Malsawmsanga chapter 6

[Agatha thangen]

Kan haw kawngah chuan Christina chuan Malsawmsanga chanchin chu min zawt na sa ngang mai, ka zirlai naupang tih Bakin ka sawi duh bik thak lo





" Zan ah chuan ka rawn sawm dawn che nia aw , lo in ring rawh " an in kawta Kan ding hnu chuan ka ti nghal sep a .




" Ka peih lo " arawn tih deuh hmuk hnuah " I school naupang mai mai a nih chu ka ring chiah lo , Hei ! Nang hi Nunmawia nen I kawp te a ni lo maw" a tir lam pang zawi viau mahse a tawp lam chu ring tha tak a ni .



" I au ring lutuk , midangin Kan tawng an lo hria a anga sin " hawi kual zak zak pah hian sehchil deuh nak a ka tih chuan



" Nge ho e , I senior telh telh a , I ler telh telh mai a " nui vur vur chunga arawn tih leh chuan chhan pawh ka chhang let peih tawh lo



" Zanah chuan ka rawn sawm dawn che nia " min chhan letna pawh nghak tawh lo chuan ka tlan nghal nal nal a .




In ka thlen chuan a tlai ve viau tawh a nia , ka nu a la rawn haw miah lo .keipawh ka room lamah chuan ka chho ve nghal a , ka in bual leh te te phawt a .



Bathroom atanga ka chhuah chuan khum chunga ka phone lo eng va va chu a va hmu nghal zat a , phone chu laiin caller id ka hmuh chuan ka ner nak ringawt .



Tunah tak hian chuan Nunmawia hi ka hne viau rih, Lang lo tawh aiah tiin ka pick nghal a



" Hello" ka tih chuan


" Zan inah ka rawn leng dawn "


" Inah ka awm dawn lo asin " ka va tih leh chuan " khawiah nge i kal dawn a " arawn ti ve leh nghal zat bawk a



" Kan school naupang a nu a dam lo a , Christina nen Kan va Kan lawk ang chu Kan ti " thu dik tak hrilh chu a pawina pawh ka hre lo , chu bakah Malsawmsanga nen Kan in karah engmah a awm lo tlat a , keiin a rukin lo vei ve viau mah ila Ani chuan a teacher ang Bakin min en dawn lo tih ka hria .



" Imm ka rawn zui ve ang che u " a rawn ti ve leh nghal zat , nge maw a hriatni vawiin ni ber kher hi nidang chu nise min zui tawp lo ang.




" A ngai kher lo , Kan ti buai mai mai ang che " a buai ka ring em em vang pawh a ni chiah lo , ka bialpa a nih tih hre tho mah ila , Malsawmsanga'n lo hre tak se tih te ka ngaihtuah daih ,Hui! A ni te chuan enga tan mah a ngai tawp nang , nge HEPA lellawl hi engpawh ti dawn ila , ka ngaihtuah chhuah zel le , ka Ning .




* Ka buai lo , bakah tun lai hi min pehhel na tur ringawt I zawng ni mai hian ka hria , min rawn be ngai lo , ka rawn biak che lah in chhuan lam I Siam nghal zel * bung ngut a rawn tih chuan a engkim a ka hnar reng chu a lungawi vak lo a tih a hriat thei .





" Chu vang pawh a ni lo , I buai ka ring alawm , I duh chuan I rawn kal dawn nia , ka lo nghak ang che" ka in thlahrung ve deuh a tin ni , engmah in hauh na pawh Kan nei meuh lo , mahse ka be chak thin lo ringawt te hi ka in thiam lo ve reng thin .



Zan dar 7 pm velah chuan Nunmawia chuan min rawn Lama , Christina lam kawi Kan ngaih avangin inah pawh rei Kan awm tawh lemlo ,ka nu ka hrilh tawh a , a lo phal ve mai bawk a . Car a rawn keng avangin ka scooty pawh ka keng ve lem lo bawk .



" In va rei ve , pawn a ka ding rei tawh Zia hi " Christina chu an in kawtah a lo ding ran a , Keini pahnih min hmuh rual rual chuan a rawn ti nghal zat a .



" Mi paingai tan chuan a tawk viau a ni " ka bula mi a lo nuih mai mai laiin Keiin ka lo ti thung chu a ngaihdan a ni leh lo nasa a niang chu



"Chance in rawn neih leh vang a nih kha " lungawi lo deuh a arawn tih hmuk chuan ka bula dingpa chu arawn nui chhuak hawk hawk mai , ka lo nui ve suk suk ringawt thung .


"An veng pawh I hre tawh a mi " arawn tih leh chuan " I'm. Chanmari ah Kan zawng chawp dawn nia , lam in kawtah ka lo ding ang a tia , Kan hmu har lo ang " ka lo ti ve vat a .



Chanmari lamah chuan Kan tlan phei zel a ,in pakhat rangva in Lian vak lo bula Malsawmsanga a lo ding ka hmuh chuan


" Saw sawlai saw a nih saw Assam type in bulah khan ding rawh " tih pah in Sawmsanga din na in chu ka kawk nghal va va a .



