''Ka duh che lawm'' ka hma a hlimthla chu ka en ngar a, ''chhinchiah tlat rawh'' a tih leh pawh chuan amah tak ka la hmu thei chuanglo, mit khap sakin ka pan hnai hret hret a, ''hre reng ang che'' tiin a ral riai riai a, mak ti lutukin hawikual vel mahila hmuh tur a awm tawh chuang lo,
Thil ri rek ah chuan ka hawi kual thuak a, chiang tak a ka ngaihthlak leh chuan tui far ri ani tih ka hria. Vawi leh khat ah ka awmna hmuh chu rawn eng pup a ka biang a nat vung vung rual chuan thohphan pawh awm loin ka thu chhuak vut a, ka room kawngkhar ri nghal dawp chu ner nawng a en in ka biang chu ka tuai thuak thuak a, ''ninawm'' ti a phun hlakin ka mu tha leh sat sat a ka chhing leh siar siar tan tih ah ka nu in ring zet in min auh zawm a chumi rual la la chuan ka room chhung ah a rawn lut ti chiang turin ka kawngkhar a ri dawp a, luhluh chhuahin ka la chhing ve tang tang bawk.
''Tho rawh, a tlai tawh, I nu chhingi te inah alu insem tur in ka kal dawn a chawhmeh saw lo va vil rawh'' min sawi nawk chung a atih chuan ka meng ve ta nge nge a, ''Vannunpuia khan min rawn sih leh chuan ka beng tawh ang, ana thei si'' ka ti nghal hlar a, ''hlir hler che hian tho rawh'' ka rizai sinlai thlep in a chhuak zui nghal a, keipawh chu in phih fai thuak in ka chhuak ve ta vat a kanu chu hmuh tur alo awm tawh lo, common room ah Vannunpuian tom and jerry ring zetin alo en bawk a, hau chak viau mahila kitchen lam ah lut in chawhmeh ka chhuang so a, ka zawh rualin kawt zawl ah ni lum ai tur in ka chhuak a, skipping rope hmangin Sawmtei a lo zuang thauh thauh a, a peih ve khawp mai.
''Vawi engzah nge I zuan tawh?'' a sir deuh hlek a ding in ka zawt a ka kawng dawm in ka ding vang bawk, ''200'' tiin a tawp ve mai a, ''kha ti ve rawh'' ti a min pek a tum chuan lo ner nang in, ''ka peih teuh lo mai, Apa hi atho tawh em?'' Tia ka zawh leh chuan, ''tho daih tawh, Apa-thaa alo kal a an chhuak, I mu rei thei ropui si'' uar zet hian a ti a, ''ka mumang kha a nuam em a lawm'' tiin ka nghaihtuah let vang vang a, hriat lem phei chu ka neilo a nuam ka ti a chu zawng chu.
''Enge I hmuh, kei chu a hlauhawm rapthlak, ramhnuai ah ka tlan chhia a'' a tih siam siam hnu ah, ''nichin khan Othai alo kal a chhun ah lo leng rawh a ti che'' a tih chhunzawm leh nghal chuan ka en vat a, ''alo haw law?'' Kati ha a, ''Othai ka tih chu dawr bul ami zawk kha'' a tih leh chuan ka ner ta nang a, ka thiannu emaw tih nak laiin.
Ka hming chu Lalrinawmi, Laltei ani a, kanu leh pate fa zing a upa ber dawt tu niin kum 18 ka pum ve tep tawh, nau pa2 lai ka nei bawk a Sawmtei leh Nunpuia te an ni a, Nunpuia hi kum6 niin Sawmtei hi kum16 an ni ve tawh a, ka û chiah hi Lalrinkima ni ve bawkin kei aiin kum 3 in a upa ve a kan in ai chuan kapi te in lam ah a awm nasa zawk achhan pawh an duat hlarh hlarh vang ani.
Kanu lo haw hnu lawk ah kapa alo haw ve a, chaw kan eilai te chuan lehkha zir tha tur in min fuih luam a ka ngaithla em phei chu ka hrelo, school tan hma hma a in hrilh chu a ninawm dan a chiang em a sin.
''Bawiha pawh lo phei tawh se atha Api te a ti buai tam'' kapa in a tih laiin, "te-i chhun ah va kal la a thawmhnaw vel I va lakpui dawn nia'' kanu in a tih chhunzawm zat a, ''ka hman lo asin'' ti mahila a hre lo der nghal hmak a, ''a mah te pawn alo haw thei reng sia'' ka ti leh hram chu min melh ralhin, ''I kal dawn tho'' min ti a, midang ho chu nui dar dar mahse ka phur phah chuang lo, ''kal vat la in lo haw vat dawn nia'' kapa in a tih chuan, ''ka awm ve daih dawn'' tiin ka thleng ka chawi a, ''Api te in atang phei chuan school a hnai a Aû alo haw chhoh dawn chuan ka awm thla ve mai ang, chulo ah ka thiante an tam zawk hrim hrim'' kut sil mawlh mawlh pah chuan ti ve luam mahila an phal lo aniang chu chan tin ah pawh min tin ta lo.
