CHAPTER -10
Mipa puitling kan chhungkua a awm ta lo chu ,engkim hi ka nu kut ah a tla a ni mai a ,kan dinhmun pawh in hniam lam a pan tawlh tawlh tih chu a tu a te pawn an hriat thiam ka ring .
Lo lam ringawt hi chuan kan inchawm zo lo thuai dawn tih pawh ka hria,thlai nei ve diah diah mah ila , beisei ang ai in a man a to mawh a ,innghahna awm chhun sawhthing rate lah ni se a chhe em em mai bawk si .
Fanu upa ber ka nih ang in ka mawhphurh na a san zia ka hria a , nula la naupang ve tak in a a ngaihtuah phak loh tur thil tam tak hi ka ngaihtuah ve ta fo mai .
Thil tam tak ka ngaihtuah kual avang a zan mut theih loh pawh ka nei ta fo reng .
Hna thawh tur zawn te pawh ka rilru ah a lang ve thin ,mahse kan khua ang ah erawh a vang em em a ,,khawpui lam a hna zawng a kal mai te chu ka ril ruk thin .
Mahse ,Rinsawma nen a han awm hrang tur a kan in dah chhin hian harsa ka ti a , ka zuam chiah lo ni in ka hria.
Thil tam tak ngaihtuah tur ka nei a ,ka chhung te hi ka enkawl an ngai tih ka hre ve ran bawk ,keimah chauh in ngaihtuah thei pawh ka ni tawh lo,ka nu ,ka nau te nen lam a ka ngaihtuah tel vek an ngai .
"Zan in hla zir a awm kha aw ,ka rawn sawm ang che " Rinsawma hnen atang in a ni ,a ni nen kan inkawp atang hian a hma zawng ai in KTP thil tih khawm ah pawh ka tel ngun ta deuh a ,ka nun kaihruaitu ber a ni in ka hre ta hial.
A lak ah chuan ka pangchang thei em em a ,a min dim dawi tak in min lo dawngsawng thin ,ka tan chuan amah hi ka hahdamna leh ka thlamuan na ber a ni.
Ka hringnun a a hlut em em ang hian ,a tan erawh chuan buaina thlentu bak ni in ka in hre ngai lo .
Hma tak ah rawn kal in,ka insiam chhung in ka nu nen an lo inkawm a ,ka nu pawh hian kan inkar a thil awm chu a hriat thiam vek ka ring tawh, engmah a chhe zawng a tawng kam a la neih loh avang in ka tan pawh mitmei ven vak a ngai lo a , a hahdam thlak phian
Kut in kai rial in kan kal dun ,biakin bul lawk a awm kha kei min sawm tur in a hla lam a rawn pan leh thin a ni si a ,a chang chuan ka inthlahrung lek lek thin.
Ka chal ah rawn pen fawk in "nangma khawvel siam chawp bik te ah khan cheng reng suh" a rawn ti sup , ka chal chu tuai in ka melh vak , kha ti fawk fawk a in pen kher ni. .
"Lem ,kal ang kan tlai dawn ," ti in tawng pawh ka tawng ve hman hma in ka ding chu min kai dawr dawr a,kan thlen chuan an lo awm leh nual tawh, ka thiante pahnih lo thutna lam chu kan pan phei dun a ,
"In va kal hma ve ,engmah in rawn sawi bawk si lo " min lo kalsan dun deih chu ka lawm lo ru ve khawp a ,nidang ah te chuan min lo nghak ziah thin kha nia.
Ka bul a ding chu melh zeuh in Zikpuii chuan "nghah ngam pawh i ni lo ,i bul a ding pa khan nghah i ngaih loh thu sawi in ,kal sawn mai tur che in min tia lawm " pang pang zel hian , ka zawt chu ka inchhir dawn dawn a lawm , a pawr reuh si.
Rinsawma lam chu ka hawi phei , a ni erawh in min en duh lo a, a lo hawi sawn vat chu a ban ah ka va nghawk , a hre lo der lui tlat a nih chu , a tukhum a va nem pawp a nia ka nap ni .
Engmah phei chu ka sawi chuang lo ,kan pahnih chauh a awm a thlak hlelh thin avang hian , kan thiante hi chhuanlam fahrah te te siam hian a tir bo leh rih thin a,ti tawh lo tur a tih chang lah hian ngaithla kur in a bu nghut nghut a nga , a zawm lem hlei chuang lo.
