Kan thil ei zawh chuan pawn lam kan pan vat a, rodingliana erawh hmuh tur a awm tawh lo, ka thaw huai thei in ka hria , class kan neih leh nghal dawn avang in kan class neih na tur chu kan pan ding nghal mawp mawp a, class chhung kan luh chuan an lo thu leh thap tawh.
Tlar hma chu kawk in "thu ang" ka thiannu chuan a ti a, tlar hma ber ah chuan kan thu ta vang a, rei lo te hnu ah professor chu a rawn lut a, zawhna min zawt ngun leh bik khawp mai, a thiam thei pawl ka nih vang te pawh aniang.
Professor a chhuah hnu chuan last period ka neih tawh loh avang in library lam chu ka pan vat a, ka thiannu erawh last period a neih avang in a class neih pui tur te zawng chuan min kalsan daih a, kan haw rual thin avang in library lam ah ka lo nghak dawn Ani.
Lehkhabu chu la in ka thut pui nghal vat a, hmun reh tak a awm nuam ti mi ka nih avang hian library a awm hi nuam ka ti thei hle.
Rei fe lehkhabu ka chhiar hnu chuan ka phone a rawn ri ral ral a , ka la nghal vat bawk "gate bul ah ka awm" a tih chuan ka lehkhabu chhiar lai chu ka dah nghal sawk sawk a, gate lam chu ka pan ve nghal vat bawk kawtzawl ka chhuah phei chuan gate bul ah chuan ka thiannu chu a lo ding a , ka pan ve nghal vat bawk a bul ka thlen phei hma chuan ka lam pan chuan a rawn tlan phei hlawk hlawk a , ding dat Chung in a rawn tlan phei chu ka thlir reng a, theihnghilh a nei leh aniang a? ka bul a rawn thlen chuan "rodingliana te thian ho ania" tih pah in gate lam chu a kàwk zeuh a
Gate bul ah chuan an lo ding khawm laih a, kan lam an rawn hawi thap bawk, engemaw sawi hian an nui ri leh huk thin a, kan misuala pawh ka hmu ve chiah bawk, rang tak in ka in her nghal vat a, building lam pan chuan ka thiannu nen Chuan kan kal nghal hlawk hlawk a ,tun ang hun ah te chuan college campus a awm tawh ka ring lo asin, kan hnung lam ka hawi chuan kan misuala leh a thiante pahnih rawn kal hi ka hmu a, ka thiannu kut chu vuan in a ai rang chuan ka kalpui leh dawr dawr a "kan hnung ah an rawn kal" zawi sep hian ka ti a, kan hmanhmawh dun khawp mai "lo ding teh u" an lo tih chuan ka khawng awt thei nia,a tlan hian kan tlan tawh ni ber in ka hria, midang lo awm ve te pawh chuan mak tih hmel em em hian min en haw haw hlawm a, kan hnung a lokal te an hmuh rual chuan an phun nghal ser ser bawk.
Thawk leh khat ah kei chu ka per nghal lawp a, bang ah ka lu ka tauh nghal dawt bawk "ding rawh u ka ti ni lawm ni?" A rawn ti nghal thawt a, a hmel chu a thinrim tih hriat tak hian a sen vek bawk, "a buai leh deuh a" tih pah in a thian te chuan an rawn pawt sawn nghal thuai a, "bawiha Judy ani lo, nuntluangi a nih saw" tih pah in a hmai ah chuan an Beng thek thek a, a mitmeng te chu a à vek nimai in ka hria, "kan auh lai che khan lo ding ve mai te che" vin thawt a tih pah chuan ka lam rawn pan chu a tum leh a mahse a thiante khan an lo dang vat a, principal a rawn Lang zawm zat bawk , an lo report leh hman tawh aniang "Rodinglian ka office ah rawn kal rawh" Chang fak hian a ti a, Rodingliana chu a lo nui sak thung, "tun ah" principal chuan a ti leh thawt a , kal a la tum Chuang lo, rum em em hian min melh run reng a "sawma lo hruai rawh u" tih leh pah chuan principal chu a kal nghal nal nal a , a thian ten kalpui an tum chuan "keimah in ka kal thei" tih hmuk pah in a kal nghal nul nul a, a kalsawn hnu chuan bang chu ngheng in ka maimitchhing nghal vang vang a, ka thinphu te chu a rawn pawk chhuak thei mai dawn in ka hria ka thiannu chu ka bul ah lokal vat in min kalpui nghal dawr dawr a, midang in min en thup tih pawh ka hria, engemaw hi an sawi nghal sep sep bawk, ka tha te a khur dar dar thei nia.
Pawn kan thlen chuan "Hepa hi chu a mawl ngawt mai, a sual si" tih hlak hlak pah chuan ka thiannu chuan min kalpui dawr dawr a, kawngsir a thutna lo in hung ah chuan kan thu thla nghal thuai a, "chhuanawma te pawh chu an va rei ve" tih pah huan a sana chu a bih vang vang a, a phone la chhuak in a call zawm zat bawk, a che reng reng chu a phelh deuh phang a, a hlauthawng ve hle Ani tih pawh ka hre thei.
