THE HEIRESS Chapter - 9

[Bethseby Nu Pachuau]

The Heiress




Chapter - 9





"A nih tunge changtupa tur...?"





"Keimah lo tunge ni chuang ang"Nick chu mahni inchhuang deuh hian a lo ding nghal hluai a.Hepa han zah theih loh dan em em hi chu'h!





"Awle a tha e...In zavaiin rehearsals hall lamah in kal nghal dawn nia..."





"Changtunu i ni tur hi chu I vannei ngawt mai!In kiss lai scene te kha a awm dawn sia...I nghakhlel viau tawh lo maw,Honey?"Dressing room a kan thut dun lai in Nick chuan a rawn ti chhuak ham ham a.





"Eng thil mah nghahleh ka nei bawk lo e"ka lo ti let ve hluk a.





"Ti daih ila...Tinge nimin kha engmah min hrilh hmasa lo in damdawi in atang khan i haw daih?"





"I buaina chauh kha ngaihtuah rawh"a rawn ti bul nghal hmuk a.





"Enge kha tia I rawn thinrim nghal ngawt...Ka kal dawn" lungawi lo deuh chuan ka kalsan nghal hmak a.





"Hi,nang hi Royal garden a housekeeper thar kha I ni tiraw?Master John damloh thu kan lo hria a,hei hi khawngaihin min lo pek sak thei angem?"Pawn ka chhuah rual in hmeichhe sam dum hian inthlahrun hmel deuh hian a lo ti sap a.





"Kha nu kha inbum tir reng reng suh...Master John a bialnu a nih kha!Engtin nge I thil pek tur ani kha I pek theih zawk?" hmeichhe pakhat hian a rawn ti pawr nghal hlur a.





"Oh,John in a hnar nu kha a ni maw..." Ka lo ti ru sep a.





"Maria eng thil atthlak nge maw I sawi le?" kan sam dum i chuan awih loh hmel deuh hian a lo ti ve thuai a.





"Thu dik alawm ka sawi...Master John ngeiin min hrilh" Maria tia a koh nu chuan a hma ai a pawr hian a rawn ti leh a.





"Nangnu hi min tanpui tur ang deuh te khan in awm kual vel a,I va zakthei lo ve!Nang hian Master John hi I phu hlawl lo" sam dum I chuan a rawn ti ve nghal bawrh bawrh a.





" Tun chiah hi ka hrilh nawn leh ang che...Master John hi then nghal ang che,anih loh chuan I chak lo viau ang" Maria chuan thinrim zet hian a rawn ti leh hram a.





Ka mood fuh vak lo nen,ka thin ter tek an kai tho ta zak mai!"Hey,mi mimawl pahnih ngun tak khan lo ngai thla rawh u...Master John nen kan inngaihzawn leh zawn loh chungchang ah hian in rawn sawi ve theih pakhat mah a awm lo...Chuan John nen a kan inkar ah hian buaina innei anih chuan ngati nge a mah in zawh mai loh!Chuan a tawp ber ah min rawn ti buai leh anih ngat chuan ka pawt darh vek tawh ang che u" ka ti vin thawt a.





"Hmeichhe rapthlak tak a ni...Lokal rawh kalsan daih ang,a la hre ve khawp ang" min hlauh hmel deuh chuan an kal sawn nghal thuai a.





"John nen chuan in inngaizawng tak tak em?" Nick aw ka hriat rual chuan lungawi lo deuh hian" I rawn buai ve na tur a awm lo," ka ti let ve hmak a.





Kal mai ka tum chu ka hma ah tak chuan rawn ding nghalin "John nen chuan in inngaizawng tak tak em ka tih chu?" a hma aia aw ki vin chuan a rawn ti leh hluk a.





"Nick O" Connel dik lohna enge I neih?"





"John nen chuan inthen nghal ang che u"





"Ka mimal nun a rawn in rawlh tur hian tunge I nih?" Ka ti vin ve ta thawt a.





"F*ck" Thinrim zet hian bang ah chuan min nem bet in min rawn fawp nghal ta bawrh bawrh a.





"Tenawm pa,min thlah nghal vat rawh" ka kut pahnih a man beh tlat avang chuan thinrim zet hian ka vin tuar a.