Kan thiante ho pawh hian kan pahnih a min thlah fal hi nuam an ti zawk emaw tih tur a ni .
Kan hla zir chu kan thiam sa a nih avang in zan dang ai in kan zir rei lo ,Zikpuii nen kan haw dun a , Rinsawma erawh an in ah a haw tlang ta thung .
"Tunlai Hlutei awm dan hi ka hrethiam lo ,han biak deuh pawn a rul tawk te te bak in min chhang ngai lo" Thianin a tih chuan mak ka ti ve deuh a ,inkawm tam em em lo mah ila ,tha deuh in kan in be hlawm thin kha a nia .
"Rsa hi a duh ve em a ,nang nen iningaizawng tih a hria nen kan chungah a lungawi lo a niang " amah bawk chuan a rawn ti leh.Kei pawn chu lo chu han rin dan ka thiam bik lo .
"Rinsawma nen hian inngaizawng reng ula ka duh pui che ,a puitling in thiamna sang tak nei a ni a ,a chhungte lah hrawn hrehawm tur chi an awm lo bawk a , a theih phei chuan innei thuai rawh u " a rawn tih chuan lai deuh in ka meng kual a ,mahse ka lawm em em tho ,thian ten a kan mipa kawp tha an lo tih bak a lawmawm hi a awm lo ang .
Thaw hak in" pasal neih lam chu ka la ngaihtuah chhin ngai lo ,chu lo ah kan chhungkua en la ,pasal nei ringawt ila engtin nge ka nau te leh ka nu te hi an awm ang "rilru tawt ru zet in ka ti chhuak a ,ngaihtuah tur ka ngah tawh ka tih kha ,pasal neih lam sawi ringawt te hian ka rilru a hah tun zel .
Min hrethiam tak in " kei ni ang tan hi chuan hmalam hun han suangtuah ve ringawt te hi rilru hah na ti tam tu mai an ni i ti ve thin em ,mi fa te ang in pian tirh atang in engkim nei sa ni ila ,duh leh mawi kan awh ang ang nei thei te hi ni ilang chuan khawvel ah hian mi hlim ber kan ni ngei ang ,mahse lehlam kawng zawng a ngaihtuah thung chuan chutiang nei vek mihring pawh an hlim reng chuang bik lo , mahni neih ah kan lungawi tawk a , midang nun kan awh loh hian mihring te chu kan hlim famkim ber "a ti a ,a thil sawi ang mi ni ta ila chu keipawn nuam ka tih viau ka ring ,
Mahse engkim ah chhungkua bak a dah pawimawh tur thil dang ka hre lo ,pawisa hman sen loh nei tu zawng zawng hi an nun a hlim vek chuang lo a ,a hmasa ber ah chuan Pathian neitu nih leh chhungkaw hlim tak a chen ho ai a nuam a awm ka ring lo.
Thiani nen a kan thil sawi chu mut hnu thleng pawn ka la ngaihtuah zawm zel a ,thil tha tak erawh ka ngaihtuah chhuak lem hlei lo.
Ka theih ang ang in phone kaltlang in hna ka zawng kual a ,ka rilru ka la siam fel lo na chung in phai lam a hotel a thawh chu ka awn ta deuh ber , hotel management trainin chhuak vek tawh ka ni a ,ka tan pawn chance a tha ta ber in ka hria.
Ramdina pawh B.D lam zir a rilruk deuh ni hmiang ka bul ah a sawi thawi leh zeuh thin ,ka rilru ka la inpeih fel loh avang in kei erawh in engmah a bul ah ka la sawi ve lo thung.
Ka nu hrisel na a tlak hniam deuh avang in pawh pawh ka chhuak hman meuh lo ,ka thiante pawh an rawn let lung zing thin khawp mai .
Zanlam ah a hman chang apiang in Rinsawma a rawn leng awl lo a,a lo len tawh hi chuan ka rilru pik lutuk pawh a zawk chhang khai viau thin.
