STILL WITH YOU (chapter 8)

[Maam J]

So Ra pov

Party na a kan chettlatna vel kan tih fai mawlh mawlh lai chuan "Kookie..." hmeichhe âw tih hriat zet in a koh na lam chu ka thil tih lai dah meuh chuan ka hawi nghal vat a,ka âwm zawn pawh thawk leh khat ah a rawn phu rang thut in arawn sep ut ut hi ani ber mai.

Ka hawi kual ruai a mahse ka hmelhriat ngailoh mipa hmel reng ka hmu lo.
Ka bengchhe ri mai ani ang tiin mahni in hnem chawp in ka thil tih lai chu ka tih zawm leh mial mial a.

Mi changkang leh hausa kal khawmna ani bawk a bawlhlawh han tih fai tur viau a awm lo, choka lam ah awmpui an awm bawk a keiphei chu ka thawmhna hak vang ringawt pawh in Sun Mi unnie in chet a phal hoh lo, tumah pawh an awm tawh meuh lo a, tih fai tur em em a awm tawh loh vang chuan room lam ah ka kawr hak, duh ang tak pawha min chet tir thei lo tu hak reng ai chuan tiin in thlak tum chuan room lam pana step ka pen tum chiah chu
"So Ra "  ka hming a min ko ri ka hriat vang chuan ka ke pen tur chu ka tawp nghal zet a, muang chang in ka hawi let nghal vat a.
Ka hnung lam a ka thil hmuh chu Jeon jungkook leh a thian mipa pathum mai bak ah an bulah chuan hmeichhia ka la hmuh ngai hoh loh leh ka hmelhriat pawh ni hoh lo chu ka hmu tel ve bawk.

Muang chang a min nuih deuh pah chuan ka awmna lam chu an rawn pan a Jeon jungkook erawh a hmel a rum em em thung.

Mipa pathum te in kar a hmeichhe lo kal tel ve chu ka hmel hmuh ngai hoh loh anih vang chuan a ka lo chik  ru deuh hle a,a sam a dar chen vel lek a sei chu a thlah mawl tawp a, a chal sam rual tha zet chuan a mit a khuh teuh mang e.

"A mah a cher ve ang reng sia a thawmhnaw hak zuih deuh ṭat chuan a cherzia a pho lang tha chiang hle bawk,mipa han it tur taksa pian mawi leh khal zet chu anei bik lo in ka hria. Uluk em em a a lu atanga a ke ler thleng ka lo endik lai chuan thawk leh khat ah min rawn din chilh chu a ni zui mai a, mahse a landan chu eng pawh chu nise a hmel erawh a hmeltha lutuk ringawt, a hnar bawng deuh lek lek pawn a hmel chu a tichhe zo chuang lo ti ila ka sawi sual lo ang, a hmui sexy tawk lek a  pan chuan mipa mit a hip ngei bawk anga.

Ka hmai zawn a ban rawn vai awm avang chuan ka ka harh chhuak zawk a, mit khap miah lo leh che miah in ka lo awm rêng chu ni in, ka hma a mi pali te chuan nui deuh vur vur chuan min lo en reng a.

"Eng thil nge i lo ngaihtuah vung vung a" a biang ding lam a biang sum lang pah a nui chung chuan Namjoon chuan min zawt a.

Ka hrawk hnawk lo pui chu thian kharh kharh in "thil eng emaw ka lo ngaihtuah daih a" tih pah chuan za lo zet chuan ka nui a.

Kan bula hmeichhe lo ding pawh chuan a ha var rual em em lang chuan min lo nuih ve bawk
"awii a van hmeltha tak" ka rilru chuan ka ti mawlh mawlh, a hmel hi a celebrity hmel ngawih ngawih.

Mahse a bulah mipa ding Jeon Jungkook erawh chu a la meng rum tha hle.
'Ahh a ho emai, ain lak cool ve dan a niang nge' tiin ka inhnem chawp ve mai.

"Kookie? min  in hmelhriat tir rawh" nula in rawn tih chuan ka hma a hmeichhe ding chu ka en a. Nichin a Kookie ti a ko tu ka aw hriat ngei kha ani.

