CHAPTER 2 .
In ka thlen chuan ,"Sangi ,i va lo haw har ve a " ka nu in alo tih chuan ,"Nia sir in min stayback tir a " inchungah chuan ka chho nghal a .
Ka phone ka en chuan ," I haw tluang em " Sangi hian alo ti a ,"Hmmm ,haw tluang thei " tiin inbual tur chuan bathroom ah chuan ka lut a . Inhnuaiah ka chhuk chuan ka nu in ,"Chaw ei siam ang ,i pa pawh alo haw ṭep tawh ang " a sawi zawh rual chuan 'Min va ngai awm ve a " ka pa chuan alo ti lung lung a .
"Ka ngai thlawt lo che " ka nu chuan ati hmuk ,"I thinrim leh tawh ami " ka pa chuan a dek pah zeuh ,"Rosangzuala,min dek suh" ka nu chuan ati chul mai ka nui hak hak a .
"Nang kha nui lo khan chaw ei hi siam rawh " ka nu in ka pa chu a vin hlak hlak ,"Patling tawh si naupangchhia ziah suh " .
"A ho lutuk " ka pa chuan ka nu chu a kuah nawk nawk a ,"Min thlah teh , lum si " rum zet hian ka pa chu a melh a.
Chaw eilai pawn ka nu a ang hlak hlak reng a ,ka pa chuan engtin mah chhang lo chuan chaw chu a ei mawlh mawlh a ,chaw eina ka tihfel zawh chuan lehkha zir tur chuan roomah ka lut a .
Ka hmaah chuan lehkhabu chu ka dah ve ngei mahse phone ka khawih ta daih .
*In thiam tawh em * (Sangi ) .
*Thiam lo * (Mary ) .
*Zir ang u * (Keimah ) .
Phone chu dah in lehkha chu ka zir a , lehkha zir ava har tak ka thluak ah engmah a lut thei lo .Dar 2 lai chu ka zir ve tawh question khat chu ka la thiam ,hemi Chapter ka thiam lo chuan sir in min stayback tir leh awm si .
Zing ka han tho chu nizan ka zir ho chu ka revise leh a ,"Sangi ,i tui lum in tur " ka nu hian tui lum in tur chu alo dah a ,"Ka lawm e nu " .
Hmanhmawh zet chuan school lam chu ka pan ,thaw kawk kawk in school gate chhung ah chuan ka lut a ,ka hawi kual na lamah sir ka hmu zui .Ka lam hi alo pan a .
"Homework i thiam em " min melh ran chung hian ati a ,"Yess sir " ka ti sep ,"I thiam leh loh chuan i stayback rei leh ani mai " ngatinge keimah chauh hi min notice ṭhin le.
"Ka ning e " ka ti hluai ,"Eng nge " Mary chuan alo ti vat ,"Sir hi mawle stayback a ti reng hi " Ka ti a ,"A star deuh che ani ang ,nangmah hlir a notice bik che ,midang ho hi chu stayback pawh an tih ngai lo hi " Rini chuan ati a .
"Min star awm lo e " ka ti deuh vak ,"Aw sir in lehkha i thiam lo lutuk hi a beidawng ani ang " nui hak hak chung chuan Mary chuan ati a ,a hnungah ka beng pawp ,"Nangni pawh in thiam lo ve tho aw " rum zet hian ka melh a .
"Thil dang daih ,Jason an bialnu a nei asin " Rini chuan ti su su a ,amah kan melh vat ,"Tu nge a bialnu in hre duh em " lu kan bu nghat ngat .
"Kan section ami Ruatpui " mak ka va ti tak ,Ruatpui ber kher ,"Engtin nge i hriat a" Mary chuan ati vat ," An status aṭang in " sir alo luh tawh vang chuan kan ding vat .
"A mak e " ka han ti leh ṭhin ,Ruatpui hian a phu thlawt lo Jason lah mipa hmeltha ve tak ani a Ruatpui chu sawi leh lo mai ang .Pol.sc period alo nih chuan ka revise zung zung .
"In thiam em " ka ṭhiante bulah ka tih chuan ,"Thiam lo " an ti rual nghal a kan nui ho ringawt ,"Keichu ka thiam asin " inti thei zet hian ka ti a .
"Aw thiam zo vek rawh " Rini chuan ati ,"A thiam ve chhunah a inti thei ve khanglang a ,a thiam loh hunah chuan a chak ve lo ngawt ang " Mary chuan ati ve leh ,"In ho dun e " ka ti ta ringawt.
Sir alo luh chuan kan ding nghal ṭhup a ,"Sit down " min melh ran pah hian ati sup ,"Sir sawn alo en bik che nia " Rini chuan ati su su Mary nen chuan an nui dun hak hak a .