A lo tum rilruk ang in Rinsawma pawh in B.D zir chu a ti thlu tawh a, kar liam ta phei kha chuan kar tluan in aizawl lam ah a hmang a.A tawp ber na tur interview an tih zawh tuk ah kan khaw lam ah a rawn chho leh ta chauh.
An interview result a chhuak chu zir thei tur ho zing ah a hming a chuang kai ve ta vang a, ka lawmpui lutuk rual in kan awm hrang dawn tih a chiang tawh lutuk chu ka hnim ruih thei.
Kan khua atanga B.D zir thei hmasa ber tur a ni bawk a , kohhran group ah te,KTP group lam ah te lawmpuina thu a dawng nasa khawp mai.
" Thla leh lam ah aizawl a chhuk thlak ka tum tawh a ,"a ti a ,a zir thei tur chu a hlim viau na chung in ,kan pahnih a hmun khat a kan awm tawh lo tur chu a hreh ve hle tho tih ka hre thei .
A pa hian pastor ni tur in a duh a , a ni pawn a lo hreh em em lo nen, sawi buai awm lo in a pawm ta reng kha a nia.
"I va ngaihawm awm ve " ka kut chu a rawn hum vang vang ,kan pahnih chauh kan ni tawh a tu ma mitmei ven tur an awm tawh lo bawk nen,ka dah sawn duh bik lo .
Ka nu leh nau te an mutna a rei deuh tawh a ,an mutthilh ka ring tawh hial zawk.
"Chu te chauh chu maw " a ti nghut a, min thlahlel tih hriat zet in min melh leh vang vang thin , sawi tur tam tak ka nei mahse engtiang a bul han tan tur nge tih ka hre thlawt lo.
"Rinawm tak in awm la ,hmeichhe dang melh miah suh te i ti tel dawn lo em ni " a rawn tih chuan ka nui hak a ,a ni pawh a rawn nui ve tho .
A lam ah tawlh hnai zual hret in ka kuah a ,"ka ringtawk che "ka ti chhuak sep ,a hnen ah sawi ngai a ka ruat loh thil hlir a ni a rawn sawi ,a mizia ka hrechiang a, Pathian nei tu ka mipa hmangaih em em hian kei min phatsan in hmeichhe dang a kawp theih ka ring lo .
Mipa a zawng a mipa tha ber mai a ni a ,kei nen kan inthen te a nih ngawt loh chuan hmeichhe dang vang a kan buai ka ring lo ,mahse kan inthen hnu ah erawh min rawn ti buai zawm duh tur khawp a mipa rilru nghet lo leh nep a ni lo tih ka hrechiang em em thung
"Inneih lam chu kan la hlat khawp mai ti raw " uang ru zet in a rawn ti leh ,kei pawh chu ka lo bu nghat nghat,
Kan hmahun atan hmachhawp pawimawh tak tak kan la ngah a , hringnun tak tak kan dai chho tan tawh ang nga , tun a kan thil tih te hian nakin hun a kan nun dan tur thui tak a keng tel tawh dawn a ni .
"Engtia rei nge an zir thin , zir zawh ve leh pastor an ni nghal thin a mi ," chu zawhna chu ka zawh ngei ngai a ni ,hetiang lam thil hi chu ka hre lutuk tlat lo.
Ka nghawng chu a hmui a rawn tawk zeuh in a thaw chhuak hawk a ,"Kum li chhung an zir tlangpui ,"a ti sup a ,a va rei ngat ngat ve le ,kum li chhung chuan eng ang chiah nge kan chung ah thil thleng hman ang le ,inlaichinna chu chhe te a tawp thei thil a ni tih lah ka beng awm na ka hriat tlian tluk zet a chiang a ni bawk,
"Zir zawh ve leh a chuan pastor pangngai nih nghal tawp chu a theih ka ring lo " ti leh in ka khabe ah a rwn chawi kang a ,hmangaih hmel tak a min en na chu hmuh a nuam tak zet ,
A ni lak ah chauh ka lungphu te hi a rang thin a ,ka taksa a tawh lah in hlauh vang ni miah si lo in ka chhung ril a khur ru reng thin .
