THE HEIRESS Chapter - 4

[Bethseby Nu Pachuau]

THE HEIRESS




Chapter - 4




By Bethseby Nu





"Nula,I din hmun anga din ve theih hi hmeichhe tam tak te duhthusam a ni asin" mahni in chhuan hmel leh chapo tak a an awm lai vel chu vawm thluk tawp ka va han chak tak!





"A lo nih tak chu" ei loh hmel zet hian ka ti ru sap a.





Mipui thawm lah chu a ring tual tual mai sia,stage atang chuan chhuk leh theih ni tawh hek lo"Awle,atha e...Anih chuan in zinga tu emaw ber kha zai ula abak mi pahnih te kha chu in lam tur ani!" Min tiduhdah thin bawk a tun hi ka rulh let ve theih na chance tha tak ani,a va nuam leh si em!





"Enga!Nang nu phiangsen chu thih I duh em ni?"Oliver chuan a lo ti te thawt a.





"Duh nang aw Master Oliver...Mahse host khan eng pawh ka duh apiang ka tih tir theih tur thu che u kha a sawi tlat in ka hria" Kut kuang kuah than chungin dak vah hian ka lo ti let var a.A va nuam tak!





" Baby,thil hriat sual I nei niin a lang!I duh duh I sawi apiang nilo in kan duh duh kan sawi apiang ti tur zawk alawm I nih!A ni lawm ni,host?" Eagan chuan ver vek hmel zet hian a lo ti nghal vat a.





"A...Ih...Aw ni e,pute u in sawi ang apiang chu ani mai" host chuan hlauh hmel zet hian aw khur dar dar chung chuan a lo ti ve a.





"Enga?Anih chuan he thil atang hian ka in hnuk dawk nghal e...Bakah hmeichhe tam tak he dinhmun a din chak hi an awm tho ani lawm ni kha'h!Chuvang chuan midang thlang zawk mai rawh u..."





Ka sawi zawh rual deuh thaw in hmeichhe rual ho chu stage ah chuan rawn lawn chho in,an rawn bawr nghal luih luih a "Kei hi min thlang rawh u Master...I zak lo,keimah zawk hi lawm an thlan tur Chu...Ni lo keimah zawk" Chutia an buai lai tak chu remchang ah la in ka inthiar fihlim san ta daih a!





Wash room ah chuan lut in ka insiam tha mawlh mawlh a!Nichin a Nick hmel mawlh mai chu ngaihtuah in ka nui chhuak hak a!Hmeichhia a lawm viau e ti lo chuan a duh aia tam in an han bawr tak luih luih si ah chuan a hlauhthawn hmel viau kha mawle!Mipa naupang tap mai tur hmel te pawh a pu a lawm!





"Hey Girl"





Mipa aw ka hriat na lam chu ka hawi phei nghal vat a,Eagan lo ni reng in!Hetah hian enge a rawn tih dawn le?"My God,min hriat chhuah vaih chuan ka thi a ni mai"





"Oh...A lan dan chuan nichin a mipui hma a kan thu awih duh lo a tlan bo nu kha ka bathroom a rawn inbual nula kha lo ni reng in!Kan inhmuh hmasak ber a thil thleng kha I la hre ve reng ang chu maw...A thu hrim in ka hriat chhuah loh che I ring em ni?"





"Umm...Ih...Ka pu,thil hriat sual I nei niin a lang"





"Huh?Min bum theih I in ring a maw?A hmasa berin ka in ah rawn lut in ka bathroom ah ngei I rawn inbual a..Chuan tunah kan Royal Garden ah lokal in kan housekeeper ah I rawn tang zui leh bawk a!Min duh luat avanga heng thleng thleng hi min rawn um zui duh ka ring lo asin!" A kiai suk a.





Wait...Wait...Hepa hian ka ngaihzawn a in ring deuh amaw ni le?Ka mipa duhzawng pawh a ni bik hauh silo a!





"In housekeeper a ka tan chhan te chu pawisa leh chenna ka mamawh vang chauh alawm...Thil hriat sual lian tak I nei niin a lang"





"Really,min bum theih I in ring em ni!Hetia min atchilh viau anih chuan engah nge ka bialnu ah I tan mai loh ang?" Min rawn din hnaih a tum rual chuan ka lo nem sawn nghal vat a.





