SOFIA CHAPTER-10

[Omega Hmar Tlangte]

Ka muhil thei reng reng lo mai Sofia-i a buai leh angem tih mawlh chu ka ngaihtuah a, ka bula mu ka nupui hual Thelma-i erawh a mu tui kher mai a chau bawk aniang a hnar bawrh bawrh a, ka muhil theilo chu ka tho hluai a, dar sawmpahnih a ri dawn hnai a, thla lah chu a eng mawi ropui si pawnah ka chhuak a, ka enkawl lai mek Sofia-i chu ka ngaihtuah vang vang a, ka dara min vuantu vang chuan ka phu nasa a ni. "I va phu nasa ve thil tihruk i nei a mi" Thelma-i lek chu lo niin ka ngawi reng a, "Eng nge pawnah i tih a? Ka harh thut a i lo awm silo a" ka mut a chhuak lo a, ka ti mai a luhsan ka tum chu pa Rama rawn tlan hlawk hlawk chuan ka mit a la zar eng nge a rawn sawi dawn ka hre sa Thelma-i awm lai chuan engmah thlenglo se ka duh asin le.


Thaw hlawp hlawp in ka bulah chuan a rawn ding a, eng nge? Tiin ka lo zawt hû a, "Dindin engtin nge kan tih takin a ṭha leh ang em?" A tawh pah hlawi hlawi a, eng nge i sawi awmzia? Min chhang lo a kun a, a thaw hlawi hlawi a, Thelma-i chu a rawn inrawlh vat a, "Ka pu, zawhna chu min chhang vat ta che min ti mangang ania" a ti a, pa Rama chuan thaw hlawi hlawi chung chuan "So..so.. Sofia-i tukverh aṭangin a tla" engtinmaw min barakhaih lutuk chuan engtin ka zawh zawm nghal char char a.


" Sofia-i zanin chu a muhil thei tlat lo a, Zamtei nen kan men pui a, kan titi luam a, eng nge a huat ber pawh ka hre lo a thinrim thut a, tukverh a ngheng bawk nen a inhrosa kha a lo inkalh nghet silo a bu liam a sang lo hlauh a, a ngal ruh erawh a tliak tunah damdawiinah an phur phei chiah" a sawi zo thei ṭawk a, sawi tur ka haihchham der Thelma-i leh pa Rama pawh ngaichang lo chuan damdawiin lam ka pan nghal a, a tlan hlirin ka tlan Thelma-in min lo au pawh chu ka hre reng ka ngaihsak hman lo Sofia-engtin nge i awm i ṭha em keimah chuan ka phun mawlh mawlh a.


Damdawiin ka thleng chu ka mi huat em em mai Dr.Malsawma lukawlh pa chuan min lo nuih sang a, ka be lo vang vang a, a hmel hmuh tur pawh a awm ngailo a, tunah kan inhmu leh chu anisia loh theihloh in. A nupuiin min lo chhawn zawk a, "Sofia-i em ni? Min rawn zui rawh" Dr. Malsawma chuan min en reng ringawt a, a nupui chu ka zui nghal a, damdawiin a awm hmasak a, a awmna ah tho chuan a lo mu ve bam a, pi Zâmtei pawh Sofia-khum bulah chuan a lo ṭhu a.


Min hmuh chuan a ding vat a, "Ka fanu neih chhun ngawih ngawih chungah hian eng nge thleng ta" a ti a, a mittui a far zung zung a, Sofia-i chu nikhawhrelo hian a lo mu a, a ke vei lam ruh a tliah thu pi Zamtei chuan min hrilh zui bawk a, ka mitthla-ah Sofia-in min duh thu a sawi lai te chu a lang zut zut a, ka pan hnai a, i ṭha leh mai ang tiin ka phun sap a, Dr Malsawma nupui chu rawn Dr Malawmi chu rawn lutin serious-lutuk a nih loh thu leh a harh thuai a besei thu a rawn sawi a.

**********************


Sofia-i pawh wheelchair-a pi Zâmtei nen innawrin an inlamah an let tawh a, nitin ka tlawh ziah a, Thelma-i erawh ka hruai ngai lo a chhan pawh ka hre lo Sofia-i chetsual atang chuan ka ngaihven zual hle a, anxiety-leh oneiphoboria a nei bawk nen a ke ruh a la tliak zui pi Zami hah lutuk tur chu ka ngaingam lo zanrei tak tak thleng Sofia-i te inah chuan ka awm thin a, nileng zakin tuktin ka awm ṭhin bawk a, nitin Thelma-i nen chuan kan inhau reng bawk a, Sofia-i vang a ni nghe nghe ka ngaihsak zawk tlat chu a thin a rim khawp mai ka damlo ania tiin ṭan khawh ve mahila a thikna chu a zual tulh tulh a, Sofia-i hmaichhana hmuh ve a tum tlat chu ka khap dai thei ṭawk a ni.


