CHHINGKHUAL 'D' ALEX LIANSANGPUIA CHAPTER=28 BY:DREAM LOVER

[Dream lover]

CHHINGKHUAL D ALEX LIANSANGPUIA CHAPTER=28 BY:DREAM LOVER.







CONTINUE ALEX LIANSANGPUIA P.O.V:







File vel ka enkual thuak thuak lai chuan dawhkana ka phone dah chu alo ri chhunzawm zata,ka dinna atang chuan ka pan phei a,ka chhan hma chuan phone screen a lo lang chu ka en hmasa leha,Dr.Jerald heorceo rinsangi enkawltu super specialist kha ani.


Thla khat aliam hnua acall vawikhat ka dawn na ani a.Thu pawimawh tak min hrilh tur anei anih ka ring nghal bawk.


Ka chhan rual chuan damdawiin lamah arang thei ang bera kal tur chuan min rawn ti nghala,darkar reilote hnuah ka thlen tur thu chu lo hrilh ve in kan inbiakna chu kan ti tawp a.






Ka Office hna túl zawng zawng kalsan chuanin damdawiin lam chu ka pan ding nghala,kawng tluan chuanin engtak chu nge thleng ang tih ringawt chu ka ngaihtuahnaah a awma,atha lam nise tih chu ka duh ru hle  bawk.






Ka office leh damdawiin inkar ain hlat lutuk loh avangin reilo téah chuan ka thleng vata,damdawiin kawta ka fapa leh ka nu niawm tak lo ding chu ka hmu a,ruah tla cherh cherh chuan ka motor glass hma atih ràn avangin an hmel chu ka hmu chiang thei mailo.

Va pawh mai lo chuan garage lam pan chuan asir lamah  ka peng phei hmasa leha,bang kil lamah ka hung that hnu chuan damdawiin lam chu ka pan chhunzawma.







Ka nu leh ka fapa in min lo hmuh chuan min lo hui lauh lauha,ruah sur kar atang chuan motor ah chhuk in ka pan pheia,an pahnih hmui phun atang chuan eng nge maw sawi annei tel chuan ka hria,hriatchian ka tum zeta,mahse ruah tla thàwm arin em avangin ka hrechiang theilo.





An bul ka thlen rual chuan hlim sàng hian min lo nuih vara,ka fapa nena an hlim hmel mawlh chuan ngaihtuahna min neih tir thiam lo "hetah eng nge in tih tlai lamah chiah ka kalpui ang kha iti sia" tih chuan ka zawt zui ta renga.




Ka zawhna pawh min chhang lo chuan "lut phawt ila midang ho pawh an awm kim vek tawh" tih chuan min chhang daiha.zawhna dang zawh leh ka tum chuan hmanhmawh tur chuan min ti leha,ka nu awm dan vel chuan mak min tih zual tir telh telh.

"Ipa kutah ah khan chelh rawh" tiin atupa chu amelh zeuha,thuawih zet chuan ka kut chu a rawn vuan nghal chawt,"kal ang u" ti  lehin,ka fapa chuan min pawt lut zui nghal a,counter kan pelh lai chuan "bawihte anu chungah eng nge thlenga" api hriat phak loh tur chuan zawi té in ka zawta, "apiin aphallo" tih chuan atang ve tlat.

Mahse maw apa ti lehin "aw ka ngaithla" ka tih chuan "anu in nitin nuih reng tur ati"tih chuan arawn ti chhuak hlawla, anu chu angaihtuahnaah a awm ve reng ani tih chu ka man thiam nghal maia.




"Anu sawi chu adik alawm,mittui tih tlak duh miah loh tur nitin vawikhat tal nuih tur" tih chuan ka hrilhfiah zui mawlh mawlh.




Rinsangi an dahna room pawh chu kan thleng thuaia,ka nuin kawngkhar ahawn rual chuan kan zui luta,an lo awm kim khawp mai,va pawh mai ka tum chuan ka thil hmuh avangin ka ke pén atawp chawta,ka pén zui thei tlatlo min thàwng chiang lutuk.Sawi mai tur ka hreloa,mumang ang mai ani.Ka fapa in ka bana min sawi nawk nawk paha min biak zuina pawh chu ka ngaihsak thei dér lo.