"Chuan tu nge Kookie a tih kha?
Jeon jungkook hi mawh!!?? Hahhhh"

"Park So Ra hei hi Lisa"

"Chuan Lisa hei Park So Ra"


"Kook ti nge tiang hian i awm a"a tawng dan hmuk hmuk vang chuan Lisa chuan min lo veng thawng ve aniang.

"Engtin mah ka awmlo, lo in kawm ru keichu ka chau, ka room lam ah ka han hahdam teh ang" tih leh in chung lam pan a rual a.

"So Ra? jungkook kha hre thiam rawh aw,, tiang hian a awm bik reng lo ania" namjoon chuan alo ti vat a.

"Nia, Kook chu hriatthiam a ngai thin ania" Lisa  chuan a rawn ti zui ve nghal zat bawk.
Keichu engmah sawi ve lo chuan ka lo nui  sêi ringawt a.

"Nia.....englo Lisa??   A ni!!" Ka thu sawi tur chu ka tawp leh nghal daih a.

"Immm enge sawi rawh" hriat chak hmel awm fahran chuan min en kar a.

"Ihhh englo ania,, ihh!! kha pa... Jeon jungkook...ahhhh!!! Jungkook kha.... Kookie....
Aaaaa....a ngai leh lo mai" seh chilh nawk a ka tih chuan ka bula ding mi pali te chuan min lo nuih vur vur a. Eng eng emaw kan sawi a, sana pawn a ban a vai chak ta sawt hle, rei lo te chhung chuan kan inkawm ngeih phian a tum loh deuh in zan in chu ka hmang nuam viau mai, sana in dar 10 tlang a vai thluak chuan ka thian thar te ti mai ang, an Pali chuan min haw san ve ta a.

Keipawh in a boruak rit lutuk ka zo lo aniang, ka ni deuh bur mai,ka luak te lam lam a chhuak.
Room lam chu hreh tak si chuan ka pan a, kawngka chu ka hawng de de a, tiang a kan room tur ah pawh tri tak a ka awm ngai bik hi vanduai ka in ti mange.

Room ka luh chuan Jeon jungkook chu ka hmu nghal phat a, khum tlangah chuan pawr phung in a lo thu chu niin. A kawr chung hak erawh khum ah alo thal phung a.
Ka lut tih a hria aniang min rawn en a mahse a rei lo, a awm ngai in a awm zui leh mai a.
Keipawh in ngai pawimawh bik lem lo chuan darthlalang hma ah chuan ding in ka thawmhnaw hak phelh tum chuan ka hnung lam a zipper awm chu unzip ka'n tum thin mahse ka ban pha theilo a chunglam a tang leh hnuai lam atangin ka'n bei leh a, ka thei chuanglo, theih patawp a ka ban ka han tisei ve tak ngial pawn awmzia anei chuang lo,, tet lutuk hi zawng, ka ban pawh a kham vek tawh, ka hak te kha chuan ka zip chho thei mai kha ani si a,  thinrim  deuh ṭun chuan ka hnung lam a min puih pawh tum lo tu chu ka'n en leh lawk thin a, ka hawi ve leh khum ah a tlu nghal tawp.
Ngeiawm lutuk hian a!!
'A puihna ka mamawh bik tawp lo e' ti a ner nung chung chuan room chu ka chhuah san nghal a.Min pui thei tu tur ka zawn mai angai.


Vanneihna chu ka lam ah a tang ani ngei ang In hnuai lam ka chhuk thla tur chiah leh Sun Mi unnie a thawmhnaw thleh fel sa  rawn dah tum nen chuan kan in tawk hlauh, tih chi lutuk!

"Ohhhh!! So Ra ti nge khang thawmhnaw nen a ila awm a"

"Ihh englo,,, chu chu nia ka buaina.."
"Ihhh ka kawr hi ka phelh theilo a"
Nuih tlawn deuh pah chuan ka ti a.

"Jungkook  ! Ohhh i pasal a awm lo em ni a"

"Awm tho a....mahse....
Aaaaaa" tih leh ka tukhum thak lo zet chu chhuan lam ah ha'n hiah chu ka rual a.

