#Raymond Zorempuia # C Vanlalnunpuii
#25 #23
#Romance Comedy #Fiction
Mi zawng zawng chhiar theih turin 1+ ani e
#Pastor fanu
Ka pa an postna khawlam panin kan tlân zel a , nî chuan tlâk lam ahnaih tawh viau .Thim hma ngeia ka pa'n thlen hman a duh vangin khaw awmdan chu mawi viau mahse ,thlala tura dinkawi dil chi pawh anilo .Ka dár nghengin ka nau Dindini chu a muthlu lawp lawp a , ka nu malchungah kan pang ber Hmingmuana a zal der bawk .
Kan insawn kual thang tawh bawk a tu amah chu phun nawi pawh kan nei tawhlo .Ka pa hnathawh in zirlo bawk nen vawin thleng hian awmna hmun nghet ka pian ahnu lamah kan la neilo .Achangleh khawpui ah kan awm a , a chângin ramri hnaih tawk ah te kan awm leh thin bawk a , ka pa hian pension lam ahnaih ve deuh tawh a , tun tum hi a service zawh chuan a pension ve tawh ang . "In leh lo dinna tur ka mit tlung khua ka la hmu lo " khaw tam tak kan awm kual tawh chungin ati mauh mai a , Aizawl lama inben bel te hi a tum anih ka ring rum rum mai .
Khua kan lut tan a , kan thleng tawh dawn maw tih hnu ah kan tlan pêl leh daih zel lawi a ! Ka rilru te te chuan kan thleng har ka ti tawh ngang mai .Ka ngûm leh ka dar abikin ana ngut ngut tawh .
"Aw khaih" ka pa'n a rawn tih hluai rual chuan kan bu lawp a , Hmingpuia a rawn tap nghal bai bai mai .
"Kan va su teuh ve " ka nu in a rawn ti ve nghal .
Bike chak taka rawn tlân nen kan insu hman teuh lutuk .
"Intha hlawm maw ?" Ka pa'n min enkual dan danin a ti a , kanlo bu tliar tliar .
"In na lo maw ? Kha anva rawn bei den ve mawle !" Kan bungraw phurtu te an rawn lang ve nghal zat .
"Kan tha tlâng e ,zunlam thiar duh te in awm em ? Sawmi kawi khat saw kan pelh chuan khua kan lut chu anu nghal mai " ka pa'n a tih chuan thlen thuai thuai kan duh tlâng aniang tumah han inthiar duh kan awmlo .
Kan tlân zui leh mai a , ka pa sawi ang tak takin kawikhat kan pel a khua kan lut tawh tak tak . Kawnglaih vel vang nge a ro hmel rep rup khawp a , thingtlang khua deuh tura kan lo ngaih kha in leh lo an nei tha hlawm viau mai !
Concrete in a ding fer fur nghal , tlem tlân leh deuhin kawngkawi ah kan tlân chho a , biakin lo lang va va in kan tlân pelh hnu lawka Pastor Quater chu kan thleng chawpchilh nghal .Kawtah chuan mi anlo awm nak nak a , "an rawn thleng e " ti ten an au nghal lawng lawng .
Motor atang kan chhuk sap sap a , kan bungraw phur tu mini truck pahnih kan hnungah bawr lawih in a rawn ding ve nghal zat bawk .
"Rin aiin inrawn thleng har a , in rawn tluang maw ?" Ka pa chuan hmelhriat sa ang maiin a chhang nghal zung zung .Ka nau chiah Dindini nen erawh kanlo ding zum deuh zût thung a .
"Heihi kan nu Hmangaihzuali ania , heihi kan fa û ber Vanlalnunpuii , abula mi hi Laldinsangi kan milai chuan ani hi kan fa tê ber Hmingmuana anih hi " tiin ka pa'n min inhmelhriattir hlawm a , kohhran upa leh thenawm hnaivai an nih hmel .
