CHAPTER -12
Aizawl ka thlen tuk ah chuan Rinsawma nen len chhuah chu kan tum ta ngei ,mahse a rawn chhuah hma vak dawn loh avang in ,ka ni inchhung te tihfel pui leh te te in ,pangpar kan cut rual bawk a , ka ni ka chhuah tur thu ka hrilh chuan ,zawhna min han zawt chik mai mai khawp a ,ka thian pakhat nen kan nih dawn thu ka sawi chuan min melh ralh in ,hriatthiam hmel zet in min nuih ta vur vur.
"Ka ngaihzawngpa nen kan chhuak dawn ti ve mai la "a rawn ti chhuak hlawl ,mak ti deuh a ka melh chuan "i nu in min hrilh vek tawh a lawm ,ngaihzawng i neih thu te leh ,i ngaihzawng pa chu helam a a awm thu te nen" a ti mai a ,ka nu reng reng pawh chu a , engtin tak ka ni bul ah lo sawi ang ni .
"I bialpa chu eng maw a zir mek " ti in tha deuh in min zawt ,
"B.D ''tawi te a ka tih chuan a lo phur khawp , " Chu ti chu mipa innghahna tlak tak a nih ngei dawn chu ,hmeichhe tan chuan hmel ngawr ngawr hi thlir loh tur ,an puitling em , innghahna tlak mipa an ni em ,kan chhungkaw dinhmun engkin an hriat hnu ah pawh danglam awm lo in min la pawn reng thei a ngem tih te thleng hian ngaihtuah kil kel tur ,hmeichhia chu kan hming te a chhe hma a ,chu mi avang te chuan a ni pakhat ang chu,hmeichhe tan mipa tha tawn hi a pawimawh em em na chhan , pasal fel tak kan neih fuh chuan,an zar ah kan zahawm ve mai thin "ti in thu min hrilh malh malh .
Ka chhuah na a ka hman tur cheng 2000 lai ngai lo ka tih lawm lawm chung pawn min pe lui tlat a .
Bazar pui luh thlak hma a power house kawt a in nghah kan tih avang in ke in ka kal chho bek bek ,bazar leh ka ni te in hi a inhlat lo bawk a ,bus ah pawh ka chuang duh kher ta lo.
Goa a ka kal pui tur Muanpuia pawh vawiin lam ah aizawl ah a lo chhuk ve tawh dawn a, kei ang lo tak in a ni chu a phur khawp mai .
Reilo te ka nghah hnu ah a rawn thleng ve ta a ,a inthuam dan chu a in hmeh ka ti khawp ,t shirt var sar ha in kekawr dum tight lam mah a in bel a ,pa lian kan tih tur ang chi ni lo mahse a sang tha em em a .A hostel awm chu a ngeih a niang tlem in ka hmu thau deuh.
" Ka hmu leh ta che "a ti sup a , ka lo nuih var var ,kan inhmuh loh chhung la reilo viau mah se kan inthlahlel dun tawh tak zet a ni.
" Khawi ah nge min len pui dawn "ka tih chuan min nuih suk in , a ngawih vang vang hnu ah , " ka pu te in ah min kal pui lawk la ,ti raw ,mahse chu mi hma chuan bazar lawk ka ngai a"ka bu nghut , bazar chhung lam ah chuan kan inzui thla ta a .
A ban ah ka vuan chawt reng a , hostel a a ken luh tur pickle, leh a thiante thil chah ho chu kan lam khawm zung zung , khua a lum bawk nen ice cream min lei deuh reng mai a ni .
"I duh leh em " ice cream zuar kan hmuh chuan a ti leh ,ka lo hnar ta thung ,ka ei hnem tawh lutuk a ,ka hne hlui tawh .
Restaurant ah min chawlh pui a , ei tur kan lo nghah chhung in kan lo ti ti mawlh mawlh
"Naktuk ka lo thlah hman dawn lo che chu a pawi ngawt mai ," inthiamloh hmel deuh in min melh a ,vawiin kan inhmu thei rigawt pawh hi ka lawm in ,ka hlim tawh lutuk .
"A pawi lo , i tan chhuah a har si a, rilru nawm loh phah nan hmang duh suh " ka ti vat a , a mitmeng a hmangaihna duatna ,ngaihsakna te ka hmuh hian keimah hi famkim bik hliah hliah in min in ngaih tir thin .
