THE HEALER CHAPTER-8

[Judy chhakchhuak]

Chapter-8

HMANGAIHZUALI POV

Kanu pawh damdawiin aṭang a chhuak tawh a,Darlawn lamah ala haw lo thung,tunlai chu ka awm anuam lo deuh reng a.Zam lam ah ka duty zeuh zeuh tawh bawk nen,ka khua tehi a sik deuh ser ser ṭhin a,damdawi ka ei a ka zia veleh mai zel a.





"Hmangaih,dar engzat ah nge duty turin i kal dawn a" kanu in atih chuan sana ka en zeuh a. "Ka kal ṭep,ala hma deuh dar riat hma a ka thlen hman chuan aṭha animai," tih pahin ka chhangthawp eilai chu ka hmawm mial mial a,tunlai ka taksa a nuamlo e tilo chuan ka thil ei atui viau a,ka hmaah eitur a awm tawh chuan ka hnar phal ngailo rere.





"UHmangaih," kawngka lam aṭang a tih ri ah chuan ka hawi ve vat a. "E,Baby lo leng rawh" nuisâng in kalo tive vat,baby'i hi kan in opposite chiah a lo awm thar te kha an nia,mi an nel nghal reuh em em a kanu leh anu pawh an inkawm thei nghal phian mai.





"Ka awm rei hmanlo,hei kanu in va pe rawh atia" tih pahin ka hmaah chawhmeh tui hnai tak arawn dah a,ka ei chak leh tlat tawh, "avan lawmawm ve,lo nghak lawk rawh aw,plate hi i hâwn leh nghal dawn nia" ka tih takah chuan kanu awmna lamah a phei a, "nu eng nge i an,i mawng chu a kaw tawh em" atih chuan ka nuichhuak deuh hak a,ala naupang a a ṭawngkam hman te hi a nuihzatthlâk thei ania.





"Ka mawng te chu akaw sa reng alawm,ana tawhlo" kanu in alo ti deuh hlak a,la inhre reilo mahse an innel tawh hle a.Baby'i pawn nu ati mai zel, "hei aw baby" a plate dawhkan a dah paha ka tih chuan alo aw ve vat a.





Zan lam duty tur kani bawk nen keipawh room ah lutin ka insiam sawk sawk a.Taxi ala awm em ang chu maw, "nu ka kal dawn ania,Omi kanu hi lo ngaihven deuh rawh aw," ka mamawh tur vel khungkhawm mawlh mawlh paha ka tih chuan ka nau pawn min hnial lo ve ngei a.





Kan in step a ka chho te chu a thip deuh mup tawh mai,mahni te a kal nan chuan a rapawm ve deuh, "damdawiin lamah i chho leh dâwn alaw Hmangaih," nu Saipui'in ka sir lam aṭang a atih chuan kabu nghat a,kuhva a lei ani ngei ang a ei sen leh ham tawh mai.A ṭhial tuam tuam bawk sia,a kuhva ei ringawt te chu ka ei ve chak leh ringawt tawh.






"Nangmah khan maw ikal dâwn a," atih chuan kalo aw vat a, "khitah taxi a awm mai ang," ka tizo deuh chiah tih ah "ka kal dawn ania," aw thum angreng takin kan bul thim lampang aṭang a arawn tih chuan ka phu deuh zuk.





"Bawiha,la kal lo teh,hei Hmangaihi hi phur chho ve rawh, damdawiin ah tho akal dawn a amah chiah ani sia,hmeichhia ani bawk nen a hlauhawm emai" nu Saipui'in ati zung zung a.Doctor Ruatfela bawk ani,ngatinge ka awmna ah hian a awm ve theih em em,chuan nu Saipuii nên hian eng inzawm na tak nei ang maw,nge ni a anlo in ngaizawng ru reng zawk doctor Ruatfela hian nu Saipuii hi a ngaizawng tihna ani thei mai angem,ka rinloh lam daih ani avan duh upa reuh tak.






