CHHINGKHUAL D ALEX LIANSANGPUIA CHAPTER=29 (last chapter)

[Dream lover]

CHHINGKHUAL D ALEX LIANSANGPUIA CHAPTER=29 (LAST CHAPTER) BY:DREAM LOVER.





December thla tir ani a damdawiin kan chhuah atang thla tam tak chu alo kal leh duai tawh ka taksa lam pawn that lam apan ve zela,ka hriatna lam erawh in ngai ala awh thei loa,ngai ka awh leh theih nan ani télin bei ve thin mah ila hmasawnna em em han sawi tur a awm rih lo.




Ka hun liam tawh ngaihtuah chhuah ka tum apiang lahin kha thla tam tak liam taa ka mumang a,a hmel ka hmuh theih loh khan ka ngaihtuahna aluah zui ziaha.Mumang mai mah ni sela,athusawi te kha tun thleng hian atak ang chiahin ka thinglungah a la fiah em ema,arím mawlh te kha ani keimaha la chàm reng chu.


Mahse thil pakhat ka hriatthiam theih miahloh ka mitthlaa lo lang chhunzawm nghal zat thin chu tuna ka bula awm mek alex liansangpuia hi ani.Ka mumang nen khan inzawmna annei tlata hriatna ka neia,chu chuan  ka rilru ati buai rú fo thin bawk.




Vawiin hi doctor in damdawiin lama incheck up nei tura min tih ní ani a,ka ni te nupain kalpui min tuma,mahse ka lo hnial thung.Achhan pawh nutling fa pakhat nei ka ni ve tawha,buaipui ngaia han awm lehzual vel chu ka duh lo.Bakah damdawiin ka awm lai atang tawhin min buaipui nasa tawha, han tih buai leh zual chu ka duh tawh rih lo ani ber.



Thut pidana kan thut khawm lai chuan ka ní thusawi mek avang chuan ka ep chiaha thú chu ka lo melh kal a,ani lah chuan tawi te in min lo nuih suk ringawt.

"Apatea nen kalpui kan tuma aduhlo tlata,amaha han kal tir tawp chu kan ngaj ngam chiah loa,kan lo ti buai tawp che"ati a.

"Aho lutuk,Hna lamah hmanhmawh thlak em em a awm chuang loa"tih chuan alo chhang leta.


"Anih chuan ilo thlenna arei tawh sia,inkal nghal mai dawn mi niang tlai lutuka kal te kha traffic zam ah in tang rei mai mai"ka ni pasal in alo tih ve thung chuan "joson-a atel ve dawn chuangloa,keimah pawn ka kal thei tho ang"tih chuan ka lo hniala,alex-a lah chuan min lo melh túr khai thung.


Aní nena kal dun vel chu ka duhlo lam anilo.A hnaiha ka awm apiang hian ka chhungril ah hian chàm a awm tel tlat thina,chu chuan min tih buai ruk ziah vang ani.




Ka lo hnial na chu ka ní te nupa chuan an lo pawm lo nasa mai. "Midang rin ngam tur an awm lo" tih chuan min nawr lui tlata,hnial zui zel chi pawh ani tawh lo chuan ka hria.Huphurh ru deuh chung chuan damdawiin lam pan tur chuan kan in zui chhuaka,acar dahna kan thlen chuan ka lam chu arawn hawi leta,chík zeta min en vung vung chung chuan "ilum tha em" ati a,a àw atang chuan min ngaihtuah zia ka hre tel bawk.




Tawngka a chhang lo chuan ka lo bu nghat a,ka thutna tur pan mai ka tum a "ikawr lum hak kha apan mah mah" atih leh avangin,pén sawn mai lo chuan ka ding leh rih.Ka rilru ahmanhmawh ru viau tawh tun ataka sawiselna tur ahria chu ka ning hman lek lek.





Amitah tak en chung chuan"kan kal vat dawn loh chuan taxi ka la mai ang"lawm vak lo deuha ka tih létna chu "mi nuih ta suka,mahse areilo

"Teuhlo ka dam chhung chuan tumah iin phurh tir angai lo ang".ati nghet charha,amitmeng atang pawn atih tak zia ahriat theih.


Motor kawngkhar chu apawt hawng nghal raka thu lut tur chuan min ti zui bawk.


Ka thutfel rual chiah chuan min rawn kun hnaih nghal zata ka hmui chu arawn si tep.ka inring lo lutuk chu ka mit ka lo chhing zui nghal tawp,ka taksa te chu  atang nghal túng a, "Nang hih eng nge tih itum"bah deuh nuaiha ka tih chuan ka hmai zawn chu arawn lum nghal papa "min nuih hak" anih chu.


Chutia min nuih vel chu ka ngei thei thaklo.
"Kalsawn teh tih pah a,a àwma ka nam rual chuan tum lo deuhin kan hmui chu ain si zui  thàn a,mitmeng chu lian duh tak ani.Ka meng bial nghal kawk.




In lak hran ka tum rual chuan rang zetin alamah chuan min pawt hnai leha,akut dinglam chuan ka tukhum ah min dawm zui nghala,ka hmui chu ahmui in akhar chilh zui hmiaha,aduhthawh viau bawk.Ka lo thaw tha thei lo lek lek tawh.





"Ka dul rawn zen luh mai atum leh chuan ka kut chuan ka lo dang zui ta vata,"duh tawk rawh,eng nge ihriata" ka ti hràka, athil tih tum mek pawh chu achawl data,ain la hrang nghal vat.Ka lawm loh zia pawh chu ka àw atang chuan ahriat tel ka ring bawk.




Chutah"Ka biang tawn tawna rawn vawn atum leh rual chuan akut chu ka lo vai thlak sak nghal thawra,a àwmah chuan ka nam zui nghal rak raka,rang zetin ka ban rek chu alo chelh nghet thung.


Ka theih tawp chhuaha tàl chhuah ka tum ve nate chu hneh lo tak ka ni."Min thlah rawh keimahin ka kal dawn"thinrim àw khur dar dar chunga ka tih na chu "rum zetin min melh a,min vín zui hrep duh hmel te pawh apú ka ti".


Engmah sawi lo chuan ka ban rek achelhna chu athlaha,chhuk zui mai ka tum chu rang zetin min nam lut leha.Motor kawngkhar chu na zeta akhar rík chuan min ti phu zui zat bawk.


Driver seat ah chuan arawn thu lut zui nghala,motor gear aherh kual rual chuan kan tlàn chhuak zui nghala,ka mit sir chuan a àwm dan vel chu ka lo en zui pah reng.


