HERE (chapter 11)

[Geevanchy]

Ngawi reng chuan ka thu ngawt ngawt a , lucas awmna lam ka va en leh Chuan a lo awm tawh lo , Hades chu ka Han zawng ru deuh a mahse hmuh tur reng reng a awm lo , Vanguard chhungkua hi chhungkaw pui tham tak an ni ka tih tawh kha , an Tam in an zahawm hmel em em vek a , naupang te , tleirawl te leh nula leh tlangval hmeltha tak tak te pawh an Tam khawp mai .




nula leh tlangval te chu an kawppui te nen Chuan an awm hlawm a , min ngaihsak vak lo , rei lo te hnu ah chuan Hades leh a ní te chu room pakhat atang hian an rawn chhuak a , chhungkaw meeting an nei anih ka ring ,min hmuh chuan an meng ràng nasa hlawm khawp mai ,Hades chu engemaw hi an sawi pui a , an phun deuh mawlh mawlh bawk , an thusawi tak ka hre thei lo thung , engvang a heilai hmun a awm ve ringawt nge ka nih tih te chu an zawt aniang , min rawn melh leh ram ram thin  ,Hades chu a kalsawn nghal vut a ka en zui tawh lem lo , rei fe ka thut hnu chuan ka Han hawi kual leh a , lucus leh Hades chu ka hlat deuh ah hian an lo  ding a , engemaw hi an sawi sap sap a , in tur an ken  chu an lem pah zeuh zeuh bawk , ka en reng lai Chuan lucus chuan min rawn en ve chiah bawk a , a meng rum tha khawp mai , Hades erawh trawng sup sup pah hian a nui suk suk a , engthil tak chu sawi dun  ang maw!.




Lucus chu Han ti ti pui te pawh ka chak hle a , fahrah naupang te accident kha engtiang chiah in a tawrh tih te , nge ni a engatan mah a ti tawh lo zawk?


Ka bul ah tu emaw hi a rawn thu thla dat a , ka en ve nghal thuai bawk , James maw! Ka hmu thut chu ka hamhaih lutuk , min lo nuih var var a , mak ti zet in ka en reng bawk ,ka hamhaih lutuk chu trawng na Chang mai pawh ka hre lo , kan in hmuh loh na a rei ve tawh ém a , hailee leh amber ten a chanchin engmah an sawi ngai lo bawk "hetah enge i tih?" A lo tih chuan "enge i tih ve zawk?" Tih pah chuan a kawr hak chu ka en a , guard ho uniform kha a in Bel tawh lo a , coat nen a in duang zaih tawh.





"Ka bialnu ka rawn trawiawm a" a tih chuan ka lo bu nghat a "engtak maw i tih ve?, I thuamhnaw in Bel te chu" tih pah chuan ka kawr hak chu a melh ralh bawk "Hades ka lo zui a" ka tih chuan a lo nui hak a "ka ring reng ah, Mary pawh kha a thren phah Ani lawm ni?" Alo tih chuan enge a sawi tum ka hre Miah lo , chhang lem lo chuan ka en haw ringawt a , "I la hre lo anih ka ring, kin ah I hre mai ang" min nuih var var pah hian a ti leh a , chhàn ka tum lai tak Chuan hmeichhe chhelo zet hi lokal in "James in Chung lam ah ka nu leh pa te an awm" a rawn ti a , James pawh a tho chhuak ve nghal thuai bawk .





Hades chu ka melh  kual thin a lo bo leh hmak tawh , tho chhuak in pawn lam a lo nghah chu ka duh ta zawk a, he lai hmun hi chu ka duh ai in Ani huau huau lutuk a , nuam ka ti lo , kawngkapui lam chu ka pan nghal nal nal a , inchung kailawn chhohna a ka mi hmuh avang chuan ka ding chat a , min rawn la hmu ve lo Ani ngei ang , va pan hnai vat in , a hma ah tak Chuan ka va ding a , a hmel ah chuan mak tih na ka hmu thei ka lo nuih san san a , "awii ka mumang a ni em?" A lo ti chhuak hak a , lu thing mat mat pah hian ka kuah nghal zat a , "ka ngai tawh lutuk che u" ka ti a , min kuah let ve nghal vat bawk.