"A ngailo,ka hlau hleinem,taxi ka la mai ang" tih paha kal mai ka tum chu "lo chuang rawh," uRuatfel'an atih deuh nghut chuan ka en phei vat a. "A ngailo tak tak,ka ka..." Ka sawi zawh hma chuan "a tlai zel ania," atih leh takah chuan ka phei veleh ta hnak hnak a.





A motor chhûng a kan chuang chu tumah kan ṭawnglo veve,ahma khan duty ban a thil eipui ah min sâwm kha ania,mahse a bialnu khan a phallo nge eng vanga ṭhulh leh nge anih ka hrelo.





"Avawt iti em,ac hi ka off dâwn ami" minlo melh zeuh paha uRuatfel'an atih chuan kalu ka thing vat a. "A ngailo,vâwt ka tilo" ka tisep a,a ruk tak chuan vâwt ka ti lutuk ringawt,ka inha pan ang reng sia,ani lahin lum atih hmel ropui sia,a thlan a bek ah te chuan a luang nasa mai.





"Inu chu aṭha zui zel em," ati veleh deuh sup a, "aw aṭha vek tawh" ka tih chuan minlo en deuh haw tih ka hria,ka ngaihsak lemlo tunlai ka mood swings nasa lutuk hi ka period dâwn vang nge mawni,mahse ka period hun apel daih tawh sia,ka thinrim amaw ati deuh nge "hmanni khan thil ka ei chhuah pui leh hman silo che a,zanin ah eitur kalo pe mai ang che" atih chuan ṭullo ka van ti tak.






"Aho emai,a ngailo ka puar chaw eilawk sa diam in alâwm kalo kal," ka tih chuan min be tawh bik lemlo. Ṭawng tawhlo in kan tlan deuh ren rawn a,ka rin loh lutuk in ka luak arawn chhuak leh ta thut mai, "motor iti ding lawk thei angem," ka ti zo deuh chiah tih ah a din hun pawh nghak lo in kawngka ka hawng rawk rawk a. "Shit!!fimkhur rawh" ati deuh hrawk pawh chu ka hria.





Kawngsir lamah phei rawk rawk in kava uak deuh ṭhat ṭhat a,ka thil ei zawng zawng ka luak chhuak leh ta vek mai.Ka hnunga minlo chûl deuh thuak thuak tu chu URuatfela ani tih chiang takin ka hria,ka hma a tui bottle minlo pêk chu chhang lemlo in ka ban a,tui te ka in chuan tlêm in keipawh ka zia ve ta deuh huai a.






"I damlo emni," zawhna mitmeng a min melh paha uRuatfel'an atih chuan "dam e,motor ka rui thut a" ka ti sep a,keimah ngei pawh chuan ka awilo,motor ka rui ngailo hrim hrim,chuan sual chang chu ka nei ve ngei ṭhin a,mahse kanla tlân thui mang siloa.






Motor a kan chuan leh hnu chuan ka ngaihtuah neuh neuh a,ka period hun apel daih tawh bawk sia,ngawi teh keini ka rai ani thei mai angem!!ka rai anih vaih chuan apawi viau ang, damdawiin thlen veleh a in test tum ranin motor ah chuan ka chuang a.Ka awm anuam lo in ka hlauthawng ru hle bawk.






Damdawiin kan thlen chuan hmanhmawh deuhin ka chhuk sawk sawk a, "fimkhur ṭhin rawh,motor ka park ṭha lawk ang minlo nghak rawh" uRuatfel'an atih pawh chu ka nghâk thei tawhlo,ka rilru a buai a ka rilru ah in test ringawt a awm.






Ka thawmhnaw ka thlak sawk sawk hnuah ka duty na tur roomah ka chho a,nau neih na ward a duty kan ni bawk nen.Test kit chu kan kawl reng ṭhin a, "ilo va thleng har reuh," Adeline'in atih pawh chuan chhanglo in test kit kan dahna lamah chuan ka phei mawp mawp a.Mak tih hmel zeta min en pawh kha ka hmuh hmaih hauhlo.





