Adorable Woman chapter-7

Episode kal lai dah luhna

Moderator: writers

Katy Khiangte
Posts: 70
Joined: February 16th, 2017, 12:20 am

Adorable Woman chapter-7

Unread post by Katy Khiangte » July 14th, 2017, 9:49 pm

Adorable Woman chapter-7
Katy Khiangte.
www.storyfb.com mizo story thar nitin dah ziah a ni e
.
"Ahhh...ka lo va chhuak ange". Zorinzuala a inthiarfihlim hnu chuan ka nu hmachhawn chuan ka ding ràn mai. Ka rilru buaitak vang chuan ka puakdarh mai dawnin ka hria.
.
" I room ah lova phei rawh". Ka pa chuan Siamsiami chu chhuak turin a hrilha. Achhuak ve nghal mai bawk.
.
"Engkim hriat ka duh. Engvangin nge ani kha ka neih angaih? Min hmangaih miahlo tu saw engvangin nge ka neih a tul? Chuan eng thuruk zozai nge in thup hi". Ka tawngrang lutuk a,ka thaw achham lo chauh ani. An ngawih dun reng avang chuan ka thin arim zual takzet.
.
" Anu kha ka kuta thi ani".
.
"Atawk... A hriat kher a tullo". Ka nu chuan alo vin tuarha,ka nui ri hawk a,ka thuhriat chu dawt nise ka ti mahse an hmel ka en chuan dawt an sawilo ani tih chiang takin ka hre bawk si.
.
" Anihchuan anu chu i mutpui,nilo i khawihlui thin amaw!".
.
"Laldintluang i tawng kha fimkhur rawh" . ka nu chuan minlo vin nghal tuarh a. Tawp erawh ka tumlo. Tawng leh tumin ka kà ka àng zuau hman...
.
"Ahriat ahun tawh. Minlo va chhuahsan ta che". Ka pa chuan ka nu chu a khak fak a,achhuah hnu reilo ah ka khum hmaa couch awmah chuan a thu a.
.
"Engkim hi hria la ka duh. Lisa, Mathew sawn keimah vangin a tuar nasa takzet ani". Atawng chu tawpsan zeuhin a rawmawl chuan athlan fim lo bawl chhuak tek tek chu a hru a,ka lungphu nasa lutuk chu asawt chhuak mai dawn a ang zawk. Ka hlauthawng takzet. Pehhel daih ka duh laiin ka hriat duh em em ani lawi si.
.
"Anu in ka thawhna damdawiina Mathew ahrin zan khan engmah neilo in alo lut a,sumfai min pek tur lah anei heklo. Ka puihna hmangin nau chu ahringa,damdawiin bill pawh ka peksak vek.". A tawng chu a tawp dat a. Hriatzawm ka duhlo mahse ka hriat ngei a tul bawk si. Ka rilru abuai takzet.
.
" Khatih lai kha Doctor hna ka chelh kum chauh ani a,ka tan chuan khatiang taka hmeichhe hmeltha pasal neilo a nau hring enkawl kha a harsa hauhlo. Ka pui thei kha ka inchhuang ani. Damdawiin atanga achhuah hnu pawh chuan kan inbe chhunzawm zel a,ahmelthatna khan min zem à ni berin ka hria,ka atchilhin ka duh em em a,pasal neilo a nau pawm anihna chu theihnghilhin ka umzui ta zel ani".
.
"Ka nu in a hre miahlo amaw?".
.
" Inu hi min puitu ber ani. Ka thian thaber anih thu ihriat ve tho kha,engkim ahria a,engkimah min pui bawk".
.
"Pawi atilo amaw?". Ka ti leh hram,achhanchu chipchiar taka engkim hriat ka duh vang ani. A lu a thing mat mat a.
.