KTP tlawmngai thenkhat inpunkhawm in kan bungrua te chu min thiarluh sak zung zung a , Quater chu kan awmna hmasa aiin a zîm hret nangin zîm chhia chu anilo .Room pahnih a awm a , sitting room leh choka awmhrang leh in room te takte a awm tel bawk a library tur vel anih hmel .A chhuat cement vek niin a bang chanve tile ani a , achung rângva nen .Mahse a awm hmasa te'n an cheihnûm nasa tih ahriat alang thar vûk mai ! A chhunglam a in lining nghal vek bawk .
"Zanriah chu kan inlam ah kanlo bawl kep tawh cheu a , zanin Pavalai inkhawm ani hlauh bawk nen hmanhmawh vut vut lo in inche thei deuh ang chu " Pa pakhat hian a rawn ti a , Upa Zuala inti kha niin ka hria .
A theih ang ang in kan bungrua kan inrem fel a , Dindini nen room te zawk kan intawm dawn a , ani hi chu Aizawl lamah hostel a awm ania karleh hian a chhuk leh nghal dawn tho a keima pual a ka room ani leh nghal mai .
Kan theih ang ang kan tihfel hnu chuan Upa Zuala te inlam ah kan phei a , an in pawh Quater atang ahla lo viau . Chhûnginkhawm te hmangin zanriah kan ei zawm nghal mai a , ka pa leh Upa Zuala te chu inkhawm turin an inzui chhuak leh nghal .
"Hmai Quater chu enge ang intih ? Kawt te saw a zau reuh a , Kawmthlang lam lah thlai chîn a rem dawn viau bawk a ,kan pastor chhuak ta te pawh khan nuam an ti viau in kan hria " Pi Duhi Upa Zuala nupui chuan kuhva thial suah suah pah hian a ti a,a tuihmel kalo ti viau .
"Kanla belchiang hmanlo a , anawm hmel viau mai . Chhungkua kan hlim hi chuan khawi hmun pawh hi anuam em em vek mai " ka nu'n nui sângin a chhang , a aw te chu a ti nêm ve lutuk ! A chau ve deuh emaw a zia ala thup zawk pawh ani maithei .
"Ni e chhungkua hi hlim ila anuam ber mai .In fate hian enge an zir hlawm ?"
"Kan upa ber hian M.A. a zo chiah a , anau chiah hi pawlsawm pahnih ani ve dawn bawk a ,kan te ber hi chu pawl khat ani ve dawn chauh ." Tiin ka nu'n a chhâng a , "an chhang a khât ve hlawm ani maw ?" Pi Duhi chuan a ti ta chiah .Kan unau hi kan chhâng akhat a , Hmingmuana ka nu'n apai lai phei hi chuan upat lama rai alo ni bawk nen an bed rest zing lutuk ringawt .Kohhran mipui te tawngtai puina zarah liau liau tluang takin anei thei kan ti mai , Hmingmuana lah hi ala hrisel em em zui a !
Kan haw hnu ah a tul tul kan khawih leh a , ka ban chuap tawh .Hah pawh a sawi theihloh ka nu a thû si , a duh dan thlap a bungraw rem angai nen .Buai nak laiin mi an rawn lût chhuak reng a , a then rei deuh an thu a athen kawngkhar atanga rawn dâkin an duhtawk bawk a .Ka nu'n inlengte thinpui pekloh a chhuahtir a duh silo , stove kan fit chawp nawk nawk a ka lum leh rih thin .Ka tah achhuak teuh zawk hial mai .
"Nunpui tui phur alo thleng , ka purse ami pawisa kha va la teh " fridge kawchhung ka rem mawlh mawlh lai chuan a rawn ti leh rih ! Ka buai tih hi ahmu ve reng lo emawni ?
"Engzah nge ?" An room atang ka au lâng lâng ,"zakua anih chu anawi a awm ang rawn la rawh " a rawn ti lêt lâng lâng a , zakua chu la in pawn lamah ka tlân chhuak a ka nu ka pek hnuah ka lut zui leh nghal .
"Û Hmingmuana'n i makeup a khawih "Dindini rawn au lang lang rual chuan kan room lamah ka tlân lut leh thuai .
"Uiiiiii Hmingmuanpuii" ka ti deuh thawt . A hmai senlo lai reng a awmlo !
"I tuai ami ? Enge ka makeup ilo khawih ve ziah a " ka ti vin hlar a , a men luai luai a ring mangkhengin a tap nghal rawih rawih! Ava hahthlak tak !
