STILL WITH YOU

[Maam J]

By

Maam J




"Rilru hahna i nei leh ta ni maw?" ka black bean noodle ei lai a ka lu rawn nam bu lawp tu hmel chu thinrim zet chuan ka en a, a rum thei ang ber in ka melh bawk, ani ve thung chuan ka thinrim tih pawh hre lo ang mai chuan nui sang in min lo  en  a, chu mi vang ringawt pawh chuan ka thin a rim em em ringawt .

"Nei lo, ti nge kha tiang a na khan min rawn nam vak a, thil ka ei tih i hmuh ve reng hi" vin deuh hlur chuan ka ti a,.

"engmah! thinchhenu"tih pah in ka hnar a rawn piai.

"i ninawm ka hnar hi piai ziah suh, i piai nasa thei ropui si, a thip vek alawm " tih pah chuan ka hnar chu ka tuai neuh neuh.

"i thinrim hian i cute ka ti thin alawm, i hriat kha" tih pah in a nui sâng a, ka hma a stool chu la chhuak in a thu thla ve nghal.

"i thil ei te hi i ṭawp thei sia maw, i hmui ah kha a sauce a kai leh nuai tawh nia" dawhkan a napkin chu la in ka biang leh hmui a sauce kai chu a hru a.


"a nih tinge nangmah te chauh a thil ilo ei chhan? ei hnem itum ropui si, tiang te chuan vawk i ang vek mai tur asin".
"tianga tam thil i ei reng reng tawh chuan rilru hah na emaw buaina i tawk ani ziah bawk a " thu tak zawk chuan a rawn ti zawm leh nghal. Chhang lem lo chuan ka laptop chu ka melh zeuh, ka laptop a hmuh chuan ka hna pangai ka thawk tih a hre thiam nghal a. A bu zauh.

"englam nge? i ziak ṭha thei em?". a mit ko chu a rawn san euh a, kei ka lo ner nûng thung.

"vawiin chu ka rilru ah a lut thei thlawt lo, ka thluak a thu awm te hi an kal bo vek ni mai in ka hria" ka ti a. Ani ve thung chu a nui heu ringawt.

"Nanghi chu i mak ve ngawt mai"a rawn tih zawm leh nghal, a sawi awmzia hre lo zet chuan zawh na mit meng in ka melh nghal a.

"enge ka mak na?" tih leh ka mitko chu ka san euh a.

"engmah" tih pah chuan a chek tlak a.
ala nui suk zui.Ka noodles ei lai chu a bul a pawt hnaiin a ei nghal mawlh mawlh a.

"hei i zakthei lo lutuk ka ta nih kha" lak sak ka tum chu bowl chu rawn vuan ve vat in. "ka ta nih hi, i ei ve duh chuan duh leh order ve mai rawh" ka bowl vawn lai chu ka thlah duh bik der lo, rum fe chuan ka melh a.

"ka duh lo, hei ngei hi ka duh" tih pah chuan a lam ah a pawt hnai leh., noodles bowl khat in chuh chuan kan in pawt tawlh chhâwk a. Mipa ta na na chu ka hneh lo deuh ani e.

"ka chak e, ka ei vek thei" a mitko min rawn san khum leh.

"Park Jimin misualpa" tih pah chuan ka tum bur a.

"Park So Ra mi felnu" ka awki ang chiaha ring chuan a rawn ti let ve leh. Ka tum bur hmu reng chung si in min la nuih sâng zui, hepa hi chu ka van ngei tak.

"ei vek rawh, ei zo vek rawh" ṭap aw deuh ṭuau chuan ka ti a.

"ka lawm e" ani lah chuan a la tisam et zui. ka va han ngei tak!.

" sual-a ka kal dawn" tih leh ka laptop chu ka la a, ka bag ka la leh tur chu ka ban ah a rawn chelh.

"aishhhh!!!! ka fiam che nih kha, ṭhu rawh" a mitmeng chuan ṭhu tur in min ti a. "fiam te hi i dawl lo ve sia maw" zai dam zet chuan a rawn ti leh.

"a nih chuan tinge min fiam reng tho, fiam ka dawl lo tih i hre reng tho a" ka ṭah aw deuh lek lek vang chuan a nui suk a, a ṭhutthleng atang chuan tho chhuak in ka bul ah a rawn kal.

"thu rawh le, Black bean noodles tam tawkkk ka ei tir ang che aw" tih pah in ka biang a piai a, ka dar tawn tawn a vuanin min thut tir leh.

Amah pawh ṭhu ve nghal in Black bean noodles bowl 3 lai a lam a,, waiter in a rawn la nghal vat. Bowl 3 chuan ka hma ah a dah tir a.