"Kan inhmuh loh chhung a rei dawn si , " a huphurh ve takzet a nih ka ring ,kei pawh hian a ni hmulo a awm reng chu har ka tih tak zet ka ring
"Ka ngai dawn che e " ka ti chhuak hlawl a , zah na hun a ni lo tih ka hre ve kar ,ka ngaih tur zia hi hrilh hriat ve hrim hrim ka duh .
"Kei tak hian a nia ngai dawn che ,mahse Pathian in min awmpui a nga , dam te in kan la inhmu leh em em ang ,phone in kan inbe reng thei bawk a " a tawp ah chuan amah hi min hnem a,min thlamuan tu a ni zawk ziah thin .
Kan thil ei man chu a man a pe vek a , pek ka tum pawn a phal tlat lo .Ka tilui duh ta biklo.
A pu te in chu bawngkawn lam daih anih avangin bus in kan kal a , a lum in a chep si ,thutna kan chang lo nen ,a hrehawm duh khawp mai ,Rinsawma chuan bus chung a vawn na chu vuan in ,kei in a ban ah chuan ka lo vuan ve tai bawk a ,min veng hneh lutuk tlat.
"Ka rawn lut ve lo mai dawn a maw ni ,ka zak deuh " a pu te in kawt ah kan ding vang tawh ,ka thil sawi avang chuan naupang chhia tih hmel zet a min melh in ,a meng nur nasa mai .
"Lo kal mai mai teh ,ka pu bak a awm dawn lo ,midang chu an chhuak vek " a ti mai a tlem in ka zahna pawh a reh deuh mahse luh chu ka la hreh tak zet tho .
Thaw hawk in ka kut ah a rawn vuan a ,eng mah ka sawi ve hma in min luh pui nghal .
A sawi ang ngei ngei in a pu chauh chu alo awm a ,"Mampui a chu ,ka rinai i rawn kal har a "a lo ti charh charh ,a pu chu a kum a tam ve tawh hmel khawp a, min rawn en in " tu nge i rawn hruai hi "a rawn tih zawm leh zat .
" Ka thiannu nih hi ,"ti a chhang in thuthleng ah chuan min thut pui a ,a pu bawk chuan "in khaw lam a mi tih na a mi " a rawn tih leh chuar chuar chuan a nih thu in a chhang leh mai, thingpui min lum sak a tum chuan kan la puar bawk nen a ngaih loh thu in ka chhang ta thung
A pu nen reilo te an inkawm hnu ah inchung zawl lam ah min chhoh pui a ,thutna tur lo awm ah chuan in si rial in kan thu dun .
"I pu kha tu te nen nge an chen a " ka kut chu a rawn vuan leh chawt tawh a , ,"ka pute a te nupa leh a fate nen an cheng ho a,ka pi chu nikum hmasa lawk khan a boral a, tian chhun lam hi chuan a mah te hian in ah a awm rek rek zel ,ka putea te nupa hna thawk in an chhuak a,ka cousin te ho lah school kal in an chhuak ve daih zel bawk a ,ka nutei te pahnih in veng dang ah pasal an nei a, an ni pawn an hman chang a piang in an rawn awmpui ve thin "a ti a , a pi boral vel lai chu ka hre ve deuh , an chhungkua in a pi ruang kil tur in an kal ni ta in ka hria.
" Kal lo tur a ngen lawm lawm mai che ka duh "a hmel chu ka en chho a ,fiamthu ang in lang mah se a thutak ruk zia ka hai lo .
Rawn kun hniam in ka biang ah a fawp zeuh ,chutiang bawk in ka chal ,ka hnar ,ka mit thleng in a fawp kual vek ,a tawp ah ka hmui ah dim tak in a rawn fawp , a hmui ti che lo in a thawk a la ham ham , a hmu ah erawh duhthawh zet in min fawp ta mawl mawlh ,a kut in ka awmbawr a dap pah bawk a , a hnui la sawn in ka nghawng chu a fawp ta dawk dawk , min pawm tho lawp in a malchung ah ,amah hmachhawn tur in min hlang ta nawlh a ,
Ka hmui ah min rawn fawh leh vang vang hnu in ,ka awm chu a hmai a rawn nawr tawk in ,a thaw ta ham ham ,keipawh thin la phu dep dep chung in a hnung ah chuan nghet deuh tak in ka kuah ta hle hle .
A malchung atang a chhuk ka tum chu ka kawng ah a vuan bet tlat a ," khawi teh mi an lo kal thut a nge "ka tih pawh chuan a awm ngai in a la awm reng a .