"Ahhhh!!?? Ohhhh!!! Ka hre thiam e,,,
Hnunglam hawi la"  tih pah chuan min ha'n nuih deuh suk a, min nuih dan chu min chaih nuih tih ka hria.

Ka kawr an unzip tak ah chuan ka thawl huai in ka hria a, ka zang vah bawk, ka thawmhnaw hnuailam a a rawn tla thla tur chu ka lo man nghal vat, Sun Mi unnie chuan min lo nuih nghal zat a.

"Ka kal mai ang" tih leh tlan ka rual nghal a, ka thawmhnaw tla tur chu ka dawm pah reng bawk, bra  ka  ha bawk silo.

Room ah chuan lut vat in towel chu la lut in bathroom awmna tur lam chu ka pan a, kawngkhar chu ka nam zui nghal zat a mahse a la in hawng theilo zui.

"Nam suh, pawt rawh"

Bathroom kawngkhar chu  pawtin ka lut zui nghal a, Jeon jungkook hma a a nuih tur zawng a ka che chu ka zak ngawih ngawih.




JUNGKOOK pov




Party zawh hnu chuan ka room ah chho in ka khum ah chuan Jane ngaihtuah chung bawk chuan ka thu reng a, ani hi zawng ka theihnghilh theih pawh hi ka ring tawhlo, ka hmangaih na kha a lo nasa hman em ani. Ani min hmangaih na kha chu a pa thu sawi pakhat vang mai in a ral thei kha nia. A tan khan ka lo hlu ve lo tak zet tih ka hriat phah ani.

Kawngkhar lam a tanga thawm ka hriat rual chuan ka hawi chhuak thuai a, Park So Ra chu confi  lo zet chuan rawn lut in darthlalang awm na lam chu pan nghal vat in a thawmhnaw hnung lama a zipna awm chu unzip thlak tum chuan a bei nasa ngang mai, a zipper driver pawh tum chuan a hnung chu a'n eu leh thin a a chang in a zuang thul, a mah pawh chuan a buai tawk em em a, engtik laiin nge ka lo khik suk hman pawh ka hre lo. Thawk lak hak pah a an rawn leh hawi veleh chuan in siam tha nghal vat in a hma a ka lan dan nelawm lo zet chu ka pu leh nghal vat.

Rum zet a min melh pah a a chhuak nghawng nghawng ka hriat hnu chuan khum ah tlu thla nghal vat in ring tak a a kawngka khar thawm ka hriat rual chuan kawngkhar lam ka hawi nghal leh vat.

A taksa khuhtu a kawr rawn vawn pah chuan bathroom lam a pan nghal a, a chet dan mak lutuk vang chuan ka lo en zui reng a, a bathroom kawngkhar hawng tur phei chu che buai tak ani.
Keimah té bawk chuan ka lo nui leh thin.

A kawngka hawng tur chu a nam vak vak a, a in hawng thei lo thinrim tawh chu kawngka kha a pet duh mai ang tih ka lo ring hman tawh a,
A tih dan tur ka hrilh hnu chuan kawngkhar chu hawn leh luh a rual nghal a, a hmel a zahna nasa lutuk mai  a hmai zawng zawng sen vek khawp a a hmel ka hmuh rual chuan ka nui chhuak nghe nghe. Mahse ka nui erawh a hria ang tih ka hlau hle thung.

Ka hma zawn darthlalang a ka hlim thla phena nui hmel ka in hmuh rual chuan ka hmel chu ka thlak rang ngei mai.

"Jeon jungkook hetiang hmel hi i pu tur ani lo" tih pah chuan ka ding nghal vut a.

Ka hnung lama bathroom kawngkhar rawn in hawng chu ka tum vang ni hoh lovin ka hawi rang ngei mai.
Ka hma a hmeichhe naupang ang lek a  ka lo hmuh thin chu towel  var hmang a in tuam in a sam erawh chunglamah in vial a tawm vek thung a, tun a alan dan erawh hmeichhia dik tak ani.

A mah ka en reng tih chu a hria a ni ve ngei aniang ani pawh rawn lut mai lo chuan a ding ve reng a.