"Khawi taptawh suh le , mipa chuan tiang hi khawih loh tur ania .I len tawh em hi anu bulah va kal rawh " dam deuh zawk a tiin ka lipstick pherh nuaih chu ka en ngawih ngawih .Ka lei thar deuh chauh asin mawle ,ka va han ui ber mai tak em .
Chhuata alo tah rân ho chu ka hrufai nghal sawk sawk a , Laldinsangi paw'n ahmuh rual khan lo laksak ve mai awm ania ! Bathroom a thawm awm ka hriat chuan a inbual leh bîk tawh tih ka hrethiam nghal .Ava han phakar mai mai tak! Mi kan buai em em a .
"Nunpui inau hi lo va bual teh , zanin atan chuan duhtawk tawh mai ang u naktuk lamah kan chhunzawm dawn nia " ning zetin ka chhuak a , nula uaih tawh mah ni ila ka nau te hi kala thîk ve tlat zel . Engpawh ti se ka nu leh pa te hi chuan "naupang an nia " an ti mai zel a ,keive chu "puitling ini tawh " tih ani bik zel .Puitling chu ka ni nameuh mai a , mahse achâng hi chuan ahahthlak ve thin .
Kan chau tlâng bawk aniang kan muthnu ah harh leh kan awm pawh ka hrelo .Zîng dar riat dawnah kan unau phei chu kan tho ve chauh . Kan insawn vang chu nilo se ka nu a rawn au ring viau ang mawle .
"I nau a rawn tho ve nghal em ?" Choka ka luh rualin ka nu'n alo ti nghal a , bu nghauh nghauh in a thingpui thlitsa chu tuta tur nge tih zawt lo in ka in nghal hmiah .
" Thenawm te'n chawhmeh min rawn pe nual a , huanah khuan maian alo awmsa bawk nen zînglam bazar chûk chûk kan ngaihloh phah anih hi " chawhmel bel chawk ri rawk rawk chuan ati a , enge maw asiam leh tak ni? Kum lamah upa ve deuh tawh mahse thawkkhat lai phei kha chuan Youtube vela an thil siam ang hi siamthiam ve turah a in ngai tlat zel a , chawhmeh tuilo zet zet hmeh phah châng lah kan ngah . Kan chhungkua hi chu belhchian kan dawllo ru reuh asin aw .
Tûkthuan kan ei a , inlêng kan nei zui leh nak nak a , mi lo lût apiang nui sâng a lo biak angai thin bawk si ka biang te hi akham urh thei .
Chawhnu lam alo nih chuan kan inchhung pawh afel ve duak tawh . Kan awmna Quater chu ahmunhma alo nuam viau mai a , kawtvela pangpar dah hunah phei chuan alang nalh lehzual ngawt ang .Compound a zau nuamin lungrem in a inhung kual vek bawk a ,biakin kan la hnaih zui em em leh nghal ! Kan awmtawhna ho nena tehkhin chuan Compound nei nuam ber ala ni ngei ngei ang .
"Nunpui Dinsangi nen zuk bazar rawh u , thenawm nula in a rawn sawm dawn cheu kha . Insiam vak pawh angai lo in hak ang ang khan kal ula ,tomato leh purunvar rawn lei ngei ngei angai a , a dang chu in duh duh in rawn lei dawn nia." Tiin zanga tlang min pe a,ka peihlo ru khawp alum em a tin ni .
Thenawm ah nula an awm tihpawh kan hrelo hrim hrim ! Engtin nge alo hriat hman bîk ni ?
"Nû ka luak ala chhuak nghulh mai ka chhuak peih hrihlo ee "Dindin'n a tih chuan " lokal velo mai rawh se , kalpui tur an awm dawn tho chuan .Nimin lam motor a chuang sual deuh anih kha " kalo ti zui vat a , Dindini bîk hi chu Hmingmuana ai thlawt chuan ka duhsak a , duat pawh ka duat . Amah pawh hian min ngai viau bawk .Unau inngam ta na na na chu han inhnial bap bap châng kan nei ve fo a , mahse kan inngeih leh hma em em tho zel . A rawn nula ve chho tan a kei kalo tual lim em em lo bawk nen kan inkawm hnem viau bawk .