"Ka unaupa hi kalsan rawh" ngeiawm zet a nui suk pah hian a kekawr ip zen chung chuan a kal ta daih a.





Eng vanga Nick hian a unaupa hi kalsan tur a min ti nge maw a nih le?Eng pawh chu nise,he misual pa hi ka haw tak zet!Tenawm lutuk!





Rehearsals hall lam a ka kir leh hnu chuan "Lucy,khawnge I awm daih?Kan lo nghak reng tawh che alawm!" anlo ti nghal sap sap a.






"Ka tihpalh lutuk...Vawiin chu ka nuamsam vak lo a,naktuk atang ka lo zawm ve mai ang"





"Enge a chungah thleng le?A van hlim loh hmel em em" an tih ruk sap sap te chu bengkhawn duh lo in inlam ah chuan ka haw ta daih a.





"Lucy I lo haw tawh law?" Eagan min biak na pawh chu chhang peih lo chuan ka kal tlang ta daih a.





Thui pawh ka kal hma chuan "Lucy" a rawn au that a.





"Aw Master Eagan,mamawh I nei em ni?"ka ti ta vat a.





"I tha em?Tu emaw min hrilh dan chuan chaw hnu lam atang khan I bo daih a ni awm a...Nick an a fiam leh tawh che em ni?" nuihzat hmel deuh hian min lo en a.





"Kha mi hring kha rawn sawi chhuak hlek suh" ka lo ti vin hlar a.





Eagan chuan thu tak deuh zawk hian "Lucy,Nick nihna dik tak hi I la hre lo ani,a pawn lam lan dan ang ngawt hi a ni bik lo asin" a lo ti chhuak sup a.





"Enge I sawi awmzia?"a ngaihna hre lo deuh chuan ka lo ti hu a.





"Mi zawng zawng hmuh dan chuan Nick hi mipa ler leh hmeichhe mi deuh ni mahse a chhung lam ah erawh tiang chu ani bik lo asin!Tu hmeichhia pawh hi ni thum aia rei a bulah hian an awm thei ngai lo!Eng pawh chu nise ka sawi tum tak zawk chu...I rawn lan hma kha chuan tumah angaina ngai lo nangmah ang hian..."





"Chutiang mipa anih si loh chuan thawmhnaw bal a fai a kan thlak zung zung thin ang hian eng vanga ngaihzawng thlak zung zung thin nge a nih?" Awih loh hmel deuh chuan ka lo ti leh hluai a.





"Nick hi a tet te atang a ko ah phurrit lian tak nghah a nih vang hian khauh leh thunun na nasa tak hnuai a enkawl sei len chhoh a nia...I hrethiam ve lo ang....A nih loh pawn enge maw chhan tha tak te hi a nei anih mahna!"





"Eng pawh chu nise min ti duhdah bik reng mai!" Lungawi lo deuh chuan ka ti leh sap a.





"Hmeichhe a lutuk,mi zawng zawng hi a tih duhdah I ring em ni?A tan mi special tak I ni tihna a ni mai" a thusawi awmzia hrethiam lo deuh a ka en reng lai chuan "I hrethiam ve leh chuang lo ang,thu ruk ania" ti sup in a nui nghal huah huah a.





Zing karah chuan ka tukverh bul a thawm ri bengchheng zet chuan ti harh ta nge nge a.Tukverh parda chu hlim in pawn lam kan en nak chuan kan college hmeichhe thenkhat te chu "Lucy he Royal college atang hian chhuak rawh se...A ni hian Master Nick te unau hi ngaizawngin a bum kual vel a ni" Nimin a Nick an min fawp lai thlalak chu keng in ring zet hian anlo au rual dual dual a.





"Engtin nge tiang thil hi a thlen theih?Tu thil tih nge ni leh ta!" ti sep in khumah chuan beidawng zet hian ka bawk nghal thlawp a.





Kar khat a liam leh meuh chuan John pawh damdawi in atang a lo chhuak thei der tawh a.A lo chhuah dawn ni chuan Eagan leh Oliver te nen kan pathum chuan kan va hruai a.





