*Haven* ch~ 10 by~Natasha Hrahsel

[Natasha Hrahsel]

*HAVEN * ch~10





Gamchha ti huh in ka pi chu ka hrufai a , hetiang a duat taka enkawl ka châkna hi a rei tawh lutuk .Keima thu in ka pi hmu turin ka han zin tawp thei bawk silo a , ani lah kum upa lam ani bawk nen a rawn zin chhuak thei biklo .Kâwngna benvawn aneih avangin motor a chuang theilo a , chuvang a min hmuh tum a rawn zin ngailo pawh ani pakhat ve bawk ang .




"Bawihi"





"Aw " ka ti let thuai , thuthleng dûp ah thu in ph a khawih mual mual a , ahna lam a alet loh miau vangin ph atang hna athawk ani .







"Call pawimawh ...ka va be lawk ang " a tih chuan hrethiam takin ka bu nghut nghut .A chhuak zui nghal vut bawk , mi buai ve tak ani chungin ka kaltir phal bik bawk silo a , keimah vang in abuai belhchhah viau loh ka beisei .




"Mate "






"Aw pi ! I rawn harh tawh law !" A aw ri ala zawi viau mai , tho kâng in ka beng ka dawh hnai zui thuai .

"I damtha em ?" Ka mittui a tling nghal teuh , damlo khuma mu zawkin ka dam that leh thatloh min zawt zawk ania .





"Ka dam tha lutuk , nangpawh dam leh vat rawh aw " ka ti deuh sep a , ahmuh laia tah ka duhloh vangin ka mittui ka khap let sak bawk .
Hmun leh hmunah ngei inbiak chu a dân alo dang ngei mai ! Ka pi ka thlakhlelh zia ka inhrethar bawk .
Tawng ala harsat piah lamah oxygen mask a vuah bawk si a "pi i zia awm deuh hunah kan inkawm dawn nia , hahdam deuhin awm phawt rawh aw " ka ti a ,tawng tumin a ang ziau thin .Inbiak a inkawm kei ang bawkin a châk dawn lutuk tih ka hria , mahse ala chaurau ve bawk em ani.








Ka ph lo ri chu enin ka pi bulah "pi , ka nutei kan be lawk ang aw " ka ti a , ka kalhla chuanglo .

"Daphne , chaw hi kan rawn ken dawn che nge ?" A rawn ti nghal thawr .
"U Lsa'n hotel ami a chah a , angailo ang Nute rizai chuang a awmsa tho bawk a ka pi a ziaawm bawk nen zanin chu ka riak tlang law law mai ang.Nangni pawh chawl hahdam rawh u " ka ti siam siam .Ka fel vang nimiah lo in ka pi bula awm kala duh vang hrim hrim ani .

Cabin-a kan insawn thu leh Doctor in ka pi tân a athat zawk tur thu a tih te chu ka hrilh nghal vek a , a lungnih loh ka rin viau laiin cabin ruak a awm hlauh chu a lawm zia a rawn sawi chamchi thung !
"Anih zanin chu kan ring phawt ang che , engemaw a awm chuan rawn sawi vat la aw .I pa Sânga pawisa pek che khan i eitur engemaw te lo lei la , Liansanga pawh fel viau mahse apawisa hmansak angailo ania ." Tiin call kan ti tawp zui a .Ka nutei kalo rin dân zawng zawng thawkleh khatah a inthlak nghal hlawk thei!
Ka pi nen a min thenhrang kha ka lungawilo ngei mai a , tin ka pi leh pu inhmun ahralh khan ka ngaihdan thin min nemngheh tir bawk .Mahse ka pi angaihtuah zia leh insên a inhuam zia ka mit ngeiin ka hmu a , ka ngaihdan a danglam vek tawh .Tunah chuan ka nu nen a an danglam zia ka ngaihtuah tawh zawk , unau theuh theuh rilru puthmang leh duhzawng alo inang lo thei khawp dawn anih hi !







Ka pi âng ziau ka hmuh chuan ka kûn hniam leh vat a "enge a sawi a " alo ti zawi sap .