"i ei zo vek thei ang maw?" rinloh hmel fe a a rawn tih chuan phur fe in ka theih thu ka lo sawi nghal.Rawn nui chhuak hak in "engtik ah nge ka nau te hi a puitlin ve ang aw" zawi si, a ma hriat tam lek tur ang chuan a sawi a, mahse ka hre pha vek tho.




'Park Jimin' ni e heihi ka thian, ni lo thian satliah mai nilo, Bestfriend zawk maw le. Park Jimin a ni. ka hyung ani tel bawk.Hyung tia ka koh hi a duh lo thin a, mahse a mah tih thinrim nan hrim hrim hian hyunv tin ka ko lui thin. Ka thinrimna tur thil ti ve thin mahse ka haw rei thei ṭhin lo,Min tih lungawi leh dan a thiam em atin ni, chutiang bawk in a ni pawh a ni ve tho a, buaina neuh neuh te, in tih buai chang leh in tih thiam loh chang pawh nei ve thin mah ila rei kan daih rei ngai lo.Ka thinrim in ka thin lung hneh zawng tak tur in thil a ti thiam a, a tawp a tawp ah min hneh leh nge nge thin. A bul ber ah chuan keihi min hre chiang em a tin ni.Sawi uar dawn ila keimah ka in hriat ai nasa in min hre chiang ani mah zawk. Chutiang bawk in kei pawh in.

Ka hyung hi chu a hmêl tha a, a fel a, a bul a awm a nuam a, min care hle bawk. In thenawm kan ni a, tette a tanga awm dun kan nih avang in kan inngaiin kan in thlahlel tawn bawk. Kan kum inthlau mah se kan in mil em em tho. Mahse maw ka hyung hi a sang ve vak lo a, mahse ka bula a awm chuan a sang ve lutuk, a chhan pawh keimah hi ka tet em vang ania. Hyung chu maw a hmelthat leh a fel em vang in star tu pawh a ngah lutuk mahse tumah a duh lo reng reng. A vun te hi hmeichhe vun ang mai hian a mam in a no a. Ka sawi thiam dan ah chuan ka hyung hi a perfect tawp a ni mai. An la hausa zui. Chuta kar ah a nu leh pa te an la fel em em zui. Zirna vang in Ram dang ah min awm bo san daih a, tun ah hian chawlh a nei ve avang in a rawn haw rih a.
Mahse ka nu sawi dan ka hriat rûk ah chuan a zirna chawlh san in an company hi a enkawl mai thei ati. Mr. Park hi a lo tar ve deuh tawh nen company hi a enkawl tha hlei thei tawh lo a, chuvang chuan hyung hian a enkawl dawn a ti.
Hyung chu ka khawngaih ngawt mai, A mah chiah hi an fa neih chhun ani sia, company lian zet a enkawl dawn chuan a buai thei ngawt ang, a hah hle bawk anga ka khawngaih lawk lutuk.
Chu ber ai chuan kan in kawm hman tawh lo ang tih ka hlau.

Ee .... chuan thil pakhat hyung hian vanduaina pakhat a nei leh a, chu chu maw tun thleng hian a thinlung luah tu ala tawng ve tlat lo hi a ni.



"heiiii i dreamland atang khan rawn harh chhuak rawh, hei??" ti a ka dar rawn nghawr dawt vang chuan ka phu deuh zawk. Hyung chuan mak tih hmel deuh chuan min lo en a. Ka suangtuahna ah hian ka lo cheng leh veng veng thin keive hi.

"enge i ngaihtuah, i thil ei lai kha lem phawt teh"a tih chuan thil ka ei tih ka hre chhuak leh chiah. Ka thil ei lai chawl meuh in ka hma a thu ka hyung hi ka lo ngaihtuah ania. Van ninawm tak!!! zahthlak hian.


''Vawiin chu eng lam pang nge a?" a rawn tih chuan ka bo hú a, ka table a ka laptop  en çhuan ka hre chhuak leh chiah.

"Engmah pawh ka la ziak hman lo ka ril atam lutuk a" ka pum chu ka chul a. Ani a lo ner nang thung.

"noodles bowl 3 i ei zawh tawh hnu ah pawh maw!!?" mak tih leh phawk deuh hraw chuan a ti a, ka lo nuih tlawn ringawt thung.


"ei thei si, i te reng tho si hi ka hre thiam lo" zawi sep a a tawng ri chu ka hria, ka ner nak a, enge ni a mah pawh a lian bik lo emai a, min tih thinrim tum a ni tih ka hriat avang in ka hre lo der a.

