THE HEIRESS Chapter - 8

[Bethseby Nu Pachuau]

THE HEIRESS




Chapter - 8




Nick ngaihtuah rilru deuh chungin John nen chuan inlam ah kan let ta daih a.John chuan min ngaihtuah deuh avangin doctor min koh sak a.





"Miss Lucy,I tha tawh lutuk e.Amaherawh chu I khup ruh hi I sawh na ve deuh a,a theih hram chuan ni thum vel tal chu awm hahdam I tum dawn nia"





"Awle doctor....Anih chuan pute u ni thum vel chhung chu ka buaipui thei dawn lo che u anih hmel" inthlahrung deuh chuan ka ti sep a.





"A pawi lo ni thum chhung chu keimahni in dam chhuah kan lo tum ve mai ang...Nangmah zawk hi I chawlh chhung chuan tha deuh in kan enkawl dawn che nia" He mi te ho inthlak danglam chak zia hi,a mak letling zawk!Engtia fel ta thut nge maw an nih le?





Ka chawlh ni hmasa ber chuan John in min buaipui a.A ni hnih na ah Oliver an,a ni thum ni vawiin chuan Eagan an min enkawl ve thung dawn a ni.





Eagan chu ei tur tui hmel deuh keng in ka room ah chuan a lo lut a.





"Master Oliver thil siam ka ei avang khan nizan zan khua in ka kua athat loh phah lehnghal a.In thil siam hi ka ei ngam tawh dawn em ni?Heti hi chuan ka thih vat theih ka ring" ka lo ti hliai a.





"Little Lucy,he inchhung a mipa cheng zingah hian ei siam ka thiam ber tih hi I la hre ve lo em ni" nuihzat hmel deuh hian min en a.





Awih lo deuh chung chuan a eitur rawn ken chu kan ei chhin a,a lo la tui phian zui" Master,Eagan heng ti hi nang ma siam tak tak em ni?A tui tak zet" awih loh hmel deuh chuan kan ti leh hram pek a.





"Dawn lawm ni...Chuvang chuan ka bialnu nih I duh leh duh loh chung chang kha lo inngaihtuah tha leh rawh!Ka bialnu I nih phawt chuan hetiang ei tur tui tak tak hi nitin ka siam sak thin ang che"





"A teuh lo mai" ka lo nghal vat a.





"Oh Lucy,chhanna lungchhiat thlak tak a ni" rilru nat hmel deuh hian an awm der kual vel a.Hepa pawh hi misual tak chu a nih bik loh hi!





"Ti daih ila...Nick hi a lo la haw lo em ni?" ngaihsak loh hmel deuh chuan ka ti liam puat a.





"Haw nang..."





"Hman a I thusawi kha ka la hre reng a.Nick tan John hi mi pawimawh tak a nih thu kha...A ni tak tak em?"





"Aw ni e...Nick tan a nau hi khawvela mi pawimawh ber alawm a nih..Chuan John tan pawh a u hi mi pawimawh ber a ni bawk a"





"Mahse a lan dan chuan an inngeih loh hmel e..." Ka lo ti leh sap a.Dik tak chuan John hian Nick hi a u anih na anga unaupa tia a koh pawh hi ka la hre lo.





"Chutia I ngaihtuah viau a nih te chuan an pahnih in ka lo la hruai dawn a nia...An inhriat thiam loh na te pawh chu I chin fel sak mai thei asin...Tunge hria?" nui suk chung chuan a kal ta daih a.





Zanlai ah chuan ka dang ro tuihal lutuk avang chuan ka harh hlawl a.Nick chu ka khum bul ah chuan glass a tui keng chung hian a lo ding reng a.





"Nick" ka hamhaih luatah chuan ka ti sep a.





"Hei tui chu..." Hepa hian min ngaihtuah ve deuh tihna em ni?A awm dan teh thut chuan min ti lai deuh alawm!





"Hey hmeichhia,tun tum chu John nen chuan min hriat fin tawh em lawng chu tiraw..." Aw hriat nuam zet hian a rawn ti sup a.





Eng thil awmze nei lo nge Nick hian a sawi chu le... A hma in ka hriat sual tawh tihna em ni?Awih awm loh lutuk!Ti rilru pah chuan "Hey nang misual pa,khawi ah nge I awm bo?"ka ti ta daih a.





