*Haven* ch~23 by~Natasha Hrahsel

[Natasha Hrahsel]

*HAVEN* ch~23





"Bawihi" ti thum dut dut ri vang chuan ka harh a






"Ala hma lo mi " phak chial chuan ka ti sep . "Kaihthawh che hreh viau mah ila i chhungte hriat hma a chhoh i duh ka ring a " a ti sup a , ka mit pawh kala meng hleithei lo .
"Nizan khan Mama kawmgkhar ka kalhtir a , a luh theih dawn chuanglo a " ka tih takah chuan amah min bawh tir in "anih chuan muhil leh rawh " ka chhipah fawp tawkin a ti sup .






"Dar engzat nge ni tawh hrim hrim ?"






"Dar nga a ri tep " a ti sup a , a chauh dawn nen ka chhungten abulah ka riak tih hi ani chuan ahlau dawn miahlo , kei min ngaihchan vanga tho hma anih ka ring .
Amah bawhin ka mu a , ka hnungzâng a chul heuh heuh mai .Aharh laklawh tawh aniang ,a chetsek danah .






"I mut achhuak tawhlo em ni ? I chau awm si " ka ti sep a , aharh laklawh thu in min chhâng . Ka mut la chhuak viau mahse muthilh san ka tum tawh bik chuanglo .
Nimin lamah khua alum em em a tukin chu a vawt ve seng mai ! Tunlai khawawm dan inthlak thut thut zel hi amak!






Rei vaklo ah bang chu ruah hmi in a rawn theh ta that that ta reng a , a sûr tam lo nangin thli tlem a tel deuh aniang .Nilo se ruah tlem dan ngaihtuah in bang rawh theh na tur khawp a sur lo hrim hrim .
Kan awmdan chu ahahdamthlak letling phian a , lei ruahin a nan huh rim rawn nam chak chak te chuan a ti romantic leh zual bik .Tiang khaw karah duhber te bula awm tluka nuam hi a awm kherlo ang .








"Ka dul alen vak hunah hian ka nalh awmlo ti raw ? Ka mak teng tung reuh ngawt ang " ka ti sap a , ka taksa ka in uluk lam anilo mahse ka dul thep dep mai a rawn puar lian tur hi ngaihtuah chet chet chuan ka râp deuh tlat nia mawle .


"Nang tluka rai inhmeh an awm ka ringlo " a ti sup a , "ka awihlo " kalo ti thuai .







"Dawt ka hrilh che i hre tawh em ?" A ti nghet churh , dawt minla hrilh miahlo tak tak ! Keichuan dawt var ang zawng pawn ka hrilh hnem tawh mai.








"Kan inhmuh hmasak ber kha ila hria em ? Min man a , khami tum khan midang kha ka hlau lo reng reng mahse nangchu ka hlau che "


"Umm khami tum kha chuan naupang kawlhrawng zet hlauh neilo hmuh in ka hmu che a , hmaizangthal haw haw a min chhan ve pang pang te khan pen kawrh che kha ka duh " anui nghawr dat a , "hun hi akal chak khawp mai , nimin lawka thil thleng ang tur hiala kanla hriatchian te kha thla liam ta ami alo ni leh der zel a !" A tih chuan dik ka ti khawp.
Ka pahrawn ka hlauh em vanga in a ka haw ngamloh lai te kha ala reiloh nen , mitkhapkar lekin tunhun hi kan thleng ang mai ani .'kan hlimlai hi nuam kan tih em vangin tawi angin kan hria a ,kan tawrh hun chhung hi rei angin kan hre thung a ' an ti thin a , a dik tak tak ang . U Liansanga nena kan intawnna pawh rei tak chu ani hauhlo chungin mitkhap kar lek ang mai ani .Abula ka hlim thin em vang aniang .







"I hmuihmul tlem a awm hian a ti lang pa che "a khabe hmul lo to thar khawih sak neuh neuh in ka ti sep a , a kiai suk mai .
"Ka bula i awm hian tha ka ti zual thung che ". A rawn tih ve chuan a khabe hmul chu ka pawt vak . Anui zui hawk hawk mai






Warning .....




