*Haven* ch~13 by~Natasha Hrahsel

[Natasha Hrahsel]

*HAVEN* ch~13




#ch 12 ah zawmna tlem a awm aw , in chhiar hmasa phawt dawn nia







Ruah in min rawn theh leh that thin na in ka dinna chu ka sawn phah chuanglo .Ruah a sur seng seng a , thli a rawn thâwt nat zual châng chuan min rawn theh pha leh zeuh thin bawk .Balcony chhuahna kawngkhar nawrtawlh theih zâwn ah tak dingin ka hmalam thlîr tur awm chuang hauhlo chu ka melh deuh ngar a .Nizan khan U Lsa'n a inlamah min hruaichho a , ka hnial lo a hnial tur pawn chakna ka neilo hrim hrim .Ka mumal loh em vangin a in kan thlen rualin khumah min mut tir tawp a , min kuah hlunin a rawn mu ve zui nghal bawk .Ka rin lawk ang chiahin mut erawh ka muhil tha thei miahlo thung .






"Enge ilo ngaihtuah vung vung ?" Ka hnunglam atang min rawn kuahin ka dul zawnah akut a suih a , ka dawm hnan ve nghal zat .

"Shit ! Bawihi ruahin a thehhuh phak che nih hi , i kawr pawh ahnawm vek tawh " ka kawr ruah in atheh vanga hnawm chap tawh chu dap dun dun in a ti chhuak hluk .






"Inchungah chho ang , i inthlak vat loh chuan i damlo mai ang " ti lehin zo zetin ka dinna atang chuan min hlâng thla nawlh a , kawngkhar pawhtawlh theih chu akhâr ri zui bur bawk .
Ka kutah chelhin a room lamah min kaichho a , min khawih vel dan reng reng chu a damin nausên pianghlim dimdawi taka kan buaipui nen hian min buaipui dam chu ka tehkhin ber .






A thawmhnaw bawm a hai rawk rawk a , tshirt var nen rawn let leh in ka hma ah dingin min melh chhuk ngur .





"Bawihi i kawr hi thlak ang aw " min ngaichâng deuh chuan a ti sup a , ka buk khum zeuh tak ah chuan ngaihngam takin ka kawr hnawm chap chu a hlip zui a , a rawn lakchhuah thar chu min haktir zui zat bawk .






"Han hnem dan vak che ka hrelo , i ngaihtuahna lâkpeng erawh ka thiam ka ring " ti supina rawn kunhniam a , ka hmui a hmui a rawn nawr nghal chatin dam zet chuan min fawp nghal !

Ka kawngah akut rawlh lutin ataksa bet thlawp chuan min pawt hnai salh a , min fawhna chu a duhthawh tial tial bawk .A sawidik tunah tak hi chuan amah chauh lo chu ngaihtuah dang ka nei miahlo !
Min pawmkang nawlhin ka bawp pahnih chu a khel ah min kherh tir a , khumah min mutthla zui in ka kapkar ah awlsam zetin a rawn bawkthla zui nghal !






Inlahrang hlawkin ka khabe ah chuan a fawp zeuh a ,rawn dakchhuak lehin kalo meng phelh phang chu hmuhnawm tih hmel zetin min melh ngur .
Kan in en hnai bawk nen ka biang a sa nghal hat hat a , sirlam hawiin ka thlesawn zui hmak chu nui rum hawk hian "min en teh le " a ti zui sup .

"Awmsawn rawh"





"No bawihi min en phawt la " anui tih a awri ah ka hre thei .





"Tihian minti ve ziah " ti hlakin amit ah tak ka en zawm a , ka hmai chu a sen talh talh in ka ring .





"Awmsawn tawh rawh "






"Engtin maw ka tih thin che sawi phawt la " ava han phakar tak !





"I phakar emai a " ti vakin amah zawk chu nemsaw ka tum a , a che eihlo . "Mawh , sawi phawt la " a hnuailam ruh tang chu a hriatloh der theih silo , ka zak tih ahrereng chungin min chhaih zui nan hian ahmang ve ziah zel a !