"Master John kan ngai dawn hle mai che...Kan damdawiin hi I rawn tlawh fo dawn nia" nurse ho chuan pawn thleng min rawn thlah hlawm a.





"Karkhat lek damdawiin a I awm chhung ringawt pawn nurse ho thinlung I hneh vek thei a nia,I va luck bik tak" Eagan chuan nui sang chung hian John a darah chuan a va kuah thak a.





"Nick hi engmah in hrilh hre ve lovem ni?Eng vanga rawn kal ve lo nge a nih?" Oliver chuan lungawi lo deuh chung hian a ti bui bui a.





"Nick te chu ni tam tak chhung a rawn haw tawh hleinem...Khawi lai hmunah emaw nuam a tawl leh tawh a ni mah na" Eagan chuan ngaihsam zet hian a ti liam puat a.





In kan thlen chuan John atchilh tu hmeichhe thenkhat te chuan John chu pangpar leh thilpek chi hrang hrang te nen anlo hmuak a.





Thil thleng tur hre sa chung chuan huphurh ru zet hian ka thaw leh hak thin a.





"Lucy enge ni ta?I van nervous hmel ve" John chuan a rawn ti ta nge nge a.





"Nang nu kha engtin nge Master John rual hian I la rawn kal ngam zawk?" Ka rin ang ngeiin hmeichhe pakhat chuan min rawn kawk nghal sawk sawk a.





Min rawn kawh na kut chu John chuan lo man beh sak vat in"Enge I sawi awmzia?"a ti vin nghal thawt a.





"A ni hian damdawiin a I awm hlan khan Master Nick lakah a phatsan che lawm...I awih loh chuan a fin fiah na pawh kan nei" a sawi zawh rual in a phone a Nick min kiss na thlalak chu a hmuh zui nghal zat a.





"Master John he nu hian a phu hlawl lo che,kalsan daih rawh" hmeichhe dang ho pawh chuan anlo ti ve nghal sap sap a.





"John engtin nge ka hrilh fiah tak ang che!" Beidawng deuh chuan ka ti rilru nauh nauh a.





"A ni hi ka hmeichhe duh awm chhun a ni a...A chungchang lo sawi ve theih na dan in nei hauh lo!Kal bo rawh u" a ti vin hluk a.Chulai hmeichhe awm ho pawh chu lungawi lo deuh chuan an kal darh nghal sang sang a.





"Ka lawm e Master John"





"Engkim a tha vek e" ka lu ah chuan a rawn tuai nghal zauh a.





Hepa hi chu a ngilnei reuh ngawt mai!





"Eagan in min hrilh a vawiin chawhnu hian in perform dawn tih..."





"Umm nia" phur vak lo chuan ka ti hnual ruih a.





"Kei hi audience thawkrim ber ka ni hial lawng maw...I perform en loh hlau in damdawi in ah khan ka dam vat theih nan ka bei a nia...Chuan huphurh duh reng reng suh,tha tak a I tih theih ka ring tlat a ni" aw hriat nuam deuh chuan a rawn ti sup a.





"Oh tak tak maw..."hlim zet hian ka nuih sang a.





Drama chungchang a rawn sawi chhuah takah chuan "Misual pa,buaina min siam sak te te a tunah nangmah lah chu hmuh theih loh in I awm bo leh daih sia" ka ti ru sep a.





College hall lamah chuan host in "Tunah class A te drama chang tur in I lo sawm ang " a tih rual in mipui chuan kut anlo beng nghal dur dur a.





Ka huphurh leh zam lutuk chu ka tawngtai ru nghal mawlh mawlh a.





Puan zar chu in hawng in :





----Hmanlai hian lal fanu hmelchhia leh sual zet Nancy hi a awm a.A ni chu mi zawng zawng te huat rawn a ni bawk a.----





Thawnthu chhiartu in a tih rual chuan " Chu chu thawnthu kal dan tur a ni hauh lo!Lalfanu Nancy te chu zaidam leh ngilnei tak kha ani sia...Tunge role ti danglam le?"a ngaihna hre lo zet chuan ka ti ru sap a.





"Nang lal fanu sual...Hrem hmunah kal rawh" Sipai pakhat chuan a ngun hnam ken lai hian min rawn tin nghal a.





