STILL WITH YOU (chapter 4)

[Maam J]

"Kook enge thil awmzia" hlau thawng deuh in hyung chuan a ti a. Chhang lo in khum atang chuan ka tho a, chhuah mai ka tum chuan hyung chuan min ko ding.

"Enge awmzia Bunny" zaidam zet chuan a rawn ti a. Ka mit ka chhing a, ka mittui chu a tlak loh nan ka in sum mahse a rawn luang tla ngiai nguai.

"Bunny " arawn ti nawn leh.

"Hyung Engtin nge ka tih ang ..." ka ti nghal tawp.

"Enge awmzia" hre thiam lo zet chuan a ti a, a bo hú tih a hriat bawk.

"Pasal a nei dawn," chawl leh dat in
"a pa thutlukna a ni" ka mit ka chhing a, za lo zet in ka nui suk.

Thil thleng leh thil awmdan zawng zawng, a tir atang chuan ka hrilh fai ta vek a, a pa in a pasal a neih tir tum dan leh Amah pawh Korea a lo let a,inhmu a inneih kan tum dan zawng zawng te, in hmuh kan tum nî a Jane lo lan tak miah lo te chu ka sawi ta vek a, ka thawl deuh huai in ka hria, Namjoon hyung hian Jane nen a ka in kar hi a hre ve lo a, Suga leh Hoseok hyung chiah khan an hria kha nia, Namjoon hyung ka hrilh chuan a mah pawn chuan min khawngaih tih a hmel lan dân atâng chuan ka chuan ka hria mahse tih theih a nei bik silo chu "a pawi ka ti lutuk" tih chiah chu min hnem theih na tawngkam a neih awm chhun ani si.

"thil mak deuh chu maw Hyung, a ni khan min kalsan tur in thutlukna a siam a sin. Ani chu theihngilh a hmangaih tawh lo tur in min ti sin"

"Bunny"

"Nilo hyung, engtin nge tiang hi ka chung ah a tih theih. Ka hmangaih a sin" thinrim ṭun chuan ka au a. chuveleh hyung chuan min lainat hmel zet in min rawn kuah vat.

"hyung a ni khan min lo hmangaih lo a ni. Min hmangaih emaw ka lo ti thin a. Mahse tunah chuan ka hre tawh, engkim, eng harsat na pawh kan kawngah awm in tawk mah ila tuar dun zêl tur in thu kan tiam a mahse ani chuan kan thutiam te chu eng ah mah angai lo. Ani khan ka hmangaih ang hian min lo hmangaih ve ngai lo"

"shhhh!!!! duh tawk rawh Bunny engkim a tha leh vek mai ang" A sawi pah chuan ka hnung a beng thek thek a.

"nilo hyung engmah tha tur a awm tawh lo." lu thing nar nar chunga ka tih chuan hyung chuan "enge awmzia" A rawn ti vat.

"Ani kha ka be thei tawh lo, min bum a ni. tunah chuan a mah biak pawh theih na tak ngial pawh ka hre tawh lo.
Midang tâ ani tawh dawn Hyung" A tâwp nân ka ti leh.


"Bunny in ti pa chang rawh, i bulah kan awm reng ania" ka dar ah chuan a rawn beng thek thek a.
Kan titi lai tak chuan hyung phone chu a rawn ri a, a hna thawh na lam atangin ani. Urgent zet a thil thleng a awm vang in an Company lam atanga kal tur a an rawn tih vâng chuan min chhuah san a.

Namjoon, Yoongi leh Hosoek te hi kan thian tha ber ber te an ni a, Yoongi leh Hoseak hi Italy rama kan zirna vang a in tawng kan ni. Namjoon hyung erawh ka cousin a ni a. Ka u ang tak tak a ni. Lawyer ni in Korea ram ah chuan a ni ai a lar hi an awm kher lo ang.
Anni pathum hi kan thian hnaih tak tak te an ni a, Jane nen a kan in kar hre tu awm chhun an nia, anni hi ka thiantha ber ka mamawh hun a engtik lai pawh a ka bula awm a min ngaihtuah em em tu te anni. Hoseak hyung erawh Korea ah an awm rih lo a, chhungkaw business vang in Italy ah an la awm thung..

Namjoon hyung chhuah hnu chuan Jane biak pawh tum chuan ka try leh ngat ngat a. Thil awmzia a zavai a hriat vek ka duh. Mahse. chhanna min pe thei tu no chu biak pawh thei ani silo.
.
.


Ka rilru leh ngaihtuah na nú but but chu tih ziaawm a ngai tih ka hria.
Ka wallet leh bike chahbi chu ka la a, hyung apartment ka chhuahsan vat.

Hyung khan nizan khan ka rui hle vang in bike ah ni lo in a car ah min hruai haw a, ka bike dah tur in mi alo ti ni awm e, a office dawn in chahbi min pe kha nia.

