NAYELI

[Nui Ngente]

By Nui

Chapter-4




Nu Rotei dawr kan thleng chuan kan veng tlangval thawveng em em te pathum chu anlo thu ve ran a min hmuh vel ah chuan minlo be nghal bawrh bawrh a kan thil duh te kan lei zawh hnu chuan chhuah leh nghal mai kan tum a nu Rotei chuan la leng ve tur chuan min duh em a,kan han leng leh zuai a in lam pang pawh ka rilru ah a awm leh tawhlo.







UReubena chuan fiamthu chu a thawh reng a kan hlim dar dar hle an ni thian thum hi chu an taima a mahse an thawveng tih mai loh "UJona chu i hmai ava no ve"ka tih chuan URuata Chuan"Zopar Jona te zawng a hmai ah hian hnawih theih chi kim a hnawih vek alawm"UJona chu alo chhang khalh nalh a, Puitei nen chuan in en in kan nui nasa ngang mai"engmah ka in hnawih lo chiang e"UJona chuan URuata beng awk chung chuan ati a UReubena chuan fiamthu bawk chuan alo chhun zawm ve nghal zat.











Zan chu a rei tawh deuh avang in
Puitei nen chuan kan in zui haw leh hnak hnak a UReubena ten min thlah an han tum viau na chu Puitei nen chuan aruk athil ti kan nih avang in kan hnial zel a,nu Rotei pawn'lo riak ula'ati reng a,ka chhuah ruk thu chu sawi ila min sawm lo viau vang bak ah sawi chi pawh anilo kan mi thawveng pathum te hian fiamthu in ka nu anlo hrilh duh leh tak tak mai ang.








"Lawn thuai rawh kalo chelh ang leihlawn pawh zawn phei angai leh anga arit bawk si"Puitei chuan ati nang nang a,Lucusa room lam daih chu kalo melh thung ,a thim vek tawh amu tawh aniang ka lawm hle"lo chelh nghet la ka tlak vaih chuan"ka ti a Chutah "ka thlah lawk ania"ati a kei kalo lawn hmang tawh si leihlawn chu che thut in ka tla nghal dut mai Puitei chuan a hmui chu a hup nghal a "Ana em?ana em?"alo ti chul nghal a
Kei a thinrim ka mawng na ti bawk si chu "Lalnunpui"ka hmui chu alo hup chat nghal"i tawng ring lutuk ania"akut chu ka vai thlak sak nghal.








Tho chhuak in ka mawng chu ka dawm vang vang chhuat a ka ei tur chu minlo chhar ve vat bawk"naktuk college ka kal theihlo tep kha"Puitei en chung chuan ka ti a,"ilo lawn thawt thawt anihkha"ka chhang hma chuan ka nu te room atang khuh ri alo chhuak a Puitei nen chuan in thurual ni awm hrim chuan kan in hnung lam pang ah chuan kan biru vat a, ka sawi leh duh lawk kan in hi hmun rual rem tak ani a kan huan pawh hi a zawl nuam hle.









"Enge kan biruk ve ringawt a Pa Zara khuh ri mai mai anihkha"ka tih chuan Puitei chu a nui suk a keipawh chuan kalo nui ve thaw a ka thinrim rei theilo ngang mai.








Hmanmawh zet chuan kan phei dun leh nghal a leihlawn chu min chelh sak in kei pawh rang deuh vin ka chho nghal in bual angai dawn chiang lutuk tukverh atang chuan Puitei chu ka en a,leihlawn chu a pu phei leh a rit atih hmel tawh kher mai a chau ve deuh tawh aniang ka khawngaih viau mai
Ka tan vek ani sia khung te khu min tih sak a ka thil lei te ka ei zawh hnu chuan in ti fai in ka mu zui hmak.









Zing ni eng chhuak mawi tak chuan
Ka khum chu alo chhun a ka mit chu ka nuai chet chet a,in ti harh deuh vin ka tho chhuak zui nghal ka in phih fai zawh hnu chuan ka room vel chu ka ti fai leh phawt a,ka tih fai zawh hnu chuan in hnuai lam ah ka chhuk zui a.