"Nu Hma Nunui ka rawn sawm " Nula pakhat hi kawngkhar atang a rawn dâk dêk dêk mai .
"Aw Kimkimi tiraw ? Lo lût rawh hei kalo sawi zo chiah che a .I nu rawn kalin i bazar tur thu a sawi khan Nunpuii hian zui ve che se kalo ti tawp a , akawm rualpui ilo awmhnai chu atihzia e " alo ti luam .
"Lawk aw " ti zukin room ah ka lut a , ka sam chu ala huh deuh vangin lum viau mahse ka thlah tawp a , ka inbual zo chiah nen han inthlak vak angai hranlo .Bakah khawpui anga han inchei chiam kha angailo a , lehlam kawngzawng tak chuan ahahdam thlak .
Room atang chhuakin "kal ang e " ka ti sep a , thian siam ka harsat hranlo a mahse ka sawi angkhan awmhmun kan sawn zin piahlamah zirna avangin kan awmbo nasa nen thian fumfe sawitur ka nei tamlo hle . Ka lehkha zirpui te pahnih Nautei leh Remi te an ni deuh mai .
"Kum engzah nge inih?" Gate kan pêl chiah chu a ti nghal .
"Ka kum 23 na kum , nang ?"
"22 na kum " a tih chuan ka nui sak a "min û kher suh ang che " ka ti nghal thawr .Ka duh aiin ka upa chak a , achâng phei chuan ka insawi naupang lui thin .
"Enge itih thin ? "
"M.A. ka zo chiah a , enge ka tihzawm ang kala hrelo nang ila zir mek nge ?"
"Aih 12 ka pass a ka duhtawk , kâwnah khuan puan ka thui ve thin .Lehkha zir lam hi chu ka chemkalna ani velo .Mahse ivan bawn ! Ila upa vak silo a M.A izo dêr tawh nia! " A ti deuh hluai a , ka nui mai thung . Mizo school ah ka lut tan a , nursery leh KG tihvel awm ve heklo , luhtirh atang class 1 kan ni nghal deuh tawp . Kan len hnu hian alo tha phian in ka hre zawk.
Bazar chu kâwn lai tak ah alo awm a , a lo lûn angreng viau bawk ."helam ah helam ah " kan thlengthla chu an lo au luah luah hlawm mai .
Kimkimi nen chuan kan inzui zel a , ka nu min chah ka lei zawh hnu ah chawhmeh ka hmuh ang ang kan ei tlänglawm ang chu ka lei ve tawp .
"Sangha lei ka ngai a , lei lawk ang" Kimkimi'n a tih vangin sa lam zawrhna deuh bikah chuan kan kal a ,inrinni tlai anih vang nge mi chu an tam viau .
"Nu Machhung sangha mam kg 1 aw"
"Kimkim mikhual in nei elaw ?" Kei min en pah zeuh chuan alo ti .
"Neilo e , kan Pastor thar fanu anih hi nimin khan an rawn thleng " tiin a chhang a "ehe animaw " a ti nghal hlut .
"Kha dîl sangha hi lo lawm nan cheu kalo khilai ang che , a hângtui ania inu leh pa te bulah "Nu Machhungi'n min pe a " iti dawn nia " a ti deuh duah a!
"Angailo " ti in ka hnar mawi ve ngial a min pe lui tho . "Ava lawmawm ve " ka ti ta ringawt .
Kimkimi'n man neiin alei a , keiin a free in ka dawng daih chu nuamlo ka ti ru khawp . Kan awmna hmasa lamah pawh mi duhsak kan hlawh viau zel .Mizo te hian Pastor te hi kan ngaisang in kan zah a , engkim ah keini thlengin duhsak kan hlawh a , ngaihsan kan hlawh tel bawk .
Mi zawng zawng aia fel leh tha turah min ngai an tam a , kan fel bik loh zia hretu te chu mi tlemte an ni thung . Kan nun kan uluk angai a , kan thawmhnaw inbel thleng hian mi hian an chîk bik . Thawmhnaw chhing emaw kekawr bul ha in chhuak ve ngawt ila 'Pastor fanu ve si ' tih kan hlawh nghal ringawt zel a , hahthlak tih châng ka ngah mai .