"Engtin nge hetah ka awm tih i hriat a?" tiin topic chu ka thlak ta daih.

"Ka thiannu te inneihna ah ka kal a, ka kawng cross tur ral leh lam dawr a vawk ang mai a thil ei ka hmu a nang inih ka ringa ka rawn kal a,chuan nang  i lo ni reng bawk a" min nuih pah chuan a ti a, ka hmui ka ti sawi a, ei lo tih hriat tak chuan  ka en bawk. Hepa hi chu min tih thinrim hi nuam a ti ve hrim hrim.

"Keilo thiandang ilo nei amawh!"
Lungawi lo zet chuan ka ṭhu tûm hmuk a, min en in a khi leh suk tawh.

"Thian han tih lem ah hman a ka thianhlui ka college kalpui maw le,,, pasal a neih tur kha min rawn hrilh ve sia ka kal zawk a, ka rawn let leh nghal ...heiii....tau suh, Nang chu ka thian tha ber lawm inih"
Tlawn ti teh deuh chuan min rawn thlem leh.

"ka naute ini bawk a" ka sam chu chul thuak in a rawn tih zawm leh, awlsam zet in kei ka lo nem leh nghal bawk a, mahse ka ti lang duh lo.

"i bialnu nih kha" tum der vel bur chuan ka lo ti deuh hmuk.

Rawn nui chhuak hawk in "an inneihna tur ah ka kal ka tih zawh chiah kha engtin nge ka bialnu nih theih ang" a rawn ti a. Ka awm dan min ti lai vek.

"Chu pawh ni se" ka'n ti leh hram a, ka tau ve laklawh tawh a, ka tau law law dawn.


Ka thutna bula chair awm ah chuan rawn phei in "thik duh suh, thian dang pawh nei ila nangmah hi ka best i ni tho alawm" tih pah chuan min rawn kuah a tum a, mahse ka lo thle sawn daih, hyung hian thian dang nei lo se ka duh, a neih chuan min thlahthlam ang a, kawm tur ka nei tawh lo ang tih ka hlau.

"Le nui tawh rawh le" tih pah chuan ka hmui chu a rawn ti kau a, min nuih tir.


"I Kookie nen khan in la ni tluang zel maw?" hyung chuan topic chu a rawn thlak a, ka lai leh nghal ringawt tawh.

"Hyung" zawi zet chuan ka ti a, ka ding chawt. Hyung pawh chu ding ve chawt in ka lam chu a rawn hawi a.

Ka nu leh pa te hian Kookie nen a kan chanchin hi hre ta se engtin nge an tih ang le, Kookie nen a kan awm dun hi an rem ti a ngem?
ka pa hian rem ti lo ta se engtin nge ka tih ang?

"hei Park So Ra?" hyung in min rawn koh chuan ka ngaihtuah na atangin ka harh chhuak zawk.

"Kei chu pasal neih ve ka chak tawh e, ka pasal tur chu ka hriat miah loh nise, kan nu leh pa te hian kan pian ve hma atangin inneih turin thu tiam lo siam vel se,,,chuan a tawp ah han in hmangaih hle bawk ila. Awiiii a romantic dawn eeee" kan piah lama thu te atanga titi ka hria chu an lam ka hawi a, theirawl pahnih an ni, school uniform an la hak atang chuan high school zir lai an ni tih ka hre nghal a, pakhat zawk chu a sam a tawi a, a dar chen vel ani, pakhat zawk erawh chu a sam a sei a, sang zet in a ṭawn tawm thung.

" Arranged marriage maw!!" ring leng lawng chuan pakhat chuan a ti a, a ṭawng rin em vang chuan customer dang te chuan an rawn en ve ṭhap, sam tawii chuan a ṭawng rin vang a ngaihdam dilin a bu lawp lawp a. Customer dang te chuan thil an ei zawm leh nghal. Kei erawh chuan an ni lam chu ka la en reng a.

"Immm, chutiang chu. En teh Arranged marriage. Park Jane ziah kha i chhiar em ve?" Sam sei chuan a ti a.


"chhiar ve e maw le. Park Jane ziah story chu chhiar loh ka nei lo" sam tawi zawk chuan confi zet chuan a ti a.


"keipawh henu hi chu ka duh lutuk, a story engkim hi ka duh vek" samtawi zawk chuan a tih zawm leh.

"Keipawh maw le, kha.... a story pakhat arranged marriage Mad Love kha lawm, tiang khan lawm ka awm ve chak chu" sam sei zawki chuan ring zet mai chuan a ti a, a hma a kutsuih in a han chhing a, ka lo nuih suk.