Engmah pawh sawi tawh lo chuan kan thu dun ran a, rei lo te hnu ah chuan kan mi nghah te chu an rawn thleng a, "min lo nghak rei em?" Chhuanawma chuan a lo ti var a, kan nghah rei loh thu a ka chhan lai Chuan ka thiannu chu a lo vin khawp mai,chanchin min zawh chuan Rodingliana'n min tihdan vel chu ka thiannu chuan a hrilh nghal mawlh mawlh a, an ngaihdan a ni leh tawh lo khawp mai, an thinrim in Rodingliana rawn chhuak chu nghah an ti leh tlat ang tih ka hlauh avang chuan kal chu ka rawt nghal thuai a, sangsanga bike ah ka Chuang a, ka thiannu erawh a bialpa duh em em chhuanawma bike ah a Chuang thung.
Sangsanga chuan engemaw hi a rawn sawi thin a, ka hre Chiang hlei thei lo, motor dang ri nen, a bengchheng khawp mai, bike chuan lai hi Chuan min be lo se ka ti thin khawp mai, an tawng hriat a har thin si a, ngawi reng hian Chuang ila nuam ka ti ber.
Kan hma a tlan ka thiannu chuan a ban a rawn vai lauh a, kawng Peng ah chuan an tlan liam nghal zat bawk , keini erawh kawngpui ah chuan kan tlan zawm ngar ngar a, sangsanga te in kawt kan thlen chuan a ding dawn emaw tiin chhuk mai ka tum a, mahse a tlan tlang daih, ka lo inring lo bawk nen a helmet ah chuan ka chal ka tauh chawrh a , a na em em leh nghal, kan in lam ah min thlah leh dawn aniang.
Sangsanga nen kan veng a in ang a,an in leh kan in hi a in hlat lutuk lo bawk, an kawt ah hian ding in ke in kei chu kan in lam ka pan mai thin a, mahse a Changchuan kan in ah min thlah kher thin bawk.
Kan in kan thlen chuan kawngkapui a lo in kalh thriap a, ka u ala haw lo anih ka ring, sangsanga chu lo lut kawi tur in ka sàwm a mahse min lo hnial vat in an in lam pan chuan a tlan chhuak leh nghal a.
Gate chu hawngin doormat hnuai a chahbi kan dah chu ka la nghal thuai a,in chhung ka luh chuan ka kalsan ngai ngai Khan engkim a lo la awm vek a, nizan lam ah ka u hian night duty anei a, tun thleng a a lo la haw lo chu mak ka ti hle bawk.
Sana ka en chuan dar 3 leh a chanve a lo ri trep tawh a, ei rel ka tan nghal mawlh mawlh a, ka u ka phone chuan hospital lam ah an buai avang in a awm tlang thu min hrilh a, a lo haw hman trep thu min hrilh bawk, balcony ah chuan chhuak in ni tla tur chu ka thlir reng a, ral leh lam a in Lian em em a bul a in dang lo awm ve te mawina hliah bo vek khawp a mawi leh ropui chu ka en pah zoh zoh bawk, saw lai in Lian leh ropui tak ah sawn ka hmelma, min ti duhdah thin tu chu nuam sa tak in a cheng mek ani, kan veng leh an veng hi in hma tawn in a awm a, kan in luah lai atang hian an in chu a Langsar khawp mai, balcony ah chuan mipa ruang am Lian zet a rawn chhuak ka hmuh chuan in chhung lam ah ka tlan lut nghal thuai a, min hmu ve lo tih ka hria mahse ka hlau Ani kan misuala hi.
Bathroom ah chuan inbual tur in ka lut nghal thuai a, ka in bual zawh chuan darthlalang ah ka hmel chu ka en vang vang a , a vawikhat na tan heng tiang hmel ka lo pu hi hrehawm ka ti ve ta.
Kei hi vanlalnuntluangi ka ni a, thingtlang khua atangin aizawl khawpui ah zirna tha zawk zir tur in ka rawn kal Ani, tun ah hian college ka kal ve tawh a , 3rd sem ka zir mek bawk, unau hi pahnih kan ni a, Hmeichhia ve ve kan ni, ka u hi hospital pakhat ah nurse hna a chelh mek bawk, kan unau hian in kan luah ve a, ka nun a ka hun tawn nuam ber pawl ka hman laiin Rodingliana hi ka nun ah a rawn Lang a, ka nun ah hian khawdur ang mai ani, kan in hmuh hmasak ber atangin min mil lo hle tih ka hre thei a, hun a liam zel a, kut min thlak te a ching chho tan bawk, na tak phei chuan kut min thlak ngai Chuang lo mahse a hneawm ve hrim hrim, a kut a ram em em a, a thian te min hrilh dan in hun harsa tak a tawh laiin a bialnu hian a cousin nen a lo kawp Ani awm a, a bialnu chu a atchilh em em bawk, vanduai thlak tak in a bialnu hlui nen Chuan kan hmel a lo in ang em em a, a buai Chang hian a bialnu ang ah min ngai in a thinrimna te ka Chung ah a hrithla thin ni mai hian ka hria.