"kuhva thlum i ei ve ngai em ?" Ti dekin hian Kimkimi'n a ti a , ka ei ngailoh a ring deuh aniang . "Ngai e " ka tih var chuan nui sângin "khilai dawr ah khian lei lawk ila , asiam tui lutuk " ati nghal hlut a , ka aw chiang asin .
Ka thil khai a rih tham em vang chuan kan dinna bula bullet lo inhûng ah sangha chu abalh loh nan ka bât a , chawhmeh ho chu lungrem sân chungah ka dah tawp bawk..Hmuhphâk reng ani tho a abo hman dawn chuanglo . Bazar bag kalo ak ve mai mai lo chu inchhir tak ka ni , ka lei hnem si ka ban ana vek thei .
"Nu Chhan kuhva thlum pahnih a , zarda pawlh la "
Asiam awlsam khawp a , alian tha viau bawk .Kan hmawm nghal hmak a , kachhung akhat vek thei .
Pawisa pe a kan hawi thlak na chuan "EHNE..." Ka ti deuh vak .
"Engheee " Kimkimi'n a rawn tu ve thuai bawk . Kuhva kan hmuam khat vek a , kan tawng tha hleitheilo . Ka la thialsawm hmanlo nen ka kutah ka chhakchhuak a "ka sangha.." ka ti zui vak
"Eng sangha..ehe khawnge bike kha ?" A ti ve nghal hluai . Nu Chhani chu kuhva pack na sarang pahnih a dil nghal vat a , kan ta ve ve kan thun hnu ah kan indahna lam kan pan nghal zat .
"UIII adang ala awm vek sia ka sangha kha Bullet ah khan ka khai a abo daih !" Ka ti deuh hu . Bike chawpin alo awm tawhlo ! A bike neitu in akhalhsawn anih pawn Sangha kha ahmu awm tho sia !
"Nu Thang tilai bike ding kha khawnge a awm daih a ?" Kan bul lawka bazar nu thu chu Kimkimin a zawt a "Aw Pu Liansailoa ta anih kha , ahaw tawh " alo ti fel thân mai ! Patling meuhin ka sangha a rû maw ?
"An in awmna ka hria karawh kal ang " kan thil lei ho chu kan khai khawm sawk sawk a , bike neitu te inlam pan chuan kan kal nghal sawk sawk .Kan awmna lam kawiah kalin kawngpeng dang alo awm leh a chulam ah chuan kan kal zel .
In liantha angreng tak kawtah hian kan ding a ,kawtah chuan nichina bike pawh kha alo ding ve bawk .Mahse ka Sangha erawh hmuhtur a awm chuang miahlo !
Kimkimi chuan zahtheihloh chhuahin kawngkhar akik karh karh a , "lo lût rawh " an tih rualin kan lut zui nghal .
"Nang ini maw Kimkim lo lêng ru " Nu hmeltha deuh mai hian alo ti var a , " Nu Baby kanlo kal chhan chu maw Sangha ania " Ava zeilo tak !
"Sangha a !" Mak tih hmel zetin Nu Baby a tih chuan a ti ta reng .
"Aw Sangha ania , hei ka thiannu Sangha hi " sawi tlang pawp mai tur ania .
"A sawitum chu ka Sangha abo a , bike ah sawn ...ka sawi awmzia chu in bike ah sawn ka Sangha a awm a .." ka va nikhualo tak . Engtia han sawi chi nge le ? Rû a puh chi ngawt an ni in ka hre silo .
"Kimkim enge ni ? Thil i zuar leh tawh nge "
"Imak e Pu Liana chu thil ka zuar reng biklo , hei ka thiannu Sangha abo a kan rawn zawng anih hi " Bike neitu ngei tur pa bulah chuan a ti deuh hlar . An inhretha viau aniang an inngam emai .
"Pingi tu Sangha maw bo a ?" Inchung chhohna step atang mipa keimahni ang rual tur hi a rawn chhuk thla chhur chhur mai , amu tho chiah aniang a hâm bai bai zui !
