Kan in tihfai hnu chuan, khum ah in kuah rial chuan kan mu a , a khat tawk in ka chal ah a rawn fawp leh thin bawk, thinlung tak in a hlim Ani tih ka hre thei a , kei erawh engemaw hian min mawlh mawlh rauh rauh reng a , kan thil tih avang khan ka in chhir te pawh Ani maithei .
"Naktuk ah ka mansion lam ah kan kal dawn mi?" Ti in min zawt a ,ka lo hnial vat thung, tih tur tamtak ka la nei a , hmangaihna lipui a zuang lut hman ka ni lo, a bul a hun ka hmang hnem anih chuan kei pawh hian ka hmangaih ve mai ang tih ka hlau Ani..
Kut min thlak thin dan te leh min tih hrehawm thin dan te ka ngaihtuah rauh rauh a , hetia a dam ta lutuk te hi mak ka ti a, a ngaihsakna dawn te hi nuam ka ti hle bawk.
Zan pawh a rei ve tawh hle a , keini erawh kan la meng dun kar thung, in be lem lo chuan khum ah kan in kuah dun ral a ,min kuah nghet salh salh a, min duat hmel em em bawk , kan hmui chu a khat tawk in a rawn fawp leh thin a.
Zing lam ah chuan khum ah keimah chauh in ka lo mu tawh a , tho chhuak vat in choka lam chu ka pan nghal vat a , Hades a awm lo, ka mutthilh laiin a chhuak anih ka ring , tui ka in lai Chuan bathroom kawngkhar chu a ri rek a , Hades a rawn Lang nghal thuai bawk, ka bul ah rawn kal in ka chal a fawh vang vang pah hian "good morning" a ti sep a , ka in la hrang nghal thuai chu mak tih hmel zet hian min en a.
"Let tawh rawh, keipawh hna kal ka ngai" ka ti a , pindan lam ka pan nghal nal nal bawk, ka hnung ah chuan a rawn kal ve tih chu ka hre thei, pindan bathroom ah chuan ka lut vat a ,rei fe ka awm a , Hades pawh a kal tawh ka ring , ka hmai te ka phih hnu chuan ka chhuak ve vat a , Hades chu khum ah a lo la thu reng bawk , min melh nghal run a.
Ngaihsak loh hmel fe a kal pel ka tum lai tak Chuan min rawn man chawt in a malchung ah chuan min pawt thu chat a , ka tal ve nghal vat bawk, "hetia awmna hun hi ka nei lo ania, hna ka tlai dawn" ka ti a , min thlah duh mai lo, "nizan a thil thleng kha" a rawn tih chuan ka lo thaw hak a "tiang te kha chu a thleng zantin lo em ni? I tan te chuan thil special Ani hleihnem ka tan pawh thil pangai mai ani" ka tih chuan a thinrim hmel kher mai , khum ah chuan min bawh thlu nghal zat a , ka Chung ah a bawk nghal run bawk.
"Ka duh loh dan a i awm anih chuan ka dah bo hreh lo che ania" tih pah chuan a tho leh nghal vut a, ka tho ve nghal thuai bawk, "zan lam ah ka rawn lam ang che" tih pah in a chhuak nghal vut a.
Office kal tur in ka in siam nghal mawlh mawlh bawk, Gordon te company ka thlen chuan company hnung lam atang chuan ka lut a, Gordon office lam ka pan nghal vat bawk , kawngka chu ka kik karh karh a , lut tur Chuan min ti ve vat bawk, a chair ah chuan lo thu in min lo melh nghal run a , ka lo nuih lui sang sang bawk "good morning" ka ti sep a , a bul a kal tur Chuan min rawn signal zeuh bawk , ka kal ve nghal thuai a, rawn ding chhuak in min fawp nghal zat a , ka chhang let lo thung.
Ka in la hrang nghal vat a, a office chhung ah hian secret room a awm a Tah chuan hna ka thawk dawn Ani, ka office ve tur ah chuan ka lut nghal vat a , ka thaw halh halh bawk, ka chhuichhuak vat lo anih chuan hetiang a awm reng hi ka thei lo , ka thuamhnaw inbel dan thleng in ka thlak a ngai ania.
