THE HEIRESS Chapter - 3

[Bethseby Nu Pachuau]

The Heiress




Chapter 3




By Bethseby Nu





"Keimah ka nih kha"






"Nang maw?Eng vanga he thil hi ti nge i nih Mr Eagan Dragon"





"Ka pawisa 10 million lai mai min hloh tir avang khan mawle... Hei tunah pawh nangmah vangin ka sport car thar ka chan leh der tawh, hremna chu i hmu ngei ang"





"Eng vang chuan nge min hrem ngawt anga?" In bet nan min hmang te te a,tunah kei min puh leh daih amaw?Tenawm hian!





"Phun nawi lo khan huanah va kal la ka Zawhte va ti fai rawh"





Lungawi lo zet in huan lam pan chuan ka kal hnu hnu a."Zawhte khawnge I awm?"





Thawk leh khatah ui var hmul buk leh lian zet hian min rawn zuan thut a!Min la liak hlep hlep zui!"I pu khan Zawhte a ti che sia Ui I ni leh daih bawk sia!Ui hming han phuah that sak ve mai awm che,awm herh thlak lutuk!"





Ui ka bual zawh hnu chuan ka hruk hul hma in min la inthin per khum vak zui lehnghal a!!Khang ramhuai pathum te mai nilo in tunah chuan an ran vulh lai leh zel te pawn min hmuhsit tawh anih hi!





Ui ka bual zawh hnu chuan a tlai deuh tawh avangin inlamah chuan ka let phei leh nghal thuai a.Vawiin ka bazar kha mi sual ho vangin chawhmeh ka lei theihnghilh ta daih sia,enge zanriah atan ka siam tak ang!An fridge ah chawhmeh enge maw tal siam tur a awm takin tia kan hawn lah chuan alo la ruak huai zui!An hausak teh lul nen engtin nge fridge ruak thak in an dah theih?Game eng emaw tak khelh leh an tum amawni?Hetia kei nen a in fiam an duh tak tak anih chuan atha lawm!Tunge ding chang zawk kan la hria ang chu!





Beidawn tawp ah chhuarah chuan chhang phut ka va hmu ta hlauh a!He chhang phut hmang hian enge ka siam tak ang!





"Hey,ugly Girl...Kan ril atam tawh ania"





"Hmanhmawh ve ta che,riltam a min thih tir I tum em ni?"





An va beng chheng hlawm tak!Vawikhat chaw nghei avang khan inthih phah lul lo ang!





"Master te u,in zanriah chu peih ani tawh e"





"Thu la,kan rual in ei ve rawh"





"Um...Master Nick ka ril a tam chiah lo a"





"I thu dawn nge..." A hmel chang run ka hmuh rual chuan han thut loh ngamna chi ni tawh hek lo,an bulah chuan in thlahrung zet hian ka va thu ve a.





"Lucy,I noodles siam chu a tui hle mai"





"Ka lawm e Master Eagan"





"Hey ugly girl,eng vangin nge I thlengah khan sa a awm ve loh"





"Master Oliver,kei chu Vegetarian ka nia"





Ka noodles siam tui ti tak a an ei lai chuan Eagan a zawhte ui lian zet chu lokal in a thlenga sa chu a rawn hap ta bawrh bawrh mai a.





"Eagan I ui chu a va riltam hmel ve,chaw I pe ngai lo em ni" Oliver chuan za zet hian a lo nuih tlawr tlawr a.





"Ran te pawh hian mahni chaw chu anhre ve ania... Nangni ang lo takin"





"Enge i sawi awmzia ui chaw min pe tihna mi" Oliver chu a nui tawp chiang kher mai!





"Ih... ka mut a hun tawh in ka hria muttui u"





"Hey ramhuai nu, engtin nge ui chaw min pek ngam zawk a, I chak lo viau ang" An vai chuan uak nghal tuar tuar in bathroom lamah chuan an tlan phei nghal duak a!





Mut hmunah chuan vawiin tlaia ka thil tih fin thlak zet kha ngaihtuah mahni chuan ka nui tut tut a!





"Lucy,min nei duh angem?"Ka hma a thingthi mek mipa hmeltha leh chhe lo zet chu va kuah in " Aw duh teh reng mai" Hlim zet chuan ka nui sen sen a.