"Innei lo mah ila nupa ang deuh thaw in kan khawsa a,mahse ka nun kha a kim theilo,ka mawhphurhna ah ngaiin ka enkawl chhunzawm a,mahse ka hlim theilo ani. Achhan erawh ka hre hauhlo. Inu bula ka awm chuan hlim takin ka nui a Tetei bula ka awm erawh kha chuan eng hlimna mah ka neilo,ka atchilhna chu adal tial tial a,tunge ka mamawh tih erawh ka hrechhuak thei chuanglo. Kum riat zet a ral hnu chuan Mathew pawh thil hrethiam turin a upa ve ta a,apa ah min ngai hmiah bawk. Mahse ka fapa anih miau siloh avang khan ka thisen zawmpui nita lo chu fa ang takin ka lo ngaihtuah thei ta biklo a,an dinhmun harsa zual ka paltlangpui hnu chuan kalsan turin rilru ka siamfel a,ka kalsan ta ani".
.
" Mahse tihsual inei hleinem,nangchuan i pui zawk ani. A huatna tur che engthil mah athlenglo". Ka lo ti ve zung zunga,ka thuhriat avang chuan ka thawveng sawt.
.
"Ka la sawi zolo. Engkim ihriat angai ka tih kha,zankhat chu inu thiannu hian inu in min hmangaih thu asawi ta a,ka hlimna nasat zia chu ka sawi thiamlo. Thian ka nihna zawn atang chauhin thil ka lo thlira,hmangaihna ri ka hriatchuan ka hmangaihah chuan ka chiang ve ta chauh ani. Mahse Tetei chuan min umzui renga,ka ning lek lek thin. Mahse ka khawngaih em avang bawk chuan ka hnem leh thin a,zankhat inu nena kan awmdunlai min hmuh chuan mi à ang maia awmin intihhlum atuma,inu nen hian kan dang a,mahse awmzia a awmlo,hruihrual awrhin inchungah alo inkhai a,ka lakthlak tirh chuan ala thilo,inah chuan ka theih ang ang in ka buaipui a,Mathew chuan a mittui tla phang in minlo melh a,afapa ngaihtuah miahlo a chung thil ati te chuan ka thinrimna atizual. Keimah leh keimah indem tura min siamna ringawt pawh chu amah huatnan a tawk tawh tehreng nen.". A thaw halh a,angawi dat bawk.
.
" Mahse engtin nge ikuta thi anih theih ang,mahni intihlum anihchu".
.
"Ka lakthlak tirhin ala thihloh thu ka sawi tawh kha,a hrawkbawk chu siamrem tumin ka hmet a mahse tihsual ka nei ani mahna ani kha kan chhan hman ta lo ani. Ka kut ngeiin a hmuh laiin anu kha ka thahsak ani. Tap chungin min dem thu asawi a,chu chuan min tina takzet bawk. Thubuai awrh in reife ka awm a,mahse inu leh ka chhungte puihna hmangin chhanhim ka tumna lama thi anih thu in ka insawi fihlim thei a,mahse tun thlengin ka awm anuam theilo".
.
" Pa..... I duhvang ani hleinem,doctor dang pawn itih ang tho hian an ti a,chhanhim itum alawm".
.
"Mipa naupang kum riat mi tan kha chuan hriatthiam ahar deuh ani mahna,a thil hmuh apiang kha atan chuan awih tur vek ani si a, Kum tamtak aral chhung chuan Mathew chanchin hriat tumin ka bei a mahse eng chanchin mah ka hre zuilo. Ka hriat leh chuan mi hlawhtling tak niin alo thang tha viau a,biak a ngaihdam dil ka duh mahse a hmel hmuh ka ngamlo ani". Ka thuhriat avang chuan khumah chuan ka thuthla hnawk a,mumal lo zetin chhuat chu ka melh kual bawk. Hetiang khawp hian alo tuar nasa ang tih ka hre miahlo. Hria ila chuan buaina nasa tak ka thlen ngai hauhlo ang.
.