Ka phone chu a rawn ri ral ral a , caller ID ka en chuan ka la nghal vat a "aw enge sawi rawh" ka ti a , "cctv footage kha a copy ka nei chuan a lei tu ka hre tawh bawk" a rawn tih chuan ka Beng a verh khawp mai, "zan lam ah ka rawn hmu ang che" ka ti a "pawisa kha theihnghilh Suh, a man a to ania" a rawn tih leh Chuan chhang tawh lem lo chuan ka dah nghal hmak a, rei lo te hnu ah engkim ka hriat theih mai dawn hi.
Ka hna chu ka tran leh nghal mawlh mawlh a, hna ka thawh loh na a rei ve tawh lutuk a , ngaihtuahna Han hman mai a harsa,
Nikhat ah design pakhat chiah ka peih fel hman thei mai, ka thluak a lo chawl ve hman aniang.
Ka appartment lam ah ka in khalh phei leh nghal vat a , Gordon khan dinner date nei tur in min sawm a , mahse ka hnial thung , zan in ah hian thil ropui tak ka hre chhuak dawn miau Ani, ka hriatchhuah tawh ber chuan Gordon nen a kan inzawmna siam hi chhutchah vat ka duh ang.
Johnson cafe dawr hma ah chuan ka ding ran a , a chhung a min lo nghak tu chu ka en reng bawk , min rawn la hmu lo thung ,ka lut ve nghal thuai a , a bul ka va thlen chuan min nuih vur vur a "private Room ka book a" tih pah chuan a kalsawn nghal vut a , a hnung ah ka zui ve nghal thuai bawk.
Kan thut fel hnu chuan "Hades pawh hi i ngaih ang Ani Miah lo ang" a ti nghal sup a ,
Heng tiang thil a lo chhui ve hi mak ka ti takzet ani , "cctv footage chu min hmuh la , parking lot a thil thleng kha hriatchian ka duh takzet" ka tih chuan a laptop ken chu dawhkan ah chuan a rawn hung chhuak nghal thuai a , ka hmuh theih tur in a rawn her rem nghal zat bawk.
Cctv footage ah chuan Gordon chu a rawn Lang ngei a, ka duh lo Chung min fawp in room pakhat ah min pawt lut bawk, kei chu thil ruih ka nei tih hriat zet hian chét pawh ka lo che tha thei lo a , rei lo te hnu ah room pakhat atang chuan ka tlan chhuak a , ka car lam ka pan tih a hmuh theih bawk , ka in khalh chhuah hnu chuan Hades a rawn Lang a box a ka thil ken step a ka nghah kha a la daih bawk.
James chu ka en a , "cctv footage hi a lei tu I hre duh em?" A rawn ti a , ka lu ka bu nghat a , "Hades" a lo tih chuan mak ka tih Zia ka hmel ah a Lang thei hial ang. "Pawisa chu i bank account lo sawi la ka lo transfer dawn nia" ka tih Chuan min hnial rang khawp mai Han tih luih ka tum pawh chuan a duh tlat bawk si lo.
Ka car chhung a ka thut luh lai te pawh chuan ka ngaihtuah reng a , James khan thil maktak min hrilh a nei bawk a , a farnu allisa chu Hades nen hian an in date thin a , Hades in a a insawn luh rual in a chanchin hriat tur a awm tawh lo a , chu chu a chhui ve mek bawk a lo ni , Hades hian thu ruk tamtak a neih ngei pawh ka ring.
Cctv footage kha a hmu a nih chuan Hades hian ka tum réng vang a Anu su ka ni lo tih pawh a hre ngei bawk ang.
Kawngkhar ka Hawn chuan ka in chhung chu a lo éng ut a , Hades a awm tih ka hre nghal bawk, thutkhawmna lam ah chuan tawng bul bul thawm ka hria a , lawk in bella a rawn hruai em ni? Rang tak in thutkhawmna lam chu ka pan vat a , chhuat ah chuan bella chu a toys te nen a lo thu a , min hmu chiah chu "mama" a ti a , a rak nghal chul bawk, ka pan hnai vat a , min lo ban ve nghal Chung bawk , ka pawm a , ka chheih nghal thuai bawk , a lo nui har har a , a Lian leh tawh khawp mai.
