Zîng ka harh chuan U Lsa ala mutui khawp, zînglam khawvar hma deuh siin akhua a sik leh a ,inentir se ka duh viau .Natna engemaw te hi alo nei ang tih ania ka hlauh ni .
Reife ka en hnu ah ka tho chhuak a , inphih faiin inhnuai lamah ka chhuk .Chaw chhuan mai theih a dahin alo thawh hun tur ka hrelo bawk nen ka on nghal duhlo a , chawhmeh hmin har tur chi siam ka tumlo bawk nen Max kaitho in pawnlam ah ka chhuahpui .U Lsa ui aia ui maksak hi kala hrelo ! Nileng ten zuk mu peih a mawle ! Tunah pawh ka kaitho chawp zawk mah a , nilo se chuan ka thawm ah pawh a harh lo ang .
Hmawlh chharin ka vawm a , "Max va chhar rawh " ka ti zui that .
Ka thil vawm chu a melh peih tawk ! Ka bulah a bawkhniam a , ava han laktlak loh ve chiang tak !
"Daphne " ti ri ka hriat chuan ka eih thuai a , kawr pawh halo in kawngkhar ah a rawn lang hlawl .A sam a thur bam a , hmanhmawh zeta rawn tho chhuak te pawh a ang zawk alawm le .
"Ilo harh hma ka ringlo a , Max ka lo infiampui mai mai anih hi " ka ti vak a , min hmu ta chu hahdam huai hmel hi apu .
"Min hawsan emaw ka ti hman a " ti thum dut hian kan lam panin a rawn pen hnai a , ka bul a rawn thlen rualin ka kawngah akut rawlh lutin min kuahbet leh tlat tawh .
"Kawr tal ha ta che , i khuasik leh nge "
"Ka harhin ilo awmlo a " a ti daih thung !
Inchhung ah kan inzuilut a , chawhmeh siam lam ka buaipui nghal a .A tihdan ngai te in chair a pawtchhuak a , ka che vel chu minlo en leh veng veng tawh. Ka hmuhnawm viau emawni ?
"Arsa hi ka kan kang ang aw " ka tih chuan "i duh duh siam rawh " alo ti sup .
Ka tuilum chhuanso sa chu no ah thli chhuak in ka pe a , min hnial lo in alo ban ve mai bawk .
"Max hi ui dang a anglo e , a zawiin mut a duh sia a damlo anilo maw ? Pawna ka hruaichhuah pawn abawk zawi nguai reng a "
"A thatchhe ve hrim hrim anih hi " tia min chhâm chuan ka nui chhuak hak mai .A pû in chutiang teh tawl a asawi chu hrethiam ta se ahaw ve reuh ngawt ang .
Ka arsa kan tur chu ka buaipui zawm leh mawlh mawlh a , a rawn thaw chhuak hawk ri ka hriat chuan alam hawi vatin "enge a ?" Ka ti hluai .
"Innei tawh mai ang " a rawn ti deuh nghut! A thutak hmel ngang bawk si !
"I va ho tak " ti hlakin lehlam ka hawisan leh nghal .
A rawn tho kâng aniang chair tawlhsawn ri ka hria a , ka ngaihsak zawmlo thung .
"Bawihi ka inah hian rawn insuan lut leh tawh zawk teh " ka kawngah kut rawn zen in ka nghawngah a khabe a rawn nghat a , ka che lai minti buai vek .
"Chhuahtir mai che kalo phal kha ka inchhir hle mai " a ti leh deuh nghut a "U Ls " ka ti deuh hap .
"Kanla inkawp reiloh em hi , nangpawhin i inah rawn awm ve tawh mah ila minla hrechiang tak tak in ka ring lo .Bakah inawmchilh tawp chu atha lo a " ka ti siam siam a , inneih lam chu ka sawi lang duhlo hrim hrim .
Rawngbawl sawt a harh khawp , ka kalsawn leh ka bulah arawn ding ve nghal zat zel a , kan inei fel peih meuh chuan dar kua a pel duai tawh .
Hospital a kal ka tihluih tlat vangin min hnial thei ngang lo a , test engemaw tal nei se result athat leh ama tân vek a ani .