"Mama,tinge kha tia iawm,ka tupa in kal ang atih mawlh mawlh kha" ka nu chuan ka lam hawiin arawn ti a, ka nu hmela hlimna pawh chu ala awm reng.Ka awmdan chu midang lo awm ve ho chuan mak min ti a,min lo en thàp.





Hlim tur nge engtia han dawn sawn tur nge tih chu ka inhrethiam ve tlat lo.




"Bawih-a lo phei rawh hei thla1 dawn kan nghah hnuah kan tawngtainate chhanin a awm ta"tiin ka pa chuan rinsangi khuma lo thu vàng chu amelh pah zawka.




"Rinsangi lah chuan ka awmdan vel chu min lo en ve renga,amitmeng chu abuai hmel riauin ka hria.






"Muangchang chuan ka pan pheia,an bul ka thlen chuan,"mambawih,hei jason-a pa alo thleng" rinsangi pà chuan alo ti vara.


"Kun hnaih pah chuan abiang tawn tawnah ka chelha,achal ka sík rual chuan "ka lawm e" ti sepin ka awm ah chuan nghet takin ka kuah zui nghala,ka chhungrila làwmna awm chu ka hmelah lo lang chhuakin ka nui chhuak ve thei ta chiah.




"Min thlah teh tunge inih" tih pah chuan akut chuan ka dàr ah min nam tunga,ka nui hmel pawh chu atawp nghal riai riai.


In la hrang nghal vatin,ka ep chiaha lo ding doctor chu ka va melha,"eng nge awmzia" tih chuan ka zawt vat.



Midang ho pawh chu an ngawi zui thapa,doctor tawngchhuah hun chu an lo
ngaichang ran.




Chutah doctor chuan "ka office lamah kan inbe lawk dawn mi niang" tih chuan min hrilha,ka lo bu nghat.




Office chhung kan luh chuan thutna lo awm chu min kawh hmuh a,ka thutfel hnu chuan ka ep chiahah athu ve nghal zata.




Chutah"File pawl rawn lek chhuakin hei en rawh" tih pah chuan center table ah chuan arawn chhawp hnaia


"Ka làk rual chuan achhunga awm chu eng nge ni tih hriat tumin ka phawrh chhuak nghala,lehkhaa inziak vel ka en kual hnu chuan thil awmzia àwm ang chu ka hrethiam nghal ruak ruak.




"Anih chuan engtik ah nge ahriatna chu aneih lét leh theih ang" ti a ka zawh chuan asawi làwk theih loh thu leh chunglamin tul atih hun nghak rih tur chuan min ti a.


Lo nghah tawp mai chu ka huphurh ru hle thung.Min theihnghilh hlen mai ang tih hlauhna nen chuan ka rilru atàwt ru túnga.Ka hah hluah hluah.



"Engmah tih loh ai chuan tih dan kawng a awm mai lo ami" tih chuan ka zawt leh.Alakah beiseina ka neihsan zia pawh ahriat tel ka ring.



"Kawngkhat chu a awm maithei" tih pah chuan angaihtuah zui roh roha,asawi leh tur nghak chuan ka lo ngaichàng ve ran.




Chutah rawn sawi chhunzawmin"hun liam tawha inhun hman dun atheihnghilh takte,khan bul itan that angaih hmel" tih chuan min hrilh.



"Hre chhuak thei tlat lo se engtin nge ni ang" ka huphurh ém vang chuan ka ti nawn leh.



"Beiseina nei rawh.A hmangaih tak zet che chuan ahre chhuak leh em em angche" tih chuan min fuih zuia.



"A chunga thil thleng te hi ahriat laia sawi lo tur chuan min chah zui bawk.




