A damdawi min pek thin kha a chak em avang in keimah ah effect a ngah hle a , doctor in min vil nitin thin, ka Chung a thil sual ti tu te kha engtin nge an awm ve zel ang? Tun ah hian an nun nuam tak in an hmang angem? Hremna pawh ka pek ve hma hauh a hetia ka Chung a thil a ti hi ka lungawi thei lo Ani.
Ka dawldang em em a , darthlalang a ka in hmuh Chang phei chuan keimah ka ni tih awih ahar hial tawh, ka harh chhuah Chang hian Hades hi ka bul ah a lo awm thin a , min duat thei em em bawk.
Sophia kha a rawn in sawn lut leh a ,naupang doctor emaw ka ti a , mahse psychiatrist a lo ni a Hades doctor bik a ni bawk, Sophia leh doctor pakhat hian min enkawl deuh chawt a, mahni in engmah ka ti thei tawh lo bawk
"A hun a thleng tep aw, lo nghak hram hram rawh" tiin Sophia chuan min hrilh a , a awmzia ka hre lo hle a , ka zawh chian lah in min hrilh duh bawk si lo.
Ni khat chu , ni dang ang lo tak in ka harh fim hle a , ka zâng huai in ka hre bawk , Sophia leh Dr pakhat leh Hades chu kan pindan ah chuan an awm a , engemaw hi an sawi sep sep bawk, an thu sawi phei chu Chiangtak in ka hre thei lo ,Hades chu ka bul ah a rawn kal a , ka hmai a chul heuh heuh bawk "a hun a thleng e" tih sup pah chuan ka chal ah a rawn fawp a , min pawm tho nghal vat bawk , a mitmeng chu a nguai ruih reng a. min that tawh dawn anih ka ring.
Sophia leh doctor pakhat khan kan hnung lam ah min rawn zui ve bawk a, room pakhat ah min luhpui in khum ah min muttir nghal thuai bawk , "ka lo nghak ang che" tih pah chuan ka hmui ah a fawp vang vang a , ka hmai ah a chul leh nghal heuh heuh a "va chhuak rawh a rei lo ang" Sophia chuan a ti a , enge ka Chung ah hian tih an tum leh tak? Ka che sawn thei bawk silo.
Hades chuan min en leh vang vang a , a kalsawn nghal vut bawk , min kalsan chu ka duh lo , kal lo se ka duh, mahse tih theih ka nei lo.
ka kut hruk mawlh mawlh pah chuan Sophia chuan min be mawlh mawlh a "I lo harh chhuah leh hun ah Hades hi i hmangaihna zawng zawng kha pe vek rawh aw , nangmah vang hian mipa tha tak nih tum in a bei ve mek ania" a ti a , a bul a doctor pakhat lo awm ve chuan "ka peih fel tawh e , hethil hi tih in duh tak tak maw?" Ti in Sophia chu a zawt a , "Mari hian a hunkal tawh ah hriatreng duh aneih ka ring lo , nun thar siamsak ila engkim theihnghilh vek se , Hades nen nun bul tan rawh se" tiin Sophia chuan a chhang a , "a rei dawn lo , a na dawn lo bawk" tih pah chuan doctor chuan min chiu a , engmah ka hre zawm ta lo...
........................................
"Engtik nge dada a lo haw dawn" ti in ka fanu Kum 5 mi chuan min zawt a , "vawiin ah a lo hawng ang nanny joe nen in bual fai Ula" a hmai a piai sak pah chuan ka ti a , a tho ve nghal thuai bawk.
Ni tla tur chu ka en a , ka pasal pawh ka ngai ve ta hle mai, kar khat chhung teh meuh California ah min zin san a, a tello a hun hman vel chu harsa ka ti Ani.