"Tih palh tih tawngkam khat pawh ahmang lo chu  ka lo haw zual hlura,alak atanga ka phut chu ahnen atang chuan chhuah loh hmel tak ani.



Kan inhriatna ala rei lo nen ka laka ahuangtau lutuk te chu.Keh hrep ka chak zik zek.A rilru chhungril ah te hian eng nge awm ve ang le tih te chu ka ngaihtuah neuh neuha,ami úapte lah chu ana em ema,ka fapa leh ka chhungte lakah lah húhàng angah em ema,achet zia thleng hian ka chhungte ho zawng zawng lakah an mit atlung ani ber.


Mahse ka chhungrila kim lo awm a ka hriatna te kha ka bul hnaia a awm hian kim tlata inhriatna ka nei lawia,ka hahdam ti ila a sual lo ber ang.Tu chu nge inih chiah le ka ti chhuak sepa.






"I la hre mai ang"ti a min lo chhan chuan" mak ti lek lek hian ka lo en hau a,achhan pawh ka hriat tham tur leka sawi ka nia engtin nge alo hriat phak ni.A ri hriatna chu atha mah mah.


Damdawiin kan thlen thleng chuan kan inbe chhunzawm ta miah lo bawk.





Garage ah motor ahun fel hnu chuan achhuak zui a,ka thutna lam chu rawn hel kual in ka zàwn ah chuan arawn dinga,kawngkhar ahawn rual chuan "lo chhuak rawh" ti zui sepin min en a.




Ka chhuk rual chuan "lo nghak lawk tih pah chuan acar chu alocked zui nghala"chutah abàn dinglam rawn lék chhuakin akekawr ipte azen zui tharha,aban dah rem sa chu thlek zeuhin"Chelh rawh tah hian" ati zui sep bawk.




Nichin mai a achét dan zawng zawng ka ngaihtuah let chuan ka ngei thar leh riaua,"Angailo" tih chuan ka tang ve tlat.







Chutah nin hmel zet hian arawn thaw chhuak haka,ka ban rek chu rawn chelh thutin a la kàng nghal vuta, aban chu min chelh luih tir hmiah.



"Lak sawn ka tum rual chuan " kal ang" tih leh min kalpui chu arual nghal a,"Hey" tih a tawng zawm mai ka tum chu rang zetin min rawn kun hnaiha, akut zungchal chu ahmui zàwna dah pah chuan tawng tawh lo tur chuan min khap zui nghal hmiah.






"Nó lo zet chuan ka lo melh nghek"vawiin chiah ani tho tih chuan ka thinrimna te chu ka inhnema,atih dan dan a awm rih chu ka tih theih ani rih arei tawh dawn chuang lo tih chuan ka inbengdai rih tawp.



Inkai rial chung chuan receiption counter kan pan pheia, lo awm ve ho chuan min enduh riauin ka hre lehnghal.Hmuhnawm kan siam emaw tih tur khawp in kan che vel chu min en zui ani ber.






Counter kan thlen chuan "nurse pakhat lo thu chu ka bul ami chuan abe zui nghal mawlh mawlha"anin biak na vel chu ngawi rengin ka lo ngaithlaa,in hresa te pawh an ang.Hna lam vel an sawi kai lai chuan ka lo ning ru hlea,inlamah ka fapa ka kalsan a ka hmanhmawh tawh.ka tih ngaihna hrelo chuan a pheikhawk chhip ah chuan na zet in ka rah luih saka,chutah rang zetin min rawn en vuta,athinrim dawn emaw ka tih laiin min nuih ta suk anih chu.





Chutah Nurse chuan min rawn ena,min nuih sàng pah chuan "iva that tawh hmel ve ihmel pawh hmuh anuam tawh lutuk,doctor pawh alo thlen tawh kha va kal tawh ru"tih chuan min lo bia a,tawi deuh taka nuih let pah chuan " nia tha animai kan hmanhmawh a kan kal nghal mai ang" ti a ka chhanna chu ka bul ami chuan ahrethiam aniang chu engmah sawi belh tawh lo chuan doctor office lam chu min pan pui zui nghala.


"Remchangah kan la inkawm dawn nia"nurse duty in atih létna chu.Liansangpuia chuan achhang let loa, mahse nuih tawi tak pah chuan alu abuk khum zeuh ringawt.




Office chhung kan luh chuan Dr.jerald-a min enkawltu chuan min hmuh rual chuan hlim sàng hian min lo nuih vara,ahmel hmuh ahah dam thlak tak zet.Doctor ka hriat tawh azawnga biak nuam adamlote ngaihsak thin em em kha ania,tun thleng pawha ami zia ala ngai reng chu mi Pakhat atling ve hrim hrim.






Athutna atanga adin rual chuan"lo thu ru" tih pah chuan ahma zawna thutna ruak lo awm chu min lo kawhhmuh nghal sawk sawka.


Kan thut fel rual chuan "ka dinhmun te min zawt zui nghal mawlh mawlha"uluk taka ka thusawi angaihthlak pah chuan Ka b.p te chu acheck  pah nghal mawlh mawlha.





"Damdawi chu ka chawh rih lo mai ang che,ka chawh sa che i ei zawhah i awm dan azir zel in kan inchawh zawk dawn nia" tih chuan min hrilha.


"Awle"

"Anih thil hriat belh te inei tawh em"? Ti a min zawh lehna chu chhang ta mai lo chuan "ka ngaihtuah zui nghal rauh rauha" ka chhungril awmdan chu ka hriaa,han sawi fiah dan tur mai ka thiam lo tlat ani.A ruh lang rawt rawta sawi mai tur em mawni ti a ka inngaihtuah buai lai mek chuan




Ka bul ami chuan "ka kut chu arawn hum hnan nghal vata" amah ka en chuan "hahdam rawh ti niawm takin alu alo bu nghat a,sawi rawh" ati chhuak sep bawk.




Chutah doctor lam chu enin "ka awmdan zawng zawng chu akip akawi awm lovin ka hrilh fai ta veka" an pahnih chuan anlo ngaithla uluk khawp mai.



Ka sawi zawh rual chuan doctor chuan  "hma iva sàwn ve alawmawm"ahmela beiseina lang chhuak khawp chuan ati a.


Ka sawi leh hma chuan ka bul ami chuan "Engah chuan nge hma asawn a" tih chuan azawta,ka zawh tum tak ani.Amah zawk in azawt ta daih chu mak ka ti hran lo. kan ngaihtuahna ain ang ve animai.




Doctor chuan "Thla tam tak kaltaa amumang ami leh achhungrila a awm dan zawng zawng te ka khai khawma,inzawmna anei.Ahmel hmuh theih si loh chu ihrethiam mai ang ngaihtuah la,chupa pawh chu ahmel atak ah ala hmu ngei ang tih ka beisei tlat".tih chuan ka thilsawi zawng zawng chu asawifiaha.