Zanriah kan kil dun lai chuan Thelma-i nen chuan kan inbe lo khawp mai kan thin a rim ve ve niin a lang ka diklo nge a diklo ka hrethiam teh nuai lo e a, "Dindin ka tihpalh i damlo enkawl lai ka thik viau hi min ngaidam dawn nia" a ti sap a, ka la melh ṭha peih chuang lo "Min ngaidam thei lo em ni i nupui hual ka nih hi ka hmangaih che" a ti leh a, ka tho hluai a, aw le nakum lawkah kan innei dawn a, i chet dan naupang chhia lutuk kha bansan tawh rawh psychiatrist-ka nih hi hrereng ta che ka ti hluk a, Thelma-i chuan chaw ei thleng a tifel a, ṭhutthleng seiah chuan muin ka maimitchhing vang vang a.


Thelma-i chungchang hi Sofia-i hian a hre teh meuh mai mahse, hmaichhanah hian hmu ta se thikin a natna hi a chhuak leh vak angem le amah enkawl dam hi ka hna a ni si a, pi Zami lah dawr tereuhte nghakin a chawm ve ṭawk ṭawk chu a ni si a, a pasal-boral ta hlawh hi thla tin la ve awm tak eng nge thil awmzia ni ta le a pasal unaupa lah hi a inchhung pawh a nuam riau sia a inhnuai ka luah lai pawh hi nuam pangngai tak a ni si a, thil fello inthup lian tak awm tlata ka hriatna chuan min mawlh tlat.


Ka hmui a, min rawn fawp tu vang chuan ka meng thut chhang let lo chuan la namsawn a, Thelma-eng nge i hriat a, "Dindin i la thinrim reng ami ngaihdam ka dil tawh che kha" ner nung chung hian a sawi a, ka tho vat a, ngaidam e kan inhrethiam ani lawmni mi inringlo lai min ti phuzawk alawm ka mut ka chau riau ka ti a, room-lam ka pan san ta a. Ka muthmunah chuan Sofia-i te chhungkaw chungchangah leh a awmna Sawmi te nena an inkar a thuruk awm thei awm ang chu ka ngaihtuah chhunzawm neuh neuh a. Thelma-in tukverh a kalh fel ri pawh chu ka hre reng ka thil vei chuan Thelma-i pawh min ngaihsak tir hleitheilo.


Police-ka nilo a, psychiatrist-pakhat ve mai ka ni a, ka hna zawng chu Sofia-i rilru tihdam leh beiseina eng a neih theih nan a fuih char char hi a ni mai engvangin nge an chhungkaw chungchang chhui vak ka tum ka inhrethiamlo. "Duat i chau viau a mi" Thelma-i chu ka bulah a rawn mu a min rawn kuah a, ka hna hi a hautak deuh a ni i thikthu chhe ve bawk nen ka ti a, lehlam ka hawisan daih a, "Tihpalh ka tih kha Duat ka hmangaih che i ta chauh ka nih kha ka thik tawh lo ang" a ti a ka hmai chu a rawn chul a.


Ka nupui hual ka ngaihsak ta lo riau chu ka inthiamlo ve reng a lam ka hawi a, ka duhthawh zetin ka fâwp a, min chhang let thuai a, nuam a ti tih ka hai mawlh lo ka inhrethiamlo ka duhtawk thuai a, "I va duhtâwk hma ve kan innei tawh dawn tho a" khamlo tih hriat tak hian a rawn ṭawng a, ka ngawi reng a, ka zangthal a, ka thaw halh a, ka mitthlaah Sofia-i bawk a awm leh ṭhin a nui hmel mawlh chu ka mitthlaah a awm reng a, ka hrethiam lo ka bulah ka nupui hual a mu reng a, hmeichhe dang ka damlo enkawl lai lehnghal ka rilru a a awm tlat chu ka ngaihtuah phak bak a ni.


Thelma-i chuan min rawn bawh thut a sam rimtui ngil sei tak chuan min rawn zar vel a, ka biangah te chuan fawpin a chul heuh heuh a, ka rilru ka pe thei hlek lo nuam tihna chhete mah ka nei tlat lo ka nupui hual a ni reng chung siin min hip tlat lo. Nuam ka tilo tih a hria a ni chêk ang nui sang chung hian a thawmhnaw a phelh a, a awmbawr ṭha nelh nawlh tak mai chuan min nawk bawrh bawrh a, ka rilru ka pe thei tak tak lo tih ât hian ka awm ni ber hian ka hria ka nupui hual inphal tak bulah pawh châkna chhete mah ka neilo chu mak ka ti hle a ni.