Kapi te inah kal hma tiin ka inti fai hmasa a dar 12 pel thui viau mahse ka hmanhmawh lem lo a kanu inah a awm ve kur sia min tur ngar ngat tawh zawk.
Ka phone rawn ri chu la kangin speaker ah ka dah a ka thiani alo ni, ''Naktuk ah ka lo haw dawn'' Thain a rawn tih lauh chuan ka lo phur ve nghalh surh ringawt, kar hmasa khan an chhung in champhai lam ah an zin chho a chutih chhung zawng chuan kan inbe lo atih theih ang a chhan pawh an kal hma deuh hlek khan kan in hau ve khanglang a inbe hmasa zawk nih chu kan duh lo ve ve a mahse hei min be hmasa a lawm, ''I induh ngar ngar hle mai, nizan ah Duhtein min lo call a'' a tih chuan, ''I induh fe zawk, enge a rawn sawi a?, a ninawm ve ngawt mai'' ka ti nghal nang a, Duhtei pawh hi kan thiannu tho ani, ''aw..min lo hrilh'' a ti mai a, a sawi awmzia pawh ka hre nghal mai,
Nimin piah khan a bialpa Zorammuana nen an in then a anla inngaihzawn reiloh ngaihtuah in ala na phian aniang chu a biak pawh theih loh hmak a ngaihtuah viau mahila kan buai ve ang reng sia kan buaipui hman lo, chutia nizan a anlo in biak chuan a la na vak tawh lo tur ah ngai hmak ang.
''A mak ve ania aw...biak kan tum pawh khan a tlang thei lo a, min block vek a lawm ka ngei teh ania'' uar zet a tiin ka sam ka khuih hliau hliau a kapi te inlam ah pawh chuan ka kal peih lo kher mai.
''Naaa alo khawp aniang'' a tih zawih sap rualin, ''maw!'' Ka ti nghal vak a, ''tu nen nge? ava mak ve, awi a chak lo ang Zorammuana chu'' min chhan hma chuan ka ti leh nghal vak a ka ngei reuh khawp, ''a sawi zuai zuai a, zawh pawh ka zawt chiang hman chuang lo aninawm e mai ka ngaihtuah peih hrilh lo'' a tih nghat nghat chuan, ''aw....a nih chu ka hman tawh lo a nih phawt'' ti zung zungin ka off nghal a muang chang tawh loin ka chhuak nghal, ka duh aiin ka tlai a lawm le.
Mahni a kal pah chuan ka phone ka hmet leh zeuh zel a Duhtein min unblock tih ka hmuh chuan ka nui sawng a, va biak chu duh viau mahila sawi tur ka hre tlat lo. Zorammuana chuan ka thiannu alo khawp kher chu ka ngei rualin ka nuih aza tlat a midang chu khawp se ka engah a thawh vak pawh ka ringlo mahse ka thiannu kha a ni ve miau a ka khawngaih rualin ka nuih aza a, lawm lohin ka then ka then mai a sual chu ka inti ve reng.
Kapi te in ka luh dawn rualin, ''kap ta che, kap ta che, Zawma'' ti ri ka hre nghal zat a kaû pui chu chair ah thuin games alo khel a, ahma dawhkan ah chawhmeh a awm hnur bawk.
A phone hmet mawlh mawlh pah chuan a phun leh bul bul zel a ka lut tih pawh a hre lo tawp a nih hmel, muangchang a pan hnai in, a hnung lam a ka din tak ah chuan pubg a khel tih ka hmu nghal zat. He games lah hi a awmzia pawh ka hre ve thak lo. A rin loh lai tak a a phone ka laksak pawp chuan a ding zawk a, ''a va mak e, tebawih'' a tih hluk rual a min hmuh chuan nui sakin min laksak leh nghal a, engtin nge keimah ka ni tih te a hriat zawk ni, ''lo thu la chawhmeh hi lo thian teh'' tiin a hma a chawhmeh chu a kawk zeuh a, sawi tur pawh minti hrelo.
A hma ah chiah thuin maian awm hnur chu ka en a ka peih lo ang reng, maian ka hih apiang hian ka kutzungpui hi ana tlat zel lehnghal a, ka ngaihbel pawh ani chuang lo kuttin alo sei vak loh phei chuan ka peih thai lo, ka hik chhe nasa thei bawk si.
''Ti zung zung rawh, a tlai chak'' phone hmet mawlh mawlh a alo tih te chuan ner nangin ka en a min en lo in a phone ngawt chu a bih a, ''Nitei alo haw hman ang, vat rawh'' min tih leh hluk chuan, ''I ninawm'' ti hlak in ti zui ve zung zung mahila Anitei alo haw pawh chuan kalo la zo lo nen min rawh tih pui pahin an hnen a awm turin min sawm mawlh mawlh a kaû lah chuan ka awm theih loh dan tur ngawt alo sawi ve zat zat zel bawk a kei tak phei chuan ka chhang hman lo ang tluk ani.
