Love me not chapter 7

[Zuali Zuali]

Chapter 7





Kan in neih atang pawn karkhat a Liam leh tawh , in khatah Cheng duh mah ila in hmu ngai lo tluk Kan ni .




Khum khatah Kan mu dun tawh ngai lo a , zing kar a , a chhuak hi zan dar 12 emaw dar 1 velah hian a rawn haw chauh thin , a tir kha chuan hreawm ti viau mah ila , keipawn hna ka kal leh tawh avang leh min haw em em tu pakhat a kiang phah avang in thaw khat chu a veng huai thei .





Vawiin in Rini a nih avangin school ah kal loin Kan nupa room chu a singsa kual e ka tia , a hahthlak ve ang reng khawp mai , thil tih nueh nueh chuan nileng daih hi alo awm ve thei zel .






Dar 3 bawr leh ah chuan nu Mawitei erawngbul pui tum in ka chhuk thla a , Nu Mawitei chuan chawmeh a lo chan leh mawlh mawlh tawh , a bul lawk ah ka nu leh Enkawli chu an lo ti ti Siam Siam a , an nuih leh hak hak thin , an thusawi a zawih em avang chuan ka hrethei lo thung .





" Tluangi thingpui min lo lum teh " choka a ka lut min lo hmuh rual rual chuan ka nu chuan a ti nghal vat a , chhang lem lo chuan thingpui chu ka chhuang Kai nghal zat bawk ..





" Eng nge I Siam dawn ka lo tih pui ang che " nu mawitei bula kal pah chuan ka ti nghal zat a .




" Tih tur em em a awm lo , in room lam I tifai sia ichau ang , lo thu mai mai rawh " nu Mawitei chuan min nuih sen sen Chung hian a rawn ti ve leh nghal a .




" I thingpui chhuan a so , va Siam rawh " a ti leh nghal zat a , keipawh hmanhmawh tawk in gas chu ka off nghal zat.





" Engkim lei vek a nia , ren a ngai tun ang laiah pawisa thawh chhuah a har tawh , thil chhuan lai neih chuan vil reng zel tur alawm " Nu ber chuan a rawn ti nghal hlawih hlawih mai .





Ka in thlahrung ang reng khawp mai , eng emaw hlek ka tih sual a chang ti ka hre ve reng sia , tumah thlavang hauh tu ka nei ve bawk silo , a chang chuan haw daih mai te hi ka duh rum rum zel .





" Kha aw nu " tih pah a thingpui ka va pek lai te chuan ka tawng hre lo ang hmak in a phone a melh ve ngar ngar a nih chu Enkawli zawk chuan nuam lo tih hmel deuh a min rawn melh pah hian " nu hei thingpui chu u tluangi'n a Siam zawh tawh hi " tih pah in a bula a nu thu chu a nghawk zeuh a .







" Zawi te te hian tawng dim dem ziah Suh u , Kan upa tawh , Kan ri hriatna te hi atha tawh lo "a ti daih a nih chu ka awi lo lutuk chu nuih khum nghek mai a nia ka duh ni .





Enkawli ka en chuan tawi tak hian min lo nuih suk a , a awi hmel chiah bik lo , Enkawli nen hian Kan in be lutuk hran lo , ka tan a hnawk sak ngai lo ang bawk in , min tan em em ka la hre hran lo bawk , ka awm ang ang hian min en Liam ve tawp ni mai hian ka hria.






" Eng nge ka lo tih pui ve ang che " nu Mawitei bula va ding pah chuan ka ti sep " antam hi lo thian rawh vawksa chhum tui ah Kan telh dawn nia " tih pah in antam chu ka bulah a rawn dah nghal sawk sawk a .





" Ehe ! Thingpui chu Ava Han thlum em em ve le , zunthlum ka nei leh nghal tiang em em thlum in chi ka ni lo hrim hrim , a thlum lutuk hi , hrisel paingai tan pawh zunthlum neih na tham lawih alawm chini I telh , I Siam zawh in I in chhin lo hrim hrim ami ?" Ka nu chuan a thingpui no keng reng Chung chuan a ti nghal hleih hleih a .





" In chhin na chang ka hre Miah lo " in thlahrung dek a melh pah chuan ka ti sep a , a sawi uar thiam mai bawk sia , in thlahrung a na ang reng khawp mai . Enkawli pawh a nuih in sum na lamah a sen vek thei hial .