A ngawih tak vung vung avang chuan " Khawi ah nge I awm bo daih ka tih chu"





"Chu min ngaihtuah ve deuh tihna em ni?" Ka khabe ah chuan rawn dawm in aw ki hniam ruih hian a rawn ti sup a.






"A teuh lo mai...Eng vang chuan nge ka ngaihtuah ve ngawt ang che?" A kut chu ka lo thing thla nghal thuai a.Eng vanga ka lungphu hi rawn rang ta viau nge maw a nih le?Ka hmai te lah chu a rawn sa nghal hat hat a!




"Ni e...Eng vang chuan nge min ngaihtuah loh reng ang...Ka lo thi te anih chuan pasal sun I ni tawh mai dawn sia..."





"I zak thei lo anih mai chu'h!Kal sawn teh,ka zung dawn" lungawi lo deuh chuan ka tho thut a.





Ka lu chu rawn hai thutin ka hma ding Nick chu ka va bawh thlu nghal pawp a.





"Honey,ka kuah hun che I nghak thei meuh lo a nih hi tiraw?Ti hian fing phakar deuhin min kuah dan in zawng lui vel chu nia..."nuihzat hmel deuh a ti sup in min rawn kuah nghal a.





"I ngaihdan anih chu...min kal tir vat mai teh"





"A teuh lo" nui suk chung chuan min la kuah nghet ta deuh deuh a.





"Hey Lucy,I tha tawh tak tak em?" Ka lu ah chuan rawn chul in aw ki ril ruih hian a rawn ti leh sup a.





A awm a bei hle hle chung chuan lai zet hian "Aw ka tha tawh lutuk"ka lo ti let ve sap a.





"A tha e...Ti daih ila,he lai hmunah hian awm tawh lo ta ila...Min ngai ve a ngem"





"Nick" ka ti zawi sep a.Chutiang thu te eng vanga rawn sawi chhuak nge maw a nih le?





Ka chhan ngaihna hre lo chuan "Min be reng lo hian min kaltir vat mai teh...Zun ka cheh tak ngial dawn" Ka ti ta daih a.





"Hey baby girl,good morning"





"Morning...Enge hetah in rawn tih dawn" an pathum chuan a ngaihna hre lo zet hian ka lo en hu a.





"Eagan hian kan pahnih a min hmuh duh thu a sawi a,enge ni ta?" Nick chuan nin hmel deuh hian a ti hluk a.





"Enga..."Eagan min rawn siai zeuh ka hmuh rual chuan hre chhuak zawk in "E...aw...Ka be lawk duh che u a...Mahse ti hian min lo nghak lawk rawh u Eagan nen hian thil tih dun tur pawimawh deuh kan nei a"





Nick chu lungawi loh hmel deuh hian a lo meng ner nghal nang a.Eagan nen kan chhuah rual chuan ka room kawngkhar chu ka kalh nghal hmak a.





"Tikhan in unau in in inhriatthiam loh tawn na te kha sawi dun rawh u...In in rem hunah kawngkhar hi ka lo hawng chauh ang" kawngkhar phen atang chuan ka au lauh lauh a.





"Nang hmeichhe chimawm lutuk" Nick chuan a rawn ti nghal lang lang a.





"Hey,khawiah nge I awm bo daih"





"Khawi a'h pawh awm ila I lo buai ve na tur a awm lo...Bakah hei hi I u I biak dan tur em ni?"





"Kei ai minute 3 bakin I upa lo"





"Eng vanga min rawn nam ve ngawt nge I nih?"





An inhnial thinrim tak ngial dawn a ka hriat avang in kawngkhar chu ka hawng nghal vat a.





"HEY nang ni pahnih kha" ka ti vin tuar a.An pahnih chuan inkuah chung hian min lo nuih tut tut a.





"He thilah hian I puih na kan mamawh in I ring em ni?Hmeichhe a lutuk" Nick chuan ka lu a rawn khawih zauh pah hian a lo ti var a.





"Mahse..." Ka ngawih vung vung hnu chuan in ngaihtuah harh thut in "Nangni ho hian min bum leh pek tawh ani maw?" Thinrim zet hian ka ti ta chul a.





