TWISTED LOVE (CHAPTER-10)

[Hriatpuiii Hauzel]

School ka thlen chuan warden chuan kan dorm awmna ah chuan min hruai a ka ṭhiante pawh anlo awm leh vang tawh






An rawn in pack hnem hle a...Intifaiin vawiin chu kan chawl hahdam anga naktuk aṭangin urhsun tawkin kan zir ang an tih vang a ni






Zingkar ah chuan lehkha zir tur chuan kan tho ṭham ṭham a..Khua pawh ala varlo in ka ngai nghal der






Chhunah chuan school kan kal a,zanah chaw eikham ah warden in ṭawngṭaina te hmangin a hman zawhah lehkha chu kan zir leh a






Dar 12 velah chuan Tluangi chuan “Ghost hunting ang u kan school kawmthlang khu a hrang an ti asin" a rawn tih chuan kan beng a verh hle






Phur lutuk tak maiin “Engtin nge a hran a" Kan tih chuan Tluangi pawh ṭhu ṭha sauh sauhin





“A u ṭhianpa in min hrilh ania huan thlang a washroom hlui awm a ruang an chhiar a chunu thla chu a hrang an ti" a tih chuan enve ngei chu kan tum






Sir bulah chuan kan zun a chhuah thu chu kan hrilh a min hmuh phakloh hnuah chuan phur lutuk in kawmthlang lam kan pan ṭham ṭham




Tluangin torch light a neih thu a sawi avangin engmah kan kenglo






Thingkung phenah chuan biru in Tluangi bulah chuan “Engtin nge kan tih leh dawn" kan tih chuan amah chuan






“Khutah chuan hman a hmeichhe washroom chu awm ang" tiin kal a tum a eng engmah a awmloh avangin a thim hle bawk






“Khawnge i torch light chu" Kan tih chuan a kekawr ipte aṭang hian torch light tereuhte eitur Cheng 10 man in a chhawm ṭhin ang kha a rawng hring hi a rawn phawrh chhuak a







Thaw hakin “Tluangiiii" kanlo ti rual dual “Engee Lalrokima toys a ka chhar nih hi" tiin tih en a tum a engmah pawh a en phalo a te lulai em a ni





“Pawilo re re chhuk tawp ang u" tiin phur lutuk in a chhuk a “Uii" tihbak chu a sawi hmanlo a tleng thla par par





“Tluangi" kanlo ti rual dual a ...Kan thawm a rin vang aniang midang ho pawh an rawn thleng ve nghal






Tluangi chu a tawp a thleng aniang a thawm a tawp hmak...Sir chuan “Enge in tih a" a rawn tih chuan






“Tluangi tla" kanlo tia sir chuan mipa ho chu ko in emergency light lian deuh nen an rawn chhuk a







Tluangi chu thei leh theilo hian “Ana reuh rap" a rawn la ti hram a awmna an zuk thlen chuan alo tawlh thui vaklo a








Kan chhoh hnuah sir in kan awmdan min zawh chuan engmah zep theih si se a ni tawhlo kan classmate te hmaah chuan kan sawi vek a






Sir chuan tihngaihna a hre tawh biklo aniang a thaw leh hawk ṭhin..Tluangi chu a nat deuh avangin kar khat a haw rih anga midang ho chu min hrem nan thil eina min sil tir vek







Visiting day ah chuan phur lutuk in ka chhungte hmu tur chuan ka kal a mahse ka rinloh lutuk in Ethan-a pawh a rawn kal ve kan inbiak zuai hnu chuan an thil min rawn ken te chu ka la a





An haw hnu chuan ka lung chu a leng ve hle...







Hun a kal zel a exam pawh a hnai telh telh ka huphurh tulh tulh mai a





Tluangi pawh a rawn let leh a ama sawi dan phei chuan “ Ka chhungten i exam zawh veleh therapy ka lak tir dawn che min ti" a tih chuan kan nui vak vak






A nau toys a rawn ken sak leh tawh a rawn keng mak thei bawk sia







Kan ṭhianho chuan ka khumah chuan kan awm ṭhap te viau mahse kan leng vek tho..Tluangi chuan a eitur rawn pairuk ho chu a rawn phawrh leh a phur lutuk in kan ei leh a






“Nakinah chuan tiangte hian eitur te hi kan eiru ho thei tawhlo anga" ti chungin Tluangi chuan a thil bawl chu a ei a







“Ka puitling peihlo ee mawhphurna a san hmel si" Ruathluin a rawn tih chuan kan pawmpui hlee







Vawiin hi exam hmasa ber ni a ni a ka huphurh hleee...Exam hall ka luh hma chuan vawi thum lai ka enawn hman






Hun in min daihlo tihmai loh chu thiamloh vak ka neilo a ka lawm ve hle




Ka ṭhiante bulah chuan an chhan ṭhat leh ṭhatloh ka zawt a,chhang ṭha chu an inti ve viau.


Kan dorm ah chuan kan phei ṭham ṭham a.Zanah chuan dar 12 thleng lehkha kan zir ṭhin bawk.

Skip

Hostel aṭanga kan chhuah ni alo thlen chuan kan phur tlang hle.Ka nu leh ka u in min rawn hruai a.Ethan-a ka hmu lo chu ka lawm lo dawn dawn a mahse abuai anih ka rin avangin chutiangin ka phut vak chuanglo.



