SOFIA CHAPTER-13

[Omega Hmar Tlangte]

Ka thu hriat chuan min ṭhawng tak zet Sofia-i pa hi thah a ni a maw! A thattu chu kha doctor-kha chuan a thahtirtu chu pa Rama ngei kha tui chu ka lem ri khawlh khawlh a, kawngkhar rawn in hawng ri rawk vang chuan ka tuiin pawh ka phuh ṭep pa Rama ngei mai chu a lo lut a, a lungawilo tih a mitmeng aṭang chuan ka hre thei "Vâla, i va huai zawk ve Dindina i ni lo a phirpui maw i nih a, i unaupa hnênah engmah ka la sawilo nain mi tenawm tak i ni" a rawn ti pung pung a, no lo zet hian ka lo melh let a, ka unaupa nen an inbia a ni tih ka hrethiam mai. "A chhan sawi rawh Dindina thudik ka hrilh hma ngei hian" a ti khur khur a, ka hlau lem lo kha doctor-nen a an inbiakna kha ka ngaithla chiang em a ni.


Ka hmui ka ti sawi nawk a, ka pan phei a, hei putar Sofia-i hi i fanu a nih vang chauhin ka zah ang che a meng phawk hle mai ka nui tawi tak a, i fanu hi ka hmangaih chuan ka nei bawk ang a pa diktak i ni tih hi Sofia-i hian a hria angem le? Ka ti a, "Nang hi engtin?" Mak ti vak duh suh i unaupa boral ta chu ka tuarpui khawp mai che doctor-hian mi tihdam bakah mutthilh hlen tir dan pawh an thiam a nia ka ti a, chhuah ka tum a, "Didik, khawngaihin engtin nge i hriat chu ka hre lo engmah sawilo la ka fanu i neih theih nan ka pui ang che" a ti a, ka banah chuan a chelh a, ka nui suk a, kut ka beng thak a, ka unaupa hi helai hmuna lo kal tawh lo tur hian ka siam ngei ang ka ti a, ka insiam a, pa Rama chuan hlauhthawn hmel zet hian min la en reng a, i la awm reng elaw ka haw dawna i fanu ka va hmu lawk ang e, ka ti a, ka chhuak a, pa Rama la ding reng chu ka melh a, ka kalh dawn ania i lo chhuak dawn em? Harh zawk ni awm tak hian a phu det a, a rawn chhuak nghal a.



"Dindin i haw dawn maw ka ṭha tawh lutuk tho a, mahse, ka ngai lutuk che phone-ka nei silo a, lo kal leh rawh aw" Sofia-chuan min kuah hnâp chung chuan a sawi a, a chalah chuan ka fawp zauh a, ka lo let leh vat ang ka ti a, ka inkhalh haw ta a, ka unaupa Dindina hnena dawt sawi tur pawh ka ngaihtuah fel vek tawh Sofia-i chu ka nei let leh ngei turah ka ngai nghet hmak.
In ka thlen chuan Dindina chu a lo ṭhu ngui deuh bur a, ka nu leh ka pa chuan min hmuh chuan min lo nuih a, ngatinge Dindina hi? Ka nu chuan "Silchar-ah zu ngawlvei a nupuiin achhuah san a, a hrehawm ti awmngaihna hre loin Dindina a rawn be tawp a, a classmate-hlui a ni awm e, Dindina hian diktak chuan a sual zia a hrechiang sia a huphurh lutuk a" a ti a, ka lawm ru viau.


Ka unaupa hi a thang rei anih chuan Sofia-i ka chhuhsak theihna chance- a sang hle in ka hria. Ka unaupa bulah chuan ka ṭhu a, Dindin ka ngai dawn khawp mai che lo haw leh thuai rawh aw ka inhmu ve chauh a, i ṭhianpain a mamawh si che a, Sofia-i chuan min lo ngaidam a in chungchang pawh min hrilh a, i chanchin hi ka lo hrilh dawn nia ka ti a, a thawh halh a, "Unaupa Sofia-hnenah chuan i lo hrilh ngei ngei dawn nia thla a thar ṭep a ka kal thut angai dawn si a" a ti a, ka darah a beng thak a, room-ah a lut daih a, Sofia-ka ta i ni pumhlum ṭep tawh e ka ti sap a.


