Ka sofa cover chu hlipin ka insu a, Rune-a kamis pawh kha paih mai lo chuan ka su tel ve a. Ka him lo a tih avang khan ka rilru a buaiin hlauhthawngna in min fan a, eng nge ka chungah tleng zel ang tiin ka ngaituahna ka kawm mawlh mawlh bawk. Ka rilru lak peng nan tiin inchhung sek rek ka khawih kual char char a, chhuat ringawt pawh vawihnih ka nawt nawn tawh, ka ngaituahna ka kawm nasa lutuk a,ka chhuat nawt nen ka hah hlui thei.
Thawk lak hrawk hrawk pahin chhuatnawhna fawng chu ka dawm ran a, chutah ka phone charge lai chu a lo ring ral ral a.Nu Emma-i a lo ni "Aw eng nge ni ta?" thaw halh² pahin ka tia "Mavie bawihte vawiin ah tih tur i nei em?" aw dam dap hian a lo ti a.Vawiin chu chawlh a nia tih tur em em pawh ka nei hran lo "Vawiin chu chawlh a nia tih tur em em chu ka nei hran lo eng nge ni ta?" ka ti let var a.
Min rawn call khat ve ang reng sia nizan lawkah pawh kan in hmu a min rawn call teh thut chu mak ka ti ve deuh "E a nih chu.. Englo a nia.. Andrew-a a dam lova,a pa nen a pite in lamah tlawh turin tukin zing khan kan chhuak daih sia... A in thlahrun awm viau nang a chu min lova thlithlai sak mai dawn em mi? Ka biak lahin ka tha lo kal buai a ngai lo a ti ve tlat sia... Nang tal chuan i buaipui theih ka lo beisei deuh a... " inthlahrung aw tak hian a rawn ti dap a.
A hmel hmu lo mah ila a aw atangin a inthlahrung ve hle tih ka hria...Awm te pawh a ti nuam lo dawn dawn alawm "Lo ngaihtuah duh reng reng suh ka lo buaipui dawn a nia.. Hahdam deuh khan lo awm rawh" zangkhai takin ka ti vat a. A ni pawhin min duhsakin min ngaihtuah bawk a,Andrew-a buaipui tur a min tilo a nih pawhin ka tih tur ve rengah ka ngai "Ava lawmawm dawn ve! Ka tha a ti ve tlat nang a a aw atang te reng reng khan a that loh zia ka hre ve reng sia.. Chaw pawh a la ei tawp nang...a nih leh i awm bawk a ngaih ngam takin ka awm dawn a nia" a lo tih chuan lo ngaihtuah lo turin ka chah mawlh mawlh a.
Nizan khan a nawmsam loh hmel reng a, thil dang vangin ka lo theihnghilh daih pek alawm mawle...Ka thiltih lai chu zovin ka va insiam nghal sawk sawk a. A ni hian chaw pawh a la ei awm si lova.. Siam tur te hi a nei ngut ang emaw ni. Kal pahin ka bazar kawi tawh mai ti rilru chungin ka chhuak nghal vat a,ka chhuah chuan dar 11 a pel thuak tawh, eng eng emaw leiin mart ah te ka kawi leh a, damdawi ka lei pah bawk.
Andrew-a apartment awmna building kawtah chuan ka chhuk a. Ka kal lohna pawh a rei ve tawh hle mai...A ni pawhin a in hi chu riah nan leh intihfai nan bak a hmang meuh lo. Door bell chu ka hmet ri ral ral a,nghak deuh vang vangin chhanna ka dawng loh avang chuan ka hmet nawn leh ngat a. "A muhil a maw ni le... " ti nui nui chungin ka hmet nawn leh a "Andrew! I awm em?" door bell hmeh mai pawh chu duh tawk lovin kawngkhar chu ka chum dat dat a.
A ni hi a lo chau chhe der tawh zawk em mi tia ka ngaihtuah laiin kawngkhar chu a rawn in hawng a, Andrew-a chu dang bal hian a rawn dak chhuak a, min hmuh chuan mak ti deuhin a meng deuh kawk bawk.A sam te chu a thur chhap a, a meng dul raih bawk "Nurse ka lo thleng!" nui sangin ka thil khai chu ka lek kang va a. Nui sukin kawngkhar chu a hawng zau a, kawng min lo kian vat bawk.
"In enkawl tha turin ka tih mawlh mawlh thin che kha...Hetiang te chuan i hrisel na in a tuar dawn asin..I nu pawhin a ngaihtuah lutuk che a.." choka ah chuan ka thil lei te chu ka phawrh nghal mawp mawp a. Ngawi rengin ka bulah chuan a rawn phei ve a "Ka nuin a rawn bia che a mi?" a tihchuan ka thil tih lai tawp meuhin ka en chho a. A mit ko a lo san euh "Min rawn be lo pawh nise ka lo kal thovang..." ka tihchuan hnuai lam melh daihin a nui chhuak hak a.
"Lo va mu hahdam la ei tur ka siam che ang nga damdawi hi i ei nghal dawn a nia" tiin ka che nghal vat vat a. Kal ta chuang lo chuan dawhkan va kilin khabe dawm meuhin ka thil ti lai chu min lo thlir dauh dauhva "Va mu ta che.. " ka tih pawh chuan a lu a thing nghut ringawt. Duh lo chung chung in mut luih tir chu tiin ka chet chhunzawm ta mawlh mawlh a.
