By Priscilla vl Ralte
~H.VANLALRUATFELA~ POV
"A changtupa chu ava phur tawh haih haih ve" bawihduati thiannu Priscilla'n mei nei zeta a rawn tih chuan hawi lemlo in ka khi sak.
Vawiin hi bawihduati hostel chhuahni ania, karleh mai ah NEET exam a hmachhawn dawn a, a chhungten awm tlang law law tura an tih pawn a duh miau silo a. A luh dawn ni a ka dinna ngaiah bawk chuan alo chhuah hun nghakin ka ding ran a, a thiante leh chhungte ho pawh ka hnunglamah an inbe kual hlawm a.
"I chiri ange" ka dar a lo ben paha Emmanuel'n alo tih chuan ka chek tlak "i nau hi i ngai ve eih lo em ni! " mithmul kan akin ka ti a "ka bialnu ka ngai a, ka duhtawk viau" ati et a, a rilru tak chuan a nau hi angai vet vet em!
"Neih nghal i tum mai lo maw? " fiamthu ti tak deuha a tih chuan "exam zawh veleh palai ka rawn tir ang" ka tih chuan a kut in min tin deuh uai a "nangpui hi i ti leh tak tak ange" atih lai tak chuan hostel atanga bawihduati lo chhuak ka hmuh chuan ka pan nghal vat.
A luggage nen alo inkhai bawr ve nasa mai, a bul ka thlen hma chuan a thil ken chu leiah dahin ka lamah a rawn tlan phei a, ka bul alo thlen chuan ka lo pawm vat a. Ani'n ka kawngah a ke kherh betin nghet zetin min kuah a, a sam karah chuan ka hmai phumin thawk ka la hawk a.
"Ka ngai tawh lutuk che" ati tiau a, ka lo nui suk "tun atang chuan ka bulah i awm char char tawh ang" a hnungah chulin nghet lehzual in ka kuah a.
He a taksa tetakte hi ka khawih chakna a rei tawh lutuk, tun atang chuan ka hlatah ka awmtir tawhlo ang.
Rei ngial kan inkuah hnu chuan inthlahlel tak chungin kan inthlah a "e.. bawihte dam takin ilo haw leh thei dawn ta alawm" bawihduati nu chuan insut hraih chungin a ti a "naa.... nu tap ringawt suh, rawn haw tur ka nih hi" ti chungin a mittui a hru ve zauh tho.
"Khatianga tap leh hluam tur te chu a tirah hostel awm kha tum kherlo mai ta che" anu leh a farnu hnukulh eiloh hmel zetin Emmanuela chuan alo ti a, an nufa in an melh rum nasa mai "min ngaih em kha aw, tunge min ngaih thu leh ka tello a in a reh thu visiting day a sawi chamchi thin kha! " cho ar a melh chungin bawihduati chuan alo ti let a, pakhat lahin a kutin alo tin uai a.
An inhlau lo em em mai bawk si "a tawk in ho mai mai lutuk, El-a i nauu bungrua vel kha va la rawh i haw vat teh ang u" tia pa ber a rawn tawng takah chuan bawihduati chuan a U lei chhuah khum zauhin a thiante bulah a kal a, an han inkuah khawm a, an bengchheng ngang mai, nichin lawk a min ngai em emm khan min hrechang leh tawh derlo!!
"Innu ve saw a rawn chhuah in a ngai ber che emaw tih mai turin a thlah phallo che a, tunah lem i awm ve tih pawh a hriat tawh miahloh saw" bawihduati te thiannho hnunglam melh chung chuan a ti nang nang a, ka thil ngaihtuah lao tak alo sawichhuah vang chuan ka nui hawk a.
"Nuam ti viau suh" tih leh thawmhnaw bag a min vawm a rual a, ka kut lo chet hmanlo ila chu ka dak awrh ang.