Ngaihsam zet in 'tu mah an lo kal lo ang ,hlauthawng suh " ti in ka kawng chu a hmer deuh vang vang .
"Kan pahnih in kar a thil pawimawh tak kan vawn reng tur chu rinawmna a ni tih hre reng la , ka sawi tawh kha ,kei chu ka lak a i rinawm chhung chuan ka thlah dawn lo che tih " a rilru ang tho hi ka pu ve , a ni lo mipa tha zawk hi ka tawn theih ka inring tawh tlat lo .
Kei chuan "min lo tawngtai pui reng thin rawh aw , " ka ti a ,bu nghut in "i tan a ka tih theih tawk te zing a ropui ber chu ,Pathian hnen a i hming lam a tawngtak hi a ni " ti in "khawi hmun ah pawh awm la , min siamtu Pathian hi thlahthlam ngai suh ,hun harsa tawn chang in ama hnen ah in tu lut la , hlimna i tawn chang pawn ama hnen ah lawmthu sawi thin la ,mal tak leh lungleng tak a i indawm kun chang in min rawn hre chhuak thin bawk a nga ,ka nupui i nih theih hun nghak hlel tak in ka lo thlir reng zel ang " ti in ka chal ah dim te in a fawp vang vang a , a kekawr ipte atang thi nalh zet rawn phawrh in min awrh tir a , zungbun nalh zet a in thil va bawk.
"A to awm si ,ka lawm e " ka ti mawlh mawlh ,a mawi tih bak lo chu sawi tur dang ka hre hlawl lo, A man a tlawm dawn lo tih lah ka hre chiang .
A ngai ang chiah rawn la chhuak leh in"min awrh tir ve la "ti in a thi ken chu min pe a ,ka awrh tir lai chuan" hei hi kan inhualna thi tur a nih hi , kan inneih hun ah a zungbun hi kan la chhuak a nga ,pathian hriat pui thlap in ka bun tir ang che "ti in ka thi awrh a zungbun nalh zet awm na lai chu a rawn fawp zeuh ,zungbun kan en chian chuan a chhung lam ah kan hming tir ve ve a lo in ker ka hmuh chuan ka nui ta ver ver .
Inchung atang kan chhuk hnu in a pu in thingpui min siam luih tlat avang in kan han in leh rih ,
" Mami tu nge i nu leh pa hming te "a tih chuan tha deuh in ka chhang ve zel a ,tawng ring hret chu a ngai ,a beng hriatna a tha vak tawhlo tih Rinsawman a sawi a.
" In khua hi chu nuam ka ti ve khawp mai , hrisel that leh a rawn zin te pawh a chak awm ,tunah chuan zin chhuak thei pawh ka ni tawh si lo a "a ti ban charh a ,a lainat awm reuh tak tak a ni
" Uluk deuh in in enkawl la , i hrisel tha leh thuai mai ang , chuan kan khua ah te pawh i han zin ve leh vat dwn a lawm ,ka nute pawh an lo lawm.khawp ang "Rinsawma chuan a pu hnem tum tak in a lo ti vat .
Mihring hi chu kan dam hun chhung hi a rei lo hle a ,taksa that hun lai tak phei hi chu a rei lo leh zual emaw tih mai tur a ni ,kan dam chuan ka pu te ang a kum upa tak nih a ,chaklo leh hrisello tak nih te hi kan la tawn tur thil a ni a ,han ngaihtuah neuh neuh hi chuan a huphurhawm tak zet a ,a huatthlala awm em em bawk in ka hria.
Mahse ,sawisel thei kan ni si lo ,siamtu min din dan kha a ni miau si a,kan lo pian chhuah atang tiang tawng tur a ruat lawk kan ni hlawm vek si a .
Hostel lam a a luh a hun tep tawh avang in a pute a scooty in min thlah a ,kawt ah ka ni a lo la awm zui , a mitmenga min chhaih na chu ka hrelo der lui tlat a , Rinsawma chu tha deuh in a lo be zung zung ,leng lut tur in sawm nasa viau mahse ,a hman tawh ngang loh avangin tha deuh in a hnial ta thung a .
" Nakin ah rawn la leng lut hrim hrim ang che,Matei awm loh pawn rawn kal tho rawh ,kan pahnih in kan in kawm dawn nia "ti in in chhhung lam ah min luh san a .
