THE HEALER CHAPTER-7

[Judy chhakchhuak]

Chapter-7

HMANGAIHZUALI POV

Kanu in entir pawh zai a ngai an tia an lo admit nghal ringawt a,ala cham rei deuh ang,ka nau in a awmpui a class pawh ala ṭhulh ta reng a.Kan buai ve bawk nen,min hnial ngam rihlo ni berin ka hria, "Hmangaih,tah hian chuang rawh,kalo nawr ang che dah chho pahin" Adeline'in atih chuan phur deuhin ka ṭhu ve vat a.Wheelchair pawn lama dah pahin kan in nawr chhuak a, Adeline'i lah a nui ring si "awi i damlo amaw anlo ti vel mai anga," tih ringawt ah te chuan anuih aza em em mai bawk sia,a nuih za a kal tluang laklawh ah ka ngai mai a.





"Oh shit!!fimkhur ta che u" tih ri ah chuan kan ding chiang khawp mai.Kan hma ah doctor Ruatfela a ding run a,a mood a chhiat hmel ang reng bawk sia,a hmel chu achang leh deuh rûn tawh.





"Awi!kan tihpalh lutuk," Adeline'in tih pahin a romol in a kawr a coffee kai nuai hruk atum chu alo vai per lawp mai. "Ike ana emni," min rawn en in ati ram hmak a,kalu thing vatin wheelchair aṭang chuan ka dingchhuak vat.





"Chuti si,heti lai hi infiamna hmun ani emni, damdawiin ah midang damlo buaipui a an buai em em laiin,heti laiah eng vânga infiam mai mai nge innih," ati deuh hrawk a, Adeline'i nen inkai rial in kan ding khawng reng ringawt,midang in min en deuh haw haw hlawm a.Kan awmna lai hi a reh hlauh zawk a,ka zak lutuk chu pil bo daih ka chak takzet.






"Tihpalh,kan ti leh tawhlo ang," Adeline'in ati deuh sep a. "Hmangaihzual,ka office ah lo chho ang che, Adeline'i wheelchair hi a dahna turah va dah ang che," atih hnuah a chho zui nghal a, "awi min hau dâwn aniang a,keichu ka ning e...kan thawh tirh aṭang kala che chhe char char,min hau ngun tawh si" ka ti deuh hluai a.





"A sual ka ti mange,khatiang mai mai te alo huat em em,kan su na tawp siloa,a tilmu keh pawp khawp a ka sut nghal loh,over si hmelṭha lo phei sela chuan a sual hmelchhe ngar ngar dawn ania,keipawh min hau ve ziah hmanni ah pawh damlo ka nuih te kha min hau ringawt a,nuih pawh a phallo anih saw mi hlim saw a hmu thei ngânglo aniang,mihring hlim thei deuh bula awm te hi nuam ati zawk lo amawni,a nui lai vawikhat mah kala hmulo,a hringnun saw a dark ngawih ngawih," Adeline'in ati deuh phiar phiar a,a thinrim ngang aniang.






"A hauh che chuan chhang let deuh fawk rawh,kalpui i duh em,ka mood a ti chhe vek zingkar a ka hlim vei nen a,amah tawp saw happy killer anih saw,midang hlim nui ṭha ve ve lai te min hau ringawt zel a," ala ti phiar phiar a.






"A til mu keh dâwp khawp a isut te chuan chi a thlah thei tawh dawn amawni le," kan sir lam aṭang tih ri kan hriat chuan kan hawi phei vat a.Doctor Rinpuia kut kuangkuah chungin alo ding reng,ani erawh a nui leh deuh sang tawh.





"Tumah mawle,ka han chho ange" keimah zawk chuan kati deuh sep a, Adeline'i chu kal tûrin ka signal zeuh a,a period mood inthlak zung zung lai ani bawk sia doctor Rinpuia pawh chu a melh rum khawp mai.





Doctor Ruatfela room kawtah chuan ka ding deuh vang vang a,kawngka kik ka tum zuau a,ka ngam leh thlawt siloa, "a hlauhawm loh ania bawihi,va lût tawp rawh,a seh lo ang che" ka hnunglam aṭang a an rawn tih chuan ka phu nasa lutuk,ka hawi phei chu pu Ruatsanga doctor Ruatfela pa alo ding reng.