Garage ah chuan ka bike chu alo awm
a, nizana ka kal na hmun ngai ah bawk chuan kal leh in ka hma a in tur tam tak lo awm chu ka tlak leh pap pap a ka taksa pawh a sa leh zar tawh mai.

"Park Jane engtin nge ka chung ah heng thil hi i tih theih? Nang hian dawt min hrilh a ni. min hmangaih thu i sawi kha dawt vek a ni. Dawt vek!! Ka chunga i thil tih hi ka la rul let ve ngei ang che. Engtin ni ah emaw chuan ka la zawng chhuak ngei ang che. Nang hi hremna ka la pe ngei ang che hre rawh. Chu chu Jeon Jungkook thu tiam a ni" ka tlak leh pap a. Ka no chu hum in a rawn keh ri pap.

"Sir" bartender chuan a rawn ti vat a.
"I kut kha thi nia" hlauh thawn hmel zet chuan a rawn ti a. Ka kut chu en a, thisen a lo chhuak ngiai ngiai. Mahse eng mah nà erawh ka hre lo.
Chatthlalo tawk vela ka in hnu chuan haw tum chuan ka in khalh a ka hmu phe ruai leh nghal, khalh chak ngam pawh a ni meuh lo.
.
.
In khawngkhar chu ka tlawh hawng ri thruai a, ka nu leh pa an rawn hawi rual thawt mai.

"Jeon jungkook" in chhung ka luh rual chuan ka pa chuan vîn fe chuan a rawn ti nghal a.

"Immm, Keimah Jeon jungkook ka ni" ka lo ti let ve nghal.

"Zu te i in elaw?" ka lam pan in ka nu chu a rawn kal a, ka tluk loh nan ka ban rawn dawm nghal.

"In e....ka in. Mahse tlem te" ka sawi zawng chuan ka khi suk a.

"Thu phawt teh ang" ka nu chuan ka ban ah min pawt a, living room lam min pan pui. Ui neitu in a ui a pawt ang mai chuan pai chhut chhut chung chuan ka kal a. Couch ah chuan min thut tir a. Ani erawh ka pa bulah a thu phei.

"Jeon jungkook hman ni a ka thu sawi kha ilo ngaihtuah tha tawh ang chu ti raw" kan ṭhu fel chiah maw tih ah chuan ka pa chuan a rawn ti nghal a. Ka taksa zawi zet chung chuan ka en rân.

"Engemaw ka ngaihtuah ang" a thil sawi awmzia hre lo ang deuh chuan ka ti tel ve a.

"I nupui neih tur kha maw le" chiang zet in a rawn ti. Rum zet chuan ka melh a, ka rui pawh an reh nghal vek in ka hria.

"Ka sawi tawh kha keihian nupui ka nei dawn lo ka tih kha" ka thutna ṭang a tho in theih leh thei lo chuan ka room chu ka pan nghal.

Khum ah chuan a bawk khup zawng in ka tlu nghal tawp.



.
.
-----------

.
.

Khum bula alarm rawn ri sek chu thei leh thei lo chuan ka ban a, ka hmet thi nghal.

Men ka tum a, mahse ka mit hi charh beh tlat ang mai in an chhing nghet.

"Arghhh!" ka lu rawn na lutuk chu tho in ka khum ah chuan ka ṭhu a. A rawn túr ut ut ni mai hian ka hria. Night stand a ka phone awm chu ka ban a. 8 am.

Ka phone chu ka on nghal a, ka tih hmasak ber chu Jane biak tumin a no ah chuan ka try mahse SWITCH OFF! hrep hian!.

"tiang hian maw min tih dâwn a? a tha e i duh ang chuan ka thlen tîr mawlh ang"

Ka room kawngkhar chu a rawn ri karh karh a.
Lut tur a phalna ka pek hnu chuan
"ka pu in a be duh che a,a  room a kal tur in a duh che" kan awmpui nu chuan a rawn ti a.

"Ka rawn kal ang" Phone chu khum ah thehphei in ka pa te room ah chuan ka lut a.

Ka pa chu a chair ah ṭhu in a hma table a coffee chu a lo melh ngul a.

"Ka nei ang" thut pawh thu lemlo chuan ka ti a.

"Thu rawh" thu pe aw tak chuan a rawn tiràm leh hmak.

"Nupui chu ka nei ang" tih pah chuan ka chhuak nghal hmak.

Ka room lam pan in bathroom ah ka lut nghal a, shower ka on rual a Tui bawt rawn phuh ser ser in ka sam leh takse a tawh rual chuan ka taksa pawh a zia deuh hawk in ka hria.