"An pahnih hmel ah chuan  keimahah beiseina an neih san dun hmel nghal khawp mai.




"Tikhan thla thar ni hmasa berah incheck-up turin in rawn kal leh dawn nia" doctorin atih lehna chu"Ka tha vek tawh lokal leh kher chu angai dawn ami" tih chuan ka lo chhang a.



"Ngai e,ila tha chiang hleinem" tiin ka bul ami chuan alo ti leh khauha,ka lo melh nghek ringawt.




Chutah doctor chu rawn tawng chhuak zui in "thla thar tira ka check leh hunah che iawmdan azirin kal angai tawh lo ang.Huphurhna tur a awm lo".tih chuan min hrilh a.

        Tawng kama chhang lo chuanin "ka lu ka bu ta nghata"

ka huphurh lam aniloa,hma ka sàwn em em ka in hre siloa,tulloa pawisa sén vak vak ka duh tawh lo ani ber.Bakah  accident ka tawh hnu khan liansangpuia'n ka dawmdawiin bill zawng zawng leh min enkawlna tun thleng hian aman atum vek ani tih ka ní in min hrilha,ka hriat hnu atang phei kha chuan alakah ka inthlahrung a,chubakah ka lakah beisei anei ang tih mawlh chu ka hlauh ani ber tawh.


Nilo tun hnaia acheziaah ka lakah beisei anei ani tih ka man thiam vek tawh zawk.




Ka lakah leh ka fapa lakah ahuangtau zual zel loh nan"Apawisa kan hmansak zawng zawngte chu rulh let vek ka tum nghet bur.Chuan tun atang hian kan nufaa min hnim hnai tawh lo tura tha taka hrilh chu ka duh bawk.







Ka hriat tur ang zawng zawng te ka hriat hnu chuan damdawiin chu chhuahsanin  in lam chu kan pan zui nghala,thlí lah chu ana em em lehnghala,ka thutna zàwn tukverh chu hawn chi zia zàng anilo.Hnah thel leh lei inpawlh chu boruak ah aléng chuai chuaia,dawr nei ho lah chuan an bungraw neih ang ang te  an seng fel sap sap chu ka va hmu bawka,ka thutna car chhung atang chuan vàn lam ka thlek chho leha,ka hmuh theih chin zawng chu tlém viau mahse ruah thimpui chu ahnai riauin ka hre  bawk.




"Lock rawh kawngkhar kha"liansangpuia'n min melh zawk paha atih chuan "Ka locked vek tawh thu chu ka lo hrilh leta.








"Kan nghak rih mai dawn mi tih pah chuan acar khalh lai chu ati ding zui data,ka chhanna hre duh niawm tak chuan ka  lam chu arawn hawi nghal zat bawk.





"Ka fapa in min lo nghakhlel tawh lutuk ang.Rin aiin kan rei ta sia tlàn tlang mai rawh,bakah thli reh hun deuh nghah chi anilo.Khaw awmdan hi en la,ruah thimpui ain mun chho mek anih hi"tih chuan khaw awmdan vel chu ka hrilhfiaha,




"Ka hria alawm,mahse tuna i awm dan kha in en la,ihlau anih  kha" min nuih zat àw lek leka arawn ti leh kher chu "min ti lawm lo leh tawh".Ka tum zui deuh bàr a,chutah "ithinrim ami"tih chuan min la zawt ta deuh deuh.


"Ka awmdan vel zawng zawng leh ka chhungril ngaihtuahna thlenga achhiar thiam em em chu min ti lawm lo zual.Hepa pui reuh hian min hrechiang mah mah bawk.



"Kan kal dawn nge,ruah thimpui in mun karah thlí in icar mawi tak nen hian min lén bo se iduh zawk" ka ti hul haka,ka àw atang chuan ka làwm lo tih hre tel se ka duh bawk.




Chutah ahma ai maha mawi em em hian min nuih  let suka."Min lén bo tur khawpin achak tawk lo" ti a min chhan  chuan "ka nui chhuak ta hak.



Hriat thiam loh hmel zeta min en reng chung  chuan achal ati chuar zui nanga,"sawisual ka nei ami" ati zui zat bawk.




"Nang ang za rual pawh thlí in alen bo thei ang chu" ka tih leh chuan "Ka hmangaihna che aia chak tawk khawvelah a awm lo" tiin intu ha lo deuhin min chhang anih chu.




Ka nuih aza lutuk chu ka insúm thei lo lek lek a,alaka ka thinrimna te pawh kha an bo zo vek nimai hian ka hria.



"Min nuih ami" atih pah chuan amotor gear chu a athlak kuala,atlan chhuak zui leh nghal zat bawk.




Chutah Ka nuih insúm  zo tawh lo chu ka kà hup meuh chuanin ka la nui dír ngar ngar a,amah pawh ka en tha ngam tawhlo.



"Nang hi eng nge ihriata,nuihza a awm ami" atih lehna pawh chu  ka nuih chhuah hak ka hlauh avangin ka ngawi ta tawp.




Chutah a àw thian zui leh  kharhin "zanin chu ka fapa ka lo riahpui ve ang" ti a asawi chu min dil ani zawk mah.Ka chhanna nghakin ka lam chu alo hawi zawka,amit ko asan pah zeuh bawk.






Athil min dil avang chuan ka nui hmel chu atawp nghal riai riai a,ka chhungril chu thinrimna chuan min tuam nghal hlup hlupa,mak tih na chu ka nei tel bawk.



"Atheihloh,mi hrang lakah ka fapa ka riah tir ngailo"ka ti nghal thawra.


"Mi hrang ka ni em ni" ti a min chhan chuan ka thinrim zual sauh a, "ka fapa nen kan inkarah lo inrawlh tawh suh tun hi atawpna ni rawh se" ti a ka chhanna chu thu tawp ani.A tu amah mah chu kan tawng chhunzawm tawhlo ve ve bawk.







Reifé kan ngawih dun hnuah chuan tawng chhuak hmasa ah rawn tang lehin "Atawpna tih chu ichiang maw" ati zuai raiha.



"Aw chiang chuan imi ngaihsaknate avangin ka lawma,mahse ka rul lét leh vek ang che"ti a sawi zawm leh mai ka tum chu min lo pawt chata "Phút lét neiin engmah ka tilo" tih chuan alo insawifiah nghal zata.





