Ka intih fai zawh hnu chuan room atang chuan ka chhuak trem trem a. Midang chu an la tho lo a ang khawp mai. U Bena room kawngkhat chu zawi te a hawngin ka bih dak dak a. Khumah chuan kawi zet hian Lilyi chu a lo muhil bawrh bawrh a.
A dim thei ang ber chuan lutin Lilyi chu sawi dat datin U Bena harh hmain kaihthawh vat ka tum. "I ninawm!" rawn ti deuh tuarin a hmuiah chuan ka zu beng thuai! Duhai in ka beng na deuh aniag a nen nang ngang. Chutah a mit rawn meng triam triam in a rawn tho chhuak a
Hawi kual nghal vatin "Eng nge hetah ka tih?!" tiin mak ti zet hian min zawt deuh hu. "Nakinah ka hrilh ang che... Bengchheng loin chhuak phawt ang" ti su su pahin ka pawt tho zawt a.
Daniela'n breakfast a siam laiin Lilyi chu nizan a a awm dan ka hrilh mawlh mawlh. Dik tak a sawi chuan keimah ber pawn ka awm dan ka hre bik tawh der si lo a."Ka zak lutuk! Vawikhat mah in ve tawh lo i la a tha ang!" tia a in hau mawlh mawlh lai chuan "Lungngai vak duh suh. U Bena pawh a rui lutuk a engmah a hre lo ang" ei tur siam mawlh mawlh pah chuan Daniela chuan a rawn tia a.
"A nimaw! Nih chuan hlauhthawngna tur a awm lo a nih chu.... Mahse room khatah te kan mu dun vel a...." lai ang reng tak chuan ka ke a chhek dat dat kei chuan ka lo nuih tawp
"Mahse Dan,i mut na ah ka mu daih sia khawng nge nizanah i mut?" Lilyi'n a rawn tih chuan ka tui in lai ka phuh chhuak thawt! "Aaaa!!! Rin!!! Ka hmai!!" rawn ti chhuak tuarin a kawrban chuan a in hru mawlh mawlh. Daniela chu ka hmui phunin chuan dawt sawi turin ka hrilh nghal char char!
"U Rinzuali bulah" ka sawi kha a hrethiam lo nge a hre lo der zawk! "I khumah ka mu mawle" Daniela chuan rawn tih zawmin Lilyi chuan engtin nge a ngaih tih ngaihvenin ka melh nghal vat. Min ringhlel lo a ni teh cheng ang chu a bu nghut nghut ringawt.
U Kima leh U Bena te pawh chu rawn tho chhuak luai luaiin an sam pawh a thur dun hle. Party chu kan zo lo tlang bawk a niang. "Ka lu nat zia chu a ri tlut tlut mai" U Bena chuan a lu dawm vang vang pah chuan a rawn ti phei nak nak.
Dawhkan chu rawn kil nghalin Daniela chuan lu na ti reh thei tur sup sa tha tak mai chu a rawn chhawp khu vut vut a. Kan lo bih deuh thap "Mi mai mai tan ka siam ngai lo a nia.Chuvang chuan vannei in ti hle rawh u" a kut kuangkuah a inchhuang tak chuan a ti vei ham ham a.
A ei tur siam dang pawh chu rawn chhawpin kan lo ei chhin vat. Ka ei rual chuan tui ka ti lutuk chu meng kawkin Daniela chu ka en ngawt. Hetiang ang em em in ei rawngbawl a thiam tih ka lo hre ngai lo reng reng!
Midang ho pawh chuan tui an ti ngang a niang ngawi reng chuan an ei mawlh mawlh. A sa lutuk chu ka mittui a tling deuh pam, "Tui i van ti awm em em i mittui a tla tep tawh" Lilyi'n a rawn tih chuan Daniela chuan min lo en vat.
"Eng lo a nia, keichu thil sa ka ei hian ka mittui hi a tla ziah a.." ti pah chuan ka mittui ka biang a luang chu hruk ka tum mahse U Kima chuan a kuta rawn hru in ka sir a Daniela ding reng chu ka veng thawng khawp mai. Pakhat lah hian min ngaihsak ve em em si a.Hun remchang ah hrilh vat a trul tawh takzet.
Daniel's pov
Swimming pool bula thutthlengah chuan thu chungin coffee ka in laiin ka sira thutthleng ah chuan U Rinzuali rawn thuin ka hmel chu chiang zet hian a thlek a thlek a. Nichin thilthleng avang khan ka thinrim leh rim loh hriat a duh a ni ngei ang. Chutiang ang em em chuan ka thinrim lo mahse ka hmuh lai reng a midangin an khawih chu ka duh hauh lo.
"I thinrim a mi?" tiin min zawt ta nge nge.Lungawi loh hmel zet chuan awmin ngawi reng chuan ka hmalam chu ka en tlat. Engtin nge a tih ang tih ka hriat chak vang mai a ni.