Pvt hospital ah kan inentir a , a zârah college ka off leh ringawt dawn anih hmel .Minlo ngaihsak khawp a , thisen test tur neuh neuh min hrilh hnem ngang bawk .A result ah erawh eng vak alo lang chuanglo! Tlâng hrileng vel mai mai ani awm e .
"Min thlah tlang mai la , nihloh pawn bus in ka haw mai ang " ka ti sap a , Garage lam panin kan kal mek .
"Zanin tal rawn riak leh phawt rawh " a ti leh deuh tlat tawh ! Ava han hrethiam lo tak .
"U Ls min ngaihtuah la , Lawmi lakah pawh inthlahrun ana duh alawm ." Ka ti sap a , "kan sawi tha leh dawn nia " a ti duh lek chauh .Kei ve tehlul min thlahlel chu ka lawm lutuk , mahse Lawmi inluah tawm ve ringawt ka nia , mipa bulah lehnghal ka riah chhuahsan reng kha keimah ber hian nuam ka tilo .
"Liansang " tia rawn au tu an awm vang chuan kan ding leh rih
"Tehhlawl che chuan enge in rawn tih a ?" Kan bul a rawn thlen rualin a rawn au tu chuan a ti hluai a , "kan rawn inentir ve lawk anih hi " pakhatin alo ti thum dut .A thianpa a nelawm teh lul nen ! U Lsa ve chu atawng dut dut a !
"Hei achangtunu em ni ? A hmeltha hle mai " min en chunga a tih chuan U Lsa'n "Gabriel nupui fanau nei inih tawh kha " alo ti deuh nghut .
"Iva hauh na ve , tihhuk lam ahnai tur ah ngai teh ang .Hna lam sawipui zuai che ka va duh ve " thutak zawk chuan Gabriela chuan a ti sup a
U Lsa'n min enin "Bawihi motor chhungah lo va awm lawk ta che , ka rei lo ang" a ti a , a ph leh motor chahbi min pe pah nghal bawk.
Amotor dahna lam ka pan nghal thuai a , thulut in ka hma lawk a mipa hrawl zet pahnih te chu ka en vang vang .An lian dûnin U Lsa ala lian zawk zamah zui a , U Gabriela chu a ngo zawk daih chungin U Lsa erawh ka mit ah atha zawk daih thung .
Ka ph hûmlai a rawn rîk thut chuan ka phu nghek ! Ka ph nilo in U Lsa ph ani tih ka hrezawm a , nb lawng anih vangin chhân tur nge chhânsak loh tur ka hrethiam lo .
Pawimawh tak anih ringin a tawp hma chuan ka pickup ta hrâm .
"Hello"
"Tunge ?" A rawn ti hriam hrâk !
"Daphne ka nia , U Lsa chu athianpa nen an inbe lawk a " tha te te chuan ka chhang a , "tinge a ph i ken ?" A rawn ti fiak leh that ! Ava mak bawrh bawrh ve aw !
"Min ken tir "ka ti tawitap tawh , tha te te in ka chhâng a tupawh lo nise mi pangai tan chuan rawn vin chiam chiam na chi ah ka ngailo .
"Lsa bulah enge itih ? A hnathawk ami inih?" Zawhna ava ngah reuh tak.
"Pawimawh a awmloh chuan ka dah anga i rawn call tih kalo hrilh dawn nia " ka ti ta hmak .Min ti hah
"Tupawh nila Lsa bulah khan 'Zozoi i inah a rawn thleng dawn ' tih ilo hrilh dawn nia " amah zawk chuan a dah zui daih a ! Mi mak ve tak chu ani , U Lsa nen an inhretha viau anga ,mahse tinge anb hi a save miahloh le? Inhretha viau se chuan anb hi a save awm sia ! Kalo buai ve na tur anilo e .
"Ka rei em ?"
"Anlo phone che a " a rawn luh rual chuan kalo ti ve nghal zat .
"Umm tunge a " a ti sup a , kawmgkhar akhar ri nghal dup bawk .
"Zozoi a intia ,i inah rawn thlen a tum aniang " ahming ka lam rik rual chuan chiang zet hian min en a , ka mitmeng chhiar tum te pawh a ang zawk ! "Tinge khatiang khan min en ?"
"Thildang sawi anei em ?" A ti daoh thung .
"Aih neilo "
"Nangman min zawh duh inei em ?" Min melh ngur a atih chuan angaihna ka hrelo viau mai !