Ka pregnancy test kit chu ka hum deuh vang vang,ka en lawk ngamlo,lo positive ta tak tak tase engtin nge ka tih ang. "Hmangaih,iṭha em" bathroom kawngka kik dat dat pahin Adeline'in ati deuh sep a.Test kit chu eng ang pawn en duhlo mah ila ka en tho tho angai dawn tih hria in thin phu dawt dawt chungin ka en a,rin sen pahnih ka rin dan chiah ani.





Bathroom kawngka chu zawi muang in ka hawng riai riai a, Adeline'i pawh alo la awm reng, "engtin nge ka tih ang" thawk lak deuh kawk paha ka tih chuan mak tih hmel zetin min en reng.Ka kuta ka thil kenlai ka pêk chuan a en ve vat a, "awi karei!!tak tak ami,min prank chu anilo tiro Hmangaih,Ruata ani em,Ruata fa ani em" tih pahin min sawi deuh nawk mai.






"Aw..." Zawi angreng takin ka ti tham deuh chhâl a, "hrilh nghal vat rawh,awi ka vân lawm tak,nu ini ve tawh mai dâwn chu ania" hlim zeta atih chuan ka nui deuh hak a. "Ka rilru abuai" tih paha ka dul la thêp nel chu ka chûl deuh thuak a.





"Eng nge i rilru buaina,Ruata chu hrilh vat rawh,alawm ve viau ang" tih pahin ala zuang deuh et et a,mak tak maiin ka rilru ah uRuatfela alo lang a.Ka in thiamlo ve ringawt hi a chhan ka hrelo,ka senior ania hmelhriat satliah kan ni ringawt a,engah nge ka inthiam loh ve ringawt.





Adeline'i a phur em avang chuan Ruata chu ka call ta nge nge a.Loud ah kan dah nghe nghe, "aw chaw ka eikham chiah a,biak che kalo tum chiah a" aw zângkhai vah hian alo ti var a.






"Awi lalruat!!ka lawmpui tawp che," Adeline'in tih pahin anui deuh har har a. "Engvang chuan maw," Ruat'an hriatthiam loh hmel takin alo tisup.






"Pa ini ve tawh dâwn ania,ilo haw leh vat angai dawn anih kha" Adeline'i bawkin ati leh hluai a. "Imawl emai Adeline,khatiang in fiamna chi pawh anih loh kha" lehlam ami chuan alo ti thum dut a.





"Eng vângin nge ka fiam ang che,Hmangaihi hi zawt la,nau apai alawm mawle i awi loh chuan a in test na thlalak kalo thawn ang che,a positive tak tak alawm" Adeline'in atih leh chuan a reh deuh vang vang a.






"Amah kalo be teh ang," atih takah chuan Adeline'in a mit minlo siai zeuh a,bathroom aṭang a chhuak zui nghal, "Hmangaih,kha thil kha tak tak ami" Ruat'an zawi deuh sup a atih chuan "aw ni e" kalo ti tham deuh chhâl a.





"Hmangaih,naute kha i pai tlang anih chuan kan mualpho dâwn,ti tla la chuan biakin hawng ngei in ka nei ang che,ihria em ka hnathawh hi ka hnathawh nen a inrem lo,ka mualpho viau dawn ania" atih chuan ka awilo lutuk chu ka nui hak a. "Fiamthu na chi pawh anilo ania," ka ti ṭial deuh ruai a.






"Tunah khan ka fiamthu hauhlo,hmangaih ti tla mai rawh chuan biak in hâwng ngeiin kan innei dâwn nia,ka tiam a che" atih leh ngat phei chuan ka awilo lutuk ringawt, "Ruata,Pathian rawng nge i bâwl a setana rawng,he ka pum chhûng a ifa ngei hi ti tla turin min duh amaw" kati tham deuh chhal a,ka rinai in ka aw a chhuak pangai.






"Ka sawi ang chuan ti mai rawh,damdawi pawh ka tum vek mai ang,aṭha em" ala tive deuh ṭalh anih chu, "i mumang ah pawh a thleng ngailo ang,he ka puma kan naute avânga mualpho nge i hlauh zawk Pathian,tual that kan ni dâwn asin,Pathian mit hmuh a tual thah iduh em ni" ka tih leh chuan a ngawi vang vang a.