" Kha in chi pawh a nih loh kha peih vek rawh " tih hnawk hmawk pah in no chu dawhkhanah adah ri nghal chawrh a , Kan inlamah ka ti ngai bawk si lo nen , keitak phei chuan thingpui ka ngaina vak lo nen, fian te li vel kha ka telh a nia , a thlum viau a ni ngei ang .



A duh tawk tawh mai dawn a maw ka tih hnuah pawh a ang chhunzawm char char a nih chu , chhang let lo tur a ka in thunun nasat na lutuk na lamah ah ka tang teuh tawh .





Dar li vel a nih chuan Sangzuala choka ah a rawn lut hlawl mai , eng emaw a khai tel bawk a , mak ka ti ang reng khawp mai tun ang hunah a rawn haw ngawi chei si lo , kei ang tho in ka nu leh Enkawli te pawh in mak an tih sia an mitmeng atang a hriat theih .




" Bawiha teh thut che chuan "nu ber chuan a ti chhuak nghal hluai reng a , a nu biak na pawh chhang lem lo chuan a thil khai lai chu dawhkhan ah dah in fridge a tui bottle chu lain a in nghal khawlh khawlh a , a chezia chu kei , ka nu leh Enkawli te chuan kan en thap ringawt .




Tumah be lo chuan ngawi reng in a chhuak leh nghal tharh a , Enkawli te nufa chuan an zui chhuak ve nghal zet bawk , ka thaw huai thei an ni nufa an awm lo chu , nu ber awm lai kha chuan a mitmeng veng reng a Chet a ngaih a vang khan ka hahdam thei ngang lo Ani .





" Pi mahriati hi a sual lutuk hran lo a nia , in in hmu fuh lo lak kawh vang mai mai a nih hi , a fapa hi a duat ve a , a duh lo chung a pa in nupui a neih luih tir khan a lung a awi chiah loh vang a nih hi , I awm rei a nga hetiang reng a ni bik miah lo ang " nu Mawitei chuan kan boruak hrethiam zet hian a ti sep sep a .





Ka chhang lem lo na a , Kan in mil thei ka ring thak lo , mi khei fak fak a tawng a thiam em mai .



Dar 5 bawr velah chuan ka pa pawh a rawn haw ve tawh a Enkawli'n chawei HMA a tih tlat avangin Chawei Kan Siam nghal sawk sawk a , chhuahna tur a nei ni a tak a ni.




" In pa Han ko rawh " ka nu'n a tih chuan hreh tak te in ka hreh , tlai a alo haw atang khan room ah a la in khumg char char avangin keipawh room ah Han chho duh lo kha ka nia , Han chauh tho chu a ngaih hmel khawp mai .




" Kei man ka Han ko ang , thil dil duh ka nei bawk a " Enkawli chuan rang zet a tih pah in choka lam atang chuan a chhuak nghal tharh a , ka nu'n min lo melh rum leh pek khawp mai , engmah a sawi lo lem thung .




Enkawli leh Sangzuala an rawn thlen chuan ka pa'n chhung in khawm na te a nei leh te te phawt a , chumi hnuah ngawi reng chaw chu Kan ei mawlh mawlh , tumah Kan in be tawh lo .





Eina ka Seng vel zo sitting room ka thlen phei hnu lawk ah Sangzuala chu inchei zet a rawn chukin thil a khai run bawk a , Enkawli'n a hnungah a rawn zui ve bawk .



" Khawiah nge in kal dawn a " ka pa'n an ni pahnih a hmuh rual chuan a ti nghal vat a.



" Emily birthday a nia , min sawm a Kan kal ve dawn " Enkawli chuan a ti nghal sep a , Sangzuala a erawh a ngawi reng thung .




" I duh chuan Enkawli nang chu I kal thei ang Sangzual nang chu in ah awm rawh nupui nei tawh I ni a , birthday lawm rual I ni tawh lo " ka pa chuan lungawi loh hmel deuh hian a ti deuh hmuk a .




" I duh dan in nupui ka nei tawh , I thuhnuai a mi dah tum Suh " ngeiawm deuh a nuih pah chuan Sangzuala chuan a ti deuh sup a .




Naktuk zan ah emaw zing lamah ka rawn zawm ang link ngaiah aw , ka mut a chhuak tawh lutuk , ka type thei tawh thlawt lo