"I à mi, chu tiang inneih na te chu ahhh!!, a story kha chu duh viau mah ila tiang kha chu a tak a ka tawn a tan chuan ka duh lo" Sam tawiin chuan alo ti ve bawk a .

"Engee.... A romantic em chu...
a tir ah a changtunu leh changtupa te chu in duh lo in in haw mahse a tawp ah an in duh leh thin,,, awiiii a nawm tur dan chu" tih pah in sam sei zawki chuan a kut 2 chu dawhkan ah nghatin a khabe a dawm a, a dream zawm ani ngei ang, a khi leh suk suk thin a.

"Anih chu ahhh, kei chu ka hmangaih ber chiah pasal ah ka nei ang, chutiang te chu ka duh ve teuh lo mai, ka hriat miah lo in ka nu leh paten ka pasal tur min lo thlan sak ta se, a hmel te lo chhia in, thau deuh te lo ni ta se, awiiii ngaihtuah pawh ka ngaihtuah ngamlo e a" tih pah in samtawii chu a han in thing khur vel a.

"Hmangaih na chu hmelah ni loin, thinlung lam hi a ni zawk" sawi fuh inti hmel zet chuan sam sei zawk chuan a ti a, a thiannu chu a mit hmul a kán khum zeuh bawk.

"A nih chu ahh," pakhat zawk chuan alo tih khum hmak .
chutah pakhat zawk chuan a nih 'LASH WISH' kha i chhiar em?" sam tawii zawk chuan ahan ti leh a, samsei zawk i chu aw tih nan alo bu nghauh nghauh.

"awiiii kha thil pawh kha ka duh zia kha, eeee ni tak episode thar a rawn updated tawh em, han en teh" sam tawii chuan phur zet chuan a ti a, samtawii chuan a phone a phawrh nghal vat.

"La update lo, vawiin chu kan nghak rei dawn anih hmel" samtawii zawk in a tih chuan a pakhat chu alo ner nung a. "Ka nghakhlel tawh sin le" tiin a phun nung nung thung.

Chutia school naupang thlir a an ti ti ka lo ngaihthlak lai chuan ka hma zawn a mi chu rawn khuh kharh in a lam ka hawi nghal a.

"Park Jane chu ṭhalai te ah a thawk na hle a nih hmel" tih pah chuan min nuih a.

"min la hre dâwn chauh lawm" mithmul kân zeuh in ka lo chhang nghal.


"Hyung an thil sawi kha i lo hre ve em" hyung chu ka ka zawt a, an thil sawi kha alo hre ve lo aniang zawhna mit meng a min en chûng in a mitko a san a.

' 'Hmangaihna chu hmel ah nilo in thinlung ah a ni..' tih kha maw le." ka tih chuan "a dik alâwm nangmah atâng pawn a hriat" arawn ti a, ka lo khi suk thung.



Le lo in hmel hriat ve ta ila, kei hi Park So Ra ka ni, chuan nichin a in hriat ang khân mi thenkhat chuan Park Jane ti in min hre thung ang.Thlah pawlh an tih ang hi ka nia, ka nu hi English mi ni in ka pa erawh Korean mi ani thung. Kan din hmun a harsa hran lo a, Korea rama Park Electronic neitu hi ka pa hi a ni. Ka nu hi USA a university lar tak Priceton University neitu te fanu ani thung.Ka nu hian unau Mipa nei in a ni hi naupang ber in fanu awm chhun ani. Ka pa hi a tleirawl laiin Priceton University ah hian kal ve in chuta tanga ka nu nên a in tawng anni.. Lo inhmangaih in university an zawh hnu rei lo tê ah an innei a, US ah rei lo tê kan awm a, kum 2 ka tlin veleh ka pa te ram Korea ah kan awm hlen ta a ni.
Ka nu leh pa te hian business lam hi an tui em em a, Ka pa hian University a zawh hnu ah tuna kan company hi kum la naupang deuhin an chhungkaw in ro chun tuna kan Company hi a enkawl a, ka nu erawh ka pa nen an in neih hnu ah hna em em thawk tawh lo in kan in lam ah hun a hmang a, a theih theih na ah ka pa a pui thin. Ka nu hi nu satliah a ni lo a, business lam a tui in a thiam em em bawk, ka pa hna pawh hi a tam zawk chu a khawih a ni ti ila ka sawi sual lo ang. Ka pa nen a an tuina a in an vang in engkim an ti dun thei a, hna an thawh dun in an hlim thei em em bawk, an in hmangaih na pawh nitin hian a zual zel te hian ka hmu thin, an ni ka hmuh chang hian a lawm an mahni ang a awm ve ka chak em em thin.
Kei erawh ka nu leh pa te ang lo tak in business lam hi ka tui em em hran lo a, chuvang ania university ka graduate hnu ah ka tet te a tang a ka lo dream thin writer ropui tak nih tum in ka hun tam zawk chu ka laptop hma ah hun ka hmang thin. Ka nu leh pa pawh in ka tuina chu min zah sak a, mi fate ang lo tak in fate tui lo deuh na a kal tir ve kha min tum lo, ka nu hian business lam min duh pui viau mah se ka pa hian
''a thil chak leh nuam tih zawng chu a peih chen chen ti phawt se, a tih peih loh tawp ah a tih chak dang a awm leh chuan chu chu a ti leh anga, ka fanu hi engkim ah ka ring a, business lam khawih a ngai anih pawh in ka fanu hian harsatna leh buaina awm lo in a chingfel thei dâwn tih ka hria, chuvangin ka fanu hi ka la dam ve ṭawk ṭawk chhung chuan a nun chak dân ang zawk tak in a nung tur a ni" tiin ka nu a hrilh thin. He tiang a sawi thin vang ania ka nu pawh in ka pa a hauh thin "tiang hian i ti ziah a, i duatsual vek mai ang" a ti thin. Ni e, kei chu ka pa fanu duat bik ka ni reng a ni.