"Mama kha kan ru chhuak dawn a" Hades chuan bella hmai rawn piai zeuh pah hian a ti a, bella chu kalsawn pui vat in ka pindan lam ah chuan ka luhpui nghal daih a , Hades thaw hawk thawm pawh chu ka hria , tun ah ngat phei hi Chuan a bul a awm ka duh lo.
Pindan ah chuan a rawn lut ve nghal thuai a , cctv footage kha James khan min pe bawk, allison chu engtinge a tih ka hre chak hle bawk, James khan cctv footage a neih thu kha min hrilh lo phei se chu, HEPA hi ka in bum thluak tir hman maithei Ani.
"Bella nen hian haw phei leh vat rawh u, min hruai dawn Chuang lo" ka ti ram hmak a , min chhang lo chuan bella chu a chheih a ,
Bella chu a nui hak hak bawk, bella chu ka en char char a , ka bul ah awm se ka duh viau na chu a awm loh hi a tha zawk bawk si
"Bella hian a ngai tawh lutuk che tih hi vawi engzat nge ka hrilh tawh che" vin tak hian a rawn ti chiam a , ka lo Phu zawk mai , bella pawh a ngawi hmak bawk ,"naupang awm laiin ti khan vin tawh Suh" zawi tak hian ka ti Chang fak a.
A in humruh nasa hle bawk, bella chu pawm vat in pindan atang chuan ka chhuahpui nghal daih a , couch ah chuan ka thutpui a, ka awm ah a bei ve thlam bawk, a sam chu ka chul sak heuh heuh a , a ham ve bai bai mai, Hades erawh a la rawn chhuak lo, bella chu ka en a , a lo muhil der mai , thutthleng nghen chhan chu ka ngheng a , ka maimitchhing siar siar bawk , ka mutthilh a chhuak ve tawh hle bawk , sana ka en chuan dar 9 a lo ri tep tawh.
Thil ri sawt sawt thawm ka hriat chuan ka meng nghal thuai a, ka hawi kual vat bawk, bella chu tui em em hian a la mu a , tho chhuak in pindan lam ka panpui vat bawk
Khum ah chuan ka mut a, pindan ah chuan Hades a lo awm tawh lo , bathroom lam pan ka tum lai Chuan phone hmang ri ka hria a,Hades ngei Ani, ka en Chiang nghal thuai a balcony ah chuan phone hmang in a lo ding ran a , a thusawi chu Chiang in ka hre thei lo , ka thlir reng lai Chuan ka lam chu a rawn hawi vut a,ka kalsawn nghal thuai bawk, in tifai tur Chuan bathroom lam chu ka pan vat a.
Ka in tihfai zawh chuan , Hades chu khum ah a Lo thu run a, ngaihtuah muk hmel fe hian chhuat lam chu a thlir vang vang bawk
"Bella hi ka lo riah pui Anga, naktuk ah I rawn lam leh dawn nia" ka ti a min chhang lo chuan a ding vut a , bella muhil lai chu a pawm kang nghal zat bawk.
"Naktuk ah lo lam mai rawh" pan hnai pah hian ka ti a , a lo ner sak thung, pindan atang chuan a chhuahpui nghal daih a , a hnung ah ka zui ve zel bawk , haw luih tralh a duh chuan chelh ka tum lo, a chhuah hma chuan ka lam a rawn hawi leh a "kar khat chhung hun ka pe ang che" tih té chu a sawi a , a chhuak nghal nal nal bawk.
Pindan lam ah chuan lut leh in ka computer hma ah chuan ka thu ran a , cctv footage chu ka en nawn leh ngat a , Hades hian engkim hre vek Chung si in engtin nge thiam loh min Chan tir theih? HEPA hi ka rin ang ngawt chu a ni dawn lo tawp mai, allison Bo hmak chhan chu hriat ve ngei ka duh bawk.