"Zankhat chu a hnen atangin call ka dawnga keimah min beitur khawpa a puitlin tawh thu min hrilhin inring turin thu min chah a,keimah vang chauha lawyer hna athawh thu asawi bawk. Ka hlauhthawnna ngai bawk chu lo kirin a finfiahna neih hmang te chuan min vo bet zel a,a tih ang ang a,ka awm a ngai ani chutiang anihloh chuan ka nupui leh ka fate nangmahni kalsanin damchhungin jail bang ka zut tawh dawn ani. Bawihte engtin nge in tello in ka awmtheih tehlul ang. Engtin nge in hmel hmulo in ka awm reng theih ang". Insehruh teuhin a mittui chu afar zawih zawih a,ka pa mittui chuan ka mittui a ko chhuak ve bawk.
.
" Mahse kei hi engatan nge min tih?". Tah insum zet chuan ka tichhuak a.
.
"Ani khan achhan asawilo mahse a natna tawrh ang min tawrhtir ve a,ihreawm tuarlai min hmuhtir a tum tih rinna ka nei ani,keima lam chauh thlirin nawrliam che ka tuma mahse tunah chuan i duhthlanna ani tawh i duhchuan i pumpelh thei ka nawrlui hauhlo ang che". Ka sama lo chulin chhuahmai a tum a,ka rilru buai nuaih kar ah chuan enge ka tih ang ka hrethiamlo,ka pa in min kalsan ka duhlo chutiang bawkin ka pa kalsan ka duhlo. Engthil nge ka tih tàk ang?
.
" Inneihna chu ka remti e". Alo hawilet a,phawk zetin min melh bawk. Ka kut chu ka hum ruh vaka,chu thu chu sawichhuah ka harsat takzet.
.
"Bawihte,ka tilui........".
.
" Heti mai hi ka nia lawm,lehkhazir pawh hi ka peih tawhlo,paper check tute an fairlo thei si,kei aia thiamlo Zorinzualan min lehpel ania". Mittui kar atang chuan za lo zetin ka nui hul hak a.
.
"Keite chu engmah ka nilo ka tan theihtawp i chhuah thin a,fanu ka nihna anga mawhphurhna ka hlen hi a tul alawm bakah nangchuan mi nunna i chhanhim thin a,kei ve thung chuan buaina chauh ka chawk chhuak".
.
"Inngaihtuah nawn leh rawh. I hreawmna tura nawrluih che hi ka duh miahlo ania". Ka biangah chuan alo dawm a.
.
" rilru fim tak ka pu a,tuntum chu ka first thought ka hmanglo ania".
.
"Lisa". Ka mittui tla chu hru in ka nui lui a.
.
"ka tan chuan pa ropui ber ila ni tho. Kal tawh rawh,in buatsaih ka duh". Room atang chuan ka nawr chhuak a kawngkhar chu chhunglam atanga kalh in kawngkhar ngheng chuan insum kàrna tel hauhlo in ka tap a,ka rilru pik chhah bur chuan hremhmunah min hruaithleng mai dawnin ka hria,ani khan min zuah dawn hauhlo hreawm taka min thihtir atum ani tih pawh ka hria mahse kei hian ka pa hi chhanhim ngei ka duh ani.
.
__________________________________________
.
" Inneihna i remtih thu leh engkim i hriat tawh thu i pa hnen atangin ka lo hria a". Ka hmaa ding chu ngawi rengin ka melh a,amah ka lainat rualim ka pa ka lainat bawk si. Mahse athu hriat thiamloh hriatfiah tir hi ka tihtur ah ka ngai nghet bur ani. Ka ti ngei bawk ang.
.
"Mathew,ka pa khan engmah atisuallo asin,i nu chhanhim a tumna lamah inu kha i chan mai chauh ani". Anui ri hawk a,ameng thip ram bawk.
.
" I nu kha ka pa hian a hmangaih lo ani,mahse chuti chung chuan......".
.
"Tawng tawh suh". Zawi fiah raih chuan aha sehchilh rap in ati a.
.
" i hriat angai ka pa hian a tanpui zawk.....". Ka tawngzawh hma in ka hrawkah minlo reka,banga min nawr betin rum zetin min melh a,min hmerna na zet avang chuan a kut chu thei leh theilo in ka beng a,ka khuh kharh kharh bawk.
.
