TWISTED LOVE (CHAPTER-11)

[Hriatpuiii Hauzel]

Inchungah chuan ka chho nghal a,kan ṭhianho group ka en chu anlo rak leh chel chul tawh."Khawnge Lalrinpuii hi....hostel a chhuahsan dek dek a induh nghal ringawt" te an tia.Min lo sawi vak vak a.



"In ṭhiannu hmelṭha em em mai hi min lo ngai hman ani maw.Inleng te kan nei ve a" ka va tih chuan min ei lo hlawm ngawt ang chu.



"Lalrinpui engtik aṭang khan nge zahtheihlohna hi ilo neih tak a" Ruathlui chuan arawn ti a."Ka kawm aṭang che in" ka lo tifel then thung.





"Kan exam zawh lawm ang u" an tih chuan ka phur hle “Engtikah" kalo ti nghal a..Ruathlui chuan “Exam zawh chu a ho e result chhuah hun nghak zawk ila " atih chuan ka pawmpui leh hle tho sia






“Nia result chhuah hun nghak ila kan tihchhiat leh no more huau huau ani nga mahse kan tihṭhat leh yes huau huau ania nga" Muankimin a rawn tih chuan kan pawm tlang hle





Zanah chuan ka room ah phone ka khawih chu ka u in mi rawn tibuai reng a kawngkhar a rawn kik loh leh ramhuai thawm ang hi a rawn siam a min tihṭhaih a tum chiang lutuk






Ka hne lutuk chu a rawn kik leh hunah kawngka hawn thut a vuak tumin kawngka lamah chuan ka kal a,vuak na turin ka lotion bur pawh ka keng phei a






A rawn kik leh chu hawng thutin a hmai ah na lutuk tak mai in ka vua a,alo ṭe ṭhat...Tifuh inti lutuk hian kalo nui keh huam a mahse ka u a room aṭang a rawn chhuak ka hmuh chuan ka nui tawp hmak






Ka vuak pa ka zuk en chuan “Ethan" tiin ka zuk pawt nghal,“Ana lutuk" a tih chuan ka zak bawk si ka inthiamlo bawksi chu awm dan tur pawh ka thiamlo






Ka u chuan “Lalrinpui i mawl thei chet chawt lutuk" tih leh min nam sawn a rual a ka vaw na thawkhat aniang chhuatah ala awm reng chu ka u in pawt tho in ka room lamah chuan a hruai lut a





Ka u in “ice pack kha zuk la rawh" a tih chuan inhnuaiah rang lutuk tak maiin ka chhuk thla a ice-pack chu lain ka tlan chho leh nghal a






Aa hmel ka en chuan a mit ko chu duk tur ang hian a awm a,a mit te chu a sen in ka hria






Ka u chuan "Lalrinpui enge khatianga i tih reng reng" a tih chuan "Nangmah amaw ka tia" tim dai hian kalo ti a





Ice-pack chu a mit ah a chuan a dah a “A na em" ka tih chuan “na ve e" a rawn ti bul nghut ka inthiamlo leh zual





Ka u chuan “Inhnuaiah a chiahna turin tui ka zuk lum lawk ang,mahse kawngkhar kha khar suh ang che u" tiin inhnuai lamah chuan a chhuk a





A mit aṭang a lak thlak hnuah chuan a hmel en chiang turin a biang tawn tawn ah chuan vuan chungin ka en a,“Uii avan nasa,tihpalh lutuk aww" ka tih chuan nui sukin “a pawilo" a rawn ti a






A mit chu nalo te te a khawih sakin “Tian a na em" ka tih chuan “Tlemin na deuh" a rawn ti leh “Eng ti tih a mi vaw ringawt nge i nih a" a rawn tih chuan







“Ka U maw ka ti che a" kalo ti sup amah chu nui sukin ka hmui ah a rawn fawp zeuh “Tikhan a dam chiah" a rawn tih chuan kalo nui let ringawt





Min fawh leh atum chu ka u ke pen ri kan hriat avangin kan inthlah leh rang hle.Ka u a rawn luh chuan tuilum leh puan hi a rawn keng a







Uluk lutuk in a mit chu ka hruk sak a....Reilote hnuah chuan a haw ve leh a





Hun alo kal zel a result pawh kan nghak chhuak ve ta...Pathian zarah kan ṭhianho in distinction ah kan pass a lawm ve ngei pawh kan tum






Ka nu leh pate chu ka pa hna avangin hmun dangah an riak sawn a,Chaw eina ah pawh anlo kal thei dawnlo







Kan ṭhianho leh ka u te ṭhianho chu kan inah chuan chaw kan ei a,hmeichhe ho pawh chu riah khawm kan tum nghal








Tlai aṭang chuan rawngbawl chu kan ṭan nghal a,kan ṭhian mipa te pawh an awm veleh tawh..









Ms-a hmel ka hmuh chuan ka inthiamlo tlat ka luakkhum nghek tawh bawk sia...Ka ṭhiante chuan Ms-a nen chuah min chhaih zeuh zeuh leh nghal a nuamlo duh reuh ania aww






Reilote hnuah chuan Ethan-a pawh a rawn lut ve a Ethan-a ka hmuh chuan kalo nuih sung a,ani pawh chuan min rawn nuih let ve a






Ka ṭhiante chu fin ve ngei an tum a sitting room ah chuan an phei a, Ethan-a pawh chu a rawn phei lemlo a




Reilote hnuah kul sil tura kava phei chu ka kawngah min rawn kuah thut tu avang chuan ka phu nasa hle.Ka hawi let chuan Ethan-a alo ni a




"Min rawn hmu ange" ka lo ti vat a...."Eng nge pawi" alo ti sup a."12 izo tawh bawk sia innei tawh mai ila" atih chuan "Inneih hi sawi reng suh.Min chawm theih hunah te min propose anga....min ṭhawng ve thut dawn lawm" ka tih chuan "Eitur ah zungbun dah tah ila i lem duh hmel ropui sia" alo ti daih a.Melh rum hrawk pah chuan "Awww min nei lo tawp rawh" ka lo ti hmak a."Ka ti mai mai nihkha.Thinrim suh" arawnti vel a.