Khan tuma ka ke a chunga ka hlâm chhoh chuan a rûm ri hawk a "bawihi " a ti deuh nghut .
"Tihpalh delh luih ka tum lo " ka ti nghal nawk nawk .A nuiro hawk mai , "engtia rei nge kan insum ala ngaih ang " a ti hul hak a , ka nui hak .


"Min nuih hlek suh "ti bung nghutin ka hmuiah a rawn fawp tawk a "a hrehawm zia i hrethiam phalo zawk ang " a tih chuan na tuar te pawh a ang lek lek zawk !
Fiam hlak ka châk vang chuan ka ke chu ka ti che a "Daphne " ti nghutin ka mal chu a dawm nghal chawt "che tawh suh " a ti hluk bawk .







"Enge ka ke akham alawm " hrelo der in ka ti nang nang . A lukham ah alu anghat thla dawt a , athaw chhuak hawk bawk .
"Daphne " ka ke ka tihchet leh rual chuan a rawn ti leh hluk , za zetin ka nui chhuak ta hawk hawk .






"I hre khawp ang " ti bul nghutin a che thut a bawkkhup zawnga ka mu chu ka chungah a rawn bawk nghal zat . A rihna zawng zawngin min delh lo thung .

"Heii...heii awmsawn rawh " la nui zui hak hak chung chuan ka ti hlak .






"I nghal bawk a " ti hlukin a tho thut a ka pyjama hak chu a awlsam zetin a hlip nghal tawk ! A rawn bawh leh rualin ka kawr chu ka awm lamah a nawr tawm chho leh nghal vek bawk .
"Kan doctor pan hi thlak atha ang " ka nui nghawr dat . Doctor thusawi angaihpawimawh thin tehreng nen !






"Bawihi"






"Apawilo" ka ti sep .





A mipatna khawng ruh tung mai ngial ngan lutuk a ka tawh rual chuan ka thaw ve hawk tho . Ka taksa a hmu vek tawh a , bawkkhup a ka mu chungin ka zak duh tawh biklo . Ka k*p chu a rawn nuai nawk nawk a , alukham chu la lawkin ka kawngah a rawlh lut a , ka taksa chhungah ka inrin hma hauh a a rawn luh rual chuan ka tre deuh that...






Cut...





"Pi" ruah la hmi cherh cherh kara pawn thuk a alo thu ka hmuh rual chuan ka ti deuh hap a "tinge khua athatloh te chuan thuk i nun duh kher a ?" Kati hliai .

"Inlo tho tawh maw , tihtur a awmlo em a mei kalo nun mai mai anih hi . Thingpui ka lum tawh kha zuk in rawh u " ati chhar chhar a , ka lai ru angreng khawp .
"Zân a chhuahruk kher angai tawhlo ania , Liansanga pawh nangmah vangin helai a rawn thleng tawh a hunfâl te pawh in mamawh ve ang " U Liansanga chu ka kheuh nawk nawk .A kiai suk suk duh chauh ka va ngei tak .Ka pi pawh hi sawilan loh ve mai tur ania !






Ka nutei te anlo la tho lo hlauh a , ruah sur nen thawh an hai ve anih ka ring .Ni dangah chuan dar ruk ah an tho ve zat zat zel .
Thingpui kan in a , chaw ka chhuang nghal bawk a .Chawhmeh siamthar kan ngaih nual vangin fridge atang siam tur awm ang ang chu ka phawrh a , thingtlang ah chuan thlai chingtu /lo neitu te zawk mah nise Aizawl angin chawhmeh a awm kim velo a , mahse engkim mai hi atharlam em em thung .






"Antam pâr tlak ila , maian bai bawk ila i ei thei ang tiraw ?" Ka tih chuan "min ngaihtuah vak suh , a awm awm ka ei thei " alo ti ve mai a , a ei in a uluk zia ngaihtuah in ngaihtuah loh ahar ve bawk ani .
Pa Sânga'n nimin tlai ah dîl sangha alo hawn hlauh a , ahmin hma bawk nen ei dawn a chhum zuai ila a tha ang .