"Naute chu ka hmu chak tawh ee" ka tih chuan "min lo nghak lawk la, in Chung ah kan chho dawn nia , kan room ah a awm a" a ti a , choka lam ah chuan tui bottle hi a va la a , kan inzui chho nghal bawk , an pindan chhung kan luh chuan lucus pawh chu naute pawm chuan a lo awm ve a , min hmu ve chu a lawm chiah lo aniang a fapa a lawm lai pawh chu a tawp chat a , nuam lo ka ti hle ringawt, driana chuan amah zui tur Chuan min mitmei zeuh a , lucus hnen atang chuan naute chu la in couch ah chuan a thutpui a , ka thu thla ve nghal thuai bawk , naute chu min pe nghal vat a , ka lo pawm ve nghal thuai bawk , ka en vang vang a , a hmeltha kher mai , lucus leh driana te an hmeltha bawk a , chhun tur chu a nei tha khawp mai "tunge a hming?" Ka tih chuan "lusdria" a lo ti a , 'lusdria' tih sap pah chuan a hmai ah chuan ka chul heuh heuh a , a lo nui ve suk suk mai.




"I tuar na ngawt ang a" zawi sap a a lo tih chuan ka en vat a , min khawngaih hmel tak in min en ve reng bawk ,"rin phakbak in" ka ti ve sep a ,fahrah naupang te chanchin hi sawi chhuah fo ka duh lo ,room chhung chu a reh ngawt ngawt thei , lucus pawh a thu ngawi reng a , a hmel landan ah chuan ngaihtuah muk tak a nei te pawh a ang ,"Hades kut ah hian engtin nge i awm theih?" Driana chuan a rawn ti leh a "thawnthu sei tak ani, tun ah hrih chuan ka sawi thei lo, hetah hian in awm char char tawh dawn em?" Ka tih zawm zat a, a lo bu nghat nghat bawk "i patea te nen in la in be Miah lo ami?" A tih chuan "la be Miah lo , Hades hian min khuahkhirh hneh lutuk a" ka ti a , jail atang a ka chhuah tur thu kha ka patean driana hi alo hrilh a , urus khua ah ka awm hrih tur thu te pawh chu a lo hrilh bawk Ani awm e .

rei tak kan ti ti hnu chuan lusdria chu a rawn trap ngak ngak a , driana chuan min laksak nghal thuaiin hnute pe tur Chuan khum lam a panpui nghal bawk , lucus chu Han biak ve ka duh viau a , mahse min biak peih loh hmel em avang chuan ka be duh ta bik lo.



In hnuai lam ah chuan ka chhuk nghal a, Hades pawn min lo zawn tawh ka ring ve bawk , couch ah chuan Hades chu alo thu ran a , a bul a ka va kal chuan min lo en ve nghal thuai bawk "haw tawh ang" ka ti a , a lo tho chhuak ve mai bawk ,pawn ah chuan kan in zui chhuak a , thim lai deuh ah chuan min pawt lawp in , bang ah min nawr bet leh chawrh tawh , thinrim hmel em em hian min en a , a awmzia ka hre lo tak zet "lucus leh driana te nen khan enge in tih?" A ti Chang fak a , "an naute ka en sak ringawt alawm" ka lo ti let ve hlar bawk "chuan James pawh kha" a ti leh a , sawi fiah ka tum tawh lo thung , a lak ah hian in sawifiah ka ba lo bawk...





Min thlah nghal hlawk a , a car lam pan chuan a kal nghal nul nul bawk , ka zui ve nghal thuai bawk .

Driana hmel ah Khan min hmuh avang a lawmna ka hmu lo a , a hlauhthawn hmel em em reng anih kha , engemaw tak hi chu a awm Ani , lucus hian ka chanchin engemaw tha lo lai emaw , dawt phuahchawp mai mai pawh a hria anih ngei ka ring bawk. Engemaw hi chu chhui chian tur a tam khawp mai , ka chet lak dan tur chu ka hre lo mahse ka hre chhuak vek dawn.





In ah lut in ka pindan lam ah ka kal nghal daih a ,pindan ka hawng chiah chu ka uité chuan min lo lawm khawp mai , ka pawm ve nghal thuai a , duat tak in ka chul nghal hliau hliau bawk.