"Dik tak chuan...U Kima hian high school kan kal lai atang tawhin min duh a, mahse keichuan ka duh miah lo! Chuvang a nia kan inkawp tih la zep rih ka duh chhan"
tiin engkim chu min hrilh ta vek.Ka lo rin ang reng a ni... U Kima chet dan vel atang hian a hriat reng a ni
"Chu,a rilru nat i hlauh avangin zep i duh tihna a nih ber chu...Ka rilru tur pawh i ngaihtuah ve lo" ti tum buau in ka hnungchhawn daih "Chutiang a ni lo..... Ih.. Hun remchangah ka hrilh dawn alawm....Tak takin! U Kima lakah rilru put hmang engmah ka nei lo a nia...Dawt ka sawi miah lo a nia! Min en teh!! " tiin ka hnunglam atanga ka dar a rawn kuahin min sawi nak nak a
A thusawi chu ka ring tih leh ka thinrim lo tih chu sawi tawh mai ka duh mahse hetianga a awm hian nuam ka ti tlat zel.
Tho nawlhin ka ding daih,rawn kal ve nghalin ka hnunglam atanga min rawn kuahin ka nui suk "Min ringlo a mi....Aizawl kan let leh velah ka hrilh ngei ngei ang, chuvang chuan lo nghak hram hram rawh aw... " tap deuh tuau chuan a ti a
A tap tak ngial dawn a ka hriat takah chuan inher in "Ka ring che a lawm... Ka thinlung zawng zawngin, chuan ka thinrim lo a nia...chuvang chuan tap suh aw" tiin a biang chu ka dawm vang vang "Tak tak maw?" mittui tling pam a tih chuan bu nghatin ka kuah nghal vat.
Rinzuali pov
Thawveng huaiin a awm ah chuan ka bei veng veng a. Chutah "Rin! Rinzual!" tia Lilyi min au ri ka hriat chuan ka hnunglam chu ka hawi vat. Lilyi a phone en chung chuan kan awmna lampanin a rawn phei mek hi a lo ni!
Vawi leh khatah Daniela chu ka theih pa tawp a nemin swimming pool ah chuan a ri thla bawrh! In thiam lo tak chuan ka enzui "Hetah maw i lo awm? Pheikhawk lei ka tum a..khawi zawk hi nge nalh i tih zawk min lo hrilh teh" tiin Lilyi chuan a phone chu min rawn hmuh a. Nalh ka tih zawk ka thlan hnu chuan kal leh mai a tum "Tun ang khaw vawt ah tinge tui i cheng a?" Daniela chu mak ti deuh a enin a rawn hawi kir leh
"Ni e! I ti awm ang lo e mai..." zak thei lo tawk chuan ka lo tui hnih ve zat. Duhtawkin nakinah min hau thei ang ka phu ve ngawih ngawih! Daniela chuan hrilhhai taka min enin "Nia....Ka cheng chak lutuk a ka in sum zo thlawt lo a ni!"
In seh ruh trun chuan a rwn ti chhuak.Lilyi chu chek hlak hlakin a kal ta daih a.
Daniela chu tui atang chuan rawn chhuakin a sam chu a kutin a hnunglamah a hui kiang a. "Ka tihpalh lutuk!" inthlahrung tawk chuan ka lo ti sap,bu nghat nghat chuan ka dar a rawn vuanin "Ka hrethiam alawm" ti sapin inchhung lamah chuan lut nghal.
Engvang a khatia tinge maw ka nih le? Khua a vawtin tui lahkha a vawt awm ropui si! Tui te chu ka kutin ka zu khawi chhin vel a, a hit tha em em lehnghal! Inthiam lo tawk chuan ka lut ve ta ngawt. Daniela chu a kawr phelhin towel chuan a sam a lo hru mawlh mawlh "Rin vawiin chu bazar lama kal chu i peih angem? I lu na a zia awm tawh em?" U Kima'n min hmuh rual chuan a lo ti vat
Daniela ngawt ka lo en avang chuan chhan na chang mai ka hrelo, Lilyin mi rawn koh chuan harh chhuak zawkin "Aw ka tha alawm"tiin ka chhang vat "Dan nang i kal dawn em?" U Bena chuan a lo zawt ve vat
"Min hrethiam mai rawh u vawiin chu inah ka lo awm ang. Nuam deuhin inhmang dawn a nia" Daniela chuan tiin roomah a lut nghal daih. A thinrim a ni chiang ang, eng vang teh hrep chuan nge maw ka lo nem thlak kher kher ni! Keimah vang vek!
Reivak lo hnuah chhuak tur chuan kan insiam ta hlawm a. Phur pawh ka phur lo zo vek! Lilyi lah chu phur zet a zai ar ar pahin a insiam mawlh mawlh. Ka hrilh tawh mai dawn emaw ni? Kan inkawp a duh loh nachhan tur engmah a awm lem lova, min lo lawmpui viau zawk mai thei asin.
Written by
Kennelly.B
(Like leh ads kha khawngaihin min lo hmeh sak dawn a nia..
)