Thla a thar a, ka zing tho chu ka unaupa Dindina pawh kal turin a inpeih at tawh ka nu leh ka pa chuan tluang taka kal turin an lo chah lawm lawm a, ngaih hmel takin ka va kuah ve ang lawp lawp a, Dindina chuan "Sofia-i mawlh chu phone-a nei silo a, ka chanchin hi i lo hrilh dawn nia" a ti leh a, unaupa lungngai miah suh ka awm hi ka ti a, a ruk tak chuan Dindina chu engkim laksak ka tum Sofia-ka lo kal thuai ang ka ti rilru nuah nuah a.
Dindina kal liam hnu lawk chuan Thelma-i leh a pa an rawn lang nawlh Thelma-i hmel chu a hlim lem lo a reh vang vang a tunah a rawn lang leh nawlh a, Thelma-i pa chuan ka pa hnenah chuan "Thil thleng zawng zawng ka hriatin ka zak em em a, ka fanu pawh ka hau nasa rei tak kan zin bo a, tunah chuan a nun pawh a thlak tawh lutuk asin" a ti a, ka nu chuan a melh no lo nasa mai Thelma-i lah chu a kun tlat a, ka pa chuan "Lut phawt ila kan sawi dawn nia kan fapa kan lo thlah zo chiah a" a ti a.


Kan lut dial a, ka nu chuan engmah a sawilo Thelma-i chu a huat hmel ngawih ngawih, "Khawngaihin min ngaidam ula Didika nen an hun kal tawh chu theihnghilhin Dindina nen hian inneih tir hram ang u" Thelma-i pa chuan a ti a, ka ding hluai a, Thelma-i nen kan inhual tawh a ni maithei mahse min bum nasa mah mah ka unaupa Didika a zin tur kan thlah zo chiah a, Thelma-i hi a la hmangaih lutuk asin ka unaupa tih nat ai chuan kei chuan hmangaih dang ka nei tawh Sofia-i ka ti a, ka nu leh ka pa chuan mak tih hmelzeta min en chung chuan "Nang hi" an ti rual ṭhawt a, an lam chu hawiin nakinah ka hrilhfiah ang che u lo inrawlh suh u ka ti hmak a, ka nu chuan "I thil sawi kha i zak em i hrechiang em" a ti leh a, ka nu lo inbengdai la lo ngawi hram teh ka ti a, Thelma-i chuan men pur chung chuan "Dindin, ka hresuallo ka tih kha Sofia-i i enkawl chhung khan i lo hmangaih hman tih hi a pawilo ka pa thil ka tisual a, Didika pawh ka pasal tho ania min hmangaih chuan ka nei leh zawk mai ang" a ti a, chhuah a tum a, Thelma-i pa pawh chuan "Ka zak khawp mai kan haw rih phawt ang a, in thu ka lo ngaichang dâwn nia Dindinan ngaihzawng dang a lo nei hman si a, Didika nen pawh chuan remti leh hram rawh u" a ti a, ka pa chuan "Ni e kan lo sawi ho dawn nia" a ti a, an chhuak ta a.


An chhuak fel ta maw tihah chuan ka pa chuan min beng hawi nghal sawk a, "Fapa phir ka nei a, ka lawm em em a, i unaupa hian ngaihzawng dang nei emaw nei lo emaw in inan chiah vang hian Dindina dinhmun chu luah sak i tum a maw" a ti a, ka nu pawh chuan "I unaupa anga awm chu eng nge i chak viau a, Dindina hian hre ta se ka fapa ve ve in ni a hetiang tur a ni ngailo" a ti ve bawk a, ka lut tau nghawng nghawng a, room-ah ka inkalh khung nghal a, ka nu leh ka pa hi ka ngen tlat chuan min hrethiam awm em mai Didik mifing pa tiin ka nui suk a.


Reilote ka lo chhing sek a, "Didik, chaw ei ang i sawi ho teh ang u" ka pa ngei a ni ka nu chuan Dindina a duat zawk a, a la lungawi miah lo ang, ka tho thuai a, chaw ei an lo peih vek tawh a, ka chetdan avang chuan tumah kan ṭawnglo kan inmelh hrek hrek a, ṭawng dan kan thiam tawhlo emaw tih hnuah chuan ka pa chuan anṭamtui a han hawp ri hrâwk a, "A chhan sawi rawh Dindina anga i insawi ve ngawt chhan kha a awm ang" a ti a, ka nu pawh chu a lo bu nghauh nghauh a, dawtsawi dan tur lah ngaihtuah chawp a ngai hlek lo ka pa Dindina hi a hnah hian a buaitawk tawh a ni a ngaihzawng lah hi ka kal ṭum khan Dindina tan nupui ṭha a nih ka ring lo a la naupang si kei chu engmah ka ni tawh lo ka unaupa erawhin hma hun eng tak a nei a, Thelma-i pawh a insiamtha tawh a, nei sela nun bul ṭan se ka duh zawk keiin a hming hawhin nupui ka neih hunah pawh thingtlang lamah ka awm zawk ang a ka ti a.