Kan let leh hnu chuan rinsangi ní te nupa chu an lo awm tawh loa,ka nu leh pa leh rinsangi nu leh pa chiah an lo awm tawh.
Ka fapa erawh anu ahmuh rual khan  anu mal chung achuh zui tharha,laksawn an tum pawn aduh tlat lo.



Thla tam tak hnuah anu pang si a,a awm leh hmasa ber anih avangin tumah chu tih buai zui tir ka phallo.Ka fapa hlim taka a awm hi ka mitah chuan thil hmuhnawm ber ani tlat.




An pahnih che vel chu ka en reng a,kan fapa chu atheihnghilh lo tih ka hrethiam nghal maia,azia tho mai.




An bul a ka thut rual chuan ka nu chuan zawhna alo nei nghala.


"Doctor chuan eng nge alo sawi tih vel chu min zawta,"nakinah kan sawi dawn nia tih chuan ka hrilha,min zawt zui ta bik lo.




"Tikhan in pafa khan zanin chu in awmpui anga naktuk lamah ahman zawk zawkin kan rawn chhawk dawn che u nia" rinsangi pain atih chuan "a chhuah hma chu keimana ka awmpui theih thu chuan ka lo hrilh let vata"


Min hnial zui zet naa,ka lo tan ve tlat  avangin min hnial zui duh ta bik lo.

"Anih chuan in lamah tih tur pawimawh kan nei si a,naktuk lamah kan rawn lang leh dawn nia,pawimawh a awm anih chuan phone ah min rawn hrilh zung zung ula" tih chuan min chah zui a,damdawiin kawt thleng chuan ka va thlaha.



Ka lét leh hnu chuan " ka nu leh pa pawh in lama haw tumin an lo inpuah chah ve meka"
Apuin atupa chu abula riak turin asawm zet naa aduh tlat lo.


"Anu angai anih kha hun tha zawk ala awm mai ang" tih chuan ka nuin ka pa chu alo hrilh meka.


"Ka ngai ve alawm le aw" tiin pakhat chuan alo la hnial tang tang.




"Kal ang boruak iti chhe zo ang"tih pah chuan ka pa chu kawngkhar lam pan pui chuan aban ah akai phei zui nghal a,damdawiin kawt thleng chuan ka va thlah leha.



Ka lét phei leh mek lai chuan ka kekawr iptea ka phone ah chu alo ri ve chiaha,ka chhan rual chuan "sangman innu chu eng nge a an" tih chuan ka thianpa zoa chuan alo ti nghal a.




"Kan tha animai" tih chuan ka chhanga,lehlama mi chuan "iva chauh hmel ve,thil thleng dang a awm ami" tih chuan min zawh chhunzawma.




"Awm lo e,kan tha ve leh mai ang" ka tih leh na chu "kha maw tih pah chuan achek zui tlaka,sawi teh engkim"atih leh chuan "ahriatna lam afel loh deuh avangin min hreloa" tia sawi zawm leh ka tum chu min lo pawt chat a, "ava zia lo tak,doctorin engtin nge an tih" ti a min zawh chhunzawm leh chuan "doctor nena kan inbiak dan zawng zawng leh athu min hrilh te kha ka hrilh chhawnga.




Chutah rawn sawi chhunzawm lehin"beiseina ala awm chu.Lungngai duh suh engkim hi atha leh dawn tih ka hria nia.Tanpui theihna che ka nei anih phawt chuan min rawn hrilh hreh lo la"ati a
"Nia,mahse angailo ang keiman ka thei mai ang"tih chuan ka hrilha.



Thudang dang te chu sawi chhunzawmin hna lam ka hnutchhiahah te abuai leh buai loh te chu ka zawt zuia,buaina a awm vak tawh loh thu chuan min chhang ve mai a,"anih engtikah nge rawn chhuk itum" ti a ka zawh leh chuan "inrinnia lo chhuk atum thu chuan min chhangin kan inbiakna pawh chu kan ti tawp zuia.





Pindan chhung ka luh chuan damdawiin staff pathumin  rinsangi amutna chawpa,nawr chhuah an lo tum mek ka hmuh rual chuan "engtia tih nge in tum" tih chuan ka zawt ta vat.





