FOI Chapter-2

[Duati Hnialum]

Chaw eina vel ka tihfel pui zawh chuan ka room-ah lutin lehkha zir ka tuma. Engvakmah vawiin lamah kan la zir loh avangin Bio chu phawrhin ka han chhiar tana..

Darkar hnih vel ka zir hnu chuan chapter -2 chu ka complete ve theia, class kal hunah teacher te teaching tha taka ngaihthlak leh chiah a ni tawh mai.

Hetianga zirlai lo inzir lawk hi a tha phianin ka hria, Zirtirtuten an han explain leh chiahin thlema kan hriatthiam loh lai te kha kan hrechianga, hriatrenga awl phah niin keichuan ka hria.

Ka study table te ka tihfai zawh hnu chuan ka Pu missed call ka hmuh avangin ka call back thuaia.

"Bawihte, eng nge i ni khatna chu a an?" phone a lakrual chuan rawn tinghalin, keipawn ka ni hman dan te chu ka hrilh ve luama, ka Pu hi chuan min ngaithei bik a nia.

Ka Nutei room-a ka kal hmain Bible chu phawrhin bung khat chu ka han chhiar leh tetea" Bible kan chhiar ngun nanana chuan kan nunah rah a chhuah ngei ngei thin" Ka pi'n a tihkha dik hlein ka hria. Kei ngei pawh hi thain fel ber lo mah ila, ka nunah Bible ka chhiarna hian hamsawnna tam tak min neih tirin chhia leh tha ka thliar thiam phahin, ruihhlo that loh zia leh dawidim telhna reng reng hian a tha lam aiin a sual lam min hnaih tirtu a nihzia ka hriat phaha, ka tan chuan 'Nunna bu' dik tak a ni.

Ka chhiar zawh chuan intifai lehin Nutei room lam ka pan nghala. A room ka luh rualin "Bawihte, lo thu teh" min tih leh khuma min nem thut a ruala.
Chutah min en vung vungin "Eng nge nih I tum?" min ti hlawl mai! a sawi tehthut avang chuan min thawng deuh nge sawi tur ber pawh ka hre lo.

A hnu deuh chuan ka aw thianin "Doctor nih ka tum, Nephrologist( kidney lam specialist)hi Pathianin rem a tih chuan nih ka duh" Ka tih chuan nuisanga min enin a lawm hmel hle.

Chhutah ka Nutei chuan" Chutia MBBS lam i rilruin a awn chuan coaching hi 11 tang i kal mai dawn mi? Aakash Coaching Center hi India-ah chuan no 1 anga ngaih a nia, I duh chuan online in I kal ang a" a tih chuan ka lo inngaihtuah dawn thuin ka chhanga. Ka nutei hi Paediatrician( naupang Doctor) niin a line MBBS lama ka kal tur chu a lawm hle niin ka hria.

Kan mut meuh chuan 12 a lo ri der tawha, kan titi nasain coaching kal tura min duh thu leh ka nu leh pa te pawh hrilha,aman a fees chu min tumsak a inhuam thu thlengin min hrilha keipawn kal chu tha riau dawnin ka hria.

Zing ka harh chuan dar 5:30 a lo ri tawha kan khuaah kha chuan thaw tlai hi ka pu khan a phal ngai loa, chuvang chuan nuapang te kan nih atang kan tho hmain ngaiah nei tawhin dar 5 bawr velah hi chuan ka tho ngei ngei zel.

Ka intihfai hnu chuan Bio bawk phawrh lehin nizan lama ka zir te kha ennawn lehin chumi hnuah English chu ka chhair leha language hi chu zir tluk tluk a ngaih loh avang hian hun pum pek chi a ni loa,a story vel chhiang taka hriat nan chhiar zing earawh angai hle.
Zing lam atana ka zirlai ka zir zawh meuh chuan dar 7 a lo ri tawha. Inhnuai lamah chhukin nula te chu ka puih vea. Chaw te ka ei kham hnu chuan school kal tura insiamin kan inpeih fel meuh chuan dar 8 a lo ri dawn hnai tawh chu niin! Putea'n min thlah dawn avangin a room ah va kalin vatin ka hman tawh thu hrilhin school lam panin kan chhuak zui ve ta nghala.

Class ka luh chuan ka thiante chu lo thleng tawhin min lo wish nghala, keipawn wish ve nghalin kan titi leh chiama. "Awii! Keichu maw story ka chhiar naah hian tlangval senior ho hi an tha thei sia, atakah hian chutiang ka hmu si loa, ka beidawng" Maggie chuan tiin dawnkana bawh aruala. Chutah, Elly chuan " Story chhiar tawh suh ka ti che a, I duh loa kha kha ni mai" tih leh a hnungzangah bengin a nuih vel mai mai a, chutah rawn sawizawm lehin"Pearl, zanlaiah henu mawl thei zia chu maw a lo nui leh hak hak thina, hlauhtawng tawka ka han en chu phone lek a lo en thin chu niin min ti â thei mai dawn " a han tih chuan "Eng nge mi hlim ve te "tih leh Maggie chuan rawn dek a ruala mittui tla purin a tawpah phei chuan kan nui vek .

Class kal pawh ka thian te zarah nuam ka ti a, kan thianho thatna riau chu lunch break velah te chuan ninhlei viau thin mah ila, class ah erawh teaching kan ngaithla thain kan serious thei hle.
Ka thiante hi ka la sawi loin ka hria Maggie hi Siaha lam niin Elly erawh kolasib lam mi a ni thung.

Ka thiante nen chuan ni kan hmangral ve zela, zirlaiah kan tangin kan hriatthiam loh laite inpuih tawnin tumah rilru kawi kan pu ngai lo.

Test kan neih pawn a titha ber a awmin kan inthikin kan iner ngai lo "Lawm te I lawmpuia, tah te I tahpui theih loh chuan hlawhtling tur chuan i kawng a la thui lutuk" tih ka pu'n min hrilh thin angin zirnaah pawh midang el loin keimah leh keimah ka inel thin.A chhan chu mi kan el emaw kan intih lai hian kan lo er thina,chu chuan midang mark -ah lungawi lohna min pe in rilru a hrisel mawh em em thin.

Coaching pawh ka nutei sawi angin ka kala,ka hlawkpui viau rualin nasa taka tan lak ka ngaihzia ka hrechianga, zirnaah hma min sawn tir hle.

Sawi hmaih thiang lo chu Ka Putea'n Laptop pass lawm nan min present a, ka chhawr tangkaiin ka lawm tak zet a ni.

( Changtupa rawn lang tep tawh a nia)