Eagan pawh chu rawn lutin "Little Lucy,tunah chuan I dam tawh bawk a I hna ngaiah I let leh tawh dawn nia...Chuan I damloh avanga chawlh ni thum I lak avangin I hlawh atang 2000 bucks kan cut leh ang" a rawn ti ham ham a.





"A ni thei lo,nang mi phakar lutuk..." Ka ti vin nghal tuar a.Min la nuih vak vak zui!He mi te ho tak hi chu aw...Eng pawh chu nise ka damloh chhung khan tha takin min enkawl ve tal a,a lawmawm tho e.





"Ka dam tawh bawk a,hna chu han thawk leh tan tak tak ila" rilru hlim zet chuan ka hnathawh thawmhnaw chu ka inbel nghal thuai thuai a.Damloh mut beh reng ai chuan hetia hnathawh reng pawh hi a lo nuam daih zawk anih hi!





Ei rawng bawl tur a choka kan lut chu a lo hnawk tha ngang mai!Bawlhhlawh bawm hi a ni ringawt!Phun bul bul chung chuan ka tifai tan nghal mawlh mawlh a.





In ka tifai zo bawlhhlawh paih tur a ka kal lai chuan mipa pahnih sual hmel deuh te hian min rawn man thut a.





"I pute kidnap tur a lokal kan nia,min tanpui thei anih chuan pawisa kan pe ang che" an ti pawr nghal chhur chhur a.





"Pawisa maw?A nih chuan engzah nge min pek ve theih ang" Hlim zet chuan ka lo ti nghal vat a.





"Sawm ah pathum....Chubak chuan kan tawlh thei lo"





"Awle a tha e"





"Pu te u vawiin chawhnu chu in free bawk a,tih tur te inlo in siam tawh hlawm em?" Living room a an thut khawm lai chuan ka va ti a.





"Nei hran lo e...Tih duh I nei zawk em ni" Eagan chuan a lo ti vat a.





"Aw hmun nuam deuh mai ka hre thar a,tah chuan kan kal dawn nia"





"Hey mi a nu,hei hi maw hmun nuam deuh I tih chu?A trawp in a rim chhe ropui si,let nghal ang u" A hmun kan thlen rualin Oliver chuan lungawi lo deuh hian a ti bul nghal hmuk a.





"In bengdai phawt teh master Oliver,an lo thleng tep tawh ang"





"Tu te maw" A ngaihna hre lo deuh a Eagan in a tih rual chuan misual ho chu anlo kal nghal sup sup a.





"Keimah ni hi mawle...Nula I ti tha e" misual ho chu an phur hmel kher mai!





"Nang hmeichhe rapthlak..." Oliver chuan thinrim aw pawr deuh hian a lo ti nghal thawt a.





"Nangni ho hian in in tlan chhuah nan inchhungte hnenah 100 million theih in dil tur a ni...A nih loh chuan kan that vek ang che u" an boss ni awm tak pa lian leh sual hmel zet chuan a ti teng chhuai a.





"Nangpa hian min fiam em ni?" Nick chuan tham lo deuh hian a nuih suk a.





"Nang naupang chimawm,ka dil a sangha khawi ang lek chauh I nih kha...Kan duh hun hunah kan that thei che...I nunna hlu tak hi ka kut ah a awm tih hria ang che" a sawi zawh rual chuan misual rual dang ho chu lokal belh in min din hual nghal thap a.





"Keipawn chu thu chu lawm ka sawi...I nunna hlu tak kha ka kutah hian a awm tih hre zawk ang che" a kut chu beng zauhin kan chung velah chuan helicopter rual chu an rawn thlawk nghal sup sup a.A chhung atang chuan sipai rual tam fe hi lo chhuak nghal in misual rual chu ho an silai chuan an rawn tin nghal fur a.





"Enge thleng ta?" misual rual ho chuan an hlau kher mai!Mangang zet chuan an au nghal chul a.





"Nang nu khan min bum ngam a maw?"





"Awlsam te in tumah ring suh" nui sang hian ka siai zeuh a.