"Princess Nancy hi lal fanu fel leh ngilnei tak a ni asin!I thil hriat kha thu thang dik lo mai a ni e"Eagan chuan min rawn chhan nghal vat a.





-----Nikhat chu dawi thiam sual tak hi lokal in princess Nancy chu kulh in thim zetah chuan a tan tir ta daih a.Nitin mai hian princess Nancy chuan amah chhanchhuak tu tur atan a khuanu ruat lalfapa chu a lo nghak reng thin a ni.---





" Nick I rawn kal a hun tawh asin...Khaw nge maw I awm le?"Mangang zet chuan ka ti rilru a.





"Ka tan a khuanu ruat Lalfapa chu a rawn kal dawn lo anih chuan keimah in ka in chhanchhuak ve mai ang" ka ti ta tawp a.





Chutah kulh lem an sak atang chuan zuan thlak mai chu ka tum a.John leh Eagan te thian dun chuan hlauhthawn hmel deuh hian min lo en thap a.





Ka zuan thlak rual chuan lei ka thlen hma in Nick chuan min lo dawng chat a.Hlauthawng zet hian Nick chu ka kuah ta vawng vawng a.





"Ka lo tlai avangin ka tihpalh" ka beng bulah chuan a rawn ti sup a.





----Tichuan Princess Nancy leh lal fapa chu in hmangaih leh hlim takin an awm dun ta ani.A tawp ta.----





Mipui chuan kut an beng ta dur dur a.





Zan lamah chuan pub ah kan drama chan hlawhtlinna chu kan lawm a.





"John I hliam kha a la dam chiang silo a,thil tui ril lam in te kha a chi dawn em ni?"amah ngaihtuah ru deuh chuan ka va melh a.





" Little Lucy,engtik atang khan nge John nen hian inlo in pawh tak viau a?In inngaizawng te hi a ni hial lo maw?" Eagan chuan fiamthu ti tak deuh hian a lo ti hluai a.





"Ai a teuh lo mai" ka tih rual in Nick chuan mitmeng hriatthiam har zet hian min lo melh run a.





Chutah rawn ding thut in " Zanin chu rui hnap in in vek teh ang u" a rawn ti phur hlut a.





"Nick chu enge I hriat tak thut a?I va phur deuh ve..." Oliver chuan a lo ti thuai a.





"A chiang mai lawm ni" Eagan chuan a lo ti zawi sup a.





Eagan bawk chuan "Zanin chu kan phur tlang bawk a,intih hlim nan game khel ang u aw" a rawn ti phur ve hluai a.Chutih lai tak chuan kan College nula hmeltha leh chhe lo zet Ruby chu kan lam pan chuan a rawn kal a.Chu lai hmun a awm ve dang te pawh chuan a hmelthat thu chu an sawi nghal sap sap a.





"Enge hetah I rawn tih dawn Ruby?" Nick chuan lawm loh hmel deuh hian a ti bul hmuk a.





"Mi tu emaw in bar a I awm thu hi min hrilh a...Thil rawn pek tur che ka nei mawle!" Lai zet hian a nui sen sen a.Chutah "He I kawr hi ka in ah khan I theihnghilh daih a,ka rawn pe dawn che" a ti zui zat a.





"A bialnu thar nen a nuam anlo tawl vang hi a ni maw ni tam tak chhung a lo haw loh ni!"




"Ka lawm e tunah chuan I paih thei tawh ang" ngaihsam deuh chuan a ti liam puat a.Ruby zak leh inthlahrung chu a mittui a tling nghal pam a.





"Ruby,lo thu ve rih rawh!Truth or Dare game kan khel dawn a...I lo tel ve theih chuan a lawmawm viau ang" ka bul mai a thut na awl ah Eagan chuan a rawn nem thu a.





Awle game chu han tan ila...Bottle chu an tuai vir nghal pap pap a,keimah min la kawk hmasa ber zui!





"Lucy,truth or dare"





"Truth" ka lo ti nghal vat a.





"I mipa len chhuah pui chak ber tunge?I len chhuah pui chak na chhan nen!"