"Phút lét ineilo ani maithei mahse kan chunga ithatna zawng zawng te hi ilakah leh i chhungte lakah inthlahrunna keimahah min siam zual ting,ka hmuh theiha i awm zing pauh leh ka nun iti chép zual,vawikhat mah lokal tawh ngai suh.I hmel pawh rawn inlan tawh suh. ka sawi zawh rualte chuan thàwk ka la zui nghal sek seka,ka thàwl deuh hawkin ka hre bawk.






"Atawk e,mahse thil pakhat" atih rual chuan kan inkawt kan thleng chiaha,car chu ti ding in ka lam a rawn hawi a,atawngchhuah hun ngaichàng chuan ka lo en ve reng bawk.





"I inchhir leh na tur in engmah ti suh ang che.Atawpna chu siam mah la kei chuan ka lo nghak reng ang che.Mahse ka fapa tan chuan engtik lai pawn apa hi ka awm reng ang" ati chhuak sepa,amit sén rúm leh abek sir tawn tawn  thisen zam rawn pawng talh talh te chuan a rilru na chu ti lang chhuak lo turin ain súm ve hle ani tih ahriata.






"Chhang zui tawh lo chuan motor atang chuan ka chhuah sana,ruah lah chu atla tan dér mai.Hmanhmawh zet chuan inchhung lam pan chuan atlàn in ka tlàn nghal a,kan kawngka bul ka thlen chuan lut mai lo chuan ka chawl data,amah en tum chuan ka lehhawi zui zata,mahse alo kal hman tawh.


"Akal liam ta chu,ka veng ta huai dawn emaw ka tih laiin keimah ah min mawlh tlattu la awm hian ka inhre zui tlata,engvanga hawi let leh kher nge ka nih pawh ka inhrethiam lo.Ka duh ru ve deuh chu ani angem?ààà teuhlo emai ka tawngkhum hrep tawh hnuah tiang hian rilru ka pu theilo hrim hrim.Tunah te chuan ani pawn min haw viau tawh zawk ang chu"tih te chuan ka ngaihtuah zui neuh neuha.





In chhung ka pén luh rual chuan ruah chu abuak in arawn baw ta hawk hawk a,current lah chu athim zui hmiaha,thut pindan lamah chuan ka ní te nupa pawh generator on tum in an lo phe buai dun nasa mai,ka fapa lah chu thutthleng seiah apuan sin lai zawng zawng nen chuan alo in lukhup zui hmàna,khawpui rí vel ahlau leh tawh ani chék ang.







Ka ní in min hmuh rual chuan"ihuh hman lo maw,mahse tinge nangmah chiah"tiin ka hnunglam chu arawn thlék zui nghal dàk dàk a.




"Ahmanhmawh deuh aniang" tih zawng chuan ka chhanga,chutah jason achuan "yes current kan nei ta" ring fahran chuan arawn ti that a,ain lukhupna puan chu ahlím zui zat bawk.




"Apu ivan thiam" tiin ka ni pasal apà lam chu a en zui zawm leh zata.Jason atawk tiin bengchheng lo tur chuan ka lo khap zawm nghal vata.



Chutah phur fahran chuan"Anu eng nge min hawn apa alo haw ve lo ami" tih chuan min la zawt ta deuh deuha.




"Haw ve lo,chuan bawihte engmah leina hman a awm lo,naktukah khua athat chuan kan pahnihin kan lei dawn nia" tih chuan tha takin ka hrilhfiaha.





Thutthlenga ka thuhfel rual chuan ka nite nupa chuan doctor min lo tih dan vel chu min zawt zui nghala, "hma isàwn ati,thlathar ni hmasa berah lokal lehla,chuta check up result azirin lokal angaiin angai tawh lo ang" ati a ka tih chuan "Ava tih zia ve damdawi chawh belh che anei leh reng reng em"ka niin ati leha "min chawh sa ka la ei zawh rihloh avangin tul ati rih lo" ti a ka chhan chuan "athat chu,idam chian bal hma chu hetah in nufaa inla awm ve rih angai anih chu.I patea nen pawh kan lo sawi dún tawh a" atih leh na chu  ka lo inthlahrúng ru khawp mai.







"Han buaipui ngai em em ka ni tawh chuangloa,doctor berin hma isawn ati tawh bawka,kan khaw lamah haw chhoh rih chu atha zawk ang.Bakah kan ti buai nasa tawh che u emai" ka tih chuan "mai maia, damloh nikhua te chuan chhungte bak tih buai tur an awm chuang hleinem"ka ni pasal chuan alo ti ve leha.






"In check-up hun leh ni tur asawi ala hla thoa,tha tharin kan lo chhuk leh zawk ang"tih chuan ka la tang ve tlata,





"A hau tak mai mai, bakah inu leh pa hnenah pawh adam chian hma chu kan lo haw tir lo ang kan ti vek tawh.inaute ho lah hna neiin khaw dang ah min awmsan veka,anaupang ber lah inah a àwm tam bawk siloa" ti hian iní nen kan khaw har tur min awmpui ve rih animai" tiin ka ni pasal chuan min chelh lui ta tlata,ka ni lah chuan alo pawmpui nasa khawp mai.An nupa chuan in ngen tak té in min ngen zui ani ber.







A tih ngaihna tak pawh ka hre tawhlo.Ka nu leh pa an lo hrilh vek tawh si chuan  han hnial zui zel chi pawh ani tawh lo.






Rokhawlhna dang a awm loh chuan thlathar in check-up zawha haw tur chuan thu ka ti tlu ta tawp ringawt.





"Anih chuan chaw ei te kha kan peih tawh lawm ni,generator an off leh hmain zan riah ei phawt ang u" ka ní pasal chuan ati leha,inthlak fel hmasa ta lo chuan choka lamah ka ní nen chuan kan inzui pheia,chaw ei dawhkàn chu pawt chhuak hmasain zanriah chu kan siam zui nghal ta malh malh.





Ka Chaw khawrh lai mek chu ka ni chuan min rawn chuh zui tharha."I patea te ho va ko  zawk rawh.Chaw ei siam turin min tia kan siam ta chénga lokal nachang pawh an hriat leh tawp loh hi.Mama pawh kha aroom ah a awm ang lo ko nghal rawh.Tun hnai chho hi azia athlaka,amu cherh cherh reng mai"ati zui bul bul a.






Ko tura thut pindan lama ka pan phei chuan mama mú pawh chu aroom atangin arawn chhuak ve chiaha,"chaw ei kan peih tawh lo phei ru" tih chuan ka hrilh nghal zat bawk.





"Jason alah chuan ka ni fapa auhriata ahmu chu alo phúl leh nghal chiama,hriata
lah chuan pawm kàng nghal zatin adàr ah chuan akoki chhuan zui a,an thawm chu ring tha tak ani.






