Surreal Love

[Sarah Vitone]

Chapter-32
Lalrindiki's POV:



Phone ka dah thlak chuan Jordan-a chu ka va en a, tun ah chuan naupang titau atang pa in a fanu thil ti Chiang ltk tak mai a a en hi a ang tawh.



“Tlai ah kan kal theih leh theih loh min zawt a, thei ka ti mai a sin” ka ti a, ka sawi in thla hrung deuh, ka lo zawt phawt ang tih na chang pawh ka hre lo a, buai thlak thei a nia, “a tha lawm” ti sup in a ei zawm leh deih a, ka lo en reng lai chuan a ei lai chu tawp thut in min rawn en let ve kar mai, “Tunge Zothana chu” a rawn ti a, ka lo buai deuh hman, mhs in siam tha vat in ni chin a a hming ka sawi kha a lo hre fuh a nih hmel.



“Ihhh, kan first cousin a nia, apa lam a mi, khaa, Lux night club nei tu kha” ka ti a, Lux chu a hriat loh ka ring lo, zan tin ang tawp awl nei lo in huau² nan leh in tih hlim nan an hmang thin a event Lian tak² neih nan te pawn an hmang fo, kei mah ni ngei pawn kan hmang fo a, dawr thil tih khawm neuh² ah a ni tlang pui.



“Zothana... Zothansanga mo” a rawn ti muang ban charh a, a hre awm reng sia, “umm oooo” ka lo ti let ve a, a then sak mai, nichin a a titau kha chu a bo leh tawh a nih hmel, thlem viau hran a ngai lo hi a tha lai tak a ni.



“Tlai chu i kal hman dawn mo, hna thawh thrulh in rawn kal kher a ngai lo a nia” ka ti tha leh a, an buai zia ngaih tuah chuan a rawn kal ve theih pawh ka ring lo, “hman ang, lungngai mah ta che, Lalrinhlua hi a nupui tan a buai ltk ngai lo” tiin a kiai suk a, a tawng mawh leh dawn tan tlat in ka hria.



Mhs rin loh deuh in “Nizan a I thil sawi kha I ti tak² em, nge sex vang khan i thluak la fim lo sawi mai²” a rawn ti a, a tawng tawh dawn lo a maw ka tia, a zawhna min zawh ber kher lah chu, ka ner nâng mai, “Ka thluak a fim vek, sawi pawh rawn sawi chhuak leh vaih teh” ti hluai in ka thil ei lai chu ka ei zawm a, a rawn nui hak pawh chu ka hria, mhs ka en duh tawh teuh lo.



Ka ei tur ka ei zawh chuan a ngai te bawk in a Chaw chu khawih chet mang loh in a lo la awm a, phone a la khawih san daih leh nghal, “Lalrinhlu, Chaw ei lai te hi chuan I phone dah ve teh, kha i Chaw kha a la tam ltk” tiin a Chaw chu ka kawk a, enga tan a ngaih hmel lem loh, “Ka ril a tam lo” a lo ti êt ringawt a, buai thlak hian ah, tho kang in a plate chu ak seng a, ka let leh lam tur ah a phone khawih lai chu ka lak sak hmak, “Ei rawh” tiin in chung lam chu ka pan a, “I ei zawh ah lo chho la, phone chu i lo la mai dawn nia, chuan ei na kha chu ka rawn ti fel ang” ka ti leh hram.



Ka kal zawng a ka kap rawn na vung² vang chuan nizan lam ka hre chhuak zawk a, room ka luh lah in nizan thil thleng hriat tak tur in a lo la hnawk niaih bawk, ka phone ken chu ka dah thla a, room hnawk chu thian fai in bedsheet a thi sen val kalh pawh chu ka hmu a, ner nâng² in ka hlip a, suk tur ah ka dah vek, ka zing tho te kha ka hmu lo reng² emaw ni.



Room ka tih fel zawh hnu pawh a a la rawn chhoh loh vang chuan mak ka ti deuh a, a Chaw kha chu a ei zo don lo phawt, rei deuh awm na chi a ni lo, nge, a lo tifel leh zawk, zing kal hma a ngai tih a in hre reng sia.