Bathroom darthlalang hma ah chuan ka ding a, ka sam huh zet a tang chah tui chu a far thla fap fap a, towel var chu ka kawng ah ka veng bawk "A tha lawm, nangpawh in midang min neih san theih chuan engvang in ka theih loh bik ang,,, ka tellova hlim i theih chuan engvang in nge ka theih loh bik ang?" darthlalang hma ah chuan keimah leh keimah chu ka in bia a.
Ka damchhung awm dan tur chu thu tlukna ka siam ta. A hma a ka lo suangtuah thin ka hmangaih ber nei a, ani nen a fanau neih a, chhungkaw hlim tak din kha ka duhthusam kha ania. Mahse ka duhthusam leh tuna ka awm dan chu in perhsawn tak a ni.
.
.
T-shirt var leh jeans pawl chu ha in hnuailam ah breakfast ei tur in ka chhuk thla a. Choka ka thlen chuan an lo kim thap tawh Ka nau Mira tih loh. Ani chu a zirna vang in America lam ah a awm thung.

Breakfast kan ei zawhhnu chuan ka pa in min biak duh thu a sawi vang chuan sitting room lam ah chuan kan thu thup.

"Zinga i thu sawi awmzia kha enge ni?"

"Ka sawi chu i hriat kha, a hun chu in in rem dan ani mai" ka sawi zawh rual chuan ka kal nghal a.

"Ohhhh mahse thil pakhat,,,,,
Hei hi ka hrilh lawk ang che u,
He ka nu pui tur hi hlim tak a ka awm tir ring reng reng suh u, he nu hi min neih luih tir a ni tih kha in hre reng dawnnia" kawngka lam chu ka pan a. Ka kut ka hum ruh bawk.
Ni e, min neih luih tir ngei alawm, keimah ngei in thutlukna siam mah ila ani hi ka duh reng vanga nei tur ka ni reng hleinem.
Ni lo. he thil hi Park Jane vang vek a ni. he thutluk na min siam tir tu hi a mah vek a ni.
Garage a ka bike chu la chhuak in ka inkhalh chhuak a, speed sang zet in ka tlan.
"Ni e i duh dan chuan awm rawh keipawh ka duh dan in ka awm anga, kei aia i thlan mipa bulah chuan awm mawlh rawh.
Kal rawh ka hua che ka haw lutuk che Park Jane! tinge ka nun ah ilo lan? engtin nge tiang hian min tih theih? Thlawk bo la, ka nun ah hian vawi khat mah rawn lang leh tawh suh ang che ." tiin ka bike chu a sang thei tur ang ber in ka tlan.
Vawiin hian engmah hlauh ka nei lo, thihna ngei pawh, ka chung ah enge thleng dawn ka ngaihtuah lo a, ka rilru tawt lutuk tih ziaawm deuh chu ka tum ber ani rih, kal tum na bik em em pawh nei lo chuan Seoul khawpui ah chuan ka tlan kual a.

.
.
PARK SORA p.o.v


Ni e, ni a liam a, kar pawh a vei bawk, kan inneih ni tur pawh a hnai ve zel a, mahse kei erawh ka mipa hmangaih miah lo nei tur chuan ka la inpeih fel thei meuh lo, ahar em a tin ni.
He ka hun tawn mek hi ka nuna thleng tur a ka duh miah lo, a suangtuah pawh ka suangtuah ngai lo, thawnthu ah chiah emaw thleng tur a ka tih, kei ngei pawh in a thawnthu hial a ka lo ziah thin ngei mai chu ka chung ah a thleng ve ta chu ania, mahse thawnthu ami te chuan a tawp ah hlimna tal an tawng a kei erawh a tawp na a hlimawm ve ngai dawn silo, thinlunga hmangaih nei reng chung si a midang ta ka ni tur hi a na em a sin.


Kan chhungkua chanchin hria in Jimin hyung chu rawn kal vat in min khawngaih lutuk kha ka bulah a awm char char kha ania, mahse ka hyung, ka duh engkim min tih sak thin tu khan tun ah chuan engmah min tih sak thei silo, ka hyung bula ka rilru natna tihlan mai lo kha chu tih theih ka nei tlem em a sin. Ka pa din hmun te thleng chuan kan hre ta vek a, Jinnie pawh in hre ve in a hna thawhna a tang in a rawn haw kha ania, tun ah chuan ka pa din hmun erawh a la chhe lutuk lo na a mahse Spain ah awm tawh lo in hetah kan company ah ka pa hna a pui in CEO hna a chelh tawh rih dawn a ni.
Jin Oppa hi ka nu te lam atanga ka cousin niin, Jin nu leh pa te hi vanduai thlak tak in Jin kum 5 anih lai khan a car accident vang in an boral a, Jin chiah hi an fa neih chhun ve tho ani, a nu leh pa boral atang khan a beih vai em em a, ka pa khan khawngaihin kan in la lut ve in ti hian chhungkaw dik tak ang mai in kan awm ho ta a.