Ka ní chuan "ithlauh palh ang nge dah thla vat teh chaw hi rawn ei vat vat mai teh u" alo ti nghal thúla,hriata'n alak thlak dawn chuan jason-a'n alo la duh lo nasa mai.



"Jayson,eng nge ka sawi thin khah"amit a en chunga ka tih chuan "atúm zui deuh bàr a,ka mit ah chuan min en tha duh lo,hnuai lam amelh zui daiha,"ati tàú nghal ti tih anih chu" in thlém pawh aharsa leh viau ang.







"Hriata zawk chuan ati tau chu engtin tin emaw ni athlém zuia,anin ti lungngawi ta aniang "dawhkàn kíl pah chuan chaw kan ei zuia,super man chungchang te an sawi dún leh teuh tawh.



An pahnih ti ti chu ka ni te ho nen chuan kan lo ngaithla ani ber.A khàt tàwk in ka lo nuih pui leh suk suk a,hriata pawh hi tlangval ve tawh viau e tilo chuan ati ti duh zawng chu naupang chhia ve tak ani.






"Eng nge ingaihdan" achaw bar mawlh mawlh paha ka ni pasalin atih chuan "Eng chu maw" ka lo ti hé hàw a, "I ngaithla ve reng emaw tia" ka ni chuan alo ti ve leha,ka lo bo tulh tulh thung.




Chutah Inthiam loh deuh chung chuan "Jason até pahnih ti ti ka lo ngaithla tui lutuka,isawi ka lo hre fum fe chiahlo.Sawi tha leh teh" tiin ka ní pasal chu ka zawt nawn a.




"Eng lo ania,naktuk chu liansangpuia te inlamah va léng phei ula iní nen hian ka ti deuh mawle,in lamah tih tur a awm chuangloa" ti a asawi nawn na chu "ka thinlung chuan "Aih" tiin achhanga ka kà erawh chuan asawi chhuak thei tlatlo.






Asawi zawm lehnaah chuan ka ní te nupa chu liansangpuia nu leh pain léng phei turin an lo nawr ani awm e,thu pawimawh sawiho tur anneih thu te chu an lo chhuan lam anih hmel bawk.Mahse ka patea zawk chuan ahna lam thilah pawimawh a awm avangin atel theih dawn loh thu chu asawi zawma,kan ní leh ka fapa jason-a nena kan pathuma va léng phei mai tur chuan min ti a,ka chhanna lah chu ala ngaichàng renga,ka ngaihtuah rauh rauh hnuah chuan "ka ní va kal mai rawh se" tih chuan ka chhang ve ta hram a,apawm loh hmel khawp mai.






"In nufa hi alawm hmuh cheu a,biak che u an duh ber"ka ní chuan alo ti zui hlaka,ka patea chuan alo khap zui vat.




"Engkim hrilh tlang law law mai rawh akal duh dawn chuang lo" ti a arawn sawi leh chuan "hei hi lawm hmeichhia in lo inrawlh ve thin buai thlak na chu,thuruk vawng thei lo lutuk mai" tih chuan ka patea chu aphun zui deuh hluka.





"Rinsangi hi atét té atangin ka awm nasa vea,amizia hi ka hrechiang lutuk.A duh lohna ah chuan tuman anti lui thei ngailo" ka ni chuan ati leha,anin hnial zui deuh bap bap ani ber tawh.Ka ní te nupa inhnial kan awm achin ka vawikhat hriatna ani a.


Chu pawh keimah vang in an nupa karah inhauhna ka chawk chhuak ani ringawt alawm.Liansangpuia leh anu leh pa vang vek.Ka chhung leh khat te thlenga an duh duha,an rilru an lo kawih danglam sak chu ka thinrim na ati zual a,ka bul hnaiah awm phei sela chuan asam tíl ur ur khawpin ka kék nek ang mawle. Mahse ka ni te nupa lakah erawh ka inthiam loa,ka inthlahrunna pawh azual telh telh.








"Nakin ah tha tharin kan ngaihtuan tha mai dawn nia tih chuan ka patea'n thu ati tlu ta zui tawp a" tumah chuan engmah kan sawi tawh lo kan ngawi zui dàk a,kan pawm tlàng ni mai aninag chu.






Zanriah kan einate ka tih fel zawh chuan ka ní te thut pindan thlang lam bathlàr ah chuan ka chuang chhuaka,zan tir ala nih avangin ka dinna zàwn thlang lam kawngpui pawh motor nena veivak hmuh tur ala awma,kawng kal te pawh hmuh tur an awm zui nak bawk.





Tlai lama khua achhiat ngaihtuah chuan zàn boruak lah chu athíang kàk a,van lamah chuan arsite chu an dé siar siar a,amawina ti belh chhah tur lahin thla lah chu aéng bial kal a,hei hi em ni an sawi thin "Chhawrthlapui" diktak chu niang le tiin ka inzawt zui sepa.






Ka ngaihtuahna chuan ka hun liam tawha ka hriattheih tawh loh thil tam takte chu chhuikir tumin ka insawr bing a,engmah lah chu hriat belh ka neilo,mahse ka chhungril ah hian min mawlh tu lian tak a awm tih zawng chu tuna ka hriatthiam chin chu ani.





Chík zawka chhui zau ka tum apiang lahin "ka mumang a tlangval palian tak ahmel hmuh theih siloh.A rim chiah keimaha la chàm "zàn par rimtui" ti a an sawi thin ngei mai kha ka ngaihtuahna tàwp khar tu ani ziaha,keimah min mawlhtu lian tak awm nen hian inzawmna annei tlata hriatna ka nei tel bawk.






Chung zawng zawng chuan atak ram min hruai lút thei mai angem tiin van lam hawi chuan ka phun zui sep.







********************************************
A TÚK ZÍNG






"Inrinni zingte ania Vawiin chu jason-a nen tei harh pahin bazarah chaw hmeh vel in va lei mai dawn amawn le" ka ni in apangpar tui apék mawlh mawlh paha min zawh chuan "arose khawi eng nalh zet mai chu ka lo thlék kual a"





"Ka hman tho mai,mahse eng ang nge in lei thin ka hre siloa" tih chuan ka zawt leta.





"Duh zawng em em kan nei hran lo kan khirh em em loa ipatea nen hi chuan naupang ho lah tih ang ang an ei thei ve mai zela,kha lamah kha chuan ngaihtuah hranpa vak kan ngailo.I duh duh tha itih ang ang leh iei chàk zawng zawng kha rawn lei la atha animai" ti a min chhanna chu "ka lo bu nghata" mahse mahni ei duh zawng chauh lei erawh ka tum biklo.Kan in chén chilhna arei ve tawh a,an pahnih duh zawng chu ka hre mai chuan ka ring.