Tui bottle la tur Chuan in hnuai lam ah ka chhuk thla leh nghal thuai a , thutkhawmna lam ah chuan Hades hian phone a lo hmang a , a thusawi avang chuan ka ke pén chu ka  tawp chawt bawk "a thih leh thih loh ah chuan lo buai Suh, hrereng rawh a hriatchhuah hun ah che chuan i chak lo viau ang" a ti bung nghut a , tu tak chu bia ang maw? A nun rawn Zia hi ka hrechiang telh telh dawn ni in a Lang.




Choka lam ah chuan lut phei vat in tui bottle chu fridge a tang chuan ka la chhuak a , ka let leh tur ka in her chiah chu ka Phu Chiang khawp mai , choka kawngkhar ah chuan hades chu ngawi reng hian a lo ding a , a pén thawm tak ngial pawh ka lo Hre lo.




Kal pelh ka tum chu min kuai her lawp a bang ah chuan min nem bet leh rawk a , ka lu ka tauh chawrh zui a nat Zia chu a "hmela I mawl ami , vak vak thin a che" ka ti hlar a, a lo nui suk duh chauh "ka nupui I ni duh em?" A lo ti chhuak hrawih a , "i nupui nih ai Chuan thih pawh ka duh zawk" ka  ti let hlar  a , "i duh emaw duh lo emaw ka nupui ini dawn tho tho" a ti leh nghut a , min kalsan nghal nal nal bawk .






Hun a liam ve zel a , Hades erawh in in neih chungchang kha a sawi leh tawh Miah lo , kan in be ngailo a , pawn lam ah pawh ka chhuak leh tawh ngai meuh lo .




Ka pindan kawngkhar chu a in kik dat dat a , ka hawng nghal thuai bawk , "awi leh!" Phawk zet hian ka ti a , ka en reng bawk
"Min en reng lo khan , lo la ta che" a ti a , rang tak in a naute pawm lai chu ka laksak nghal thuai bawk , naute chu a che deuh tralh tralh a , ka lo awi ve thuai bawk .




Pindan chhung ah chuan ka luhpui nghal thuai a , Hades pawh a rawn lut ve nghal vat bawk "enge a awmzia?" Ti a ka zawh chuan "keiman ka enkawl tawh ang" a lo ti nghut a , HEPA hian a enkawl theih ka va ring lo em , nichin mai pawh khan a zei loh Zia chu ka hmu thei .




Naute chu ka awi hlah hlah reng a , Hades chuan min en reng tih pawh chu ka hre thei , hre lo ang chuan ka awm der hmiah hmiah a , "enkawl a harsat I ring em?" Ti a min zawh chuan "ka hre nang , naute ka la enkawl ngai lo a" ka lo ti ve mai a , a lo thaw hawk mai "tum chhin phawt la , i thei lo anih leh , enkawl tur in mi dang kan ruai dawn nia" a lo nghat a , ka ner nasa ngang mai.



"Nu a nei reng Ani lawm ni, Mary chu be tha leh la in nei rawh u , in fanu tih fahrah in duh em ni?" Naute en char char pah chuan ka ti a , min chhang lo thung .



"In hnuai lam ah mamawh engkim chu a awm vek ang , Mary pawh in a enkawl hleihnem , midang enkawl tur in a ruai a" tih pah chuan ka naute pawm lai chu a rawn melh vang vang a.



Pindan atang a chhuak tur chu "Hades" ti chuan ka au a , a lo hawi let ve vat bawk "tunge a hming" Ka ti a , "Bella" lo tih sup pah in a chhuak nghal a , Bella chu en in ka nui var var a , tun ah tak hi Chuan ka hlim ve Ani , he naute duhawm lutuk hi enkawl ka chak hle bawk.





Bella chu pawm Chung in inhnuai lam ah chuan ka chhuk pui a , in hnuai chu percel hlir hian a lo khat a , Hades chuan percel ho chu a lo hawng mawlh mawlh a , "engtur nge". ka tih chuan Bella thil tur vek anih thu chuan min lo Chhang a , bellai chu rawn harh in a trap ngak ngak a , Han tih vak ngaihna ka hre der lo , Hades chuan min rawn laksak thuai in a hnute bur awmna chu min kawh hmuh zauh a , ka la ve nghal thuai bawk , hnute chu ka hnek tir nghal thuai a , a trap bang ve nghal mai bawk , hnute a hne dawk dawk chu kan thlir dun reng a , Hades chuan hmangaih hmel em em hian a thlir doh doh a , "i pindan ah Han chhoh pui la, Han mu tawh rawh u" tih pah chuan naute chu min pe nghal thuai a , ka chhoh pui ve nghal vat bawk .