A lam ah min pawt hnai hret a scooty atang chhuk ve lo in a la thu reng a ," kal san mai che ka va harsat ve "a ti khawlh a naktuk atang chuan kan in hmu thei tawh dawn si lo a , ka inhnem na ber chu phone a ni tawh , ta tang chuan kan la inbe thei reng dawn tho a ,ka lunglenna tur tamtak pawh min hnem ngei ka ring.
" Ka thusawi zawng zawng kha vawng reng rawh aw ,i tan innghahna tlak mipa ka nih hun ah chuan ,hna thawh pawh i ngai tawh lo ang ,keiman i ko a tla zawng zawng thil hi ka phur vek tawh ang,tunah hrih chuan engmah ka la ni silo "a rawn tih zawm leh a , mittui tling pam in ka lo melh thung ,ka ni te in hi a fal deuh hlek a ,veivak hmuh tur vak an awmlo chu a tihzia khawp mai.
" Ka kal a nge "rawn ding in ka biang chu a fawp zeuh ,a lan theih chhung chu ka thlir ta reng , a awmlo ta chiah chu ruak ta huai in ka in hria a , kal mai a hreh zia ka kha ka ngaihtuah a , hrehawm ka ti in, ka ngai nghal vawng vawng mai.
Inchhung ka luh chuan ka ni a lo phul deuh hlut " Kan pastor tur pa chu a hmel a chhiat loh kha le "a lo ti zung zung , ka lo nui heu mai , ka lai ve deuh emaw ni le.
Amah vek chuan " a nungchang a tha tih a hriat bawk si a ,i tan pawn innghahna tlak tak mipa a nih ngei dawn kha "kei ai in a duh ta emaw tih theih hial tur in a lawm a phur le .
A kum ngaihtuah in chutia naupang ang mai a an phul hlut chu ka nuihsan ta ringawt .
Kum a tam avang ringawt in engkim ah kan puitling in , kan fing vek kher lo tih hi hriat a tha .An hmel leh incheina atang ringawt mihring in teh ngawt te hi thil tha a ni lo ,chutiang ang bawk in kum upat avang a puitling ta viau tur a inngaih ngawt chi lah a ni lo , mihring te hi chuan that na lai leh that lohna lai tu pawh in kan nei vek tih in hriat sak ila ,kan hlim tlang a ni mai.
Tlai ah ka nu nen kan inbia a, dan ngai te bawk in thu tha min rawn hrilh leh mawlh mawlh tawh a ,a hnu ah erawh min ngaih thu te arawn sawi
" I ni chuan a lo duat che maw , thu mai mai lo in tih tur te kha dap kual ve zung zung la , phone en ngur lo in "a rawn ti a , ka ni ka bul ah mai ah a awm a, ka nu thusawi chu a lo hre phak a niang "Eng mah a tih kan phal lo , he ta a awmchhung reilote chu duat deuh a awmpui kan duh, naktuk atang chuan hna a thawk tan tawh dawn si a, duat theih hun lai lai a lo chhawr te chu ka duh lo reng reng ."phone bul ah rawn awn phei deuh in ring leng lawng tak hian a ti vak a .
A sawi dik reng bawk a ,ka thlen tirh atang khan sa min la hmeh pui char char bak ah , thei eng emaw hi Pa Bda hna thawk rawn haw in min rawn hawn bawk a ,vawiin zing lam a a pangpar kan buaipui dun pawh khan a tir lam chuan a phallo in puih a ngaih loh thu a sawi nasa viau a ,mahse keimah zawk in ka ti lui tlat zawk kha a nia.
Ka nu chuan ''in fel nupa thin ngawt mai ,in awm lo ang tih a hlauh awm , naktuk lam ah te pawh i lo la buaipui a i lo va thlah te a ngai ang ,kei lah chu zin chhuak thei ka ni si lo ,a tul ang ang chu lo tihtir bawrh bawrh rawh u "a tih chuan " min rawn mihrang en deuh in ka hria , ani ka nih hi maw le ,buaipui te chu ka tih tur a lawm ,rawn inthlahrun vel pawh a ngai lo"ka ni chuan a ti a , ka nu leh ka ni chu an in ngai in ,an in pawh ka tih tawh kha , ka nu hi a hre chiang a, mi inthlahrung mi tak a ni tih a hre bawk , chuvang a kha tia han chhang pawh kha a ni.
"Naktuk ah in thlawh chhuah hma in min rawn biak i tum dawn nia "a rawn tih hnu ah kan in be duh tawk a .