Ka nu pawh chu alo che leh malh malh tawh ka nu pawh pui lem lo chuan pawn ah chhuak nghal in pangpar tui chu ka pe nghal a,ka nu pawn min hmu min biak pawh a tum bik lemlo,tunlai chu kan in kar atha vak lemlo bawk nen kei pawn ka be lum lam peih biklo.











Ka pek zawh chuan ka lut leh nghal a
Mama chuan ka nu hi alo pui a hepa hi a awm dan pawh hi ka hrethiam tawh mai mai lo e "Mama in class in tam em?"ka tih chuan "tam ve tho e,mahse maw u hmeichhia ho an chicks lo hlawm lutuk a"atih leh chuan kalo nuih pui hak mai.








Ka nu chuan"ler loh tur"Mama en pah chuan ati a Mama pawh a nui ve hak mai,chutih lai chuan Lucusa pawh aroom atang chuan alo chhuk a ka nu chuan ahmuh vel ah alo be nghal bawrh bawrh a,a biak dan vel lah chu
Minister treat in a lo treat ani ringawt alawm.






Lucusa erawh chuan a rul tawk lek lek chuan alo chhang a ka nu ka ngei bawk Lucusa ka ngei bawk abuaithlak ani hringnun hi,Lucusa chu sofa ah chuan phone khawih chuan athu leh hmak tawh ka nu chuan thingpui va pek atum a Lucusa chuan ka nu chu en pawh enlo hian "ka duhlo"alo la ti hmuk zui.








Ka nu pawh thingpui lo va pek daw daw pawh avan ngailo tak em mama nen hian ka hriat ve chin ah zing kan thawh hlim vel ah thingpui hi min la siam chhin eihlo reng reng chutia Lucusa ahan siam mai chu ka rilru alo na ve em em ringawt a mama erawh chutiang lam pawh chu ngaihsak lo chuan chair ah thu in game a khel mial mial mai.









Ka nu lo leh phei leh hnu chuan Pa Zara Pawh alo tho chhuak ve a ka nu chuan thingpui bawk chu alo siam nghal vat "Mama in class chu anuam i ring em?"ka nau en pah chuan Pa Zara Chuan ati a mama chuan"tehreng mai"alo ti vat.







"Zopar nakin ah ka be lawk duh che ania"ka nu chuan alo ti ve ta nge nge Chhang buailo chuan kalo be zeuh va "Lucus i bullet te saw i sil leh dawn lo ami?"Pa Zara chuan ati a Lucusa chu a tho nalh a pawn lam ah chuan a chhuak zui nghal.




Reilo te ah chuan lo lut leh in" ala fai tho "ati a Pa Zara pawn engmah a sawi zui lo, Mama leh kei chuan tlai kan hlauh em avang chuan chaw ei kan rawt deuh chhen a, atawp ah zawng ka nu chuan chaw ei chu min siam pui ve thei hram a Lucusa lo phei chuan" ala hma nen"ati hluk a ka chhang chak ang reng viau ariltam lo anih te chuan eilo mai se ka nu leh Pa Zara chuan engmah an sawilo.









Chaw te kan ei zawh hnu chuan ka ti fel leh vat a ka nu pawh room ah alut leh daih tawh chaw ei hmun tih fel dawn hi chuan alo pit bo hman ve ziah ka sil zawh hnu chuan ka room ah chho vin ka in siam nghal mawlh mawlh a,jeans kekawr ka ha a top ka ha leh tawp a sneaker ka bun leh tawp a ka sam chu ka thlah bawk a ka darthlalang ah chuan ka in en vang vang a mawi chu ka in ti ve em em ringawt.













Ka bag chu la in ka chhuak zui nghal
Lucusa chu a room atang chuan alo chhuak ve chiah a " vidio tha deuh ka nei "a kekawr ip te zen chung chuan ati a nizan kha ka hre chhuak nghal ka en chho vat a,a hmel mawlh hi kala nel hleithei lo reng reng a nui lai pawh kala hmu lo.