Chuan keihian mipa hmangaih em em mai ka nun ah ka nei ve a, Kookie tiin ka ko mai thin,a ni chu ka Mipa hmangaih hmasa ber leh a awm chhun ani bawk, chuan a ni pawh in min hmangaih ve hle bawk.
Ka nun ah tiang em em a mipa hmangaih hi ka la nei ngai lo, Mipa ti ila ka Jimin hyung kha mipa ah ka ngailo tih na ani lo ania. Ani chu ka hyung no 1 ani reng ang. A ni chu Mipa leh hmeichhe inhmangaihna lam ang nilo, ka unaupa ka thiantha ber, ka hmangaih em em ka taksa peng pakhat ang ani. Entir nan ka Jimin hyung hi awm lo ta se ka taksa peng pakhat awm lo ang a ni ang.
Tuna ka sawi ka Kookie hi chu a dang leh daih thung a.
Chuan thil mak deuh in hre duh em?
chu chu maw Ka Kookie nen hian vawi khat pawh kan la inhmu lo a.
University ka zir vel lai khan in hmuh kha kan tum ve thin a mahse ka zir lai leh ka hun neih dan te, Kook hun neih dan te leh kan hun awm dan zawng zawng te nên khân engkim kha a rem lo vek zêl avâng in tun thleng hian ka la in hmu thei rih lo a ni. Kum 3 lai chu kan lo in be ve reng ta mai.


Ka Kookie nen a kan in hriat dan sawi ta ila.
Nichin a ka sawi tawh ang khan keichu writer satliah ve mai ka nia. University ka graduate tirh khan story ka ziah hmasa ber 'LASH WISH' kha ka rin phak bak in thalai te ah a tla na a. Kha ta tang khan mi hriat chu ka hlawh chho ve ta zel a. Chu ka story ziah LASH WISH chu Kookie nau Mira chuan ka story chu lo chhiar ve thin in min rawn inbox a, ka Fan a nih thu sawi in nitin mai chuan ka story update hun chu a lo nghak thin chu ni in. Chuti khawp a ka story atchilh a min hlut sak tu chu kei pawh a chung ah ka lawm hle a, thian ang chiah in kan in kawm.
Mahse kar emaw zat chu Mira hnen atang chuan message ka dawng ta lo a. Ka story ka update rual a a comment ka dawng ta lo kha keipawh ka awm thiam lo ve hial ani. Kha naupang kha ka lo ngai ve tawh hle nih chu. Mahse thla a liam leh hnu ah Mira message chu ka dawng leh a mahse mak tak mai in Mira ani hauh lo. Kookie a in tia. Mira u alo ni awm a. Mira chu high School naupang niin a exam chu phone in a tihbuai an hlauh vang in a nu chuan an phone chu an dah that sak alo nia, ka story ziah a chhiar chak avâng in a u phone atang in ka story chu alo chhiar thin ani awm e. Mahse a u chuan lo man chhuak in min rawn be ta a. A tir chuan chu naupang awm dan chuan ka nuih a ti za viau mai.
Mira chuan min lo ngaihsan thin thu leh a u bul ah ka chanchin a sawi thin te chu Kookie chuan min hrilh thin a. Mira vang liau liau ani Kookie nen a kan in tawn hi. Kan in tawn dan mi te ang lo mahse ka in kar chu a tluang chho ve a, tun thleng hian kan in kar ah buaina em em a awm lo.