Liansangpuia pov.
A mitmeng ah chuan engtin emaw tak danglam awm a awm em tih ka en reng a , ka zawhna chu a hrethiamlo a ang zawk mah ! Zozoi'n a rawn call a hmeichhia tupawh in lo pickup se a rawn ri nghal that dawn tih ka chiang , chuvanga Bawihi hmelhmang ah danglam a awm em ? Tih hriat tum ka ni .
"Bawihi ka bialnu hlui ani tih i hria em ?" Ka tih sup chuan alu a thing nar nar .
"Min zawh duh inei miah lo maw ?" Ka ti leh ngat .
"I va mak tak ! Enge ka zawh ang che ? I bialnu hlui pawh nise a nb pawh i save tawhlo a , bakah a rawn tawng dan atang khan amizia tur ka hrethiam nghal alawm .Ka ringhlel lo che " dam thlup hian a ti reuh a , ka kiai ve ta suk .A ngaihngam leh rilru tluangtlam lutuk chuan ati lawmawm zual .Chutihrualin hmeichhe â anih loh zia ka hriatbelh bawk.
Hmeichhe dang ang chu nise tunah hian ka insawifiah nasat angaih viau ka ring .
"So " ka tih fân ruih chuan "enge " alo ti ve vat .
"I thîk dawnlo a " ka ti zawi ruih .
"Thîk lo e , a nb pawh i save peihlo mihring thîk chu a âtthlak emai a " ner nang hian a ti vei reuh a ,ka piai nawk dawn mawni .Puitling taka atawng a , a chetna te hian a ti duhawm zual sauh tih a inhre tawp nang .
A thiannu lakah a inthlahrun miau vangin ka thlah haw a ,ka bulah la awm tura ka duh tluk zetin rilru bet lo zeta a awm erawh ka duh hauhlo thung .Ka thlahlelin a bula ka awm tawh chuan insum harsa ka ti a , nilenga hmulo a awm ka thei tawh meuhlo !
Tunlai ka case khawih ahautak deuh vangin zânlam ka mu mumal lo a , ka khawsik chhan ani e chu ka ti hauhlo thung .Kan training lai zawng pawhin mut mumal loh chu kan ngah viau .Bawihi ka ngaih luat vang te pawh ani mahna le .
Bawihi ka thlah hnu ah station lamah ka inkhalh phei lehnghal a , ka office ah lut tlangin ka dawhkân a envelope lo awm ka hmuh chuan kan constable pakhat ka ko nghal zat .
"Enge ni sir ?" In khengkhawng at in a rawn ti lut .
"He envelope hi engtik ami nge?" Envelope sen lek kang va chuan ka ti sup .
"Naupang pakhat in a rawn dah a Sir , i hming a inziah vangin i dawhkan ah ka dah tawp anih kha " a tih chuan chhuak tur in ka hui nghal zeuh .
Ka chair ah thuthla dawtin ka hawng zui zat a, tunkum kumtir atang khan hetiang envelope sen hi tum thum ngawt ka dawng tawh !
A rawn thawn tu ka hrelo a ,thutam a inziak ngailo bawk .Ni zat leh hmun a inziak tawp a, ka dawn hmasak ber tum chuan fiamthu emaw ka ti nghe nghe .Tum hnih ka dawn na ah ka ngaihthalo in ka fiah ta a , chumi tum chuan khawchhak lam atanga rawn lut heroine vaibelchhe chuang man kan man ta khauh a ! Vawin thlengin a rawn thawntu ka la chhuichhuak thei miahlo bawk .He envelope sen rawn thawntu zarah kan mizo thalai te nun tichhe mek tu ruihhlo tam tak erawh kan man tawh thung a , tunge anih kan hriat a duhlo chu ani phawt anga .Emaw drugs dealer hnuaia thawk ,an hnathawh tha tilo tu pawh ani thei tho bawk .Tupawh nise eng anga chhui chhuah duhlo pawh nise ka chhuichhuah tho chu ala ngai ani .
A hun leh hmun rawn sawi chu karleh kar laihawl lai vel ani .Ruihhlo lam anih leh ngei ka ring bawk .Ka naute nen pawh kan in râl rin leh chu angai dawn khawp e .