Ka zuk chhuk ta nge² a, rin ang ngei in thleng chu a lo sil, a la in hmeh phian leh nghal, thaw hak in a thil sil lai vu ka lak sak a, “han in siam rawh, dawh kan ah khan i phone chu a awm” tiin ka kiu chuan ka nghawk zeuh a, kal ta mai lo chuan min en vung², “han in siam rawhh, i tlai a nge” tiin ka hnung lam sir a sana, bang a in tar chu ka en zeuh a, a la hma phian, ka sil zawm ta ringawt a, zah zel deuh te pawh a niang chu.



A kut phuan chu a sil a, a la kal ta chuang lo, ka hnung lam atang chuan min rawn kuah in ka nghawng ah chuan a hmai a phum a, ka sawi fiah thiam dan ber chu mo, hmangaih ma mawh deuh tih a ni.



Sawi mai tur pawh ka hre lo a, kan ngawih deuh vung² hnu ah, a sir a basket a kan thei dah a mi, grapes chu la in min rawn ei tir, “ Ntk ah in leng ka nei dawn a, tu te nge an nih chu i hria, mhs, hriat dan dang deuh in i hre tawh thung ang, ka nu leh pa te min thah sak tu ka zawn lai a min pui thin tu a nia, a assistant nen an rawn kal ang” a rawn ti thum sup a, ka nghawng a hmai a la phum tlat vang in ka hawi let thei lo.



“Tu te nge” ka ti a, mak ka ti deuh, thawh pui a neih chu ka ring ngei a, mhs ka hmel hriat ah tiang ti awm hi ka hre lo a ni, ka bek a rawn fawp zeuh a, ‘min ring rawh’ a ti ni mai in ka hria, chuan chu chuan thil tha a nih min rin tir hlawl lo bawk, “I hre mai ang” tiin a in la hrang a, in chung ah a chho nghal daih.



Thil tam tak sawi tur nei si a eng mah a sawi tha duh lo hi ka thil ngei ber te zing a mi a ni hial ang, kan in neih hnu ni 5 lek chhung pawh hian in hawng tak a eng pawh min ti ti pui theih thu ka hrilh thin a, a lak ah pawh ka theih ang tawk in ka in hawng chuan ka hre ve bawk, mhs dem vek thei ka ni lo a, a chung a thil lo thleng tawh nen phei kha chuan a bul hnai a awm reng² te a ring lo in a tan a thil tha lo thlen thei a ni tih a hre ve reng dawn a, a pawi ka ti, a ni ang mipa, kum 5 a nih lai mai a kha tiang thlir a hmuh tir a ni kha, a pawi tih hian a sawi fiah zo lo a ni ber.



A ni thinlung Tha tak hi a ti lang vawt ruih a, a thinlung nei lo leh mi sual tak ang mai in a lan tir a ni, chuan ka hre Chiang viau a, a sual lo tih, a vawt ringawt a ni, a bul a awm a thla muan thlak fo a, a chhung ril ah thinlung no tak a nei tih pawh ka Chiang viau.



Thleng ka sil zawh chuan in siam tur in ka chho ve nghal a, in a room then khat hi chu la kal miah loh na ka la nei, dawr lam a ka thawh bak ah in lam ah pawh file then khat Hawn in ka en zawm leh a, Jordan-a erawh puih duh viau mah ila an ni pe chhuak thin company leh kei ni la lut a tlem² a pe chhuak leh thin nen chuan a kal hmang a dang lam deuh a, in puih theih loh na chen a awm ve thin a ni, chu vang te pawh chuan in lam thleng in ak buai ve thei viau a, in pawh fan kual na chang ka hre lo a ni.



Room ka luh chuan balcony ah chuan Jordan-a chu a lo Dak a, a mood a in thlak leh dawn Chiang e, ka kamiz hak tur leh smart pants ka la chhuak a, bathroom ah lut in ka in thlak sawk², nupa hna thawh nei ta ve² chu kan hman chen leh hman lo chen a in ang thei viau a, zing lam thawh hre lo tak kan ni te pawh a lawm awm, kan awm na a fal deuh a, khawpui chhung lut tur in min 10-15 vel kan in khalh a, dawr thlen tak phei chu dar kar chan ve dawn lai a ni thin.