"Master John ngat hi le..
.A chhan chu kan in hmuh hmasak ber ni a lui a ka tlak laiin ka nunna min chhan him sak avang in"hlim zet chuan ka ti nghal sang a.John erawh in inthlahrun hmel deuh chuan min lo en reng a,amah ka thlan avang hian a zak deuh te pawh a ni mahna!





"Kan hria" Oliver chuan nin hmel deuh hian a lo ti hluk a.





"Oh ka Lucy te,min thlang lo chu a lungchhiat thlak hle mai"Eagan chu a nui ri hawk a.





Awle tan leh tawh ila...Bottle chu tuai vir leh in Nick chu a kawk ta vu mai...





"Awle Nick,truth or dare..."





"Dare"





"A nih chuan he bar a mi hmeichhia I duh ber I fawp tur a ni"





Muang chang a ka lam chu rawn hawiin "Lucy" a tih rual in ka hma zawn ah chuan a rawn ding zui nghal zat a.





"Nick,eng thil nge maw I tih le?"min rawn fawh mai hlau zet hian ka ti chhuak sap a.





Ka hmai zawn ah chuan rawn kun hniam in "Ka fawh duh tak tak che I ring em ni?" Ti sup in Ruby chu a fawp ta daih a.Bar a awm ho chuan "Hmeichhe vannei tak a ni " an ti nghal sap sap a.Ruby pawh chu hlim zet hian a nui khi nghal var var a.





Min fawh duh loh vang pawh ni lo in,a khawsak dan ngeiawm zet avang chuan ka thinrim kher mai!Rum deuh chuan ka va melh nghek a.





"Ti khan lo chhunzawm ru...Washroom lamah ka va kal lawk teh ang" min nuih suk in a kal ta daih a.





"Nick ber a kal tak daih ah chuan Game dang I khel zawk mai ang u...He barah hian thil hlu tak ka thuk ru a,a chhung ah chuan 1000,000 bucks lai a awm lehnghal a...a zawng hmu chuan in nei nghal dawn nia" Eagan in a sawi zawh rual chuan "Yes,khawiah nge a awm ang le?Ka zawng nghal dawn" ka ti ta chul a.





John chuan "Lucy,ka zawn pui dawn che nia...Kan hmu ngei ang"a rawn ti nui var var a.Tun ah tak hian min naupang chhe en chiang lutuk!





Eagan gift thuhruk ka zawn kual lai in Nick nen chuan kan inhmu leh hlawl a.





"Hepa leh bawk chu...Engtin nge khawi hmunah pawh hian a lo awm ve zel theih le?" ka ti rilru a.





"Lucy"





A thusawi chu hre lo der in kal tlang mai chu ka tum a.





"Lucy lo ding lawk teh" ka darah chuan rawn vuan vatin a lam hawi chuan min kuai her zui nghal a.





"Ka lak atang hian enge I duh?Ti nge min tihbuai reng" ka ti vin hlar a.





"Hei hi lo ngaihtuah chiang ang che...ka bialnu I nih duh leh duh loh" a rawn ti vin ve hluk a.





"I bialnu nih maw?I bialnu ka nih chuan he college a hmeichhe ho zawng zawng hian min huat rawn anga...Chuan nangin nitin hmeichhe dang I chhaih kual vel anga maw?A teuh lo mai,I bialnu nih chu ka duh aw zawng lo" Ka ti pawr hlar a.Ka sawi zawh rual chuan min rawn kuah nghal thlawp a.





"Hey,eng thil nge I tih?Min kal tir vat rawh" nam sawn ka tum rual in a hmui lum ham ham chuan min rawn fawp leh ta mai!





Hepa hian eng thil atthlak nge maw a tih le?Bialnu nei reng chung in min la fawp thei a nia,tenawm lutuk!A tawk viau e...Ti sap in a hmai ah chuan ka beng ri nghal pawp a.





"Lucy"a rawn ti ril ruih a.






"Kha mi ni lui a tlak ni a rawn chhan chhuak tu che kha ka ni asin...A ngawi dat a.Chuan min date duh tawh angem?" A rawn ti zawi leh sup a.





A thusawi mak ti zet hian amah chu ka en ta reng a.