Zan lam ah a rawn thlen hman ngei ka beisei, kawtzawl a farm kan siam chu ka thlir doh doh a , serthlum kung te chu an mawi takzet ani, ka phone ken lai chu a rawn ri ral ral a , ka en chuan ka pasal duh tak alo ni "hello honey" ka tih chuan a lo nui ri suk a , "ka lo thleng tep" a lo ti var a , ka nui nghal sen sen bawk , "bella nen kan lo nghak che dada" ka tih fiam chuan a lo nui hak hak a , phone kan dah hnu chuan in hnuai lam chu ka pan nghal vat bawk.
Maid pahnih chu choka lam ah an lo che mawlh mawlh a , pawn ah chuan chhuak in thuthleng in hung ah chuan ka thu a , ka lo hmuak dawn Ani , hetia pawn a ka lo hmuah Chang hian a lawm ve hle thin bawk , kei hi Mari Vanguard ka ni a , ka pasal hi Hades Vanguard Ani , accident ka tawh avang in Kum 2 chhung teh meuh coma in ka awm a , ka hriatna thenkhat ka hlauh thu doctor in min hrilh bawk , bella lo pian lai pawh engmah hriat ka nei tawh lo.
Rei lo te hnu ah car pakhat ka lam rawn pan hi ka hmu a , ka ding chhuak ve vat bawk ,ka hma ah tak car chu a ding dat a, car atang a rawn chhuah te chuan a nui sang a , ka pan hnai ve vat bawk , a bul ka thlen chuan min fawp nghal vat a "ka ngai lutuk che" zawi sap hian a ti bawk.
Car chhung a a thil dah Chu a la chhuak nghal mawlh mawlh a , Bella thil tur vek Ani leh ngei ang, in chhung ah chuan in pawm bawr em em hian kan lut a , maid ho in min laksak nghal thuai bawk "khawnge" a mit Len deuh pah chuan a ti a , a fanu a zawng Ani "ka Han ko ange" tih pah a kal mai ka tum chu min lo pawt ding chawt a , a thil lo Hawn ho chu la in , kan pahnih chuan kan chho dun a , bella room kan thlen chuan bathroom lam ah thawm kan hre zawm zat a , a nanny nen an lo in chhaih nui leh nasa khawp mai.
Bathroom lam chu ka pan vat a , ka hnung ah Hades pawn min zui ve bawk , a pa a hmu chu a rak nasa khawp mai , joe hnen ah chuan ka bawlh chhunzawm tur thu ka hrilh a , in hnuai lam ah a chhuk ve nghal thuai bawk.
Ka bawlh zawh hnu chuan towel in ka tuam vat a , an pa fa chuan an in be mawlh mawlh a , a pa malchung ah a thu at bawk, a kawrhak tur ka zawn sak a , ka hak tir dawn chuan a duh leh tlat lo , apa hak tir kher chu a duh leh ta tlat a, kan bella ve hi zawng naktuk vel ah chuan ka khawih loh chu a duh leh tawp nang.
Hades thil rawn Hawn te chu ka Hawn sak liam liam a , soft toys leh thil chi hrang hrang Ani , a room pawh hi a zau hle ania, toys hlir in a khat vek tawh "toys hi lei sak vak vak angai lo, engatan mah a ti lo" a toys rem that pah chuan ka ti a , min ngaihven lem lo , in hnuai lam a chhuk tur Chuan pindan chu kan chhuahsan a , kan hma ah bella chu a kal ve nalh nalh bawk.
"A zirlai te a ti tha em?" Ti a min zawh chuan ka lo bu nghat a , naupang te in school kan luh tir a , Hades hian a khuahkhirh tha hle bawk , a Chang chuan a ti lutuk thin te hian ka hria , naupang te a la ni a , hetia a tlin loh thleng thleng tih tir hi ka duh lo , a nawr nasa mah mah in ka hria.
