A towel veng chung ah chuan lian zet maiin ka coat chu a lo ha ni chuh!! Mahse a in hmeh lutuk tlat,, mipa thawmhnaw tiang khawp hian hmeichhia in an in hmeh ang tih rin ngaihna ka hre lo.
Confi lo zet chuan alo thu u, a ke phah dinglam zawk chuan a ke phah veilam zawk chu a rap a, a ke ṭang 10 chu a ti che kual neuh neuh. A kut tin pawh a confi lo zia lantir nan a sik neuh neuh bawk.
"Ka rawn tibuai che u a nih hmel khawp mai" ka pa chuan a mitko min san khum euh chung chuan a ti a. Rilru dik lo a pu tih ka hria.
"buai lo"
"buai lo" Park Sora nen chuan kan ti nghal vat.
Ka pa chuan kan pahnih chuan min nuih tut tut a.
"Immm ka hre thiam e" tih pah chuan a bul a chair chu pawt chhuak in a thu nghal zat a. A hmel ah nui hmel a la cham reng bawk. Ka hmuhhmaih der silo. Thil thleng miah lo a ngaihtuah mek ani .
"Thil pek duh che u kan nei a" tih pah chuan Park So Ra lam chu a melh a. Ka lam a rawn melh ve leh.
"Awww.... Ka va in thlak lawk ange" Park So Ra chuan tiin a tho zui nghal a, a suitcase chu hawng in bathroom lam pan a rual a.
Ka pa hma ah chuan thu thla ve nghal in a thil sawi duh chu sawi mai tur chuan ka ti a mahse a sawi duh ṭhak lo, Park So Ra rawn chhuah hun chu kan lo nghak a.
Reilo te ah ani pawh chu pyjama lian tawk tak ha chungin a rawn chhuak a, ka bula chair awm chu a melh zeuh a, a thut chak hmel vak bik lo a ang,a ner deuh nûng a. Thut na tur dang awm chuang silo chu a thut ngei a ngai tho si, kan dawhkan lah a te mai sia ka bula chair awm chu la chhuak in a thu tawm uk a.
Chutah ka pa chuan a àw chu rawn thian kharh kharh in "hei hi nia ka thil pek tum che u" tih pah chuan dawhkan chung ah chuan box lian vak lo, ribbon var a in suih chu kan lam ah chuan a rawn nawr phei a.
"enge?" tiin ka zawt nghal vat.
"hawng rawh" bâwm chu la tur in min signal a, ka lo ban ve mai.
Box ka hawng chiah chu chahbi hi alo awm a.
"Hei eng chahbi nge?" lak pawh la chhuak lem lo chuan ka lo ti nghal vat a, a mit ah tak ka en bawk. Eng thil emaw chu ka pa hian plan a nei ani hrim hrim ang.
"In pahnih a in in tur chahbi anih hi" tiin hlim hmel fahran hi a pu a. Kei erawh ka awm tawp thung, hlim tur nge hlim loh tur pawh ka hre lo.
Mahse ka rilru ah enge maw ni a rawn lang a, he in hmang hian ka pa hian enge maw ni a plan a ni hrim hrim ang tih chu a ni. A thil tih engkim hian a phen ah thil tum a nei ang tih rinna chuan ka khat zo tawh ani ber. Chu vang in a thang ah ka awk tur ani lo.
"Nilo, he in hi kan mamawh lo, la let leh zawk rawh" tih pah chuan a bulah ka nawr let leh nghal. Nichin a a nui hmel erawh kha hmuh tur a awm tawh lo, a rin ang leh beisei ang chhanna a dawng lo nge ni, a plan ang in thil a kallo aniang tih mai tur in a hmel thutak hmel zet chuan a rawn thlak nghal a, A rin loh lutuk chhanna a dawn vang pawh ani mahna le.
"Ni, he in hi in mamawh,. Chuan in pahnih a hun hman dun tam in mamawh, in in hrianchian pawh a tha, keini erawh chuan tú hmel hmuh vat kan duh" tú tih tawngkam a hman chuan thawk leh khat ah a hmel ah chuan nuihmel chu a rawn lang leh nghal a.Ni e, hei ngei hi anih hi a plain chu. He Park So Ra nen a hun min hman dun tir a, tú aneih vat theih nân. Mahse a thil duh chu keihian pêk tum na ka nei lo nasa. He nu lak atang nghat phei chuan.