"Huh,I bialnu ni tur chuan midang sawm la athat zawk ka ring" lungawi lo zet a chhuah mai ka tum lai chuan Oliver chu lo lut thut in,min rawn melh ta run mai!





"Nang nu hi hmani a he pub a min beng tu kha I ni chiang lutuk!" Thinrim zet hian a lo ti nghal zat a.





"Min hai aniang" tih leh tlan chhuah chu ka rual nghal a...Engah nge ka vanduai theih bik em em le?Ka che chhe reng bik mai!"Lalpa min pui hram teh"





"Lo ding teh hmeli,ka man hun che chuan I chak lo viau ang" min rawn um zui leh ta nghal a,engtin nge ka tih tak ang!





Thawkleh khatah tu emaw hian ka hmui ah chuan rawn hup thutin min bik bo pui nghal ta daih a.Hlauthawng zet hian ka tal nghal aih aih a.





"Sshhh...An rawn zawn hmuh che I duh loh chuan beng chheng siam tawh suh"Chu aw pa zet ka hriat rual chuan ka hahdam nghal sawng sawng thei anih chu,zahthlak zawk hian!





"Young Master..."





"Eng pawh I sawi hma in...Nang hi midang te nen a ka intawm pui phal che I ring em ni?" A rawn ti cool ruih a...





"Enga?Enge I sawi awmzia!Ka hre..." Ka sawi zawh hma chuan min rawn fawp zui leh nghal zat a!Eng vanga he misual pa hian in fawh hi nuam ti viau nge maw anih le!




"Hey,nang mi tenawm leh zak thei lo lutuk pa...Min thlah nghal vat rawh" thinrim zet hian ka ti vin that a.





"Huh,kha aia ring khan au leh ta che...Ka thian te man nih I duh chuan...Tunge pawi ti"Chutiang thil a rawn sawi takah chuan lungawi lo teuh chung hian ka ngawi ta hle hle a. Chutah min fawh mai pawh duh tawk lo in ka nghawng velah te chuan a hmui lum ham ham a rawn nul thuak thuak pah chuan min rawn seh ta mai!"Eng thil atthlak nge I tih hi,tawp nghal vat rawh" ka ti zawi sup a.Kan bul mai a Eagan leh Oliver te tawng thawm avang chuan thawm ka chhuah tha ngam bawk silo,thinrim zet chuan ka In seh ru teuh a.





"Eagan,thawm enge maw i hre ve mial lo maw?Kha nu phiang sen pawh kha engtin nge thawkleh khatah a bo daih theih zawk?"





"Eng pawh chu nise inlam ah I kir phawt teh ang"





An kal thawm ka hriat rual chuan ka thaw nghal suai suai a!





"A lan dan chuan i kal thei tawh a nih hmel" nui suk pah hian a kekawr ip zen chung chuan a kal ta daih a.Hepa mi han tham loh thin dan em em hi chu a la hre ve khawp ang!





Hmanhmawh zet in inlamah chuan ka kir leh thuai a...Tumah anlo awm loh avang chuan lawm ru zet in ka room lamah chuan in thlak turin ka phei tlang nghal vat a.





"Hey Lucy,khawnge I kal?" Common room lama ka va let leh chuan kan misual pathum te chu anlo thu ngawi thap a."Engtin...Engtin nge nichin khan ka hmu miah hlawm silo a,a mak hle mai"ka ti rilru nuah nuah a.





"Umm ih...Huan lamah boruak thianghlim dawngin ka tei thawveng mai mai" hlauthawng zet hian Oliver zawh na chu ka chhang bah nuaih a.Eagan lah chuan chimawm zet hian min lo la nuih sang zui!





"Kan lo haw lai a in a I awm loh avangin I hlawh atang 3000 bucks cut a ni ang!"





"Enga,Master Eagan...Nang chu mipa fel leh smart tak I nih kha...Khawngaihin,zah ngai hram teh" Engtin nge tiang a ka hlawh an cut then zel te chuan kum 2 chhung in Million 10 chu ka neih theih tak ang,a ngaihna a awm lo!Eagan lah chuan ka thusawi chu ngai pawimawh lo tih hriat zet hian lehlam min la hawi san hmak zui,hui ha!





"Hey ugly girl,I nghawng chu ngati nge?" Kan ngawih thap lai in Oliver bawk chuan a lo ti chhuak phawng a.