Ka siam zawh hnuin a bulah ka chawi phei a "A la sa tha khawp a nia.. " a hmaah chuan ka va chhawp a "Chawlh te hi la rih mai la... A chhun a zanin i thawk tluk tluk a i tlin lo a nih ber hi... " a bulah chuan ka thu thla ve a "Vawiin ka chawlh chuan a zia awm mai ang" lo ti maiin ka thilsiam chu a ei ve mawlh mawlh a.
A hna a ngaih pawimawh zia chu amah ka hriat chian tluk zetin ka hrechiang... Misual te chuan an thil tihsual man hmu ngei sela, hrem lova chhuah tir mai mai a tum ngailo.
"A tui em?" tia ka zawh chuan min chhang lovin a ei mual maul a, a ei zo ve vek mai.A pum chul heuh heuh pahin "Tui lo hran lo" tiin a nui zui sung a. Tui ti ve mai se a ei zo vek tho sia.
"Damdawi hi ei nghal la i mu lum dawn a nia" tiin ka thova, damdawi leh tui ka va la nghal vat bawk.A damdawi ei zo chu a chal ka deh sak a, sik hluah chu a ni nang a, a lum ve thar thar.A ni lah chu t-shirt leh kekawr bul nen chauh ala awm zui a, vawt a tilo em maw ni "Vawt i ti lo a mi a i va in ha pan ve... Tho la khumah va mu lum rawh" tiin a banah ka pawt a, a tho ve mai bawk. A room lamah chuan ka pawt phei dawr dawr a, khumah chuan ka va mut tir thlap a.
"I hawng leh nghal dawn a mi?" puan ka sin that tir lai chuan min lo en kar a "Awm ve turin min la duh a mi?" ka tihchuan a mit a khap charh a, aw a tihna a ni "Ka lo awmpui rih ang che hahdam deuhin muhil rawh" tia kal mai ka tum chuan ka kut a lo vuan vat a.Ka hawi thla nghal vat "Mamawh i nei a mi?" tiin ka thu hniam vat bawk.Engmah sawi lo chuan min en dauh dauhva,awm a tinuam lo lek lek tawh.
Ka kut chu a awm chungah dahin a hum nghet sauhva "Ka ngai che" a ti zawi sap. A thusawi chuan min ti hamhaihin sawi ve tur pawh ka hrelo. Min duhthu chiangtakin sawi ngailo mahse... Ka hmu thei a ni,chiangtakin..
Rune pov
"Boss, Mr. Morana in hmuh a duh che" ka room bathlar a ka thut hahdam lai chuan Usher-an a rawn ti a. Ka mit chu mengin thawk ka la halh a "Car lo la chhuak rawh" tia thu ka pek hnuin a kal nghal a. Ka coat hain ka chhuak ve nghal bawk, "Mr. Rodrick chuan engmah a sawi chhuak ngam lo, a nupui leh fate awmna kan hre tawh bawk si a.. Tih theih engmah a nei tawh lo" Usher chuan a ti dat a.
Pawnlam en reng pahin "Lo thlithlai chhunzawm ang che.A ngawi mai mai lo tawp ang" ka tihchuan a bu nghut a. "Boss.. Mr. Morano nau te pahnih khan an hre tawh si che a engtin nge ni ta ang?" Mr. Morano naute pahnih khan Maven-i awmna an lova zawng chhuak a, thil pawi a tlen thui hmain ka hrechhuak hlauh zawk a "An ka an ang ngam lovang" ka lo ti sam et thung.
Rei tak kan tlan hnuin jail chu kan thleng ta a. Pindan pakhatah Mr. Morano nghakin ka thu ran tawh, rei vak lo hnuah gourd pakhat hian a rawn hruai lut a. Gourd chu chhuak leh nghalin ka lam a lo pan lai chuan ding vatin chibai ka lo buk a "Ka fapa!" nui hak chungin min rawn kuah nghal chawt a, ka hnungah a beng thak thak bawk "Eng nge i an?" a in lak hran leh hnu chuan ka lo zawt ve a.
Thu thlain keipawh chu thu turin min mit mei nghal zat "Tunlai chu min rawn tlawh khat riau mai" min en ran pah hian a ti nghut a "Min hrethiam rawh chinfel tur a tam deuh a ni" ka tihchuan a bu ve nghat nghat a. Chutah a kut pahnih dawhkan a rawn hlangin min rawn hnaih deuh va "I zawng hmu tawh em?" a ti sap a. A mit ah tak ka lo en kar bawk.
"Aw" tih ringawtin ka chhang..Ka chhanna avang chuan a lungawi hmel hle bawk "John Lunette chuan ka chunga a thil tih vang hian a la tuar dawn khawp alawm... I ti tha e ka fapa" tiin a nui chhuak uar uar a. Kum 16 chhung zet jail a khung tu a thianpa ngei lakah chuan phuba a la thei dawn ta.
(Zan tin chu ka rawn dah thei tawh lo mai thei a.. Zan hnih khat chhung chu dah lo chang a awm ve mai thei bawk, in hriat thiamna sang ber ka ngen a cheu
)SMERALDO
BY
KENNELLY.B