Ka nu chu a lungawi chuang lo "Dindina hian a remtih i ring reng reng em ni a hnaah hian a hlim khawp asin a ngaihzawng chu eng ang mi pawh nise Thelma-i nula fel tak emaw ka lo tih kha heti hi a ni sia ani a neih ai chuan thingtlang lama mi pawh chu ka pawm mai ang" a ti a, thawh a tum a, ka nu khawngaihin min phalsak hram rawh ka pa ka nu hi hrilh rawh Dindina chuan a pawm thiam em em ang ka unaupa chu kha leh chen kha nuam takin a khawsa a ni lawm ni kei chu harsa takin ka pa nen kan awm asin i fapa ka nih hi ka ti a, ka nu chuan min chhang lo ka pa pawh chu a tho daih a, ka phone charge lai a rik takah chuan ka kal hrang ta daih a. Ehe number hriatloh maw hello tunge aw?


"Sofia-i chu i va duh awm ve a, i nu leh i pa bakah keini pawh min bum ania Didik ka tenawm viau emaw ka tia nangpawh i bang bik hlek lo" Thelma-i ni rengin Dindina i hrilh em ni? Nang hi lo inrawlh hlek suh ka ti a, Thelma-i chu a nui awr awr a, "A ṭha e kei hian Dindina hi ka duh a, nangin Sofia-i kan duh ve ve kan neih theih nan chuan i dawtsawi hi Dindina ka hrilh lo ang e, engpawh thleng se i unaupa Dindina hi ka nei dawn" a ti a, phone-a dah hmak a, ka thaw huai ka nu leh ka pa inhhial thawm avang chuan room-chu ka chhuahsan nghal a.


"Vawikhat chauh chu Didika hi a duh angin awmtir mai rawh Dindinan hma lam hun a nei ṭha zawk" ka pa chuan hmai sen vek khawp hian a lo sawi a, ka nu biangah chuan mittui a luang zawih zawih, "I la danglam miah lo a nih hi Didika hi Dindina angin a awm ang maw kan thenawm khawvengte pawh Dindina chauh a ni lo kan bum vek dawn asin keiman Didika chu ka hrilhfiah ang" a ti a, ka en reng a, ka pa ka lamah a ṭang tih ka hriat chuan ka lawm khawp za lo zet hian ka nui tawi tak a, ka pa bawk chuan "Kan fate ve ve an ni a, Dindina hi a rilru a puitling zawk a, Didika hi chu a â em em mai si tun ṭum chiah hi i phal sak mai ang buaina a awm anih chuan keiman ka tuar vek ang khawngaihin ka hmangaih che" a ti a, ka nu chu a kuah a, ka nu erawh a ṭap zawih zawih a.


Ka insiam mawlh mawlh lai chuan ka nu chu ka room-ah a rawn lut a, zankhua a ṭap ang mai hian a mit a bui luk a, ka nu chu ka khumah chuan a ṭhu a, ka thawmhnaw te chu ngawi rengin a en a, sawi tur ka hre mai bik lo ka en reng ringawt a, "Dindina thawmhnaw a room-a mi va keng rawh phir nimahula in mizia chu sawiloh in thawmhnaw duhzawng thlengin inang lo an ringhlel mai tur che u asin" nui miah lo hian a sawi a, ka nu chu ka pa in hmin thei ta tih ka hriat chuan ka lawm khawp ka kuah a, ka nu ka lawm e Dindina angin fel takin ka awm ang ka ti a, Dindina room-ah chuan ka lut vat a, banga a thlalak intar chu ka en vang vang a, ka tihpalh unaupa hlim takin i awm tho ang Sofia-i pa phuba ka la dawn alawm tiin ka phun sap a, Dindina thawmhnaw ka duh duh chu ka bag-ah chuan ka khung mawlh mawlh a.