"Ih...Tho si min sehna anih hi" Kan mi tenawm pa hickey(love bite)min siam sak chu rang zet hian ka sam chuan ka hliah khuh nghal vat a,a va zahthlak tak!






"Oh,tho si lian chi aniang maw?" Eagan lah chuan ngeiawm rawng kai lek lek hian a lo la ti ta deuh deuh a.





"Zan in chu ka nuam sam chiah lo a,ka mutsan phawt mai ang che u...In vaiin muttui vek ule" Zak leh lungawi lo ru teuh chung in ka room lam pan chuan ka kal hnak hnak a.





Zan lai ah chuan thil eng emaw hian ka hmai a rawn zar chhen avang chuan ka harh ta hlawl a.Ka bul a mipa hmeltha leh pian thiam zet lo mu ka hmuh rual chuan meng kawk in ka au nghal that a!





"Nang...nang...mi bawlhhlawh,tenawm leh zak thei lo lutuk pa,tun ang zanlai ah ka room ah hian enge I rawn tih" duh thawh zet chuan ka ti vin tuar a.





Ka bul chet a rawn tawlh hnai pah chuan "C'mon Baby,calm down...Enge ni vak se I tih?Nichin Dream pub a kan thil tih zawh loh chhunzawm tur khan mawle" a rawn ti sup a,min rawn hnaih lutuk chu kan infawp lo chauh tawh a ni!





My God,he misual pa hian nichin a mi kha keimah ka ni tih a hria tihna a mawni le?Engtin nge ka tih tak ang...





"Young Master,thil hriat sual i nei niin ka hria...Zanin a I sawi chutiang hmunah chuan ka kal lo hrim hrim!Huan ah boruak thianghlim dawng in ka tei kual vel mai chauh a ni! Midang tu emaw nen min hriat fin palh niin ka hria"





"Oh really,anih chuan...I nghawng a love bite mawi zet kha ka en fiah I rem ti em ang chu tiraw?Eng tho si lian chuan nge lo seh chiah che,ka lo zir chiang ang" min rawn khawih a tum rual chuan ka lo in dang ve nghal vat a.





"Hey Asshole,min rawn khawih i tum leh vaih chuan..."





"Chuan engtin...."





"Ka au vak a ni mai!Chuan ka duh lo chung min khawih luih tumah ka puh bawk ang che"





"Au la...Tunge dang che"





"Awle,atha e...Nang ang mi tenawm nen a inhnial reng hi ka peih lo!Common room lamah ka riak zawk mai ang" tih vak ngaihna hre lo chuan ka ti ta ringawt a.





"Silly Girl" tia nui suk in,in tha zo zet hian a rawn in bengkang zui nghal zat a"Mu hahdam tawh rawh,nidangah kan sawi chhunzawm leh dawn nia" nuihzat hmel zet a min en chung hian a chhuak ta daih a.





Hepa tak hi chu aw...Eng vang a min tibuai reng thin nge maw anih le?





Nizan thil vel ngaihtuah neuh neuh chung in phur lo zet hian college lam pan chuan ka kal ve hnak hnak a.College ka thlen rual chuan min en duh in min hmuh rual chuan an phun zui leh nghal mur mur thin a!Ngaihtha lo zet in class lam pan chuan ka kal lui ta zel a.





"Nang mi zak thei lo nu....Engtin nge kan lal fapa hmeltha leh chhelo Nick a saw nang ang mi naran ve mai hian I beisei ngam zawk"





"Dik chiah I hmelchhe ropui bawk si!I hmel ang kha pu ve ila chuan ka in tihlum daih tawh ang" An nui nghal dar dar a.





"In thil sawi chu enge a awmzia ka hrethiam hauh lo mai"





"Saw thil saw va en la,I hrethiam uar mai ang"





An bawr luih luih na bulettin board lam chu ka va hawi phei thuai a...Ka thil hmuh chuan min ti phu chiang kher mai!Nick leh kei nimin a toilet a kan awm dun lai thlalak vel chu anlo tar khat tuar anih chu!"Tu mi sual thil tih nge?In ngaihdan ang kha ani miah lo ania thian te u"





"Dawt han sawi kual vel kha chu tum buai duh lo mai rawh...Nang ang mi naran ve mai hi chu helai hmun a awm tur hi I ni lo reng ani!A tawp nan I hna hi bang la kan lalfapte pathum saw kalsan in he college hi chhuahsan nghal rawh" Lia tia ankoh amah avanga teacher in toilet min tih fai tir nu chuan pawr zet hian a lo ti a.