Vawiin hian chhungkua la ni mai tur JEON CORPORATION te nen inneihna a thil pawimawh sawi tur in dinner kan kil dawn mek a, kei, ka nu leh pa, Jin Oppa chu kan awm kim tawh a, kan ep chiah ah Mr Jeon leh Anupui Mrs Jeon an thu ve bawk.
Mr Jeon leh Mrs Jeon chuan fa 2 an nei a, ka pasal ni mai tur Jeon Jungkook an tih leh anau hmeichhia Jeon Mira te anni, an fanu erawh a zirna vanga a rawn tel ve theih loh thu an sawi a, chuvang in Mipa pakhat Jeon Jungkook rawn thlen hun tur chu kan lo nghak deuh ṭhup.

Mins rei fe kan nghah pawh chuan a rawn la lang thei lo va, kan ep chiah a awm te chu an in thlahrun hmel tawh tak zet, an in thiam loh thu an sawi mawlh mawlh reng a, ka pa ve thung erawh chuan "a ho lutuk" ti in a lo hnem ve zel bawk. Darkar chanve chuang kan nghah hnu ah Mrs Jeon zawk chu rawn ding in pawn lam ah phone a hman lawk tur thu a sawi a, kan lo hre thiam tlang khawp.
Rei pawh a va chhuak lo tih ah in thiam loh hmel zet chuan a rawn lut a, Jeon Jungkook chu a rawn kal theih loh tur thu a sawi.

Ka pa, pa a zawnga mi nun nem lutuk chuan 'a buai aniang' tia hnem in dinner ei mai chu a rawt a.
Dinner ei lai reng reng chuan tawng ve tur hre lo chuan ka hma a ei tur awm chu ei lem lo chuan ka thai let kual vel mai mai a, chaw chakna ka nei ngang lo atin ni.
Kan inneihni tur atan kar lo awm tur Thursday chu an ti tlu ta a, an thu sawi lai te chuan tlan chhuah a, ṭah hawm hawm ka châk ber, nge ni ka tlân bo daih mai dawn em ni?.
A thleng tak tak dawn chu ani sia.

skip..

Ni te chu an kal chak ka ti ngang mai, rei lo te ah kâr thar chu kan chuang kai leh ta a, kan inneih ni tur pawh ni 2 chiah in a dang tawh.
Ka mamawh vêl lei tur pawh in ka chhuak peih lo a, jin lah ka pa hna kal lai thawh zawh a inneih ni a free deuh a a awm duh vang in ka bulah a awm tam thei lo bawk a, Jimin hyung nên kan in hmu khat em em mai bawk si. Tinge maw ka nun hi a chep em em bik le.

Ka nu chu kum tam ala ni em em hran lo bawk nen ka mamawh tur vel chu a man a buaipui ta vek a, ka mokawr tur chu keimah ni chhung bik in designer kan nei hran pa tho a ka size tur kan hrilh a, design dan vel ka hriat bik vak loh vang chuan a kut ah engkim ka dah ta vek.
Ka nu chuan ka din hmun chu hre vek mahse thutlukna siam ani tawh a, sawhsawn theih ani tawh lo tih a hre bawk, ka nun chau leh nguai lutuk chu a hmuh hmaih bik lo ania nge in ti harh tur in min chhuah pui a, mahse ka rilru a thil tam tak ka ngaihtuah hi chu a reh thei chuang silo,.

Naktuk mai kan inneih ni a ni tawh a, ngui deuh chung in ka room ah ka in kalh hnan, Naktuk ah chuan he in ah hian ka awm tawh dawn lo tih ka hria, a tawp nan chhungkua in dinner kan ei a, a hlim thei ang tur chuan hman ka duh, hlim hmel chu ka pu der ngar ngar a, mahse tih luih zawng a har ka ti, dinner kan ei zawh khan ka room ah chho in ka hmangaih ngai in ka tap leh ta hawm hawm a.

Ka room kawngkhar chu a rawn ri karh karh a.

"aw" ring lauh a tiin ka bianga ka mittui la cham bang chu ka hru mawlh mawlh, ka slipper bun in kawngkhar lam chu ka pan a, ka hawn chuan Jin a lo ni.

"ka lo lut thei angem" a aw nelawm zet chuan ati a, Bu nghauh in a rawn luhna tur in kawngka chu ka hawng zau a, a ni pawh a rawn lut ve nghal.

ka khum lam pan a ka kal phei tur chu ka ban ah lo chelh in "i tha em" a rawn ti a, inher lem lo chuan hnuai lam bih chung in "Um" tiin ka lo chhang bung tawp. Chutah a lam hawi a min kuai her in hnuai lam bih a ka kun reng chu ka khabe chu rawn kuai chho in
"ka lakah hian i zep thei tur ah i ngai em ni, mimawl ah min ngai ami, I u ka nih hi, I nui hmel phena a i lungngai hmel hi hmu lo tur ah min ngai em ni" a rawn ti a, ka biang nichin a ka mittui luanna chu a kutzungpui a rawn nul in "i tap tih ka hria sin, engkim min hrilh rawh" a rawn ti leh a, ka in sum thei tawh lo chu ka lo kuah nghal vat.
"Oppa" tih leh tah rik chu ka rual a.