"Naktukah in in sawn dawnia" ka pa chuan atih zawm leh zat a..
"In hi kan mamawh lo la let rawh" ka ti hriam ve hraih.
"in inneih present anih hi la mai mai rawh u" thu pe zet chuan a ti a, awm hmun ah ka lo ner suk.
A thu sawi tur a sawi zawh hnu chuan a chhuak zui nghal a.
"Engah mah ngai suh" tih leh thawh rual nghal in wordrobe chhung a blanket chu la in room chhung a sofa pakhat sei vak lo awm ah chuan ka mu zui nghal a.
"Light kha off ang che"
Ka sawi zawh hnu chuan ka blanket chuan ka in lukhup nghal hmak.
Ka earphone phawrh in Just missing you by Emma Heesters sak chu ka ngaithla a, a hla thu chu chiang zet in ka ngai thla a, a hla thu in min hneh em a engtik lai in nge ka mittui alo tlak hman ka hre lo. A hla engkim chu ka chungchang emaw tih mai tur in ka hun tawn nen a in ang em em vek a. Tianga uluk leh chiang hian hla ka la ngaithla ngailo.
Ka hun kal tawh ka ngaihtuah a, Engkim mai kha Jane nen khan hman dun ka duh a, a ni nen a chhungkaw din a hlim taka awm kha kan duhthusam thin kha ania mahse engkim kha duhthusam vek alo ni.
DUHTHUSAM MAI A NI.
Ni e, tunah chuan nun thar in ka nun angai, bul ka tan that angai tawh a. Ka hmalam hun chu Jane nilo Park So Ra nen ka hman angai tawh.
Hahh!!! PARK SO RA ka nupui nen. Nupui tih thumal ka ngaihtuah ringawt pawh hian ka thinlung ah hian eng emaw ni hian min kam tlattu an awm. mahse chu thil erawh ka hre silo.
--------
Ka muhil tan chiah emaw ka tih lai chuan ka meng chhuak hlol a, thawm ka hre zui zat bawk. Ka thawm hriat na lam chu ka pan a.
"Ka hmangaih che ka hmangaih lutuk che, khawiah mah kal bo suh aw,,, ka hmangaih che nia"
A biang ah chuan mittui a rawn luang thla ngiai ngiai a, a hmel pawisawi lo zet ka hmuh chuan eng tin emaw tak hian min hneh tlat a.
"A ni hi kei ang tho in a hmangaih in a kalsan ani ve ngei anih dawn hi" ti in ka rilru ka be mawlh mawlh a.
Lehkhabu pakhat hi a kuah chiat a, a mah lah chu a mu khawr vek bawk, a mah a te bawk nen a mu té thiam khawp mai. A lehkhabu pawm chu ka la kang a, chhiar tum a ka'n keu tur chiah chu ni thei a ka hriat ngang loh vang chuan ka khup leh ta zawk a, khum bul a dawhkan chung ah chuan ka dah a.
Blanket engmah a sin bawk silo a amah lah chuan vawh a tih hmel em em mai leh nghal.
Blanket chu sin tir in ka sin lai reng pawh chu la in pahnih chuan ka sin thuah sak a, kal mai tum a ka in leh hawi chiah chu ka ban a mantu awm vang chuan ka ding chawt a.
"Kal suh, kal suh, khawngaih in min kalbo san suh" a mit meng miah silo chuan a ti a..
'Eng emaw tak a amang anih dawn hi' tiin ka kut a vawnna chu phelh tum chuan a kut chu ka vuan a
"Min kal bo san theilo, i tello chuan ka hlim theilo ang, ka hmangaih che, mahse ka tih ngei angai si ni" a rawn ti leh. A ngaihna hre lo zet chuan ka ding reng ringawt thung a.
Ka tum ngai bawk chu tum nawn leh in ka kut lak sawn tum chuan ka bei leh a, mahse a vawn hneh em vang chuan ka tal pit thei mai lo.
Ka tum ka tum hnu pawh a ka phelh theih loh vang chuan khum bula chair awm chu la in khum bul ah chuan ka thu thla a, ka kut leh lam erawh a la chelh reng thung.
Nichin a hmel leh tun a a hmel chu in ang lo tak ani, tun ah chuan a thla a muan hmel tak zet.
