"Mawli harh rawh a bum che nih hiii,ngaidam miah suh" tiin keimah leh keimah chu ka in be mawlh mawlh.Ka thinlung hi a na veng vengin ka hria,Rinsangpuia teh hrep hian a dam loh thu leh a chhuah peih loh thu sawiin bazara kal tura ka sawmna a hnar a hmeichhe dang nen an chhuak dun ka hmu leh tho sia."Rinsanga hi a ler hmel e" an lo ti thin pawh hi a awm lo hran lo e, engmah lei chhun zawm tawh lovin ka haw nghal daiha a nuam tawh awm chuanglo emai.
Kei hi Malsawmhlui ka ni a, Kum 25 mi ka ni.Unau pathum lek kan ni a kei hi a upa ber ka ni,ka nau chiah hi Zorinpuii a ni a kan pang ber hi Lalhlimpuia niin class 12 a zir ve mek bawk. Chuan Rinsangpuia hi ka bialpa a ni a , Kum 3 lai kan inzui ve tawh, tunhnai hian a zia a dang sawt em2 a,mite hian hmeichhe dang nen an hmu dun thin niang min kawp anih an rin thu min hrilh leh thin .Engah vak ngai duh lovin ka nui liam vel mai mai thin a mahse a tak tak ami nih dawn hi.
Inah chuan lutin ka thil lei ho chu dawh kanah ka nghat sawk sawk a ka room lamah ka kal nghal,inthlak pawh inthlak lovin Rinsanga ka call nghala a la theilo.khumah chuan thu hnawkin ka muttui tla tur chu ka dang ve hram hram,ka rilru ana a engmah pawh ka ngaihtuah theilo khumah chuan ka mu tawp a ka muttui lah a tla tawp thei silo. Kan in ngaihzawng tirh kha chuan min ngaihsakin min hmangaih em em a kei pawn ka hmangaih ve hle chuan ka hria,tinge a danglam thut le. Mipa fel tak leh nungchang tha tak a ni a ka chhungte pawn min duh pui viau,inneih lam kan sawi ve tan tawh a mahse heti hi kan ni leh si a awm ngaihna pawh ka hrelo. Ka lo tap muhil a ni ngei ang ka harh leh chuan khua alo thim vek tawh,khum atanga ka thu chhuak chiah chu ka phone a lo ri nghal Rinsanga alo ni.
"Hello" ka ti zawi sep "Kalo muhil daih a I call ka lo hrelo lawm" a rawn ti a "Rinsang in then mai ang, min kawp lovin duh dang i neih thu sawi ta che" tah chhuak insum taka ka tih chuan," Ka tihoalh lutuk sawi chu ka duh a mahse ka ngam thlawt lo a ni" a rawn ti leh,ka beidawn ngawih2 a insawifiah bete ka ring a nia mahse a ti lo." Awle" tih chauh a changin phone chu ka dah nghal, bathroom ah lutin ka inti fai sawk sawk.
Inhnuaia ka chhuk chu Chhanhimate thianho an lo thu thup mai,"Eng nge in lo tih dawn a in lo Len ve teh mial" tih pahin ka nu leh la Tv enna bulah chuan ka thu thla ve nghal "kan lo rim dawn che a ,I awmlo emaw kan tia haw leh kan lo tum chiah a"Muana chuan a lo ti vat,"Room ah ka awm daih a kalo hrelo nih chu ,ka nu pawh chu min lo koh tur che lawm" ka ti a ,ka nu lah chuan "I chawhmeh lei dawhkanah alo awm tawp a hmuh tur i awm silo a i leng chhuak emaw ka tia" a lo ti ve a.
Muanate lam chu hawiin "Thingpui in duh em" ka ti a" I lum peihte chuan duh e" an lo ti ve mai bawk. Thingpui ka lum zawha ka sem chu Rina bulah chuan mi pakhat lo thu ve run chu ka hmu a ,a tirah khan tumah ka lo en chianglo bawk nen mak ka ti viau.Kan ina lo lengte hi Chhanhima,Rina,Muana leh mi pakhat kha an ni ,"Rina I bula thu kha tunge a ka va hmu ngai lo ve " ka ti chu mak tih hmel deuhin,"I hrelo mi Nu Duhi fapa Sawmtea kha" alo ti chu ka hre chhuak ve zawk mai.Sawmtea hi kei ai Kum nga velin a naupang a ,phaiah lehkha zir chhunzawm tura a kal daih avangin a awm bo char2 a ka lo hai hman alawm le.
"Sawmtea chu ka hai che lawm i lo van Lian tawh ve" ka ti chu a duh vaklo niang a ner nung2 mai"ka Lian sa,bakah naupang ka ni tawhlo tiang khan min be suh"a lo ti hmuk, a mizia ala ngai reng a nih dawn hi."Mami kan va mu ve tawh nge ti Khan lo inkawm rawh u" ka pa chuan tiin ka nu nen room ah an lut nghal, Chhanhima chuan "Sawmtea hian 'U hlutei ka hmu chak e min Len pui teh u' a tia kan lo ken pui anih hi" nui ruh2 chung hian a ti a "Anilo nangmah ni'n leng ang u inti nih kha" Sawmtea chuan a lo ti a kan nui ho dar2.ka nu leh pa an mu tawh bawk a kan duh duh sawiin fiamthute kan thawha keipawh Rinsanga theihnghilh thakin ka nuih phah,an haw tur chu pawn thleng ka thlah a.Sawmtea chu kal ve nghal ta mai lo chuan ka hmaah a rawn ding ren rawn a"U Hlu i number min lo pe" a rawn ti a a lai deuhin ka hria,ka number chu ka pe a engmah pawh sawi tawh lem lovin a kal nghal nal2.
Kawngka ka kalh fel hnuah mu Turin ka room lam ka pan nghal a ,khuma ka mu chiah chu ka hahdam sawng sawngin ka hria.Rinsanga ka rilruah a rawn lang leh nghal ,tun ang hunah hi chuan ka nau te ka ngai thin ka pite khaw lamah ka piin a ngaih em avangin an zin a an cham rei tawh ang reng hle.
Kan chhungkaw chanchin sawi leh thuak2 ila, ka pa hi highschool zirtirtu a ni a,ka nu hian thawmhnaw dawr a nei bawk ,inlama Chet a duh avangin a dawr ka nghah chhawk thina dawrah thawk an awm ve tho bok nen vawiin kha chu dawr nghak lovin ka bazar daih a ni.
Chhunzawm zel tur
(Ka ziak thiam vaklo ang tih chu ka hria zan a rei tawh bawk sia ,a tawi viau pawh ka ring chhiartu in tam vak loh chuan ka chhunzawm lo maithei a ni,ka vawikhat ziahna Ani bawk nen a
gaihnawm pawh ka ringlo
muttui ule)