A tir kha chuan sawi tur pawh kan hre lo dun hle a mahse a khat tawk a kan han inbiak ve tak  ah chuan sàwi tur pawh a lo awm chho ve zel a, kan thil tui zawng alo in ang ve bawk nen..
Kan in kar ah chuan in duh na mai nilo hmangaih na hial alo awm chho ve tan a, tunah chuan kan in hmangaih na hian hmel in hmuh kher a phut tawh lo, kan thin lung hi a in zawm tlat tawh ti ila ka sawi sual awm lo ve.


A ni chu tunah hian Korea ah a awm lo va, anni pawh ka nu leh pa te ang tho in business lam vangin Italy ah a awm a, Korea a rawn  let hun hun ah in hmu tur in thu kan intiam thung.

A rawn let hun tur chu nghakhlel tak in nî ka lo hmang ve mai thin.

"Park So Ra" ka hma zawn a hyung in kut a rawn vai vang chuan ka harh chhuak zawk. vawiin ah ringawt pawh vawi engzat atam nge ka ngaihtuahna ah ka lo chen tawh?

"Aw" rang zat in ka ti vat.

"aishhhh i ngaihtuahna ah i cheng leh ta ni maw" a lu chu thing ner ner in a chek tlek tlek a.

Chhang lem lo chuan ka nui ringawt.

"hyung saw ice cream" kan hma a Magic Shop chu kawk in kal ka tum mai chu hyung chuan ka ban rek ah lo vuan in "tun ah i ei leh dawn maw!" a mitmu rawn pawng chhuak tur ang mai chuan a meng bial a. "Aw" ti a chhang in ka bu pah bawk. Dawr lam pan a kal ka tum chu min pawt let leh in "angai tawh lo vawiin atan chuan a tawk tawh" a ti a. A nui miah lo, a ti tak tak ania.

"hyung ka ei duh" ka in tih cute ve thiam ang ber chuan ka hmui ka ti pawrh a.

"a ngailo, haw ang" a kut a kuang kuah hmak.

"hyung... hyung..... mawhhhh" ka mit chu ka han khap leh fak fak a. A rilru ka la hneh lo, a lu a thing ner ner a.

"hyung pawh min ti suh, i hyung tur ka nilo, A hrim hrim ah vawiinah noodles bowl 3 lai i ei tawh a, tun ah ice cream i ngen leh a, thil i ei tam lutuk chuan i thau vek ang" thu tak fe chuan a ti a, ngai pawimawh lo in ka hmui ka ti pawrh vu..thau te mai mai a ho emai ah. mahni thil ei duh zawng ei avanga thau te chu ngatan mah ka ti teuh lo mai a.


"i sual emai, nih ka haw dawn" thinrim der chuan ka léh hawi a, ka kal daih.

"ani ni nih" tih pah chuan min rawn um a, min kawih her rual in ka nui nghal vur vur..

"Chimawm lutuk mai" tih pah chuan ice cream zawrhna lam chu a pan a, a kut pahnih in ice cream a rawn keng ve ve, nui vur vur chung chuan ka lam a rawn pan lai chu ka en a. Ka ice cream duh ber vanilla ice cream chu min pe a, a ta tur in strawberry flavour a lei ve thung. Ice Cream in ka lei a tawh rual chuan ka dai nghal sawng sawng in ka hria.


Engmah tih tur em em kan neih dun loh vang chuan Amusement park a kal ka ngen tlat a, phun nung nung chung chuan min kal pui ve mai, merry go round ah te ka chhuang a, hyung erawh a chhuang ve duh lo, a phone in ka thla min lo lak sak char char thung. Hetiang hun hi lawm ka nghah fo thin, hetiang hian kan naupang lai chuan hyung nen hun kan hmang thin a,mahse hyung chu ramdang ah lehkha a zir tak daih avang in ka hmang thei ta lo kha nia, ka hyung awm tawh loh vang ania keimah in ka room chhung ah laptop hma ah hun ka hman thin tak ni. Kum tam tak hnu ah hyung nen hun kan hmang dun leh thei a, ka hlim tak zet ani. Tiang hian a nuam tih ka lo theihngilh hman tep a ni. Ka sakawr a ka chuanna bulah chuan hyung chu alo kal ve zel a.
"So Ra haw tawh ang, a tlai tawh emai" a tih chuan ka bana ka sana chu ka en a, tlai lam dar 5 alo ri thuak tawh.Ka lo hre miah lo a khua pawh in thim lam a pan tawh.

"awle" tih pah chuan ka chhuk thla ve nghal a.