Chutah ka sam rawn chulin "ka naute" a rawn tidam leh dap a. Ka biang leh lam leh lam chu dawm in ''eng in nge ti lungngai che" a tih chuan "Ka hmangaih ber rilru ka tina ni, ka hmangaih ka phahsat a ni" ka sawi zawng te chuan mahni in thiamloh na in ka khat nghal.

Jin chu tawng lem lo chuan a âwm hlai leh khauh tha zet ah chuan min kuahbet ran a, kei lah insumna nei lek lo in ka tap ta bawrh bawrh. ka tah chhung zawng chuan eng mah sawi lo chuan a kut dam dap chuan ka sam a lo chul thung, rei ngial ka tah chuan ka in tap thlawl a, ka taksa tawt lutuk pawh a zia ve ta deuh.
Ka zia deuh tawh tih hria in ka hun tawn mek chu min zawt ta a, keipawh in ka hrilh fai ka vek.

"Ka pa chu keiman ka lo bia ang" rei ve kan ngawih dun chuan a ti a. Jin hian ka pa hi pa tiin a ko ve mai thin.
Lu thing chung chuan "Tih theih a awm tawh lo, ka duhthlan na a ni" ka ti chhuak ve ta a. Ka sawi lai te chuan ka in haw ngawih ngawih. Ni e ka duhthlanna ani, tap tur ka nilo tih ka hria, mahse tinge ka nat em em?

"nilo zan in ah ka pa ka lo be tha nga, tih dan kan ngaihtuah dawn nia, tinge min hrilh vat loh ka naute, tiang hi a thleng lo tur asin" a rawn ti leh a.

"mahse naktuk hi inneih ni a ni tawh si a" ka tih chuan "engkim a tha leh vek mai ang" min hnem tum tih hriat zet chuan a ti a. za lo zet in ka lo nuih leh ve.

chutah "i chau ang, mu hahdam rawh" a ti a, ka lu chu lukham chung ah nghat in min mut tira, dim zet in rizai min sin tir.

"Goodnight" tih pah chuan ka chal ah chuan a fawp zeuh a. Ka lawm zia lan tir nan ka lu ka lo bu ve.
Inher in kawngka lam apan a, muangchang a a kawngkhar khar ri pawh ka hria.
Jin chuan ka pa bulah he inneihna hi thulh a duh thu a sawi ngei dawn tih ka hria, ka nu leh pa pawh in he tiang dinhmun a ka ding pawh hi min khawngaih tih an mitmeng ka en a piang in ka hre bawk, mahse heihi ka tih angai ka pa tan, kan company tan, tun ah kan company hian buaina a tawk tih mi kà atang in ka hre ve tho a, ka nu leh pa te chuan ka rilru hah an hlauh vang in min hrilh dawn lo tih ka hria, chu vang in he thil hi ka tih ngei angai ani.

.
.
Ka hmai zawn a nizung in min rawn chhun vang chuan ka mit chu muang chang in ka meng a. Ni e, vawiin hi nithar ani, chuan kan in neih hi ani bawk.

'Park Sora pasal i nei dawn'

Ka sana ka en chuan zing 5:58 am alo ni, ka kawngkhar chu pawn lam atang chuan a rawn in hawng a, hmel pawr deuh phung hian Jin alo lut, a hmel ngui leh pawr fep atang chuan zan ah mut tha a hmu lo tih ka hria, ka khum bulah chuan rawn thu in min rawn kuah nghal a.

"Ka tihpalh" a rawn ti thawp sut a.

"A pawi lo Jinnie, engkim a tha lawm" ka lo ti ve a, Inneihna a thulh tir thei lo tih chu ka hre nghal a.

"ka thiam loh vek a ni" a rawn tih zawm leh. A in thiam lo hle tih a awki chhuak atang chuan a hriat tak zet, ka inthiamlo zawk, lo hrilh miah lo in a thlen thlen kha lo thlen tir mai ila tha tur, Keimah vangin Jinnie pawh a lungngai a.


"Jinnie ka tha nia, lunngai suh engkim a tha vek mai ang" ka thiam dan ang tawk chuan ka hnem ve a, ka hmai chu a kutzungpui a rawn chul in inthiamlo hmel zet in a nui a, a nui lui tih ka hria.

"Ka tha tak tak ania" ka ti leh chu min kuahna a ti nghet sawt a.