An zinga pakhat sa tha lampang zawk chuan "that lam apan tawh thoa,doctorin cabin ah sawn turin min ti a" tih chuan min lo chhanga.






"Athat chu ti sepin an chhuah puina lam ah chuan ka zui ve zela,cabin kan thlen chuan bungrua te chu an rem fel nghal sak mawlh mawlha,an tih turte an tih zawh hnu chuan an chhuak zui nghal ve mai bawk.




Thutna lo awmah ka thut thlak rual chuan" apa"tiin ka fapa chuan min ko zui nghal a.


"Duata" tih sep in amit ah tak chuan ka en chhunzawm.Asawi leh tur pawh chu ka lo ngaichàng ran.




"Anu apa leh keimah jasona hian kan ngai lutuk che" tih chu arawn sawi chhuak phawnga,ka lo kiai suk.




"Anu nangmah pawn ingai ve em apa hi" tiin anu en pah chuan azawt leh.




Achhana nghak chuan ka lo en ve renga,ka lam pawh chu arawn hawi ve chiah,mahse amitmeng chu abuai deuh naka,arilru pawh abuai hmel khawp mai.


Jason-a lah chuan abàn ah alo sawi dat data,tawngtir tum tak chuan anawr sek sek


"Jayson,duhtawk teh ipa anilo ka tih tawh kha" tia arawn tawng chhuak chu "rilru na zet in ka lo melh ngawt ngawt"



"Apa alawm" tiin ka fapa chuan min en pahin ala ti ve tlat.



"Jayson ipa chu,ti a sawi chhunzawm leh mai atum chu atawp chawta,abek tawn tawn vuan chung chuan a meng phili ruaia,boruak tla chham tih hriat zet chuan thawk ala sek sek bawk.





"Itha em tih paha pan hnaih mai ka tum chuan "Lo hnai tawh suh.Ka hre ngailo che"ati a,ka che pawh chu ka tawp chawt.A taksa khur dar dar atang chuan min hlau ani tih chu ka hre ru reng.Tih reh sak vat pawh ka duh.




Mahse tunah rih chuan aharsa lutuk,hnaih ka tum apiangin amah hian min dang tlata,min hre chhuak thei rih lo mahse eng hmuhin nge min hmuh tih tal chu ka hre chak tak zet.




"Ngati nge ka lu hi anat em em"tih chuan a au zui tuarh tuarha,kuah nghal vawng vawng mai chu ka duha,mahse tih thu kan inkara ala awm hrih avangin chet lak mai chu arem rih lo.Kil khata lo en mawl tawp chu tuna ka tih theih awmchhun ani rih.










Kan thàwm chu hriain amah enkawltu Dr.jerald a leh nurse ho chu an lo lut vata,kan awmdan an hmuh rual chuan an mitmeng chu abuai zui ve deuh nakin ka hria.




Kan bul an lo thlen chuan nurse pathum chuan an bawihsawm nghal zung zunga,khumah chuan an mut that tira, doctor chuan alungphu rí te chu a ngaithla nghal zung zunga,ataksa dang pawh chu a check kual pah bawk.


Doctor chuan ka lam lo hawi pahin "nawr vak hrih suh" tiin min lo hrilha,chhanglo chuan


An che vel chu kil khat atang chuan chik zetin ka lo ena,ka fapa pawh chuti tho anu an buaipui lai chu hriatthiam loh hmel tak chuan alo en ve renga,chét pawh ache sawn eih lo."Apu anu khan na ati ang" tih pah chuan doctor in anu chiu atum mek chu asyringe chawp a alo vai thlak sak rual chuan "ka lo la hrang nghal vata" cabin pawn lamah chuan ka chhuah pui nghal vat bawk.




Corridoor sir a thutna lo awma ka thut pui rual chuan "apa anu kha ka khawngaih e" tih chuan aphun chhuak zui sepa,chutah amah ena ka kun hnaih rual chuan "anu kha kan kiangah awm vat vat se iduh em" tih chuan ka zawt a, "abuk nghat pah chuan aw" ati a

"Anih chuan doctor khan atih dam hunah kan kiangah a awm anga,tunah rih chuan anu hmuhah  mittui te kha tih tlak miah loh tur"tih chuan abianga amittui tla chu ka tuai sak zeuha.