"Mate inva tho hma ve ! Thawh kan hai pek chu a maian bai i tum ami a kha " ka nutei a rawn tho chhuak ve chiah .
"Antam pár kha ka tlak tawh bawk a , sangha kha chhum ila apawi angem ?"






"Pawi lo e , i tan deuh a ipa Sânga rawn lei alawm .Midang hi chuan kan ei tha duh vaklo . Rap ah khan sakhi sa rêp kha ala awm in ka hria bawl hluah ila atha ang " pawn lamah sakhi sa rep chu a rawn dawn aniang a chhuak zui daih .Ka nutei hian thingpui a intam lutuk lo a ,midang ho erawh hi chuan akhat tawkin kan in reng .

"Mate Mama lo kaitho teh aw , khu vawk in chung khu a che hlawp hlawp mai ! I pa Sánga khan a kilh tha tawh viau amaw ka tia , kilh that loh chuan thli in a lên mai ahlauhawm " ka nutei chuan a rawn ti lût a , chutiang ngaihven nachang pawh kanlo hre lehpek miahlo .






"Ka kilh tha thei alawm , khawnge hmanrua a awm a " U Liansanga chuan a rawn ti khauh .





"Aaa Mama pawh a awm reng alawm , ipa Sânga nizân lamah a khuasik a ka kaitho duhlo mai mai zawk a "ka nutei chuan alo ti a






"Aharsa lo ang " pakhat lahin a ti ve tlat thung .








Ka nutei chuan perek bawm leh tuboh chu ape ta nge nge a ,zui thlak ve tuma ka chhuah ve rual chuan "Bawihi i tlu sual ang rawn kal ve suh " alo ti dam thlup . "Min en châk viau chuan tukverh atang khan minlo en mai la "tiin akiai suk .Amah ka ngaihtuah vangin zui ka tum a , anin minlo ngaihtuah let daih a !

"Ni e Mate inhnuai ber thleng step kanla rem tha silo a nâl dawn si tawlhthluk ahlauhawm " ka nutei pawhin a ti ve bawk .Ruah ala hmi seng seng a , an zuk che sual mai ang tih te ania ka hlauh ni .







Thlanglam tukverh atang chuan ka thlîr a , vawin chung chu a zahve dawn thleng alo in hlîp tawh a , a ri kan hre miahlo te kha amak zawk hial mai !
U Liansanga chu inzo zetin vawkin chungah chuan a lawn a , ka nutei'n perek leh tuboh alo pe nghal zat . Khawpui mi ni awm pawh anilo , a che reng reng chu a zeihawi khawp mai !
Awlsam zetin vawkin chung chu a kilh tha mawlh mawlh !






"Khu Liansanga elaw ?"







"Awii!"







"A ât che law " tih chu a inrik chhawk nghal nawk .

Ka pa Sanga rawn tawng thut kha ka phu nasa lutuk a , U Liansanga rawn hawi chho ve leh chu rangva hriam lai in a ât ni ngei tur ani .

"Lo chhuk teh , ava thi nasa ve " ka nutei'n a tih lehlek phei chuan ka hlauthawng lutuk a ka tlânchhuak nghal .






Hmanhmawh zetin step ah ka tlânthla hlawk hlawk a , "Daphne i tlusual ange " Pa Sângan a rawn ti lawm lawm bawk .
Inhnuai ber ka thlenthlak chuan ka rap pial zawk a , mahse ka tlu lo hram
"Daphne " U Liansanga'n a rawn ti deuh hrawk .






"Rawn chhuk ve lo turin ka hrilhche kha " ka lama h a kut atanga thisen far thla tluk tluk chung chuan a rawn pen hnai vut .
"Na inei em ?" A rawn thlen rualin a ti nghal ! Ka lu kalo thing nawk nawk a "ikut kha ! A thi nasa lutuk " ka ti bah nak .
"Apawilo , a thûk hranlo " a ti mai a , a thî nasa bawk nen akut ngawt chu ka melh .