"Va insiam la jasona pawh va siam rawh" atih leh chuan insiam hran pa vak ka ngaihloh thu chuan ka chhanga,"ka fapa siam tur zawk chuan inchhung lam ka pansan ta zawka".





In chhung ka luh chuan jason-a hmuh mai ka inringa mahse a awm lo,ka ní fapa hriata pawh alo awm lo.Thut pindana thú ka patea ka hmuh rual chuan "khawnge jasona te pahnih hi" tih chuan ka han zawt nghala.






"Inchung pindan lamah an thàwm arin viau kha,han en chhin teh" ti a min chhan chuan "inchung kailàwn lam chu ka pan chho nghal zata".






Kan pindan ah chuan ka en hmasaa,an awm lo.Hriata pindan lam pan chuan ka kal leha,an awm ta chuang lo.An thàwm pawh hriat zui tur zuk awm miah loa.





Inhnuai lam pan bawk chuan ka chhuk thla a,ka patea chanchin bu lo bih mek chu ka be buai leha,"inchung lamah pawh an awm lo,khawnge an kal ang le,an chhuah lai ihmu em" tih chuan ka han zawt leh a,ani lah chuan engmah hriat aneih hmel loh nasa mai.





"Tun lawk khan anin ti ràk chel chúl a engtik laiin nge a lo chhuahpui hmana,iní nen pàwn lama awm zawk innia an chhuak laite chu in lo hmu zawk lo em ni" tih chuan min zawt let zawk ta he haw a.





"Avan buaithlak tak" ka ti lai mek chuan " alén hlat pui lo ang.An lo haw ve leh mai ang" atih leh chuan "ka ní in bazar lama min tirh thu vel chu ka hrilh a" chutah rawn tawng lehin "han phone chhin teh hriata kha" ati a,
A pindan lama aphone adah thu chu ka hrilh zui zata.





"Avan buaithlak leh zel ve aw,nangmahin va kal mai rawh naupang nen chuan bazar atawt si ati buai mai mai ang che mama pawh chu lo haw sela ka lo hau ang nge engmah sawi loa,lo chhuahpui daih mai" achanchinbu keu lai khup meuh chuan aphun zui bul bula.






"Hauh kher angai chuang lo.Alo haw pui ve leh mai ang achhuak khat sia tih thuah hruai kan tum ve mawle" tih chuan ka chhang zui a,bazarpui lam pan chuan ka chhuak zuia,pawnah chuan ka ni alo awm tawh loa,vawk ràk teng teng thàwm ka hriat rual chuan "vawk in lamah" a awm anih ka ring thiam nghal mai bawk.








Kawt kaia ah chuan dingin ka lam pana taxi lo tlàn chu ka lo phar zui zata,ka zàwna alo din rual chuan driver chuan ka kal duhna min zawt nghal a,bazarpui thlenga min dah tur chuan ka lo hrilh zawm zata,kawngkhar chu hawng in ka thu lut zui nghal tharh bawk.







Ka ní te in leh bazarpui inkar hi a akawng akual tih mai loh chu ain hlat lutuk loa,mahse kea kal nan chuan step atam ém avangin ahahthlak tham a,bazarpui thlen nan pawh rei fé chu kal angaih ka ring.A awlsam zawk nan tiin taxi lo tlàn hi kan phar mai thin a,arei lo zawk bawk.






Power house phei kan tlàn luh chuan kawng sirah te chuan mi pui kawng kal insút pel hmuh tur an awm nuka,athen nau nawi puaa,secondhand lo thing tawk te lah chu an awm fura,vawiin ní chu lirthei aimahin mipui bazar hmuh tur an tam zawk bawkin ka hria.






Driver chuan side glass atanga min rawn en pah chuan"Shanghai zàwn ah hian chhuk mai ta che arem ber kea kal nan athui tawhlo bawka" ti a min zawh chuan "awle mahse engzat tur nge niang" tih chuan ka zawt vata.






Sawmruk nimai rawh se ti a min hrilhin ka purse chu ka hawng zui rak raka,ka pawisa nawi neih sa chu ka pe a,taxi atang chuan ka chhuk zui nghal zat.








Bazar chhung ka luh chuan thlai hnah vel chu ka enkual a,thlai hnah anneih dan lah chu ain ang pút a,lei ber tur pawh hriatthiam ahar khawp mai.




Reifé ka enkual hnuah antam leh maian belhlawi tih vel chu ka lei ta ngawta,jasona làwmah cake sial deuh leh lapawchini chu ka leisak bawk.




Thildang ka mamawh vel enkual leh zet ka tum naa,mipui zi mur mur ka la zawh chiah loh avangin enkual ta lo chuan in lam pan vat tum chuan bazarpui chu ka chhuahsan a,kawngsira two wheeler taxi lo ding ka hmuh chuan ka pan a,chanmari lama min dah tur chuan ka be fela,ka thil lei vel polythenea ka khai ho chu ahmaah min khai sak nghal sawk sawka,ahnung lamah chuan chuang kaiin kan chhuak zui ve mai bawk.










Kan in kàwi kan thlen chuan ka bag ah chhunga ka phone dah chu alo rik zawm zata,rem leh rem lo chuan ka phawrha phone screen ka han en chuan usàwma ani.





"Hello"ka tih rual chuan "arei ta vang vang hle mai" alo ti nghal vara.





"Nia eng nge iduha" tih chuan ka zawt nghal thawra



"Eng nilo e,nupui ka nei dawn karleh khian" atih chuan "khawi lam mi nge a,chu min sawm ve dawn nange" tih chuan ka lo zawh zawm zata.




"Nang ber ka sawm loh chein,mahse phone ah chuan nilo hmaichhanah"tiin asawi zawm leha "aizawlah ka awm lai ania kan nu tur nen inhmel hriat ve reng reng ula ka tia,zanin ihman angem" tih chuan min zawt hmasa leha,kan inkawt pawh kan thleng ve chiaha,"lawk aw lo vuan reng rawh" tih chuan ka han ti leh rih a,ka chuan man vel chu ka pe fela ka thil lei vel ho chu apolythene chawp chuan khaiin inchhung lam chu muangchàng chuan ka pana.









Ka mi biak lai chu biak zawm lehin "Aw usawm zanin chuan eng maw" ka tih chuan "Hotel rich" ah khan zan riah ei turin rawn kal la kan lo awm ang.
A theih chuan jasona pawh lo hruai vela"atih chuan min sawmna chu han hnial ka tum viau naa,mahse nuam lo ka ti ve leh deuh reuha,"ka lo tum dawn nia"
tih chuan ka chhang zui ta tawp.