"Eng ang hmel leh taksa nge ka hmangaih Jane khan a put ve ang le, ka bula hmeichhe mu ang hian a hmel a tha ve angem le?" Tih chu ka ngaihtuah na ah alo lut leh tawh.
Henu ka hmuh a piang hian tinge Jane ka hriat chhuah zel ni?
A rawn thaw ri suk suk atang chuan a muhil nghet tawh tih ka hria. Ka kut chu ka'n ti che leh hret a, a rawn che riai riai a, a hma mi ai zawk mah chuan ka kut zungpui chu a vuan leh a.
Laksawn tum tawh lemlo chuan ka kut pakhat zawk kham in muthilh mai chu ka tum ve ta zawk a.
PARK SO RA pov
Ka hmangaih Kookie chu min kalbo san lo tur chuan ka au lom lom a, ka hmangaih zia ka hrilh pawh in, ding duh lo in a kal ngai chuan a kal reng e, thingthi chung a tap chung a min kalsan lo tur a ka auh lom lom pawh in ka au ding zo chuang lo va,a hnu ah rawn hawi let a min nuih sang chung chuan a kal zawm leh a,kei erawh chuan rilru na em em in a kal liam lai chu ka thlir tluan hrak thung.
Chu veleh a mah ang chiah chu lo lang leh in ka kut ah nghet tak in a chelh a, a taksa nalh zet chu a kawr chhan atang pawh in ka hmu thei, a hmel en tum chuan ka bih hnai a mahse a hmel reng ka hmu ve thei lo, hmuh ngei tum chuan a hnai thei ang ber chuan ka en hnai leh a mahse a hmel ka hmuh dawn veleh a hmai vel chu êng hian a rawn chhun khalh tlat a, mahse hmu theilo mah ila ka bula a wm khan ka him em em ani.
Tukverh atang nizung rawn lut in ka hmai zawn a rawn chhun tak ah chuan che htut in ka mang ram nuam zet atang chuan ka harh chhuak zawk a.
Ka kut chelhtu hmel ka hmuh chuan mak tihna in ka khat nghal. He pa hian he tah enge a tih? Eng vanga saw ta mu lo a helai thutna chep zet a mu nge anih? Engvang a ka kut hi vuan ve ringawt nge anih?
Zawhna hlir chuan ka khat a.
Ka kut ka la zui nghal vat bawk, a thlan dup leh nghal.
Khum bul chair a mu mek chu a rawn che ve hrut a, chu veleh ka khum a tluk leh rizai a in lukhup ka rual nghal a, rizai chhung ah erawh ka meng kar thung.
A ni pawh a harh ve nghal ani ngei ang, ka boruak hip uap zet chu a rawn thawl nghal hawk a, tlem te chuan rizai chu ka keu de de a, huizzzs!!!! Alo awm tawh lo ngei e.
Hàm bui bui chunga in zimar in chhuat a ka slipper chu ka ke hmang chuan ka dap vel a, chu veleh bathroom kawngkhar bula lo ding pa taksa mawizet ka hmut rual chuan ka hâm lai pawh ka chip hman tawh lo.
Room chhung ah chuan duh tawk in a kal kual a, a thawmhnaw hak tur chu wordrobe atanga la chhuak in darthlalang hma ah chuan a in siam mawlh mawlh a, a kamis tight lam body fit deuh ṭang ha ka hmuh chuan nizan ka mumang a mipa,nghet tak a ka kut chelh tu chu ka hre chhuak hma sa ber pek a.
"Hepa hi kha pa ka mangram a a kut ka chelh kha tih na em ni le?" Ceiling lam hawi meuh chuan ka ngaihtuah a.
"Nilo, ani lo, hepa hi chu a ni thei lo" tih pah chuan ka lu chu ka thing leh ner ner a.
A duh ang tawk a a in siam hnu chuan a biak pawh min be lo chuan a chhuak nghal nalh a. A hmel a nelawm lo leh em em tho.
Sana chu ka en ve nghal zat a, "Lalpa leh!!! Dar 8" tih leh bathroom a luh ka rual nghal.
Duh tawk a fai a ka in bual zawh hnu chuan in hnuai lam pan ka rual nghal a, breakfast ei tur chuan an lo thu thiap tawh, tumah chuan an la eilo a kei min lo nghah vang ani ngei ang.