Bawihduati bungrua vel motor a kan hlan hnu ah in lam panin kan tlan a, bawihduati te thianho ka phur a, a hmaa thu chungin hnunglam hawiin a thiannte a be char char a, min ngaihsak lo mah mah ani.
A tawng laklawh lai chu a bekah vuanin hmalam hawi turin ka a lu ka her sak a "eng nge ti nia i inhriat a? " mak tih hmel taka min en chungin a ti a "min ngaihsak lo mah mah" hmalam en ngur chungin ka ti a , a thiannte an lo 'ehhh' dual a.
"Lalmate inpa kha a lerh teh ania, hmanni ah pawh hmeichhe pakhat nen bike a an inphur lai ka hmu ania aw" hnunglam atanga a thiannu in a rawn tih chuan front glass atangin ka han melh hrep a, bawihduati lahin rum zetin min melh a, ka hrelo der hmiah.
"Tu chu mae ilo fawr pui a? " a kut kuangkuah at in ka lam hawi zawng chuan ala rawn inher ta deuh deuh, chuni mai mai chu buaina min siam ringawt e.
"Tumah anilo" ka aw thiann kharhin ka ti a, a lam ka hawi duhlo "tumah nilo nen chuan in hlim em?" ala rawn ti ta deuh deuh, an hostel hi avan lo hla em em tih ringawt ka rilru ah a awm. An veng pawh hi kan van lut har tak!!
"I ngai kawi mai mai anih kha, engmah a nilo" han sawi mai san tur ka haihchham ta tlat.
Khami ni khan zurui intibuai an awm avangin a rang a rangin an sawina hmunah kan tlan a, kan thlen chuan mipa panga rualin hmeichhe pahnih an lo tibuai alo nia. Man vatin station lamah kan phur phei a, ka car tlanni a nilo bawk nen khang hmeichhe pahnih te kha an kalna tur hmun a hruai an ngai bawk nen Emmanuela bike in pakhat zawk ka phur a, pakhat erawh midangin an phur thung a.
A hnua ka hriat leh danin khanu ka phurh nu kha 'ks' alo nia, khatia Chaltlang lama kan inphur kha a thiannu chuan min lo hmu anih hmel a, khami ni bak kha ka hmu tawhlo a, a hming takngial pawh ka hrelo.
A hnathawh tha viaulo mahse a eizawnna ani ve a, han sawi ka hreh ve bawk nen, a fal a kan awm hunah bawihduati chu ka la hrilh fiah ang.
"Engpawh nise tun tum chu ka hrethiamm ang che, ka seat ah a thu lo tal a, ee... Guys enteu zanin ah party ang u, a bak chu lehkha zir ngar ngar ka ngai dawn" tiin a thiante a biak chhunzawm nghal a, a thinrim lo chu a lawmawm e.
In kan thlen chuann bungrua vel kan dahfel zung zung a, a thiante nen an inkawm khawm vangin ka tibuai duh ta lo law law "Fela chaw te ei ve nghal ta che" bawihduati nu chuan tui bottle min pek pahin a rawn ti luam a "ei rihlo zawk ang, ka U te nupa an awm a, han eichhuah san kha a chi vaklo(h) " nui chunga ka tih chuan a bu nghat a.
Ka U te lo kal chhan min zawt nghal a "an nu in check up angaii a" ka tih laiin bawihduati te an rawn chhukthla a "chaw ei ve nghal la" ka bula lo kalin a rawn ti nghal a "inu sawmna ka lo hnar zo chiah a, ka U te nupa an lo chhuk a, eichhuah san kha a rem vaklo alawm" tih pahin a hnar ka piai zeuh a, a teu hlar mai.
"Anih zanah tal lo kal la, zanin bak min be mai mai thei dawnlo ania" atih chuan ka kal tur thu in ka chhang vat.
