Muted to you_Chapter_2

[Ruat Hlui]

...Chapter~2







Phak chuapin ka room atang ka chhuak a ka nau in tv ring takin alo en leh tawh a kanu pawh kitchen lam ah a ri leh rek rek tawh.
''Inphih faila dawr ah va kal teh'' tui in tur a ka luh phei chuan alo ti nghal zat a peih lo lutukin ka ner nghal nawng bawk.
''Khaw nge Sawmtei, min tir reng mai'' ka ti tuak a, ka thoh fuh loh chang hian tawng hi ka peih lo vek zel, ''va kal mai mai teh'' chawhmeh chawk mawlh mawlh pah a atih leh chuan fridge ka khar ri bur a ka ip zui nghal chawih bawk, ka tum anilo re re.







''I zing rawn tho te lah hi I tum vuau a, khaw maw awmsawn teh'' ti hlak hlakin min nek sawk a, ka mit nuai thuak thuakin pawisa ka dil a min pek rualin dawr lam panin ka kal vat a, ka ham ka ham leh thin bawk a, mut ka kham hlol lo chu ani.





Ka thil lei khai a ka chhuah chiah rualin Othai'n min rawn kal pel fuau a, min hmu lo ti a ka lawm ve hman teh reng nen, ''lalte, nimin ah ilo phei leh silo a'' a rawn tih tak lauh ah chuan then sakin ka hawi let a min la en chiang em em zui.





''Nia'' ban charh a ka tih chuan ka bul ah a ding fel der tawh, ''I hman hun ah lo phei la'' a tih leh chuan ka hnial chak lutuk ringawt.
''Poisa ka thawn che nga, Esther-i inlo admit kep anga'' min nuih ver ver chuan ka nui ve seih a, ''kan kal lo maithei'' ka ti sep a, ka thusawi ngaithla map lo chuan, ''lo kal ngei ngei ang che'' tiin min kalsan nal nala, pun bul bul in inlam ka pan ve thuai bawk.






Othai hi chu a hahthlak ani deuh tawp mai keimah bikah hi chuan. Nula senior tih tur ani ve tawh a, zah a hre tawh bawk silo, mi tirh khawi a hrat bawk si. Esther-i a tih pawh kha a nau ania kan inrual reng, amah a thatchhiat ang bawk in a nau a thatchhiat a kan la inmil lo em em zui, a thu hnial deuh lahin kanu te bulah min lo hek vak zel a ka ning tak tak ani.





Admission tih kan hmanhmawh avangin kan thian ho in school lam kan pan a, Tha-i pawh alo la thleng thei silo nen kan tih kep dawn ani. Ka thiante bula Esther-i tih kep ve a ngaih thu ka sawi lah chuan an phun nghal char char a han phunpui chi pawh an ni vak lo zawk.





''Hrim hrimin, an kal ve thei reng sia, chuloh ah zirtirtuten in tih sak hi an duh vak lo a sin'' Feli'n a ti hlak hlak a, ''interview a ngai chuang lo a chu vang aniang'' ka ti dek dek chu, ''nang pawh hi a(h), intih kep a theihloh tih ve mai tur che lawm. Lalzemawii(Estheri hming pum aw) lah hi ka ngei ania'' a ti hlar a, a ngaihdan a nih loh hmel tak tak khawp mai, mahse Othai te chu a hnial theih loh tih hre chiang tute zing ah a tel ve tho si a chutia min vin hlak hlak chu ka ngei reuh khawp a, rum deuh a ka va melh lah chuan min lo en ve tawh der mai silo a, Jenny'n min hmu fuh chu a nui vak vak ringawt a, ka tum lian tawh khawp mai.


.
.
.
(A week later)


''Thlah I duh chuan hmanhmawh rawh'' ka room ah rawn lut in a ti bul hmuk a, uluk lutuk in ka sam ka tawn mawlh mawlh a darthlalang atang ka va en zeuh chuan min lo ner khum nasa mai.
Vawin ni atang school kan tan tawh dawn a, lehkha zir peih lo viau e tilo chuan ka la phur phian lehnghal.
''Hmanhmawh rawh'' ka hmai ka chul leh hliau hliau lai a kaû in a rawn tih leh hmuk chuan, ''min thlah lo mai rawh'' ka ti ve hmak, dawhtheilo leh lutuk. ''I mak, rawn chhuak vat la anih chu'' ti hlakin a chhuak zui a kawngkhar ala khar ring em em zui a kanu phun hlak ri pawh ka hre vuai a, an in khak hlak anih ka ring.