"Tikhan min ko ziah suh , Pu Lian ka thiannu Sangha hi i bike ah kan dah lawk hlânin a bo daih a " Kimkimi chuan tha te te in a ti leh a
"Kan in hi dîl emaw inti mi ? Nge hetah in rawn zawn ?" Khapa bawk kha ani , ava ngeiawm tak .
"Ipa bike ah kan dah kha abo daih lawm ilo hawn palh takin kan tia " tiin Pu Liana chu abe zawm leh zat . Kei kalo ding ngawi reng thung .
"Aaa angaihna ka va hrelo ve nu i Sangha ka rawn hawn em ?" Tiin Pu Liana chuan an nu chu a zawt zui daih . "Hawn te chu hawn e ,ilei ani nange ibike ah ka hmu sia i hawn emaw ka ti mai ain ?" Alo ti let heu mai !
"Lei nang , hmanhmawhin ka haw a kan nu hian ka thil hawn ho a chhuah a kei inchhung ka lut tlang nghal daih kha ania .Kalo hawn palh anih dawn chu a ! Nu i rawn la la " a tih chuan "ka chhûm mek asin " Nu Baby chuan alo ti halh .
"Ava zialo em aw " lu tuai neuh neuh in Pu Liana chuan a ti ro halh a , atih ngaihna vak pawh ka hre tawh bik dêr lo .
"Ih...apawilo lo ei mai ru " ka ti zawi sep ringawt . Mi min pek anih vang erawh in anuamlo rilru duh viau , ka chhungte bulah sawi ila an hrethiam tho ang chu .
"Kanlo siam vek tawh sia , aman kan pe mai ang cheu aw kanlo khul chhawng mai ang " Nu Baby chuan a ti ta tawp a , mahse "mi min pek ve tho ania , lei kher angailo kan lo dah fimkhur lo deuh a kan thiamloh zawk anih kha " ka ti thuai .
"Ava buaithlak lehzel ve aw , duhsak a mithilpek cheu ani dawn sia " a ti ta nang nang a , "apawilo tui deuhin tikhan lo ei mai ru " ka ti ta tawp .Ka zak bawk si nen Kimkimi chu ka pawt nawk nawk a , ani lah pek chu an tlangval nen an in melh rum khawp.
"Kim kal ang " ti tih chuan "mami tu fa nge inih ka va hmu ngailo che ve ?" an pa ber chuan a rawn ti khauh a , ka chhuak vat vat duh sin le .
"Kanlo awm thar chiah a "ka ti tha ve mai tho . "Kan pastor thar fanu anih hi " Kimkimi chuan alo ti ve vat .
"Anih chu a , chu duhsak a an pek cheu ani bawk si Nu i a zahthlak emai abel pawn chawi haw tir mai teh .Min duhsak a an pêk ania , keini lo ei ve chi ngawt ani nang " ati ta hem mai ! Khawlai a bel chawikual te chu ka duhlo reng reng .
"Angailo tak tak ania .."ka ti ve nangin "akhai duhsak a an pek cheu kan lo ei daih te'n malsawm pawh amalsawm lo ang " ati tlat bawk si , ka tah achhuak ru tawh reuh lutuk . Ka kalpui nu lah hi a kimki deuh zuih bawk sia ! Engemaw ni a hriat ni ?
"Lo nghak lawk ru " tiin Nu Baby chu choka lamah a lût zui a , dawmchhan nen bel chawiin a rawn chhuak zui leh nghal ."Hei ahmin tawh tho alawm , kanlo chhumsak ve cheu ani mai lawm tiraw tihian chawi haw ula bêl hi chu inrawn dah leh mai dawn nia aw " hnial hman nimiah lo chuan min hlân zui a , ava zahthlak tak .
An tlangval lo nuithaw chu ka melh duhlo lui tawp , a chhe zawk zawk bawk silo ka lerh vâng nimiah loin mipa keimahni ang rual hmuh ah tuna ka awmdan hi azahthlak ka ti .
Bêl chawi vâ chuan ka haw a ,mi'n min en duh hlawm viau .Kimkimi'n ka thil lei a ak khawm vek bawk si rit a tih hmel ngang mai .