"Ti teh, kan inneih ni nih hi, insiam ka ngai dawn nia" in la hrang in ka ti a. Jinnie pawh in min nuih suk.


skip..


Wedding hall a restroom chhunga darthlalang hma ah chuan ka thu a, ka hmai leh taksa vel chu makeup artists ho chuan an chei mawlh mawlh a, kei erawh ka thu ngawi kur ringawt a, thil tam tak ka ngaihtuah a, engtin nge ka nun ka hman zel dawn? enge ka chungah thleng dawn ka hre hek lo, ka mit ka chhing vang vang a, nula mahni tawka hlim ve thin em em kha tun ah chuan a awm tawh ngai dawn silo, ka mit ka men leh chuan ka hma a darthlalang a ka hlim thla chu ka en a, ka mit ka chhing a, mittui bawk chu a rawn dir leh ta.
Ka dar a kut rawn in nghat ka hriat chuan in sút in ka mittui tla chu ka hru thuak a. Hnunglam chu ka hawi a. Jimin hyung a ni.

"i mawi lutuk" .Za lo tih hriat zet chuan a nui lui a. Za lo zet in ka khi ve suk ringawt.

"Ti nge iva hlim loh hmel ve" ka hmel ngui bam mai a hmuh hnu ah chuan a rawn ti a. A awki chhuak ah chuan ani pawh a hlim teh chiam biklo tih ka hria.

"Ka hlim alawm" tih pah chuan ka nui lui leh.

"Cutie" zawi riai chuan  a rawn ti a, ka mittui tla chu hyung in a hmuh loh nan ka in hnît leh, ka hmui chu pet in ka in seh ruh a. Chutah zawi muang in a lam hawi chuan min kuai her a..

"Cutie" a rawn tinawn leh.


"I hlimlo ani ti raw?" zawi fiah tak chuan a rawn ti leh a, ka thutdan level chuan chhuah ah chuan a thingthi a. Ka mittui ka bianga luang chu a kut zungpui chuan a tuai a.

"Ai" Tih pah chuan ka lu ka thing a,
ka bu leh nghal vat. Ka in rin hma hauh in ka kuah nghal thlawp a, a dar a ka lu nghat pah chuan ka tap ta hawm hawm a.

"Hyung" tih leh tah ka rual nghal a, tu nge in chhung ah awm ve a, pawn a awm pawh ka ngaihtuah thei lo. Ka taksa chhunglam atanga hnawh tu Lian tak awm chuan min in sum tir thei tawh lova, ka chhungril a natna awm zawng zawng hi tah chhuah vek a.Ka natna zawng zawng paih chhuah vek ka duh.


"Cutie" dam thlup chuan hyung chuan a rawn ti leh a.
ka hnung ah chuan a chul hliau hliau a, ani pawh in tih ngaihna a hre bik lo ani tih a ngawih reng dan atang chuan ka hria. tun a tana Hyung in ka tan a a tih theih awm chhun rih chu a dar, ka tahna tur a min hman tir chiah hi ani rih.. Chu chu a hria a, duh tawk in min ṭah tir.


"Hyung? he inneih na hi ka duh lo,hyung ka nei duh lo. Ka Kookie ka duh. Khawngaih in hyung? engemaw ti rawh. He inneihna hi ka duh lo, khawngaih takin he in neihna hi min tih tawp sak rawh" ka mittui chu a luang thla ngiai ngiai a. Luang pawh a ang lo, a haw in a haw ni ber in ka hria.
Kookie ni lo midang pasala ka nei tur ka ngaihtuah apiang hian ka tuar thiam lo tak zet.



"shhhhh!!!! tap suh le ka nau te duat, engkim a tha vek mai ang" tih chu hyung in min hnem dan awm chhun a ni. Mahse engmah hi tha leh tur a awm loh tih hre chiang tu chu kan pahnih kan ni bawk.

Jimin hian Kookie nen a kan in kar hi a hre ve vek na chung in ka pa chanchin pawh hi keiman ka hriat ni khan ka hrilh ve nghal vek a, khami ni khan zan khua a ka tah vang in zan khua in min awmpui kha ania.
Ka nu leh pa in he in neihna an ruahman khan ka thutluk na vanga in chhir lo tur a min fuih tu awm chhun a ni bawk .

Kawngka lam aṭanga thawm kan hriat rual chuan  ka mittui tla chu ka hru sawk sawk a, kan inkuahna ṭang in ka in la hrang nghal vat bwk.

"Ka rawn tibuai che u em?" Àw thum le pa ze mai, a  hmel ka hmuh ngai leh hriat ngai hoh loh mipa chuan a rawn ti a.

"Tibuai lo ve lokal rawh Tae'' Jimin hyung chuan a lo ti nghal a.
Kan bulah chuan  rawn kal hnaiin Jimin hyung bulah chuan a ding a, Jimin aiin a sang bawk, Jimin chuan min lo in hmelhriat tir nghal vat a.