"Nia aw,kan lut ange" tih pahin kawngka ka kik deuh dat dat a,chhûng lam aṭang lut tura min tih takah chuan ka lut vat.A room chhunga ka lut chu boruak a rit leh churh tawh,a awmna lama ka kal chu a thil tilai dah meuhin min en deuh reng a.





"I kawr hak kha i chhing tawh nge i ti chhing chawp," atih chuan ka in enthla ve vat a.Ka kawr haklai chu alo chhing ve deuh tak tak chu niin, "amah in a chhing ringawt" ka tih chuan a awiloh hmel khawp mai.





"A hnuaia i leggins hak kha a pan mah mah bawk,chuan i kawr nên khân thlâk vat ang che,khatiang anga chhing leh pan kha a hak theihloh," atih chuan ka en tawp,midang pawn tiang vek hi an ha tho sia,eng vanga minti bik kher zêl hi nge maw anih le.






"A pan awm ka van hre chiahlo, Adeline'i hak pawh ka hak ai a chhing a,a leggins leh ka leggins hak a in ang reng sia," ka tih chuan a ṭhutna ṭang a ding deuh uai a,nichina a kawr coffee kai pawh kha alo thlak fel leh diam tawh.





"Min hnial emni,ka thusawi zawm itum miah nange," tih pahin min kal hual a,ka hnunglam aṭang ka darah a hmer deuh chawt a. "Taksa lang tam i ha theilo,ka sawi ang chuan ti ang che,heti lai hi damdawiin anih hi club nilo in," atih chuan ka thaw a chham lo chauh,ka beng bul maiah a ṭawng bawk sia min awm hnaih ropui si.






"Nia kalo thlâk dâwn nia,ka kal thei tawh angem" ka tih chuan min thlah vat a. "Thla khat damdawiin ah hian i thawk tawh em,kar engzat i thawh na nge" ka hma a dawhkan awm ngheng deuh ar ar pahin ati sup a,a mitko a san ak bawk.





"Kar khat na tur vel chiah," tih pahin ka en ve deuh kal a, "nurse senior tak tak ho saw,a thla a thla an thawh hnu pawn khatiang ṭawngkam khan tuman minla chhanglo,tun thleng in zah takin minla be vek,chuan i chhuak thei ka ti anih loh chuan ila chhuak theilo ani tih hria ang che," ati chang deuh rûn a,a hmel chu a lungawi loh hmel leh tawh takzet.





"Kalo hre tawh ang," ka tih chuan a ṭhutna aṭang a ding a,a phone a rik takah chuan ala vat a. "Khawnge i awm," atih hnuah a ngawi leh vang vang a,lehlam ami chuan eng nge a sawi ka hre theilo thung.





"Khawiah mah lo kalsan suh ang che,minlo nghak rawh" a doctor coat phelh sawk sawk paha atih chuan ka en reng ringawt, "i kal thei" minlo en zeuh paha atih chuan kawngka lamah hmanhmawh takin ka phei a,ka duty na tur lamah ka chhuk thla nghal vat.





A mi biak kha tunge anih hrelo mah ila, kha room hreawm tak aṭanga min chhanchhuak ani hrim hrim kha lâwmman pêk hial ania ka duh ni. "Engtin nge atih che,a hau che ami" Adeline'in min hmuh rualin alo tivat a.






"Hau em em pawh anilo,ka form hak hi a sawisel deuh a,a chhing atia ka leggins hak hi a pan ati bawk a" ka tih chuan a hmel ape chhe khawp mai, "over emai a,step a hmanhmawh deuha alo chhuk kha ka hmu reng alawm,ka chhu thlu pawp lo chauh" atih chuan ka nui ta ringawt a.





Kan duty hun a tawp veleh inthlak pawh inthlak lo in kanu awmna ward lamah kan phei tlang nghal a.Adeline'i pawn minlo zui ve zel a,naktuk maia zai tur ni mahse a huphurh hmel loh khawp mai.





"Nu ka duty hun a tawp tawh a,kava haw phawt ang aw,naktuk lamah kalo kal hma ang,engmah hlauh tur a awmlo ania" ka tive ngei a,a hlau lo lutuk chu ka sawi ṭhaih vak zawk dâwn amawni.





Kanu zai tu tur chu doctor Ruatfela bawk ani, "kan va haw phawt ang aw nu," ka tih chuan fimkhur turin minti ve luam a, Adeline'i nen kan lo sawi lawk diam tawh bawk a,kan inah alo riak dawn a.A thawmhnaw pawh alo keng lawk sa diam tawh.