"Ka rilru ka sawhsawn chuanglo ang,Hmangaih ti tla mai rawh ka.." asawi zawh hma chuan call ka dah ta hmak a,ka hlauthawng em em te kha hetiang hi a thleng dawn tih ka hriat lawk sa vang emni,inchhîr in awmzia a neilo tih ka hria.Engmah awmzia a awm tawhlo,ka tih sual rah liau liau ani,tumah ka dem thei heklo ka duh thlan na ngeia ka tih sual ania,naute pawh hi ka pai tlang ngei bawk ang.





Kan duty na tur lamah chuan ka phei deuh hnak hnak a,ka thinglung chu chhût sâwm vek ang maia na ani,engtin nge khatiang mipa kha ani tih ka lo hriatloh theih.Mahni fa ngei pawh that duh,Pathian rawng nilo in mihring rawng zawk alo bâwl reng si a.Pathian mit hmuh a pawi khawih ai chuan a mihring pui a ngai pawimawh zâwk a.






"Ngatinge a,engtin nge atih Ruata chuan,iva ngui ve" Adeline'i bula ka ṭhut chuan Adeline'in alo ti deuh sawk sawk a. "Ti tla turin minti," ka ti chu anui hmel a ral riai riai a.





"Iti tak tak ami,tiang chuan ati tak tak maw" ati nawn leh sep a,a awi biklo tih ka hria,keipawn ka awi thei thlawt lo.





"Chupa mai mai chuh,hawlh lût ngam si eng nge a mawh phurh na a hlen leh ngam siloh,sex hmanpui a ngam che chuan naute pawh lo pai mahla a nei ngam tur che alâwm,riai danah in danna in hmanglo tih a hriat bawk si" ati ve deuh hap a,damlo bul hnaia kan awm avâng in kalo khap vat.






"Zanin chu nau nei mai tur anva awmlo ve," tih paha uRinpuia kan bula alo ṭhut chuan kan thil sawilai kan tawp hmak a.URuatfela pawh alo kal ve,zanin chu nau neih tawh ho ward ah kan duty bawk sia,kan awl phian mai.





"Iṭha tawh em" ka beng bula uRuafel'an atih deuh sup chuan kalo bu nghat a.Adeline'in minlo en leh zeuh ṭhin tih chu ka hmuh hmaih hauhlo,naute an nute'n duat taka an pawm ka hmuh te chuan ka hnuk a ulh tlat,naute pa niâwm tur tak te an bulah an ṭhu ve ran a,a nawm hmel ngawih ngawih,ka puma ka naute hi engtin nge ka chhûngte bulah ka sawi ang.





Adeline'i leh uRinpuia te an titi dun a,uRuatfela erawh ala ṭhu ngawi ngul mai.kan sir lama naute awmte chu an buai deuha ka hriat avang in ka ding vat a,ka kal chu midang pawn minlo zui vat.





"Ngatinge a," tih pahin naute chu kava en dek dek a, "hnute a hak mawle," anu in nuisâng a atih chuan ka en tlawk tlawk.Naute hian rilru mumal pu theilo in min siam,ka rilru a buai takzet,engtin nge ka tih ang.





Keimah te chu ka chau deuh nghulh theiin ka hria, "Hmangaih,pâwnah thlifim va dâwng rawh,i dam ṭha siloa i zia deuh mai ang" Adeline'in atih chuan ka en haw a,kal tura min signal chuan ka hnial hranlo.Hun thawl ka mamawh rih ani.






Pawn a ka chhuak chu ka hnungah uRuatfela alo kal ve reng chu niin, "i englai nge na" tih pahin a lamah min kuai her deuh dawrh a, "ka engmah ana lo,ka chau mai mai" ka tih pawh chuan a awiloh hmel khawp mai.Ka khabe ah vuan in min kuai dâk deuh a, "i mitmeng adik hauhlo,sawi rawh eng nge i rilru hahna" atih chuan mak ti zetin ka en tawp,engtin nge a hriat theih.