Hyung nen chuan kan in lam pan in bus ah chuang a. Ka tih fo dan in tukverh zawn ah ka thu leh, ka bulah hyung a thu thung.

"a nuam em" hyung in min tih chuan "nuam lutuk" tih pah in phur zet in ka lu ka bu nghauh nghauh.

"ka lawm e hyung" a mit a en kuau chung chuan ka nui sang a.

"immm ka cutie pie hlim nan chuan engpawh ni mai" tih pah in ka hnar a rawn piai leh tawh.

"Mochiiiiiii" tih leh ka hnar ka tuai neuh neuh a, ani lah in min la nuih sang zui. Tianga ka hyung anuih hian mochi a ang thei lutuk, chuvang ania mochi ka tih thin.


"mu rawh le" a dar chu a beng thek a, ka hre thiam nghal, a dar ah ka lu ka nghat a. Ka in fiam nasa bawk a ka chau ve aniang ka mu hil thuai.

"Kan thleng e" hyung chuan a rawn ti a, ka kut chuan ka mit ka nuai nawk nawk,bus alo ding reng tawh lo ni in,mut ka kham loh vang nge vawiin chu ni dang ai in kan bus chuan chhung arei lo ka ti ngei mai.

Hyung chuan kan in kawt thleng min thlah a, rawn lut tur a ka tih chuan a hnial a, kal leh na tur ka nei a tih vang chuan ka sawm lui bik ta lo mai.

Kawngka ka hawn rual chuan "Ka lo haw e"tih pah in ka pheikhawk chu shoe rack a dah in chapal ka la chhuak a. 

"I lo thleng tawh maw...So Ra, bawihte lo kal lawk teh, i hnen ah i pa nen thil sawi duh ka nei ania" ka nu chuan alo ti nghal a.

"enge" ka lo ti nghal vat.

"lo ṭhu phawt la" tih pah in ka nu chuan a bula couch chu ka thutna tur in alo beng thek thek a. Living room ka thleng phei chu ka pa hmel tàk ngúl chu ka hmu nghal a, ka nu thutna ka en leh chuan nidanga a hmel ang lo tak in a cool riau in ka hre bawk. Enge maw thleng ang mai chuan boruak chu a rik lûk a, a reh riau in ka hre bawk.Min tihlauthawng letling zawk.

"Eng thu nge ni ta a?" tih pah chuan sofa ah chuan ka thu tla nghal a. Ka nu leh pa te lam ka en chuan ka pa chu a kun ngul bawk si, enge thil awm zia ka hre lo tak zet.

"So ra? Hei hi han en teh" ka hma ah chuan thlalak ni awm tak hi ka nu chuan ka hma zawn ah chuan a rawn nawr phei a.

Ka la kang a, ka en ve mai.
Mipa thlalak a ni a, thlalak ami chuan kawr pangai denim Jean kekawr leh t-shirt a var plain a ha a, a sam a dum in a kir deuh bawk. A lan dan ah chuan model a ang ka ti. A hmel a chhelo hle bawk.

"Nu engatan nge thlalak hi" hre thiam lo zet chuan ka ti a, thlalak chu dawhkan ah ka dah let leh.

"Bawihte i pasal tur anih kha" ka nu in a rawn ti chiah chu engkim mai, ka bul hnai a awm te, Sana te chu an chawl rual ṭhup ni mai hian ka hria.
Zawhna mit meng chuan ka nu chu ka en nghal vat a.

"Pasal mawh!?" ka ti chuai raih.

"imm" tih pah chuan muangchang chuan a bu nghauh nghauh a.

"i pasal tur" muang fan raih leh fiah zawk chuan a rawn ti zawm leh.

"Nu, fiamthu na chi nilo ania" ka aw chu a chhang lek lek, ka sawi zawng chuan ka mittui a tling pam bawk.


"Fiamthu anilo bawihte" ka nu chuan an rawn ti leh.
"Ani theilo, ani theilo. Pa?" ka pa chu zawhna mitmeng chuan ka en nghal a, mahse ka pa chu ngawi reng in hnuai lam a bih ngul thung.
Ka ṭhutna tanga tho chhuak in ka pa bulah chuan ka va kal a, chhuatah ṭhu in a kut ka vuan vat.

"Pa? enge sawi teh ka nu hian pasal ka neih tur thu sawi ania. Pa?" tih pah chuan ka pa chu a mit tak ah ka en.

"Pa? enge maw tal sawi ta che ka nu hi fiamthu sawi lo tur in hrilh teh,?tiang fiamthu hi ka duh lo nia" ka pa kut chu ka sawi dawt dawt a. Chutah ka pa chu muang chang a rawn che in ka mit ah a en a.