"Zanin ka riahpui dawn che a , i chanchin hrilh ve reng turin min tia ,angaihtuah lutuk che a " ka ti deuh lâng lâng a , a upa ve tawh nen abeng lam achian loh ka ring deuh tawh .
"I nu " a aw chhuak tha theilo mahse ahmuiphun atang pawhin ka nu alam tih ka hailo . Chhândan tur hrelo zetin ka ngawi vung vung tawp , engtin lawn chhâng ila dawt ka sawi chuan ahrethiam dawn tho a , thudik ka hrilh pawn a rilru ana dawn tho. "Pi muhil leh rawh " ka ti ta daih .






"Bawihi alo harh tawh em ni ?" Thum dut hian a rawn ti lut .






"Umm aharh chiah, pî U Liansanga anih hi " tiin ka pi chu ka hrilh zui a , U Lsa pawn "a zialo hle mai lo dam leh vat rawh " a ti ve sup .

"A khuh nasat vangin a aw hi a chhuak tha hrih theilo anih ka ring " tiin ka phun chhuak sep .
Ka pi chuan amit a chhîng leh zui a , ei leh in lam pek an phal miau loh vangin muhil deuh chawt se atan anawm zawk ka ring .







Kan zanriah chah alo thleng a , ka pi amuhil zawm leh mai bawk nen amutlai chuhin kan eizui nghal mai .Ka eitlem viau thung , an chawhmeh siam rim chu ka ti thei derlo ! Vai ka hmuhsitna nilo se an ei siam reng reng ah hian masala hi an telh hnem tih ka hria , kala ei tak lo mahse ka ei chin tawh ah chuan ala tam vek .Tun ami pawh hi vai siam ang mai ani , masala atam mah mah ,U Lsa erawhin sawisel lo in a ei mai thung .Ei leh in a uluk viau e tilo chuan kan chaw order ama ta bik chu a ei hnem angreng viau ! A in a ka awm lai khan tiang hian a eihnem thin pawh ka hrelo e a !







"Curry ho hi atak mah mah iti lo mi ?" Ka ti nang nang , ka thleng ami chu ka thailet kual vel mai mai tawh .
"Umm ka tamchhawl aniang " a tih chuan inthiamlo zetin "sorry chhûnah engmah eitur kalo ngaihtuahsak lo che a " ka ti sep .In ka haw leh atang thingpui no khat bak ala in lo a , kha pawh kha a in zo hman kher lo ang .Kei nikhat chaw nghei mai mai tuar thei lutuk kalo ni bawk nen kalo ngaihtuah tawi deuh ani .






"Ka fiamthu anih kha , Vai ram ah ka awm thang a an ei leh in siam hi ka ngaina viau ." A tih chuan "vai ramah i awm thin maw ?" Ka ti deuh hâ.






"Yeap , University ram pawn ah ka zawm alawm ." A ti dut a , ka thleng ami chu a duh belh em tih ka zawt a , apuar tawh thu in min chhâng thung .
Kan eina vek chu ka ti fel a , silfai ngai a awm lemlo bawk nen a awlsam phian thung .






Vai pakhat rawn lutin english hian ka pi chungchang min rawn zawt a , stethoscope te a awrh ve thlap vang chuan doctor anih ringin ka thiam ang ang in kalo chhâng ve .




A tawng hman a awn bawk si a , ka hrethiam hleithei lo .
"Bawihi kalo bia ang " ti supin bathroom atanga U lsa ,a insilfai zo rawn chhuak chuan a rawn ti sup .
Awlsam takin hindi chuan an inbe zawm a , hrethiam ve heklo kalo ding ngawi reng ringawt .U Lsa chuan a awmthum tawh lutuk sa te chu a tih thûm luih vel niberin ka hria ! A ding khauh vah a , a mi biak lah a cher zawr chi alo ni bawk si nen Vaipa chuan ahlau nge min rawn melh zawk hian "excuse " a ti a achhuak ta daih!







"Enge in sawi a ?" Ka ti nghal vat .






"Alo kal nawn leh hunah melh lo che a hnuailam chauh melh turin ka ti " awihlo zetin ka melh phawk hra !
"I mawl ami ? Doctor anih kha " ka ti hlak .Ava han mawl ka ti dawn nge a â ka ti zawk dawn ?





"Duati lungngai suh zirlai anih kha ,ipi enkawl tak tak tur ani hleinem " a tih chuan " chupawh nise , iti khawngaihthlak " aner nak .
"Khawngaih angai lo e , ka chhip thlak nghal loh " a ti duh lek chauh !
Ka hnial peih tawhlo , kha vaipa in ahlauh dan atang khan eng engemaw chu sawi anei nual ang ka ring .
"Zial zu turin ka chhuak lawk ang aw " a ti deuh sup a , "umm " ka tih chuan ka lu a rawn tuai zeuh hian a kal chhuak zui.






