TWISTED LOVE (CHAPTER-9)

[Hriatpuiii Hauzel]

Previously:
Ka nu leh pate chu ka rawn haw tirh aṭang khan ka hmu miahlo ka u te an awmna ka zawh chuan "Nutei te inah an naute birthday an lawm dawn ka ṭhiante hi chhum kep rawh aw" arawn ti nghal.





In ninawm eee...ka nu te awmloh veleh hian chaw in eikhawm a" ka tih chuan ka u chuan "Ngawi mai mai teh.Nang phei chu keini aiin chaw ineikhawm ngun zawk" alo ti a.



"Keite chu a naupangber ka nia kan eikhawm ve bawk ang chu" ka tih chuan "Aw...i chaw kha chhum mai mai teh" hahthlak zet chuan ati a.




Chaw chu chhumin chawhmeh chu ka siam leh a.Ka u chuan thingpui lum tura arawn tih sek vang chuan ka lum a.Ka lum zawh chuan ka va pe a Ethan-a chuan "Esss.....ka nupui tur chu mi ina lawi pawh a hnehsawh dawn e" alo ti a ka va melhrum hrep lai chun ka uin alo tlawh zawt.



"Ania lawm...kan inneih hunah ka sawm velo ang che" te chu ati vel a.An thingpui inna ah chuan ka awm reng a.Ethan-a bawk chuan "Kan inneih hunah chuan mopa ṭhianah hman che ka duh bawksia,mahse i nau ani bawk sia.Pawilo ka ṭhianah i ṭang anga,unau thlalak hunah i tel leh anga nimai" atih chuan kan lo nui ham ham a.Zah pawh asawi theihloh.



Eirawng chu ka bawl chhunzawm leh a.Reiloteah ka peih vat a.Inchungah chuan ka phone charge turin ka chho zawk a.Ka chhuk leh chuan chaw ei chu ka siam nghal sawk sawk a.



"A ei theih ania" ka ti lauh a.An rawn kal phei ṭham ṭham a.Chaw chu heh tak an ni.Kan eikham chuan Ethan-a chuan kalo sil pui ang che atih deuh tlat vang chuan arawn ding ve kur a."Ka sil zawh sa hi lo rem zel rawh" ka tih chuan thuawih deuhin alo rem ve mai bawk a.





Time skip




Naktuk mai hi Ruathlui birthday anih tawh avangin vawiin hian Ethan-an a birthday gift tur min leipui dawn a ka phur takzet.Pawnah chuan ka lo nghak renga,a bike chuan rawn tlanphei in kan inkawtah chuan arawn ding dat a.



"Lo chuang rawh le" atih chuan ka chuang thuai a kan tlachhuak nghal.Ruathlui birthday gift kan lei zawh chuan thil kan ei a.Rei pawh kan awmlo kan haw leh nghal thuai.



Zanah chuan Ruathlui chuan a birthday a lawmvak peihloh thu a rawn sawi a."Kan inah kan awm dawn nia....chuan Rinpui i u rawn hruai la" te rawn ti "Ka u hi i rawp lutuk...a hmelchhiat chhiat nen" ka tih chuan Thanpuii chuan "I u hi chu a chhelo alawm mahse ka starpa a chhelo deuh hret zawk" arawn ti a.



Zingah ka harh veleh Ruathlui chu a birthday ka wish vat a inhnuaiah ka chhuk nghal.Ka nu eirawng bawl bulah chuan "Nu vawiin Ruathlui birthday ania ka leng dawn ania" ka va ti chuan alo phal khawp mai.



Chaw te kan eikham chuan Ruathlui te ina phei turin ka intin tuah a Ethan-a pawh ka hrilh thlap.



Ka va luh chuan Ms-a te pawh anlo awm tawh a...mahse kan inbe lo thung min zuam palh ang tuh ka hlauh em vang leh Ethan-an hnaih loh tura min hrilh avang ani.



Kan ri chel chul a,a chang leh kan zai thul.Dar 8 velah chuan cake chu a zai a,min barh dawn chiah tih chuan ka hmai ah a rawn tat pherh tuarh





Ner nawkin cake chu ka kawm a ka tat ve leh a midang ho pawh chu an rawn telve nghal.Kan tlankual a kan au thler tuarh tuarh bawk a





Mipa ho phei chu an tha a chak si min kuai pawp pawp a ka sam ah te a kai nasa mai...Kan hah hnu chuan chhuatah chuan ka ṭhu duai a





“Ka hah lutuk" Ruathlui chuan thaw hlawp hlawp chung chuan a rawn tia a.Ani phei Chu makeup a hnawih nasa sia a hmai a pherh vek





“Zawngin a sawisak zawh chiah iva ang ve" Ms an alo tih chuan “Min sawisa reng alawm" Ruathlui chuan a rawn ti let a