"Hmanni ah scooty pawh ka kenglo,ka kal mai mai kha traffic Police in min man ringawt a," Adeline'i atih chuan ka envat a. "Kawng i cross dâwn in iding leh vang vang aniang chu," ka tih chuan alu a thing vei nghut a.





"Hmelṭha minti aniang,an bulah min awm tîr ve char char alawm," ala ti deuh ham ham zui a.Eirawng pawh bâwl lo in noodles vel kan chhum a,chaw nen kan hmeh deuh tawp a,kan puar ve lutuk tho.





"Ruata alo leng dâwn a,naktuk ah a chhuk tawh dawn sia" ka tih chuan anui suk suk a, "lo leng rawh se,kan fiam ve hrim hrim ange," nui heu chungin ala tizui, "ṭha takin lo awm rawh aw,lo fiam vak vak suh" ka tih pawh chuan a ngaithla duh tawh derlo.





Ruata alo len dawn avâng in ka in tifai vat vat a,ka rin ang ngeiin alo lang hma lehpek khawp mai, "tu emawni chu a lung ava leng leh dâwn ve,a mah te in alo zu ṭap kerh kerh vel ang tih ka hlau reuh mange," Adeline'in atih chuan ka mitmei vat a,a hre duhlo der leh tlat tawh.






"Lung te chu aleng ve bawk ang chu,duh ber te Mizoram lamah an awm a,hawn mai ania ka duh tawh ni" Ruat'an atih chuan Adeline'i a nui leh uar uar tawh.





"Tak tak in tikhan in kawm ru,roomah ka bialpa ve tûr kava zawng tiang,sap nupui tur hi chu kan la single rih reng mai dâwn anih hi,ka bialpa ve tûr hi America ah emaw US ah ala awm aniang,keimah hian ka zu zawng zawk mai ange," tih nuah nuah pahin roomah a lût a.Sap pasal neih a chak lutuk hi asawi reng mai.






"Adeline'i hi chu a ho ve thei ngawt mai," Ruat'a pawn ati deuh sup a. "Min ngai dawn em,naktuk ah min thlah la ti dâwn ila i hman dawn siloa," ka kuta vawn paha atih chuan "nia,thlah che chu duh viau mah ila kanu an zai dawn a,naktuk lamah kal hma a ngai dawn a" ka tih chuan abu deuh nghut a.





"Nitak,ticket lo la hmanlo ila chuan inu in zai chhûng te chu la awm ve ila ṭha tur ania," ati deuh sup a,kanu in zai avâng in tih theih vak a neih dawn loh nen.





"Dar engzat ah nge i Flight dâwn a," ka tih chuan "dar kua ah" ati ve mai a. "Ka kal peihlo tak tak ani,zinkawng hi a hahthlâk thei sia,ka rualin lo kal ve tawh maila" atih chuan ka nui hak a.





"Iho emai a,ka peihloh pui ngawt mai che,kawng a thui tham sia,mahni chiah a kal nan phei chuan fimkhur hle rawh,vaiho an sual si" ka tive luam a.





"Nia,mahse eng ang pawn fimkhur mah ila Pathian in atawk atih hun hun ah chuan kanla thi tho tho dâwn sia," atih chuan dik ka tive viau mai.





"I sawi dan hi thih mai itum hmel," ka tih chuan ka kut a hmer deuh salh a. "Ṭawngkam hi chu i thiamlo ve ngawt mai," ati ta ringawt a,a sawi diklo hranlo ṭawngkam hi ka thiamlo ve em ani, "thingpui ka lum sak ang che aw," ka tita daih a.





"Nia,va lum rawh,i thingpui lum ka in khat leh tawh dawn sia," atih chuan ka tho vat a, "khawnge i phone a awm,thlalak kha kalo in thawn lawk teh ang" atih chuan a awm na ka hrilh ve mai a.Sunday a kan thlalak kha asawi tih ka hre ve nghal mai,ka thawn ang ka ti rêng a ka theihnghilh leh ta daih kha ania.





Ruata pawh rei deuh thleng a awm ve a,zanin chu naktuk lama haw mai tur ani bawk a a lengrei duh ve te pawh aniang,a haw hnu rei vaklo ah keipawh naktuk lamah thawh hma leh ka ngaih avâng in ka mu har hranlo.


***********
"Eng vângin nge hetah ila awm ve reng,i duty na tur hmun ah kal ta che," ka beng bul seta atih chuan ka thaw hak a. "Heihi ka nu ania," zai tura kanu nurse ho in an buaipui sawk sawk chu en zeuhin kati sep a.