Engmah sawi tumlo chuan step ah chuan pen thlak ka tum a a phone chu lo lek kang va in nizan a leihlawn a ka chhuk thla lai video ngei mai alo lek va mai ka lo phu deuh zawk ,"hei delete nghal rawh"ka ti vin thak mai,amah lah chuan min en chhuk run leh nghal beng pawp a kal nal nal chu ka duh ngei mai "Aih"ti leh kal a rual nghal a,ka thinrim lutuk chu ka phone keng lai chuan ka tin zua zua mai.







Midang a hmuh na vaih anih zawng in
Ka theih ang ang chuan phuba ka la tho vang engmah ti thei silo chuan step ah chuan ka in sawh chhuk nghek ringawt pawn ka chhuah chuan puitei pawh scooty nen kan in kawt ah chuan alo ding nghal Lucusa pawh bullet nen a in khalh chhuak nghal a Mama pawh kan kal dawn tep ah Chuan lo chhuak in a bike chu ati nung nghal a ,atlan chhuah hma chuan tha deuh va awm tur te chuan ka chah a ,a tlan chhuak ta vang vang mai.









"Lucusa hmek hmuk chu,i nau kha a form kha ava in hmeh ve"ka chuang rual chuan alo ti nghal a thu sawi chu a va han in perh san tak"Lucusa khan nizan a ka chhuak ru lai video kha anei ania"ka ti sap a ka lam chu alo hawi vat"A delete duh bawk silo ka rilru ahah"kalo ti leh " i nu te chu a hmuh lo tawp ang tih hlauh thawng na che ati mai mai anih chu ahrim hrim ah rilru hah hi sawi ve sek zel suh ahah lo tih ka hria thawveng"min han ti hrep a henu tak hi chu aw.












Collage chu kan thleng hma ang reng hle a lucusa nen kan subject lak ala in ang leh zel zui nen ka peihlo tak zet mi dang ho pawh chu anlo thleng zel a kan Ezra hmel chu alo la langlo "Ezra hi ka hmu khat e,kan in be khat tun lai chu bak ah" thuthleng a thu pah chuan ka ti a ,an in ah lah hian ka leng ngai bawk silo,ani pawh hi alo kal khat hle.









"Dik tak chuan Lucusa hi a mil vaklo va chumi vang mai mai chu aniang alo kal khat ni, bak ah ezra hi chu a chhuak khat ve a han leng chilh tawp te anih ngawt loh chuan mahse chhuah vah pui tur a sawm chu anuam lawi si puitei chuan alo ti vat a "tinge Lucusa chu a mil vaklo va?"en kar chung chuan kalo ti vat"Zomuanpui i dilchhut e chu leh zel ka hrelo,amah i zawt dawn ania"alo ti leh hmak tawh"mil vaklo mahse a awm lutuk ahmel rum lutuk hi aniang a mil loh"nui hauh hauh chung chuan kalo ti tha ve leh mai.












Ezra pawh alo thleng har lemlo min hmuh vel ah kan awm na lam alo pan phei nghal a, kan bul a alo thut chuan "tunlai chu i reh hle mai"kalo ti vat a"tunlai tak hi chu in a awm anuam ka tih lai tak ania"a bike chahbi vawr pah chuan ati a"in hmu khat mahila in hmu khat lo mahila hmel ngai tho alawm kan in hmuh"Puitei chuan ati a

"Thinrim na anei leh tawh ami?"Ezra chuan Puitei kuah thuak thuak chung chuan ati a"neilo neilo"ka chhang hma chuan minlo chhang khalh leh daih.





Bell arik hnu chuan kan class lam chu kan pan sup sup hlawm a keini thian pathum chu kan subject lak tur a in ang vek avang in kan in zui hnak hnak hlawm a,kan class a kan luh chuan mi pakhat chauh hi alo la awm a puitei nen chuan rang lutuk in a hnung ber kan pan nghal.






Mipa pakhat chuan ti mai ang a hming kala hre silo va"thianpa hetah lo thu rawh"tih pah chuan a hui zeuh va Ezra pawh nui suk chuan chupa lam chu a pan phei zui nghal.