Inphih faiin cake awmchhun te chu kan ei a..Ruathlui chuan “Ngawrawh lawk aw" tihleh inchung a tlanchhoh a rual a





A rawn chhuk chuan intithei tak hian beer bowl pui khat a rawn keng thla kanlo au vak vak a





Kum kan tlin vek tawh avangin tiang hi chu an ngai pawimawh lutuk.Kan ti zen zen lo a hun bik a awm pawn kan ti vak ngailo.Kan tihve chhunah pawh ka chhungten minla man zui kha a nia





“Anu te an awmlo" tihleh kawngka kalh chu a rual a





A mal te te chuan kan keng ṭhup a...1,2,3 tih pahin kan in nghal a ka in ngaihloh vang aniang ka in hleithei lo a kha em em leh nghal ava han tuilo Chiang tak





Ka ner vak a mipa ho chuan an inthei Mai a..Ruathlui chuan “Kan classmate kha ka chah a,naktukah school chawlh a awm tho riak khawm ang u" a rawn tih chuan kanlo bu nghut





Bawm chanve ka in chuan ka dose a hniam nge ka rui dawn in ka hria.. Ms-a chuan “i ṭha em" a rawn ti vat kalo bu nghut a






Ka ṭhiante pawn an inzo tawh inzolo bik nih ka hreh nge vawileh khatah chuan ka tlak pawp a ka irh awk mai a kha lutuk..Choka lam chu pan in chini chu ka va bar ringawt ka ṭhiante chuan minlo nuih vak vak a






Kava phei chuan “Tun session hi chawlh a tam tiraw Kan chawl reng mai" Muankimin alo tih chuan kan thlawp hle





Ka thil in thawk chu ka pum a sa but but a ka luak te a chhuak dawnin ka hria...Ka ṭhiante ti ti lai chuan ka zawi ngiai tawh





Ka ṭhu chhuak hlawl chu ka ṭah a chhuak tlat pek a enge pawh ka hrelo ka ṭap thut chu mak anlo ti deuh aniang ”Ngatinge" tih pahin min rawn kuah a ka ṭah a chhuak belhchhah sawt





Awmze neilo a ka ṭah vak hnu chuan ka nuih aza thut chu ka nui leh a ka ṭhiante ka zuk en chu anlo ṭap ve hi alo ni a.Kan inmelh kual a kan nui vak vak a






Chhuatah mutna chu mipa ho chuan an phah a kan thil inna te pawh an dahfel vek Ruathlui nu te pawh chu an rawn haw ve a “Awi mutbu kha ti bal reng reng suh ang che u" a tih chuan anlo bu nghut






Keichu ka zawi tawh em ani ka pum a let bul bul a luak thut tur ang hian ka awm Ms-a chu ka bulah a rawn ṭhut chuan ka ngaithei lo dawn tlat a amah chu ka en a






Zingah ka tho chu ka lu a na hle ka mit phei chu inchar tur a ang ka ṭhiante pawh anla mutui lutuk nizan khan enge thleng ka hriat chhunzawm tawhlo re re





Bathroom ah chuan kalin ka inen chu ka chhe pheng phung hle..Ka Sam chu a hmawr a khawng vek a phung in a duh duh dan a min sawisa te pawh a ang





Ruathlui nen hian kan in nel avangin a thil chu ka ta ang tho anih avangin a room ah ka han chho a ka inbual ham ham a,ka thawmhnaw chu ka luakkhum a ni ngei ang alo val kauh a





Ruathlui thawmhnaw chu ha in inhnuaiah chuan ka zuk chhuk a..Midang ho pawh chu anlo harh ve tawh a Muankimi chuan “Ka lu a puak dawn" a tih chuan ka lo hrethiam hle





Mipa ho chu riak tlemte bak an awmlo a hmeichhia ho chu kan kim vek..An thawh hnuah chuan Ruathlui bulah “Nizanah enge thleng" ka tih chuan a ni chuan “Ms-a I luakkhum nghek mai ani pawh a haw daih" a tih chuan ka inthiamlo hle





“Ka thawmhnaw ho hi tan ka dah anga lo su nghal mai rawh aw" ka tih chuan “Yess" tih chuan min chhang a kalo nuih leh ver ver tawh





Chaw chu eilo in ka haw nghal a..Ala hma bawk sia mi veivak pawh an tlem hle.Keimah te a ka kal lai chuan minlo kuah thut tu an awm avang chuan ka phu nasa hle





“Ui ka duhtheilo" ti a ka au vak chu ka bula mi chuan “Iva han phu nasa em em" a rawn ti a





A uite a chhuahpui leh tawh aniang a uite chu a kai a amah pawh a thlan huam “I riahna te chu a nuam em" Ethan an a rawn tih chuan “Nuam rapthlak" ka tih chuan alo nui suk