Ka locker atang file ka la chhuak a , kum li kalta daih tawh a nula pakhat bo chanchin ani .A chanchin chhuizui tur a awm miahloh vangin a chhungte chuan pasal neiin atlanbo anih mai an ring a , mibo nu in FIR a rawn thehlut a a hnu rei vaklo ah a rawn sût leh thung .A pasal in an fanu chu a tlânbo anih a rin vanga rawn sut leh ani nghe nghe .Vawin ni thleng pawh a chu nula bo chu a chanchin tlemte pawh hriat tur ala awmloh cheu vangin anu in case a rawn siam tha leh a ,an pa hriat a duhloh vangin a ruk thei angber a chhui turin a ngen in min ngen thung .
File chu zirchian turin ka la a , nihnih chawlh ka tum ta ro ro inlam atang vawin chu ka thawk mai aniang chu .
Ka chenna in lam panin ka inkhalh haw a , kawnglaka ka naute duty chhuak rawn haw lam nen kan intawh chuan ka side glass down in lu ka buk khum zeuh .Mizoram ah chuan DGP pawh ni ila kan mizo nundan nen nitin a thawk ho ta chu inkhengkhawng reng theih anilo .Chuti chung chuan ka naute ho hian min zahthiam in ka rîk that tawh chuan tik pawh an ti ngamlo thung .
Ka kawtzawl ka tlanluh ruala ka kawta hmeichhe lo ding ka hmuh rual chuan ka phunchhuak hluk .Ka hma a rawn inlam ngam tur pawh anih loh lai a !
"Ls " Motor atanga ka chhuk rualin a lo ti var a , analh lehpek viau mai .An awmthei a , a incheina pawh asâng thawkhat thei viau .Tûnhma khan amah ah enge ka hmuh ni ? Zahawm taka a i chei thin vang khan hmeichhe zahawm tak leh nungchang mawi tak ani turah ka ngai a , mahse ka lo ringsual chhia va khawp mai .
Vawitam sex kan hmang tawh ka pha hauhlo .Sex kan hman hmasak ber khan ka virgin tawhlo , chuchu ani pawh hian a hrechiang ang .Mak ka tih zawk chu hmeichhe inchengvawng tak leh indahsang tak ani a , khawtlang ah pawh nula chhuanvawr ani chungin a virgin tawh hauhlo kha ani .Ka hmuhhniam phah hauhlo thung , lo rai palh pawh ni ila inneih thlengin ka inhuam hial thin .Mahse ka thul huat ber mipa dang nen minlo kawp a , sex lo hmanpui in lo khawsak pui viau tawh pawh ni ila ka ngaidam thei hauhlo.Ka hmangaih hmanlo kha ka tifuh ka inti letling phian mai .
"Bungraw la turin ka rawn kal a , ka rawn call che khan hmeichhe pakhat in alo la a" zak map lo chuan a ti var a , ka ner nak chu min hmu rengin ka ring .
"Hmeichhe pakhat nilo in ka bialnu anih kha " ka ti deuh nghut .
"Oh! I move on hma hle mai" takzet chuan !
"C'mon Zozo min kawp lai reng pawh a mipa dang i kawp tel thei anih chuan kan inkar tawp hnu ah engvangin nge ka awm tlawng bik ang " anui ta hak .
"Kan tawp fel chiang viau tawh , ka ina i thlen ka remtilo hotel pan rawh " ti hmukin kawngkhar lam ka pan san vut .Hotel thlenna man tur ah abuai dawnlo lutuk tih ka chiang .Buai pawh nise ka buaipui chhan tur a awmlo bawk .
"Ls "
"Hotel lam pan rawh " ti hmukin inchhung lamah ka lut zui a , fridge atang tui phawrhchhuak in ka in nghal khawlh khawlh .
Ka hma a ala rawn inlan ngam te chu ahuaisen ka ti dawn nge a zaktheilo ka ti zawk dawn ni ?