"Engmah hriat ineilo,tawng tawh hlek suh". Min paih lèng dàwrhin min kalsan a,thu sawp hnawkin ka hrawk chu ka dawma. Ka mittui tling pam chu khap kir tumin ka khap fak fak a.
.
Ka phone ri ral ral chu phawrhin ka en a.
.
" Zorinzual".
.
"Lisa i...i...i tha em?,khawiah nge iawm?". Mangan hmel takin alo ti a,ka hmui chu hupin ahriat hlau takin ka tap a.
.
__________________________________________
.
" Kha chen kha hreawm ka tello in ilo tuar amaw?". Ka bula thu chu melh hauhlo in hmalam ka melh a.
.
"Pasal neih ka duhlo". Tap tiau a,ka tihchuan min pawm betin a awm ah chuan min beitir a,inhnit ri feih feih in pasal neih ka duhloh thu chu mumal lo zetin ka sawi a,ahnenah chauh hian ka inbunruak thei ani. Ka sam a lo chulin min kuah nghet sauh a.
.
" Tlanbo daih mai ila". Ka nui ri hak a,hepa zet hi chuan hreawmlai pawn min nuihtir thei ani.
.
"Fiamthu thawhna hun ania mi?". A àwma ka hmai phumpil kàk chung chuan ka ti a.
.
" Fiamthu ka thawh hleinem". Inla hrangin ahmel chu ka en a,a sam var seu chu athur bam a,anui hmel hmuh tur a awm miahlo bawk,a hmel a serious viau.
.
"Zorinzual.....". Angawi vang vang a,thli thawt nasat deuh avang chuan ka ban chu ka kutin ka tuai a,a t-shirt var hak chunga a kamis hak chu phelhin minlo hak tir a,alo siamrem hnu chuan kan hmalam chu amelha,kei erawh chuan a hmui chevel leh a hnar sàng vah chu ka melh reng thung.
.
" Ka bulah chuan i hlim thu i sawi kha,theihtawp ka chhuah ang". Engthu nge ka hriat tàk hi!!!!!
.
"Hey". A hmel leh chetphung chuan ka ngaih ati thalo takzet.
.
"Vawitam tak ka in ngaihtuah tawh. Thian chauh nge inih thian aia nasa tiin,mahse ka hriatchhuah tàk chu Lucy bula ka awm pawn ka ngaihtuah tho che a,ka ngaihtuah ang che in hmeichhe dang tumah ka ngaihtuah ngailo".
.
" Duhtawk teh,atak tak emaw ka ti dawn ania". Za lo zeta nuiin ka ti a,ahmel serious zet ka hmuhrual chuan ka nui tawp tat.
.
"Laldintluang ka fiamthulo, nimina pasal ineih tur thu ka hriat khan ka na takzet asin ilaka ka feeling ka hrethiam har lutuk hi apawi ka ti mahse tlanchhiatsan i duh anihchuan ka pui thei che". Sawitur hrelo in ka ka melh renga,ka àng phuau bawk. Min thawng lutuk a awmdan tur ka thiamlo.
.
" Ummm atlai tawh kal tawh ang". Tipah chuan ka tho a,amah pawh nghaklo chuan ka kal a. Ka awmdan chu ka lai kual vel vek. Ka awihlohna leh vansan zawng chu a inchen reng ang.
.
"Nghak tur che in min hrilh rawh khawngaihin". Zawi raiha alo tawng chuan muangchangin ka hawi let a,ka hmaa ding chu mak tiin ka melh deuh hà,a sam var seng chu thli chhemna avangin a thur bam a,amitmeng zim lam ah chuan lungngaihna thup sen rualloh a langchhuak bawk,engchhanna nge ka pek ang ka hrelo takzet.
.
" Zorinzual ka...ka.....".
.
"I ke anat vanga pan tur che a,min tih ang khan tunah hian ka lo pan thei che ngem?". Chhanna pelo in ka ngawi renga,lo kal hnaiin nghet zetin minlo kuah a,engtinmah ka la awm chuanglo ka ding khawng reng ringawt. Chet ngaihna ka hrelo a,tan khawh ngaihna pawh ka hre chuanglo. Ka awm ang ang chuan ka awm ve tawp mai ani.
