Love me not chapter 6

[Zuali Zuali]

Chapter 6





Kan thlalak na hmun tur Kan thlen chuan ni a lo sa tawh si , khua a lum bawk si , ka Ning tak tak a ni .




" Ti vat vat teh u " Sangzuala chuan a kamis nghawng kawrkilh phelh pah hian a ti nghal hluk a , a hmel atang pawn a nin Zia a Lang reng .



Midang in an en hrek hrek na te chu a ngaipawimawh lo khawp mai , dik tak chuan ka zak ve tak zet .




" Saw lai pool bul ah sawn a nalh deuh ang , sawlai ah te sawn Kan la leh anga Kan duh tawk dawn nia " Kan thlala tu chuan a ti dam thlap a .



A sawina hmun ah Kan la zo chiah tih ah biak hlau ang mai in a kal sawn nghal nalh a , a mah chiah hi Ning a naw a in tia , a ni aiin ka Ning deih zawk , chu bak ah min ti zak tak zet , min duh thlawt lo a nih pawn miding hmaah tiang khan min tih ka beisei lo hrim hrim , ka zak ve tak zet , engtin nge min sawi ang tih a ngaihtuah leh tawh Miah lo .





Ka mokawr hak chu ka Ning ve tawh nen , in thlak na room lam pan chuan a hnungah ka zui ve nghal a , ka kal muang lui , a hmel ka hmu peih thlawt lo . Ka rin aiin a rei zek leh nghal .




In thlak na room ka thlen chuan thawm ka hre thut a , in hau thawm a ni , min tawng ngaihthlak duh lo viau mah ila kawngkhar an khar pui miau lo nen , an tawng chu ngaihthlak loh theih miau hek lo.




" Khatia I awm vang khan engmah a that phah dawn lo , U nuntluangi pawh khan hreawm a tih hmel em kha , I ti khawngaih thlak lutuk duh vang a nei che pawh a nih bik loh hi , a thu hrimah Emily nen in inkar a hre ve vek a , eng nge I rawn hruai ve kher " Enkawli chuan a u chu a hau nghal mawlh mawlh a .





" Emily puh Suh " Sangzuala chuan a ti bul hmuk thung .




" Ka puh lo , nang pawh an in neih zan te khan e nge I rawn auh dawk dawk a " Emily awm ve a ni ngei ang a ti leh nghal hlak hlak a .




" Emily hian thiam loh na a nei lo , ka duh a ka pan a ni mai " Sangzuala chuan a ti bul leh hmuk tawh .



" A tawk , Enkawli I in rawlh lohna tir ah rawn in rawlh duh " a tih chhunzawm leh nghal hmuk bawk , a awm changrat atang chuan a dawhtheih tawh lo Zia a hriat reng.




" Thil tangkai lo , in buaipui vang a nih hi kan buai nghek ni , thlalak leh te hi a tulna a awm reng reng lo " a tih chhunzawm leh hmuk bawk .




A mah chiah hian a Ning der silo , dik tak chuan keipawn tul ka ti lem lo , Enkawli'n' restort Kan nei dah chuan shooting ve nei ang u , in neidang te pawn an ti ziah ' tiin a pa bulah a lo sawia , hnial ve mah ila pa ber na na na chu Kan hnial hneh ngang lo a ni .




Ka lam pan a ke pen thawm ka hriat chuan harh chhuak zawk in , Kan piah chiah roomah chuan ka lut nghal rawk rawk a .




Kepawn thawm a hlat tial tial hnuah chuan thawhuai in room chhung chu Kan enkual a , a changkang khawp mai , an hausa bawk a , an ti nuam khawp mai , chawl hmang pawh an awm nual zel , an sawm lak luhna pakhat a ni tih a HMA khan Enkawli pawh khan a sawi tawh tak .




An awm tawh lo a nih ring in room atang chuan chhuak in ka in thlak na room tur lam chu ka pan vat a , kawngkhar pawh an la khar pui Chuang lo .




Khawngkhar chu ka hawng zau zet a , mahse rang zet in ka khar leh vat thung , ka thinphu a rang in ka mumal lo tak zet , hmanhmawh tawk in room leh lamah chuan ka lut leh nghal vat a , room chhunga khum ah chuan thuin , ka mo kawr hak chu ka hum ngawt ngawt ringawt .