Dar 4 bawrah ka haw a, in ka thlen chuan ka U nupuiin chanchin min lo zawt luam a "mo pui ka nei har dawn si, innei phawt ula zir tha keh mai se" a maian bai chawh mawlh mawlh pahin a ti a "iti anglo emai, pasal nei tur chuan ala nau deuh, han nula deuh rawh se" ka lo tih chuan min eiloh hmel zetin a ner nanng.
"Neih dawn a la naupang ti si, then phal tawp silo" tih pahin thlengah bean hring hi a rawn chhawp a "a kawr lo kheh ang che" ti zatin a thil chhuan chu min ngaihven san hmak a, han hnial chi ni heklo, bean kawr chu ka kheh a, kheh ala har hrep lehnghal a.
Ka bul ami lah chuan tunge a biak ni a nui har har a, a hnu lawkah "video call ila" ati a, reilo ah hmeichhe tawng thawm a rawn awm a "awiii.... Ka duh hnup hnup lutuk, inla pa tawkin bean a kheh elaw! " phone atanga an rawn tih chuan ka hawichhuak vat, Ununpuii'n phone chu ka lamah alo dah reng chu niin, tute nge a biak pawh ka hrelo.
"Vanlalhruaizel.... inpa hi lo en ve teh" an tih takah chuan ka tho chhuak vat, phone chu ban mai ka tum a ala sawn zel lehnghal "khawmaw bean chu a kheh tak tak ami? " tia bawihduati rawn tawng ka hriat takah chuan "khawi ka lo bia ang" tiin Ununpuii phone chu ka ban a, min pe ve mai bawk a.
"I thlen veleh alo tir nghal che ani maw" ka hmel a hmuh rualin a rawn ti zay, a thiannte an lo lang ve vek bawk a, min ti lai dawn lek lek.
"Hei zat tu min hrinsak tawh sia, a thu kan awihlo ngam nang" Ununpuii melh zeuh paha ka tih chuan a fianpui ken laiin min tin uai a, bawihduati alo nui hak hak "bean chu kheh teuh rawn, i monu kha lo duat bawk ang che, ka dah dawn zan chu lo kal ngei ngei rawh aw" a tih hnuah ka kal tur thu hrilh a dah ka tum chu "lehlawk, khawmaw phone kha Ununpuii pe teh" a tih takah chuann ka pe vat a.
Zana an in a kal turin an insawm anih hmel "tunlai ka taksa a chaklo lutuk a, zan chhuak vak chi ka nilo" tiin an inhnar a, eng eng emaw an sawi hnuah an dah a.
"Hruaizeli hi chu a fel ngawt mai, a kum ngaihtuahin a rilru a puitling phian a, Ruthi'n alo ngai em em pawh a awm anih hi" tih pahin ka bulah alo thu a "ka thlang thiam alawm" ka lo ti zauh chu min han eilo leh mai mai khawp a!!!
"Ilo haw tawh maw? " choka a lo luh paha ka U in a tih chuan ka bu nghut ringawt "senior lamah fa te rual i han chhai chu ania" nui suk chungin an nu bulah a rawn thu thla a "zah pawh dawnlo in a hmeichhia zawk thuhnuaiah a kun du du reng hi" tiin an nu in alo tuihnih bawk a.
Ka tho thut a "in nupa hian chhuak teh u, min tihduhdah man hi ka la rul ang cheu" ti nghutin inchung lamah ka chhoh san a, an nupa in an nui dun hak hakk.
Ka room ah lutin ka inbual zui nghal a, bawihduati alo chhuak tawh bawk a ka che pawh ka nung sarh mai! Closet ah lutin ka thuamhnaw chu ka enkual a, ka pian a hnu lamah thuamhnaw hak tura ka buai vawikhatna ani ngei ang.
T-shirt dum body fit chu lain cotton kekawr dum ka inbel nghal a, ka denim jacket dum chu hakk mai theih turin khumah ka dah a, ka sam hru thuak thuak in room ka chhuahsan a.