"Min nghak tur in ka ti lui dawn lo che , kei ai tha mipa pawh i la tawng thei, i duh lam chu i pan mai tur a ni ,kan inlaichinna ah hian nawrluihna tih vel in hmun chang suh se ,nangma duh thu ngei in , tihluihna tel lo in min nghak reng la ka duh , ka lak a tang a pen hran i duh hma chu i tan ka awm reng dawn tih hre bawk ang che "mahni inrintawj na a khat in min en a , thu tam a lak atang a dawn ka mamawh lo ,a nungchang leh chezia atang ringawt pawn innghahna tlak mipa a ni tih a lan tir thin .
" He hmui hian kei lo hmui dang dai lo hram se "ti in ka hmui ah chuan a rawn fawp vang vang a , dam raih a min fawh na te chu lo chhan let loh chu thil har tak a ni .
He zan hi kan pahnih tan chuan inhmangaih thar leh zan a ni ti ila a sual ka ring lo.Thinlung in hmu tak in thil tam tak kan sawi dun a, hmangaihna dai ve tawh ngai lo tur chu kan thinlung ah kan intuh tawn sak bawk .
Ka nu a hriselna in dam lam a la pan thei meuh lo, lo lam enkawl chu ka hna a ni ta mai a, nitin feh in chhuak ve thin mah ila ,ka thawk sawt lo thei khawp .
Zikpuii a rawn feh ve thin a, pakhat ngawt hna han thawh ai chuan pahnih nge nge chu a sawt zawk khawp mai,
Rinsawma leh Chhana pawh in vawi khat chu min thlawh pui ve tawh bawk .
Zan lam hi kan hun tha neih ve chhun a ni mai a, awm hrang thuai tur kan nih avang te hian a niang a hma zawng ai in kan in ngai in kan inthlahlel thar zual a, phone ah pawb kan inbe rei thei thin hle .Thu ho deuh deuh sawi hi a ching a, zan rei hnu ah te kan pahnih te in kan nui dun kar kar zel mai a ni .
Pathianni tlai ah a hma ah kan len na ngai ah bawk kan kal leh a ,a hma ang lo deuh in ,kan pahnih chauh in kan kal ta thung .
Kan thlen chuan naupang leh tleirawl inngaizawng leh thian ho a kal te an lo awm ve nuk a ,min hmuh hlau tak a bi ru chawt chawt lah an awm ,nuih an ti za reuh hlawm lutuk .
Puan phah tur ka ken chu lei ah chuan ka phah duai a ,kan thut fel thak hnu in ei tur kan ken ho kan phawrh in ,kan hma ah chuan kan dah a ,pahnih te chauh mah ni ila nuam kan ti dun tak zet .
" Nupa kan nih hun ah chuan fa tam zet kan nei a nga ,chhangchhe deuh in awm i la ,kan chhuah dawn apiang in kan fa ten min ngen in min tibuai nghal zel mai se la ,kan fa te chu a nu ang a hmeltha leh duhawm rawn ni vek bawk se la"ti in a chhing vang vang a ,hnung lamah a kut dah in a inbengkhalh in a thu awn duai.
A thil sawi chu a mitthla zawm a ni tih hriat tak in a nui suk suk .
Chutiang a thlen hun chu a nawm tur zia ka lo ngaihtuah ve bawk .
A tak ram thleng tur erawh in kum tam a vei a la ngai si .
"Pangpar te pawh an par lai chuan mawi tak leh nalh tak in an par chhuak thin a ,mahse a kumhlun lo thung ,eng tik hun ah emaw a par mawina a chuai thin ,chutiang ang chu ni ve lo ang aw kei ni chu engtik lai pawn par mawi tak chhuah reng in ,indawm tawn ila ,chuai ngai lo tur in in enkawl tawn reng ang aw " ka ti sep sep a ,ka thil sawi avang erawh in ka lai ve tak zet a ,mahse zak ang in ka awm duh lo lui tlat .
Ka hnung ah rawn thu phei in ,a awm chu min nghen tir a ,a ni pawn rem deuh in min rawn kuah nghal vat"i tan a innghahna tlak tak mipa ni tur in ka bei a nga ,ka hlawhtlin hun ah chuan i phurrit zawng zawng te ka ko ah i nghat thei tawh ang " nghet churh a ti in ,ka nghawng chu a hmui in a ti si leh thin .