"I duty na tur hmunah chho rawh,ka awm hi min ring rawh inu chu hlawhtling takin kan zai em em ang," ka dar a hmer salh paha Doctor Ruatfel'an atih chuan ka enkar a,nimin a a mood nen chuan danglam leh tawh tak ani.





"Ka sawi chu,kal rawh a zawh veleh kalo hrilh ang che" atih leh takah chuan keipawh ka chho ve hnak hnak a,ka nu meuh an zai tur chu rilru a hah ve deuh reuh khawp mai,ahma damlo kalo hrawk hrep pa ka ngaihtuah let khan kala in thiamlo reng.Ṭha tête khan lo hrilh zawk ila,a rilru tur ka ngaihtuah a ka hrethiam ta chiah,ani phei chu anla zai hlawhtling lo zui ania.





"Mami,ka fanu hian na ati tawh lutuk a,lo en teh aneih ala hunlo emni" tih paha ka bana lo khawih tu an awm avâng chuan ka phei ve vat a, "kapi ala hunlo deuh,hei nau veina an khai chiah a nih hmel a,nghah deuh angai ang aw" ka tih chuan a aw ve mai a.





Kanu an zai zawh hma chu ka awm anuam thei derlo,ka kal kual deuh sek a, "i hmu thei tawh ang," hnunglam aṭang a ka lu a lo chûl thuak paha Doctor Ruatfel'an atih chuan ka thochhuak rang khawp mai,a hmel hmuh a nawm danah an zai hlawhtling ani tih ka hrethiam ve nghal.





Kanu awmna ward lamah hmanhmawh deuhin ka chhuk thla a,kanu chu alo la muttui khawp mai, "Omi i chau em,izu inthlak duh em" ka nau kanu bula lo ṭhu deuh bur ka hmuh chuan ka zawt vat a.





"Duh lemlo," alo ti deuh sep thung,ani hi chu kanu naute ala nia,kanu ala harh loh vang aniang a ngui em em,kei erawh kapa naute minti ṭhin thung.





"A hlauhthawn awm miahlo ania,hnim hlum kan kah khan vanga la harh lo mai mai anih kha," doctor Ruatfel'an atih chuan kalo nuih deuh sang a,mask a vuah avâng in anui ve nge velo ka hre theilo.





"Buaina a awm chuan minlo call vat dâwn nia aw nau, doctor saw kava be lawk ang" ka tih chuan alo aw ve vat a. "URuatfel" tih paha a kalna lama ka phei chu ding chawt in alo hawi ve vat a.





"Ka lawm e aw," ka tih chuan abu nghut a, "lawmthu sawi nan eng engmaw tal iti dawnlo emni," ka beng bulah ati thawp deuh sup a, "eng nge ti turin min duh a," kalo ti deuh haw mai.





"I duty zawh ah minlo nghak ang che," ka kawng a rawn hmer salh paha atih hnuah a kal zui nghal a,engti tur tak chuan min duh ang maw,keipawh kanu bulah reilo te ka awm hnuah ka duty na lamah ka chho leh vat a.





DOCTOR.RUATFELA POV
Damlo in lehlam lehlam a an koh peng chu a hmuhnawm reuh khawp mai,a mawng a zang in a che rang hle a,a ṭhannu nen a inkawm na hun pawh an neilo ani ve chêk ang chu.





"Hmangaihzuali hi tunlai chu i chhui zui deuh rengin ka hria,a tih sual zawng reng reng in i awm a" Rinpui'an atih chuan ka nui deuh suk.





Rinpuia hian a sawi diklo hranlo,thil a tisual a ka hauh laia a zâm hmel te kha hmuhnawm ka tia,nimin a ka hauh vak chhan pawh kha ka hre bik lemlo,a form hak erawh saw chu duh aiin taksa a lang tam ṭep.





Kanu te inchung lawkah an awm erawh ka lungawi vaklo,kanu in kapa a sawichhiat kher hi ka duhlo a,thil nilo lo alo sawi ang tih erawh ka hlau ve khawp mai,an inpawh hmel bawk si a kanu ka tlawh zin na chhan pawh ani reng bawk.