Inhnuai ka thlenthlak chuan chaw ei an lo siam mek a "chhuahna tur i nei em ni? " min hmuh ruala ka U in alo tih chuan "kha a bialnu lehkhazir alo haw tawh a, ava birh tluk tluk dawn anih kha" tiin an nu in min lo chhann khalh a "nanghi i tawngthei zepzuap lutuk, ka khaii ang che" tih pahin a chalah ka pen a "nutling pui min han pen chu le" tiin a fianpui ken laiin min tin zui a "aaa... i khati leh thin! Indim i ngaih kha, chaw te i ei vat teh ang u, Fela a chhuahh dawn chuan" tia ka U a rawn inrawlh takah chuann dawhkan kan kil zui a.
Chaw ei khamah an nupa in a tifel a, tihpui ka tum zet na chu ka U in puih an ngailo ati ta sia, ka room ah chho in pheikhawk ka bun zui a, darthlalang hmaah dingin ka sam te chu ka han tuai thuak thuak a, perfume in kap zeuhin khuma ka jacket banin ka room ka chhuahsan zui a.
"Ka kal ania, ka rawn haw tlai deuh ang" tiin kawngka bula ka chahbi khai ka la zui a, bawihduati te in lam panin ka dawk chhuak zui a.
Kawng lakah chocolate leiin ka ding khawmuang a, a duhber flavour chu leiin an thianho bawl khawmah nepnawi ka lei tel a. Dawr ka chhuahsan leh meuh chuann dar 7:30 a hnai kuar tawh.
An veng ka lut tan tihin bawihduati'n min lo call a "ilo kal tawh em? " phur hmel zetin a rawn ti lang lang a "in veng ka lo lut chiah"
"Pawnah ka lo nghak ang che" tih pahin a ri sawt sawt a,
"Angai lo " ka ti tak na in a ti lui tlat mai bawk sia, ka hmial duh ta lo.
A sawi ang takin gate bulah chuann alo ding a, min hmuh rualin a ban vaiin alo nui sang a, sawti taka a phur leh hlim hmel ka hmuh lohna a rei ta hle mai, a nui hmel mawi tak te, a taksa te ve tak inphut mawi em em si te, a sam sei hniang amah ti nu em em tu, leh a hmui no tuk mai te, a engkim hi ka ngaiin ka thlahlel ngawih ngawih ani ber!
"Ka rin aiin ilo thleng har" car tukverh ah lo dak lut in ka bianng a rawn piai a "kha kha eng nge? " tih pahin car kal hualin seat lehlam a ka thil lei ho a rawn ban a "chocolate te leh in thianho eitur anih kha" ka tih chuann phur zeta rawn chuang lutin a phawrh mawlh mawlh a.
"Ehe... Ka favourite" tih hluai pahin a kheh nghal rawk rawk a "i thiante i sem ve ang chu" ka tih pawh chuan a ei a thulh phah lo.
"Chuti taka i lawm chuan a lei tu che hi lawmthu min hrilh dawn lawm ni!! " ka tih chuan ka lamah rawn awm hnaiin ka hmuiah a rawn tawk zeuh a, kei lahin ka lo duhtawk awzawng lo.
A zakah dawmin ka malchungah ka hlang a, lungchim zetin ka fawp a, ani pawn min chhang tha kher mai!
A biang tawn tawnah vuanin ka lei chu nasa zualin ka chet tir a, ka rum deuh hawk! Kan thawkdan a diklo tan, ka lungphu chu a phu rang kher mai!
"H... " a hmui ka thlah rual chuann a ti tham tiak a "reilo te" tih pahin a chala ka hmui chuktuah in insum tum takin thawk ka la hawk a, a thawk dan atangin ani pawh a danglam ve tih ka hre thei.
__________________________________________
Ka reh rei viau na chu bonus nen ka rawn let e,,,, like leh comment te kha min lo duhsak leh theih dawn nia
🤍