"Chutiang engmah ka neilo,thlifîm dawn ka duh,min kalsan rih thei angem" ka hma a ralling chu vuan deuh chawt paha ka tih chuan "i sawi loh chuan ka kal hauhlo ang," ati deuh bur bawk sia.





"Engmah rilru hahna ka neilo," uRuatfela din na lama hawi phei pahin kati deuh hrawk a,alo la nui mai mai zui. "Hrelo turah min ngai suh," ka bula ka thil vawn lai lo vawn ve pahin ati leh sup.






Ngawi rengin kan ding deuh reng a, "naute pa chuan engtin maw atih a," atih chuan ka phu zawk mai, "engmaw" ka ti deuh hluai a. "Engkim ka hre vek ania,damlo tam tak enkawl tawh ka nih hi,i dinhmun anga ding an chhungte hrilh ngam loh avâng a ka bula sawi an tam mai,ka puih na..." Ati hman ṭawk tih ah "ka mamawhlo," ka ti deuh hlak a.





Hetiang ang em em hian thil aman chak ang tih rin ngaih na ka hrelo,alo fing hle mai, doctor ni awm rêng pawh alo ni. "Naute pa ila hrilh lo zawk nge,a englai ber chu nge i rilru hahna chhan,nau ipai ani tih hi ka rinhleh na arei tawh alawm,ahma i awmdan aṭang khan" atih chuan ka chhang tawhlo.





Tunah tak hi chuan ka rilru ah engmah a lut thei rihlo,naute erawh ka pai tlang ang,ka ngaihtuah deuh chet chet a,ka in ngaihtuah lungpuam nge ka hrelo.Ka biangah ka mittui ka hriat loh laiin alo luang deuh ngiai ngiai a.





URuatfela a la awm ve kar bawk sia,ka ṭap ring ngam silo chu hreawm tak ani,ka insut deuh hlap hlap a.A hrethiam leh vek tawh ang, "lo kal rawh le" ka lama a kut phar paha atih chuan ka kuah deuh chawt a.Ri chhuak meuhin ka ṭapchhuak nghal hâwm hâwm,ka samah duat takin alo chûl deuh hliau hliau a.





"I haw duh em," atih chuan ka chhanglo,ka haw ngam pawh ka ring tawhlo. "Ka tih sual vek ani,keima thiamloh vek" insut hlap hlap in kati ruai a, "i puma naute khan anu hi aṭap ani tih a hre ve kar dawn ania," atih chuan tlêm in ka in thlahdul ve ta deuh a.Ka ṭap chu ka zia deuh hawk ten ka hria.





"Naute pa hi tunge anih,khawi ami nge" a awki inthlak deuh hlawk avâng chuan ka awmsawn dawrh a.A hmel ka en chu amit alo sen ve rum mai,a ṭah chu ka ring chiah siloa, "i hrelo ang," ka ṭahna vanga ka mittui luang na vel hruk hul thuak thuak pahin kati sep a.





"Min hrilh duhlo mahla kala hre tho tho dâwn ania," atih chuan ka en zawk,a railing herna kut in humruh deuh ngawt ngawt ka hmuh phei chuan mak ka ti zawk hial.Ngatinge alo thinrim ve ringawt, "kava phei leh tawh phawt ang," ka tih chuan arawn hawi tawhlo hrim hrim,kan duty na hmun ka thlen chuan Adeline'in minlo pan vat a. "Awi engtin nge i awm,ka ngaihtuah lutuk che a," alo ti hluai a doctor Rinpuia pawh alo awm tawhlo.






"Min ngaihtuah suh,ka ṭha" nuih deuh sak paha ka tih chuan a awilo tih a hmelah a lang reng, "Ruata chu ka be leh a,ka rin ang anilo khawp mai,mahse naute hi tih tlak ngaihtuah chhin eih suh aw,ka awm hi hmeichhe chak tak ini tih ka hria,ka pui zêl ang che" atih chuan ka en tlawk tlawk ringawt,mi â ang maiin ka melh ngai ka melh tlawk tlawk a.Ka mumang mai nise,ka mawl leh at man chu ka phur mek zawng anih hi.