Naute fel tak ani a , zan ah pawh hnute a duh chàng bak in a trap ngai lo , Hades te fa anih vang hrim hrim chuan hmangaih ka duh lo hle a , mahse he naute hian zún anei Chiang Ani , rei pawh kan awmdun hma hauh in ka thinlung hi min ruk sak nghal der, Hades pawh ka lak a a mizia zawng zawng kha a paih vek tawh tih theih Ani , kan in pawh ve tawh em em a , kan pathum té chuan inchhung zau zet ah kan awm a , chhungkua te pawh kan ang ve hle in ka hria




Thli thaw ri vawk vawk thawm ah chuan ka harh hlawl a , Bella chu ka en vat bawk , a lo meng ve kar a  mahse a trap Miah lo thung , pawm tho vat in "thli thaw ri vang khan i harh em ni?" Ti in ka zawt mawlh mawlh bawk , rei lo te hnu ah ruah chu a rawn tla tliar tliar a , thli lah chu a thaw nasa em em mai bawk si.



Kawngka chu a rawn in sawi dawt dawt a , hawng tur Chuan ka phei ve vat bawk , Hades chu rawn lut thuai in , "a harh em ni" tih pah chuan Bella chu a en a "ka pindan lam ah zanin chu lo riak phei mai rawh u" a ti a , pawi ka ti lo khawp mai , thingzar chuan kan balcony chu a rawn ti ri leh tuarh tuarh thin a ,Bella pawh a mut theih loh ka hlau.



A pindan lam ah chuan kan inzui phei a , Bella pawh a la meng ve kar mai , pindan chhung kan luh vel leh Bella chu a trap ta tuarh tuarh a , a hnute te chu ka'n hnek tir thin a awmzia a awm lo , a trap ngak ngak reng a , tih ngaihna ka hre tawh lo kher mai , hades chuan min rawn laksak nghal thuai a , Hades chuan 'twinkle twinkle little star' chu sak sak in a awi ve hlah hlah a , Bella pawh chu a trap bang nghal hmak bawk ,a in hmeh lo ka tih em avang chuan ka lo nui ru pat pat a, ka nui a hmuh chuan a tawp hmak a , Bella chu min rawn pe nghal zat bawk.




A khum zau pui ah chuan bella chu ka mut a , ka thlir doh doh reng bawk , Hades chu a closet atang chuan rawn chhuak in khum lam chu a rawn pan a , kawr a ha bawk si lo chu nuam lo ka ti hle a  , tho chhuak vat in tukverh hma ah chuan ding in  pawn lam a ruah sur buan buan chu ka melh reng a.



Ka hnung ah Hades pawh a rawn ding ve tih ka hre thei , a pang ti lum te chuan min ur huam huam in ka hria , chu vel leh ka hnung lam atang chuan min rawn kuah in ka dar ah a khabe a rawn nghat nghal zat bawk


Ka tal nghal vat a , min kuah bet hneh khawp mai , "la awm hrih teh , ti hian la awm ang" thaw ham ham pah hian a ti a , ka che zui duh ta bik lo , mahse nuam ka ti lo khawp mai , ka khawng at reng a , "inthlah dul rawh" zawi tak hian a rawn ti sup a , "i hriatthiam ka lo ring asin" a ti leh a , ka la chhang lo thung.




"Ka hmuh hmasak ber ni atang che khan ka mit ila tawh ,ka ngaihven reng thin che, mahse ka nu kha i sut ani tih ka hriat khan ka duhna te che kha a reh nghal vek khan ka hria a ,mahse ka bul a i awm Chang hian keimah ah danglamna min thlen thin, huat che ka tum a mahse ka haw thei lo che, min ti à vek tawh Mari" tih pah chuan ka Sam ah a hmai chu a phum vang vang a , thawk a la hawk hawk bawk , a thil sawi zawh chiah khan min thrawng em em a , chhanna pawh ka pe Chuang lo , ka ngawi reng a , a Chang hi Chuan keimah ah feelings a nei a ang ka ti ve thin mahse ka awih duh ngai lo a , ka hre lo der hmak hmak thin , tun ah pawh hian awih ka duh lo...