Kar a liam a , Hades erawh a rawn in lan leh tawh lo, Gordon chu ka zun ah a uai hneh tawh hle a, then fel vat vat ka duh hle bawk, a phone ka check khan driana nen an in biakna hmuh tur a awm lo a, an in thup ve hle anih ka ring, zan in ah chhungkaw party neih an tum a, an chhungkaw hnen ah kei hi min hmelhriat tir a tum bawk, driana pawh a kal ve ngei ka ring tawh hle bawk.
Party na hmun kan thlen chuan midang lo awm ve te chuan mak tih hmel tak pawn min en tawh lo, Vanguard chhungkaw thenkhat pawh an lo awm ve bawk, ka hawi kual a , sir lam deuh ah chuan driana leh Lucas lo ding chu ka hmu a , min lo en ve char char bawk, Gordon chuan ka kut chu a vuan tlat a ,in hmelhriat na te kan nei bawk , a chhungte min hmelhriat tir chu nuam lo ka ti hle a ,a chhungte nen hi Chuan in hmelhriat tha sa tak kan ni a, an fel hmel hlawm hle bawk.
In la hrang vat in driana te awmna lam chu ka pan vat a , min lo nuih var var bawk , an bul ka thlen chuan Lucas chu a kalsawn nghal vut a "min rawn tlawh duh lo lutuk a" a lo ti var a , chhuak vak vak chi ka ni lo tih te chu ka hrilh a, a mitmeng leh a chezia vel ah chuan rinhlelh tur a awm hauh lo, an lo thutkhawmna lam ah chuan inzui phei in kan thu thla ve nghal thuai a , rei fe kan ti ti hnu chuan driana chu tho chhuak in lucas a zawn tur thu min hrilh a, a kal chu ka enzui nghal vat a , rei lo te hnu ah Gordon chu intur la tur in a tho chhuak ve leh a , ka mit sir ralh ralh bawk, bar ah chuan kal in intur chu ala a , kan thutna lam a rawn let lo chuan thlanglam batthlar chu a pan a , ka tho chhuak ve nghal vat bawk, batthlar lam chu ka pan ve nghal vat a , mi dang pawh an lo tam khawp mai, sir lam deuh ah chuan mi pathum hi an lo ding khawm laih a, tute nge an nih ka hre Chiang thei lo, va kal hnai chu ka duh viau a, min hmu ang tih ka hlau bawk si.
Vawi leh khat ah bathlar chu a rawn éng ta uarh a , an lo hawi phei thap bawk, ka hnung lam tang chuan mi pakhat hi rawn kal in "thim deuh a awm nuam in ti em ni?" Min kal pelh pah chuan a ti a , Gordon,driana leh Hades te chu ka lam an rawn la hawi reng bawk, hemi te pathum hi an in thurual Chiang lutuk , rang tak in ka kalsawn nghal a ,he lai hmun atang a ka chhuah vat hi angai, hades-an cctv footage a lei hmak dan te, engkim chu a Chiang ta, ruahman làwk sa vek Ani, chuan kei hi ka tal awk bawk.
Hmanhmawh tak Chuan pawn ah ka tlan chhuak nghal a , kan party na hmun hi khawpui chhung a tang a fal ve deuh hlek a, mahse khawpui nen a in hlat lutuk lo, kawngpui ah chuan motor veivak an vang pharh a , ka hnung ah min zuitu an awm tih ka hre thei bawk, ka in her nghal vat a , Hades Ani, a hmel chu a rapthlak tak zet zet.
Chu vel leh chak tak Chuan ka tlan nghal vat a , min rawn um ve tih pawh ka hre thei, ka pheikhawk bun asang bawk si, ka duh ang pawn ka tlan tha thei lo, ka tlu nghal chawrh a , ka hawi let vat bawk, Hades chuan zawi muang hian ka lam a rawn pan a , thawh leh a tlan leh mai ka tum chu a thusawi avang chuan ka tawp chawt a "engkim kha a dik vek, keini hian kan tal awh tir che anih kha" a rawn ti a, amah hmachhawn tur Chuan ka in her ve vat bawk "enge a chhan?" Ka ti chhuak sep a , ka hma ah tak a rawn ding ve bawk.