"Lalhmingsangi '' hreh zet chuan in zawh tir chuan sir lam chu ka pan a ,ka ṭhiante lah min la nuih kur kur zui ,"I thiam em " aw dum zet hian ati a ,a aw lah hi a hlauawm thei si ka thiam sa pawh ka theinghilh nghal vek dawn in ka hria .
"Question number 4 na kha han sawi teh " engnge kha le Question number 4 na kha ka theinghilh daih ,"I thiam lo ami " alo tih thut ,ka va phu nasa tak .
"Sir ,ka hriatpawlh vek " rum zet hian min melh a ,"Nizan i zir lo ani maw , lehkha i zir ṭha si lo i pass pawh ka ring lo " a ṭawngkam ava na reuh ,"Stayback ang che " ka lungchhia a thut ,mittui tling pam chuan ka ṭhutna lam chu ka pan hna hna a.
"I ṭap elaw " Mary chuan alo ti vat ,"Sir hi a ṭawngkam a na lutuk a " ka ti ṭiau a ,"Eng nge a sawi a " Mary bawk chuan ati leh .
Min ṭawng khum dan zawng zawng chu ka sawi a ,"Saw midang pawh an thiam bik lo a engtin mah ati bik tawp si lo "Rini chuan ati tawn tawn a .
Sir in stayback ti mahse ka haw ru daih ,mahse ka hlau ve det tho .In ka ha thleng chuan hah zet in sofa ah chuan ka ṭhu thla hnawk a .
"I va inthlak vat vat rawh ,chaw eina tur kan nei " ka nu chuan ati zung zung a ,"Ka peih lo e "ka ner vak peih lo tak ka ni ,"Nu eng nge ka hak ang " bathroom aṭanga ka chhuah chuan ka nu chu ka au lawng lawng ,"Nula ve tawh si engkim a nu ti vek mai " lo luh pah hian ati tawn tawn ,"Engkimah nu ti vek suh,i kawr hak tur te chu in zawng ve ṭhin mai rawh " thawmhnaw hai pah hian ati a .
Kawrfual pink hi min hak tir a ,ka lo neih tih pawh ka hre leh tawh lo ,a simple nalh ru zet leh nghal .In aṭanga kan chhuah chuan dar 5 a ri tawh .
"Pa khawiah nge chaw chu kan ei dawn a " ka pa chu ka zawt a ,"Ka ṭhianpa te inah " motor chuang hi chu ka ning ziah zel ,ka rui hma si ,"Pa kan thleng ṭep tawh em " ka ti deuh chhen .
Kan chaw eina te in tur chu ava ropui ve le ,heitiang in ropui tak hi chu Mizoram ah hi chuan a vang hial ang .
"Lo lut rawh u " hmeichhe tleirawl hian min rawn chhawn a ,ala nui sang zui keimah nen pawn kan in rual ang ,"Lo kal rawh u " ka pa ang rual vel hian alo ti a .
"Mamte ,i nu kha thingpui lo dah tir teh a " chupa bawk chuan ati leh a , chu tleirawl chu choka lamah a phei vat ,ka hawi nasa tak a pawn ai pawn a chhung a ropui zawk ang .
"Hna i tluang zel maw " thingpui in pah hian ka pa hian ati a ,"Tluang chu ani mai ,in fanu chu a hmelṭha khawp mai " min en pah kher a .
"Lalhmingsangi ka nia " ka va chibai a ,"Chuan kan fanu neihchhun Rosangpui anih hi " tleirawl nu chu a nui sang a ,a hmel hmuh a hahdam ngawih ngawih .
"Min hmelhriat tir ve dawn lo ami " a nupui hian a rawn ti a ,"Kan pa hi a mawl thei a nia ,a nupui te hi min theinghilh ve ziah a lo hrethiam mai rawh u .
Chuan Lucy tih in min ko mai dawn nia " a nui sang a ,an fel chhungkua hmel khawp mai ,"Chu au lo haw " an fanu chu tho chhuak vat , khawngkhar lam chu a pan vat ..
"Kan fapa Rohmingpuia anih hi " a hmel ka han hmu chiah chu ka ding chhuak vat ,sir hi an fapa maw !min hmu thut chu mak ati ve hle bawk .
"Bawihte ngatinge i ding reng a ,ṭhut vat ta che "ka pa hian ati sup ,"Good night sir " ka ti ringawt ,midang ho chuan mak ti zet in min en ṭhup ka zak leh si chu hnuai lam ka bih vat .
A story kalhmang ka thlak dawn aw ,idea thar ka nei a
Comments vek ang u aw .