"Midang ho hian kan class hi an hai hlawm aniang nichin kha chuan kan in pel sup sup kha ania"Puitei chuan ati a ,asawi zawh chiah rual chuan midang ho chu anlo lut sup sup hlawm nghal a thut na tha chang tum chuan an in nek luai luai hlawm mai tu mah han in ngaihsak chuang pawh kan awmlo Lucusa pawh athianpa ni ngei tur nen chuan a hnunglam an pan nghal zat .








"Kan tam emai kan class hi a boring hman dawnlo anihhi"ka ti chhuak sap
"A nuam viau ang"Puitei pawh chuan alo ti ve vat"thiante u engtin nge kan koh dawn che u"kan hma a thu pakhat zawk chuan nui sen sen chung chuan alo ti a,puitei zawk chuan ahming leh ka hming chu a sawi vat a,ani pawh chuan"Rspi ka nia,heihi"tih pah chuan athiannu pakhat zawk chu a kawk va mai chunu pawh chu a ngaihnat awm nghal a hmel en in"Chhanchhani"ati leh a keini chuan kanlo chibai vat "Ti hian thian ni daih ang u aw" Chhanchhani zawk chuan ati a keini pawh chuan"tehreng mai"kanlo ti vat.









Puitei chuan min ngawk deuh chhen a kalo ngaituah tha duhlo "Zomuanpui enteh saw tuai"Ezra te lam en chung chuan ati a tuai a sawi rik tak ah chuan ka hawi phei vat a Ezra te hma ah hian tuai pahnih hi anlo thu a,an hmui chu hup in an nui kar kar a, Ezra te pahnih chuan an ning hmel hle, ezra chu kan lam lo hawi in min melh rum vak ringawt kan nuih in sum chu kan pum ana vek thei.






Kei chu tuai te hi kawm an nuai hmel ka ti daih zawk a,mi pawi pawh hi an sawi khat viau ka ring tuai hi chu hmeichhia te nen hian an in kawm tam zawk a,mipa hi chuan an ngaihna ve vaklo.








Mi dang ho pawh an thut na tur teuh an thlang fel tawh hlawm a kan class chu a rik hian ari nuai nuai ani mai Rspi te thiante dun nen te chuan kan number te chu kan han in pe leh lawp lawp a,thian thar kan han nei leh nghal chu ka lawm khawp mai.







"Awi...a pa lutuk"Puitein atih chuan a en na lam chu ka hawi phei vat a,ahmasa lam deuh va thu mipa sang ve lam pang hi alo en deuh deuh va"A pa lo em saw"kalo tih sak vat "Zomuanpui a pa ka tih chuan a pa animai"min en kar chung chuan alo ti leh Chhanchhani chuan kan lam chu lo hawi vat in Puitei chu alo nuih var var mai"Puite ka u anih saw kima"atih chuan puitei chu a hmel ah phur na alang nghal,ka tawng sual tih ka hre nghal anuamlo ve det.









"Chhanchhan bialnu anei em?"atih zawm nghal zat a Chhanchhani chhang hma chuan sir leh miss hi anlo lut a,rang deuh vin kanlo ding vat a Sir te chuan an hming te an sawi a
Kan subject teacher tur te an nih hmel
Keini pawh chu in hmel hriat tir na te min neih tir vek a,a then tam zawk kha an zam lutuk avang khan an khur vel in ka hria.









Bengchheng vaklo a class a awm tur chuan min ti a an ni erawh chuan Lehkha pawimawh ho tih fel tur an la neih a vang in min chhuah san leh nghal a,an chhuah vel ah chuan"sir kha avan hmeltha tak"tih thawm ari nghal churh churh mai ,a hmeltha reng bawk ah.













Lalnunpuii chuan Chhanchhani u lam ngawt chu ala hawi cheu va a chang leh a hmuh theihloh nan ka han thu rem thin a min chum awk zel bawk si"Puite ka u chu a single"Chhanchhani chuan alo ti a Rspi chu alo nui hak hak"Hma min lak pui teh"an ti leh a a van zaklo reuh tak a hmu ve chiah a
Chhanchhani pawh chuan "tih dan tur kan ngaihtuah dawn ania"ati ve ta ringawt.