"Duat, eng nge i ngaihtuah a, i la lungawilo fo a mi" a ti a, engmah sawi nachang pawh ka hre lo a inphelh tet vek hnu chuan ka thawmhnaw chu a hnawk a tih thu sawiin min nek min nek a, eng nge i duh tiin ka phun sap a, ka rilru erawh ka pe hlek lo pek pawh tum ila ka pe thei lo "I engkim" nui sak chung chuan a ti a, ngawi rengin ka inphelh a, min lo nuih var var a, khumah chuan ka nam thlu rawk a, ka fawp zui a, rei fe ka play-hnu chuan "Ṭan ila" a ti a, mu chung chuan min nuih var var a, ka thei tlat lo engtiang pawhin inphal mah se, ka thei tlat lo ka inha mawlh mawlh a, duhtawk ang inneih hunah le ka ti a, lungawilo fahran hian "I nupui ka ni dawn tho a, châk ting tangin min play-a engvangin nge i duh loh" inha duh lo chuan a mu reng a, hmeichhia zawk si Thelma-nang hi i lo va mak ve ti rilru nuah nuah chungin ka mut san daih a.


Ka harh tlai hle mai ham bai bai chungin ka tho a, Thelma-i hi a tho daih tawh a ni maw. Room aṭanga ka chhuah chuan Thelma-i chu a lo ṭhu tum bur a, good morning ka duat, min chhang lo a bulah ka va ṭhu chu a tawlh sawn dawrh a, i va tho nuam awmlo ve ka ti leh a, tum hmuk a, min enchung hian "Ramdin nizan kha ngatinge khatia i awm a, i nupui hual ka nih hi" ka kuah a, ka mood-a diklo a nihmahna "naktuk hian ka haw dawn ka tibuai che in ka hria" eng a? I va haw hma dawn em em ve "Ka pa ka be vek tawh i hna hi zo phawt rawh chaweikhamah ka haw hmain min len kual pui la tiraw" ka lu ka bu nghauh a, "Ka hmangaih lutuk che" keipawhin, ka hmui a melh tih ka hai lo a mamawh pawh ka hria ka khawngaih reng rang takin ka fawp a, a kawr ka zen nghal a, a awmbawr ṭha nelh nawlh tak chu ka ṭham tawn tawn a, nuam a tih zia ka hai mawlhlo.


Kan duhthawh dawn chauh chu kawngkhar kik ri chuan min ti phu leh zawk Thelma-i chuan ninawm ti hluk pahin a tho a, kawngkhâr chu a va hawng a, ka en zui a, pa Rama bawk a in ka luah vang nge vawikhat tal nitin ka ina lo kal lo hian a awm thei thlawt lo emawni "Dindin chawhmeh a rawn khai che a nih hi" nelawmloh zet hian a ṭawng a, chawhmeh chu ka va la vat maian bai maw ka eilohna a rei tawh hle mai ka khi suk a, ka ruak thuai a, pa Rama chhuah hnu chuan Thelma-i chuan min rawn kuah vat a, no zet a ṭawngin "Eng nge kan tih lai kha kan la zo lo in ka hria Dindin" min fawh a tum a, ka phone-a ri zui "Ninawm lutuk zozai" Thelma-i chu a lungawilo takzet room-a ka phone charge-chu ka la vat a.


"Hello, Dindin Sofia-i ka nia pa Raman i no min pe a, kan dawra lo kal phone-ka hmang lawk a"

Sofia maw eng nge ni a? Ka ti vat a,

"Dindin, wheelchair-a inchhunga innawr kual reng hi ka ning vawiin chu pawnah min nawr chhuak la ka leng chak khawngaihin"

Thelma-i lenpui ka lo tum bawk si Sofia-i ka damlo a ni bawk si ka rilru a buai nak tunge ka ngaihpawimawh zawk ang "Tunge?" Thelma-i a rawn inrawlh leh thut Sofia-i vawiin chu buaipui ka ngai a buai leh a, naktukah haw lo mai rawh ka tih chuan a lunghnur hle
"Sofia,Sofia,Sofia, kha nu kha ka kham zozai lutukin Dindin ka rualin haw nghal ang che chuan kuminah kan innei nghal ang nakum nghah a ngai lo" a thinrim chu a vei sek a, hriatthim tum hram rawh Sofia-i chu ka damlo enkawl lai ania nang chu ka nupui hual ka ti a, ka ṭhu tau sawk a, "A bul hnaia awm tur hian ka duh lo che i hna hi bansan mai rawh keimah ka chawm vek ang che"