Kan inzui rei ve a ,ka rilru pawh ka pe ve hman viau bawk .Ka rinhlelh hmasak ber tumin thudik min hrilh turin ka ti a , mipa dang akawp tih apha nasa bawk nen ka awih ve leh mai bawk .Ahnu ah minlo kawp ngei ani tih ka hre zui a , ka thil neih min tawmpuitu an awm ka remti ngai hauhlo tih hrechiang tu ani bawk a , reitak chhung chu ka hma ah a rawn inlan ngamlo reng bawk .Ka mizia hrechiang tu ani a , ka thinrim a ka hlauhawm zia pawh ahrechiang bawk .Chuvang te pawh ani mahna Lunglei lama atawm reng chhan kha , ka û laka tlaktlum alo tum lutuk erawh ka ngaihdan ani viaulo chungin ka sawilang lemlo .Engtin pawn awmse ka duh zawng anih chuan ka chhungte remtih puina lo pawn ka nei mai ang .
Shower on in ka ding dir tluk tluk a , Bawihi rilru leh taksa la thianghlim lutuk , ka khawihna vanga athaw ve halh halh lai te ngaihtuahin ka rum chhuak hak , ka hnuailam rawn khawng nghal at at chu ka chelh vut a ,tuna ka thil tihlai mek hi Bawihi'n hria se min hlauh phah hial maithei ani .
Min turn on turin thawmhnaw thehlep ahak angai hauhlo , a mitmeng bial kulh a min melh rikngawt pawhin min chawkphur nghal em em tih a inhre der silo .Rimtui a in hnawih miahlo chung pawhin a rim nu hnapin min hip em em tho a , a vun nem thep te , amah ti nû lehzual tura a sam sei hnalh te a engkim mai hian min chawkphur em em vek ! Tiang taka min chawkphur theitu hi kala tawng hauhlo .
Ka zawn buai ngai hauhlo in hmeichhia chu an tam , sex ah ka fihlim lo viau bawk .A rem rem kawp a mutpui thin erawh ka ni hauhlo thung .Zozoi nena kan inkawp hma pawhin hmeichhe dang kalo kawp ve fo tawh a , Bawihi ang hi tumah kala tawnglo ! Inlak nu chawp ngai hauhlo in a nu nghal hnap a , min tilawm turin thu tam a sawi angai velo bawk .
Ka khuma ka ph lo let bal chu ka la kang a , missed call bawihi hnen atang leh nb lawng hnen atang alo awm nual !
Bawihi chu call let hmasa in ka beng ah ka chuktuah ran .
"Aw u Ls " bawihi aw ani hauhlo !
"Khawnge Daphne ?"
"U Ls i buai em ?" A rawn tih chuan ka buailoh thu in ka chhâng thuai . " Englo ania maw , Daphne hi tlaia achhuak a rawn haw leh kha room ah atawm char char a , a tap ten ka hria a a chhan i hriat takin ka rawn tia "a rawn tih chuan rum nghutin "hre hauhlo tûnah room ah ala tawm reng em ni ?" Ka ti dut .
"Aw zanriah ei tur pawhin a rawn chhuak lo "
"Ka rawn kal ang " ph dahin ka inha nghal zung zung .Bawihi chhel zia ka hria a, a tap anih chuan chhan tha tawk tak a awm ngei in ka ring .Ka thlah lai kha chuan ala pangai viau a ,engvanga chutianga awm ta thut nge anih ka hriat hma chuan ka awm anuam thei dawn chuanglo .
Ka chahbi la in in ka chhuahsan thuai , motor ti nungin ka tlachhuak zui nghal vat bawk .Traffic jam loh lai tak alo ni bawk a ka tluang angreng viau mai .
An inluah ka thlen chuan kawngkhar ka kik a ,Lawmi'n a rawn hawng nghal thuai .
"Lo kal rawh ,room ah ala tawm tlat a tihngaihna vak ka hrelo .Tihdan i hre deuh ang , dawr ka kalsan tawp sia i awm tho a ka han chho leh lawk ang aw " ka bu nghut .
"Bawihi" a room kawngkhar ben dat dat pah chuan ka ti sup a , "bawihi " min chhân loh vang chuan ka ti nawn leh ngat .
"Ka tha " a rawn ti hnawk tiau a , a aw atang chuan athatloh zia a chiang viau bawk .
Daphne pov.
Tinge alo kal le ? Keimah a awm hrih ka duh tehlul nen .Tunah tak hi chuan hmun reh deuh a awm a tah vak vak ka chak takzet .Tlaia thil thleng te kha theihnghilh leh theihdan awm se ka ti takzet .Tinge kalo va kal kher kher ni ?
Flashback .