"Hey Honey,thil tha tak I ti a ni...Kha I lawmman tur" Nick an cheque min pek rual chuan hlim zet hian ka lo nui sen sen a.(Eng pawh chu nise pawisa hi chu a hlu a ni! ^_^)





"Nang hmeichhia,engtia min bum ngam zawk nge I nih?Ka that dawn che!" Ka inremsiam pui pa chuan a chem te hmawr zum zet chu rawn phawrh chhuakin min vih a tum ta mai!





John chu rawn tlan phei in min rawn kuah nghal thlawp a.Ka hamhaih lutuk chu ka lo au nghal that a.John taksa chu zawi hnawkin a hnung ah chuan thisen chu a rawn luang nghal zawih zawih a."John harh teh"Mangang zet chuan ka te nghal chul a.





Operation room pawn lamah chuan Nick nen doctor lo chhuah hun chu kan nghak dun a.





"Young Master,I unaupa John vit tu kha a thi tawh e" Nick te chhungkaw secretary chuan a lo ti a.





Doctor lo chhuah rual chuan "Ka unaupa chu enge a an?" hlauhthawn hmel zet hian Nick chuan a ti nghal vat a.





"I unaupa chu a tha tawh e.Amaherawh chu thisen a hlauh hnem deuh avang in a taksa hi a chak lo hle a...A rang lama thisen kan pek vat angai dawn a ni!A thisen hi O type ania,in lo bawhzui nghal theih chuan a lawmawm viau ang" Doctor thu sawi chuan min ti hahdam huai mai!





"Ka thisen hi inhmang thei ang" inngaihtuah buai eih lo in Nick chuan a ti nghal chat a.





"Young Master nang hi he chhungkaw khaiding leh enkawl chhunzawm zel tur a ruat I ni a,chuvang chuan I hrisel na khawih pawi thei thil hlauhawm chu kan tih tir thei lo che a ni" an chhungkaw secretary chuan a lo ti nghal thuai a.





"Nick leh John te hi unau an ni tho sia,eng vanga thisen pek chu phal lo nge maw an nih le?"An thusawi mak ti ru zet hian ka lo ti sep a.





"Anih chuan ka unaupa thi lai hi lo thlir mawl tawp tur in min duh tihna em ni" Nick chuan an secretary kawr awm ah chuan a thram nghal pawp a.Hetiang reng a Nick thinrim hi ka la hmu ngai hauh lo!





"NICK in bengdai hram teh!Keiman John chu thisen ka pe thei reng alawm...Kan blood group a in ang tho a" Nick banah chuan vuan vatin ka lu chu ka bu nghauh a.





"Lucy" a vawikhat nan pangai takin ka hming chuan min ko ve sup a.





"Master Nick lungngai mah ta che!Master John hi keimah vanga inhliam ania,chuvang chuan ka theih tawk a tanpui hi ka tih ve tur reng a ni"





"Sh*t"Nick chuan thinrim zet hian bang chu a hnek ri nghal bur a.





"Eagan khan a lo sawi dik chiah anih hi!Nick chuan a nau chu a ngaihsak hle mai" ka ti chhuak sep a.





John hmu tura ICU lam a ka va kal chuan "Enge hetah I rawn tih dawn?" Chau zet hian a rawn ti sup a.





"Ka thisen I dawn duh leh duh loh ka lo zawt dawn che mawle" hlim zet chuan ka nuih sen sen a.





"I thisen maw?"





"Umm I unaupa Nick chu a nawm sam loh deuh avangin thisen a rawn pe thei dawn lo che a...Bakah I unaupa ai chuan ka thisen hi a tha daih zawk hrim hrim"





"Ka hre sa alawm...Secretary khan a phal dawn lo tih te chu..." Thlanglam pang chu hawiin zawi deuh hian a ti sup a.





"Kei te chu he chhungkaw tan hian tangkaina ka nei ve hleinem"





A khum bul a pangpar khawi hnah tla chu chhar in "Kei te chu hetiang pangpar hnah tla tangkaina nei tawh lo ang bak hi ka ni hleinem....Eng ang pawn thawkrim ve thin mahila tuman min hriat sak duh ngai lo!He chhungkaw tan hian hlutna ka nei ve lo tihna anih ber chu!" A pangpar hnah ken chu paih in a nui deuh suk a.