Keipawh chu bag ak sawk sawkin ka chhuak zui ve thuai a pawn ka chhuah chuan bike ah alo thu vang tawh a, ''tlan chak suh ang che'' tiin ka pan phei vat a, ''I thulo'' min la tihkhum hmuk zui.
''Fel deuhin awmla, a sual pawl va ni suh ang che, lerh te kha I lerh a nge'' ka thut fel ruala kanu in a rawn tih phei mawlh mawlh chuan ka lo ner nang nang a school a afel pawl nih chu a nuam thei tak tak lo, ''tun kum chu bialpa ka neih ngei ngei a ngai tawh'' ka lo tih zeuh chuan, ''I mawl sia(h)'' tiin pocket money tur min pe a, ''I nau tlanchak puilo la'' kaû hnen a atih leh hnu ah kan tlan chhuak thuai a.
Kan school awmna hi hla em em pawh ani hran lo a, kea minute10 tha vel kal chauh ani a, thoh hma a ngai ve khanglang nen kaû ka inthlah tir ta zawk a, ti hian duh tawkin ka la mu thei tho a, a tha vel vek e.






School kawt kan thlen rualin ka chhuk thuai a, motor a inthlah te pawh an awm ve nual a form ha kan phu siau siau a ni ringawt.
''Lalte'' ti a min auh vak na lam chu ka hawi thuai a gate chhung atang Tha-i leh Duhtein ban min lo vai lauh a kaû lam hawi zeuhin, ''anih ka kal'' ti a ka pen chiah rualin ka hmalam ah ka tlan deuh dawr a ka inpal khut khut bawk a inring viau lo ila chu hma zawng in ka bawk thlawp ang.
''Ni hman nuam'' ti a nui hawk ri ka hriat rualin ka lehhawi thuai a Lalrinkima chu hmuh tur alo awm tawh re relo, phun hlakin ke ka per vak ringawt, a sawt lo teh e.
''I meng phar nasa'' gate chhung ka luh rualin Thatei'n chuan lo tiin anui anui a, ''I û hi chu a chhelo mawle'' a tih zawm zat bawk nen rum deuh in ka melh vak, ka tukhum a min nam vang hrim hrim pawh khan a chanchin themte pawh ka hre peih lo.






''A lai ah hian thu rawh'' class room kan luh rualin a hnuhnung ber dawt ah chuan ka bag ka nghat a, ''tu te nen nge kan thut dawn'' ka tih rualin Duhtei'n, ''kan pa2 leh jenny kan hnungah midang zawng'' a tih chuan bu nghat nghat in ka hawi kual thuak a hmuhhnu an tam rualin hmuh ngaihloh te pawh ka hmu zeuh zeuh a mahse an tam lem chuang lo.






Kan thian dang te an lo then ve rualin kan inzui chhuak dial a, ground pawh tur in step5 vel kan zawh chho a, nilum ai deuh reuh a ding kualin kan tawng nak nak a rei loah dar a ri thuai a, kan han inline chiah chu nisat tawng-khawng lai nise chhu thawcham in a thih tawp theih ang tih tur vela tam in kan tawt. Kan school ah hian 11 leh 12 chiah a awm a tunah tak phei chuan class11 an rawn la lut lo a chuti chung pawh chuan ground ah kan leng lo lam deuh chu ani.





Nisa hnuaia minute20 dawn han din mai chu kan ung lo chauh chu ani.
''Ilo hmu ve em'' classroom kan luh rualin Feli'n a ti a, ''tu maw?'' Ka tih laiin Jenny'n, ''hmu..a glow zia mai kha, eng stream ah nge a awm le'' a ti a, ''tu chu nge'' ka tih pawh chuan min chang lo in an sawi chhunzawm mawlh mawlh a, hre chak ve deuh a ka ngaihthlak lah chuan an sawi ber hming pawh chu an lam ri chuan hlei lo a, ''Lalthafamkima'' Mawii'n a rawn tih zeuh chuan ka bu ve ta nghat a, an mi sawi pawh chu ka hre chuang lo.