“Ms-a nen in inbia em" a tih chuan inthlahrung tawk hian “Be ve zeuh zeuh" kalo tia alo bu nghu...Lungawi lohna a neilo aniang a hmel chu a hlim hle





An inkawt kan thlen chuan bye bye in keipawh kan in ah ka phei a..In ka thlen chuan ka lu nat avangin chaw pawh ka ei peihloh thu chu ka hrilh a inchungah ka han mu daih





Ka mu ka harh chuan ka zia deuh tawh...Lehkha te chu ka zuk zir a exam a hnaih tawh avangin insawr bing a ngai hle





Ni aliam a kan exam hun pawh ahnai telh telh a,naktuk mai hi hostela kan awmni tur chu ani tawh.Ka nu nen chuan bazarin ka mamawh tur ang ho chu kan lei a.Kan haw chuan ka chau ve hnawk mai.



Ka nu eirawng bawlnaah chuan a awm ve kur a."Nu ka peihlo e" ka tih chuan "A rei dawn hleinem.In exam zawhah te chuan i rawn chhuak nghal mai gawn alawm" alo ti a."In tello te chuan ka awm thei nang" inla pangchang deuh chuan ka ti a.



"Class 10 pawh i tlingtla thei alawm.12 phei hi chu i thei em em ang" ati a.Tlaia chaw kan eikham chuan Ethan-a nen kan inbia a,"Naktukah i kal daih dawn sia inhmu lawk ila" ati a."Awle" ka tih hnu chuan inhnuaiah ka chhuk a.




Ka nu bulah chuan Ruathlui te inah ka kal dawn ka tih chuan rawn haw tlailo turin minlo hrilh ve vat a.


Pawnah chuan Ethan-a alo ding run a ka la phu zawk zui."Lo kalrawh park ah kal ang tih" leh min kaih arual a kan inzui chho nghal.



"Naktukah ikal tawh dawn sia i telloin ka awm thei dawn mawni" alo ti vat a."Ka ngai dawn lutuk che hi hostela awm loin ka tlanbo daih dawn mawni" k lo tih chuan "Angai lo....hostela i awm lai te khan i rawn tlanbo ve nge.I rawn tlanbo vaih chuan keiman ka vua ang che" alo ti vat a.




"Ivan hlauhawm" ka lo ti fan duai a."Ka seh mai ang che" te chu arawn ti vel a,ka lo ner nang nang thung.



"Hostel ka awm hunah minlo lerh san miah suh aw anihloh chuan ka u ka hrilh anga ka hnek tir hrep ang che" ka ti a."Nang i rinawm chhung chuan keichu ka rinawm chiang sa" arawn ti a.



Rei deuh kan ṭhut hnu chuan "Haw ang ka nu in minlo hau ang" ka ti a.Amah atho hmasa a akut chu ka vawn turin min rawn pe a ka lo vuan vat.Kan kal hma chuan inhmu tawhlo tur ang mai hian min fawp a keipawh in ka lo chhang let vat a.




Kan inthleng min thlah hnu chuan inchhungah ka lut a.Ka nu te pawh be tawh lem loin inchungah ka chho nghal a.


Zinga ka harh chiah chu hostel kan luhni ani tih hrechhuakin ka hnuai rawih nghal a.Inhnuaiah chuan zuk chhukin "Ka awm peihlo" ka zuk ti ṭiau a.


Kan kal dawn meuh chuan ka pa chuan min ṭawngṭai sak thlap a.Ethan-a pawh a awm ve bawk.Car a ka bungrua ka u leh Ethan-a ten an hlan lai chuan keichu ka nu ka lo kuah deuh chawt a.



Ka nu chuan "Thil te kha ei ṭha la.Chaw te kha ilo nghei mai mai ange.Ipa nen kan lo ṭawngṭai sak ziah dawn che alawm.I zirlai chiah ngaihsak bawk la,visiting day ah kan rawn tlawh ṭhin ang che." atih dap dap chuan ka mittui arawn luang thla ringawt.



"A ṭap ringawt ka ti" ka nu chuan nui titih hian arawn ti a "Ka ṭap reng renglo.Ka mit a thlan alawm" ka lo ti vat a.Ethan-a pawh chu ka bulah arawn ding vat.



Ka u lah chuan "I chhe per pur e a" alo ti a Ethan-an ka thlavang lo hauh in "Ngawi mai mai teh nang aiin i nau hi ka duat fe zawk" alo ti vat a.Ethan-a,ka u leh ka pa chuan min thlah a.Ka nu chu rawn kal duh viau mahse ahman ta lo a.



Kan chhuah dawn chuan tukverh a dak chhuak meuh in kan in bye bye a.Ani pawn min ngai dawn tih chu ka hre reng,a mittui a hru zeuh chu ka hmuh hmaih lo nasa.