.
" Ka ....ka....ka neih ngei angai". Min kuah nghet zual sauh a,thawk a harsa lek lek zawk ani.
.
"Angailo vawikhat chiah nghak tur che in min ti rawh. Ka...ka thei ang,rei tak pawh nise".
.
" Ka tihpalh tunah chuan engkim adanglam tawh". Min thlahin ka dar ah chuan nghet zetin a hmer a,anat em avang chuan ka then sak,anat thu erawh ka sawi duhlo. Amitmeng sen ram ah chuan kallo tura ngenna nasa tak ka hmu nimaiin ka hria.
.
"Laldintluang, ka ngaihsak loh che chuan min hauh thin kha, i tello a ka awm chuan i thinrim thin kha, tunah hian i kal anihchuan i tello in ka awm angai dawn asin". Min vin vaka,thinrim a ang mah mah zawk. Mahse enge tihsual ka neih? Keichuan thian ah ka pawm mai chauh ani.
.
" Ka tihpalh mahse ka tan chuan thian bak engmah a awmlo. Chuan bialnu i nei a keipawn pasal ka nei dawn bawk. Ka inthian thatna hi tichhelo hram rawh". A mit ah chuan en ngamlo in hnuailam melh chungin ka sawi a,a kut chu thlahdul tial tial in a,min hnungchhawn in akal a,amah en tura ka hawilet chuan alo hawilet ve tawhlo. Awmze nei map lo in hmalam pan chuan akal a.
.
"Ka hma hun chu duan lawk sa thlap ani. Keichuan ka thlak danglam ve theilo ani". Ka ti sap a.
.
_______________________________________



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 14th, 2017, 10:03 pm

.
Inneih thutiam kan chhamlai chuan ka hmaa ding chu ka melh a,a coat suit var hak leh a hmel thim rap chu a in ep hlauh. Hmeltha in inhmeh viau mahse a thinlunga khàkna awm ka tawrh la nimai tur chu ngaihtuahin ka khur dar dar a,keimaha hlauhna awm nasa tak chu chimit vek thei se ka ti takzet.
.
Biakin chhunga kan awm tirhin vawikhat te mah minla en lo. Zungbun min buntir lai mek pawn. Ka chunga thilthleng rapthlak zet chuan hreawm nasa tak min tawrh tir a, mahse tihtheih engmah ka nei bawk silo. Ka hmaa thilthleng rapthlaktak chu pumpelh theih nise ka ti takzet.
.
Biakin pawn lam pana kan chhuah chuan Zorinzuala ka nau bula thu chu ka hmu a,ahlim hmel lem zet ka hmuhrual chuan ka mittui arawn tling pam a,minlo nuih sen sen in akut chu chung lamah a beng ri a,mipui pawn an lo zawm ve bawk.
.
Jonathan's pov~
.
Mitin in duhthusam kan nei theuh a,ka duhthusam zinga pawimawh ber leh ka chak ber chu khawvela hmeichhe hmeltha ber leh lawmawm ber tuna kawrvar ha chunga biakin chhuahsan mek ka bula dintir ani.
.
Ka duhthusam thleng dik tura ka duh em em ka chàn lai chu ka thlirliam a,'THLIR LIAM' he thumal hi ka hua,ka hmangaih nena min thenhrangtu thumal hi ka best friend nena min then hrang tu thumal tho kha ani. Ni e,thlirliam bak tih theih engmah ka neilo. 'Min kaltir suh' ti se chuan ka damchhungin ka chelh ang. 'Min lo pan rawh' ti se chuan engkim hmachhawn huamin ka pan bawk anga,mahse tunah hian enge ka tih? Ka ke a che theilo a,ka pen sawn thei miahlo bawk. Ka beiseina thàmral lai ngawi renga thlir bak chu tihtheih engmah ka neilo.
.