"A hmel saw hmuh anuam reuh alawm," ka tih chuan Rinpuia pawn tunge ka sawi tih a hrethiam nghal ani chêk ang chu abu vei nghut a,a sam Buang deuh thang leh a vun ngo deuh han maite saw amawi takzet,a biangsum lang kalh a anuih phei chuan hling zînga rose par ang maia mawi ani,midang pawh zawt ila a hmel saw chu ṭha anti ve tho in ania ka rin.





"Sangtei chu engtin nge amit chu an tih dawn tak," Rinpui'an atih chuan ka thaw hak a.Sangtei pawh kalo ngaihsak hman leklo chu ania, "a mit saw zai ngam anilo,tisawn a power te tla hniam ve deuh phawt se,bakah an harsa ve a ka puih lah a duh mang siloa" ka tih chuan "a va pawi ve" alo tive mai a.





Hmangaihi a uak deuh ṭhat chuan an awmna lamah Rinpuia nen hrilh nawn kan ngailo,kan phei vat a "ngatinge a," tih paha Rinpui'an a en chuan thisen alo baw nasa mai.An damlo buaipui nu chuan kêlpui nau vei an tih ang hian alo vei a,thisen a chhuak reng a a bul vel chu a thisen chhuah nasat lutuk avang chuan a thang ve deuh huam thei.Tenchhe deuh tan chuan a tenawm ve dâwn em ani.





"Kapi a khum chawp hian sawti lamah sawn nawr luh angai dawn a,lo kalsawn lawk ta che" Rinpui'an atih chuan an in buaipui sawk sawk a,heti lam ka khawih ve na tur ani vaklo bawk nen Hmangaihi phei na lamah chuan ka phei vat a.





"Iṭha em," tih paha a hnunga ka chûl deuh thuak thuak chuan min chhang mailo, "ka inring hman biklo,ka hmu thut bawk sia a rim ka hip lut chiang lutuk a," mittui tla phunga min en pahin ati zât zat a,a in thiamloh hmel khawp mai.





"A pawilo ania,khavang kha ania mask vuah tlat tur,hei hmang rawh" ka ipte a ka spare mask ah lai ka pêk chuan alo ban ve vat a.





HMANGAIHZUALI POV

Inchung ah thlifîm dawng tûrin doctor Ruatfela nen kan inzui chho a,thli in min chhêm chu asawi ang tak tak in ka hahdam huai huai thei,nidang ah chuan thisen khatiang aia tam pawh kha hmu mah ila engtin mah ka awm ngailo ania,vawiin chu ngatinge maw ka awm anuam lo riau mai.





Ka hmaa lasi ahma min pêk ang bawk kha uRuatfel'an arawn dah phei chuan kalo ban ve vat a.Engtik laiin nge alo lei hman ni, "ka lawm e" ka tih chuan engmah a sawi ve lemlo, "nu Saipuii kha in chhûngte ami" sawi tur a vân em avang chuan kati sep a.





Min chhan mai loh avâng chuan a ṭhutna lamah ka hawi a,a hmalam alo melh deuh ngur mai, "aw" min chhang tawh dawnlo amaw ka tih hnuah alo tive hram a,sawi anuam lo a tih hmel em avang in ka zawh belh tawh biklo.





Ka thil in na paih tuma ka ding chu ka lu ka tauh dawt mai,kan ṭhutna bulah thingkung a awm tih kalo hre leh tawh miahlo chu niin,ana reuh tak tak ani,ka kûn deuh tlawk tlawk a. "Kûn tlat suh,lo hawi teh" atih chuan ka ding veleh mai a,ka lu ka tauhna lai tak chu atuai vawng vawng a, "ala na em" atih chuan "aih" kati sep.





"Ka zawng nasa lutuk che," tih thawm rawn chhuah na lamah chuan kan hawi dun vat a,hmanni a a kalpui nu tarmit vuah kha hah hmel zetin alo ding reng a.URuatfela nen kan in awm hnaih angreng sia,min hmu chu a lungawi hmel vakloh, "ilo kal dawn tih eng vângin nge i sawi loh" uRuatfela chuan ati deuh nghut a.





"Ngatinge nidang ah pawh kalo surprise ziah tho che alâwm,hmeichhe dang nen ka hmu che chu ilawm vaklo ami," min melh zeuh paha atih chuan nuamlo kati angreng,an in ti thiamlo deuh nge an in melh no lo dun khawp mai, "ka kalsan phawt ang che u" tih pahin ka kalsawn ta daih a.A hmeichhia zawk la phun deuh bul bul chu ka awmna a hlat deuh hnu pawn kala hre pha.