"Hey Mawli,harh teh!" Tu emaw ka dar a min sawi nawk nawk tu chu fiah lo ruai hian ka melh a.Eng vanga kan mi tenawm Nick O"Connel ang viau nge maw a nih le?A ni thei lo, hei te chu ka mumang mai anih hi! Mahse eng vang a atak ang viau nge maw anih le?Ka hma a mipa hmeltha zet chu a awm ruak kang ah chuan ka sik zeuh a.





"Mi mawl nu, eng thil nge maw I tih phiang sen le?"





"My God, ka mumang a ni hauh lo mai" Rang zet hian ka in perh tho nghal vat a!





"Mi hurherh pa,tun ang zan rei tawh ah ka room ah hian enge I rawn tih?" Thinrim zet chuan ka ti vin nghal that a.





"Nang hmeichhia,fiah tak khan meng la tu room ah nge i mut hi han in en chiang zawk teh" Light a on rual chuan ka au nghal that a.. Ka room ah khan ka mu ve ngei chuan ka hre sia, engtin nge hepa room ah hian ka lo awm daih theih! A mak hle mai!





"Oh...Master Nick...Engtin nge tiang thil hi a thlen theih ka hre bik lo,ka tih palh tak zet!A thleng nawn leh tawh lo ang" Zah zelah kan nuih tlawn vel ringawt a! Ka zak lutuk hi khuk ral theih chu nise ka khu ral daih tawh ang! Mahni hnar a hmuh len theih ngei mai!





"He ka room ah,ka khum ngei min rawn tawm pui hnu in hetia ka kal tir leh mai che hi i ring em ni?" Ka kal mai tur chu ka banah chuan a lo vuan bet nghal vat a.





"Anih chuan ka lak atang hian enge i la beisei? "





"Nichin a kan thil tih zawh loh mawlh mai kha le"





"Eng thil nge kan tih zawh loh? Hey nang mi tenawm pa, I night robe kha phelh hlek suh" A kawr phelh a tum lai chuan ka mit chu ka lo hup nghal vat a!





"C'mon Baby, nuam I ti viau ang" Min rawh fawh tum a alo kun hniam lai chuan a awm ah ka lo nem ve tang tang a!





"Nang mi hurherh tenawm pa,tawp nghal vat rawh"





Chutia kan buai vel lai chuan tu emaw hian kawngkhar lo kik in Eagan chu a lo lut zui nghal a.





"Tun ang zan laiah nangni pahnih khan eng thil nge intih dun a"





"Master Eagan





"Kei min duh khawp lo in Eagan leh zel I beisei tihna em ni?"





"Hrem hmunah kal rawh!Master Eagan,min tanpui hram teh!"





"Nick eng thil atthlak nge maw I tih le? Chhiah hlawh nula mai anih kha! Mupui in a bu chhungah sa a pel ngai lo tih te chu I hre reng ani lawm ni? " Nuih zat hmel zet hian a rawn ti sup a.





"Nia,a hmelchhe ropui si" a tawngkam a min deu sawh na tel chu ka haw kher mai!





"Hmelchhia a?Chu hmeichhe hmelchhe tak pawh I chak na hrik thlak nan chuan i mutpui hreh lo tihna a niang maw? Asshole" Deu sawh leh ngaihnep hmel zet chuan ka tih khum ve ngat a.





"Eng thil nge he lai ah hian thleng a? Tinge tun ang zanlai ah Nick room ah hian in awm thap a? " Oliver chuan phak zet hian a rawn ti lut su su a.





"Ih... Ka tho a palh a mawle!Master Nick, min ngaidam hram dawn ania...Eng pawh chu nise ka room lamah ka va kir leh tawh ange"





"Keipawh nichin thil thleng kha ka thawh at vang a thlengah I ngai mai dawn nia!Nidangah chuan ngaihdam ngaiin thil tisual tawh suh ang che! Anih loh chuan hremna chu eng pawh nise I pumpelh hauh tawh lo ang" A thil sawi ei lo ru zet chuan kan bu nghauh a!





"I hurherh vang bak va ni suh" Ti ru sap in room atang chuan ka chhuak nghal nal nal a.