In kan thlen chuan ka ngaih em em kakhumah chuan ka mu thla thak a.Zan kan men rei vang leh zingah kan thawh hma ṭhin avangin ka lo chhing sek aniang.Ka phone ri vang chuan ka harh zawk a,ka en chu Ethan-a alo ni a.Ka chhang nghal vat.



"Message i seen thei silo a,min ngailo emaw ka ti hman alawm" arawn ti vat a."Ka lo muhil a" ka tih chuan "Zanah ka rawn leng ang" atih chuan aw pawh in kan inbiakna pawh chu kan titawp vat.



Inbual faiin inhnuaiah chuan ka chhuk a "Nu ka ril aṭam" ka tih chuan "Chaw kan ei ṭep theitui chiah hi in mai rawh" atih hnu chuan theitui chu min rawn pe vat a.



"Nu zanah Ethan-a alo leng dawn ania aw" inthlahrung ru zeta ka tih chuan "Apawi hlei nem" ati a.



Chaw kan ei lai chuan ka pa chuan "In exam chu i chhang ṭha meuh maw...i lungleng lutuk hi ziah tur ilo hrelo vel ange" atih chuan "Chhang ṭha thawkhat...ahma a kan exam ai chuan" ka tih chuan alo bu nghat nghat.


Thleng ka sil lai chuan doorbell arawn ri ral ral a lut turin ka nu in alo ti vat a.Ka va hawi phei chuan Ethan-a alo ni a.Ka nu in "Lo ṭhu rawh,Rinpuii chuan thleng asil a,a zo ṭep tawh ang" alo ti sawk sawk a.



Thleng ka sil zawh hnu chuan ka phei ve vat a.Abul hnaiah pawh ṭhu loin ka nu bula ka ṭhu thla daih a.Ka nu in "Tunlai class i kal ṭha em" alo ti a Ethan-a chuan "Kal ṭha nimai" alo ti thuai a."Kan nula awm lo chiah chu i hmel pawh kan hmukhat alawm" ati a


An ti ti siam siam hnu chuan ka nu chu mi a ni hek lo tho tharhin "Tikhan lo inkawm rawh u,roomah kan va kal lawk ange" atih hnu chuan akal zui a.A liam chiah chu Ethan-a ka bulah a rawn ṭhu nghal a."Min ngailo hle mai.Biak pawh minla be miahlo ania" tih pahin min melh rum vela."Nangmah nihkha.Vawiinah pawh min rawn hruai velo" titau ti tih chung hian ka ti a.



"Sorry lutuk.Lo kal kha ka tum viau na in ka nu a buai lutuk a ka pui lawm" alo ti nghal a."Cake i siam ve mi" kalo tivat."Siam e...ka thiam ve tawh lutuk.Nakinah i eitur ka siam ang che" atih chuan ka lo phur viau.



Kan ṭawng dun malh malh lai chuan ka pa inkhawm bang arawn lut a."E...Ethan-a chu i rawn leng alaw" ati vat a "In nula neihchhun a rawn haw a,ka rawn leng anih hi" alo ti a...ka nu leh pa biak dan hi chu athiam thei mawle."Tikhan lo leng ve char char rawh" tiin kapa chu roomah alut nghal a.


"Thingpui kan lum ang" ti a thawh ka tum uai tawh chu a tha chak zet hian min pawt ṭhu leh a."Nakinah i lum dawn nia" atih chuan "I in chak tawh ang" ka ti deuh tlat a."Anih ka rawn kal ve dawn" te chu ati vel a "Min ngai hle mai maw,lo kal rawh" tih leh choka lamah chuan kan inzui phei a.



Thingpui ka lum zawh chuan dawhkanah ka chhawp sak a."WOW....avahan tui em em" atih chuan "Ani mai,keite chu ka bawn em" ka tih chuan kan nui dun leh hawk hawk.



"In result achhuah hunah innei daih ila" arawn tih chuan "Iti rapthlak e a" ka lo ti vat."Ania lawm,ka lehkha zir naah min zui thla ve anga.I duh chuan i zir ve dawn alawm" ati leh a."Aaa...hlawhtling turin zuk zir phawt rawh" ka tih chuan titau ni awm tak hian a awm vela.Video chuan a titau lai chu ka la a.



Rei fe a len hnu chuan a haw tur chu pawnah kan indin chilh reng a."Min lo ngai lutuk suh ang che" ati vel a."Aw kal tawh rawh" ka tih chuan "Min la fawp lo" te chu ati tak deuh deuh a.A hmuiah chuan ka han fawp zeuh a "Kha zawng kha maw ka chan tawk" atih chuan "Awwww" ka loti fan raih a."I over e....vawikhat leh chiah" atih chuan ka fawp dawn chiah chu ka tukhumah rawn dawmin duhthawh zet chuan min fawp a.



"I mawl mi,mi rawn kal ta se kan chhe vek dawn asin" ka ti a "Mawl e....nangmah vang hian ka mawl vek tawh.I hmelṭha lutuk leh i duhawm lutuk na te hian min zem azo vek tawh anih hi" atih chuan ka lo lai takzet.