"Suala "






"Ka bialnu hmeltha leh duhawm em em nu " ti supin ka hnar ah a rawn fawp zeuh .







"Hnem dan che ka hre ve vaklo , i rilru lakpên dan erawh ka thiam ka tih tawh kha " ti zawi supin a hnuailam kha*wng tang tawh chu a rawn na*wr lui deuh vak .Abanbul ah ve ve dawm vatin kalp ip chawih chawih bawk .







Chawhma pum chu khumah hun kan hmang atih theih ang .Anaupanlai chanchin min hrilhin min ti ti pui a , nimin lam chanchin chu athawi pawhin a sawilang leh tawhlo .Ka thawven deuh theihnan a ti nge a chetchhiatna lai nuihzatthlak tak tak amah ngeiin a sawichhuak ang tih awihawmloh tur ang chi thlengin a sawi ve hial mai .Mipa tawngtam tak leh fiamthu duhtak anilo chungin ka hlim theih nan theihtawp achhuah ve tak meuh meuh tih ka hailo .







Chawhnu lamah ka pîte thlenin lam ah min dahthla zui a , an fapa school luh a hun dawn hnai a , tumloh deuhin an haw hma leh thut angai dawn nen zanriah U Lsa nen kan ei nghal law law dawn ani .







"Daphne , i pa Sânga'n tuaiterek lei tur ahan hmu hlauh a , bai thak hluah ang aw " ka nutei chu a titi nghal siam siam .Nimin lam thilthleng chu a tu ate mah chuan kanla sawichhuak leh lo .Ka pi chawhma chhûng a rawn thu chhuak ve ani awm a , tunah erawh room lamah achawl hahdam thin thung .


"Hmarchapui ringawt hi chuan a thak zo tak tak lo , hmarcha te leh purun bar kha lo deng teh aw " a ti zui a , hmarcha te chu malin purun var nen rawt thleng ah chuan ka dah zui a , ka râwt thiam ve lo a den chawrh chawrh hian ka ti chip hma zawk thin .
Dawhkan glass hlang anih vangin chhuatah ka chawi thla a , ka mit a tihper hlau zetin ka deng deuh chawrh chawrh .






"Bawihi kalo ti ang " ka bul a rawn thlen lai ka hrelo , rawn thuhniam ve in ka rawt fawng ken chu a rawn la a , awlsam zetin a rawt nghal ! Tha angah bawka reilo ah achip tha zui nghal mai !

"Puih inla ngai em ?" A ti sup a , "ngailo e , Pa sânga te bulah sawn lo va awm hrih la thingpui sen hâng ka rawn pe ang cheu " ka ti zui sep .

"Ok" ti supin a thutna ngai ah aphei veleh mai bawk .






Nu Mathawmi , Pa Sânga û nupui hi health dept ah athawk a , Pa Vuana erawh traffic police niin a pension tawh thung .Nu Mathawmi ala rawn thlenglo deuh a , bazar ah kan sangha hmeh tur a rawn lei kawi dawn ani awm e.






"Mate kha thingpui a so chiah , fridge ah khian kurtai chhawp sa a awm lo va pe lawk la " stove off in thingpui chu ka thli thla a , a sen mawi khawp .Kurtai nen chuan choka lamah ka chawi phei zui .

"Daphne i Nu Mathawmi a rawn thleng tep a , sangha chhumna tur kha lo chhuang lawk ula apawi lo ang" Pa vuana chuan a lo ti a , ka bu zui nghat .





Ka pi hian mal deuhin Sangha lo hi sa dang a ei ngai meuhlo a , ka pu in athangkam a thehlei leh sazu a awh châng te hian a ei ve duh ngai thaklo .