Bathroom atanga ka chhuah chuan Jordan-a pawh a lo lut tawh a, a mood pawh a thlak Chiang e, min lo nuih vur² vang chuan ka zam deuh ringawt a, ka melh rum ta ringawt, ka sam ka bawk tawm chu phelh in ka khuih a, a hnawk ngaih tuah in a tang lo ang reng, a zia e.



Jordan-a chuan ka lam a lo pan a, zing lam atang a mood in thlak vawi 3 na chiah a ni, ka sam ka khuih lai chu Sam khuih na min lak sak in min khuih sak a, tu in nge he mihring hian hmangaihna a pian pui ve a ni tih hi ring thiam ang le.



“Ka rual in i chhuak dawn em” a rawn ti sap a, ka sam a khuih lai chu a la consentrate hmel viau bawk, “ ka hre lo, i rual a ka chhuah chuan ban lam kan in nan hman loh a hlau awm sia” ti nâng² in ka sam a khuih zawh chu Sam tawn na ka lo pe a, han ti ve chhin teh se, nui suk in a la ve mai bawk, “Nang hman tur che in rawn ban ka tum dawn nia” a ti a, a kut dam deuh ngawt chu a ni ka lo ngaih tuah, “i hman theih tak ngial loh pawn U Mami te an awm dawn tho a” tiin a lam chu ka hawi a, ka sam pawh a rawn fel tawh, “Hna thulh in rawn kal miah suh” ti leh hram in ka fawp zeuh a, a lo nui hawk.



Ka kal mai tur chu min pawt let leh in duh thawh deuh mai in min fawp leh a, khap ngai em chuan a rei lo thung. In hnuai ah in zui thla in in kan chhuah san a, kan in atanga hla lo te ah Jerome-a in awm in kawng Peng kan va thlen chuan chak fe mai in a car dum hlarh mai chuan min rawn tlan pel fua mai.



Dawr ka thleng a, ni dang ang bawk in han ngai te thawk in kan buai leh a, U Hlimpui pawh Chaw hma chauh a awm, rei awm tum ni lo mhs Zothana awm pui tum chu in ngaih tuah ve fê na tham a ni a, a thin chhia in a thu a duh a, rui ve thin viau e ti lo chaun leadership te hi a la nei tha phian leh nghal, tun ang reng hi chu ni lo se a night club te pawh a lun em² a, a pa pension hlawh nen, a nu lah nursing Home ah a awm daih bawk a, pawisa chu buai tur a ni lo, a buai lo reng bawk a, mhs tun ai hi chuan a la lut tam thei deih a ni, U Hlimpui hian a hma khua ngai in a va en pui leh zauh² thin mai pawh a, kei ni nen hi chuan kan in nel lo a, kan unau leh cousin hrim² ah chuan U Hlimpui nen chauh te hian an in bia a ni ber.



“Mate, tlai chu Chaw rawn ei nghal ula” U Mami chuan Lalrinawmi profile, paper chah lam deuh a in tiang lak pah chaun a ti a, dar kan uk in “ka hre lo le, Jordan-a te hi an buai thei ltk a, a hman ange maw” ka lo ti a, a bu nghat, a ner nâng bawk, “A U Jerome-a saw ka ngei tlat” a rawn ti hluai a, hei chu U Mami dan a ni, chhan awm lem lo hian mi hi a ngei tawp² zel a, mhs U Jerome-a mize cha po ve tak nen chaun ngei loh ngaih na a awm lo ka ti ve tlat, “U ti suh, thla tlem te bak in an in hlat lo” ka lo ti ve vat a, mak a tih hmel deuh, mhs eng mah min zawt lem lo a, hre tur a ka duh a nih chuan ak hrilh mai dawn tih a hre thiam pawh a ni mah na.