Ka van zak tak em.
"Ilo thleng tawh maw, lo thu ve nghal mai rawh" ka nu( Jeon jungkook nu) chuan alo ti vat a.
Ka nu tia koh hi ka zak deuh tlat thin.
"Awle" tih leh a bula chair pawh chhuah tum chuan chair tlang chu ka vuan a.
Jeon jungkook bula ding Sun Mi unnie chuan Jeon jungkook bula thu tur chuan min rawn mitmei zeuh a.
Jeon jungkook bula thu tur chuan dawhkan chu ka hel leh ta zawk a.
Ka hma a thu te pahnih Jeon jungkook nu leh pa te chuan min lo nuih tut tut thung.
"Ei ang u le" tih pah chuan pa ber chuan a han ei hma sa ber a, a hnu ah midang chuan kan ei ve chauh a.
Ei pawh ka ei tam ngút love, an thil siam a tui lo tihna nilo a boruak uap deuh churh hi ka hip thiamlo, an khawsak dan hi a hrehawm, tumah pawh an in be ve ngai bawk silo, kan in ah ve kha chuan ka nu leh pa te nen khan kan titi in kan nui ho dar dar thin kha nia.
An thil ei thin lah hi ka ngaina ve vak lo e a, black bean noodles duh tawk a ei tur ka duh.
Breakfast kan ei zo thil eina vel tih fel tum chuan ka seng fel a "enge maw itih le So Ra bawihi" Jeon jungkook nu chuan alo ti a.
"Aaaaa k...ka nu kan thil ei na hi tih fel ka tum a" lai deuh trut chuan ka ti a. Ka nu tih ka sawi chhuak thei kha mak ka inti zawk.
"Lo awm mai mai rawh awmpui kan nei lawm,khang kha chu an hna ania, an ti mai dawn lawm nang chu lo awm hahdam mai mai rawh" dam deuh tak chuan a ti a, a nuih deuh suk bawk.
Nuam lo ti deuh tho mah ila "Awle" tih leh ka dah ve mai a, a ruk chuan ka zak ru chem chem.
Keini chu chhungkaw pangai tak ni mah ila awmpui kan nei lemlo a, kan thil ei velna hnawk chu ka nu nen kan ti dun mai thin, ka pa erawh in ka nu nen a in ngeih tak a hna kan thawk dun chu a ma chair bik a thu chung in nui sang in min lo thlir thin.
"Ka pa (Jeon jungkook pa) hi ti nge vawiin hi hna ah a kal dawn lo maw le, tun ah chuan office tan hun a ni daih tawh sia" tia ka lo ngaihtuah lai mek chuan "bawihi in thawmhnaw in in pack tawh hlawm maw?" A rawn ti thut a.
"Maw!!?" Ka hamhaih lutuk chuan ka lo ti nghal vat.
"In mamawh tur furniture vel kha chu kan dah sa vek tawh a, tunah in in thar chuan alo nghak reng tawh che u" hlim hmel pu sang chuan ati a. A thu sawi ka man chiah.
"Vawiin ah tut tut chhuak tur in min duh mawn le?" Tia ka lo ngaihtuah mek lai chuan ''vawin hian in suan lut nghal ula a tha ang" a rawn tih zawm leh nghal zat.
Engtin nge Jeon jungkook nen chauh ín khat ah kan khawsak dun theih ang.. Hrem hmun te nau ka tem dawn hi ani ringawt lawm. Ka ngaihtuah chian poh leh ani nen a awm dun hi ka duh lo.
Ka ṭah te lam lam hi chhuak...
Phur lo leh huphurh tak si chuan room lam ka pan a, ka thawmhnaw suitcase a ka dah sa vang in in siam vak ka ngailo.
Ka suitcase a thawmhnaw chu ka check mawlh mawlh a "nilo, khawiah nge ka diary?"
Ka thawmhnaw chu hai chhuak vek in uluk tak chuan ka en tha leh a mahse khawiah nge a awm tak ang?
Kha diary kha bo thiang anilo ...
Ka mittui pawh a rawn hnam triak triak a, ka nun a ka hlim na thlentu nen a kan story, kha diary chhung ah khan a awm a sin.
Hmun tin chu ka zawng kual a ka dahna tur awm ang zawng zawng nen mahse ka hmu zo silo.