---------------------------------





"Lucy, vawiin atang kan rual in Royal College ah I kal ve tan ang" Eagan chuan aw zangkhai zet hian a lo ti var a.





"Va in thlak vat rawh"





"Keimah maw"





"Mi mawl nu,he lai hmunah hian nangmah lo tu Lucy nge awm?" Oliver chuan a lo tih zawm zat a.





"Saw chhiahhlawh kawr nen a college a kal duh anih te chuan kal tir ula ani mai alawm...Tunge pawi ti?" Nick chuan a lo ti bul hmuk a.





"Awle,ka va inthlak nghal ang e"Kan mi tenawm pa thinchhiat zia hi chu aw...





Kan ramhuai pathum te ruala school kal chu min en duh hlawm kher mai!Hmeichhe thenkhat ho lah chu dang thler dawn dawn hian an au chel chul bawk a.Eng pawh chu nise,tunah chuan college ka kal ve leh thei ta a...Engkim hi a that chhoh zel ka beisei!





"Awle naupang te u,vawiin ah hian zirlai thar Lucy kan nei a...A ni hi kan lal fapate pathum maid ni lai mek ani bawk a ni"




"Engtin nge saw tiang hmeichhe hmelchhia leh class hniam lutuk saw lal fapa te maid a nih theih!A nuihzatthlak zawk alawm le!"Thu ngai leh bawk maw! Eng vanga min hmu apiang te hian chu thu ngawt chu sawi ziah thin nge maw annih le?





" Hetiang mi hausa leh thiltithei fate school a mi pangai lokal ve ngawt hi keini leh kan school tan hian hming chhiatna nasa tak ani!"





"Dik chiah,a hmelchhe ropui si...Bla bla..." An thusawi chu ngai pawimawh duh lo in ka nui lui sang a.





"A tha e...A hnung ber tlar ah sawn I va thu dawn nia"





"Ka lawm e zirtirtu"





"Lucy,hetah ka bulah hian lo thu rawh"





Eagan bul a thut na awl a thut ka tum lai chuan chair chu rawn tlawh sawn thut in chhuat ah chuan mawng sawh dawt hian ka tlu thum nghal dut a.





Class a mi te ho chuan deu sawh leh hmuhsit hmel zet a min rawn en chung hian min nuih rawn nghal huah huah a!Min hmuhsit mai pawh duhtawk lo in tunah chuan min ti duhdah tan nghal der chu ania...





"Enge thleng ta?Class ah hian bengchhen loh tur ka ti lovem ni? "





"Madam, lut thar nu hi a
nia"





"Nangnu kha han ding teh...Engtia ka class a bengchheng siam ngam nge I nih! Nangni ang mi pangai lutuk hi chu he college a kal phak inni ve lo reng a ni! Hnawm hnawk bak inni lo! Bengchheng I siam avangin ka class lak chhung zawng tikhan I ding reng tur a ni"





"I ke a kham tawh em?" Kha be dawm meuh a min lo thlir tu Nick lam chu ka hawi phei thuai a. Min hrem chu nuam a lo tih hmel kher mai!





"I lo buai ve na tur a awm lo"





"I ke a kham te anih chuan he ka mal chungah hian I lo thu thei reng ania"





"I mumang ah pawh a thleng ngai lo ang" Rum zet hian ka melh zui nghal tawk a.





"Nang hi kan lal fapa te maid thar chu I ni tak tak em? "





Kan misual ho atchilh tu hmeichhe nikhua lo dangte leh bawk maw...





"Aw ni e, enge ka tih sak thei ang che u"





"I hna hi bansan rawh,chu zawng chu a ni mai"





"Awle ka bansan ang,thla tin 80,000 min pek theih dawn phawt chuan...Bakah he hna hi nuam ka ti em em hran chuang lo a! "





"Nang mi zak thei lo nu" Ka kawr awm ah chuan min rawn tham zui nghal a."Eng thil nge..." Ka sawi zawh hma in thawklehkhat ah chu nu chu chhuat ah chuan a tlu der zui nghal zat bawk a.





"Eng thil nge thleng ta?"