"Chhan em em a awm lo" thle bak pah hian a ti a, a hmai ah chuan ka Beng nghal sawk bawk "nangni vang hian ....." Ka sawi zawm thei lo, ka kal tur chiah chu min pawt her sawk in engemaw hi min hnim tir a , ka lu a hai chiai chiai bawk , "min ring rawh, engkim ka hrilh vek ang che" min pawm kang lawp Chung hian a ti a , ka che thei lo, "engkim I hre vek tawh ang" min en pah hian a ti leh sup a , engmah ka hre zawm ta lo.
Ka harh leh Chuan ka khum ah ka lo mu a , ka bul ah Hades a lo thu ran bawk, rum em em hian ka melh a , a lo nui suk bawk, "ka tel ve lo, i chhui chhuah hma in kei hian ka lo chhuichhuak hman a" a ti a , a thu sawi awmzia chu ka hre lo
"Gordon leh driana te khan i hma lak dan hi an hria a , an that hman trep che Ani, accident thlen ni khan driana khan i inhaler ah drug chikhat a telh a , ka office atang a i chhuah khan inhaler chu i hip a , drug chu i hip lut ta Ani, parking lot lam ah Gordon khan a lo nghak reng che a , pawngsual tur che in" a chawl dat a .
"Cctv footage kha ka lei a , jail ah Khan tang la ka duh takzet a, ka nu tan rorelna diktak pek ka duh vang Ani" a ti leh charh charh a , ka la chhang lo thung.
Ka rin lawk ang ngei chu Ani mahse
Chu tia ka hre Chiang ta chiah chu ka rilru a Tina thar leh tih theih Ani, driana kha ka ring em em a , ka hnung lam a min beih dan mawlh chuan rilru a tina Ani, engvangin nge heng tiang thil hi ka Chung ah a tih theih le? Chhan tha tak a awm ka ring bawk.
"An tal awh theihna tur in finfiahna ka nei tha tawk a , chu chu i kut ah a in nghat e , phuba lak i duh Chuan ka dang lo ang che" a ti leh a , engmah ka ngaihtuah thei hrih lo, min hrai rui lo se khang accident kha a thleng lo Anga, jail ka tan a ngai lo bawk Anga, criminal record pawh ka nei hauh lo ang, chuan fahrah naupang te pawh kha an la dam ngei bawk ang.
Hrem loh a awmtir ringawt chu ka theih ka ring lo, mahse lusdria engtin nge a awm ang?, Fahrah nun hrehawm Zia hrechiang tu ka ni a , fahrah dang ka siam leh ang maw?
Sana ka en chuan zing lam 1:14 a lo ni va va tawh a , ka muthhilh leh theih pawh ka ring lo, Hades erawh a chauh hmel em em a
A mutthilh a chhuah hmel hle bawk "couch ah va mu la , i haw dawn loh Chuan" ka ti a , a lo thaw hawk mai "i bul ah ka mu thei lo em ni?" A rawn ti nghut a , ka chhang lo thung , Hades pawh hi ka rin ang anih ka ring Miah lo , nimin ah Khan Mary ka hmu a , a chauh hmel in ,hliam thuk tak nei te pawh a ang hial anih kha , Gordon pawh in 'a mizia diktak I la hre chhuak vat mai ang' ti in min hrilh a , chuan allison kha engtin nge a tih ang?
Ka bul ah chuan a rawn in thawlh sat sat a , min kuah nghal hlun bawk , ka dang duh ta bik lo, ka tan a thil chhui chhuah harsa tak tur min lo chhui chhuah sak avangin a Chung ah hian ka lawm ve hrim hrim a , lo dan beh tlat pawh ka tan a nuam lo.
Zing ka harh leh Chuan Hades pawh a la thaw ri sak sak mai, ka tho chhuak vat a dar zat ka en chuan a lo la hma khawp mai, ka in phih fai hnu chuan choka lam chu ka pan vat a , ka phone chu a lo ri ve mek bawk, ka phone ka en chuan James alo ni, bathroom ah lut in ka la nghal thuai a , chanchin min rawn zawt Ani Hadesa'n engkim a chhui chhuah tawh thu te, chu ka hrilh a, a lo lawm ve khawp mai, engtia hma lak zel nge ka tum tih min zawh chuan ka hriat hrih loh thu chuan ka chhang a.