Pawnah chuan chhuakin Lisa awmna thlir phak tàwk in ka dinga......."I hmangaih chhan tal ka hre thei angem?"......Lucy in alo tihchuan ka nui hul hak a.
.
Ka hmangaih chhan ka la ngaihtuah ngai miahlo. A chhanchu ka hre biklo ani. Amah Laldintluangi mawl tawp saw ka hmangaih chu ani. Chhan ka mamawh in ka hre ngai hranlo. Mahse chhan ka mamawh anihchuan a hmelthat em vang te,a mize chimawm lutuk avang te,a tawngkam ngeiawm lutuk avang te,fuih angaih reng na avang te pawn ani mahna.
.
Khawvela hmeichhe kawlh ber saw khawvela hmeichhe tlaw ber ani a mahse khawvela hmeichhe tlaw ber saw khawvela hmeichhe huaisen ber ani leh lawi si, amah aia midang angaihpawimawhna avang tak sawn keichuan zahtlak ah ka ngai a, hreawm tuar tur leh a chhungkaw venghim tura a inpekna avang sawn chawisan tlak ah ka ngai bawk ka tan chuan khawvela hmeichhe duhawm ber ani.
.
" Jonathan,enge i ngaihtuah?". Ka darah alo sawih vaka.
.
"Ahhh....engmah ni hranlo e". Tih chauh chuan ka chhang a.
.
" Chuan i hmangaih chhan ka zawt bawk che". Atihchuan ka ipte a ka kut zen lut that in ka thaw halh a.
.
"She's Adorable". Ti sap pah chuan mit ka siai zeuh a, Lisa leh a pasal lam pan chuan ka kal a.
.
__________________________________________
.
Lisa's pov~
.
" Hey". Zorinzuala chu ka hma ah alo ding a,amit chuan ka kut zungtanga zungbun chu a en a,amitko a san zeuh.
.
"Ti khan ti suh". Ka lo nuih let var var a.
.
"I inhmeh lutuk. Kan friendship a buaiphah em lo ang chu". Tipah chuan a tihfo thin angin ka sam lo chul a tum a,ka bula ding rum zeta meng ahmuhrual chuan a kut chu a la let leh a,a nuamlo ka lo ti rilru takzet.
.
"Buailo e,tuma thik chi ini hleinem". Mit ka siai zeuh a,nui ri hawk in Lucy chu amelh a.
.
" Ka kal phawt ange,tih ve thuai ka duh dawn sia". Nui sen sen in ka dar ah chuan alo chelh a,akalliam thleng chuan ka thlira.
.
"Hmeltha i tih viau chuan tinge ineih mai loh?". Ka thaw halh a.
.
" Ka thian alawm anih". Dam tak chuan ka chhang a.
.
"Duhthlang thei dinhmunah i dinglo ani zawklo maw?". Ngeiawm zet chuan alo ti leh a,ka nunah avawikhat na atan mokawr ka ha ve a,hemi ni kher hi chuan tumah tihbuai ka duhlo,ka pasal ngat phei chu.
.
" Ka duhthlanna inia lawm". Tih chauh chuan ka chhanga,min melhlo in nin hmel zetin a tie chu a pawt thawl a.Ahmel ka en chuan thinrimna nasa takin a tuama a puakdarh tep tawh ni berin ka hria,a hlauhawm takzet.
.
'Ka tuar tur ania lawm'. Ka ti rilru mawlh mawlh.
.
Kan inthar lam pan chuan car in kan kal a,ohhh ka sawi hmaih tàkin Mathew hian inthar leiin tunah chuan Zotlang lamah kan insawn tawh dawn ani.
.
Ka lawmlohna pakhat chu zan lama programme a buatsaih lo chu thuhran nise,ka thian Malsawmi takngial pawn min riahpui a phallo. Kan pahnih chauha zan hun hman a duh thu asawi a,engtiang taka nasa in nge min hnaisak dawn ka hrelo. Mahse he thu hian ka inhnem a 'Ka chhungkaw tan ani' tiin. Ka tuarchhuak thei ngei bawk ang.
.