Ka ni nen eirawng kan bawl a ,Pa Bda hi chu dar 5 vel bawr ah a lo haw chauh zel , ka ni hi a mah chauh in in a nghak thin sia ,a khawharthlak theih ngawt ka ring .
Zikpuii leh Hmingi thil min lo thawn chu ka en a , Rinsawma nen a vawiin a kan thlalak kha a ni ,Rinsawma status a mi kha an hmu a niang , min rawn chhuah chhal nasa dun khawp mai .
*Kan tel lo in nuam in ti hle mai ,min hre chang tawh lo a nih kha " Hmingi thil min lo thawn chu ka nuih pui ta hak , bialpa nei ve ta lo chu thian te lak ah hian thikthu a pe chhia a nia , Zikpuii pawh a bang bik chuang lo ,huat ah pawh ka la lo.Ka tan an hlu dun em a.
Pa Bda rawn haw chuan dar 5 a ri tep ,"saw lai lawk ah sawn ,apple kg ah tlawm te in an lo zuar a ,a thar tho sia , to deuh a hmun dang a lei ai ah ka tia ka rawn lei "ti in a apple khai chu dawhkan ah a rawh dah a , a sawi ang tak tak in a la thar tha khawp mai,a tui hmel viau mai , pakhat chu la in ka sil a , ka ni nen inphel in kan ei dun , a thar that ang bawk in a thlum tui tak zet .
Zan lam ah ka ni in ka mamawh tur a a hriat ho min khung khawm pui tha leh , pheikhawk nalh zet mai a lei thar min pe bawk a , Pa Bda lah in pawisa tlem min pai dawn bawk a , an nupa chung ah hian ka lawm tak zet .
Zan lam ah Rinsawma nen kan inbiak leh fe hnu ah ka muhil ve ta chauh , min thlah theih dawn loh avang in a rawn inthiam lo ve khawp a , mahse ka lo hrethiam em em thung , hostel atang a duh duh hun a chhuah ringawt te kha a theih lo a , min ngaihtuah leh min duatna zo zai vang te hian ka lawm tawk in ka lungawi tawk khawp .
Ka ni in Lengpui thleng min thlah dawn a ,Muanpuia a rawn phei ve tawh bawk , mizoram han chhuah san dawn tak tak meuh chuan ka zuam lo rilru leh khawp a ,ka kalpui tur pa erawh hi chu a phur sar sar khawp mai , a nawm tur zia sawi in a phul hlut reng a ,a ninawm dawn dawn a lawm
Ka ni chuan " Chhungte hmuh phak loh ah in khawsa dawn a , in nun uluk ula , ruihtheihthil lam chi reng reng te kha khawih lo bawk ula ,hnam ti hmingchhetu nih te hi tum loh reng reng tur , a bik in hmeichhia phei chu mipa ai in hmingchhiat mai kan awlsam a, nakin hnu thleng pawh a nangmahni an sawi apiang a bet tawh tur thil sual tih miah loh tur" ti in min hrilh dap dap a , a lung a chhe ve deuh a niang a meng sen ram a ,a mittui a tling pam bawk.
In atang a kan chhuah hma in ka nu ka bia a , nidang a kan inbiak anglo tak in kan tawng bawrh bawrh lo , kei tak pawn ka ngaih tur thu bak swi tur ka hre lo.
Airport kan thlen tawh hnu in Rinsawma nen pawh kan in bia a ,
"Tluang deuh in in kal dawn nia ,ka ngai nghal veng veng mai che" a rawn ti sup a , sawi lang lo mah ila kei a tak pawh hian ka ngai khawp mai.
"Zaawm tak in zuk nung la , i thil tih apiang ah min hre reng chung zel in ,rinawmna pai tel reng chung in ,Pastor nupui tur i nih kha " a rawn ti vei fahran a , ka nui ta hak ,a ni pawh a rawn nui ve leh .
Midang lo awmkhawm na lam chu ka pan phei a ,ka ni leh Muanpuia pawh an lo ti ti dun nasa khawp mai ,kan vai in kal tur hi 14 zet kan ni a , hmeichhia kan tam zawk bawk ,
Trainer mipa pakhatin kan thlawhna hmun tur ah min hruai dawn a , chaw leh riahna tur kan thawhna ten min pe vek dawn a, rilru han sen chiam na tur kha a awm lo .
Hetiang a five star hotel lai a thawk thei tur a zirtirna min pe tu te hian min bum ka ring lo a,hreching vak lo mah ila ka ringtawk ve em em mai a ni.