"Zirtirtu he nu hian ka kawr awmah tham in min nam thlu zui bawk ania"





"Zirtirtu dawt anih kha a sawi... Hetiang thil.. "





"Lut thar te te si buaina siam reng mai! Lunch break pawh I nei lo ang toilet va ti fai nghal rawh" Ka sawi zawh hma chuan a ti ram nghal hmak a.





"Kan pawi I sawi anih chuan hremna I hmu ziah ang! Nang aia chung zawk te zah dan I lo zir tawh dawn ania" Min nuih sawh hrep hnu chuan min kalsan ve thei ta hram a.





Huiha, engtin nge hetiang chuan kum 2 chhung lai mai chu ka tawrh chhuah theih tak ang? Hawi na lam apiang ah deu sawh leh hmuhsit na tawngkam bak ka dawng silo!Mahni chauh chuan toilet chu ka tifai melh melh a.





"Nang nu hi lut thar nu kha I niang maw? "





"Aw ni e, enge ni ta?" Mipa pahnih ler hmel zet te awm dan chu ka hlauh ruk deuh avang chuan ka lo tawlh sawn nghal dawrh a.





Min rawn din hnaih zel pah hian "Kan lalfapa rangkachak a te meuhin housekeeper atan an la che ania,thiam thil tha deuh te hi I nei ani lo maw? Engtin nge nang ang mi satliah mai hian khang hmeichhe hmeltha leh chhe lo tak tak te ai khan an mit I lak theih zawk? Anmahni I tih lawm thin dan ang khan keini pawh hi min ti lawm ve ta che! Anni ang em em kha chu ni ve lo mahila kan hausa pangai ve viau tho ania,I duh apiang a ni mai!Bakah tiang thil hi chu thil tih hrehawm zawk zawk a ni lo bawk a nuam I ti viau ang" Mipa pakhat zawk chuan bangah min nem bet in pakhat dang leh chuan ka kawr hak chu phelh a lo tum nghal bawk a!





"Khawngaih in thiante u, hetiang thil tenawm hi ka chungah ti lul suh u" Chhun chawlh lai ani sia, tumah he lam ah an lokal awm si lo a...Engtin nge ka tih tak ang! Lalpa, tu emaw tal min tanpui turin lo tir hram teh!





"Kal tir rawh u"





"Tunge, tunge min rawn tibuai ve ngam a"





"Ka sawi nawn leh tawh lo ang, kal tir rawh u"





Chung mipa pahnih ten Nick an hmuh rual chuan hlauthawng zet hian thingthi chung in ngaihdam an dil nghal vat a.





"Engtin nge ka housekeeper chungah tiang thil hi intih ngam zawk?" Min rawn en zawng chuan min ngaihtuah ve hmel deuh in ka hria!





"Young master Nick kan tih palh a ni, a thleng nawn leh tawh lo ang"





"Thlawk bo nghal rawh u"





Harsatna ka tawh apiang hian ka tan vantirhkoh ang mai in min tanpui turin a lo hnai fo thin a, a chang leh sakawlh ang maiin ka lakah ache leh thin tho bawk sia...Huiha hepa mizia zet hi zawng hriatthiam a har a ni e!Eng pawh chu nise, min tanpui avang hrim hrim pawh hian lawmthu chu ka hrilh angai a ni.





"Young Master Nick, ka lawm e"





"Lawmthu min hrilh hma in" Ka pang si chet a rawn dingin a kutzung chal sei hlarh chuan ka hmui chu a lo khar hnan vat a."Darkar 2 lai chhan awm lo a I bo daih avangin I hlawh atang 1000 bucks cut ani ang"





"Enga? Darkar 2 lai ka bo chhan te chu zirtirtu in toilet tifai tur a min hrem vang hi ania...Hetiang thil hi ka chungah I ti thei lo ang"





"Chungte chu I buaina alawm...Ka housekeeper I nia, engtik lai pawn ka mamawh hunah I awm reng tur a ni"





"Nang mi tenawm pa, ka hlawh chu I cut thei lo ang" A kal liam tur chu hnung lam atang chuan ka au zui lawm lawm a,a hre lo der hmiah thei anih chu!Nichin a min tanpui avanga ka lawm tehlul nen tunah lem amah bawkin min ti thinrim leh chu nia..