In kan luh rual chuan kan nupa room tura a tihna lam pan chuan ka lut nghala,bungraw phur ho in an lo dah luh fel thleng chuan ka lo buaipui a. Keimah chauh ka nih avangin ka chau takzet. A rem fel theih ang ang chu ka rem fel a,min puih tumna a nei chhin eihlo lehnghal. Nilo,kan haw atang khan ka hmu leh tawhlo hrim hrim zawk.
.
Ka phone a rik chuan ka en vat.
.
"Nu".
.
" Bawihte ahreawm em? Tuar hram hram rawh aw".
.
"Hreawm loh e,hei anuam lutuk".
.
" Tunah khan i bulah Mathew a awm em?".
.
"Ummm hei khumah a mu". A rilru tih hah ka duhloh avang chuan dawt ka sawi a.
.
" Lisa dawt sawi ivan thiamlo tak. Bawihte ka thiamloh vek ani. Ka thiamloh ani". A tap zawih zawih a,ka inrin hma hauhin ka mittui chu atla a.
.
"Heng te chu a thleng dawn tih kan hre lawk vek alawm nu".
.
" Ka awmloh laia ka chanchin sawi hi khap ani tih i hre nange". Kawngkhar biang nghenga kut kuangkuah chunga ding ka hmuhrual chuan ka phone chu ka hup a.
.
"Ka lo be leh ang che nu". Phone chu ka off a.
.
" Khawi ah nge i kal a?". Pangai thei ang berin ka ti a. Nui ri hawk in,rum zetin min melh a.
.
"Nupui tha tak anga ilan kha atullo ang,ka phutlo tih hre bawk la". A ner sawk a,ka chhan tamloh atha ber tih ka hria,ka himna tur ani tih pawh.
.
" Awle,ka hria e". Tih chauh chuan ka chhanga,min melhin a thaw halh a,a chhuak leh ta daih.
.
'Rinai tak chuan a hreawm dawnloh hi'. Ti sap pah chuan ka kawr chu hlih ka tum a,a jipper ka la ban phaklo zui. Engtin nge ka tih tàk ang. Rei fe ka beih hnu pawh chuan awmzia a awmlo kher mai,style hrang hrang ka apply a mahse ka jip thei chuanglo.
.
"Maw? Tunah maw,ka nupui neih ni anih hi". Mathew chu hmanhmawh zetin a rawn lut a,file chu a keu nghal zung zung. A thusawi pah ngaithla lo in,keimah leh keimah chu ka lo inbuaipui a,ka thin a rim hlur tawh. Mathew khuma thu chunga phone bia chu melh a.
.
'A puihna ka lak ngei angai bawk si".
.
"Minlo pui teh".
.
" Ti tehhhh Lisa ka buai....Ohhh chu chu ka dawhkan ah khan han en chhin teh". Phone ami chu a biak zawm leh a.
.
Ner sawkin ka melh a,tunah tak hi chuan Laldintluangi diktak thinchhiat lutuk avanga tah chhuak pur zel kha alo kir,men pui pui pah chuan ka han ban leh a.
.
"Kawr chhe lutuk,zaithler vek ang". Per tàn tàn pah chuan darthlalang lam chu ka pan a,darthlalang a Mathew nuih insum hmel ka hmuh chuan ka ner sawk. Inhrechhuak zawk ang maiin a file keu chu a chhun zawm a.
.
Bakcheh chu la chhuakin cheh tumin ka kut chu ka lek chho a.
.
" Lisa zaidam zir ve deuh teh". Tipah chuan ka bakcheh chu minlo chhuh a dawhkana a dah hnu chuan awlsam zet chuan alo ti thla a,ka thaw nghal huai. Chhuatah chuan ka tithla tawp a.
.
A phone biak chu ngaihsak hauhlo in ka taksa chu a en a,hnuailam atang chuan inmelh chho in a mitah tak chuan ka en a ring mang khengin ka rak chhuak vak. (To be cont...).chhiartuten min tihsak ve thin kha minclick sak leh dawn nia...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 14th, 2017, 10:03 pm

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

WEbsite link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)