"Ni e...Eng tia kan Young Master Nick a te ang mipa hmeltha leh chhelo hi beisei ve ngam ngawt nge a nih!He kan college atang hian bang ngei rawh se" an rawn au rual nghal thup thup a.





"In ngaihdan ang kha ani lo ka tih chu...Thil hriat sual lian tak innei a ni"





"En teh u,thil engkim a chian tawh hnu ah pawh ti sawn dawt sawi a la tum tal anih chu...Zirtirna pe hlak ang u" an sawi zawh rual chuan artui hel hian min rawn vawm nghal sup sup a,a then in hmusit zet hian min lo boo khum vel bawk a.





"Heng kan lalfapa pathum te lak atang hian in thiar fihlim tur che in ka hrilh hmasa lo che em ni?He thil hi I phu tawk chiah a ni...Tikha chuan I zirlai I zir chhuah tawh ngei ka beisei"





"Heng hi I thil tih vek ani tiraw?"




"Anni kha va zawt ta che"





"Eng pawh chu nise,I la hre ve khawp ang"





"He hmelchhe nu mai mai chu'h!Engtin nge ka thiannu Lia hi kha tia I la chhan ngam zawk?Keimah hian zirtirna chu kan pe hlak teh ang che" a bul mai a lung chu chharin ka lam hawi chuan a rawn vawm zui nghal ta mai!





Lung in min rawn fuh hma hret chuan thawkleh khatah tu emaw hian min rawn kuah nghal vat a!Lung chuan a fuh ani tih hriat zet hian a hnung chu a rawn ri thum nghal dawt a.





"Nick" ti sep pah chuan amah chu ka en nghal vat a.





"Young Master Nick,ka tih ani miah lo ania" kan misual nu chu a lo insawi fiah zui nghal zat a.





"Thih I duh em ni?"Thlawk bo nghal rawh" a aw chang leh thinrim hmel an hmuh chuan amah mai nilo chulai a awm ve ho dang te pawh chu ankal darh nghal vek a!Ni e,hepa thinrim hmel hi chu a hlauhawm ve thlawt a ni!





"Master Nick,I hnung chu enge a an?I tha em?" In thiam lo zet hian ka ti chhuak sup a.Ka sawi zawh rual deuh thaw chuan zawi zet hian min rawn kuah nghal nawk a.A ni thei lo hepa hi!





"Hey,Nick O" Connel I thi dawn em ni?He ti ringawt hi chuan I thi thei lo ang!" Hlauthawng zet hian ka lo ti nghal tuau a,keimah avanga a thih vaih chuan...





"Mawli,tunge khatiang hnunga invawm avang ringawt a thi ngai!Naupang a lutuk " Ka lu ah chuan tuaiin nau pang chhe treat hian min treat ni ber in ka hria!He mi chimawm pa tak hi chu aw,min tider leh ta!





"Mahse ni chin khan engtin nge min koh kha"





"Ih...Master Nick" Ka zahzel ah ka lei chu chhuah zeuh in ka then khum vak ta ringawt a.





"Naupang,I master ka ni tih hi hre reng rawh!Khatia min koh leh chuan hremna chu eng pawh nise I pumpelh hauh tawh lo ang" mit min siai zeuh pah hian hma lam pan chuan a kal ta nul nul a.





"Nang mi tenawm" ti ve that in a hnungah chuan ka um zui ve nghal dat dat a.




Break ah chuan College VIP Lounge nuam leh zau zetah chuan inbual in ka inchiah deng deng a."Tukin zing thil thleng kha nuai reh thei lo mahila artui thang rim tal hi a reh a,a zia viau tho e!" Rilru zangkhai leh hahdam zet chuan ka thaw chhuak ham ham a.





"Mahse kha kan mi tenawm pa kha...A hnung kha a na viau angem le?A changin ka lakah a nelawm a chang leh a sual leh em em a!Amah ah hian taksa pakhat intawm in thlarau pahnih an cheng zawk amawni le! Errr"He thil leh bawk chu'h...He thu ringawt hi vawiin ah ringawt pawh vawi engzah nge ka ngaihtuah hman ang le...Ninawm hian!A ni te chu mipa ania khatiang mai mai engmah tham ani lo ang...Mahse hnung thum dawt khawp a han in vawm chu a nat loh zawk zawk chu ka ring bik chiah bawk si lo...Huiha!





