SOFIA CHAPTER-12

[Omega Hmar Tlangte]

Kan inhualna a buai ta vek mai chu ka lawm ru viau ka hriat veloh thil inthup a tam lutuk erawh ka lawm viau lo chutia ka pa leh Didika an lo let takah chuan lungawilo viau mahila ka nu a hlim em em si, ka pa a pension-tawh a, Didika lah a thawhna aṭangin a bang a, ka chawm turin a rawn letah te ka ngai hial ka pa erawh ka nu nen a pension-hlawh an la ei thei a, he ka unaupa laktlak loh lutuk hi engtinnge ka tih dawn mawni. Thelma-i chuan kan inṭhen aṭang chuan min rawn be ngai ta hauh lo a, Didika a pasal lo ni reng pawh a rawn be chuang lo an chhungkua an reh hmak ka ti mai mi neinung chhungkua tih takah hmingchhiat an duh loh vang anih ka ring.


Sofia-i ka ngaihtuah vang vang a, phone-a neilo tak a khua a lo har tawh ngawt ang ka let leh vat angai a ni. Tukṭhuan eikhamah chuan ka insiam mawlh mawlh a, Didika a rawn lut thut "Khawiahnge i kal dawn a? Kan rawn thlenna kar khat em pawh a la liam lo a" a ti a, ka chhang lo ka insiam zawm mawlh mawlh a, "I nupui hual Thelma-i kha ka nupui a lo nih vang em ni min va huat hmel ve" ka thin a so thut Didika lam chu ka hawi thut a, a kawr nghâwngah ka ṭham nghal a, ka unaupa i nih vang chauh a enliam che ka nih hi i hria em ka ti khur khur a, ngatanmah ka ṭawngkam a tihloh hmêl khawp mai a nui suk a a nui hmel leh ka nui hmel phei chu a dang lo hrim hrim "Dindina ka hriat ṭhin kha chu a felin a rilru a ṭha teh a sin i va danglam ta ve" a ti a, Sofia-i ṭap lai hmel chu ka mitthlaah a rawn lang a, Didika kawr nghawng chu thlahin ka ṭhu hnawk a.


Ka kalna tur i hriat kher angailo e i nupui Thelma-i chu i nei let thei ang chuan min ti zak khawp mai ka ti a, ka nu leh ka pa an inṭhen hma kha chuan Dindina nen hian unauah pawh phir tih takah kan innelin unau dang aimahin kan inkawm ngeih hle a, chhan pawh kan inchhan thin viau mai hetiang thil thleng teh nuai vang hian kan nun a danglam zo ta a nih hi "Dindin unau kan ni a thinrimlo teh ka thiamloh a ni lo Thelma-i vek hi a ni min chhuahsan daih a, a hnuah min rawn min rawn call-a inṭhen ang a ti ringawt a nang nen in lo inhual tih hi chu ka hriatpui tawh lo" a ti a, ka ding hluai a, ka buaina tur a awm tawh lo ka ti a, room- aṭang chuan ka chhuak a, ka nu leh ka pa titi hlim nui hmel ka hmuh chuan hlim pui a har ka ti khawp mai Didika chungchang thu ka hriat zawng zawng khan min deng na nawn awn awn si.


Ka nu leh ka pa chu ka en reng a, sawi tur pawh ka hre lo Didika nge Thelma-i hi rintlak zawk ang engmah ka hre lo "Bawiha, min en reng a min dil duh nei i ang riau" ka nu chuan nui sang chung hian min bia a, ka pa pawh a intinelawm chawp ni mai hian ka hria "Kan bulah hian lo thu teh ka fapa ka ngai ṭhin lutuk che asin" a ti ve bawk a, ṭhut ka tum lo ka nu chu ka en a, ka hna-ah naktuk zingah hian kal leh mai ka tum a, enkawl lai ka nei si a, ka ti a. Ka nu chu a ṭawng hman lo ka pa chuan "Ka fapa psychiatrist-chu i ni ta em ni i nih chak ber ṭhin kha ania" a lo ti zung zung a, ka chhâng lem lo ka nu chuan ṭhu turin min mit mei zauh a, ṭhu pah chuan a pawimawh thu chu ka hrilh nawn leh a.