Tunlai ah chuan tiang hmang a inbum chhuahna a tam tawh a,khawi emaw lai ah hralh in an taksa chu a leitu te chuan sumdawn na tur in an hmang zui nghal mai thin bawk.Chutiang ang thil vel chu ka nu pawh khan ka chung ah a thlen ve a hlau viau a nih kha.
Ka ni nen chuan kan invai liam a , kan thlawh chuuah hma a min kuah vawng vawng chuan ka mittui a far ve fap fap .Midang ho pawh chu an chhungte nen chuan an lo in kuah ve mawlh mawlh hlawm bawk a.
He ram leilung ka rah leh hun ah chuan engtiang tak a hlawhtlinna nei chung in nge a nih loh pawn,beidawnna nasa tak nen ka let leh thung dawn tih chu hun in a hril ang chu .
------------------
"I awmna tur hmun chu a nuam em , keini chu room khat ah pathum te te in kan awm dawn " Muanpuia chuan phone kaltlang in a rawn ti zung zung a ,
Goa kan thlen atang in ni khatna leh tlem chiah a ni a, kan thlen tirh in Hotel ah kan in lan zuai hlawm a , vawiin lam ah tan nghal lo in,awm hah dam na hun min pe in naktuk lam ah kan zawm chauh dawn .
Mipa leh hmeichhia kan awm hrang a , Muanpuia rawn sawi ang in hmeichhia pawh building khat kan intawm vek ang a nih rual in ,building pakhat chhung ah chuan zim te te te in a in ping dang a , room zim te theuh nei ang vel kan ni.
"I lung a leng ve lo a maw ni , i tawng zang vah reng a " ka va tih chuan a rawn nui huk a , kan thlen hlim atang khan nuam a tih thu bak sawi tur a hre meuh lo .
Mipa ni tho mahse tlem tal a lung a len ve te ka ring a , a ni lo nasa mai ,boruak vaw hot tu ber a ni a, amah hrim hrim pawh kan nuih pui hnem tak zet .
Kan chhuk thlak rual pui heta thawk ve tur tho te nen chuan len chhuah kan rawt tlang a, kan vai chuan kan in zui chhuak diah diah , vai hmel zing ah foreign lam mi hmuh tur an awm nuk bawk a ,a then chu zin khawthang vel mai mai an nih ka ring .
"Boruak chu a uap tha hle mai " an intih chhawk deuh reng a , sawi lang ve lo mah ila kei tak pawn lum chu ka ti lutuk tak zet.
Khawi a kal lem lo chuan kan vei harh vel mai mai a, hmeichhe ho phei chuan thla kan la hnem hman nasa leh tawh lutuk .
Ka mut na piah chiah a awm Rinengi nen chuan kan in kawm thei ber a ,midang nen pawh kan in be pawh tlang vek tho .
Hna kan tan ni atang in kan buai nghal char chara , a then chu hotel lam ah an thawk a , a then bar ah,kei erawh Rinengi , Muanpuia te nen chuam restaurant lam ah kan thawk thung .
Hna thawh hun kan inthlak kual thin a , a chang chuan zan lam a mu miah lo a thawh tlaivar thak chang lah kan ngah .Mahse chhun lam ah day off min pe thung thin .
Rinsawma nen pawn rei tak inbiak na hun kan nei thei meuh thin lo ,kan theih chin ah erawh kan inbe awl lo thung.
Min ngaih thu a rawn sawi awl lo a ,kei tak pawn ka ngai khawp mai , kan len chhuah ni a ka thlalak te chu thawn ve zel in , ka form ha lai te chu ka thawn thin a ,fiamthu in min rawn sawi chhe der thin , a tawp ah erawh kan nui dun leh bawk bawk thin.
Thla khat hnu ah chuan thil hrang hrang ka thiam tawh khawp a ,tawng hrim hrim ah pawh hma ka sawn khawp mai ,Hindi ni se bo lohna tur tawk vel chu ka hmang thei ve beuh beuh tawh ,English phei chu ka nal tawh tak zet .
Kan thawh tan tirh lai kha chuan glass no tih tlak keh leh thil dang dang a chet sual kha ka ching riau a, Muanpuia leh Rinengi phei chuan min mangan pui hman viau reng a .
Mahse tun ah chuan chutiang ang a chet chhiat leh khut chu ka nei tawh lo a ,Hotute hauh na pawh ka dawng tawh ngai hek lo.
##Comment leh liam liam ila