"Chho phawt ang u , enchiang ila thui te angai dawn em tih " ka nutei chuan hmanrua rawn kenkhawm pah chuan a ti zung zung a "chilh that ngai ala awm hrim hrim em ?" Pa sanga'n alo tih chuan ka nutei'n "kha Liansanga khan a chilh zo hman alawm, Matei rawn au thut kan rawn hawichho kha akut rangva hriam laiin a at palh anih hmel " tiin alo chhâng a , ka tah achhuak ru teuh mai .








A kut ka nutei'n an tihfai sak hnu chuan a thi ala tawp mai thei chuanglo . "Damdawiin ah thuitir angaih ka ring .Motor kan la chhuak ange " Pa Sânga'n a ti ta vut a, akak thui ve reuh lutuk tak tak .

"Ana em ?" Akut puanfai a hmehchip sak chungin ka ti sep .







"Ka tihpalh lutuk " hrehawm ka ti lutuk chu tah chhuah vak ka châk zawk .







"Bawihi min en teh " a ti dut a , mittui tling pama ka en rual chuan "God! Bawihte i thiamloh a awmlo .Tap suh ,ana lo ania hetiang chu pem satliah ang lek chauh anih hi " a ti sup a .

"Daphne i patea'n motor ala chhuak tawh , a ho in han kal mai ula " ka nutei'n a rawn ti lût a kan inzuichhuak nghal .







Damdawiin hi ahla hranlo a , mahse ke chuan minute sawm dawn kal chu ani tho .
Kan thlen chhoh chuan nurse mipa hi alo duty a , Pa Sânga nen an inhre tha viau nghe nghe . Minlo buaipui sawk sawk .

U Liansanga kut chu hmun thumah anlo chilhsak a , ointment bakah bacteria vel aluh lih nan tiin bandage in an tuamsak thlap bawk .Hmanraw man vel lah chu nurse chuan pek aphallo bur a , Pa Sânga'n pek luih ngial a tum pawn ala duh tlatlo .Damdawi hnawih tur leh na chhawkna thlengin hospital a an kawlsa min pe vek ! Khawpui chu nise cheng tam kan sêng ang mawle .







"Azialo hlemai kha , khati khawp khan Daphne a phu nasa dawn tih hria ilang ka ngawi reng tur ania "Pa Sânga chuan nui ruh ruh in a rawn ti a , U Liansanga pawh akiai ve suk suk . An pahnih te chuan min nuih min nuih niber in ka hria ! Ka hlauhthawng tehlul nen mipa nge nge hi chu an ngaihtuahna a tlem mange .








A dinglam zawk a hliam miau vang chuan a inbual dawn pawn ka pui zel a , a tilui ve deuh hrim hrim pakhat bawk a , ka sawisel chuanglo thung . Keimah vanga inhliam ani ber a , enkawl chu ka tih makmawh ani ka ti ve tlat .








Chawlhni zing chuan inkhawm kan tum ve ngei a , inkhawm thawmhnaw erawh ka nei lo viau . Ka nutei pheikhawk leh puan ka bih a , college ka kal ve zuai laia kan lei top simple zet chu ha in ka sam ka thlah a , analhlo bik vak chuanglo .
U Liansanga pawh kamiz leh smartpants alo keng ve ngei a , a hna a abun thin smartshoe a bun deuh tawp bawk..Pheikhawk dang rawn keng chho heklo .

Han inkhawm ve tawp pawh chu ka tîm viau a , mahse ka nutei leh ka pi berin minti lui deuh tlat bawk sia , han hnial ngamna chi anilo .








Mama leh U Liansanga an thu dûn a , kei leh ka nutei kan thudun bawk a , ka oi chu tar ho thutna tur bik a an siam a dûp ah a thu thung . Upa tawh viau mahse ala inzo angreng a , han kaih kual ala ngai hranlo .