---------------------------------





"Lucy, zanin chu intihlim turin Dream pub lamah kan kal dawn a zanriah siam I ngai lo ang, pawn lamah kan ei chhuak nghal dawn a"





"Awle Master Eagan... Pute u, hun nuam tak inva hmang dawn ania"





An chhuah rual chuan hlim zet hian ka khek nghal chul a.Ka zalen ta! Zankhat lek pawh anni ho tan a zanriah buatsaih leh buaipui ngai lo a awm chu a la zia tho e!Hmmm zanin chu I mu hahdam deng deng teng!





"Aw hello, Royal Garden a ni e... Enga?Aw ka lokal nghal"





"Virginia enge thleng ta? Eng vanga helai hmun ber kher a hman hmawh tak a min ko nge I nih?Buaina I tawk em ni? "





"Sawi fiahna hman a awm lo,nakin ah ka hrilh dawn che ania!Eng pawh chu nise,he thuamhnaw hi inbel vat la inchhung lamah I va lut phawt teh ang"





"Virginia eng vanga he thuam hnaw leh mask hi vuah nge kan nih?" Dream pub chhung bengchheng leh ninawm zet kan luh rual chuan ka ti nghal thawr a.





" Zanin atan he lai hmun ah hian theme party annei dawn a,thian kalpui tur ka nei silo a ka lo sawm che! Thudik ka hrilh che chuan I lokal duh awm silo a tiang khan dawt ka hrilh ta che anih kha...Thinrim suh aw!" In thiam lo hmel zet hian min nuih tlawn var var a.Virginia tak hi chu...Thil pawimawh tak a awm atih avang khan hmanhmawh bak lengin ka lo tlan phei ve kha ania!





"Enga? Virginia I a ta em ni?Ka buai tehlul nen!Ka haw leh nghal dawn...In lamah hna ka ngah lutuk hetiang buaipui hman pawh hi ka ni ve lo"





"Ka unaunu duhtak Lucy, in bengdai hram teh! He lai hmunah hian bialpa hmeltha leh hausa deuh te pawh I tawng mai thei asin!Tunge hria?Bakah tlangval hausa deuh I tawng anih ngat chuan i pa nen a in pawisa in chawi teri pawh kha I ti hlawhtling thei anga"





"Virginia engtin nge tiang thil tenawn chu ka lak ah I sawi theih zawk?Chutiang mi ka ni lo tih chu I hriat chian kha! Eng pawh chu nise ka kal phawt ang..."Chutia ka tawng mawlh mawlh lai chuan ka lu ah eng emaw hian min rawn tlak chawrh a.





"Enge ni leh ta...Tu nge min rawn vawm tu kha? " Ka ti vin hluk a.





"Congratulations nula, zanin atana kan nula vannei ber chu I ni e" Mipa pakhat mask vuah hian mike in ring zet hian a rawn puang zui zat a.





"Hmeichhe vannei ber maw ka nih! A nih chuan lawmman lam te hi a awm dawn em?" Hlim zet hian ka lo ti nghal zat a. Pawisa ni hram se, Pawisa tam tham zet han dawng nawlh mai ila aw...





"Lawmman dawn chi lam chu a ni hauh lo na a mahse surprise tha deuh mai kan nei thung a ni"





"Yes, a nuam dawn e" Phur zet hian ka lo ti hliai a.





"Chu special surprise chu....Kan lalfapa pathum hmeltha leh chhelo tak tak te hi I duh apiang I tih tir thei dawn ani, I duh duh eng pawh ani mai" Mipui lam chu an lo au nghal chel chul a.





My God! Kan mi tenawm pathum te leh bawk kha lo niin!Min hriat chhuah hma ngeiin a rang thei ang ber a he lai hmun hi ka chhuahsan vat angai dawn anih hi!






"C"mon Lucy,eng vanga milim ang mai a ding ngawi reng nge maw I nih le? He hun hi I tan a mipa hmeltha leh hausa hmel hriat na chance tha lutuk anih hi" Let mai ka tum rilruk lai tak chuan Lucy chu lokal in kan misual ho bulah chuan min la nawr phei zui lehnghal a...





"My God, ka thi dawn chiang lutuk, engtin nge ka tih tak ang? " Kan mi tenawm Nick lah chuan mit ti zim sun hian min lo la melh kur zui!