Kan class a kan awm rei tak hnu chuan
Hmel hriat te pawh kan nei ve nel nual tawh a Puitei chuan kei ai in a nei tam leh zawk tawh a chang leh a thutna atang chuan tho chhuak in ava be bawrh bawrh hlawm a kei erawh ka sawi lang tawh kha thian siam thiam mi ka ni ve hauhlo va Puitei zawk chuan min hmel hriat tir hlawm ber ani zawk.










Puitei thawh chhuah lai chuan ahmasa lam a thu te thian pali chu kalo en kar a an in chei dan atang chuan hmeichhe awm tha peihlo ve tak an nih ka ring nghal a,Lucusa te lam chu an zuk en chhuk deuh chhen a
Lucusa te thian dun erawh chuan
An phone bak an buai pui ve lo,chu mi te thian ho chuan an star anih ka ring ringawt.






Ezra te pahnih pawh chu an in mil viau mai a thian thar hming chu Daniela ani a hming pawh chu a mawi lo hran pa lemlo.








Tlar hmasa lam a thu hmeichhe pali te chuan lucusa te lam chu an zuk pan a
An bul an thleng chuan an thian zing a sang ber pakhat chuan thil enge maw hi a sawi a kan thut na a in hlat ve deuh a vang chuan an thusawi chu engmah ka hrelo Lucusa te thian dun chu lo hawi chhuak in hmeichhe pali te chu an melh ran mai,keichu ni ila an melh rual khan ka tlanchhe daih duh ngei ang.







Lucusa thianpa chuan eng thil emaw hi a sawi leh a hmeichhe pali te chu tum bar chung chuan an thut na lam an pan phei leh a chutia lucusa te lam ka en reng lai chuan Lucusa chu alo hawi phei thut a rang lutuk chuan ka ding nghal ringawt a ka hawi sawn nghal vat bawk ka awm dan chu a lak lawh in ka lai kual vek hi ani ber "Zopar i zung dawn em ni?"Rspin alo tih chuan kalo melh chhuk vat a Ka lo nui pha dui a"dawnlo e "tih leh thut ka rual.










Lalnunpuii pawh tlar hmasa lam a dawhkan ah chuan thu in a pawt a pawt reng a hmeichhe ho chuan anlo nuih pui dar dar hlawm a"Puitei leh Chhanchhani chu an mizia a in ang dawn hle mai"Rspi chuan ti in an fiamthu thawh chu alo nuih pui hak hak a,keipawh tih tur awm ta lo chu
Ka nuih a za ni hauh chuanglo chuan
Kalo khi ve suk suk ringawt a.









"Awii... thiannu in kawm ila i riang hmel lua e kanlo tia"tuai pahnih khan ka bul a ding pah hian an lo ti a,ka nui chhuak tep an mahni ka nuihzat vang nilo vin an lo tih dan deiduai chuan ka nuih an ti za tlat alawm le"lo thu ula"tih leh tawlh phei ka rual a,an ni thian pahnih pawh chu anlo thu thla ve nghal zat
Ezra te lam ka va hawi chuan Daniela nen chuan minlo nuih tet tet a ka va han vawm chawrh chak tak.










Rspi te nen kan pali chuan kan in kawm a,fiamthu pawh chu anlo duh dun ngang mai an pahnih chuan tawng hi an in chuh ani ringawt a an tawng hrim hrim te chuan min ti hlim ngawih ngawih"awii..enteh u saw lai a thu pa saw ka starte"Sawmtea zawk chuan lucusa kawk deuh zuk zuk chung chuan ati a,Rspi nen chuan in en in kan nui chhuak hak hak a,chutah Hmingtea chuan"Lalsawmte i zaklo ka star hma zawk aw"alo ti leh zet zawng Kan hmui chu hup in kan nui tlir char char an ni pahnih erawh an han in melh rum dun vel a,an in melh rum pawh a ni lehlo an in melh no ka ti zawk dawn pawh ka hrelo,karkhat vel pawh awm ho ta ila chuan thinrim na tur ka nei khat viau ang ka hrisel zawk ngawt ang.