Dawra ka awm lai chu ka nutei'n an thlen in lama hhmanhmawh zeta kal tura min rawn tih vangin two wheeler taxi in ka kal thuai a, ka pi athalo leh deuh anih kha ka ring ber .
Ka va thlen erawh chuan kawt atang lawhin ka nu ang thawm ka hre pha nghal !
"I fanu ka ni ve tho a , inhmun hralhna zahve tal chu ka phu ve ani " inchhung ka luh rualin ka nu alo ang hlak hlak ! Ka nutei leh Pa sanga , ka pi pawh tiamin anlo thu a ,midang erawh an awmlo nge room lamah an awm hrih pawh ka hrelo .
"Ka nu enkawl nan kan hman dawn piahlamah hmanna tur atam a ..." Ka nutei tawng zawh hma hma chuan "inhmun inhralh hma khan min rawn hrilh ve tur in ni .Ka phalna pawh in la em ?" Ka ngawi mai mai thei bik tlatlo . "Engvangin nge i phalna an lak kher ang?" Ka lo ti ve that .
"Lawmkim rawn inrawlh ve hlek suh " min hmub rualin a ti nghal hlar .
"Aih ka inrawlh ang , ka nutei hian ka pi hi enkawl lo se vawin ni hi a thleng kher angem ? A duh duh danin inhmun hralhna pawisa pawh ahmang thiang alawm .Nangin enga tan nge i hman ve chuan ang ? Zu in nan maw ? Nge ni a in nupa a nuamsa tawl nan " ka biang a ri nghal chawrh a , ka nu chu thip zetin ka melh nghal .
"Ka û .." ka nuteiin alo ti ve thawt .
"Inhralh tawh bawk a , sum zahve tal chu min pek ve angai ka ta ani ve tho " huh! Ka awih theilo zawk ! Ava han zaklo ngai ve .
"Mami" ka pi chuan a rawn ti hnawk tiak a , ka nu chuan amelh duh thaklo !
"Atha e kan pe mawlh ang che " ka nutei pawhin tihngaihna a hre tawhlo aniang pawisa pek chu apawmpui ve ta tawp .Mahse ka remti hauhlo , ani nawmchen nan mai mai a ka pi pawisa khawhral chu ka remti lo .
"A tullo , tihtak em ah chuan i pasal sawrkar hna thawk ani a cheng khat pawh ka pi pawisa i pe ngai hleinem " ka ti hlak a , mitmeng sen rum in min rawn melh .Ka nu kum tam kalo hriat thin nilo se ka hlau viau ang .
"Lallawmkim "
"Ka hming pawh kha lam ve suh , i pasal hurherh zet nena in nuamtawl nan mai mai a ka pi pawisa chhuhsak i tum kha i huai mah mah ani .A zah pawh i zak lo em ni ?"
"Ngawi hmak rawh Lallawmkim , nang anih kha mi hurherh chu .Mahni pahrawn te pawh ngaih melh duh , tenawm lutuk "
"Engmaw i sawi ?" Ka ti fiak that .
"Ka sawi diklo em ni ?Mahni pahrawn te ît tlat , ka awmlohai chângin ilo mutpui fo tawh em ?" Ka nu biang chu a ri nghal thlawp a , kei erawh ka nilo , ka nutei zawk ani .Engtin nge khatiang thu kha achhakchhuah theih ?
Zawmna
"Mahni fanu ngei khatiang taka puhchhe tur khawp khan maw i rilru alo chhiat a !" Ka nutei chuan ati that a ,ka hmui pet fan fan in ka ngawi reng ringawt tawh .Ka tawngchhuak ve anih chu ka tapchhuak mai ang .
"Engtiang takin nge maw matei hian hrehawm alo tawrh chhoh ang le ?" Ka pi chuan a rawn ti vawng vawng .
Pa Sanga chuan ka nu chu pawnlamah anawrchhuak a , zu rim ala namhuamin amitmeng ah pawh ala harhfim loh zia ahriat ngang bawk nen thu han rel pui tak tak tlak anilo tih an hre ve nghal vek ang .
Ka nutei thinrim lutuk chu athaw halh halh a , veikual in a hui leh pap thin .Ka pi athu kûn ngul a , afanu khawsak dan diktak amit ngei in ahmu a athawng viau in ka ring .Benga hriat aiin mita hmuh ngei hi chuan min tina zawk thin miau ani .