Dawhkan a ka phone dah rawn ri chu ning deuh tak chuan ka pan a, "ka diary!!!" Tih leh fawh ka rual a.
"Engtin nge hetah a awm theih?"
"Tu in nge lo la"
Kei mimawl hi tinge ngaihtuah na chang ka lo hriat loh, nizan ah Kook ka ngai lutuk in ani nen a kan story ka ziah kha ka chhiar tak anih kha!
"Mahse diary hetah!!!
Chuan nizan khan Jeon jungkook kha!!!!!!"
"Niloooooo"
"Eng ang mihring ah nge min ngaih ang!!"
Khum ah chuan ka thu hnawk a.
"Hahhh!! Enge ka tih sual? Ka hmangaih nen a kan chanchin ka ziak chu enge a sualna, tih dik loh pakhat mah ka nei lo" tih chuan ka in hnem leh ta zawk a.
Ka diary chu ka suitcase mawngah chuan dah in ka thawmhnaw chu ka dah hnan a.
In hnuai ah chuan ka suitcase nen chuan ka chhuk thla a, Sun Mi unnie chuan ka suitcase ken lai chu min rawn lak sak nghal vat in pawn a car ah chuan a dah lut a,
Kan awmlo tur chu an lawm emaw tih mai tur in an phu ang siau siau leh nghal.
Khawi ah nge maw Jeon jungkook ve hi alo awm bo hman bik le, keimah chiah a buai tur in min chhuah san ani ngei ang.
Rum deuh nghut chung chuan pawn ah ka chhuak a, Jeon jungkook chu a car chhung ah alo thu reng chu niin.
"Lo va kal ula, keini chu naktuk lam ah kan rawn lang ang" an pahnih a in kuah dun in jungkook nu chuan ban a rawn vai a.
Tui lo zet chuan car chhung ah chuan ka thu lut a, ka thut rual a Jeon jungkook in min rawn en chuan ka hlauthawng nghal em em ringawt.
"Diary chhunga thil awm a chhiar kha a sawi chhuak angem" tih chu ka ngaihtuah ngar ngar a.
"I in peih tawh maw?" A rawn tih chuan ka lo phu zawk thei, a rawn sawi chhuak dawn maw ka lo ti hman tawh a.
"Maw..??? Aw..w..w..!!!" Bah deuh nawk chuan ka ti a. Ka che zawng zawng a lai zo a, ka zam em em ringawt mai ni.
Seat belt chu ka hreng a, ka chunga vawnna awm chu ka dawm nghal vat bawk.
À motor khalh chak zia leh hrehawm zia hretu ka ni tawh tlat.
Motor engine chu a'n tinung a, a tlan chak dawn tih ka hriat vangin ka lo maimitchhing nghal vat.
"Ti nge maw kan la tlan loh?" Ti chung chuan ka meng de de a.
Kan lo tlan daih tawh, mahse tinge tiang a a khalh?, tun tum chu a tlan chak miah lo.
Ka mak tih em vang chuan a hmel chu ka en hàw a, a ni lah chu ka awm ve tih hre awm pawhin a lang lo, a kalna tur hma lam chu uluk tak a en chung in dam tak chuan a khalh a.
Kan in awmna tur chu khawih ah nge, khawi hmun nge tih pawh ka hre lo.
Hnai tak chu kan tlan thui tawh dan atangin ani lo phawt a,
'Aaaaa,,,ka mut a chhuak, kan thlen hun hun chu kan thleng ani mai' tiin ka seat hnung chu ngheng in nizan ka mang a ka mipa hmuh chu hmuh nawn tum chuan ka chhing a.
'Aaa!!! Ti nge maw alo lan theih loh?? Kookie ka mang ah hian rawn in lan leh teh' rilru a ti chung chuan ka mit chu ka chhing nasa zual a mahse ti nge maw Jeon jungkook, zing a bathroom atanga a rawn chhuak kha a rawn lan zel ni.
Ka mit chu meng leh in ka bul a múk em em a motor khalh tu hmel chu ka en a
"Anilo, a ni thei lo, hepa hi chu Kookie nen in an na an nei tawp lo ang" ti chung chuan ka lu chu ka thing ner ner a.
"I lu kha iti na nga sin maw le" a rawn tih chuan ka tawp chiang ngei mai.