Minute 10 pawh tlinglo ah thil khai bawr teuh hian a rawn lut leh a dawhkan a anghah dawt rualin "zanriah i ei tlem sia nakin a kan buai loh nan i riltam hun a i ei tur " tiin biscuit leh nepnawi tihvel a rawn lei nual .
"Angaikherlo asin " ka ti nang nang chungin ka lawm viau tho .Sawilang lo mahse chetzia in min ngaihsak zia a ti lang a , chu tluk a ka tân a thil hlu a awmlo .
Tawngkam a inngaihsak rikngawt ai chuan chetzia a ngaihsakna tihlan hi ahlu ka ti a , tawngkam tha takngial pawh ka nu hnen atang ka dawn ve ngai miau loh vangin atawngkam a min ngaihsakna a tihlan ringawt pawhin ka lawm tawk em em tho in ka ring .






Nurse ten ka pi an rawn check leh a , ataksa tân athat zawk nan tiin Doctor in muttui na damdawi a chawh a , ahlauhawm loh tur ah ka ngai .Nurse pawhin zanin atan chuan a harh tawh kher loh tur thu leh mutsan turin min ti a , a zun an siak bawk a tuirîl lam a ka ah alut lo nen teh tur pawh a tam lo khawp mai .A pang te akham ringin amah tiharh lo tur ang ber chuan puan ten ahnunglam te ka kamsak thûl , ka thiam ang tawk chuan ka buaipui ve .








Zân dar sawmpakhat a pel duai tawh , ka pi bulah kan thu dûn a thu ho te te sawi in kan ti ti ve reng .
"Bawihi men rengin awmzia anei chuanglo a mu hahdam rawh , kalo meng ang " a rawn ti deuh sup .






"Nangmah mu zawk rawh ,keichu ka mut pawh ala chhuak lo " ka ti ve thung .Ka mut chu a chhuaklo bik pawh anilo , mahse mutbu chhuata phah tur a awm tel lo a , an thuthleng a vâng zawng fit thum chauh ania pakhat mutna bak alenglo hrimhrim .






"Kan pahnih in mu ang , men reng ai chuan atha zawk .Ngaihtuah lo la nurse te pawn ngaihtuah awm anilo an tih kha "






"Nia mahse chhuata phah tur a awmlo a , thuthleng a te bawk sia keichu tihian ka bawk muhil thei mai ang mu zawk rawh " ka tih chuan a rûm nghut .






Lukham leh puansin tur ka dahchhuak sa thlap tawh a ,keichu tihian khum bawhin ka muhil thei lutuk amah ber hi ka ngaihtuah zawk chu ani .A chauh tawh viau ka ring , zân lam amengrei ngai vaklo tih ka hria a , ka ngaihtuah reuh khawp .






"Lo kal teh " ti supin a tho a , min pawt tho zui ve nghal !

"Mu rawh le "




"Mahse " ka ti sep chu "ka sawi ang hian awm ve mai thin la " tih nghut pahin min chawi lawp a thuthleng ah chuan min nghat fel der! Thawhkan tum a ka inbengkâng chu minlo melh ngur vangin ka muthla leh hna hna .
"Tawlh rawh le " a tih chuan ka tawlh hret a , a rawn leh kai ve nghal zat anih chu !






"I tla "ka ti hman tawk " ka tla lo ang , ngaihngam deuhin mu rawh " tih pah hian puansin tur chu a pawtchho zui a , a zangthal pawn a mu ve theilo a chep lutuk tlat .







"A sir ah khan kalo mu zawk ang " ka ti sep .





"No...muhil rawh " a ti deuh hmak .






"Chulam anilo , bangkil bula mut ka thiam lo ka thaw ipik " ka ti halh , ani tak tak hetia bang nena insi reng hian ka awm thiamlo .Ka thaw ipik vek zel , hmun tawt deuh te hi ka ngainat loh phah bawk .
Ka kawngah a kut a rawn rawlh luh rual chuan ka ip chawih a , ka inrin hma hauhin a inlet a awlsam zetin a sîr ah ka mu fel der !
A kut chu la chhuak in ka kham theih turin a dah a , alehlam in ka kawngah a rawn kuah leh nghal zat .







