awmzia?" Kalo ti thung .

"Hetiang taka inpawh hian kanla inbe lo ka tihna , i nui hmel te, ka ngaihthlak tur a i titi ve siam siam te " a tih chuan ka hrethiam , min ngaihsak em vang aniang hetianga a bula ka awm ngam tak ni ! A chhan ka hre biklo mahse ka bula a awm ringawt pawh hi ka thla muanpui .Awmlo se ka pi ka hmuh rual khan ka tapchhuak hial maithei ani .
"Tiang hian awm reng ang che , i lungaihna te i hlimna te ka bulah thlen la .Engkim ...inthlahrung lo in ka lakah thlen rawh .Min zah emaw min hlau lo in ka kiangah ngaihngam takin awm ang che " a tih chuan ka chhang lo .






Ka pi chu a rawn rum tiah tiah a , na anei anih ringin "pi na inei em ?" Ka ti nghal chuk chuk .
Thawk harsa tih hmel zet a a rawn thaw deuh tawk tawk chu ka buai nghal vek .
U Lsa'n nurse te ako vat a , an rawn thlen rualin min pawtsawn nghal thuai .

"U Ls ka pi hi atha ang tiraw ? Tinge tiang khuan a awm a ?" Ka ti nghal mawlh mawlh .Ka hnungah a chûl hauh hauh a , "hlauthawng suh " a ti sup bawk .





Nurse te chuan an buaipui zawm a , a oxygen level an tih sân sak piah lamah engemaw hian an chiu zui nghal bawk .
"Bp check na lo la ru " an phe nghal suau suau ani ber !
Ka pi thawk a rawn ziaawm chho a ,ka hlauhthawnna a la kiam phah chuanglo thung .

"Doctor alo thleng tep ang , hlauhawm anilo aw oxygen a mamawh tawk a hmuhloh vang anih kha atha chho mai ang " nurse in a tih chuan U Lsa zawkin lawmthu a hrilh sup a , ka pi kiangah ka thu thla zui nghal chawt .






Doctor a rawn kal a , ka pi a rawn enfiah hnu ah "in theih chuan cabin lam ah insawn thei ula ka duhpui khawp cheu .Thawhah nei ania , mipui kara awm chi ani viaulo a , cabin ruak a awm em tih erawh ka hrelo a mahse vawin a chhuak tur an awmin ka hria " a ti a , in ngaihtuah buai miah lo in "ruak a awm chuan kan lo insawn ang " ka ti nghal .
Eng anga tam nge kan insen dawn ka hrelo a ,mahse ka pi thatna tur anih chuan ka pawisa kawl ang ang hi ka hmang mai ang .






Cabin ruak chu alo awm hlauh tak tak a , kan insawn thla nghal chûk chûk bawk .Chanchin Lawmi whatsapp atang ka hrilh tawp a , call in nakin ah ka be tawh mai ang .U Lsa a buai berah atang a , ka pi pawmin mipakhat tlawmngai in oxygen bur min out sak bawk a harsa vaklo in kan insawn fel thei hlauh .






"Bawihi station a ka let leh lawk angai a " nurse ten ka pi an rawm buaipui zawh chuan a ti sup a , "tunah maw " ka ti zawi sep .
Zeploh chuan awmve hrih se ka ti , ka thla ati muang a ,ka rilru hah a ti ziaawm bawk .Ka lo thlamuanpui tak tak hle mai !


"Aw " a tih sup chuan "i kal ngei ngei angai ami ?" Ka la ti fan .
"I bula awm ve hrih turin min duh em ni ?" A ti ta khauh a , amitmeng ah alawm zia alang vek thei !







"A pawimawh awm sia kal rawh " ka ti ta zawk .Lo dan beh ve reng pawh a in thlahrunawm alawm .
A tho nghal uaih a , thlah tumin ka tho ve nghal zat bawk .Kal lo se tih chu ka duhthu sam ani , ka pi lo buai leh thut se engtin nge keimah in ka buaipui ang ? Nichin ang khan chiai buai leh ta vek ila ...






"Ilo let leh angem ?" Ka ti zawi sep a , thaw hak hian " kallo turin min duh tiraw ? A dik em ?" A ti chhuak nghut .




Ka buk tak nghauh nghauh ah chuan "sawi mai ta che ,awm tura minla duh chuan " ti supin min kuahbet nghal thlawp a. "Hna chuan min nghak thei alawm , nangmah i pawimawh zawk " ka him veng veng in ka inhria !