Kan tum ai rei kan awm leh ta bawk nen kanu in kaû alo phone hnuin kan haw ve leh ta chauh a chaw ei chhung chuan kan unau3 in min zilh leh mawlh mawlh a, zing tho hma turin kanu ber lah chuan min ti bik sek a, ka hrelo der hmak mai sin.
''Inha lum deuh la leng ang'' ka remote ken min laksak in a hmet sawn zung zung a ka tho rang khawp mai. "Kal nghal ang, khawi ah nge kan kal dawn?'' Jumper in thawlh pahin a sir ah ka ding a a phone hmet mawlh mawlh in, ''inah lo awm leh zawk mai rawh, ka hman leh lo'' tiin kawngkhar lam a pan nul nul a, ''a mak e..Lalrinkim'' ti vakin ka tlan phei a, a mawng phe pawh ka hmu hman lo hrim hrim.
''A mak e'' ti vakin sofa ah ka thu thla leh hnak a, ''khawi ah maw I û chu a kal dawm?'' Kanu in alo tih pawh chuan, ''hre nang'' ti bul hmuk in ka tum bur a, ''I hmui kha, I hmui kha'' a rawn ti kher lehnghal a.
Dar7 phelh deuh hret ah ka thiante an rawn lut suau a, ''enge inlo tih dawn'' mood fuh loh sa nen ka lo ti hmuk a, ''tho rawh leng ang u'' an tih pawh chuan, ''ka peihlo'' ka lo ti hlar a min ner khum nawng in, ''Duhtei te inah va kal ang u'' an tih tak ah chuan ka tho ta vat a ka phur nghal surh bawk.
Duhtei te in lam pan chuan kan thian 4 in kan kal tham tham a, kei, Mawii, Feli leh Jenny te kan ni a chuan Duhtei leh Thai te nen kan vaiin pa6 kan nia, kan in kawm khawm ve suau suau thin ani.
Inchhung kan luh rualin kan hmu nghal zat a, a mahin tv alo en a rizai leh lukhan nen alo ni deuh nuk a, ''hehe'' ka han tih heu chuan rum deuh a min melhin, ''I hmelchhia'' ti vakin a hawi sawm hmak a, ''ti nge min block vek kher a'' Jenny in a rawn tih tak ah chuan, ''min nuih vel a nga ka pheih hleinem mawle'' a ti vin hlar a, in melh ralh ralhin kan nui ta uarh uarh a, ''in ninawm ve e'' ti nui nui in a nui ve vak a. A rilru nat vang a lo reh hmak pawh alo nilo kan nuih dawn tih alo hriat sa vang vek alo nih hi.
''Khaw nge I chhung te?'' Rei tawk fang kan tawng nak nak hnu ah Felin a rawn ti a, ''an leng'' tiin min en zeuh a, ''enge'' ka lo tih vat chuan, ''vawin khan I star ka hmu'' mit kan ak in ati a, ''aho'' ka lo tih vat chuan a nui vak a, ''ho I tih loh em kha'' Jenny-in alo ti ve bawk a ka nui nasa sual sauh.
An sawi, ka starpa chu Remmuanpuia niin kan veng thenawm lawk ah hian an awm a, ka zep lo ka hmuh hnasak ber tum nikum senior inkhawmpui atang khan chhelo ka ti nghal zat a mahse, nitin hmu ta lo na nana chu ka vei loh dan tur chu min hriatthiam pui mai chu ka ring.
Tun ah pawh hian sawi zui vak mahse ka eng ah teh vak a thawk pha chiah lo chu ani.
''A lu a tung ve e'' Mawiin a rawn tih chuan ka ner vak a, ''a duh tho a lawm'' min rawn melh ralh a jenny'n a rawn tih chuan ka lo nui ve seih ringawt.
''Kei chu ka duh chi ani chuang lo re re'' a rawn tih leh talh a, ''I duh lo a nimai a lawm mawle'' aw ki sang vah in Duhtein a rawn ti a, ''a hrim hrim in midang star te chhiat na lai hi lo sawi zuah zuan zel suh a ninawm'' a tih leh nghat chuan nui thu in kan in en kual hlawm a, kan hmui kan pet far hlawm a nui chhuah loh kan tum vek anih hmel.
''Ka haw dawn a tlai tawh emai'' khuh deuh kharh a Feli'n a rawn tih tak ah chuan ka ding ve vat a dar 10 a lo ri dawn tawh.
''Riak ve mai ula'' kan din sap sap takah chuan Duhtei'n a ti hliai a, ''I broke si..I tap palh ang, kan tlem peih lo che'' nui vak vak atiin kan chhuak hlawm a, Tha-i lo haw hun a lenkualna tur sawi zui chiamin in(house) lam kan pan a, mihring hmuh tur pawh an awm vak tawhlo a, in(house) tam zawk phei chu an mu tawh tih hriat takin a thim thiap tawh bawk.
in duh chi ani dawn em tih lo sawi ula, duh loh chuan chhunzawm ka tum lem lo aw..Like leh comment kha ngei ngei in...
Min chhiarsak avangin ka lawm em* bawk e...