Kan class chu duh ai in kanlo bengchheng deuh aniang sir chu lo lut in "Vawin atan chuan bang phawt mai ru,naktuk atang chuan class pangai kan la tawh anga,lehkha pawimawh tih fel tur kanla nghah si in bengchheng bawk si,in class in bengchheng ber"tih leh sir chu chhuah a rual leh nghal a
Sir Jeroma chungchang chu an sawi leh nak nak hlawm mai.










"I pawt i pawt hnem bawk a i kà te kha ana vek tawhlo maw?"Puitei ka tih chuan ka hnung ah tak chuan a beng leh awk tawh,ka hnung chu kalo tuai vut vut thung"i kut lah hi a ram si"tum bur chung chuan kalo ti hmak mai "Daniel an ni pahnih hi chu hriat thiam an ngai ania"Ezra in atih leh chuan "Malsawmsang"tih leh Puitei chuan a ban a piai sak arual a Daniela chuan alo nuih suk suk mai,Daniela chu mipa hleitling ve tawk tak ani a ,a hmel chu tha ka tih chi zawng tak ani ve reuh va.









Chhanchhani leh Rspi chu an scooty chuan an tlan chhuak hmasa a Puitei khalh a ka chuang peih tawhloh avang chuan Ezra chuan min phur dawn a Lalnunpuii chuan min ngei teh a sin"puite ka u alo kal hman silo va tumah i phurh dawnlo chuan minlo phur teh a"kan veng ami tho chuan alo ti a,kan veng ah chuan ka hmu fo mai ahming erawh kala hrelo reng reng thung"ka phur ziah tawh ang che Evenly lo chuang rawh"Puitei chuan min en raw raw chung chuan ati a, Ezra nen chuan kan lo nuih tet tet reng a,a lei chu mih chhuah khum in
A tlan chhuah pui nghal.















"Ezra ,Zopar naktuk ah kan in hmu leh dawn ania"Daniela chuan ati a kan chhang hma chuan ani pawh a tlan chhuak zui nghal a,Lucusa chu ezra bike dah na sir lawk ah chuan alo ding ve chat a nichin a hmeichhe pali ho zing a pakhat chu alo phur va bawk a,a phurh nu ber kher lah chu an zing ah awm that peihlo hmel ber ka tih nu kha alo nia,ahmel chu atha reng mai Lucusa chuan a helmet kar atang chuan rum zet hian Ezra nen chuan minlo melh kar a,a phurh nu lah chu a in tih theih hmel ropui si,Lucusa chu chak zet chuan a tlan chhuak a ka haw chhuak halh mai.
















"Lucusa chu ava hmanhmawh awm ve"ezra chuan alo ti vat a,"ahmeichhe phurh nu reraw kha aphakhar hmel si"athil sawi nen a in thu remlo zet chuan kalo ti a, Ezra chu alo nui hak mai,"kan ding na arei tawh lutuk tlan chhuak ve tawh teh"a hnung ah chum sak dut pah chuan ka ti a"Lalnunpuii zia i la ve tan tlat"ka sik nawk zawk dawn emaw ni le.










Kan in kawt a ading rual chuan a helmet chu ka lu chuan ka tauh nghal Chawrh mai chhuk pah chuan ka chal chu ka tuai vut vut a"fimkhur ta che"atih chuan "I ding thut anikha" kalo ti bak hlur mai"Sakawlhte"tih leh an in lam ah chuan atlan nghal a , ka bul hnai ah chuan lung chu awm se ka vawm chiang viau ang.











"Au Zopar kalo leng dawn"Apuiin atih chuan kan in zui lut nghal a Lucusa pawh in a thleng tawh,ka nu leh Pa Zara chu anlo la haw ve lo va Pa Zara hi company ah a thawk ve a, athawhna hming ber ka hre mailo ka nu pawh hi chu a thawhna company ah chuan a thawk ve a,a thawh theihna chhan pawh Pa Zara hian an hotu te bul ah a dil sak a an ni anlo in daih vak biklo nen ka nu chu anlo la ve ta a,an kal dun thei a,anlo haw dun thei bawk a a zia phian mai.