"Apa anih leh anu in tinge apa inilo atih" tih pah chuan min rawn melh chho leha,azawhna ber kher chu chhan dan mai tur min ti hre lo lek lek.



"Duata,ti sepin thàwk ka la zui vang vanga chutah sawi zawm lehin "adam hunah engkim atha leh vek dawn a lawm" zangkhai thei ang ber chuan ka ti ta sap.




"Ummm,apa anu dam hunah tiger tur nau fel deuh chu ka duh aw" atih leh lai mek chuan doctor leh nurse ho chu cabin kawngkhar atang chuan an lo inzui chhuak a,an lam ka hawi phei rual chuan "tehreng duata"ti a chhangin ka thawhpui zui nghala,doctor biak ka duh avangin an lam chu ka pan pui nghal thuai bawk.




Nurse pathum an kal liam hnu chuan cabin kawngkhar bulah chuan kan indin chilh ren ràwn a,ka fapa erawh anu bulah alut zui ta daiha.




"Eng nge a an" ti a ka zawh chuan "nawr vak hrih suh ka tih kha,zawi zawiin apangai chho mai ang.A hun liam tawh hriattir tuma in nawr nasat lutuk chuan hniam lam apan zawk ang,ataksa lam ala fit tha lutuk bawk siloa,tlém a aziaawm deuh hunah zawi muangin hriattir itum zawk dawn nia"tih chuan min hrilh a.






"Engtia rei nge la ni dawn" ka tih ngaihna hrelo bawk chuan ka ti leh.



"Ka sawi thei mai lo.Hma chu asàwn ve hret hret tih chiah ka sawi thei" ti a min chhanna chu "anih chu" ka lo ti sep.A office lam pan chuan akal zui mai bawk.



Cabin chhunga lut leh  mai lo chuan thutna lo awm ah chuan ka thu thla leh zata,ka ngaihtuahnate chu atawt up upa,ka chhungril lah chu sawifiah thiam siloh hian min delh rit tu a awm ani ber.




"Ka hmangaihte nena kan hlimna tur kan thleng chho dawn emaw ka tih laiin,kan in karah min daidangtu harsatna alo thleng leha,Hringnun hian min va sawp chau chiang tak em.



Thil thlen hnu atang khan nitin ka hmangaih tana tawngtai ka thlah ngai loa,ka tawngtainate chhana awmin tun din hmun hi min thlen tir leha,hlim takin kan awm ve dawn tawh emaw ka tih laiin,beisei loh tak thil in min chím leha,ka nuna hrehawm ka tih lai ber ani hial maithei.Beidawng chu ka inti loa,beiseina chhe té chu ka la nei.Chu chuan kan pathum duhthusam te kha  athlen dik tir ngei ang tih hi ka la ring fan.



"Tuna thil thleng mék te hian ka hmangaih nen kan inkar pawt hla rih mahse la,kei chuan "Beiseina" tih thu mal nen hian ka la nghak a,min hmangaihna kha athinlung kil khatah ala chàm ve anih chuan engtik hunah emaw min la hre chhuak ve ngei ang tih hi ka ring tlat ani.



          END OF ALEX LIANSANGPUIA P.O.V



********************************************








"Anu apa kha arilru ana lutuka"ka fapa in atih rual chuan "uluk deuhin ka lo ngaithla"
Kha pa chanchin bawk kha ani asawi ni.Engtik lai pawha ka body guard ang maia kan nufaa min vengtu ka ti mai.A palian si ahmel landan lah kha anélawm vak siloha,ka hlau deuh riau lehnghal.





"Apa ti nge itih ziaha,api in nangmahni vengtu tur che u atia lawm" tih chuan ka hrilhfiah zui nghala.