Min chhang lo ka pa lam chu a hawi a, "Duhtak, kan fapa hi maw tunah chuan hna a nei ve tawh a, thingtlangah damlo enkawl lai a nei a" a ti a, ka pa chu a rawn nui chhuak nghal hawk hawk a, a nui ri te chu ka rap "Ka fapa ka va chhuang tak che em tunge indamlo chu engvangin nge chutianga a nat" a ti a, Sofia-i a nia ka tihrual chuan kan bulah Didika a rawn ṭhu ve chiah a, a hre hman a ni ngei ang min en a, "Sofia-i maw?" A mit meng danglam nghal chu ka man chat ka nu leh ka pa erawhin an hrethiam lo Didika en kar chung chuan a hmangaih ber fa a pai hnuah pawh bumin a awm a, nau a chhiat phah a, chu mihring tenawm tak vang a rilru hliam enkawl chu ka hna a ni ka ti a, Didika chu ka en reng a, hriat ka nei tih a hria a ni ngei ang min en ṭha ngam lo a kun daih a.


Ka nu chuan "Duhtak, chutiang mipa chu kan fate hi nilo se ka duh khawp mai kan fapa hna hi a lo pawimawh khawp mai" a ti a, chu pa chu zawn chhuah a zirtirna pek hlak ka duh a ni ka ti a, ka tho hluai a, Ka pa chuan "Ka chhuang hle mai che" a ti a, a nui vur vur a, insiam chhunzawm tura room-a ka lut chu Didika chuan rang zet hian min rawn zui lut nghal a, "Unaupa, engkim i hria tiraw min huat chhan pawh ka ring thiam nghal mai unaupa ka thiamlo tih chu ka hria mahse ka duh vang a nilo" a ti a, ka bulah chuan a ṭhingthi a. Tho rawh engvangin nge i ṭhingṭhit a ka unaupa i nih chuan tho vat rawh ka ti vin tuar a, ka au ring bawk aniang ka nu leh ka pa an lo tlanlut nghal a, Didika ṭhingṭhi reng ka pa in a hmuh chuan min melh ralh a, "In inhau em ni Didik ngatinge i ṭhingṭhit tho vat rawh" ka nu chuan a ti a.


Didika chu a rawn tho vat a, "Ka nu engmah a ni lo Thelma-i hi a lo hmangaih em ni ka nupui a ni sia Thelma-i hian min bum vek a ni unaupa ka tihpalh" a ti a, engmah ka sawi lo ka pa chuan "Kha thu kha sawi nawn tawh suh u keiman Thelma-i pa ka be dawn alawm unauah pawh phir in ni a, inngeih taka awm zawk tur in ni" a ti a, ka nu chu mitmeiin an chhuak ta a, Didika chuan zawi sap hian "Engkim ka hrilh vek ang che" a ti a, ka thinrim chu ka inhum ruh a, Sofia-i khan i engpawi nge a sawi a, Didika lam hawi miahlo chuan ka sawi a, "Thelma-i khan dawr a rawn hawn hnu khan ka thawhna private school ah engtinnge pawh ka hre lo a rawn thawk ve a, kan inhnim hnai zel a, kan inngaizawng chu a ni mai chuan vawikhat kan chesual a, keipawhin ka duh viau mahse min lo kawp a, ka thin a rim lutuk Thelma-i kha hmeichhe tenawm tak a ni chuan ka duh zia a hria a, hmeichhe pahnih tal i chetsualpui theih chuan ka bialpa hi ka then ang a tia chuan thil thleng chu i hre vek tawh ang ka ring" Engtinmaw ka nupui hual chuan chutiang chuan a sawi a maw chuan nang mipa nep lutuk hian i lo zawm mai a maw ka thinrim chu ka vei sek a.