He mipa ka duh em em na chhan chu ka dinhmun engkim ka sawi ngai lo in min hriatthiam sak thin a ,ka tan chuan lei a ka vantirhkoh ni tur a rawn chhuk a ni mai a ngem tih hi ka ngaihtuah fo thin.
Tlai dar 5 dawn ah kan haw a ,kan haw lam ah chuan kan pahnih a inzui min hmu tu an awm nual , emg ti tih in nge min sawi zui ang tih lam kan ngaihtuah ngai lo a ,tunlai tak phei hi chu kan inzui chhuak ngun zual a ,mi tam tak tan chuan hmuh tleu pawh kan awl viau ang mahse thianghlim tak in kan inngaizawng a ,chu thil chu kan hrechiang dun em em bawk .
In ka thlen chuan ka nu in eirawng a lo bawl peih diam tawh , a inthlahrun awm lek lek a ni ,ka nau te pahnih erawh tv hma ah thu in hmuhnawm ti zet in an en dun leh kar tawh .
"Zanin i inkhawm ang ti raw "
"Khawm chu tum ve " ka ti sep , ka nu pawh dam tha lutuk lo mahse pathianni zan inkhawm erawh a ti tawk tawk thin .
Ka pa a awmloh hnu hi chuan hmuh theih khawp in a tla rawk rawk a ,a la tawrh nat zia pawh a la hriat theih ,a fa te tan ti in a in ti chak lui hram hram thin .
Zan inkhawm na ah chuan kohhran secrectary in Rinsawma BD zir tur a a tlin thu puang in ,kohhran hming in lawmpuina a hlan bawk a .
Tun ah pawh phu ka intih tawh loh sa nak lai in ,Pastor a nih hun ah tak tak phei chuan lawmpui viau si in ,keimah lam ah insit na a awm nasa dawn hle in ka hria , kei ai tha hmeichhia tam tak in an hual vel dawn tih ka hre ve ran bawk.
Aizawl lam a a chhuk thlak hun tur ni chu a hnai tual tual a , a bulah chuan hreh lutuk ang in ka awmduh ngai lo , min ngaihtuah thei si a ,rilru nuam lo tak a a awm tur kha ka duh loh vang a ni .
A chhuk thlak hma zan ah inthlahna ang reng kan buatsaih a ,Hmingi te in chung ah ,ei tur eng emaw kan siam ve dal a.
Kan thiante chuan hmun fal min pe ni awm tak in inhnuai lam ah thil siam tur in min chhuk sawn vek a ,kan pahnih chuan zan thla eng tak hnuai ah inkuah rial in kan thu dun a ,sawi tur a vang zek leh nghal .
"Ka lung a leng lawk nghal " kan ngawih vang vang hnu ah ka ti chhuak sep a ,thlahlel tih hriat zet in min kuah tha sauh sauh .
Min hnem tum tak in "Phone ah kan inbe reng thei dawn a lawm ,lungngai suh " ti sup in ka bek chu a fawp vang vang , ka thil sawi tum hi sawi hun lo viau mahse hmai chhan ah ngei hrilh ka duh si a ,eng ang in nge a lo dawn sawn dawn lah ka hre lo
"Mizoram pawn lam ah hnathawh ka ril ruk a ," ka tih lai chuan a taksa a rawn tang nghal tun a ,ka nu hnenah pawh ka sawi vek tawh ,a tir chuan a rem ti bik lo ,mahse ka naute sikul kalna fee te leh thil dang dang ngaihtuah in a phal ve hram kha a nia ,tunah pawh a rilru chu a la dam zan lo.
"Tunah i sawi chauh a " a ti ta nghut mai ,a inla hrang nghal hmak bawk chu tim dai in ka melh a ,ka rilru siam fel nan khan hun ka duh rei em a ,ka hrilh hriat vat loh chhan pawh a ni reng .
A ban ah vuan in "ka rilru ka siam fel har lutuk a tin ni 'ka ti sep a ,na tak a thawk la hawk in ,a sam chu a tuai leh puat thin .
" Ngati nge ram dang ah kher kal chu i tum a "lung ni zan lo in a ti chhuak nghut ,a rilru tur ka hrethiam a , chuvang chuan zawl dawh tak a hrilh fiah hram hram tur leh ,eng tawngkam pawh lo nei se zawl dawh zawk a tang hram hram tur in ka infuih ru mawlh mawlh.