Inkhawm kan bân chuan kan chhuak sap sap a , tlangval chang nilo nula leh nuho chuan min en duh khawp .U Liansanga te Gallery a an thut vangin biakin tual ah kalo nghak a , ka nutei chuan min kalsan tawh thung .Kohhran nu ho in ip an chhiar dawn ani awm e .






"Pu Sânga te ina awm nula te kha ini em ?" Tlangval pakhat la upa lutuk lo tur hian a rawn ti hlawl !
"Aw ni e "






"I va ti tha ve , rawn inkhawm ve ziah rawn aw .KTP lamah te pawh rawn inkhawm ve thin la , i rawn inhman tam pauh leh i tlângnel hma ani mai " a ti sar sar a , pasal ka nei tep tawh tih ahrelo ani .






"Aaahh...pasal"





"Bawihi haw ila "ka kawngah rawn kuahin U Liansanga'n a rawn ti deuh nghut ."hei tunge ni ?" Nelawm loh zet hian a ti hmuk a ,ka hma ami lah chuan "Dawngzela ka nia , KTP hruaitu hei rawn inkhawm tam turin kalo sawm mek anih hi " alo ti tha ve mai .

"A nih chu ,mahse kan innei tep tawh a ktp lamah chuan a rawn inhman theihloh hmel " a ti kher a "a kalo hrelo anih chu " tiin minlo be tu pa chu akalsawn vang vang .







"I va sual tak" ka ti deuh hlak .






"Amelh dan che kha dik heklo " a ti deuh hluk .Chutiang vaka min melh pawh kalo hriat ve siloh . " I thîk chiang " ka tih chuan "mipa tawhphawt chu ka thîk ka tih tawh kha " a ti nghet churh a , han hnial mawi hi a tum ngailo reng reng !

"U Daphne ka thiante inah ka lêngkawi dawn ka nu minlo hrilh sak aw .Chuan kan vêng pêng thlen hma khan seventhday adventist ho in eitur an siam thin a , in lei haw duh takin " tiin Mama kan bulah a rawn kal a , a thianten anrawh auh vang chuan akalsawn leh zui nghal .







Kei in kan haw hnak hnak a , ka ke ana ut ut tawh bawk si ka kal chak hleithei lo .

"Ka paw mai dawn che em ni ?" A tih chuan duhlo zetin ka ner nasa mai .Inkhawm bang leh banglo kan inpelh suau suau laia lo inpuak te chu a .

"Tinge i bun theihloh chuan i bun luih kher ?" Ka ke lam enin a ti deuh hluk a , "puan bih dawn chuan ahniam bun amawi lo alawm " ka ti ve hlak .Puan hi ka la bih manglo ti ila a sual lo ang , ka vawi hnihna chauh ani hial maithei ani . Mahse pheikhawk sang nen lo chuan inrem ka ti thaklo thung ,abik takin puan zeh bik ah phei chuan .







"Phelh teh " a ning ta deuh aniang a ti ta hluk a , "ka zak alawm " ka tih chuan amah zawkin apheikhawk a phelh ta vut . "Hei keipawn ka phelh hi a zahthlak loh ,i duh chuan ka pheikhawk hi ibun dawn nia " ati sup a , ka phelh ve ta nge nge apheikhawk erawh ka bun ta em biklo .







Kan veng kawi thlenhma deuhah chuan chhun eitur thil kan lei a , ahmunah ei theih tho mahse kelawngin kan kal laklawh tawh nen kan pack tir hlawm tawp







Zanriah kan kîl lai chuan U Liansanga ph a rawn ri a , apawimawh aniang atho tharh a pawn lam ah achhuak zui vut .
A rawn luh leh chuan kanlo puar deuh vek tawh , ka nutei chiahin ala ei .





"Aizawl lamah ka chhukthlak thut angaih hmel " a rawn ti dut a , kanlo hawi â nasa hlawm viau

"Tinge a ?" Pa sânga'n alo ti vat .







"Ka case buaipui lai ah thuthar a awm a , min mamawh tlat ani awm e " tha deuh chuan Pa Sânga chu a chhanga
"Aa hna lam anih chuan han inchelh luih chi ani mang bawk silo a , i inkhalh thei dawn ami ? I kut te kha "





"Ka chet a ti buai hranlo , bawihi min zuk insiam pui lawk la " kei min melhin ati sup .