Kawngka chu a rawn in kik dat dat a ka u anih ka ring , kawngkhar ka Hawn chuan ka u chu a uniform ha Chung in a rawn lut a, a hmel ah chuan a chau hle tih a hriat theih "inbual na tur tui ka lum sak che" ka ti nghal vat a, a in bual zawh chuan Chaw pawh ei lo in min mutthilh san nghal daih a, mahni bawk chuan Chaw ka ei leh ta a, mahni a chaw ei hi ka ning lutuk.
Zing ka thawh chuan mahni chauh in ka lo mu leh tawh a, ka u hi chu a hna ah hian a in pe zo em em a, fak pawh a hlawh thei hle bawk ka chhuang ve thin ania, u entawn tlak tak ani, Hmeichhe perfect lutuk ani ka ti ve thei tlat.
Sangsanga chuan min rawn call a, min nghah thu a sawi chuan ka in siam nghal mawlh mawlh a, an in kawt ka thlen chuan a bike bul ah a lo ding vang tawh a,ka in phur chhuak nghal vat bawk, a chhungte hian fiamthu ti tak deuh hian min dem fiam thin a, a nu phei chuan kan in ngaizawng amaw a lo ti hial a, mahse kan pahnih inkar ah hi Chuan engmah a awm lo, ka thiantha tak ani.
College kan thlen chuan ka thiannu te pawh an lo awm leh vang tawh, class kan neih na tur chu kan pan nghal vat a, nimin thil thleng vang khan zawhna ka dawng hnem leh khawp mai, ngai ah an neih tawh ka rin nen, zawhna min zawh hi an sim thei lo, chhanna Han pek tur ka nei bik bawk si lo.
Class kan neih zawh chuan ka thiannu nen Chuan canteen lam kan pan nghal vat a, chhuanawma leh sangsanga pawh in min rawn zawm ve vat, hetia kan Pali a kan awm hi Chuan Rodingliana pawh hian a sual a chhuah vak lo deuh in ka hria, kan chhuah dawn lai tak Chuan kawngkhar ah kan misuala nen Chuan kan in tawk leh chat mai
Tun lai hi enge a hriat a college a rawn kal ngun riau, thaw dep dep a ka kal pelh lai Chuan a lo nui suk duh chauh a, kan thian ho a kan awm hi Chuan a sual a chhuah vak ngai lo ka tih reng kha, engtin mah min ti lo chuan min kal pel ve mai a, nimin a thil thleng te kha chu a hre lo der hmak tih theih Ani, min hria ang pawn a awm zui leh tawh lo.
"Rodingliana mize mak Zia hi" ka thiannnu chuan a rawn ti chhuak hlawl a, ka chhang lo thung a chanchin sawi hi ka hne lutuk
Thingkung hnuai a thutna an siam ah chuan kan thu thla nghal vat a, chhuanawma leh sangsanga chu class an neih dawn avang in min kalsan nghal thuai a, ig a mipa chhelo kan hmuh te chu kan in hrilh mawlh mawlh a "nimin lam ah enge thleng a" rawn ti ri ah chuan kan hawi nghal vat a , kan college lalnu te pahnih chu lo niin, kan lam pan chuan an rawn kal a, muani leh papuii an ni, senior most an ni a, an in ti lal thiam in mi hausa tak fanu te ve ve an ni a, midang pawn an ei lo thei hle chu tih rual in misual tak ti a sawi tur an ni lo, kan Chung ah phei chuan an sual ngai lo, Rodingliana te thian zing a mi an ni bawk.
"Nuntluang rodinga hi i duh ve mai lo ami?" Nui har har pah hian papuii chuan a ti a, kan chhang lo, muani chuan "roding lokal teh u I bialnu tur te an awm ania" an hnung ami au Lang Lang pah hian a ti a, an rawn phei tih pawh ka mitsir in ka hmu thei, kan bul an rawn thlen chuan min din hual thup mai,
"Rodinga bialnu hual" tiin pakhat chuan min chhaih zoh a, Rodingliana chu ka hma ah ding in min melh chhuk run tih pawh ka hre thei.
"Thingtlang nula te hi kalsan ang u" Rodingliana chuan ngeiawm fé hian a ti a, a thian te chu an lo nui hak hak hlawm a, an kalsawn chiah chu ka in veng hman lo ka tui bottle ken lai Chuan a hnungzang ah tak Chuan ka vawm chawrh a, a ding dat bawk zawi muang hian kan lam chu a rawn hawi a, a thiante chu an lo phul hlut bawk.
A ngaihnawm hmel em?, FB lam ah like leh comment kha min lo pe leh Liam liam dawn nia,
🥰