Ka tette atang sâ lam ngat phei chu ka ei hrawmhraw a , ka pu hian lo ah thang kam in sazu a awk nasa zual thin .Kan thenawm te hian an bai tui thiam em em a , dawltrawm nen thak tek tawk tak hian an han bai ngei , min rawn suah veleh thin .Ahâng tui thei asin aw , tunlai ah erawh chuan sazu sa ei en a enlo an tam tawh viau in ka ring .Thenkhat chuan an ten zawk hial maithei bawk .







Ka nutei tuaiterek bai thak chu a rim a tui ngei mai, thil han ei chakna ka neihloh tehreng nen tunah tak hi chuan han hawp a sî hlarh hlarh chunga duhtawk a ei a chakawm ngei mai .

"Bawngsa hi ka fry hmin tawh a , Liansanga sawm duhloh te anei em ?" Ka nutei'n a tih chuan "neih pawh ka hrelo , thak lam hi a ei vaklo a ahrisel lam chi hlîr a ei a " ka ti sap a .

"Bean hi lo thian la , kan ur hmin dawn nia " polythene a bean awm chu dawhkanah a bun chhuak zui .







Nu Mathawmi pawh a rawn thleng a ,a sangha rawn hawn pawh chu kan siam nghal mawlh mawlh .
Naktuk zîng ah an chhuah dawm vangin zanin chu ka pi kiangah hetah ka riak ve law law ang .Tunhnai Lawmi ka riahchhuahsan ta fo erawh inthiamloh ana duh viau thung .








Zanriah kan kîl dawn chuan Pa Vuana'n chhunginkhawm ahmang zui a , pa fel ve tak chu ani ngei mai .Ka pi pawh a rawn thu chhuak peih veleh tawh a ,dawhkan pawh kîl ve ngei a tum .

Ka rin lawk ang chiahin U Lsa chuan bawngsa fry leh bean hem hmin bâk chu a ei meuhlo .Vai thilsiam angaina viau chungin hetiang bai thak tih vel hi angaina leh miah lo a ! A dangdai ve reuh ngawt mai .







"I puar em ?"






"Puar lutuk " a tih chuan ka awih vaklo , tam a ei tlatlo .Inchung zawlah kan thu chho mai mai a .Chhun lamah ruah a sur nangin zanlam erawh arsi ape uar mai .


"Zanin chu tah riah ka tum a " ka ti sep a .







"Umm" a ti nghut ringawt .






"Naktuk ah ka pî te an haw tawh mai dawn sia ,a bula hun hman ka duh a .Naktuk lam pawh class kal ka rilruk a " ka tumdan chu ka sawi ve nuah nuah .Kan awmdun hian han sawipui chiam tur hi ka hre ngai silo a abuaithlak .Thut ngawih reng ringawt chu anuam bawk silo .

"Ka boring tiraw " ka ti chhuak halh .





"Nope...ka bulah hian lo muthlu vel mai mai pawh nila i taksa dek phak a ka awm chuan ka lawm tawk em em " nui ri suk hian a ti a , ka nun hi kei ngei pawh hian ka ning .Ka bula awm hahthlak tur zia pawh ka hrechiang .Buaina neuh neuh ka ngah in han chingfel dawn chauh ila a buaina dang bawk hi a rawn inlan leh nghal zel thin !

U Lsa nen kan in tawn tirh atang ringawt ah pawh vawin thleng hian abuai zawk leh buaipui ngai zawh ah kala tang char char a , achang phei chuan min nin tum anei hial thin in ka ring .







Zan dar riat velah ahaw a , min hawsan a hreh lutuk chu ka khawngaih zawk .Mahni a awm ani bawk a akhua ahar ve viau thin aniang ,Max lah aharhvang lo chi alo ni ve bawk nen .






Ka pi mutna room ah ka inphihfai hnuah ka lut ve zui a , rei deuh hlek biak chi ah ka ngaihloh vangin ka tlawh chang leh riahpui châng pawh khan a tul te ah lo chuan ka be mang manglo .Zanin erawh a duhtawk in min titi pui mahse pawi ka tilo , a ziaawm bakah kan inhmu khât leh tawh dawn emai .








