Chapter 2
" Ka, k,a"! chunu in atih lai mek chuan vin ni hauh silo muang ban charh hian " ka tih zawhna ka zawt lo che, ka thusawi kha chhang mai rawh" ati chhum hmuk " he damdawiin nei tu laktlak loh zet an sawi kha ini ang maw, naupang te te hian tihian in nu leh pa te thawhchhuah sa ring in nuam in chen a in la in la ve khang lang leh nghal a, aia upa te ka vin ve e te in han tia i zak map nange" atih let er chuan ka tim chawi thei.
Hna thawk te leh damlo in entir tur a lo kal te chuan min en thap hlawm, ka rin loh dan deuh a Matthew chu nui hawk in, a aw thum leh lian zet chu damdawiin chhung a chuan ring tak ani. " Ka pi ti ta che ila i haw leh awm lawi si, chuan maw ka pi ka hnuai a hnathawk kut i thlak vang khan ngaihdam dil rawh, nge ni a Police kan ko zawk dawn em ni ang " ti a abih ngur lai chuan chunu chu a zam ve deuh nge tawlh hnung hrat hrat hian.
Kei a din na lam chu rum tih piah lama lo en in" Teuh lo mai tunge ka nih hi in hre lo em ni, eng vang mah in kei aia hnuai te bula hian ngaihdam ka dil ngai lovang " atih lai mek chuan Mathew chuan vin zet hian " Hrep hian i dil dawn nge dawn lo, ka sawi nawn tawh lovang chuan he i rah mek na hi ipa emaw, i pasal emaw , tu pawh chu nise ata nilovin ka ta anih hi, damdawi ruih i nei bawk" ti a khi suk hian a kut a asana bun chu a bih zeuh a .
A hma a hmeichhia pawh chu a mitmeng a tlan chhe ta deuh " e, e, eng thuawm ze neilo nge i sawi hi ka hre lo, chuan tihtur ka nei tawh lo, he damdawiin hi a lan dan chiah a mawi a chhung lam erawh " ti a ner sawk in a kaih mek naupang te nen chuan in her in kal mai chu a tum a " kha i ke khan pen khat pawh a pen leh anih chuan ka tih tum hi ka ti ang, ngaihdam dil miahlova kal maw i tum a"! ti a nui ro hawk hian a hmai a tuai puat a
Chunu pawh chu mitmeng sem ram a lo hawi ve in " Engtin maw min tih anga, i duh leh phone ta che ka pasal hi Sp ani tih i hria em" atih vin tuar tuar lai chuan mathew chuan chunu thusawi ti ila ang buan buan chu ngaihsak map lo hian amah en run chung chuan a beng a phone chu a dah a , chu nu pawh chu a tawp chawt, a mitmeng a chuan a zam ve deuh niin alang. " k, k, ka dil ang phone a ngai lo "atih lai chuan mathew chuan " Ka damdawiin a hmeichhe pakhat in ka hnuaia hna thaw kut a thlak a , dan anga hrem na pe turin ka duh che u"! atih nghut chuan chunu chu a meng zak zak mai.
Kei ngei pawh hian in ben vang mai mai a police a phone ka ring hauh lo, ka hawi kual a kan reh thup ni mai hian ka hria. " ka dil ang khawngaih in police kha phone leh rawh" ti a khanu in ka lam alo pan chuan hamhaih zet hian ka en tawp. A pasal Sp anih thu a sawi a tunah lem a hlau leh em em lawi a ka hre thiam lo " min ngaidam rawh khawngaih in ka lo tisual ani " ti a, ka kut a vawn chuan chhan dan tur hrelo zet hian Mathew kekawr ip te pakhat zen a ding chu ka en a .
A mitmengah enge a ngaihtuah tih hriat loh khawp hian ain thunun thiam ka ti mai ' khawngaih in " atih leh takah chuan tawng tum in ka ang zuau a mahse mathew bawk in a" ani nen in buaina chu a zo tawh tunah chuan kei nen ani tawh, hun tha pek inih lai khan ka tihpalh tih thumal sawi kha a har hauh lo " atih hmuk chuan ka ip chawi thei ka hma a hmeichhe hmel chu hlauthawng hmel ai mahin hrehawm ti hmel hi a pu tawh zawk in ka hria.
Police pakhat hmeltha zet leh sang zet lo lut lam chu kan en thap. Ka rin loh deuh hian Mathew nen chuan an in chibai a an awmna a hlat deuh vang in enge an sawi kan hre phalo, kan lam chu an pahnih chuan an lo pan a ka kut vuan mek tu chuan ka kut chu a hmer na mah mah bawk. Aw thum bul hian " a vawi 10 nan maw" ti sup hian ka bula ding chu a en run a, athu sawi awmzia chu ka hre lo " sanga ka office lama aw" tiin mathew chu a kal sawn vut a step a chho dawn tep tih a lo hawi leh in " Nangpawh kha lo kal rawh" ti in a chho nghal a
A office chhunga chuan kan thu thap tihsual nei miah lo pawh ka zam in ka kut te a thlan dup thei hial. " chuan engtin maw atih che a ? kan nu chuan" ti sup tu chu ka en zeuh a bula thu ve run Mathew an min en chian em vang chuan ka kun leh nghal " i, k, i a ho lutuk" ka tih bah nak lai chuan mathew rum ri nghut ka hre nghal amah chu ka en vat bawk ngun thluk zet hian min lo en run a ka zam tih piah lam ani an mi upa na hi ana dun em ani.