"Unaupa, Sofia-i kha ka duh tak tak a ni, Ni e Thelma-i vangin ka ti a, mahse ka duh tak tak asin chuan ka inthiamlo bawk Dindin vawikhattal hmuh leh a ngaihdam dil ka duh khawngaihtakin" ka unaupa chu ka ring thei ang em ka hre lo keimahvangin Sofia-in a ngaidam ngei a, "Khawngaihtakin naktukah ngaihdam dil turin min kaltîr hram rawh chuan eng thil pawh tila ka dal lo ang che" a ṭhingṭhi leh a, ka nu leh ka pa hian hre ta se nang ang fapa an nei che hi an inchhir ngawt ang a ṭha e, tunah a ke ruh a tliak a, a la dam lo ang a ngaihdam theih che chuan thu lawmawm tak a ni ang ka ti a, "A ke ruh a tliak amaw Dindin eng nge a chhan ka Sofia-i chu a ṭha maw?" A phi nghal chung a, Sofia-i chu ngaihtuah hle mahila Didika nen an inhmuh chu a ngaiin ka hria ka thaw hak a, ka unaupa chu pangngai takin ka titipui ta a.


DIDIKA POV*


Unaupa Bike-chu khalh a nuam hle mai Sofia-i te khaw daiah chuan ka ding reng a, ka zam hle mai ka maimitchhing vang vang a, ni e misual tak ka ni Thelma-i kha ka hmangai emaw ka ti a, a thu thuin ka awm a, hmeichhe pahnih nun ka tichhia a, Thelma-tenawm nu ka nei che a, ngawi rengin min chhuahsana chumi hnuah min ṭhen thu i rawn sawi a, ka unaupa i lo ngaizawnga inneih hial in lo tum leh a, "Dindin i lo lêt tawh a ni maw Sofia-in a ngai lutuk che ania" Dindin maw ka hawi a, ka pa aia hmel naupang deuh hian min lo en reng a, phir kan ni tak e, a bike-ka khalh bawk si min hai chu a awmlo hran lo e. Sofia-in min ngai a maw ka tih chuan "Nitinin i chanchin min hrilh alawm lo kal vat teh" a ti a, eng inzawmna chiah nge an lo neih hman le Dindina thinrim dan em em ṭang khan a ni theilo "Dindin huanah ka kal lawk a, i lo let chu ka lawm hle mai" a ti leh a, Didika ka ni tih pawh ka tum chuang lo ka pu Sofia-i chu ka hmu chak tawh khawp mai ka ti leh ngawt a, a nui suk a, "Mai mai ṭhin a Dindin ka pu te min tih le pa Ram min tih ṭhin kha engpawhnise i rualin ka haw ve nghal ang e" a ti a, Dindinan pa Rama a sawi chu maw ni a, a in a luah tak e ngawi reng chuan kan inphur a, khawi lai nge a in pawh ka hre lo zawh chi niin ka hre bawk silo.


Muangchangin ka tlan zel ringawt a, ka vannei nge ka vanduai in pakhat bula Sofia-i a nu a ni ngei ang an ding reng chu ka hmu thut Sofia-i chuan a ke ruh a tih tliah thu Dindinan min hrilh tak e tiang a vuan a, a ke a khai bawk a, vanneihna a kaltluang nge ka hre lo "Zamtei te nufa chu ka inbulah eng nge an tih le lo kal an tum anianga" ka thaw huai helai hmun ngei hi a nih hi ti rilru chung chuan Sofia-i te lam chu ka pan a, Sofia-i te bul ka thlen chuan sawitur ka hre mai lo pa Rama chu a chhuk a, a be nghal bawrh bawrh a, Sofia-i chu a hma aiin a lo hmelṭha daih tawh zawk chiang takin min en a, "Dindin ka ngai lutuk che nikhat lek min awmbo san pawhin ka lung a leng lutuk" a ti a, Dindina emaw min ti ve tho a ni maw ka ni lo tiin ka sawi thei mai lo pa Rama leh Sofia-i nu aniang chu pa Rama inah chuan an chho a, assam type-chhawng lian lemlo hi maw Dindina chuan a lo luah a, hrethiam takin inhnuai zawk chu ka Dindina chabi min pek chuan ka hawng a, Sofia-i chuan amaha a kal theih thu a sawi avangin ka bag-chauh chu ka khai lut a.