"Eng vanga kha kan mi tenawm pa kha ngaihtuah reng nge maw ka nih le?Ka ning lutuk...Lucy I thluak atang khan theh bo vat rawh"





"Tu chu maw I ngaihtuah reng a" ka aw hriat chian zet in a a rawn tih na lam chu ka hawi phei nghal vat a!Min la ti phu chiang em em zui!Thla chu nei ngat ila chuan ka thlawk thui hman viau in ka ring!





"Nang....nang hi eng vanga hmeichhe bathroom ah te rawn lut nge I nih?" Rang zet hian towel chuan ka in khuh nghal thuai a.





Ka thusawi ngai pawimawh lo zet hian"Engtik lai khan nge Vip Lounge hi hmeichhe bathroom a lo nih tak?" Kawngkhar bulah chuan kawi sawi deuh hian a lo ding tlawn zurh a!





"Eng pawh chu nise,eng vanga min um zui reng nge maw I nih le?"





"Baby Girl,zia awm teh!Eng vanga ka awm na tur hmun a lo awm ve hman ziah nge maw i nih zawk le"





"Chutiang zawh na awmze nei lo lutuk ka hre peih lo chhuak nghal vat rawh" kawngkhar lam pan in a hnung ah chuan ka nem nghal dawt dawt a.





"Ouchh...Ka hnung hi a na lutuk!Min dim ve deuh ta che!Vawiin ah nangmah vangin lung a vawm ka tuar ania....Zah ngaihna nei lo lutuk mai" lungawi loh hmel deuh hian a ti hluk a.





"Oh ka tih palh lutuk,a na viau em?"vawiin thil thleng kha hre chhuak zawk hian mahni inthiam lo zet chuan ka ti ta chuk chuk a.





"Na viau e hetah hian min fawp la a dam ani mai" rawn kun hniam in a hmui chu a kawk zeuh a.





Min tih der leh ani tih ka hriat chhuah rual chuan "Nang mi bawlhhlawh pa,I hnung pawh hi a nat ka ring nek lo e...Chhuak nghal vat rawh!Tuk in zing thil thleng te kha I hre tawh lo em ni?Tu te emaw chuan kan awm dun lai hi min en thla mek lo ang tih tunge sawi thei!Chhuak rawh,chhuak nghal vat rawh" pawn lamah chuan ka nam chhuak nghal sawk sawk a.





Kawngkhar kha ka kalh ve thlap in ka hre sia engtin nge a lo luh theih zawk le?Ka kalh theihnghilh te pawh a ni mahna!Tun ai hian ka fimkhur leh zual deuh chu a ngai tawh dawn anih hi!





--------------------------------





"Lucy zan in chu I rawn tel thei ang tiraw?" hmeichhe pakhat min rawn biak na chu hrethiam lo zet hian ka lo en mawl tawp a.





"Eng thil ah chuan maw?I thil sawi awmzia hi ka hrethiam hauh lo"





"Aw Beauty Contest ah khan mawle...I hming I rawn pek luh mai bakah I sign hnan thlap tawh hi"





"Enga....Engtik lai in nge chung thil te chu ka tih a?Thil hriat sual innei aniang?"





"Hetia hming sign hnan thlap tawh hnu te chuan in hnuhdawh leh theih a ni tawh hleinem!Kha tia chhuanlam siam lo khan zanin atan I lo inbuatsaih tha dawn ania...Kha hei la rawh contest list anih hi...Hei en la nang aia hmeltha leh chhelo tu mah an awm bik chuang lo ania..Lucy,lungngai mah ta che,nang te chu I hmelthat bakah I pian te hi a nalh ropui sia pakhatna i ni ngei ang" min nuihzat hmel zet a ti hluai in a kal ta daih a.



Huiz!Tu thil tih nge ni leh ta?Ka hmelchhia antih avanga mi zawng zawng in min nuih sawh theih he thil hi ti an ni chiang lutuk!A tha lawm,tunge mi nuihsawh tur zawk chu lo thlir ila?