Room ka va hawng khan Emily leh Sangzuala duhthaw zet hian an lo in fawp ngawng ngawng a , ka duh in ka hmangaih lo na a , ka thinphu a rang in , ka khur thei hial .




Ka tlawm tak zet bawk , Kan in neih tuk atang in tiang hian ka hmu nghal mai chu nia , ka mumang lamah pawh ka la hmuh loh ka tawng chu nia .



Pasal neih tur in ka la in dah chhin ngai lo hrim hrim , mahse chhungte sawi rem chawp in ka nei a , ka rin phak loh leh mang lam pawh a ka la mang ngai loh ka tawng nghal mawlh mawlh chu nia .




Ka zak in , tlawm thlak ka ti ngawih ngawih bawk , thla Kan lak lai zawng zawng in a Ning em em a , thla Kan lak tirh tirh khan Emily kha a rawn kal ve a , mahse hmuh tur a awm tawh Miah lo thung .





Emily a awm tawh loh vang a ni ngei ang a nin em em ni , a nau a duat viau emaw tih pawn , a nau in Emily a hauh pawn khan Emily chhan a pek na khawp kha . A tan a pawimawh tur Zia a hriat thei .





In kan thlen chuan ka Nu ber ang thawm ka hre hmasa ber " tun HMA zawng zawng pawn Kan in nei reng , thlalak thlalak Kan ti reng lo, in lamah Kan buai em em a , keiphei chu thana nei ka nia , che vak vak thei ka ni lo leh nghal , mo Kan nei thar dek dek a , Kan buai nghal em em bawk " ka luh hnuah pawh a thusawi chu a tim chhin phah miah lo leh nghal.




" Khawiah nge I u pawh hi a awm a , a pa a ti thinrim leh mai tur asin " Enkawli melh pah chuan a ti nghal hlak hlak a , a Rawl a ring bawk si in chhunga awm ve dang pawh in a ang thawm a hriat chu a mah ber lah chuan pawi a tih hmel loh khawp a .




" Emily te a thlah kawi lawk a " Enkawli chuan a ti sep a , a tawng leh hmain ka kawr vel chu khaiin Kan room lamah chuan ka chho nghal zawt zawt a .




Kan room ka thlen chuan thawk ka la huai thei , engkim ka kham tak zet , ka chau ve ngawih ngawih bawk , ka tawt up up ni maiin ka hria , ka awm dan ber pawh ka hrethiam lo .




Nimin atang khan vawikhat mah ka chhungte lam in min rawn la be lo a , keipawn ka be bik lo , ka be chak hlawl lo a ni , ka nu leh pa te ni mahse , tunah tak rih chuan ka hua , nu ber in min lawm bawk silo , ka pasal ber lah in a bialnu a la thlah lo mai bakah , min hmuh apiang hian a pawi ka sawi mai a maw tih tur a chang hian min melh ziah leh nghal .




Kan thlen tirh khan nu ber khan ,an buai Zia a an pui nasa bawk nen, hah chawl tawh lem lo in ka thil khai chhauh ho chu ka dah fel nghal sawk sawk a .




In hnuai lamah pui tur in ka chhuk leh nghal vat bawk .Ka ke te a kham in , a na ve tak zet , keimah pawh ka Rawl thum mai , ni a sa bawk nen nizan ka mu tam lo bawk nen , a hreawm ka ti ngawih ngawih , mahse ka chhungte biak tum na ka neih rih lo , ka tuar a nga ka tawrh theih loh chin a nih hunah hna ka nei a , ka duh dan in ka Sam tawh ang.





" Enge ka lo tih ve ang " Nu mawitei chawhmeh Kang mawlh mawlh chungah chuan va ding pah hian a ti nghal sep a .




" I chau awm si engmah lo ti duh Suh , I mu deih lo a nih kha " min nuih sen sen chung hian a rawn ti dam thlap a .




" Ka chau lo , lo sawi rawh ka lo pui ang che ka ti tlat thung " Nu ber in min rawn en leh kar tawh hek lo thut mai mai chi ni hek lo , ka awm mai mai pawh hian a pawi ka sawi em em bawk sia .







A changtupa hi a sual dawn lutuk a , in ngei mai thei a ni




Zan in ah ka rawn dah hman loh takin ka rawn dah mai aw , a boring ngawt ka ring , min lo chhiar sak ve leh hram hram dawn nia