Amah chu en in " Hlawh a tha a ,mizoram ang ah chuan thawh na mai tur a vang bawk si ,ka qualification en in lo dil ta tehreng pawh ni ila ,tu man min duh lo ang , ka thil zir chhuah ve te kha tangkai lo deuh a thamral tir mai chu ka duh bik lo ,sum seng a zir ka ni ve bawk si "ka sawi lai zawng chuan ka tawt ru tun a ,ka dinhmun leh ka thutluk na hi min hriat thiam sak se ka ti ngawih ngawih .
"Hnam dang ho kar ah engtin nge nangmah in ngaih ngam deuh in ka awm tir theih ang che "rilru buai zet in a rawn ti chhuak a, kan training na hmun te khan thawh na tur min zawn hmuh sak vek tawh a , keimahni inpeih hun chauh a ni an nghah tawh .
" Mizo kan awm nual dawn a lawm ,lungngai suh ,engkim chanchin ka rawn hrilh thlap thlap thin ang che ,"ti in zam tak chung in ka kuah a ,a hnung ah ka beng thek thek .
Min kuah let ve in a tawng mai lo , a thawk leh hawk thin dan ah pawm thiam har a tih zia ka hre thei.
"Eng e maw tal sawi la ,i ngawih reng chuan nuam ka ti lo "
"A harsa hle mai " ti sup in "keimah chauh in ngaihtuah thei ka ni lo tih ka hria ,kei in tum mumal tak leh hlawhtlin na ka duh ang in ,nang pawn sum thawhchhuah a ,hlawhtlinna nasa tak chan i duh ve ang tih ka hria ,hnial a,kal lo tur a ti thei tur che lah ka ni hek lo " ti in ka sam chu a chul thuak thuak a , zan in kan awmdan zet chuan lung te a ti chhe rum rum mai a lawm .
"Ai ,chutiang a ka chung a thunei tur chuan dikna i nei a lawm ,nakina ka pasal tur i nih kha " ka lo ti thawt thawt chu a nui hawk a ,keipawh ka nui ve hak ,kan hmalam hun ah engthil nge kan tawn dawn hre lo mah ila tun ah chuan ka pasal tur a ka ngaih theih mipa awm chhun a ni tlat.
"Umm ,i pasal tur ka ni " rawn ti nawn ve sup in ,"ka tan rinawm reng la ,khawi hmun ah pawh awm la,Pathian hre reng chung zel in khawsa la , i chauh chang apiang in keimah min rawn ngaihtuah chhuak ziah thin bawk la ka duh, "a ti sup sup a ,ka dinhmun hrethiam tak a min fuih tu zawk a a la tang thei chu hmangaih tak in ka melh ta reng .
" Engtik ah nge i kal ang "
"Kar hnih vel helemah ka la awm phawt ang " ti in ka chhang a ,ka kal hma aizawl a in hmuh kan tum ruh viau mai.
"Chhuk ve tawh ila," ka tih chuan ,min rawn kuah tha leh phawt a , reilote min kuah hnu ah min nam hla deuh in "he thil ka tih phawt loh chuan kan chhuk lo ang " ka hmui chu a kutzungpui in a rawn tuai a, ka bek ah dawm in ka hmui ngawr chu a melh , ka zam leh em tawh ,ka hmui chu a khur deuh dar dar tih pawh ka hria a , ka kut chu ka hum ruh kher mai.
Rawn kun hniam in dam zet in min fawp a , ka bek a dawm na pawh a ti nghet zual sauh , a duhthawh ta lutuk chu thawk chhuahna hun pawh min siam hman lo.A lei a chet chhuah tir phei chuan ka taksa chhung min tham er er tu a awm a ,ngaihtuahna maksak tak ka nei bawk.
A tawp dawn ah erawh ka hmui hnuai lam chu pet in a nui ri suk a , ka chal leh a chal chu a in sik tir vang vang hnu ah ,rng emaw a sawi sup sup a ,ka thluak a la fim loh em avang in eng nge a sawi erawh ka hre lo thung .
Inhnuai lam a kan chhuak chuan arsa chu an lo kang zo diam tawh hi a ni , noodles an chhum bawk a ,thingpui nen chuan ei in kan kan ti ti pah a ,fiamthu te thawh in kan nui tlang leh bawk bawk thin .