"Cutie ? hei hi ka thian Kim Taehyung"

"Chuan Tae heihi..."

"Ka hriat kha" Jimin hyung sawi zawh hma chuan a thianpa chuan arawn pawt chat a. Ka lo en nghal vat. A nui suk a, a nelawm in a fel hmel tak zet bawk.

"ka sawi awmzia chu Jimin hian i chanchin hi a sawi nasa thei lutuk a" min rawn en a, a nui suk.

"engtik lai in" jimin chuan a rawn ti nghal vat.

"engtik lai pawh in" tiin Taehyung chuan a rawn ti ve a. Jimin hyung chuan "a awihawm loh" tiin a rawn pha a. An in hnial zâwm nghal, An in hnial na ho zet vang chuan ka lo khi suk.a, an naupang chhia dun lutuk vang chuan ka nuih an tiza lek lek. Nichina kan boruak rit lutuk pawh tlem in a zia ve deuh phah a, a tha viau mai.

Ahnu ah Jimin hyung thianpa chuan a kut chu rawn phar chhuak in " ka hmu thei che chu ka lawm hle mai, ka lo hmu chak thei lutuk che sin " a rawn ti a, min chibai tum in a ban a rawn phar chhuak a keipawh phar chhuak ve in kan in chibai a. A kut lian zet chuan ka kut chu a hup hneh khawp mai. Ka kut a vawn chuan a kut a thlah lawk lo a, a kut zungpui chuan ka kut phah hnung lam chu a tuai a, a chet dan mak zet vang chuan a mit ah tak chuan ka en a, ani ve thung erawh chuan min lo nuih sâng a.

Inneih ceremony an ṭan hma in mins tlêm tê ala awm a, kan 3 chuan kan in kawm a, jimin hyung te ṭhian dun titi chu ka ngai thla a ni mah zawk. Reilo te chhûng chu he Arrange marriage thil vel chu ka rilru ah a awm lo a,mahse a awmlo rei lo.

Pawn lam atangin "monu kha lo inpeih rawh se" an rawn tih chuan ka awm dan zawng zawng chu a rawn dang leh nghal vek.

"awle" tiin jimin hyung chuan alo chhang a.

"Cutie i in peih em?"

"Cutie" Ka dar a rawn sawi tu awm vang chuan ka ngaihtuah na tang in ka harh chhuak a. Jimin hyung in min lo be reng alo nia.

"I in peih em Cutie" a rawn tidam leh dap a, chhang lo in ka bu zeuh.

"Engkim hi a tha leh vek mai ang, engtik lai pawn i tan ka awm reng tih hre reng rawh aw" a rawn ti leh a, 'aw' tih nan ka bu leh. Ka chal ah a fawp a.

" Vawiin hian i hmeltha tak zet" tih pah chuan min rawn kuah a " tuar hram hram ang che aw ka duatnu, ipa tan tal pawh" a rawn tih zawm leh chuan ka pa hmel ka ngaihtuah na ah a rawn lang zui nghal.

"Ni e, ka tuar thei em em ang ka pa tan, ka pa tan ka chak angai," tiin keimah leh keimah chu ka in fuih a.

"Imm" tih pah chuan ka lu chu ka bu zauh a, ka nui lui sei bawk.

"Tae? ka cutie hi a hmeltha i ti ve em" hyung bawk chuan a rawn ti leh a.

"Immm, hmeltha tak zet"  tiin Ka hmel chu chiang tak chuan a en a, a mit meng de ser chuan min tizam chhe der mai dawn in ka hria.

"Tae keini chu lo va chhuak tawh ang le," Hyung in a rawn tih leh tak ah chuan a mit chu a la sawn nghàl vat a,keimah chauh in room chhung ah chuan ka thu leh ta ràn mai.

Ka bula ka phone dah hun rei tawk tak ka switch off tawh  ka on rual chuan missed call leh message tam tak alo awm hman, a tam zawk chu Kookie hnen atangin ala ni leh nghal, message in tlar thla dul chu a mal te te a ka chhiar thlak rual chuan ka thin tiphu zawk tu phone call chu ka dawng nghal a, be chak si, hlauthawng rilru tak chuan ka awm a, a tawp a tawpah chuan ka insum thei ta biklo.


"Kookie" ka aw chu a chhuak thei chang chang.

"Jane" a rawn ti tham tiak a.
Ka mit chhing in mittui bawk chu a rawn dir thla leh nghal zur zur.
'Aw lalpa he aw hi ka ngai lutuk tinge tiang hian ka chung ah i tih theih?'

"A tawp nan ka rawn bia che nih hi, chuan he thu hi hrilh che ka duh bawk a, vawiin hian nupui ka nei dawn" a sawi zawh rual chuan phone chu a dah tawp nghal hmak a, awm ngaihna pawh min ti hre lo, ka lungphu te chu a rawn phu dup dup a.