Rei tak tukverh hma ah chuan kan ding a, min la kuah bet reng bawk , bella chuan thawm a rawn chhuah a , ka in la hrang ve nghal vat bawk khum ah chuan ka phei ve vat a , ka pawm kang nghal vat bawk , a trah leh vak ka hlauh avang chuan a hnute chu ka hnek tir nghal vat a , Hades pawh rawn phei ve in "mu ve tawh rawh" a ti hmuk a , khum ah chuan a rawn in thawlh nghal sat sat bawk.



Bella chu mut leh in ka mu thla ve nghal thuai a , Hades erawh khum sir lam ah a mu thung , ka mut chu a chhuak lo khawp mai , ka mu meng kar reng a , a khum bul a lamp a dah chu a rawn off a , a thim ta vek mai , "Hades" ka ti nghal chul a , a rawn in Beng kang ve nghal vat bawk, "on leh rawh" thaw hlawp hlawp pah hian ka ti a , a thim lutuk chuan ka thaw a hnawh leh tlat tawh , a on ve nghal vat bawk a ,mak tih hmel tak hian min en a , kei chu ka lo buai hman hle .




Ka awm chu dawm in , thawk ka la hawlh hawlh a , ka thin chu Phu rang tak ani , Hades pawh chu rawn thawh ve a tum a mahse ka that thu ka hrilh vat a , khum a thu Chung chuan min en ve reng bawk "thim vek ah ka awm thei lo" ka ti chhuak sep a , min chhang lo mahse min la en reng tih ka hre thei , ka mu tha leh nghal sawk sawk a , Hades erawh a mu thla thawm ka hre lo thung.





Ka harh chuan ni a lo chhuak va va tawh a , khum chu ka en vat a Bella a awm lo a , Hades pawh a awm lo, in hnuai lam ah an awm ka rin avang chuan in hnuai lam chu ka pan ve nghal vat a , khua chu a thiang tha khawp mai , thutkhawmna ah chuan Hades tawng bul bul thawm chu ka hria a, ka kal ve nghal thuai bawk , baby crib ah chuan a lo mut a , a lo duat hmel khawp mai.




Ka lam chu a rawn hawi vat a ,"I lo tho ve tawh maw" tih pah chuan a rawn tho vat a , "a diaper saw thlak angai in ka hria" tih pah chuan a kalsawn nghal daih a , bella diaper te chu ka thlak a , a hnute tur te chu ka siamsak nghal bawk.




Hun a liam ve zel a , Bella pawh thla 5 lai a ni ve tawh , mary chuan a rawn ngaihtuah ngai Miah lo a ,mak ka ti hle bawk, Hades hian a ngaihsak a duh lo pawh Ani maithei..

Nitin mai hian ka hmangaih thar thin in ka hria , a tawng theih hun ah engtin nge min koh ang tih te ka ngaihtuah thin a , a nu nih chu ka duh mahse, a nu ka ni bawk si lo , Hades pawh kha zan a min duh thu a sawi bak kha chu engmah a sawi tawh lo a min duh ang pawn a awmzui tawh Chuang lo , chu chu ka duh zawk bawk , keimah ah hian amah Han duh na leh Han thlakhlehna te hi a awm lo a , engtik ni ah emaw chuan he in hi ka chhuahsan ngei pawh ka ring.


Kawppui tha tak bella hmangaih em em tu tawng se ka ti takzet a , mi sual tak ani lo tih chu nitin hian a finfiah ni mai hian ka hria , naupang te ruang buaipui ber tu anih thu te ka hre ve leh zel a , a hma khan ka Chung ah sual em em mahse kha mi avang khan ka haw ngailo ka Phu tawk ka hmu ah ka ngai mai thin , a chhan pawh khawvel a a thil neih hlut ber Anu nunna ka laksak miau a , chu ti Chung pawh a min duh thei hi mak ka ti hle bawk. He in atang a ka chhuah theih vel ah kha thil thleng kha chhui chian ka tum hle bawk.