"A hnung ah ka thu dawn" tih leh in sawn ka rual a, ka zak lutuk tih ngaihna hre lo ka ni mah zawk.
Muthilh tum chuan ka chhing leh vang vang a, tumah ka rilru ah luh tir ka tum tawh lo, ka thluak an tibuai mai mai ani.
_____________________
Ka meng diar diar a, car chhungah ka lo la awm reng mahse car erawh a tlan tawh hauh lo thung. Ka hma a thu pa pawh a la thu reng tho.engtiang a rei nge maw ka lo mut hman le, ni pawh a tla deuh thuak tawh leh nghal.
"I rawn harh tawh chuan chhuak tawh rawh" a rawn tihmuk a. Ava han nelawm loh tak.
Hehhhh!! lo va chhuah hmasa ve mai awm ania, anih loh pawn kan thlen ve leh khan min kaihthawh ve mai tur ania.
Car Kawngkhar chu hawng in ka chhuak a, ani erawh a tlan daih thung.
"Khawiah tak va kal maw" hmui pawrh túr chuan ka ti a.
Ka hma a building lian vaklo, thianghlim zet mai chu ka thlir a.A van mawi tak em!!! Tual ah pangpar a awm tuar a chhun eng ah phei chuan an nalh zual ngawt ang.
In chhungah chuan ka lut a, a rawng paw no chek chuan a kap eng in a ti fresh tak zet, pahnih chauh chenna tan chuan tawk tek tek tak ani.
Choka lam ka pan hmasa ber a, a design pawh ka duh ang thlap a ni. Engkim a awm kim biai si.
In hnuailam ah in kawm na tur room a awm tawp a, tv lian tha tawk tak en tur a awm bawk.
Kawngkhar pui piah deuh ah show room a awm leh a, hei chu mikhual neih hun ah pawh room ah a hman theih mai dawn hi. Mahse hei chu chei ve deuh ala ngai dawn nih hmel.
In chungah kal chho leh in room pakhat a khum zau tawk tak in hung ah chuan a eng amah hma in ka'n tlu nghal tawp a, ka chung a awm ceiling -a star
light rawn eng chu thlir nuam tak a ni.Balcony awmna lam chu ka mit chuan a en vat a,ka va kal chu ka hma a tuipui so but but chu hmangaih ber nen a in ngheng rial a thlir dun ka va chak em.
Room atranga chhuak in hmun dang chu en tum in ka kal a, "Nilo, room dang hi khawi ah nge?? Room pakhat chiah mawh"
In hnuai lam kawngka tanga rawn lut ka hmuh chuan ka din ngai in ka lo ding tawp a, ani chu choka lam pan in a kut a bottle Keng chung chuan rawn let leh in tui chu a in ri khawlh khawlh a, keiin uluk em em in ka lo thlir thung mahse ka thlir chhan erawh a hmeltha ka tih vanga thlir ka ni hoh lo thung.
"Engtin nge a ni nen hian room kan in ṭawm theih ang" tih ringawt chu ka lo ngaihtuah a.
A kut pahnih chu a kawnga dawm in a ni pawh chuan in chu a thlir kual a, chunglam a rawn hawi chho leh keiin hnuai lam ka lo en ve mek vang chuan kan mit a in tawng chiang hle.
"Ehem hemmm" ka hrawk thian kharh kharh in inhnuai step ah chuan ka pen tla ṭhem ṭhem a.
A bul hnai ka thlen chuan a ni pawh in min en chiang khawp mai.
"J..jungko.... jungkook"
A hmel ka en chuan ka zam chhe leh em em tawh.
"Jung...kook..?"
"Ro..room hi pa... pakhat chauh a awm a" sehchilh tak chuan ka ti a.
"Chuan??"
Awlsam tak chuan a rawn ti a.
"Chuan...chuan chu enge awmzia?" Ka aw khur pawh zia deuh tawk.
"Nangmah lom ka zawh che" a rawn ti leh. Zawk zamah chuan aaaa...
"Room pakhat chauh a awm a,,, Chuan itia mawhh?" Ka aw pawh a hma ai chuan a ring tawh khawp mai.
"Room pakhat chauh a awm chuan kan riah dun mai a ngai dawn tihna ni mai lawm" awlsam tak chuan a ti a.
To be continue...