'Nupui maw!?? nupui a nei dawn mawh!?' ka thin zawn rawn ri nasa lutuk chuan min ti hamhaih zo vek,

'Nilo a theih loh, nupui maw, engtin nge nih theih'

'Nilo a tha atha vek heihi ni lawm ni ka duh kha, hmangaih dang nei se min theihnghilh se tih kha ka duh dawn a ni lawm ni? Mahse ti nge ka hlim leh chuan siloh? tinge? tinge?'

ka mittui chu dan zawh sen rual loh in a rawn luang a, ka khawhmuh te chu a bing vek a, ka buai nghal nuai. Engmah ngaihtuah lo chuan ka thut hmun a tanga tho in room atang chuan ka chhuak a.


"Sora khawiah nge kal i tum?" Min hmuh veleh Hyung chuan ka ban a rawn vuan a, mak ti tak in min en bawk.

"Hyung ani khan nupui a nei dawn min kal tir rawh Hyung, khawngaih in a bulah min kal tir rawh" chhuat ah chuan ka thu thla hnawk a.

"Hyung, a tello in ka awm thei lo ang, min pui rawh Hyung" Hyung chuan min rawn kuah nghal thawp a " in bengdai rawh Sora,in beng dai rawh"

"Hyung ani khan nupui a nei dawn a sin"  a dar ah chuan ka duh tawk in ka tap a. "Hyung min pui rawh" tiin chhûat ah chuan ka tlu thla riai riai.

"engkim a tha leh vek dawn lawm" dam zet chuan a tia, atha vek dawnlo tih lantir nan ka lu ka thing.

"Nilo Hyung pasal ka nei duh lo,ka Kookie ka duh, khawngaih hyung a bulah min kaltir rawh" tap chung chuan ka ti a.
"Min kal tir rawh" ka ti leh, hyung chuan min thlah riai riai a.
Chuveleh ka mittui luang chu hru in ka ding a, kal tum a ka pen chiah chu
"I pa hi engtin nge ni ta ang" a rawn tih leh chuan ka ding nghal chat.

KA PA!

" I pa engtin nge ni ang Sora'' a rawn tih leh chuan ka mitttui bawk chu a rawn tla leh.

Ka dinna tang chuan ka thu thla leh hnuk a, ka hma zawn chu ka thlir ngawih ngawih, ti nge maw ka vanduai bik em em le.

"Ti rawh, lut ang le" tih pah chuan min din tir a, awm ngaihna pawh ka hre tawh lo.

Room ah chuan min hruai lut a, tui min in tir a.
'Khuanu rorel dan hi a fair hlawl lo' ka ti rilru mawlh mawlh.

Ka pa chu lo lut in " bawihi kal tawh ang le" tih pah chuan a ban rawn phar chhuak in a hmela hlimna hlir a khat chu ka hmu a, ni e, ka pa hlimna tur anih dawn phawt chuan he thil hi ka ti tur ani.

Ka pa in maicham a  min hruai lai te chuan ka hma lam pawh en lo in hnuai lam bih ngar ngar chung chuan ka kal a, ka kut ka pa in mipa dang hnena a hlan lai te chuan ka tah a chhuak ngawih ngawih, theih chu ni se ṭah hawm hawm ka duh.

Ka bula mipa ding chu a sang in a lian hle tih chu kei min hliahkhuh hneh em avang chuan ka hre thei mai, muangchang chuan ka en chho riai riai a, a hmel chu  tha tak ani. A nui lo a, nuih a hnek in a hmel atak ngûl zawk. Ka hmêl chu chiang zet chuan a en a, ka mit tak a rawn en phei chuan a melh na lutuk chu ka hmul thi te hi an ding nghal sur sur in ka hria, ka boruak hip rit lutuk nen ka awm dan chu ka hun tawn tawh a zawh ah a la hrehawm ber in ka hria. Ka ke te chuan min zo lo dawn ni mai hian an zawi ka ti mai. Mahse ka in tih paukhauh angai.

In hma tawn chuan kan ding ta ràn a, a hmel chu ka en a a tak ngúl mai te chuan min tih zam belh a , hmeltha hle mah se ka ngainat chi ani hauh dawnlo tih chu ka hre nghal.


"Nang Jeon Jungkook ka zawt ache, Park Sora hi inu pui ni tur in, a nuam leh a hrehawm ah, harsat lai leh bawrhsawm lai pawh a, enkawl a i nupui tak ni tur in I pawm em?" Inneih tirtu in a tih lai te chuan min elhsen hmel zet chuan a khi suk a.

"Pawm e" ngaihsam hmel zet a ati ri ka hriat te chuan ka haw zual ngawih ngawih.

Cont..