Allison chanchin hriat thar a neih leh neih loh ka zawt ve nghal thuai a , engmah a la hre bik lo Ani , ka puih a duh phawt chuan ka puih tur thu te chu ka sawi a, rei fe kan in biak hnu chuan kan dah ve ta hram a , bathroom atang ka chhuak chu choka ah thawm ka hre zawm zat a Hades a tho tawh anih ka ring, choka lam chu ka pan ve vat a , tui a lo in khalh khalh bawk , a tui in pah a a hrawkbawk che ralh ralh te chu a hmuhnawm ngei mai.
"Ka rual in i rawn phei tawh ang chu ti raw?" A rawn tih chuan lu ka lo thing vat a "tihtur ka la ngah lutuk" ti in chhuanlam ka siam a , min hruai phei phet a tum hi ka duhdan Ani lo , a ta pawh ka ni lo a , chu lo ah ka duh em tih pawh ka Chiang leh tawh lo.
Ka chhan dan chuan a thin a tirim hle aniang chu min melh no lo khawp mai "engkim ka hai lan sak vek tawh che Ani lawm ni" a rawn ti leh sup a "ruahmanna dang I nei anih chuan mansion lam atang pawn i ti thei" a lo tih leh Chuan "min pui tur in ka ngen loh che kha, hun thawl te min pe ve phawt la" ka ti a
"Min ring lo Ani ti raw?" A rawn ti leh sup a, ka chhang tawh lo thung , ngawi reng chuan kan ding a , "i thil tih ah Khan ka lawm lutuk mahse driana khan khang thil kha ka chung ah engvang a ti nge anih tih te ka zawn chhuah angai" thaw hak pah chuan ka ti a.
"Lucas vang mawle, driana hian lucas kha a ngaihzawnna a rei tawh a lawm, Gordon khan a pawngsual che chuan i neih duh mai a ring a" a ti a , engtin vak mah ka awm lo, ka rin sa ve deuh kha Ani hrim hrim a , ka thil chhui chhuah tum ve te chu Hades hian min lo chhui chhuah khalh vek bawk si a , driana chu hmaichhan a hmuh a , ka hriat lai ngei in inpuang se tih chu ka la duh fan a , a mah ah in chhir na te a awm ve reng reng em tih te pawh ka hre duh bawk.
Hades chu allison chanchin Han zawh chu ka duh hle a , mahse James thu hmu lo chuan ka zawt dawt ngam bawk si lo, túkthuan pawh ei lo chuan a chhuak daih a , a lung ka ti awi lo ve viau aniang.
Vawiin lam ah James nen in hmuh kan tum a , ruahmanna a neih ve te min hrilh a tum Ani, puih theihna ka neih phawt chuan puih ve ngei ngei chu ka duh bawk , James chu ka in lam a lokal mai tur Chuan ka hrilh a , a lo rem ti ve mai bawk , inthup ngai Chung a pawn a Han chhuah vel hi ninawm ka ti tlat .
James chuan ka puihna chu a lo mamawh ngei a , mahse thil harsa tak a ni dawn in ka hria Hades mansion lam ah let leh tur in leh Hades chu ngaizawng der tur in min ti a , thil a awlsam phah ngei ang ,mahse Hades bul a awm leh chu ka hreh ru riau tawh, a zun ah ka uai ang tih ka hlau hle bawk , allison a Bo khan police hnen ah an report lo em ni ti a ka zawh chuan an report thu leh Vanguard chhungkua hi mi thil ti thei tak an ni a, police ho ka pawh an hup beh sak a nih a rin thu te chu min hrilh bawk.
Couch ah chuan duhthawh zet in kan in fawp a , "insiam rawh" a rawn ti sep a , ka tho chhuak ve nghal vat bawk , a mansion lam a insuan lut leh tur Chuan ka insiam ve nghal mawlh mawlh a.
Cont.....
HERE (chapter 15)
Moderator: writers
ADVERTISEMENT (A hnuai a milem hi a nia hmeh zeuh tur chu)