Car atang chuan Christina nen chuan kn chhuak nghal a , Nunmawia erawh chuan motor park na hmun remchang a zawng dawn a nih hmel , Sawmsanga te awmna lai takah hi chuan motor park na a rem vak lo .




" In rawn kal tak tak pawh ka ring chhiah lo a " an bula kan va thlen chuan Sawmsanga chuan nui ver ver chung hian arawn ti sep a , Kan piah a Nunmawia rawn phei a hmuh chuan min rawn melh nghal vut mai , a mit meng a danglam nghal zawk bawk .



" Kan tih tur ve reng alawm , Kan rawn kal har zawk a " Christina in a tih laiin Nunmawia pawh ka bul Chet a rawn ding ve nghal zat a . Sawmsanga chuan nuam lo tih hmel deuh a lo nuih sak pah hian " in ti lawmawm lutuk a nia , lo kal tu lutnghal mai ang u " tih pah chuan Assam type in lam pan chuan a kal nghal a , Kan zui ve nghal zat bawk .




In chhung Kan luh chuan ka rinaiin a felfai zek chhuat lah thing zai niin a hnum hlarh a


"He lamah hian lo kal ru " ti tih pahin room pahnih lo in ping dang ve pakhat zawk ah chuan min luh pui nghal a



" Ee mama kha in teacher te chu mi an va han fel em em ve a " a nu ni awm tak khuam a lo mu in min hmuh rual rual chuan khum atanga thawh chhuah pahin arawn ti nghal zung zung a




" Ka pi lo tho duh Suh , rei pawh Kan awm lo ang , e nge I am tawh Kan rawn en mai mai ania " Nunmawia chuan alo ti let ve nghal var a , Keiin a rukin Malsawmsanga chu ka melh ru zeuh zeuh thin,Kan pindan a kan luh hnu khan a la tawng leh miah lo .



Malsawmsanga nu leh Nunmawia te chu an ti ti thei phian , a kal rawt tu ber hi ka lo thu ngawi kur a a ni mai , haw vat vat ka chak ber , Sawmsanga awmdan ka hmuh hian nuam lo ka ti .



" Mama bawitei kha thingpui va lum tir rawh eitur te min rawn keng a an ti lawmawm ropui si " Sawmsanga nu'n arawn tih chuan Sawmsanga lam chu ka hawi phei nghal vat , a ni rawn hawi chhuak ve chiah nen chuan ka mit a in tawng nghal chat mai , za lo ti hriat deuh hian min lo nuih sukin a thutna tang chuan tho chhuak in room chu a chhuah San nghal a.




Ngawi reng a ka thut laiin ka mi hruaite pahnih chuan kan mi kan nu chu an lo ti ti pui char char a , a harh tha reuh khawp mai .Tleirawl te hmeichhia hian tray ah hian thingpui a rawn chawi luh chuan a hnung lam chu ka thlek nghal vut a , mahse tumah ka hmu lem lo a .




Thingpui Kan in zawh tawh hnu pawh a Sawmsanga a la rawn luh loh avang chuan no chu chhuan lam In room tang chuan chhuah pui ka tum a



" E lo ti duh Suh nakinah bawitein a rawn la mai ang lo dah rawh " an nu ber chuan a rawn ti nghal sawk sawk a ka ner nghal sawk thei .




" Ka zun a chhuak tawh hrim hrim a , ka va dah pah ang , a ho lutuk " tih pah in no chu laiin room tang chuan ka chhuak phei nghal a .



An sitting room hi an ping dang ve lem lo a ,a hmuh tlang thei vek a , tumah an lo awm Miah lo , no chu silh hmun a dah in pawn lamah chuan ka chhuak nghal a



Min lo hmuah na hmun a Sawmsanga lo ding reng ka hmuh chuan a bulah ka va ding ze nghal zat a , min rawn en zawkin van lama arsi eng tuar chu a thlir leh ngal daih .



" Kan rawn kal hi I lawm vak lo em mi " ? Ka tih sep Chuan " teuh lo ka lawm lutuk alawm "arawn ti ve nghal sup a sawi tur pawh ka hre tawh lo ngawi reng chuan a bulah ka ding ve char char ringawt .



" I lung a va leng awm ve " minutes 5 vel Kan ding tawh ang tih ah chuan ka ngawi thei tawh lo chuan tiin ka zawt leh ta tawp a , lo nuih hak pah hian " leng lo e" arawn tih leh sup hnuah



" Hmeichhe pakhat vei deuh mai hi ka nei a , ka vei ngawih ngawih a ni ber ,mahse a ni chu engtikah mah la ta a ni ve thei ngai dawn lo tih kei tluk a Chiang an awm lo thung , Kan khawvelah hi chuan in thliar Na a nasa em atin ni , ka ta ni ve dawn lo mahse a hlim na ka duh ber ,hmeichhe dang neih tumna ka nei tawh lo " arawn tih leh sep Chuan ka na vawng vawng thei , ka duh tih a hria a nga , min hnawh bo nan min hrilh a nih ka ring ta ber