Ka hrawk zalo zet chu zât luih tir in khuh der pah chuan hmun dang ka hawisawn nghal vat a mahse hmun dang ka hawi rei lo.
Ka mit chu nichin a ka thil hmuh ah bawk chuan a bur leh nghal vat a, a ni lah kei min en pah chuan rawn luh tum chuan a ke chu a rawn pen lut a, a rawn kal leh tur chiah chu a mah ke ah ngei a rawn in pal chu niin.

Chhuat a atlu sawp reng chu ka hmu a,tanpui aiin ka nuihza lam ah a kal leh tlat pek a,ka nuih chhuah loh nan ka hmui ka sehruh nasa ngang mai.

A rawn din tak lawk loh vang chuan ka pan leh ta nge nge a.

"I tha em?" Tih pah chuan ka va buaipui nghal vat a.

A chhan pawh min chhanglo chuan a khup chu a lo chhem heuh heuh a.
Ka'n en sak chu a khup vei lam ah chuan thisen a lo chhuar ve ser ser a, tunah chuan a khup pahnih ah hliam in ang chiah a nei ta der mai.

Ka wordrobe a ka first-aid dah thin chu ka va en nghal vat a mahse alo awm àw zawng lo.
Inhnuai lam ah chhuk thla in ka zawng a,
"khawiah teh hrep nge an dah ni"
Ka bula vast ding chu ka theih tawp a na chuan ka pet a, a chang reuh phian leh nghal.

"Bawiha enge ni ta" ka nu chuan min hmuh rual rual chuan a rawn ti a.

"Khawih ah nge first-aid box" ka ti bul hmuk a.

"Ti nge? Na i nei em ni?" Hlau thawng tak a ka hliam neih na tur awm vel a zawn pah chuan a ti a.

"Na ka nei lo, ka mamawh tunah" ka ti vin tuar a.

"Aw le, ka'n lak tir ange" tih leh awmpui te koh a rual nghal a, chu veleh maid pakhat lo kal nghal vat in, ka nu chuan ka thil mamawh a sawi hnu chuan an rawn la nghal mai a.

"khalai hmun kha nichin khan ka zawng reng a sin le, ti nge ka hmuh loh?" Ka thil zawn zawh chiah a maid in awlsam zet a ala ka hmuh chuan ka ti a.
First-aid box keng chung chuan Room ah chuan chho nghal vat in ka lut nghal a,ani chu a thutna ngaiah bawk chuan a lo la thu a, damdawi ka hnawih pah chuan ka chhem sak a.
"Ka lawm e" tih pah chuan ding nghal in keipawh ka ding zui ve nghal bawk.

"Ka lawm tak tak aw" tih pah a kal a tum tur chiah chu a towel ven rawn tla tur chu ka va man nghal vat.

Chuvel ka puanhmawr vawn chu rawn la vat in a bilh lut zui nghal a.
"Ka lawm e" a rawn ti zawi leh riai a.

Khum lam chu a ke bai auh auh pah chuan pan in a thu thla nghal a.

Room kawngka rawn in kik ri chu kan hre zui nghal a.

"Tu nge?"

"Keimah" ka pa aw ani.

Ka piah a thu in engmah a in bel loh vang chuan ka pa chu kawngka a biak mai tum chuan kawngka lam chu ka pan a.

"Enge ni ta?" Kawngkhar tlem a hawng chúan kawngka ah chuan ka ding a.

"Thil pek tur cheu ka nei a, khawiah nge So Ra bawihi?"

"Room ah a awm, i thil min pek tur chu keimah min pe mai rawh"

"In pahnih tan ania, in pahnih bulah le, khawimaw kawngka a in biak reng te chu a mawilo emai" tih leh kawngkhar hawn chu rual in a lut zui nghal a.
Keimah pawh  chuan a hnung ah ka zui ve nghal.

Ka thil hmuh chuan min tiding leh chiang ngei mai.

A towel veng chung ah chuan lian zet maiin ka coat chu a lo ha ni chuh!! Mahse a in hmeh lutuk tlat,, mipa thawmhnaw tiang khawp hian hmeichhia in an in hmeh ang tih rin ngaihna ka hre lo.
..
cont...