"Tlak hlau suh , ka veng che " ka beng bula a rawn tih thawp sap chuan ka mur deuh chuaih in ka hria ! A pangtilum dep a mu ka ni bawk nen a lum nghal ham ham bawk .

Rizai chhunga a kut a chet rual chuan ka ip chawih a , ka nutei tshirt ka haksak tawp chu ahmawr tlang lam rawn nawr chho in a taksa hlang a akutin a tawh rual chuan ka kutin kalo manbet nghal chawt .






"Duati " ti hapin "ka duhlo " kalo ti ve thung .







"Min ring rawh , i duhloh chin engmah ka tihpui lo ang che " nghet churh a a rawn tih takah chuan akut ka manbehna ka thlah thawl riai riai .
Akut chu sawn chho zelin ka bra a nawr tawm a , ka hn*te a kut lawnga a khawih rual chuan ka thawk ka ip ngat ngat .






"Hahdam rawh , inthlahdul la " ka thaw dep dep ngam tawk .
"Muhil rawh le , tihian atlânbo loh nan kalo veng ang " nui nghawr dawt a atih chuan ka nui ve tawp .A thil khawih leh a thusawi inrem lo lutuk chu a ! Engtikah mah ka hn*ute hi a tlânbo lo tawp ang .






Chawlhni nileng chuan ka nutei nen ka pi kan awmpui ve thung a , U Lsa pawh tlai lamah alo kal ve leh zawk tho .
Ka pi pawh a harh sawtin hmuhtheih khawpin a rawn tha chho a , a oxygen level pawh an dah hniam ve tawh angreng viau .Reilo ah oxygen mask vuahlo in a awm ve mai theih kan beisei .A hrawk vûng nasa vangin a duh angin a aw ala chhuak theilo a , akhuh erawh a ziaawm tawh thung . Test hrang hrang kan neihna tangin a chuapah tui a tling tih kan hmu chhuak tawh a , a khâk test result kanla nghak mek thung , a dang erawh atha hrih viau .A chuap a tui tling pawh siak tham anihloh thu leh damdawi hmanga enkawl dam mai theih an in beisei thu an sawi a , a upat vanga la na anih thu an sawi bawk .Thawk khat chu a veng huai tho mai , serious tak anilo hlauh chu ka lawm ngang bawk .







Chawlhni zan ka nutei te nupa in an riahpui ve thung dawn a , kei thawhtan class kal ka ngai bawk nen thawhtan zan erawh ka riahpui veleh thung ang tiin ka intintuah deuh .


Ka nutei sawidan hmangah ka pi leh pu inhmun ahralh chhan chu , thenawm ten luahlum loh anih vang nge ka pi leh pute inhmun an nek nasa a , tumah han cheng a han huamhauh tur kan awm bawk silo .Thenawm te lah an huangtau in pal an hung that apiangin ka pi te ram lamah an tawlh zel a , ka nutei tih ngaihna hrelo chuan ahralh ta tawp ni in a sawi .Khua a kan awmlohna a rei tawh a , thenawm thar te kan nei tawh pawh ani maithei .Ka tetlai kha chuan kan thenawm te kha hmâr lam mi an nia , mizo tawng an pai miahlo thung .An felin an chawhmeh siam te kha min rawn suah ve fo thin a ,a rei ve tawh bawk em a thil alo danglamin mihring te pawh anlo danglam ve tawh ani maithei .





"Vawin tlai chu ipi ka rawn tlawh ve ang " Lawmi chuan a ti khauh a , " angai hran hleinem "kalo ti mawi ve thung .Ka pi tlawh a duhna rilru ringawt pawh chu ka lawmpui viau tawh .

"Patea ka hrilh tawh a , aman vawin nilengin dawr anghak dawn a ka hman tihna kan tlawh dawn nia.Enge i pi ei duhzawng te? Engnge kensak ila tha ang ?" A tih chuan "engmah a ei tak tak lo , angailo " ka ti vat .