"Pi hawlo in ka bulah rawn awm ve daih mai la " kuah hlûnin ka ti sap a , a nui ve hak hak mai .






"Nia tiraw , mahse ka tibuai lutuk dawn che asin "





"Teuhlo mai " ka ti deuh hlak .Ka bulah awm ve tak tal thei se ka ti ,ka class bang te hi minlo nghakin ka hunhman dan te minlo zawt ve se , kei in a ninawm zia thlengin han hrilh vek thin bawk ila .








"Mate Liansanga nen khan in inzui tiraw?" A rawn ti khauh a , ka pi bulah hian kan inlaichinna diktak ka la hrilh lo .Ka nutei te lah in "Daphne thian " tih te in ka pi bulah hian an sawilang mai zel .

"Mipa tha tak anih dawn kha , a tawngkam chhuak reng apuitling mai " a ti leh charh charh a , kalo lawm ru veng veng thung .






"Ani kha pasal ah nei thei lang chuan ngaihngam takin ipu kiangah ka kal ve thei tawh ang "





"Pî" ka ti fak ..Min hmangaihtu tak tak ka neihchhun ani tawh a , min kalsan tur chuan ka phallo .

"Kan kum te alo tam ve tawh a,zankhat mitchhin tawk thei reng chu kan ni ve tawh alawm . Mate hmeichhia hi chu kan chan hi achau a , hmingchhiat te hi kan awlsam bik ania .Mahse kha i thianpa kha chu a rintlak hmel bawk a ngaih angam duh khawp mai " enge a sawi tum ber pawh ka hrelo e a !






"thildang sawi ang " ka ti ta daih a , a thil min sawipui dân kî hi ka duhlo .Min kalsan mai tur ang maiin alawm le atawng le .





" Pî ka pu nen khan sangha vuakna ah in intawng tiraw ?" Ka ti zui a , an vânglai sawipui hi nuam a ti thin tih ka hria .

"Aw ni e , i sawi chhuah takah chuan i pu in min en dan chiahin ani i thianpa khan a en che ni " U Lsa ah bawk a sawi lut leh tawh ! Zanin hi enge maw a hriat reuh ni ?







"Mate i chezia ah pawh i duh ve thawkhat viau tih alang reng a , naupangchhia deuha che in ilo induhkhum mai mai ange . Mipa te hi chu keini aia upa daih pawh nise an puitling har a , rilru tet tlat tum te an nei ania .Nakin ah i nat phah loh nan ania ka sawi ni , inkum a inthlauh deuh vangin i nutei'n a iaipui deuh che a mahse hmeichhe tan chuan min hrethiam a min dawhthiam tur mi tluk an awmlo , eng anga upa leh kum inthlau pawh ni ila .A melhdan che ngaihtuah in nupui a neih che a duh thuai ka ring a , i nawmsak ve na tur tal ngaihtuah la rileru fîm tak pu in ilo chhâmg dawn nia " emgemaw a hriat reuh ni ?






"Pi , muhil tawh rawh i chau lutuk ang " a khuh leh deuh kharh zel vang chuan ka ti ta ringawt .
A tawngchhuah hnem ve deuh hian ahrawk ala za tlat zel ni ber in ka hria .

Ka pi in 'duh hmel takin U Lsa'n min melh ' ah angai a , a dik in ka ring .Vawin ni thlenga min buaipui danah sawisel na ka nei eihlo , chhungkhat tak tak ai pawhin min buaipui nasa zawk a , han phun buai lah anei ngai heklo .A châng chuan ka nat ahlau ngawih ngawih ni te hian ka hre leh thin .