"Awi U Raymond a ka ngei zia hi chu aw " kan kal hlat deuh hnu chuan a rawn ti deuh hluai ! An tlangval kha Raymonda chu ani ngei ang .
"Enge a i melh vung vung bawk si ?"
"Ka ngei ania , aaa ka hua ani tawp mai . Class 12 ka nih lai in ka star thei lutuk a , love letter ka thawn ve ngei a ka duh thei asin aw .Ka thiante letter a rawn thawn let a , ka lawm hman nen ka letter thawn tho kha rawn thawn let in mark alo pe nih chu! Phûr tawkin ka thiante nen kan hawng ve bawk si , mi zawng zawng deuh thaw in min nuih phah . Khata tang khan ka haw hluah hluah 'Pingi' min ti tlat zel a ,mi pawn 'Pingi' min tih nasat phah " a thinrim ngang aniang ahmai sawi bawih bawih khawpin asawi !
"Ehe ! Enge awmzia bêl te i rawn chawi luh a ?" Inchhung kan luh rualin ka nu'n alo ti hlut .
"Â...ka sawi peih hrihlo ka hah lutuk " tiun dawhkan ah ka nghat chawrh a " Vanlalnunpui dawhkan kha akeh nga sin " a rawn ti vin thah , ka ban kham zia min ngaihtuah pui lo reng reng .
Chhâng let lo in tuivawt ka innghal khawlh khawlh a , Kimkimi'n ka chawhmeh abag atanga phawrh pahin chanchin alo sawi thung .Atawpah ka nu chuan "in thiamloh anih chu ngahnge chutia in kalsan tawp ni " ati a , ka thiamloh ah a chhuah zo leh vek ! Ka rin dan chiah min tan ngailo reng reng .
"Ka chho phawt mai ang ,rawngbawl chawp ka la ngai sia . Naktuk ah inkhawm turin ka rawn sawm ang che aw Nunu " Kimkimi chuan a ti zui a , kawngkhar thleng ka thlah .
"Kha bêl hi zu pe leh nghal rawh ,zân inkhawm kan ngai chet zung zung angai "
"Naaaa nu ka zak " ka ti ddeuh vak , Kimkimi ahaw daih tawh bawk si mahni a zu pêk te chu a !
"Mi bike a ithil lei khai pawh i zahloh chuan zu pe mai mai rawh " a ti leh tlat .
"Nula ka nih ve hi , khawlai a bêl chawikual rual ka ni tawh lo " ka ti tlat , azahthlak mi'n min en duh thei si .
" I rawn chawi haw tawh hi mawle , hei a zahve hi ka suak bang a zu suah ve nghal law law rawh azialo emai " a tih tlat vang chuan bêl chawi bawk chuan ka chhuak leh . Ni atla tawh a , khua erawh ala êng tha viau thung .Nula pui tawh bêl ka chawikual vak vak chu nia ! He khua nen hian kan inmil dawnlo tawp mai .
"Luite Lalnu Sangha te eizo tu " aw lo chhuahna lam chu ka hawi vut , Pu Liana te ina mi bawk kha ! Bike chungah thu vângin minlo nuih ! An kawt ka la thlenglo deuh nen a chhuak dawn a ang .
"Min bia em ?"
"Midang bia in min hria em ?" Hawi kualin a ti kher ! Luthing nakin gate ah chuan ka lût zui a , "Luite Lalnu kan sangha khawina i rawn dah let dawn ami ?" A rawn ti lâng lâng , ava han ngeiawm mai mai tak e aw !!! Mahse abike kha ! Nimin a kan sut tep ..nilo min rawn su tep tu kha a ang lutuk !
#Angaihnawm intih zawng ani em ka hrelo , comment lamah inlo sawi liam liam dawn nia . Zeploh chuan keimah hi uangpeihlo chi , fiamthu ngaina tak ka ni lo a , comedian search ah te hian nuihna tur ka hre mang ngailo..Chutiang khawp chu ka nia beisei sân chi vak chu ani dawnlo aw
Ngaihnawm lo deuh mahse minlo chhiarsak hram hram dawn tho nia .