Zanriah ei tur Chuan dawhkan chu kan kil thap a , Hades hian Chaw ei lai a awmdan tur a hrilh nasa thin bawk a bella chu a rual pui te lak ah chuan polite tak ani , lehkha a thiam em em bawk , hei hi Chu APA nawr luih vang te pawh aniang.
Chaw ei lai Chuan naupang tawng vak vak Hades hian a Khap hmiah a , engmah phei chu ka sawi ngai Chuang lo, ngawi reng chuan Chaw chu a ei niap niap a , ka en reng chu
"Duhtak Chaw kha ei ta che" Hades chuan a lo ti dut a , ka ei chhunzawm ve leh mai bawk.
Chaw te kan ei zawh chuan mu tur in pindan lam kan pan vat a , kan tih dan ziah Ani , Chaw ei kham vel ah hian mu tur in kan chho nghal thin a , Hades erawh a office ah rei fe a in khung thin , bella pindan ah chuan rei lo te ka in fiam pui a , joe lo thlen chhoh chuan ka chhuak nghal vat bawk , a mah a muttir hi Hades duhdan ania mahse ka thla a muang thei tlat thin lo a , a mah awmtu joe nen hian an riak dun mai thin.
Kan pindan lam ah ka phei nghal thuai a , Hades chu a office ah a lut tlang anih ka ring ,tukverh a ka dah vauh vauh lai Chuan bathroom kawngkhar ri rek thawm ka hria a , ka in her ve vat bawk , kawr a ha lo a, kekawrbul ha in a sam a hnawm chap bawk
"Mama chuan min va ngaihsak lo ve" a lo ti sup a , ka lo nui sak thung , a fanu te hi a thik tlat zel.
Light chhi lo chuan batti kan chhi a , boruak chu a romantic khawp mai , ka hnung lam atang chuan min rawn kuah a "i ngaihsakna ka mamawh ve" tih leh sup pah hian ka nghawng chu a hmui lum thar thar chuan a nul dun dun a , ka Mur chhuak leh vek tawh.
Ka pum zawn ah chuan a kut a dah a , ka pum a chul pah bawk "min ngai ve em ,hmmm" tih pah chuan ka Beng kawm te chu a hmui chuan a nul dan dan a , ka nui hak hak bawk
"Khawmaw in tih fai ka ngai" ti a in lak hran mai tum chu a lo phal lo nasa "kan pahnih in" tih pah chuan bathroom lam chu min panpui a, ka trang der ve na chu awmzia a awm lo.
Khum ah chuan in kuah chial in kan mu a , kan in tihfai lai a thil thleng ka ngaihtuah let chuan ka sa pup pup thei .
Batti hnuai a awm hi nuam ka tih zawng tak anih avang hian kan pindan bik ah hi Chuan light pangai on lo in batti tamtak kan chhi mai thin, tun ah pawh hian a romantic khawp mai.
Ka chal ah chuan fawp leh vang vang thin a, ka pasal hian min kham thei hlawl lo anih hi,
A tih dan thin ang in kar tluana ka hun hman dan te chu min zawt leh malh malh a , tha tak in ka chhang ve zel bawk, a zin chhuah Chang hian a tello in engtin chiah nge ka lo khawsak ve thin tih min zawt ngei ngei thin
Chu chu nuam ka ti hle bawk , ka pasal hian min atchilh Zia ka hre thar leh thin , tun ah hi Chuan nun duhthusam ka hmang mek in ka hria. Ka hriat chin tawi viau mahse , accident ka tawh hma pawh khan he tiang hmangaihna tho hi ka dawn thin thu min hrilh a , chu chu ka ringhlel hauh lo bawk , Hades hian min hmangaih lutuk tih bak hriat ka nei lo a , a dang hriat duh ka nei lo bawk.