"Thu dik ani" fiah zet in a rawn ti.

"Pa…." ka ti chuai raih a, ka mittui tling pam tawh chu a rawn dir thla nghal zung zung.

"ai anilo, fiamthu vek ani" ka lu chu ka thing ner ner a.

"Bawihi fiamthu ani lo, kha pa kha i pasal tur anih kha, " ka nu bawk chu rawn kal in ka kut ah a rawn vuan. ka nu hmel chu mittui luang kar atang chuan ka en a, fiamthu hmel a pu lo,ka pa ka en leh nghal zat a, hmel thu tak ngún chuan a lo ding reng a.

"Nilo, ka pasal tur anilo,Dawt i sawi. Ka duh lo, kei hian pasal neih ka duh lo, kei hian ka nei tawp lo ang, ka hmelhriat lo leh nghal"  ka thinrim zet chuan ka ti vin hlur a, ka nu leh pa pawh ka vêng thawng thei tawh lo.

"Ngawi rawh"
Ka pa chuan a rawn ti vin tuar. A lam ka hawi a.
"Pa?" ṭahna vang in ka ti tham ṭiak.

Ka pa chu ka en tlawk tlawk a.

"Ngawi hmak rawh, ani kha i pasal tur anih kha, chu chu thu tawp a ni. tunkar tawp ah hian in in neih nghal bawk ang" fiah zet chuan ka pa chuan a rawn ti leh. Ka che chang thei lo a, ka ngawi tawp.



"Nilo, a theih loh, keihian ka nei lo ang, chu chu thu tawp a ni" ka huaisenna zawng zawng sâwm khawm in ka ti let ve. Mahse ka sawi zawh veleh ka biang chu a rawn ri zui nghal.

"Ngawi tawh rawh, engvang a awki ring a min ankhum ngam nge inih? Khawiah nge in nungchang te kha a awm zawh! nang hian i nei khawp ang, keini hi i nu leh pa te kan ni a, I tana tha tur chu kan hria, min hnial hlek suh,, min hnial pawh ni la, ka thu sawi chu a thleng tho ang"a sawi zawng chuan thinrimna vanga a biang khur zur zur chu ka hmu .

Ka pa chu ka en ngawih ngawih a, tiang hian ka pa hian kut min la thlak ngai lo, kut thlak a hnek in tianga àw kà vin tak ngial pawh min la hman khum ngailo.Mahse tinge tun ah?

"nilo ka nei dawn chuang lo" ka kawr ban chuan ka mitttui tla chu ka hru tawk a,ka room inchung lam ka pan nghal hmak.

Ka room ah chuan ka in kalh hnan a, ka theih tawp a ring in ka au nghek.
Ka phone chu la chhuak in ka hmet mial mial a.

"Hello? Hello? Jane i tha em?
Min chhang rawh" lehlam a mi chuan a rawn ti nghal bawrh bawrh a.Ka chhang lawk thei lo,ka mittui rawn tla reng chuan ka hrawk chu a hnawh ni mai in ka hria.

"Kookie"
Ka àw chu a chhuak chang chang.

"Immmm,,, i tha em?
I chungah thil thleng a awm em ni?"

"Koo.. Kookie ka pa..ka pa" ka sawi zawm hlei theilo.

"Jane sawi rawh enge i pa chu?" ani pawh hlauhthawnna âw nen chuan arawn ti a.

"Kook ka pa in... ka pa in pasal nei tur in min ti" ka sawi zawh rual chuan ka mittui bawk chu a rawn luang leh tawh.
"ka pa in pasal nei tur in min ti Kook" tap àw ṭiau chuan ka tih zawm leh.

"Nilo, a ni thei lo, pasal i nei thei lo, nang hian min kalsan thei lo ang" a awki a hlauhthawnna aw ka hriat chuan ka mit ka chhing vang vang a.

"Kook keipawh in nang lo chu tumah pasal a neih ka duh lo mahse ka pa.."

"Min ngaithla rawh Jane, nang hian min hmangaih em?" thu tak zet chuan a rawn ti a.

"aw, ka hmangaih che"

"Keipawn ka hmangaih che a, chu chu ani tun a ka hriat duh chu, hahdam rawh, chuan nang hian min kalsan hi ka rem tilo, min lo nghak rawh ka lo let vat ang, chuan nang hi nupui ah ka nei ang che." a awki a thu tak na leh tumruh na ka hriat vang chuan a thil tum chu a ti hlawhtling dawn tih ka hria.

" ka lo nghak ang che, keihian nang lo chu pasal ka nei duhlo"

"awle a tha e, tunah chuan kan in hmuh hun a thleng dawn ta e"





Cont.....