Malsawmsanga chapter 7

[Agatha thangen]

" I Zia a zawi lutuk " Kan inkawtah Kan ding dun ran a , Christina a thlah hnuah min thlah ve chauh " chutiang pawh a ni chiah lo , i rawn lut kawi dawn em "? Ka ti nghal daih a , sawi thui vak ka peih lo



"Kawi tawh lo ang a tlai tawh em mai , ka thlen hunah ka rawn bia ang che " tih pahin min rawn fawp nghal fawng fawng a , ka rilruah thil dang daih a awm thung , rei pawh mi fawp lo chuan min thlah leh thuai a , a thlan Liam thleng chu ka thlir reng ringawt .




In chhung ka lut chuan a lo thim deuh thap tawh , light pakhat chiah alo eng tawh ,ka nu'n min lo mutsan tawh tih ka hrethiam mai , keipawh ka room lam pan chuan ka kal chho ve nghal a .



Khumah ka mut hnu pawh chuan ka muthilh thei lo , Malsawmsanga thusawi ringawt kha ka rilruah a awm


Flash back


" Hmeichhe vannei tak a nih dawn chu " ka rilru natna thup tum tak chuan ka ti chhuak sep a .


" Chu hmeichhia chu I hre duh em ?" Tia mi zawh leh chuan nat belh leh ka duh tawh loh vang chuan chhanglo in lam hawi chuan ka in hersan nghal daih a, ka thin tawt ut ut chuan thawk a ti harsa khawp mai , pen thum vel ka pen hman tia a thu rawn sawi a vang chuan ka ding nghal dat .





" Ka hmeichhe sawi kha nangmah lo ni tala ka ti a nih chu " tawngchhuah lawkna chang ka hre lo




" Min ngaihsak na a tih lan chang hian min duh ve ah ka ngai thin , mahse zanin ah hian min duh vang ni loin a school naupang ka nihna angin , a mawhphurna hlen tum a min ngaihsak a nih tih ka hre chiang tawh " ka bulah rawn ding in ka mit ah Chiang hian a rawn en a




" A nui hmel ka hmuh hian ralkhat atanga lo thlir in ka lo hlim ve em em zel , mahse engtikah mah ka ta a ni ve dawn lo tih ka hriat hian , ka thinlung hi chemte a chhun zawt ang mai hian a na ngawt ngawt thin . Siamtu dem chang ka nei thin ,'tinge ka neih theih ngai loh tur vei ngawih ngawih tur a mi Siam , tinge midangte angin ka duh ka neih ve theih thin lo ' tiin ka dem fo mai , zan tin ka suangtuah naah a mah nen chuan chhawngkaw hlim tak Kan din dun thin , mahse chu thil chu suangtuah na mai a ni , a tak ramah a chang thei dawn lo tih hre reng chungin , chu suangtuahna hlimawm tak chu ban San ka phal chuan lo " za lo deuh a nuih hawk pah hian a rawn ti leh sep a .






Han sawi mai tur ka hre lo keimah hi ka na ut ut in ka hria , ka thin hi a tawt nghal up up , chu chuan thawk a ti harsa , ka khawngaih ngawih ngawih a ni tawp mai , ka mittui pawh ka dang thei tawh lo , ka biangah chuan a rawn luang thla zung zung a , ka tah chhuah mai loh nan ka hmui hnuai ka pet fan fan bawk .

Ka lo na tak zet Keiin ka vei Aina sain min lo vei a , a suangtuah na ah hial chhungkua Kan lo Din a , mahse chu thil chu Kan din hmun in thlau lutuk avangin a pawitlin thei dawn lo tih hre reng chungin chu suangtuahna a lo hlim pui tawk em em zel chu nia .




" Sawmsanga"ka kuah nghal thlawp , a taksa khur ve dat dat ah chuan a tap ve tih ka hrethei , mipa meuh an tah tawh chuan an na thawkhat ve hle an tih thin .




" Lut rawh hmasa rawh rei an lo ti tawh ang che " min kuahna thlah pah chuan a ti leh nghal sep a , " I rawn lut ve dawn lo ami "? Melh chho ha pah a ka tih chuan " dawn e lut hmasa rawh " tih pahin ka darah chuan mi nam nghal dat dat a .




In chhung ka luh leh hnu chuan an choka lamah chuan pheiin , ka hmai chu ka phih nghal sawk sawk a , ka hmai hruk na tur ka hmuh mai loh avangin ka kawr hmawr lam chuan ka hru tawp a , bedroom a ka va luh leh chuan Christina leh Nunmawia chuan min lo en Chik dun ngang mai, mahse engmah an sawi lem lo chuan lo a



The end of flash back




Kar leh mai hi school tan a ni leh tawh , ka phur rual rualin ka huphur tel , kha mi zan atang khan vawikhat mah Kan la in hmu leh miah lo bawk .



Nunmawia erawh chuan Ninawm khawp in inneih a duh thu a sawi thung , Keiin ka la duh bawk silo tak hi ni buaithlak , Kan thu a in hmu hleithei lo .




" Mambawih Nunmawia hian in neih lam a rawn sawi a , keimah ni vang a nih chuan min ngaihtuah duh Suh aw , I senior mai dawn pasal te hi nei mai la a tha tawh zawk " Kan chaw ei lai chuan ka nu chuan a rawn ti nghal Siam Siam a .



Hah! Lalnunmawia mai mai chu ka hnar vangin ka nute a lo bia a ni maw ? Ka lungawi a awi lo ang reng khawp mai.



" Pasal neih ka la duh lo " lungawi lo deuh chuan ka lo ti hmuk thung .



" Palai rawn kal rawh se , Nunmawia nen pawh in inkawpna a rei tawh , an hmai zahawm zo zai , innneih an sawina pawh a rei tawh , I la naupang Kan tia , ka lo hnial zel a tunah chuan I upa tawh , palai rawn tir Turin zan ina a rawn leng chuan ka lo hrilh ang " ka pa chuan a chaweina thleng Seng pah hian a rawn ti deuh hmuk a .



" Ka duh lo " ka ti deuh tuar mai , ka nu a lo meng phawk nasa , tawngkam vin ka hmang ngai miau lo .



" Lalnunfel I pa ka nih hi I nei ang ka tih chuan I nei mai tur a ni " vin zet hian a rawn ti ve leh nghal tuar a



" Ka duh lo ka tih chuan ka nei dawn Chuang lo " tip pahin ka thleng chu thawh sanin ka room lam an chuan stepah ka tlan chho nghal hlawk hlawk a




Engvang nge tun a tak a in neih sawi reng hlawm nge an nih teh hrep ni , nidangah tiang hian an sawi ngai lo