"Apui ka han in thlak lawk ange aw ti khan lo thu rawh"ti in Apuii chu ka room lam ah chuan ka chhoh san a Mama pawh alo haw tawh si a areh vung vung mai a room ah a tawm leh tawh anih ka ring,ka in thlak zawh hnu chuan mama room chu ka kik dawt dawt ah tumah anlo awmlo,in hnuai lam ah chuan ka chhuk leh vat a,"apui ei duh te i nei em?"abul a thut pah chuan ka ti a,a duhlo thu min hrilh vat.











"I u Rinpuia pawh hi a leng chhuak ami le?"ka tih chuan Apuii chuan"u isaka te in ah aleng"alo ti vat a,"ahrilh che ami?"ka tih leh chuan"a leng tur kha ka tawk a ka zawt"ka lo bu ngut ngut ringawt tawh.











Apui "Tutua va la lawk la"ka ti a
Apuii chu rang deuh vin a chhuak nghal Tutua ka tih hi kan thenawm nau te ani a,mi hi angaina ve a amah hi ala tawng fiah vaklo bawk nen a lawm awm tawk lek in a tawng ve thei reuh bawk si a,a chhungte pawh hian ka bul a ,a awm chuan ngaih ngam tak in an awm thei thin ve a,keipawh min ring zawh em avang chuan ka lawm ve hle.
ani mai,la in hlei leh suh se kha apui hei hi lo ei ru "tih leh figde a chocolate ho chu ka pe a,Tutua pawh chair ah chuan ka thut tir a apuii pawh a thu ve nghal tutua chuan chocolate ahmu chu kut chu a beng ve thak thak reuh va hmuh anuam ka ti tak zet.












Tutua chhaih pah chuan eirawng pawh chu ka bawl zo leh tep tawh mai
"Ka room ah thingpui leh ahmeh minlo pe teh"Lucusa chuan alo ti thawm dut a,kalo phu nasa lutuk, amah lah chu a room lam ah achho leh vut nghal Ka va han ngei mai mai tak,a duh leh hetah ei ve mai sela chhiahhlawh pawh ka nilo ka va han pe awmlo chiang tak ka thin chu arim tun mai.













Ka pek loh dan tur chu pui tak ani
Apuii chu tutua ka dah tir leh a
Lucusa pawh chuan a duh tak taklo aniang duh se chuan lo chhuk in alo ei ve mai ang min fiam kual a chak vel mai mai bak anih ka ring tawhlo,chutiang te thleng thleng ka ngaituah leh nghat phei chuan ka sa halh halh thei "Au Zopar ka haw dawn"Apuiin atih chuan chaw ei tur te chuan ka sawm ve a,a duh tlatlo'u Lucusa chu awmlo se kalo ei ang'ati deuh phet a he mihring pa hi chu tumah hian an ngaina teh chiamlo anih ber hi a.








Pangpar tui ka pek lai chuan Mama pawh alo haw ve chiah a"lehkha te kha zir tan tawhla leng mai mai lo vin"kalo ti vat"au chu i mak e,kan tan chiah a Lehkha zir tur pawh min la pe lo"pawn thuthleng a thu pah chuan ati nang nang a,"la pe lo la pe lo tih kha angailo,lo in zir lawk hrim hrim rawh" kala ti leh hram,ka phone alo rik avang chuan Mama min chhang tum pawh chu in chhung lam ah ka luh san ta daih.
















Ka nu alo ni a an office a an hotu pa birthday a chaw an ei nghal tur thu minlo hrilh a,phone chu kan dah zui leh nghal vat,Lucusa chu in chung atang chuan alo chhuk chhat chhat a,a mu tho chiah aniang a sam buk zet chu a phing deuh va t-shirt lian pui leh kekawr bul a ha a, mi chu a en deuh raw raw a,anuam ka tihloh em avang chuan pawn ah chhuah ka tum a"Nichin a ka thil sawi kha i hrelo ami?"fridge a tui in pah chuan ati a,alam ah chuan ka in her nghal zat"i zaklo emai ah i chhiahhlawh pawh ka nilo"zam na pawh ka nei tawh lo ,ahmel chu ahan siam ner vel a,ka ngei tawk a tlin thei em em bawk si "i nu vidio kan hmuh ange"tih leh sitting room lam ah chuan a phei nghal a,ka thinrim lutuk chuan "hmuh chatuan rawh min vo khanglang le"ka ti leh hram ani erawh enghelh neilo hmel zet hian tv chu on in in khel a en chhunzawm nghal daih.