"Engemaw tal kensak ka duh , keichu ka pi leh pu te hi an boral hma a ,ka nu te lam nen hian kan inpawh vaklo nen pi leh pu te han tihvel dan tur hi ka hre vaklo .Ipi ani bawk a ka pi ani ve nghal , pi tia koh tur ka nei ani ve nghal , ava nuam tak " a chetdan naupangchhia zet chu ka nuihpui ve bawk bawk mai .A rilru puitlingin fel viau mahse tlema han naupanchhiat rukna lai hi anei ve leh zeuh thin .







Class off lai chuhin canteen ah kan kal a , lunch hour ala nilo hrim hrim bawk nen thutna pawh ian chang ve tawh .Zîng chaw kan ei hmanlo a , kan ril atam viau .
Sawhchiar bowl khat ka chah a , Lawmi'n chau a chah thung .






"Kalo thu ve ang chu " class ka kal tan tirh a min hai tu pa kha ani .Ahmai akhem neih nuaih a, na ti hmel phei chu apu lem hleilo a !
"Obeda tinge i va khem leh nasa tawh ve ?" Lawmi'n a lo ti hlak thung .Obeda chuan chhanglo in a plate ami chu a ei nghal mial mial .

"Puitlin tum ve rawh , tiang chuan ila vanduai palh lo ang tih pawh a sawi theihloh" lawmi chuan a ti leh hlak a,kan hma ami chuan a thusawi hria ang pawn a awm lo ! Aluhlul ve ngang ngang hmel khawp mai .






Kan thil ei chhung chuan Lawmi nen kan inbe leh zeuh thin tihloh chu kan tawnglo .Kan tam tlâng bawk aniang .Kan plate chu a ruak fai kel thei tak tak nia !
Aman pe tura kan in tihfel lai chuan Obeda chu atho tharh a , kan eina ruak plate vel chu khawmin counter lamah aphei nghal nul nul!
Lawmi chuan a thlîr zui dauh dauh a , Obeda Canteen atanga achhuah hnu ah pawh chuan lang thei tawhlo mahse kawngkhar lam ala thlir zui reng .

"A theihnghilh theih pawh ka ring tawhlo " a rawn ti chhuak sap a






"Engchu ?" Kalo ti thung .






"Obeda kha mawle , plate akhawm vek kha Puipuii tihdan chiah anih kha " anui hak a "Puipuii khan kan eina ruak hi canteen a thawkte an hah lutuk loh nan khawmin counter ah sawn a dah thlap thin a " a thiannu chu angaih hmel takzet .Han hnem dan vak ka thiam silo , a lunglenna tal han lakkian sak thei ila tha tur .

"A fel hle mai" ka ti sep ringawt .






"Umm ka mihring hriat tawh ah chuan ani tluk a zaidam leh fel kha anla awmlo , in inang lutuk khan min hnaih chak tir zual che a .Han belhchian tak ah che chuan kawng tam tak ah in in ang a ,in anlohna lai pawh in ngah tho .I sual ka tihna ani miahlo ania aw " a tawp lam chu a rawn ti deuh hlut .

Nui hakin "sual minti nih kha " ka ti ve salh a , "anilo chutiang " a tih chuan ka nui zui hak hak .







"Ka hria lawm , ka nun pum ah nang anga thian tha leh midang ngaihtuah thian kala tawng ngailo " ka tih chuan alawm hmel viau .Thian sawitur ka neilo hrim hrim zawk a , thian han siam ve mah ila reilo ah min hlat nghal zel bawk a thian ti a sawi tur an ni em ka hrelo .






Afternoon class khat lak tur ka la nei a , Lawmi'n class hnih ala nei thung .A bân hun ka nghah angai dawn anih hmel .
English class kan attend zawh hnu in ,Lawmi Edu class la turin akal leh nghal a .Keiin college kawta thuthleng ah thu in kalo nghak thung .
Lawmi sawi dan hmang atang Puipuii chu ka hmu ve chak chhin khawp.Mihring zaidam leh nunnem ngilnei bawk si chu ka hmu ve chak khawp mai .Kan inang a ti viau chungin ane pawh ka ek pha kherin ka ringlo .Ka zaidam lo a , ka ngilnei lo bawk a a chanchin an sawidan opposite thawk ka ni chunga inang minla ti chu alawmawm lamah a kal , an sawi hmangah a fel bawk em ani .






"Class i bunk a ?"