Tun hi John nui hmel ka hmuh vawikhat na a ni!Mahse a nui hmel phen a alungngaih na te chu ka hmuh hmaih bik hauh lo!Hei vang hi a ni maw engtik lai mai pawh a midangte nel theih loh a a vawt ruih reng thin ni!Lainat zet chuan ka melh ta vawng vawng a.





A rilru tih zangkhai nan a hnah paih chu chharin ka ham ri rat rat a.





"Engtin nge khatiang ri mawi kha I siam theih"





"A mawi I ti em"





"Aw"





"Hetiang hnah tangkai lo anga kan ngaih te pawh hian hlutna chu an nei ve tho anih hi tiraw?Thil tangkai lo tia kan sawi chhan te hi chu a hlutna kan hriat loh vang mai chauh alawm"





Chutia kan ti ti dun mek lai chuan nurse fel hmel deuh hi lo lutin""Awle thisen pe tur chuan I inpeih tawh em" nui sang hian a lo ti var a.





"Tehreng mai" John lam chu ka va hawi zeuh a hlim hmel deuh hian min lo en reng a.





John thisen ka pek zawh hnu in nurse chuan reilote la mu hahdam rih tur a min hrilh avang in khumah chuan ka la mu ta reng a.





"Ka nun ah a vawikhat na atan tu emaw chuan hlutna ka neih ve thu min hrilh a,ka hlim tak zet ni Lucy..."John chu a mutna tang rawn tho chhuakin puan chu min rawn sin that tir a.





Chutia John tawng mawlh mawlh lai chuan Nick ang deuh kawngkhar bul atanga kal sawn chiah hi ka va hmu zuai a." Nick hi a la awm ve reng a maw ni le?"ti rilru neuh neuh chung chuan ka muhil ta riai riai a.





Vawiin class chu ka phur lo kher mai!A chhan pawh kan class chu tun mid-term show a drama chang tur a tih kan ni a,ka tel ve angaih dawn vang a ni.





"Master John damdawi inah a awm tih ka lo hria a,min hmuh pui thei angem?" Lia thiante chuan inthlahrun hmel deuh hian anrawn ti a.





"Tehreng mai" ka lo ti sap a.Tunah chuan mi zawng zawngin min haw tawh lo tal a,a nuam ve deuh e...





Chutia kan ti ti lai chuan teacher chu a lo lut thut a."Awle naupangte u,tun tum a kan drama theme tur chu I LAL FANU VENGHIM RAWH tih ani ang...He box ah hian in role tur theuh in rawn pawt ang,a mal te te khan rawn pawt rawh u le"





Kan role tur chu kan pawt den den a.Tun hma lam in drama ka la chang ngai lo bawk nen ka huphurh ru kher mai!Ka huphurh leh zam lutuk chu ka lehkha them pawh pawh chu ka en ngam lawk lo a.





"Drama ka chang thiam lo asin,engtin nge ka tih tak ang?" Ka hnung mai a thu Oliver pawh chu a phun nung nung a.





"Kei chu sipai pawl ah ka tel dawn a,a nuam dawn khawp mai" Eagan ve thung chuan phur hmel deuh hian a ti ham ham a.





"Nick enge I pawh ve" a thiante pahnih in an tih chuan Nick chu a lo tum nghal hmuk a.





"E he...Changtupa Prince Elson ah I tang dawn anih hi.." a thiante pahnih chu annui nghal hawk hawk a.





"Eagan...Role inthleng induh anih phawt chuan i awh em em ka sports car thar saw ka pe hmak ang che"





"Ka duh teuh lo...In kiss lai scene te kha a awm awm sia...Changtunu tur a lo hmelchhiat viau phei chuan a pawi thui dawn lutuk tlat"





"Mi sualpa, I van chawh reuh tak"A ruk in Nick chu ka lo nuih tut tut a.





"Oliver,nang tal chuan duh la!I hmeltha in I pa bawk sia changtupa nih chu I inhmeh ngawt ang"





"Ka hre lo,kan ingaihtuah ve phawt ange"





"Awle in role tur theuh kha in hre vek tawh ang chu tiraw...Tunge changtunu role pawt che u..." Teacher in a tih chuan kan ngawi nghal thap a.





"Changtunu role tumahin in pawt lo tih na em ni?"a tih leh rual chuan ka lehkha them pawh chu en nghal vat in "keimah ka ni e" ka ti chhuak sap a.