Ka pum chu a chul riak riak reng a "surrogate kan ti mai dawn mi?" A tih chuan a kut chu ka hum hnan ve salh a , ka bek ah a fawp vang vang bawk , accident ka tawh lai khan naute ka pai a, naute chu an chhanhim thei ta lo a, ka Rai thei tawh lo bawk..fa dang a awt em em tih pawh ka hre thei mahse awt lutuk ang in a awm ngailo thung hrehawm ka tih a ring ve te pawh niang, a khat tawk hian surrogate ka duh mai lo em ni? Tiin min zawt thin a , min nawr lui ngai lo thung.
"Bella hi Lian ve leh deuh phawt se" ka tih chuan a lo thaw hak a "i thu thu a lawm" a ti leh sup a , tun ah hrih hi Chuan naute dang Han neih leh ka zuam hrih lo Ani, dam var ti a sawi theih ka la ni bawk si lo , bella ringawt pawh hi min enkawl pui tu a awm chung hian min ti hah thin ania , ka lak ah phei chuan a pangchang si , hei ai hian Han leikàng leh deuh se , naute dang hi chu ka hmanhmawh vak duh lo.
"Muttui" ka Beng bul a rawh tih sep pah chuan ka hmui ah a fawp zeuh a , min kuah nghet salh salh bawk ,zan lam ah hian mutthilh hi ka harsat deuh hlek thin a , sleeping pills ka ei te angai thin ,mahse Hades hian sleeping pills ka ei hi a phal vak thin lo a, ka men leh hrep hnu ah ka muhil ve thei chauh zel.
Ngaihtuahna a vak thui duh khawp mai a , Hades khan park a ka awm laiin car in min sut thu a sawi a , Kum hnih chhung teh meuh coma in ka awm bawk, Chiang fak hian engmah ka hre thei tawh lo , ka hun kal tawh te ka hre lo a, tunge ka nih a , tunge ka nu leh pa te leh ka laina hnai te tih tak ngial pawh ka hre lo , ka Han ngaihtuah nasat deuh hi Chuan ka buai vek zel a , ka thaw tha thei lo hial thin chu chu Hades hian a duh lo hle bawk , engmah ngaihtuah vak vak lo tur in min hrilh fo bawk.
Zing ka harh chuan Hades chu a awm tawh lo a, khum te ka siam zawh hnu chuan in hnuai lam ah ka chhuk ve nghal thuai a, Hades te pa fa hmel hmuh tur a awm lo, in hnung lam chu ka pan vat a , pool sir ah an pa fa chuan yoga an lo ti dun a , ka kal ve nghal vat bawk.
An che tla lai chu ka thlir reng a , bella chuan min hmu nghal vat bawk, "mama lo ti ve rawh" min Hui pah chuan a lo ti a , a thlan chap tawh bawk, a pa hian a fanu hi a train tha teh mai ania. Hades chu ka lam a rawn hawi ve nghal thuai a , "good morning" a lo ti sup bawk, "bawihte lo phei la, Chaw ei a hun tep, school i tlai ang" ka ti a , a lo phei ve nghal vat bawk.
Ka bul a rawn thlen chuan pawm a ngen leh ringawt tawh, ka bul ah hi Chuan a in la baby ve thei lutuk a , in chhung ah chuan ka pawm lut a , Hades pawh a rawn lut ve nghal zat bawk, breakfast chu maid ho chuan min siam sak nghal zung zung a .
Túkthuan kan kil lai Chuan bella chuan "mama vawiin ah school ah min kalpui la" a ti nang nang a , Hades ka en vat bawk "keiman ka kalpui dawn che lawm" Hades chuan a lo ti vat a , "ka thiante pawh an nu ten an kalpui thin" lu thing mat mat Chung hian a ti a , a pa a ti thinrim ang tih ka hlau hle bawk
"Baby mama hi ka buai lutuk a , dada in a hruai thei tho che lawm" Hades tawng a tum mek lai Chuan ka lo tih khalh a , engmah a sawi zui lo, "mahse vawiin chauh chu" a ti leh Chuan Hades chuan "bella briana" a ti Chang fak a, bella pawh a ngawi hmak bawk, a chaw chu eizawm tawh lo chuan a Thai let vel mai mai a , a thleng chu a bih ngar bawk , tun ah sawn tah a chak lutuk tih ka hria ka khawngaih hle bawk , tun ang dinhmun ah hian tawngkam khat lek ka chhak chhuak a nih chuan bella hi a tap dawn tih ka hre Chiang hle a , chu chu Hades hian a duh Miah lo bawk, ngawih reng hi ka tan chuan a tha ber.