"Teuhlo" ka ti hlak .Amah zawk hian class a bunk chiang lutuk , ka hriatsual loh chuan Lawmi nen an subj lak a inang vek .
"Lawmsateli i nghak ani maw " tih pahin ka bulah a raan thu thla ve nghal zat .






"Sateli ani kher lo , tinge class ah i awm loh a ?" Ka ti zui zat ,ner nak hian "min tih ang tih ka hlau a " a ti zui a , a hmel en chuan tih tur pawl chu an awm ang .Akhem neih nuaih miau alawm .

"Obeda ? Ini tiraw ?" Ka ti leh a

"Ka hming te ilo hre ve a " a ti a ,athen zui chak .A hmai khem chu ana aniang .







"I insual nge i accident zawk ?"





"Mi ka in khawih tir " nui sanga a tih chuan ka mengphawk ngang mai! A fiamthu hmel siloh ! Hepa hi achianglo ru deuh aniang .






"Iva hlauh hmel ve , ka accident na anih hi " a tih chuan ka hawisawn ve ta chauh .
Inbe lo in kan thu ngawi dun ta reng .Sawi tur ka hrelo a , anin tawngchhuah a tum tawh silo .






Gate a U Lsa motor ang zet a rawn tlanluh chuan kalo melh chîk khawp .Amah anih chu ka ringlo a , mahse amotor ang ka hmuh rual ringawt a amah ka ngaihtuah chhuak chu amak !
Kan bul lawkah hian a rawn ding a , motor atanga rawn chhuak ka hmuh rual erawh in ka hmusual emaw ka ti hial zawk .
Police uniform nen a inthuam tup chung hian a rawn chhuak ! Hetah enge a rawn tih dawn ni ?


Kan lam chu a rawn melh ngur a , min melh thin dan nen chuan danglam tak ani !







"Ka bialnu kha thuthlat deuh la ava tha ve naupang " thum dut hian a rawn ti nghut ! Ka mur sunh sung thei nia ! Thinrim deuhin min vîn vak se a danglam viau lo ang .

"Bialnu a ? Chutiang awm ka va hmulo ve " Obeda chuan alo ti let ve salh thung .Atha dawnlo tawp mai ,








"U Ls enge ilo tih dawn a " ding kangin alam ah chuan ka kal nghal vat .Abul ka thlen rualin intineitu zet hian ka kawngah alo kuah nghal hrawk a , min kuah nghet leh lutuk a inher pawh aharsa .
"I mit atha vaklo anih dawn kha " ti hriam hrakin Obeda chu ala melh ngur .






Pakhat lah chuan hlauh ahnekin "mit thalo zawk chu ahriat mai alawm kha , naupang mintih laiin ka rualpui chu i bialnu ah i chhal leh a " pawisak neilo zet hian a rawn ti let ve zat .
U Lsa inhumruh tawlh tawlh leh ataksa insangmar tawlh tawlh chu ka feel thei , Obeda hi kut athlak mai ka hlau .

"I hmai ah pemthar ka siam hma hian kalbo vat rawh " a ti hluk tawh .





"Obeda kalsawn rawh " ka hlauthawng lutuk chuan kalo ti ve ta tawp .Banphar hluai in ngeiawm zet hian a nui sawng a , min melh tawn zak zak hnu ah ngaimawh neihloh hmel zet hian a kalsawn zui .






U Lsa chu ala inthlahdul mai lo , Obeda kal liam tawh chu a la thlirzui ngawt ngawt tho ! Kan chhehvel ami students awm ve te chuan min en duh hlawm viau mai .

"U Ls " ka ti sep a , a thinrim insumtheilo thutin min vai thlu tawp ang tih erawh ka hlau viau .






"U Ls" ka ti leh sep






"Khapa bulah khan enge ilo tih a é" ti hlukin min chhuk melh nghal ngur ! A mitmeng ah a thinrim ala rehlo tih chiang takin ka hre thei .

"Kan thudun ringawt alawm " ka tih chuan a nui ro hawk a , min thlah nghal nawk bawk .






"Thu dun ringawt maw ? "A ti hul hak ! Obeda kha a thik tihna mi ?






"I thîk ami ?"





"Thîk " a ti bul nghut . "Thuthleng sir tawn ve ve ah hian in thu thei lo em ni ? Nilo , i bula a rawn thut ve rual khan kalsawn nghal tur ini " ka awih theilo ! A thikthu ava han chhe em em bawk tak ve mawle !