Hriatthiam loh hmel zet chuan ka fapa chuan min en a "anu chu isual e" ati zui nang nang.



"Ipa ani hleinem ka tih pah chuan apa tur àwm ang chu ka rilruin  angaihtuah zui roh roha,engmah lah chu ka ngaihtuah chhuak thei dér lo.Ka ngaihtuah na chu athim vek.




Chutah a pa birthday a kan kal thute chu rawn sawi chhuakin "apa alawm" tih in ala tang ve tlata.




Ka chhungril lah chu sawifiah thiam siloh hian kim lo awm tlatin ka hre lawi bawk si,hun liam tawha ka awmdan te ngaihtuah ka tum luih ngial pawn ka thei lo ka taksa chu chakna neilo ang maiin atha tho lo ani ber.Ka tàwt ru túnga apa tih thumal asawi rík apiangin thinrimna in min tuam nghal hlup hlupa,  hrawk lo turin ka la inthunun ve tlat thung.




"Apa phone rawh tih leh lukham sira phone ka dah chu alek chhuaka,ka lamah chuan arawn dah phei nghal zata.



Chutah ka dawhtheihna zawng zawngte chuan min kiansanin"
"Jayson duh tawk rawh engmah ka hrethiam lo" thinrimna nena inpawlh sawp chuan ka ti hrak a,abeisei loh lutuka ka chhan avang chuan atap nghal ti tiha,atap ri chuan kan awmna cabin chhung chu aluah khat hneh viau bawk.



Rilru buai nak chung chuan atap chu ka thlem nghal a,atap lah chu abàng duh dér lo."bawihte ka tihpalh" tih chu ka hrilh zui mawlh mawlha,ka àwmah chuan ka pawm bet nghal hlun bawk.





"Engthil nge itih a" rawn ti tu àw ka hriat rual chuan kawngkhar lam chu phàwk zet chuan ka hawi pheia,ka mi hmuh chu ka fapa in a asawi lai mek pà kha ani.A mi en dan lah chu min ei zawh vek mai atum em mawni,anelawm loh tak zet.





"Chhang lo chuan ka la en reng"


Hmanhmawh zet chuan kan awmna lam chu arawn pan phei pawk pawka,kan bul alo thlen chuan engmah sawi chhunzawm lo chuanin ngawi rengin ka fapa chu min rawn chuh zui tharha.Achet dan vel chu mak ka lo ti ru hle.


Mahni hrin loh. Fà ang tak taka arawn chei bawl vel chu ka lakah beiseina anei ani lo maw tihte chu ka lo ngaihtuah hmana.


Ka fapa lah chu ahma ai mahin atap chu a uar zual sauha,mak ka tih na lah chu azual telh telh bawk.




An pahnih a an in thlem zuina tawngkam vel pawh chu ka ngaithla renga,an che zia vel thleng chuan chík zetin ka la en reng.Pafa te pawh an ang tak tak ka ti.





"Apa anu in apa inei lo atia" tih pah chuan ain hrút zui hlak hlaka,chutah chu pa chu ka lam rawn hawiin thíp zet hian min melha,


"Ipa diktak ka ni.Pa dang ineilo" ati nghet charha.



Asawi zawh rual chuan keipawh chuan thíp zetin ka lo melh ve chiah thung.



"Nang hi ka fapa lakah hian tlak  tum suh.Naupang mai ala ni engmah ahrethiam lo naupang tawng mai mai lo la thutak vak suh ang che" ka tih chuan "ahmel landan chu ain thlak danglam nghal zata,rilru nat hmel deuh hian min ena"chutah ti hian rawn sawiin "abul tana chauh ala ni.Ka tuar dam zel mai ang" tiin aphun chhuak sepa.



Athusawi awm zia chu ka man lo.Eng asawi tumna nge tih pawh ka man thiam lo.


"Hriatthiam theih turin sawi ta che" ka tih leh na chu ka tri deuh daia.Nichina ahmel nelawm loh zet kha ka mit thla tel vang ani.