Ka lu ka dawm vawng vawng a, chaw pawh ka ei peih lo ka chhuak ania i duh dan danin lo awm mai rawh ka ti a, Sofia-i te inlam ka pan san daih a. Min hrethiam zel ṭhin a ni si a, tun ataka hetia a awm le ka hna ka nuin min tuipui lo a, Thelma-i tal chuan min support-em em ṭhin a ni si a, Sofia-i ka enkawl aṭang hian a mizia hi a danglam khawp mai Thelma-i hi ka lo hrechiang vak lo zawk emawnile. Sofia-i nu pi Zami chuan chaw ei a lo siam mek a, min hmuh chuan a nui suk a, "Dindin, i ei tawh em ni ka lawm hle mai ka fanu pawh a ṭha sawt lutuk damdawi pawh a ei ṭha ania" ka nui ve suk a, ei tawh e ka ti sam êt a, ka pum rawn ri nghal chu ka ngei lutuk ka hnung a, Sofia-i wheelchair-a ṭhu chuan "Dawt sawi suh i ril a ṭam thu i pumin a rawn sawi zo chiah alawm ei ve nghal daih rawh" a ti a, engmah zep chi ni tawh lo aw ka ril aṭam chaw ka la ei lo ka ti a, ka ṭhu a chawhmeh te chu ka suak bawrh bawrh a, hetiang em em in midang inah ka la ngampa ngai lo ka tlangnel ta lutuk chu ka inawihlo hial zawk.


Chaweikhamah chuan tlangah innawr chhoh chi hek loh an khaw park-lian lem lo takah chuan ka kal pui a, an khua a têt em avangin a hla lem lo Sofia-i hlim nui hmel ka hmuh chuan ka lungphu hi a rang deuh tlat Sofia-i bula ka awm apianga Thelma-i ka hrechang tawh lo ṭhin chu mak ka ti. Sofia-i bulah chuan ka kal hnai a, Sofia-hma i sawin i hre ve em i dam zel tiraw ka ti a, min en a, a nui a, "Nangmah vang chauh a ni hetia ka awm theih ka bula i awm hian ka hlim mahse, nupui i neitur erawh ka thik khawp mai" a ti a, awlsam zet hian ka nei dawn hleinem ka ti a, mak tih hmel zet a min en chung chuan "Dindin hmanniah nupui hual i neih thu i sawi kha" a tih chuan Thelma-i ka rilruah a rawn lang thut ka ngawi vang vang a, Sofia-i kalsana Thelma-i neih chu ka hreh ta tlat ka inhrethiamlo.


Sofia bulah chuan ka ṭhu a, ka hawi thuak a, tumah an awmlo Sofia-i hmuiah chuan ka fawp vawng vawng a, min chhang let miah lo ka duhtawk thuai a, a kun lap a, "Nupui hual i neih kha" a ti leh sap a, a hmel ṭhatna leh a hmui sen no chek a sam mawi tawk chauh a kir zawng zawng nen a kut no tak chu ka melh a, khatih hun chhung ka enkawl chhung zawng khan amahah rilru ka lo pek ruk zia ka hriatthiam miahloh chu ka hrethiam uar uar a, Thelma-i niloin Sofia-i hi ka thinlung lalnu a ni tih chu ka hrefiah chiang hle in ka hria Sofia-tiin ka phun sep a.


Sofia-i chuan sawi tur mai a hre lo min en ṭha ngamlo ni ber hian ka hria a kut chu ka vuan ta nge nge a, Sofia-nupui hual chu ka nei ngei mai mahse, ka nupui a la ni em lo a, ka nei lo ang ka ti a, zawi muang hian a rawn dakchhuak a, "Ka duh vang ngawt che in tikhan sawi suh ka ṭha em em ang" a ti a, ka kuah thut a, Sofia-min duh a ka lawm e, ka unaupa Didika ai ka awh ngei anga i hliam zawng zawng ka tidam leh ang ka unaupa chu ngaidam hram rawh aw ka hmangaih che Sofia-ka ti ta nge nge a, min kuah let vat "Ka ngaidam nghal e nun thar min pek avangin ka lawm e mahse, i nupui hual a thinrim viau ang" a tih chuan Sofia-i ka thlah a, ka ding hluai a, Thelma-i chuan inthen ka duh dawn lo mahse, lo innei ta pawh niila a thikthuchhe lutuk vang hian kan tluang chuang lo ang ka ti a, "Thelma-i a?" Sofia-i chuan mak tih hmel zeta min en chung chuan a sawi a, mak ka ti let zawk aw Thelma-i ka ti mai a, "A hmingpum?" Thelma-Lalduhzuali ka tih chuan a mitmeng a diklo nghal vek a.