Kan ṭhiante thawm kan hriat takah chuan min thlah vat a."Awiiii....ṭhahnem ngai deuhin uakkkk" Tluangi chuan arawn ti phei hlak hlak a."I hmel kahmuh hian uakk" ka lo ti let vat.



"Karlehah picnic ang u" Thanpuii chuan arawn ti a kan lo aw sap sap.Picnic na a kan inchei dan tur te chu kan sawi vel mai mai a.Mipa ho chu an bo daih khawnge an kal pawh ka hrelo.



Varanda lam aṭanga an rawn in zui lut ṭham ṭham ka hmuh chuan an hmel ka en chiang a a ṭhen saw chu an ruih hmel tak zet Ms-a tiamin.



Ethan-a chu ka bulah arawn kal a hnar ka tum dat dat a."Ka in ve hleinem" alo tih chuan ka kutzungpui ka lo ti pir vah.



Chaw hi chu kan ei khawm ngun mawlh mawlh ania.Mahse anuam kan ti thei em em thung.



Chawi ei chu kan siam a nawi deuh deuh pawh kan awm.Chaw ei khamchuan sitting roomah kan ṭhu ṭhap a.Ms-a lah chu ala rui em em mai leh nghal.



Varanda a keimah chiah a ka lo ding lai chuan ka hnung lamah hian thawm ka hria a.Ka hawi phei chuan Ms-a alo ni a."Rinpui" arawn ti lawi rat a."Eng nge chher chhur ache....iva rui ve" ka lo ti nghal vat a.




"Ihh maw...ka duh lutuk che asin" atih chuan hre tawh tho mah ila sawi tur chu ka hre mai lo."Naaa" ka lo ti ringawt a."Aniah lawm.Ethan-a hi ṭhen la.Inngaizawng daih ang" tih paha min rawn hnaih hrut chuan ka lo tawlh let nghal dawrh.



Chutah ka inrin loh lai chuan min rawn kuai thut a ka hmuiah arawn fawp chawt.Ka ten takzet a,a awmah ka chum pawp pawp tal chhuah pawh ka tum nasa mahse a theih loh.Nichina ama bula ka inthlahrunna pawh ka sut nghal hmak.




Hnunglamah thawm ka hriat chuan ka nem pawp a ka hmui chu ka hru tawk bawk a,a pai chhat chhat bawk.Kawngkhar bulah chuan ka u leh Ethan-a anlo ding reng a."Ethan" ka tih veleh chuan a kal zui hmak.Ka u chu kan lamah rawn pen phei pawk pawkin Ms-a chu arawn hnek pawp a.Ka ten em vangleh ka ngei em avangin ṭhelh pawh chu ka lo tum chuanglo.




Midangin kan thawm anlo hriat tak avangin an rawn kal vat a ,an rawn pawt hrang thei hram.Ka ṭhiante chuan "Eng nge thil awmzia" an rawn tih chuan ka hrilh vek a.Ka ṭah vak ngailoh teh reng nen ka mittui rawn luangthla ringawt chu ka hru tawk a."Lamalsawma chu ka ngei lutuk ka va beng ve teh ang" tih pahin Thanpuii chu atho nalh a Tluangin azui ve nghal.




Muankimi leh Ruathlui chuan minlo hnem ve mawlh mawlh a.Inchhunga kan va luh chuan Thanpuii te chuan Msa chu anlo beng vak vak a."Iva zaklo ve a.Bialpa anei tih ihre renga chubakah a ṭhian ve ngawih ngawih inih kha" ati a.




Keichu kawngkhar lam chu ka pan thut a.Ka u leh ka ṭhiante min auh na pawh ka hre reng mahse ka kal lui tho.



Ethan-a te inkawt ka thlen chuan thawk ka la vang vang a,mahse ka ngam lo ka ngam hlawl lo ani.Ka inher chiah chu Ethan-a nen kan inhma chhawn ran a "Ethan khawngaih takin min ngaithla hram rawh" ka ti a "Tikhan kan inkar chu tawp mai rawh se" tih leh min kal pel in inchhungah alut zui daih a.



Ka mittui chu a rawn tla leh ringawt tawh,enga tinge ka ṭahbelh tak em em mai le.Inlam chu keimah in ka pan chhat chhat a.Ina luh pawh chu ka peihlo mahse kal na tur dang ka hriat miau loh avangin ka lut zui a.



Ka ṭhiante chuan min rawn kal hnaih vat."Riakkhawm leh lo mai ang u ka mu dawn" tih leh inchung lama chhoh ka rual a.Ka room kawngkhar chu khar ri bur in khumah chuan puan in ka inkhuh hlun a.Ka ṭap ta zawih zawih.



Zanlaiah chuan ka harh leh a khawpui hi ari dur dur a ruah ala sur buan buan zui.Ka room tukverh inkhar lo chu ka hmu a khar tumin ka tho vat.Pawn lam chu ka thlirleh te te a,van teh pawh khian ka lungngaihna min hriat pui ani ngei ang.



Van chu en in tihian ka phun sap a
Hriatloh karah min man bet a,hriatloh karah a zun in min kai a.Hriatloh karah hmangaihna ah min hnuk luta mahse kan inkalsan leh si.