"Naupang ti khan vin tawh miah suh.Naupang mai ani" ahma aia nélawm zet chuan ati dam leh thluam ang lawia,ami en dan lah chu tawrh har zet zawng ani.





Ka thinrimna te chu thawk lehkhatah inthlak thawkin,ka lai ru nghal chem chema,ka hmu tha zual sauh lehnghal.Ka fapa nen chuan in anna lai riau annei chuan ka hre bawk.


"Apian zawng zawngte,ahmel landan te chuan ka lung adum thar riaua,keimaha kim lo awm tlat ka tih pawh chu ka hnaiha a awm apiangin akiang nimai hian  hriatna ka neia,ka fapa nena min ngaihsakna te nitin maia ka hmuh ringawt pawh hian thinrim viau tum thin mah ila,ka chhungril min thununtu hian athei tlat lo.




"A zúnah ka uai thar em ni.A theihloh,ka nu leh pain a min veng tura an rawih mai mai zunah hian ka uai theilo.Thil tih chi loh lutuk ani" tih chuan keimah leh keimah chu ka rilruin ka inhrilh zui mawlh mawlh.





Ka fapa nen chuan pawn lamah eitur te lei tur in an in hruai chhuak zuia,dar zat ka en chuan chawhnu her alo ni ve chiah bawk.Nurse hoin drip te min rawn khai sak leh a,mahni chauha cabin chhung a awm chu reh duh tak ani.Melh ngai ka melh tlawk tlawka,ka hun liam tawha ka hun hman dante theih tawp chhuah chuan ka ngaihtuah paha engmah chu ka ngaihtuah chhuak theilo.





"Ka mitthlaah chuan accident kan tawh hmaa driver seat a thu chiah chu aruàm ang ka mitthla theia,ahmel hriat chian ka tum ngiala,ka luna in min tham er er avangin ka thei der lo.Thawk la suai suai in ka chhing zui vang vang ta tawp.





********************************************




"Thim zingah chuan ka harh hlawla,éng lam pana kalsawn mai ka tum chu ka ké lamah min chelh tu a awm avangin ka pen sawn thei der lo.Ka en chian chuan thlai hrui neiin ka ngal rék ah min lo zém kual chiaia,kun hnaih pah chuan phih thlak mai tumin thim zingah chuan ka dap rak raka,ka dap fu thei lo.Ka mangang nghal ti tiha,ka au nghal chul a,ka awmna hmun areh ém avangin ka àw lah chu tuman an hrethei lo.

Areh zui tlawk tlawka,thàwm danglam engmah hriat tur a awm loa,boruak kara thli thaw seng seng tak ngial pawh hriat tur a awm lo.


Ka chhungril chu hlauhnain atuam nghal ti tih a,ka taksa pumpui chu hlauhna avangin akhur zui hlak hlaka.



"Beidawng leh rilru mangang lutuka ka awm lai chuan ni chín maia éng ka hmuh kha ka va en leha,aéng chu alo zau telh telha,aeng atang chuan mi pakhat lo chhuak chu ka hmu phe ruaia,ka lam panin alo kal mek bawk.




Min tanpui tu tur tiin beiseina nen chuan ka lo thlir renga,tlém a alo hnaih deuh chuan apiang phung chu ka hmu thei tawh.
Palian tak,pian nalh tak ani tih chu ahriat nghal maia,mahse min tanpui tura lokal nge min ti na tur zawka lo kal tih chu ka hrethiam lo.




Ka bul alo thlen chuan min rawn kun hnaih pahin ka biangah achúl kual ruak ruaka,ka lungphu lah chu dan theih loh khawp in ain thum rawn zawt zawt.


"Min ti na suh khawngaihin"tia ka ngen chuan "ka ti na dawn lo che,ka chhan chhuak ang che" tih chuan ka beng bulah aphun zui sepa.



Ka hmaa ding chu ahmel enchian tum chuan ka melh chho a,éngin ahmel chhun fu lo tawk chiah chiaha adin avangin ka hmu theilo.