"He mi te pahnih hi thlahfal tawh lo tur , thil tha lo lo an ti lo ang tih pawh a sawi thei loh " Chhana'n fiamthu a a tih chuan ,a thianpa chuan a melh ran ,
"A bialnu neih lok thlak emai " ti a a chhan let chuan a la na khawp a, bialnu a neih tam zia sawi in uang deuh deuh in a pawt a ,kan nuih pui hnem viau .
Hmingin "Sawi chauh a bialnu nei ringawt ho hi chu ,a tak ram ah eng an ni lo " a lo tih zeuh chu an han in hnial leh rih ,
"Hman a i bialpa pawn i zei hawi loh lutuk avang in nih kha a then che ,hman ni kan hnatlan na ah a sawi ham ham kha le,fawh a tum che apiang in a hnungah beng in ,i an khum leh nek thin ni awm tak a ni a , mawl melh mulh lutuk mai " a ti ta zung zung a ,midang lah in an ni pahnih in hnial chu nuihza insum zet in kan melh tawn ta chhen .
Rei ve deuh tawh ah khan Hmingi hian a bialpa a then a , a bialpa chhungte lam in an duh chiah lo a, a chhan pawh a mipa a naupan zawk vang a ni ,a bialpa hlui nu kha tawng tam chi a lo ni nen khawtlang ah a chhe zawng in a darh chiam a , chutiang vel vang te pawh ni in ka hria an in kar an tih tawp .
"Hmeichhe in vawng tak leh , mipa thuhnuai a awm dun dun tur chi ka nih loh zia i hre mai em ,hmeichhe thenkhat te chu an bialpa ten an thlem pawn hnar ngam lo in, then nih an duh loh vang ringawt in a hun hma in an thianghlimna pawh an hlan mai thin a ,kei te chuan chutiang duh lo in ka then hmak mai a ,hmeichhe zei lo zet min ti pawh ni se pawi ka ti lo " in ti thei zet in a rawn chhang let ,sawi tha an intih hmel mai bawk si .
Thil dang kan sawi kai pui ta daih ,chuti lo zawng an inhnial fiamthu na kha thinrim na in a rawn thlak thuai lo ang tih pawh a sawi theih loh ....
Kan thil ei chuan min ti puar khawp mai a,a hnu lam ah phei chuan hne lam ah a kal mah tawh zawk .
"Zai ang u ,a la hma tho " Hmingin a rawn tih chuan tu man kan hnial lo ,inchung lam ah chho leh in guitar kan keng chho a ,Rinsawma nen in si rial in kan thu dun a, ka kut chu a hum lum vang reng bawk.Kan thiante zai chu kan zawm leh zeuh thin .
Van lam thlir ila thla mawi tak in a lo eng ruih a ,arsi an de sep sep bawk ,boruak lah chu a nuam tawk em em a ,kan vel a thil awm zo zai te chen in engkim chu a inchawih mawi tawk em em vek mai a ni .
Tiang hian kan awmkhawm reng thei tawh dawn lo ,tiang tak a hun chhinchhiah tlak lah kan tawng tawh lo mai thei , tun hun hi am tak a hman ka duh a , Rinsawma nen ngat phei chuan kan tan zan chhinchhiah tlak tak a ni reng tawh ang .
Naktuk atang chuan tuanna mual a dang tawh a nga ,sakhmel in hmu chak tak chung in phone kal tlang chauh in kan in be thei tawh thung a nga,ka ngaih viau chang te ,ka lungngaih chang te pawn nghet tak in a taksa lum nuam tak t , ka thlamuan pui thin te kha ka dai thei tawh dawn si lo.
Kan duhthusam leh suangtuah thil te a tak ram a chan tir tur chuan , hma lak a ngai a , chutiang ti tur chuan ke kan pen bawk ,hma lam hun ah kan duhthusam thil te kan hlen chhuak thei dawn em tih lah kan hre lo , mahse tun hun ah erawh,chu thil chu a thlen ngei ring in beiseina nasa tak nei chung in hun kan chhiar liam ve mek zel a ni.
###Comment leh liam liam ila , naktuk zan ka rawn dah leh thut thei a , thut lo thei bawk #