Pawn ka va chhuak chu Lalrinpuia chuan game bawk chu alo khel a"Lalrinpui game ngawt hi atchilh suh"pawn hmun phiah la sawk pah chuan ka ti a "thinrim na i va hmu leh tawh animaw?"ka hmun phiah keng lai chuan ka tin hmang uk a in chhung lam ah chuan atlan lut nghal.









"I va thinrim awm sawk sawk ve"nu Mazuali chuan tutua lo pawm pah chuan ati a,nu Mazuali hi tutua nu ani
"Thinrim vak chuanglo e"tihpah chuan
Tutua chu ka la nghal vat a,ani pawh chuan minlo ban vat a" angai tawh lutuk che,kalo kal pui tawp anihhi"anu chuan alo ti vat a,Tutua chu kalo chhaih nui uar uar mai.











"Haw san rawh chaw lo ei rawh se"ka tih chuan nu Mazuali pawh chuan min hnial lemlo chuan a fapa chu a haw san a Tutua pawh chuan lo ngen buai vel kha a tumlo,in chhung ah chuan ka luh pui a,"u chaw ei dawn tep ang u"Mama chuan alo ti nghal vat,chhang pawh ka chhang lo tutua chu tv ka en tir a Mama chuan alo ti buai leh sek tawh a Tutua chuan"Au hnek hnek"ati reuh va Mama nen chuan kanlo nuih pui hawk hawk mai,he nau hi chu a cute ve chiang ani.
















"Lucusa han au rawh"ka ti a Tutua chu chair ah thut tir in chaw ei chu ka siam nghal mial mial a, Mama te pawh anlo chhuk harlo Lucusa chu chair ah chuan thu in chaw chu a ei nghal mawlh mawlh a,kei erawh kala ei theilo va Tutua chu chaw ka pe hmasa phawt a,a mah hian ei thiam tawh tho mahse chaw mal vel hi a ti bua nasa thei si a,mahni ngei hian pe ila an puar deuh zawk bawk.














Chaw ka ei ve lai chuan ka phone chu alo ri ve sek a midang ho chuan min kham san vek tawh Mama chuan Tutua alo awm thung a"Mama tunge lo call?"ka ti lang lang a"Urini"alo ti vat tho vat in ka phone chu ka va la leh te te ah Lucusa bawk chuan tul lo alo tih hmel leh kher mai,chhiat khum vak ka chak ngang mai.










Chaw ei lai chuan Rintei nen chuan kan in bia a,ka college luh na chu anuam dawn leh dawnlo tur te chu minlo zawt ve luam a,keipawn a nuam ka tih thu te chu ka hrilh a,"i zirlai te an thiam thei em?"ka tih chuan "hnailo mai angaih na pawh ka hre vak tawhlo"te alo ti mai mai a, ahahthlak thei mai si e.












Kan in biak zawh chuan chaw ei hmun vel chu ka ti fel mawlh mawlh a mama chuan minlo puih tum mahse Tutua lo awmpui tur chuan ka ti a,thleng ka sil zawh meuh chuan ka thaw huai mai ka nu te pawh lo haw in an room ah chuan in tifai tur chuan an lut zui nghal a,keipawh Tutua chu ka va dah lawk a,leng tur in min duh hle mahse Ka nu àng thawm ka hre rih peihlo em avang in ka leng ta em lo.







Ka haw leh chuan ka nu leh Pa Zara chu sitting room ah tv anlo en a"Zopar room ah in be lawk ang"ka nu chu an room lam ah chuan ka zui lut nghal a,eng thil pawimawh nge maw aw sawi atum ni.






(Chhunzawm zel tur)











Apuii chu Tutua lo kai chung chuan
Alo phei leh vat a,tutua chuan min hmuh vel ah,fiahlo tawk in"Au"min ti nghal a pawm pah chuan kalo chuk nghal mawlh mawlh,Apuii pawh alo nui hak hak mai,"Apui eirawng kan bawl pah ange aw,atlu tur vel hi lo vengla