''I la hria em?'' Kan thut thlak hnu a Jenny'n a tih chuan lu ka thing nghut a, ''chutiang hming ka hriat ngai pawh ka hrelo'' tha deuh chuan ka ti ve mai, classroom lah chu a bengcheng em em a, a ri deuh nuah nuah ani ber mai.
''O..ihmaw class5 vel thleng kha chu kan kal ho thin'' a tih leh pawh a ka la hre thei chuang lo chu a ngaihdan a ni vak lo nge tum hmuk a min en in hnunglam a hawi hmak a Feli nen bawk chuan an sawi chhunzawm leh mawlh mawlh a, an sawidan kalhmang atang lah chuan ala chhiat loh hmel em em zui a. Uchuak deuhin an fak tiila a dik thei ber ang.







Reiloah zirtirtu alo lut a, a smart zia chu ka sawi thiamlo zawk, ''hello guys miss Mathani ka nia tun session atan in class teacher ka ni ang, chuan Chemistry ka la bawk ang'' a ti a, a aw(voice) ri chhuak te re re chu a khauh fak a zuam sual a har viau ang.
''A hmasa in zirlai ah chauh in rilru pe ula mahse infiam a tul hun ah chuan bo vang vang rawhse'' fiamthu deuh a atih chuan kan nui dar dar a, a hmel ala tha tel zui nen a luck viau ang.






An tei suau suau te chuan dawhkan hnunglam ngheng in ka thu awn diai a, ka film en lai kalzel dan tur ani ka ngaihtuah, ''ti teh, chhuak ve ang'' ka ban dinglam khaiin Thai'n min sawi vak a, ''khawi teh aninawm'' ti hlarin ka ban ka thlakthla a, break ni bawk nen thawm a tha khawp mai. ''nangmahin chhuak mai rawh'' ka ti leh chuan rum deuh in min en a, ka ngaipawimawh teh chiamlo. Ka thil dream lai ati khawbaw zo vek.






''Mi te va thlir ve ang, dar a ri tep ania'' a tih tak tlat ah chuan ding chhuak in ka in chul mam thuak a, ''khawnge midang'' ka hawi kual thuak a, kan thiante hmuh tur an awm miah lo, ''an chhuak vek, Thafamkima an zawng'' kawngka lam pan a atih chuan ka zui ve vat. Chupa ringawt an buaipui chu a mak ang reng, Duhtei tih loh chuan bialpa an la nei vek zui, keimah pawh tiam in.






Gate bul mai a shed ah chuan kan thiante chu an lo thu tlar dal, an hlim hmel em em zui, an hma ah tak dingin, ''khawnge in min sawi ve ziah chu?'' Ka ti nghal a, min nuih thaw hlawm, shed chhung ah lah chu an thu khat vek a, han inhnawh ve na tur a awm lo re re.






''Kan ban hma inring em?'' Min chang ta chuanglo chuan Thai'n a ti a, an lo bu tliar tliar,



''Lalte, I û in alo lam leh dawn che em?'' Feli chuan min en kiau a, lu ka thing vat, ''khawi ah emaw kal kawi ila'' Mawii pawh chuan a rawn ti ve leh a, kan phur tlang khawp mai, chutih lai a ka hawi kual thuak a Zorammuana ka hmuh fuh chuan Duhtei thu hle hle kawrlum ah chuan ka pawt zeuh a, min en vat rualin ka mitmei zeuh zeuh a, ka nuih vur vur bawk.






Ka hawi na lam a hawi rualin rang mang kheng in min lo en leh nghal a, rum tak ani min melh dan chu, ''I mawl e..Lalrinawm'' a tih nawk chuan ka nui chhuak hak a, min en tak thap ah chuan nui miah lo angin ka awm ve leh hmiah mai bawk a, ka zak ve det ani. ''Lalrinawm, Lalte'' rawn ti sup tu chu ka melh zawk a, Jenny bul chiah ah a thu a min en kur mahse ka hriat ngai ani lo bawk nen ka hawi sawn leh thuai a mahse chiang fek fawk a min rawn koh leh tak ah chuan ka en leh thuai a, hmui phun a Jenny'n, ''Thafamkima'' a rawn tih zeuh chuan ka en chiang tawh khawp mai.



Comment kha aw...