" in nu ti ila i thian nu hian " ti a min en in " tunge i hming " ati sup hamhaih zet hian " maw" ka ti hu min zawt teh thut bawk nen ka hamhaih zo vek phun hluk hian " ani saw kut a thlak a ka sawiawmzia chu i hre thiam mai em, kei aia hrechiang tu tur chu nangmah inih ka ring " atih hmuk chuan ka in hum ruh vak police pa chuan kei chu min en in " kan tihpalh tak zet ani kan nu ai awh in ngaihdam ka dil e khawngaih in lo hrethiam rawh aw " atih sup chuan ka bu nghat " ngawiteh sanga ka pawm hauhlo i zahawm viau rualin a ti sual tu i nupui ka atang ngei hian hriat ka duh " atih hluk
A zam ve miah lo emaw ni le Police officer a bula a thu a ti chung chuan zam hmel emaw engmah hmuh tur a awm velo, mi tam tak chu Police arsi pakhat lek in bel pawh an form nen a an han in duan thlap hi chuan an zahawm in an rap awm riau thin a, tuna a bula thu mek phei hi chu lal vet vet tak anih lai a, a thusawi a hnial ngam te chuan Mathew min ngaihsan tir " ni dawn teh tak e aw hruaii ngaihdam dil rawh "!atih hluk chuan ka bula thu chuan zawi te hian " ka tihpalh aw min ngaidam rawh" tiin min en kiau a
A hmel chu a khawngaihthlak awm letling zawk ka bu nghat " hruaii motor a bawiha nen khan lo va awm rawh u " atih leh sup chuan hruaii atih nu chuan kei chu min en zeuh in a fapa kai chuan a chhuah pui a mipa thaw hrawi ri chuan hma lam min hawi tir leh nghal. " a pawi ani " ti sup tu chu police pa kha ani" tinge i then mai loh i nun ati buai mai mai ani "ti hluk tu chu mathew zawk ani thung police pa chuan mathew thu run chu en a khi suk hian" Thian a i nunah hmangaih ila tawng lo anih chu" ti a nui hawk in a ding chhuak vut a
Keipawh ka ding ve nghal a in ti zet a Mathew thutna lam ka en lai chuan min lo en leh run tawh, ani pawh muangchang a ding ve in" i kal dawn maw in nu kha zilh hle ang che, kaihhruai theih loh nupui neih ai chuan then vat a zalen a tha zawk"! tiin a nui ve suk Sanga chu nui hawk hawk in Mathew dar a na lo te a hnek sak chung hian" Nakinah ila hre thiam ve mai ang ka kal ange aw" tiin ka lam pan chuan alo kal a ka hma a chuan ding in" ka lawm lutuk aw" tiin kawngkhar lam chu a pan a
Zui ve mai ka tum lai chuan ka hnunglam atang a mipa aw ri vang chuan ka ding leh dat " nang kha kal ve turin thu ka pe hauh lo che"! atih hluk chuan muangchang hian ka in her min lo en leh run tawh " a ,i ka tihpalh" ka tih sep lai chuan ka lam pan hian alo kal phei a lungphu dup dup hian min lo pan tu chu ka en tawp ka hma a tak chuan lo ding in" i ka atang hian tihpalh tih thumal hi nikhat a vawi engzah nge i chhuah tir thin" atih tak daih a chuan bo zet hian dak vah in amah chu ka en haw
Engang zawhna nge ni ngai " maw" ka tih leh ha takah chuan khi suk hian " tu maw i hming" tiin a thutna lam pan chuan a kal sawn ta daih lawi a, a thutthleng nawr lir theiha chuan a kut khat nghat in kawisawi deuh hlek hian min en a " a, i," ka tih lai chuan a thaw chhuak hawk a ka tawp chawt mai " Naupang chhumchhia ang maia a i tih kha ban san vat la atha bawk" ati leh hluk keipawh ka thaw suai suai mai " lalremtluangi ka nia " ka tih sep chuan ngawi rauh rauh hian min chhang dawn tawh lo emaw ka tih hnu a bu nghut hian a thutna a chuan a thu thla a.
A awm dan leh khawsa zia en hian mi pakhat chu ani ve chiang alawm hepa hi chu, a mi uap na nat dan leh a tawngkam kau chheh atang ringawt pawh hian mipa fing leh enge mawni tak hi chu ani chiang ani. Amah a len piah lamah a hmel chu tha vuak lo mahse apa in a kum a naupang chhe zawk zawk tawh lo tih a hriat bawk " i thiam loh ni miah lovah tumah ngaihdam dil tawh ngai bawk suh, chuan mi kut i tuar tur ani lo bawk i hre thiam em ka tihpalh tih thumal sawi na hun a awm tih hria la, nangmah kha in dah sang tawh ang che i kal thei ang "!atih chuan ka bu nghat a rum ngut vang chuan" awle" tiin ka in her nghal ka chhuak fel tep tih a athu sawi vang chua ka ding leh chawt
KA UNAUPA 2 BY PIANI THLAUHTHANG
Moderator: writers
ADVERTISEMENT (A hnuai a milem hi a nia hmeh zeuh tur chu)