"I Chaw kha ei rawh" Hades chuan a ti leh sup a, bella chuan hnuai lam a la bih ngar bawk, Hades chu a thaw hawk a , ka Chaw ei lai chu tawp in ka tho chhuak nghal thuai a , bella chu ka pawm tho vat bawk "insiam a hun" tih pah chuan inchung lam ka pan pui nghal nal nal a ,a in sut nghal hlawp hlawp bawk, a pa thinthawk nat Zia hi ka fanu hian a hrechiang ve tawh mahse an in chhun fu bawk a , insiam rem an tum ngai lo , Hades pawh hi a fanu tan hian a tawhkhirh thei lutuk a, a buaithlak anih hi.
"Dada thu hnial tawh lo tur" siam mawlh mawlh pah chuan ka ti a, a la in hnit hraih hraih bawk, ka khawngaih ve thin lutuk mahse ka chhan tih a hriat vaih chuan a luhlul tial tial dawn tih ka hre ve kar bawk si.
Ka siam zawh hnu chuan in hnuai lam ah a pa lo nghak tur Chuan ka hrilh a , a chhuk ve nghal thuai bawk, kan pindan chhung ka luh chuan Hades chu a lo in siam mawlh mawlh a , en pawh min en lo , a ti tau ve deuh tih na mawn le? Necktie a awrh tur chu ka pui vat a , ka awrh tir hnu chuan in la hrang nghal vut in , drawer chu a hai nghal mawlh mawlh a , a che tla lai chu ka thlir reng thung.
"In hnuai lam ah ka lo zuk chhuk ange" ka tih chuan "aih, ti khan lo la awm rawh" a ti deuh tlat sia , a che vel thlir chuan ngawi reng chuan ka ding ta reng a ,a in peih hnu chuan chhuah mai ka tum chu min pawt lawp in bang ah min nawr bet nghal run a "a tan a tha ber, lungawi loh nan hman pui Suh" a ti sup a "ka lungawi lo pawh Ani lo, an school te pawh ka hmuh pui ve chak a" ka ti a , a thaw ham ham bawk , ka hmui chu rawn khar in duh thawh zet chuan min fawp a.
"Rem Chang a awm mai ang" tih leh sup pah in inhnuai lam chu min panpui a, in hnuai kan thlen thlak chuan bella pawh a lo in peih tawh khawp mai , naupang te a la ni a , a lungawi loh na te pawh a theihnghilh leh hmak tawh.
An chhuah thleng chu ka thlir reng a , Hades hian khawpui a ka kal hi min phalsak ngai Miah lo a , ka Han Dil luih ve Chang pawh hian min hnial trang trang zel.
In Chung lam a thutkhawmna chu ka ti fai mawlh mawlh a , ka hma a thlalak Lian pui in tar chu ka en reng bawk, Hades nu Ani Maria Vanguard, kan pahnih in park ah kan awm a , car rawn tlan liam thut khan min su ve ve a , ka nu erawh a dam zo ta lo Ani , tun thleng hian a thlalak ka hmuh Chang hian keimah ah hian mak tak in inthiamlohna chawp leh chilh in a awm nghal thin, car driver chu damdawi ruih a neih vang a park a tlan liam anih thu leh tun ah hremna a tawrh mek thu Hades chuan min hrilh bawk.
Cont.....
Like leh comment kha aw 🥰