Ani têlin U Lsa hi ka duh zual telh telh tih ka inhailo , ka hlauthawng zual zel bawk .Amah chawimawi zual thei tu tur ngei nupui neisei ka duh a , chutiang ka ngaihtuah chhuah châng apiang erawhin ka thinzawn hi ana tlat zel thung ! Kei hian kalo duh ve takzet tawh em ni ?
Keichuan engtik ah mah ka chawimawi zo ve ngai dawnlo , hna tha tak neiin mi zahawm tak anih piah lamah chhungkaw pangai leh tha tak nei ani a , kei ve mai tân chuan a sâng lua deuh chu ni .






"Lawm chawhnu lamah ka rawn kal mai ang aw , nizân ka mu mumal lo a reilo te tal mut lawk ka duh " meng dul ruih hian ka ti a ,ka in ngaihtuah nasat luatah ka muthilh theihloh phah ani .Ka pi te an chhuak hma duh angreng sia , zing dar nga tang rawng kan bawl tan der bawk nen khawvar hnu lamah muthilh leh na hun a awm tawhlo .





"Mahni a kal ka hreh sin le , anih i rawn thlen dawnah min rawn hrilh ang che .Vawin chu ka thulh thei tawh nganglo , kan house atang essay writing competition a tel turin min ziaklut tawh sia " a ti deuh nang nang .


"Sorry , ka rawn thlen dawnah ka rawn hrilh ngei ngei ang che ka hming minlo dahsak aw " ka tih chuan a bu nghauh nghauh mai .






A chhuahfel rualin kawngkhar ka kalh a , room lamah lutin ka mu zui nghal hlun .

Nizan zankhua a ka ngaihtuah bawk ani ka ngaihtuah leh tawh ni .U Lsa ka duh zual deuh deuh a , ka pha lo .Chu chuan hlauhna min siam bawk . A nupui atan ka tlingzo ngai dawnlo , emgtikah mah !
Tinge a tir atang khan kalo ngaihtuah chhuahloh ? Tunah pawh hian kan inkawp tih hretu thenkhat chuan an nuihza ru tawh zawk hial ang !







Whatsapp ah lutin U Lsa chu text a kan jnkar tihtawp pui mai ka tum a , vawi tam ka type hnu ah ka delete leh a .Ka tha te hial a khur dawn mai .Ka tlukluh ngheh tak tak hma a kan inkar ka ti tawp lo anih chuan ka na mai mai dawna hriatna ka nei tlat .

Kur khur leh ipik tun chuan "kan inkar hi ti tawp ang " tih chu ka type leh a , ka delete leh hma in send tih ka hmet nghal thuai .Thaw chhuak hluai in ka thu chhuak a , ka thawk ipik lutuk ka awm thîp hlar bawk ai chu ka chûm dawt dawt .
Khua a dur khui chungin a lum ka ti em em a , keimah ah hian diklo a awm ang mai ani !







Pangai taka thawk tuma ka beih lai chuan ka ph a rawn ri zui a , U Lsa ani ! Ka message kha ahmuh nghal mai ka ringlo asin le . Ka ph chu hmet thimin silent ah ka dah nghal daih bawk .A awka hriat ka duh hrih lo a , hmaichhan ah inbiak am duh hrih heklo .
Inrintawkna ka neihloh em em lai leh ka insit em em laiin ka nu tawngkam dengkhawng tak ka hre leh a , ka insitna a zual phah sawt piah lamah hlim phu ve ni a ka inhriatna te abo zo vek tawh .Tun dinhmun ah hi chuan he khawvel atanga bo hlen daih mai hi nia ka chak tawh ni .







"Lallawmkim kawngkhar hi rawn hawng rawh " ti hrawk thawm ka hriat chuan ka phu nghek !
' a rawn kal maw ?' ka phun chhuak sep .


"Lallawmkim i awm tih ka hria rawn hawng rawh " kawngkhar chu a rawn chhuih ri leh bur a , a aw atang ringawt pawh chuan a thinrim zia a hriat theih .Ka rizai sin chu hum tawm ngawt ngawtin ka hawi buai nghal vek .