"Nute ka thiannu ka rawn kalsan tawp a , ka let leh phawt ange " ka ti chhuak sap a
"Mate la awm ve rih rawh" ka pi chuan alo ti thuai
"Ni e chaw te pawh ei ve nghal law law rawh " ka nutei pawn alo ti ve bawk .
"Ka let phawt zawk ang , naktuk ah ka rawn kal zawk ang " min chelh buai hmain ka chhuak zui nghal , veranda a Pa Sânga lo ding chu ka su thelh nghe nghe .Minlo biakna chu chhân pawh ka chhâng tawhlo .
Kan inluah ka thlen rualin room ah ka lut nghal a , kawngkhar lawkin khumah ka thu thla hnawk .Khatiang taka na khan ka nu in minlo tawngkhum ngai hauhlo ! Nilo , rin pawh ka ring phalo zawk ! Ka mangan chânga ka pan ngamloh khawp a min ngaihsaklo tawh chung pawhin khatiang khawp khan minla puhchhe thei ania!
End of flashback .
"Bawihi lo hawng rawh " kawngkhar chu ala rawn beng dawt dawt a , "keimahin min awm tir rawh " ka ti halh .A hre phak kher angem tih erawh ka hrelo thung .
"Bawihi kawngkhar hi ka tichhe dawn ania " a rawn ti hrawk a , a sawizawh rual deuhthaw in a rawn tlawp pawp ! A in hawng nghal zat bawk .
"Bawihte " ti supin mittui tling khat puma ka lo melh chu mangang zetin min rawn hnaihchilh nghal .
"Engvang nge ?" Ka hma a thingthi in a ti chhuak sup .
"Bawihi achhan sawi rawh le " damdap angin lang mahse a sehchilh deuh nawk thung .
"Hmeichhe lawilo tak hmuhin min hmu em ?" Ka ti sap .
"What!! Teuhlo lutuk" a ti hluk .
"Animaw? Ka nu in chutiang hmuh chuan min hmu a , mahni pahrawn te mutpui duh ah min puh a " ka ti khur hlak hlak , ka ipik leh tang lutuk vang chuan ka hah vek tawh . "U Ls nû te hian an fate hnenah chutiang thu chu an chhakchhuak ngai em ni ?" Mittui tling pamin ka melh ngawt ngawt .
"Bawihi "
"Neih neilo pawh ni ila hmeichhe lawilo tak chu ka nibik lo asin "
"Shhh" min kuah nghal hlut , "hmeichhe zahawm tak ini , i mittui tlak tir tu chu inu nilo se tho kâng leh thei tawh ngailo tur a khawih ka chak takzet " a ti hrawk a , ka mittui rawn baw nghal zung zung chu dan buai tum lo in ka insut ri nghal hlawp hlawp .
Nu hmangaihna dawnve ka châk a , vawin thleng pawn ka châk ber zinga pakhat ala ni fan .Mahse ka nu ngeiin hmeichhe khawlo tak chhuah in midang hma ah min chhuah a , ka thinrim ai mahin ka rilru ana tawh zawk .
Vânduai ka inti viau chungin kei aia vanduai zawk an awm tih ngaihtuahin inhnem nan ka hmang thin .Mahse vawin tlai ang teh thlawt kha chu midang hian an tawngin ka ring biklo .
"I ziaawm tawh em ?"
"Umm" a dar nghengin ka thu a , ka mittui rawn chhuak tur pawh a awm tawhlo .Ka zawi nguai a , engmah hrelo a muthilh ka chak hrih ber , ka thei kherin ka ringlo thung .
"Bawihi i tân ka awm reng tih theihnghilh ngai suh ang che " a rawn ti deuh nghut a , "i lungngaih châng leh mangan chânga i pan hmasak ber nih ka duh a , i hlimni ah hlimpui che in i natzual lai ber pawh a chhawk zângkhai tu che nih ka duh .I harsatna te ka hnen ah thlen hrehlo la , ka thâwk ve têk têk chhung chu ka thlahthlam hauhlo ang che ." Ka bek a fawp tawkin a ti nghet churh .
#ani nuaih mai , angaihnawm loh ka hria
naktuk zan atang chuan apoint ah kan lut tak tak tawh ang .Zanin chu khawhar hnem ang lek ah lo ngai teh u .