"Dindin, nangmah vangin ka ṭha tawh lutuk ania Thelma-i kha Didika nupui a ni chiang alawm inneih sawmna card-ah khan chiang takin a hming a inziak" a ti a, Dindina bulah engkim a lo sawi vek a ni maw Sofia-i bulah chuan ka ṭhu a, Didika chu a tlanbo sana kei min pan a thudik ka hre vek tawh Thelma-i kha mi tenawm tak a ni Didika chu tunah kan inah a awm a, ka tih chuan a meng phawk kher mai a kun lap a, "Didika maw" a ti zawi sap a, keimah vangin i ngaihdam tawh kha a inthiamlo lutuk asin Thelma-i hmeichhe tenawm tak vang vek kha a ni i ngaidam tiraw? Ka ti leh a, a rawn hawi chhuak a, a lu a bu nghauh a, "Dindin ka hmangaih vang chauh che a ni Didika ka ngaihdam tumah tina tawh lo se ka duh chuan Thelma-i kha..." A sawi zo hman lo ka kuah chawt a, ka fawp ngawih ngawih a, Dindina nen an lo inngaizawng reng a maw Sofia-i hi chu ka ta chauh a ni tur a ni ka nihna dik tak ka sawi tur a ni lo. Min chhang let tih ka hriat chuan ka fawp uar zual sauh a, Dindina emaw min tih vang mai a ni. Sofia-i ka hmuh leh takah chuan Thelma-i leh Dindina chu inkawp mai mai se pawi tihna ka nei tawh lo a lo hmelṭha zual em em mai bawk si a, kawngkhâr kik ri chuan min ti phu Sofia-i chu ka thlah vat a, ka hawn chuan pa Rama leh Sofia-i nu chu an lo ding reng a, "Bawihi haw tawh ang le Dindina pawh a lo thleng tawh a hlim takin awm rawh" Sofia-i nu chuan a ti a, an in hriat ngei ka duh avang chuan ka zui ve ang che u Sofia-i bulah vawiin chu awm ka duh a ni ka ti a, pa Rama chu a lo nui suk a, Sofia-i chu ka chelh akan inzui chhuak ta a.


Dindina inluah aṭanga hla vakloah chuan in tereuhte dawr tih hriat tak hi kan thleng a, Sofia-i te in maw a chhung kan lut a, Sofia-i bulah chuan ka ṭhu chawt a, "Thingpui kan lum ang aw" Sofia-i nu chuan a ti a, Dindina emaw min ti zo vek a nih hi nui sang chungin ka duh thu ka sawi a, Sofia-i chu ka en ngawih ngawih a, Didika kha ka ni a sin ka fa i pai pawh khan ka lawm lutuk ka hmangaih tak tak che a, Thelma-i vang vek a ni ka ti rilru nuah nuah a, "Ngatinge min en reng a, Dindin i zia a dang e" nui sang chung chuan Sofia-i chuan min bia a, engtin nge ka unaupa hian Sofia-i hi a kawm ṭhin le ka phone-a rik avangin pawnah ka chhuak a, Dindina maw eng nge ka sawi tak ang "Hello, Didik eng nge i chanchin pa Rama rawn biak ka tum a, phone-a la thei silo a" ka chil ka lem khalh unaupa Sofia-i chuan min lo ngaidam tak tak theilo a, a rilru a na thar lehin ka hria mahse min ngaidam turin engpawh ka ti ang khawngaihin hun min pe rawh ka cham rih mai ang pa Rama pawhin min lo duat lutuk be tawh lo la a ning palh ang ka ṭha a nia min ngaihtuah suh ka ti bah nawk nawk a, "Didik Sofia-i natna kha a thar tur a ni tawh lo nang hi rawn haw rawh keimah ka kal ang ka rin lawk ang ngei a ni" nilo unaupa ka ti thei min ring rawh tlemin tunah chuan a zia tawh ka sawi che a, min ring ṭan dawnin ka hria ka ti leh a, "Tun chiah hi ka ring ang che" phone a dah a, ka phone nghet taka hum chung chuan Sofia-i hi i ta a ni lul lo ang ka ti sap a.