"Ka lo ring dawn che nia"tiin phone chu kan hmet tawp zui a.












In chhung ka luh chuan jasonan min hmuh rual chuan arawn tlàn phei nghal a,ka lapawchini ken lai chua zuang auh auh pahin arawn ban zui tharha.



"Atawk,ihah lutuk ang tih pah chuan ka kún hniama ka lapawchini ken lai chu ka pe zuia.









"Iva rang ve" ka ni in alo tih chuan " traffic jam a awm loa ka rei lo mai mai anih hi" tih chuan ka chhanga




"Mama chuan jasona chu field té ah inkhel alo zuk en pui daih alawm" tiin ka patea chuan alo sawi zui bawk.








Choka lamah chuan lut pheiin ka thil lei vel chu ka khung tha mawlh mawlha,inthlak ta mai lo chuan eirawngbawl ka chhunzawm nghala.










"Anu cake kha ka ei duh e"ka fapain dawhkana ka dah chu arawn kàwk a,ita tur alawm tih pahin ka hawn sak a,thut pindan lamah chuan aphei zui nal nal bawk.









*****************************************************
CUT DEUH DAWRH MAI ANG.









Zanah chuan usawma lo sawina hotel rich lam ah chuan ka kala,chhak lam kil thutna awmah chuan ka thu vàng tawh.Ka fapa erawh ka hruai ta loa,zan lam te anih avangin adam lo leh ang tih ka hlauh vang ani pakhat.







Ka lam pana lokal mek pahnihte chu ka thutna atang chuan ka lo en ve renga,min hmuh rual chuan min lo nuih sàng a,ka bul an lo thlen chuan ahmeichhe lokalpui chuan min chibai zui nghal zata, "min lo nghak rei em" tih chuan min zawt zui zata.ka thlen ve deuh chiah thu chuan ka chhang leta.











"An thutfel rual chuan "khawnge jason-a" usawma chuan ati nghala, "ka lo hruai ta lo mai,zan thil te ani sia adam lo leh ang tih ka hlaua" tih chuan ka hrilha.









"Ni ve tho mai eng nge i an reng reng" atih leh chuan "ka zia animai"tih chuan ka chhang ve maia,chutah rawn tawng zawm lehin "karleh ni13 ah zarkawt Presbyterian biakin ah kan inneihna min rawn lawmpui ve ang chu,special invitation card pawh idawng thuai ang" tih chuan min hrilh zui luama,







"Ummm,mahse tinge" tih chuan ka han zawt leh a,fiam ka chak deuh hlek ani lah chuan "mak tih hmel deuhin "engmaw" alo ti he haw





"Ka léng tar dawn kha iti sia" ka tih chuan anui ta suka "leng tar leh dawn lo anih hi" tih pah chuan anui zui hak haka,









Zanriah a order vel chu waitress pakhat chuan arawn chhawpa,kan ei tan dawn chiah tih ah "ka kut ka va sil lawk" tiin ka thutna thawhsan chuan bathroom lam chu ka pan sana.











Bathroom chhung ka luh chuan hmeichhe pakhat hmeltha vingveng mai hian akut alo sil ve meka,ading lah chu anghet lo em em mai lehnghal ruih anei deuh em mawni.








Ka en reng lai chuan "ka lam arawn hawia,za lo zeta min nuih suk pah chuan "room No.202 tiin aphun chhuak sup.






Eng asawi tumna nge niang le tiin ka rilru chuan ka ngaihtuah zui rauh rauha,thilthalo thleng thleng chuan ka ngaihtuah kim hman vek bawk.











"Kawngkhar athlen rual chuan arawn hawi lét leha chutah "amittui tla atuai thuak rual chuan "han kal rawh,engkim bul tanna" tiin achhuak zui ta daih.









Athil sawi duhdan chu manthiam tumin ka ngaihtuaha ka bo telh telh "room No.202 kher" ka chhungril chuan han fiah min ti chak et et nghal.







Ka kut ka sil zawh chuan kha nula thilsawi kha fiah tum chuan bathroom ka chhuah sana,kailawn lamah chuan chhoin room No.202 atih ngei mai zawn ah chuan ka ding ta chata,kawngkhar chu ka hawnga,ka pen lut zui nghal.











"Achhung awmdan vel ka en chuan ka kal tawh na hnu a ang riau ka ti.



Khum lo awma ka thut thlak rual chuan achhung thil awm zawng zawng chu. Ka enkual chhuak veka,

"Ala danglam lo reng reng,liansangpui,he pindan ngei hi ani"ka hre chhuak chiah kan intawnna hmasa ber pindan kha engkim mai chu ala ngai reng,ka chhungrila min mawlh tu awm chu làk kian ang maiin ka thawl zui huaia,ka ngaihtuahnaah chuan ka hun liam tawh thil tam tak chu arawn lang fiah nghal uarh uarha,ka hlim lutuk chu ka mittui te hial atla .









"Ka hre chhuak tawh che ani tih ihriat hunah eng tin nge i awm ang le,nge ka thàwng thut dawn che le. Aw",mahse natakin ka tawngkhum tawh che sia apawi takzet min ngaidam rawh ka rilru chuan ka zui mawlh mawlha











Usawmate awm na lam pan tawh lo chuan liansangpuia te inlam chu pan tum chuan hmanhmawh zetin ka chhuak zui nghala,taxi lo tlàn apiang lah chu ka lo phara,an dinh duhlo zel lehnghala,bei adawng takzet.






Reifé hotel rich kawta ka din hnu chuan two wheeler taxi lo tlàn pakhat chu ka lo phar ding hluaia,ka zawna adil fel chian hma chuan ka lo chuang zui nghal tharah,"hmanhmawh angai kal vat ang zarkawt lamah"tih chuan ka nawr zui nghal zata









Liansiangpuia te in ka thlen chuan alo reh duka tím deuh chung chuan an door bell chu ka hmeta,reife ka nghah hnuah an awmpui nula niawm tak hian min rawn hawn saka "khawnge ipu alexa" tih chuan ka zawt nghal thawr.





"Room ah a awm ka han ko ang lo nghak lawk" tiin kailawn lam apan chho chu ka en zui renga,reifé ka nghah hnu chuan kailawn ah chuan arawn pén thla zui tharh tharha,ahnung lamah an nula khan alo zui zat bawk.








Pen thum vel apen ang tihah ka lam chu arawn ena,chutah hmanhmawh zet chuan ka lam pan in arawn pén zui nghal pawk pawk.