"Tunge inih ti a ka zawh leh chuan"


"Jason-a pa" tih chiah chuan min chhanga,tawng leh mai ka tum lai chuan ahmui chuan ka hmui arawn khar chilh hmiaha,in thing harh nghal vatin ka meng zui nghal kawka.





Zan rei lam anih tawh avangin ka awmna cabin chhung chu alo thim vek tawh.Tun lawka thil thlengte kha ka mumang mai ani tih ka hrethiam nghala,mahse ka bianga chúl kual tu leh ka hmui a fawp tu ka ngaihtuah let chuan atak ang maiin ka la hrethei.




"Ka sira mu ka fapa ka en chuan ala mutui khawp mai.



"Khawnge kha pa kha tiin ka rilrua ka ngaihtuah mek lai chuan amutna thin thutthleng lam chu ka melha,alo ruak huai.



Ka mit chu hmun tinah ka lén kual nghala,hmuh tur a awm miahlo.A thàwm hriat tur lah chu a awm loa,pindan chhung chu areh zui tlawk tlawk.





"A ngaité chuan mu tha lehin,ka mumang bawk chu ka ngaihtuah lét a,kha pa kha tunge niang tih chu ka inzawt zuia,engtin nge atak ang chiaha ka suangtuah theih.A rim lah kha ka hnar ah ala chàm renga,ka fapa pangpar ngainat deuh jasmine rim ngei kha ani bawk.






"Jason-a pa" ka ni atih mawlh kha a ni ka thinlunga chàm reng chu.




"Ti nge engmah hi ka hmuhfiah theihloh,engchu nge ka chungah thleng mék hi ka hrethiam lo.Kha pa ka mumanga lo lang kha ka chhungril ah hian achàm zui veng veng lehnghala,hrehawm ru tak ani.





Kawngkhar inhawng ri khep ka hriat rual chuan ka mutna atang chuan saisira insiam remin ka en phei vata





"Alo pen luh rual chiah chuan kan mit ain tawng nghal chata,min be miah lo chuan dimtein kawngkhar chu akhar zui a,amut na tur lam alo pan phei lai mek chuan"khawnge ikala" tih chuan ka be hmasa a,min la chhang chuang lo.





A awmdan vel ka ngei lutuk chu

"Hey nang pa kha,ka biak che chu ihre lo mi"thawm dim deuh chuan ka ti leh a,min ngaihsak lo chuan apuan sin tur chu asiam tha zui mawlh mawlha,achet dan vel chu ka ngei thei ta thak lo.




"Hey tia sawi zawm leh ka tum rual chuan "jason-a pa" ti rawh ati bul hmuk.



A mi chhan dan hmek hmuk leh a awmdan vel chu thinrimna anei a ang ka ti bawk.






Engmah sawi chhunzawm tawh lo chuan bang lam hawiin asaisir a,ain lukhup zui ta daiha.




In be lo chuan kan reh zui ve vea,mahse ka mumang lama ka rim hriat khan pindan chhung chu arawn luahkhat chiala,arimtui tak zet.



Khawi atanga lokal nge tih lah chu ka hre mai lo.Ka mumang a ka rim hriat chiah chiaj kha ani tih chiah ka hre thei.



Alo chhuahna tur awm ang ka mit chuan alénkual nghal ruaia,engmah ka hmu chhuak lo.



Mahse ti hian duhthu chu ka sàm ta thoa,
"Mumang atàng chauha rim ka hriat theih tur emaw ka tih kha,atak ramah irawn chan tira,ka taksa chhungril ber thleng chuan min fan zo ngei e;irim zunnei tak chuan min zém chiaia,thim zing ata éngah min hruai chhuaktu ini.Mumang mai chu inilo atak in ka hmaah rawn in lan la,irimtuina zawng zawng nen.Ka ngaihtuah chhuah theih loh thlengin i éng ah min hruai chhuak zel ang che.Zàn par rimtui"tiin hmuh theih siloh chu ka suangtuah zui ani ber.









Tih thleng hi ni phawt rawh se aw.......naktuk zanah maw tuk leh zanah last chapter ka lo dah dawn nia.....