Nitin Sofia-i kâwm tur chuan ka kal ṭhin a, Dindina nen an inpawh zia leh eng chiah nge a lo hrilh ṭhin te chu ka hre thûk zel a, Rinzuali bialpa hmelchhe zet khan nitin a pawngsual ṭhin thu a zêp tih ka hre thei Sofia-i awmna Sawmi leh a unaunu Rinzuali pawh kha mi tenawm tak an ni Thelma-in hmeichhe pahnih ka mutpui theih chuan min neih a tiam a, khami avanga Rinzuali hmeichhe awmherh lutuk ka kawp kha a ni si a, ka dikloh a ni vek bik lo Sofia-i hian ka fa chu a pa ngei mai tuna Sofia-in Rinzuali fa a sawi hi ka fa a ni lo a bialpa fa kha a ni chiang ka fa anga an lo sawi chu ka thinrim hnuhnawh zawk ka tum loh angin hei leh chen thil a kal tawh a, tun ṭum chu Sofia-i hi ka nei ngei tawh ang Didika ang niloin Dindina ang zawkin le ka nui suk a.



Sofia-i te in a ka leng haw lam chu in a tlang mai lo chuan Sofia-i te khua chu khaw lian lo thengthawng nuam tak a nih vangin ka tei hawi mai mai a, Dindina ka unaupa ngei ka bum a dik mahse ka Sofia-i ka neih let leh nan chuan engkim ka ti ang Thelma-i atirah chuan neih let ka tum ngai mahse ka unaupa leh Sofia-i a theihloh reng reng. An khaw damdawiin bulah chuan ka hawi vang vang a, "Rama, i fa ngei a nih avangin psychiatrist-pawh ka hmuh sak che a ni lawmni i unaupa boral hnuah a ro zawng zawng i neih sak chu pawh Sofia-i i fa a nih avangin Zamtei remtihna thlapin pawisa chu min pe mai rawh" ka piah lawk a Doctor-a ni ngei ang pa Rama nen an inbe lai chu ka hre chiang ngang mai.


Ka bula car-phenah chuan rang lutukin ka biru a, ka ngaihthlak chhunzawm a, pa Rama chuan "Ka unaupa thih naah keimah chauhin mawh ka phur lo a chiu hlum tu chu i nih kha kei chiah ka tang dawn lo pawisa chu a tirah ka pek vek tawh che kha i va duham ve i sawi chhuah rualin nangpawh i tâng ve nghal ang Zâmtei hi ka nupui tur dik tak a ni bawk" a ti a, a kal daih a. Doctor-pa chuan vin zet hian "I la châk lo ang" a ti a, damdawiinah chuan a luh san ve bawk a. Ka thuhriat chuan min ṭhawng lutuk anitheilo Sofia-thuruk dang maw Dindin ka phone-ka phawrh a, Dindina chu ka call-nghal a, a ring-lai chuan ka meng kawk a, nilo ka hrilh tur a nilo Sofia-i ka chân mai ang pa Rama hi engtinmaw vau beh angai dawn a nih hi ka hmet tâwp a, rum taka meng chungin pa Rama in lam chu ka pan ta a.