"Nia zu insiam pui rawh , tun thut thut a chhuk ngai chu ava serious awm ve aw " ka pi in alo ti ve bawk .





Inhnuai ah ngawi rengin kan inzui thla a , chhuklo tura ngen mai ka duh .Room kan luh rualin a bag ah chuan athawmhnaw thlepin ka dah lut a , ka ngawi reng tinge kallo tura ka duh em em ni ?

"Bawihi" ka hnunglam atang min rawn kuah thut vang chuan ka chelai ka tawp chawt a






"Kallo mai la ,midang lo khawih tur an awm nganglo ami ?" Ka ti ta thlawt , tumdang ah ahna tibuai zawnga khawsak ka duh ngailo mahse tuntum chu a chetthut dan vang pawh hi animaithei ,engemaw hian min mawlh tlat .

"Bawihi , ka hna ka bán hma in he case hi chu ka chinfel ngei angai .He case vang chauha la bânglo hi ka ni bawk .Tûn tum bak hi chu kan inthen angai leh tawhlo ang " a ti zawi sup a , min kalsan chu ahreh ve hle tih a tawngdan ah pawh ka hre thei .






"Mommy hi lo tibuai suh ang che aw " ka dûl puar pawh la puar manglo chûl heuh heuh chuan a ti sup a , " ni hnih hnuah ka rawn chho leh ang ,ka tello chuan darkar khat lek pawh awmla ka ngaihtuah che tih hria la , lo inenkawl uluk ang che " a ti leh sup a ..Akut vawn hnan in "fimkhur ang che , i thlenthlak veleh min rawn hrilh bawk la " ka ti ve ta sep .Eng chungchang nge abuaipui ka hrelo a , a thutak viau danah thil satliah anih ka ringlo bur .Hun a tih ah min hrilh ve leh mai ang chu .







Motor kawta adah miau vangin kawt thleng chauh kan thlah thei a , ka chhip ah fawp vang vang in min kalsan hreh zetin motor ah alut a , ka pi in tawngtaina in a thlah thlap chuan tlem chuan ka ngaihthalo pawh a ti zia awm deuh .

A awmlo chu a reh huai in ka hria , chhuanlam siamin room ah ka lût hma a chanchin min rawn hrilh hun chu ka ngaichang deuh tawp .Thihna in min then hma chu inkalsan leh ngai tawhlo turin min rawn hruai leh dawn tih ka hriatna chuan ka hah a ti dam sawng sawng a , a hoodie min hnutchhiah chu ka inthawlh a , a rim pa hrâk ala nam chem chem mai .Vawin tlai kan dawr kal tur kawrlum kalo hakloh vangin min hâktir kha nia , chaw ei dawn khan ka phelh zuai a , ka ngaihzual lutuk loh nan tiin min hnutchhiah deuh thlap bawk .Mahse a rim la châmbang te chuan min ngaihzual tir daih thung .








Dar sawm a ri hnai tawh , minla rawn phone bawk silo ! Kan khua tanga Aizawl chu darkar thum li vel tlân chauh ania , a thlen ahun tawh takzet .Tinge minla rawn phone miahloh le ? A thlengthla hi a zuk buai nghal viau zawk nge ni ?







"Mate mate" tiin Ka nutei hian kan room kawngkhar a rawn beng dawt dawt a "aw kala meng " tiin kalo chhang let vat .
Kawngkhar hawngin a rawn lut a "Thenawm pa in airfield chhakah accident a awm thu a rawn sawi a , "in mikhual pa motor kha a ang riau " a rawn ti , Liansanga'n a rawn phone tawh che em ?" A rawn ti ta mai ! Ka Phone banin U Liansanga nb chu ka dial a , a chhâng thei hauhlo ! Vawi tam ka dial hnu ah pawh a chhang chuanglo !
"Nute a chhang thei miahlo " ka ti hul hak .