Ka bul alo thlen chuan "eng nge ni iduh" beidawn hmel zet a hnuailam en pah chuan ati zuai raiha







Midang an awm ve nge ve lo tih hriat tum chuan an inchhung zau pui chu ka enkual hmasa leh te te a chutah amitah tak a en chung chuan "alex liansangpui ka fapa pà,ka hmangaih che" ti a ka hrilh sep chu min en ngar a,engmah sawi ve loh atum em mawni nge a awih vaklo zawk le .





"Min chhang ta che" ka tih leh chuan "eng maw isawi kha ka hre chiang hman lo" ati supa






"Athunawn ka pai lo ka kal dawn" tum zui deuh bàr a ka tih leh chuan "mawi zet mai hian anui ta sen sen a,chutah ka hmui ah arawn fawp thuta,ka inring lo lutuk chu ka lo meng bial nasa leh tawh.








A àwm ah chuan ka chum zui dat data,chutah min fawhna chu thlah thutin ka biang tawn tawnah chuan avuan leha "na inei mi" tih chuan min zawt.




Ka lo nui hul hak thung.


"Engmah na ka neilo.Min fawh lai khan ka thaw tha theiloa" chuvang ka ti zui nang nanga,anui khi suk anih chu.






Engmah sawi lo chuan ka kawngah arawn chelh zui a,alam ah chuan min pawt hnaiin awm ah chun min kuah zui vawng vawng.





"Ka lawm e,ka hmangaih che ka tawngtaina chhanin a awm" ati sepa ka lo nui ver ver thung.







"Anih eng tin nge min hriat chhuah tia min zawhleh na chu ti hian ka chhanga







"Kan intawn hmasak berna hotel rich zanin a ka kal dan zawng zawng chu ka hrilha,chutah sawi zawm lehin "khuanu remruat antih fo hi ka hrethiam ngailo a awm ang tih pawh ka ringlo.Mahse tunah chuan a awm ngei ani tih ka hrefiah tawh.Chhungkua pawh ka pe ang che,ka hmangaih.













*****************************************************
BONUS CHAPTER ATLING LO MAITHEI AW.












"Bawihi inau pai kha,vawiin chu incheck tir ahun leh tawh ania" ti tu chu ka pasal alexa ani.A dan ngai te te bawk in ka nau pai hmasak ang chiah khan incheck up hi avei bur.






"Rachaeli ka pai lai ai chuan engmah insawiselna ka nei loa,angai lo ang" ka lo ti sam eta







"Kan naute lo piang leh tur tan tal pawn" atih leh lai mek chuan kan inchung kailawn atanga jason-a lo chhuk chu kan pahnih chuan kan lo en renga,ain thuam dan atang chuan bike racinga tel leh atum ani hrim hrim he pa hi.






Step tawp alo thlen rual chuan kal tlang mai atum chu apa in alo chelh ding a, "tha deuhin ka fapa,No.1 nih tum tur fimkhur takin" tiin alo fuih phura.






"Khatia ilo tih thin vàng alawm ka khap pawn engah mah angaihloh.Achetsual palh chuan e,apawi dawn ania" tih chuan ka bula mi chu ka lo hau zui hlaka.





"Pathian.zarah achesual lo ang.Apa hi min chhuna tiangte chi ahnehsawh tih ka hria alawm ka tlangval lai ang chiah ani" jasona lam en chuan chhuan hmel tak hian asawia.





Ka lo check zui tlak tlak.




"Nu,engkim Pathian nena kan tih dun chuan hlauhawm a awm lo.Nakinah ka pa nen hian ka thiam zia hi in la en ve dawn nia,atih lai mek chuan aleather jacket iptea aphone ah chu alo ri a,aphawrh chhuah rual chuan "ninawm" pah hlukin a off zui daih.





"Tunge chhang ta che i off daiha" apain azawh chuan " tumah annilo ang" ati a


"Bialnu te hi inei ve deuh anilo maw" tiin ka lo zawt zuia chutah "hmeichhia hi engatan mah ka tilo,an ninawm ve sek" ti zui hluk in "ka kal nia" tih pah chuan kawngkhar lam chu apan zui a.





Fimkhur ang che tiin ka lo au zui lang langa,ahriat pawh ka ring lo e a,abike ri lah chu aring em em mai lehnghala,alo tlangval hnu hian bike racing atuia an college chawlh ah hian atel ve thina,apa lah hian atuipui em ema,keichuan ka tuipui lem lo achhan chu a chesual palh ang tih mawlh hi ka lo hlaua.Tun thleng pawh hian ka rilru ka la thlak danglam chuanglo.












Thut pindan thlang lam batthlar lamah chuan thli fím dawng turin chair ah chuan ka thua,inchhung lamah rachaeli leh apa anin àwi mu ve mek bawk.




Eng eng emaw ni ngaihtuah chuan ka hma zawna ka hmuh theih ho chu ka en vawng vawnga,kan hun lo hman liam tawh zawng zawng chu ka chhui kir tela,hringun a kan thil tawn leh kan paltlang te khan chhelna min lo siama,chu chuan ka fapa leh ka pasal leh kei kan pathum inhmangaihna chu min phuar khawm leha,hringnun hlutzia min lo hmuhfiah tir zawk alo ni.





Khawvel ah hian harsatna tawk lo mihring a awm theih loha,kan harsatna tawh ain ang lo mai zawka,mahse chu kan harsatnate chu kan nun tih beidawn nan a hmang loa,hma lam min pan tir tu anih theih zawk nan felna àwm phaw ah ka. Dah thiam alo ngai zawk ani.






Ka sawi hmaih theih ngai miahloh leh ka ngaihtuahna a ka pai reng thin chu "Chhingkhual rún" ngei kha ani.





Chhingkhual zúnzàm kengtu alex liansangpuia sailo ka hmangaih ka ta chauh ni reng ang che ti sepin ràl hla tak lam chu ka thlir zui vawng vawng.










A TAWP TA



KA STORY MIN NGAIHHLUT SAKA LO CHHIAR A COMMENTS,LIKE,SHARE LO PE THIN TE IN ZAVAI CHUNGAH THINLUNG TAKAIN LAWMTHU KA SAWIA,INDUHTHU SAM ANG DIAL DIAK IN ATAWP LAM LEH ATHAWNTHU KAL HMANG PAWH KA LO ZIAK LO ANI MAITHE,IN MI HRIATTHIAMNA KA DIL PAHA,THAWNTHU THA TAK TAK KA LA RAWN CHHAWP CHHUAK ZEL DAWN NIA........